സ്വാത​ന്ത്ര്യ പ്രതിമ—നിറേ​വ​റ്റിയ വാഗ്‌ദാ​നേമാ?

“നിങ്ങളു​ടെ ക്ഷീണി​തരെ, നിങ്ങളു​ടെ ദരി​ദ്രരെ, സ്വത​ന്ത്ര​മാ​യി ശ്വസി​ക്കാൻ വെമ്പുന്ന മനുഷ്യ​ക്കൂ​ന​കളെ നിങ്ങളു​ടെ പെരു​കുന്ന തീരങ്ങ​ളെ​റി​യുന്ന മനുഷ്യ​പ്പ​രി​ഷ​കളെ ഭവനവി​ഹീ​ന​രാ​മി​വരെ അയക്കൂ കവാട​ത്തി​ന​രി​കി​ലാ​യെൻ ദീപം”

(ദ ന്യൂ കൊ​ളോ​സ്സസ്‌ എന്ന പേരിൽ എമ്മാ ലാസറസ്സ്‌ എഴുതി സ്വാത​ന്ത്ര്യ​പ്ര​തി​മ​ക്കു് സമർപ്പിച്ച ലഘുകാ​വ്യം)

അവളെ ഗർഭം ധരിച്ച​തും അവൾ ജനിച്ച​തും ഫ്രാൻസി​ലാ​യി​രു​ന്നു. പക്ഷെ രണ്ടാമത്തെ വയസ്സിൽ അവൾ ഐക്യ​നാ​ടു​ക​ളിൽ സ്ഥിരവാ​സ​മു​റ​പ്പി​ച്ചു. ഇന്നവൾക്ക്‌ നൂറു വർഷത്തി​ല​ധി​കം പ്രായ​മു​ണ്ടു്. ഈയി​ടെ​യാണ്‌ ദശലക്ഷ​ക്ക​ണ​ക്കി​നു ഡോളർ ചെലവിൽ അവളെ പുതു​മോ​ടി അണിയി​ച്ചത്‌. അവൾ ആരാണ്‌? ലോക​ത്തി​ലെ സുപ്ര​സിദ്ധ പ്രതി​മ​ക​ളിൽ ഒന്നായ സ്വാത​ന്ത്ര്യ​പ്ര​തിമ.

നൂറ്റമ്പ​ത്തൊ​ന്ന​ടി (46മീ) ഉയരമുള്ള അവൾ ലോക​ത്തി​ലെ ഏറ്റവും വലിയ പ്രതി​മ​ക​ളിൽ ഒന്നും കൂടി​യാണ്‌. തന്റെ കാഴ്‌ച​യി​ല്ലാത്ത കണ്ണുകൾകൊണ്ട്‌ നൂയോർക്ക്‌ ഉൾക്കട​ലി​നു നേരെ മിഴി​ച്ചു​നോ​ക്കി​ക്കൊണ്ട്‌ നിൽക്കുന്ന അവൾ തന്റെ പാദപീ​ഠം ഉൾപ്പെടെ 305 അടി (93. മീ) ഉയര​മെ​ത്തു​ന്നു. കഴിഞ്ഞ ഒരു നൂറു് വർഷങ്ങൾക്കു​ള്ളിൽ ദശലക്ഷ​ക്ക​ണ​ക്കിന്‌ കുടി​യേ​റ്റ​ക്കാർക്ക്‌ അവൾ ഒരു സ്വാഗ​ത​മ​രു​ളുന്ന പ്രതീ​ക​മാ​യി​ട്ടാണ്‌ ഇരുന്നി​ട്ടു​ള്ളത്‌. എന്നാൽ സ്വാത​ന്ത്ര്യ​പ്ര​തി​മ​യിൽ നിങ്ങൾക്കെ​ന്തിന്‌ താത്‌പ​ര്യം തോന്നണം? എന്തു​കൊ​ണ്ട​ന്നാൽ അതു പ്രതീ​ക​പ്പെ​ടു​ത്തു​ന്ന​തെ​ന്തോ—വിമോ​ചനം അല്ലെങ്കിൽ സ്വാത​ന്ത്ര്യം—അത്‌ ഇന്നെല്ലാ​വ​രേ​യും ബാധി​ക്കു​ന്നുണ്ട്‌. ചരി​ത്ര​ത്തി​ലെ ഈ വൈകിയ 1987 എന്ന വർഷ​മെ​ത്തി​യി​ട്ടും എല്ലാ രാജ്യ​ങ്ങ​ളി​ലും ഇനിയും സാത​ന്ത്ര്യം നിലവിൽ വന്നിട്ടില്ല. അനവധി മറ്റു രാജ്യ​ങ്ങ​ളിൽ അത്‌ ക്ഷയിച്ചു​പോ​വു​ക​യും ചെയ്യുന്നു.

ഈ പ്രതിമ നിർമ്മി​ക്കു​ന്ന​തി​നു​ണ്ടായ പ്രാരംഭ പ്രേരണ എന്തായി​രു​ന്നു? അവൾക്ക്‌ 1986 ഒര പ്രത്യേക വർഷം ആയിരി​ക്കു​ന്ന​തെ​ങ്ങനെ? അവളുടെ അവസര​ങ്ങ​ളു​ടെ “സുവർണ്ണ കവാടം” മുമ്പാ​യി​രു​ന്നത്ര സുവർണ്ണ​വും തുറന്ന​തും ആയിട്ടി​ന്നും ഇരിക്കു​ന്നു​വോ?

