Трактатот Вест за Царството бр. 38 ќе го нудиме во ноември!
1. Какви прашања имаат луѓето во врска со мртвите, и што ќе има во ноември?
1 Смртта е непријател на сите луѓе, без разлика какви верувања имаат (1. Кор. 15:26). Многумина се прашуваат каде се мртвите и дали ќе ги видат повторно. Од таа причина, сите собранија во светот ќе учествуваат во една акција со трактатот Вест за Царството бр. 38, кој носи наслов „Ќе има ли воскресение?“ Оваа посебна акција ќе започне на 1 ноември и ќе трае цел месец. Откако ќе заврши акцијата, овој трактат и понатаму ќе се користи во службата на проповедање.
2. Како изгледа трактатот?
2 Како изгледа трактатот: Направен е да се превитка по должината така што на првата страница ќе биде насловот како и прашањето „Што би рекол ти... да? не? можеби?“ Кога луѓето ќе го отворат трактатот, ќе видат каков одговор дава Библијата на прашањето од првата страница, кое е наслов на трактатот, и ќе дознаат што може да значи за нив ветувањето од Божјата Реч. Освен тоа, ќе видат и од кои причини може да ѝ веруваат на Библијата. На последната страница се наоѓа интересно прашање кое ќе ги поттикне луѓето да размислуваат и да дознаат нешто повеќе.
3. Како ќе го нудиме трактатот?
3 Како ќе го нудиме: Оваа акција ќе биде слична на акциите кога се нудат покани за Спомен-свеченоста и обласниот конгрес. Старешините ќе дадат упатства како да се обработи подрачјето на собранието, во склад со писмото од 1 април 2013. Собранијата кои имаат мало подрачје може да им помогнат на собранијата во близина кои имаат поголемо подрачје. Кога ќе земаш од трактатите, имај на ум дека треба да земеш само толку колку што ќе ти треба за една седмица. Додека трае акцијата, ако се обработат сите подрачја, трактатите може да се нудат и на јавни места. Ако се потрошат сите трактати пред да заврши акцијата, треба да се користат публикациите што се на понуда тој месец. Иако првата сабота од месецот обично се трудиме да започнеме библиски студии, во ноември главна цел ќе ни биде да учествуваме во оваа акција. За време на викендите, ако е соодветно, со трактатот може да ги нудиме и списанијата. Дали уште сега правиш планови за да можеш во поголема мера да учествуваш во оваа акција?