Tasba aiska ra dîa taki sturka nani ba smalkaia warkka ra yus munpi

Jisas ba smalki kan taim, baha piua ra dîa taki kan sturka nani ba yus muni, smalkanka painkira nani yabi kan (Lk 13:1-5). Upla nani Gâd Kingka lâka sturka yamni nani ba kau walan daukbia dukiara, tasba aiska ra dîa taki sturka nani ba man sin yus munaia sip sma. Lalah trabilka, tasba sauhkanka kum, blahwanka kum, druga aubaia trabilka, apia kaka diara wala dukiara wirâ aisama ningkara, uplika luki kaikbia dukiara makabi walanka kum daukaia sip sma. Naku wiaia sip sma: ¿… ba yu kum âpu kabia lukisma ki? apia kaka ¿… ba nahki tnatka ra wapnika mangkaia sip sa lukisma ki? Ningkara Baibil tikska kum baha dukiara aisi ba mariks. Uplika kau nu takaia want sa kaka, smalkaia hilpka nani tila wina lilka kum apia kaka ulbi sakanka kum mariks. Yawan upla nani kupia ra dimaia trai munisa, bara sturi yamni nani dukiara diara sut daukaia wilin sa (1Ko 9:22, 23 TNM).

¿Kangrigisankam smalki pliska ra ani sturka raya upla nani kau walaia want kabia?