സുഭാഷിതങ്ങൾ
14 ബുദ്ധിയുള്ള സ്‌ത്രീ തന്റെ കുടുംബം പണിയുന്നു;+
എന്നാൽ വിഡ്‌ഢിയായ സ്‌ത്രീ സ്വന്തം കൈകൊണ്ട്‌ അതു തകർത്തുകളയുന്നു.
2 നേരോടെ നടക്കുന്നവർ യഹോവയെ ഭയപ്പെടുന്നു;
എന്നാൽ വളഞ്ഞ വഴികളിലൂടെ നടക്കുന്നവർ ദൈവത്തെ നിന്ദിക്കുന്നു.
3 വിഡ്‌ഢിയുടെ വായിൽ അഹങ്കാരത്തിന്റെ വടിയുണ്ട്‌;
എന്നാൽ ബുദ്ധിമാന്മാരെ അവരുടെ വായ്‌ സംരക്ഷിക്കും.
4 കന്നുകാലികളില്ലാത്തപ്പോൾ പുൽത്തൊട്ടി വൃത്തിയായിരിക്കും;
എന്നാൽ കാളയുടെ കരുത്തു ധാരാളം വിളവ്‌ നൽകും.
6 പരിഹാസി ജ്ഞാനം തേടുന്നെങ്കിലും കണ്ടെത്തുന്നില്ല;
എന്നാൽ വകതിരിവുള്ളവൻ എളുപ്പം അറിവ്‌ നേടുന്നു.+
8 വിവേകമുള്ളവൻ ജ്ഞാനത്താൽ താൻ പോകുന്ന വഴി മനസ്സിലാക്കുന്നു;
എന്നാൽ വിഡ്‌ഢികൾ തങ്ങളുടെ വിഡ്‌ഢിത്തം നിമിത്തം കബളിപ്പിക്കപ്പെടുന്നു.*+
10 ഹൃദയത്തിനു മാത്രമേ സ്വന്തം വേദന മനസ്സിലാകൂ;
അതിന്റെ സന്തോഷത്തിൽ പങ്കുചേരാനും മറ്റാർക്കുമാകില്ല.
12 ഒരു വഴി ശരിയാണെന്നു ചിലപ്പോൾ ഒരുവനു തോന്നും;+
എന്നാൽ അതു ചെന്നെത്തുന്നതു മരണത്തിലായിരിക്കും.+
13 ചിരിക്കുമ്പോഴും ഹൃദയം വേദനിക്കുകയായിരിക്കാം;
ആഹ്ലാദം ദുഃഖത്തിൽ അവസാനിച്ചേക്കാം.
14 വഴിപിഴച്ച ഹൃദയമുള്ളവൻ തന്റെ വഴികളുടെ ഫലം കൊയ്യും;+
എന്നാൽ നല്ല മനുഷ്യൻ തന്റെ പ്രവൃത്തികളുടെ ഫലം ആസ്വദിക്കും.+
15 അനുഭവജ്ഞാനമില്ലാത്തവൻ* കേൾക്കുന്നതെല്ലാം വിശ്വസിക്കുന്നു;
എന്നാൽ വിവേകമുള്ളവൻ ഓരോ കാലടിയും ശ്രദ്ധയോടെ വെക്കുന്നു.+
16 ബുദ്ധിയുള്ള മനുഷ്യൻ ജാഗ്രതയുള്ളവൻ, അവൻ തിന്മയിൽനിന്ന്‌ മാറിനടക്കുന്നു;
എന്നാൽ വിഡ്‌ഢി അതിരു കവിഞ്ഞ ആത്മവിശ്വാസമുള്ളവനും എടുത്തുചാട്ടക്കാരനും* ആണ്‌.
17 പെട്ടെന്നു കോപിക്കുന്നവൻ വിഡ്‌ഢിത്തം കാട്ടുന്നു;+
എന്നാൽ ചിന്തിച്ച്‌ പ്രവർത്തിക്കുന്നവനെ ആളുകൾ വെറുക്കുന്നു.
18 വിഡ്‌ഢിത്തമായിരിക്കും അനുഭവജ്ഞാനമില്ലാത്തവന്റെ* അവകാശം;
എന്നാൽ വിവേകി ജ്ഞാനത്തിന്റെ കിരീടം അണിയും.+
19 ചീത്ത മനുഷ്യർ നല്ലവരുടെ മുമ്പാകെ കുമ്പിടേണ്ടിവരും;
ദുഷ്ടന്മാർ നീതിമാന്മാരുടെ വാതിൽക്കൽ വന്ന്‌ കുമ്പിടും.
21 അയൽക്കാരനെ പുച്ഛിക്കുന്നവൻ പാപം ചെയ്യുന്നു;
എന്നാൽ എളിയവനോടു കരുണ കാണിക്കുന്നവൻ സന്തുഷ്ടൻ.+
22 ദ്രോഹിക്കാൻ പദ്ധതിയിടുന്നവന്‌ അലഞ്ഞുനടക്കേണ്ടിവരും;
എന്നാൽ നന്മ ചെയ്യാൻ ആഗ്രഹമുള്ളവർക്ക്‌ അചഞ്ചലസ്‌നേഹവും വിശ്വസ്‌തതയും പകരം കിട്ടും.+
23 കഠിനാധ്വാനം ചെയ്‌താൽ പ്രയോജനം ലഭിക്കും;
എന്നാൽ വെറുതേ വാചകമടിക്കുന്നതുകൊണ്ട്‌ ദാരിദ്ര്യമേ ഉണ്ടാകൂ.+
24 ബുദ്ധിയുള്ളവരുടെ കിരീടം അവരുടെ സമ്പത്താണ്‌;
എന്നാൽ വിഡ്‌ഢികളുടെ വിഡ്‌ഢിത്തം വിഡ്‌ഢിത്തത്തിലേക്കേ നയിക്കൂ.+
26 യഹോവയോടു ഭയഭക്തിയുള്ളവൻ എല്ലാത്തിലും ദൈവത്തെ ആശ്രയിക്കും;+
അത്‌ അവന്റെ മക്കൾക്ക്‌ ഒരു സുരക്ഷിതസ്ഥാനമാണ്‌.+
27 യഹോവയോടുള്ള ഭയഭക്തി ജീവന്റെ ഉറവയാണ്‌;
അതു മരണത്തിന്റെ കുടുക്കുകളിൽനിന്ന്‌ രക്ഷിക്കുന്നു.
31 എളിയവനെ കബളിപ്പിക്കുന്നവൻ സ്രഷ്ടാവിനെ പരിഹസിക്കുന്നു;+
എന്നാൽ ദരിദ്രനോടു കരുണ കാണിക്കുന്നവൻ ദൈവത്തെ മഹത്ത്വപ്പെടുത്തുന്നു.+
32 ദുഷ്ടന്റെ ദുഷ്ടതതന്നെ അവനെ നശിപ്പിക്കും;
എന്നാൽ നീതിമാൻ തന്റെ നിഷ്‌കളങ്കതയിൽ* സുരക്ഷിതത്വം കണ്ടെത്തും.+