Yahbra kati ra: Kingka Lâka Sturka, numba 38 wauhkataya ba upla nani ra yabia
1. ¿Prura ba dukiara upla nani ba dîa makabi walisa, bara yawan nahki natka ra witin nani ra ansika yabia Yahbra kati ra?
1 Prura ba wan waihla lâs saura ba, upla nani naha dukiara lukanka sât sât bri kabia sin (1 Ko. 15:26). Upla manis ba nu takan daukisa pruan nani ba anira banhwisa bara kli ai uplika nani ra kaikbia sapa. Baha mita, tasba aiska ra Kingka Lâka Sturka, numba 38, lalka “¿Prura ba wina kli buaia sip sa ki?” Yahbra kati 1 wina tâ krikbia ba sim kati lâs yua ba kat danh takbia. Naha wauhkataya yakabaia piua danh takbia taim, smalkaia warkka ra ban yus muni kabia.
2. ¿Kingka Lâka Sturka, numba 38 wauhkataya ba nahki paskan sa?
2 Wauhkataya paskanka ba. Kingka Lâka Sturka, numba 38 wauhkataya ba ai yarka ra bulkaia sip sa. Wauhkataya mawan sait ra lalka painkira bara makabi walanka takisa: ¿Man dîa lukisma, âu, apia, ban kra? Wauhkataya ba aisi kaikaia dukiara kwâkbia taim, uplika ba Baibil dîa smalki ba nu takbia ba ra naha wina dîa yamnika briaia sip ba tânka bribia. Baku sin, uplika ba kaikbia Baibil dîa smalki ba kasak lukaia sip sa. Bara wauhkataya nina sait ra makabi walanka painkira kum taki ba uplika ba kau nu takaia want kabia.
3. ¿Kingka Lâka Sturka, numba 38 ba nahki upla nani ra yabia?
3 Nahki upla nani ra yabia. Sim natka Jisas Pruan Kupia Kraukanka bara Aidrubanka Kau Tara nani dukiara paiwi ba baku daukbia. Kangrigisan almukka nani ba wibia nahki smalkbia; Lih Wainhka kati 1, naha manka ra witin nani ra wauhtaya kum ulbi blikan nahki wark takaia ba dukiara. Kangrigisan nani smalkaia pliska bri ba sirpi sa kaka, witin nani sip kabia kangrigisan wala kum lamara ba ra hilp munaia. Wauhkataya sirpi na sakaia wabia taim, nu bas wik bîla ra yus munaia dukiara baman brih wabia. Wauhkataya raya na yabi kabia piua ra, utla nani sut smalkan sa, sakuna kau wan takaskan sa kaka, upla ailal bâra pliska nani ra wih yabaia sip sa. Kingka Lâka Sturka, numba 38 ba kati lâs kainara danh takbia kaka, Yahbra kati ra dîa upla mihta ra swiaia bâra ba yus munbia. Wauhkataya nani yabi kabia katka ra pas satadika ba Baibil stadika nani tâ krikaia watlika ra naha wauhkataya upla nani ra yabaia. Bara wik tnata ra sip sa kaka La Atalaya bara ¡Despertad! ba upla mihta ra swibia. ¡Kaisa kaina manis ridi takaia naha warkka painkira daukbia ba tâ baikaia dukiara!