Kaisa smalkaia warkka mahka daukaia

Smalki taki waia aidrubanka ra wisa taim, wan muihni lakri nani kaiki aikuki aisaia brin wan daukisa. Sakuna smalki taki waia aidrubanka danh takbia wal baku, smalkaia pliska ra mahka taki waia sa, kan yawan naha warkka dauki ba aihni pali daukbia bîla kaikisa (2 Ti. 4:2). Yawan kau takaski sa kaka, smalkaia warkka wiria baman daukisa. Wan yula kahbi uplika wal sip sa sturi painkira nani aisaia upla kum ra kau smalkras ba ra. Smalkaia warkka mahka daukaia lâka alki bribia kaka, param kabia yawan ba wark tatakra sa bara Jehova bara Jisas dukia dadaukra nani sa (Ro. 12:11).