Предлози

Како да започнеме библиски студии првата сабота во јули

„Што мислите, како гледа Бог на нашите молитви? Дали му се важни или му е сеедно дали се молиме или не?“ Почекај да одговори. Покажи му ја статијата на последната страница од Стражарска кула од 1 јули, и разгледајте го заедно текстот под првото прашање и барем еден од наведените стихови. На крајот, понуди му ги двете списанија и договорете се кога да дојдеш пак за да го разгледате следното прашање.

Стражарска кула 1 јули

„Многу луѓе сметаат дека Бог е виновен за сите лоши работи во светот затоа што не им става крај иако е Семоќен. Што мислите Вие за тоа? [Почекај да одговори, а потоа прочитај Јаков 1:13.] Ова списание објаснува зошто се случуваат лоши работи, и што ќе направи Бог за да ги отстрани страдањата и злото.“

Разбудете се! јули

„Кога-тогаш, речиси сите се соочуваме со некоја трагедија, како што е природна катастрофа, сериозна болест или смртта на некој близок. Што мислите, дали е важно да останеме позитивни дури и кога ќе се случи вакво нешто? [Почекај да одговори.] На мнозина, Библијата им помогнала да ги пребродат трагедиите во животот. [Прочитај Римјаните 15:4.] Во ова списание ќе прочитате како може Библијата и нам да ни помогне во такви тешки ситуации.“