Понуди постаро списание или некоја брошура што ќе го интересира станарот

Во месеците кога ја нудиме книгата Што учи Библијата и кога нудиме библиска студија уште при првиот разговор, добро е на станарот да му понудиме постаро списание или некоја брошура што ќе го интересира доколку тој веќе ја има книгата и не сака да ја проучува Библијата. Зошто?

Во брошурите и во постарите списанија се обработени разни навремени теми. Нешто од тие публикации можеби ќе допре до срцето на станарот. Затоа, кога се подготвуваме за служба на проповедање, добро е во својата чанта да ставиме неколку различни брошури и постари списанија. Ако немаш постари списанија, можеш да побараш од штандот за литература во собранието. Тогаш, ако станарот веќе ја има книгата Што учи Библијата и не сака библиска студија, можеш да му покажеш некое од списанијата или брошурите што ги имаш и да му понудиш да го земе она што го интересира. Потоа, договори се кога да дојдеш повторно за да можеш да го следиш неговиот интерес. Со текот на времето можеби ќе започнеш и библиска студија со тоа лице.