“¡Aima an wih kaikisna ba âpu sa!”

Ban kra yawan sin aima kum ra baku aisan kli kli upla kum kau nu takan dauki kan ba ra wih kaikan taim ai watla ra âpu sa. Kasak trai munbia sin, piu kum kum ra karna wan munisa tânka kasak mâ kum mangkan ba lî laikaia (1 Ko. 3:6). ¿Dîa daukaia sip sa? Smalki tataukra lankira kum kum, watla durka ra maisa pakanka sirpi kum swisa apia kaka wauhkataya kum ulbisa. Wala nani, uplika ra kli ai watla ra sâkbia apia lukisa mita, ai telepon numbika makabisa. Bara naku wisa: “¿Maisa pakanka kum ulbi mai blikaia sip sna ki?”. Yawan sip sa kli wih kaikan uplika kum baku kulkaia ani taim, wauhkataya kum ulban, correo electronico kum blikan, celular bâk maisa pakanka yaban, dur ra maisa pakanka kum swin, apia kaka uplika ra telepon bâk wini wal aisan kaka. Baku natka ra uplika ba ai watla ra sakras kabia sin, yawan sip sa kau nu takaia brinka bri ba pakaia.