സങ്കീർത്തനം
ദാവീദ്‌ രചിച്ച ശ്രുതിമധുരമായ ഗാനം.
141 യഹോവേ, ഞാൻ അങ്ങയെ വിളിച്ചപേക്ഷിക്കുന്നു.+
വേഗം വന്ന്‌ എന്നെ സഹായിക്കേണമേ.+
ഞാൻ വിളിച്ചപേക്ഷിക്കുമ്പോൾ ശ്രദ്ധിക്കേണമേ.+
2 തിരുസന്നിധിയിൽ+ എന്റെ പ്രാർഥന, പ്രത്യേകം തയ്യാർ ചെയ്‌ത സുഗന്ധക്കൂട്ടുപോലെയും+
ഉയർത്തിപ്പിടിച്ച കൈകൾ, വൈകുന്നേരത്തെ ധാന്യയാഗംപോലെയും+ ആയിരിക്കട്ടെ.
3 യഹോവേ, എന്റെ വായ്‌ക്ക്‌ ഒരു കാവൽക്കാരനെ നിയമിക്കേണമേ;
എന്റെ അധരകവാടങ്ങൾക്കു കാവൽ ഏർപ്പെടുത്തേണമേ.+
4 ഞാൻ ദുഷ്ടന്മാരോടൊപ്പം നീചകാര്യങ്ങളിൽ ഉൾപ്പെടാതിരിക്കേണ്ടതിന്‌,
എന്റെ ഹൃദയം മോശമായ കാര്യങ്ങളിലേക്കു ചായാൻ സമ്മതിക്കരുതേ;+
ഞാൻ അവരുടെ വിശിഷ്ടവിഭവങ്ങൾ ആസ്വദിക്കാൻ ഇടവരരുതേ.
5 നീതിമാൻ എന്നെ അടിച്ചാൽ അത്‌ അചഞ്ചലസ്‌നേഹത്തിന്റെ തെളിവ്‌;+
അവൻ എന്നെ ശാസിച്ചാൽ അത്‌ എന്റെ തലയിൽ എണ്ണപോലെ;+
എന്റെ തല അത്‌ ഒരിക്കലും നിരസിക്കില്ല.+
അവരുടെ ദുരിതകാലത്തും ഞാൻ അവർക്കുവേണ്ടി പ്രാർഥിക്കും.
6 ജനത്തിന്റെ ന്യായാധിപന്മാരെ പാറക്കെട്ടുകളിൽനിന്ന്‌ തള്ളിയിട്ടേക്കാം;
എങ്കിലും എന്റെ വാക്കുകൾ ഹൃദ്യമായതുകൊണ്ട്‌ ജനം എന്നെ ശ്രദ്ധിക്കും.
7 ഉഴുതുമറിച്ചിട്ടിരിക്കുന്ന മണ്ണുപോലെ
ഞങ്ങളുടെ എല്ലുകൾ ശവക്കുഴിയുടെ* വായ്‌ക്കൽ ചിതറിക്കിടക്കുന്നു.
8 എങ്കിലും പരമാധികാരിയാം യഹോവേ, എന്റെ കണ്ണുകൾ അങ്ങയിലേക്കു നോക്കുന്നു.+
അങ്ങയെ ഞാൻ അഭയമാക്കിയിരിക്കുന്നു.
എന്റെ ജീവൻ എടുത്തുകളയരുതേ.*
9 അവർ എനിക്കായി ഒരുക്കിയ കെണിയുടെ വായിൽനിന്ന്‌,
ദുഷ്‌പ്രവൃത്തിക്കാരുടെ കുടുക്കുകളിൽനിന്ന്‌, എന്നെ സംരക്ഷിക്കേണമേ.