Smalkaia warkka kau pain daukaia sip sa: dîa daukbia nani ba sut ulbaia sa

“Man pali wînam ba kat aman kaiki bas, bara smalkankam ba sin.” (1 Ti. 4:16.) Naha kupia kraukanka ba apastil Pal mita Timoti ra yaban ba, wan marikisa smalki tataukra raya apia kaka lankira kabia sin, smalkaia warkka natka yus muni ba kau pain dauki waia sa. Naha daukaia hilp wan munaia dukiara, kati bani Gâd Warkka Dauki Wauhkataya ra ulbanka lalka kum taki kabia nina ba “Smalkaia warkka kau pain daukaia sip sa”. Ulbanka lalka bani ra tânka painkira kum laki kaikbia, bara nahki daukaia ba hilpka kum kum marikbia. Wan kupia bukisa naha hilpka ba yus munaia kati kum bilkara. Bara kati kum lubia ningkara, Gâd Warkka Daukaia Aidrubanka ra, wali nani ba sip kabia aisaia dîa yamnika brin naha kupia kraukanka nani daukan ba wina. Naha kati ra wan kupia bukisa kau nu takan dauki uplika nina ba wauhtaya kum ra pain ulbi briaia.

¿Dîa muni daukaia sa? Wan warkka ba smalkaia baman apia sa. Upla nani Baibil wina kau nu takan dauki nani ra kli wih kaikaia sa. Baku tânka kasak mâ ba mangkan ba laiki kabia (Mt. 28:19, 20; 1 Ko. 3:6-9). Naha daukaia dukiara, uplika ra kli wih kaikbia taim, witin nani dîa aisaia want ba dukiara aisabia, bara kaina ra witin nani wal dîa aisan ba tânka kau aisabia. Baha mita, nit pali sa upla kum tânka kasak ba nu takan daukisa taim, wauhkataya kum ra ai nina pain ulbi briaia.