ഒരു വിരുന്നു വരുത്തിയ മാറ്റം

ഫ്രഞ്ച്‌ അടിമ​ത്ത​വി​രുദ്ധ സമൂഹ​ത്തി​ന്റെ പ്രസി​ഡ​ന്റായ ഇഡോർഡ്‌ ഡി. ലബോ​ലെ​യു​ടെ ക്ഷണം സ്വീക​രി​ച്ചു​കൊണ്ട്‌ ഫ്രഞ്ച്‌ പണ്ഡിതൻമാ​രു​ടെ​യും രാഷ്‌ട്ര​പ്ര​മു​ഖ​രു​ടെ​യും ഒരു സംഘം പണ്ട്‌ 1865-ൽ ഫ്രാൻസി​ലെ ഗ്ലാറ്റി​ഗനി എന്ന സ്ഥലത്ത്‌ ഒരു വിരു​ന്നിൽ പങ്കു​കൊ​ള്ളു​ക​യാ​യി​രു​ന്നു. അവർ ഐക്യ​നാ​ടു​ക​ളു​ടെ ഭരണഘ​ട​ന​യെ​യും അവിടത്തെ രാഷ്ട്രീയ പുരോ​ഗ​തി​യെ​യും ആദരി​ച്ചി​രു​ന്ന​വ​രാ​യി​രു​ന്നു. ഐക്യ​നാ​ടു​ക​ളോ​ടും ബ്രിട്ട​ണിൽ നിന്ന്‌ അവർ 1776-ൽ നേടി​യെ​ടുത്ത ഒരു നൂറു വർഷം പ്രായ​മായ അവരുടെ സ്വാത​ന്ത്ര്യ​ത്തോ​ടും ഉള്ള ആദര സൂചക​മാ​യി അമേരി​ക്കൻ ജനതക്ക്‌ ഒരു സമ്മാനം കൊടു​ത്ത​യ​ക്കാൻ ആതി​ഥേയർ അഭി​പ്രാ​യ​പ്പെട്ടു.

ഒരു ചക്രവർത്തി​യു​ടെ കീഴിൽ കഴിയുന്ന ആ തുറന്ന ചിന്താ​ഗ​തി​ക്കാ​രായ ഫ്രഞ്ചു​കാ​രു​ടെ ആന്തരം തികച്ചും നിസ്വാർത്ഥ​പ​ര​മാ​യി​രു​ന്നില്ല. സ്വാത​ന്ത്ര്യ​പ്ര​തിമ എന്ന തന്റെ പുസ്‌ത​ക​ത്തി​ത്തിൽ ചാൾസ്‌ മേഴ്‌സർ പറയു​ന്ന​തു​പോ​ലെ: “അവരുടെ സ്വന്ത രാഷ്ട്രീയ ലക്ഷ്യത്തിന്‌ ഫ്രഞ്ചു​കാ​രു​ടെ​യും അമേരി​ക്ക​ക്കാ​രു​ടെ​യും പിന്തുണ നേടു​ന്ന​തി​നുള്ള ഒരു പ്രചര​ണ​ത്തി​നാണ്‌ ആ ആശയം പ്രാതി​നി​ധ്യം വഹിച്ചത്‌. (ഫ്രാൻസിൽ) ഒരു മൂന്നാം റിപ്പബ്ലി​ക്കി​നു അടിത്ത​റ​യി​ടുക എന്നതു തന്നെ.”

മഹത്തായ ആശയങ്ങ​ളോ​ടു​കൂ​ടിയ ഒരു ശില്‌പം

ഈ അഭി​പ്രാ​യത്തെ പിന്താ​ങ്ങി​യ​വ​രിൽ ഒരാൾ കൊത്തു പണിക്കാ​ര​നായ അഗസ്റ്റെ ബാർത്തോൾഡി ആയിരു​ന്നു. ഫ്രാൻസ്‌ എന്ന മാസിക പറയുന്ന പ്രകാരം “അയാൾ തന്റെ മദ്ധ്യപൂർവ്വ​ദേശ യാത്ര​യി​ങ്കൽ പിരമി​ഡു​കൾ കണ്ട്‌ ആകൃഷ്ട​നാ​യ​തി​നെ​ത്തു​ടർന്ന്‌ ഭീമരൂ​പ​ങ്ങ​ളോട്‌ ഒരു പ്രത്യേക ആഭിമു​ഖ്യം വളർത്തി.” വലതു​ക​യ്യിൽ ദീപശി​ഖ​യു​മാ​യി നിൽക്കുന്ന നിലയങ്കി ധരിച്ച ഒരു സ്‌ത്രീ​യു​ടെ ആശയത്തിന്‌ രൂപം നൽകി​യത്‌ അദ്ദേഹം ആയിരു​ന്നു.

ഈ പദ്ധതി കാലതാ​മ​സ​ത്തിൽ ആണ്ടു കിടന്നു. കാരണം ഉയർന്നു വരുന്ന വടക്കെ അമേരി​ക്കൻ റിപ്പബ്ലി​ക്കി​ന്റെ അപദാ​ന​ങ്ങളെ അനുസ്‌മ​രി​ക്കു​ക​യെ​ന്നത്‌ ഒരു ചക്രവർത്തി വാഴുന്ന ഫ്രാൻസിൽ രാഷ്ട്രീ​യ​മാ​യി സൗകര്യം ഉള്ള കാര്യം ആയിരു​ന്നില്ല. എന്നാൽ 1871-ലെ നെപ്പോ​ളി​യൻ ചക്രവർത്തി​യു​ടെ വീഴ്‌ച​യോ​ടെ ഐക്യ​നാ​ടു​കൾക്ക്‌ ഒരു സമ്മാനം കൊടു​ക്കു​ന്ന​തി​നുള്ള ആശയം പുനരു​ജ്ജീ​വി​ക്ക​പ്പെട്ടു. ആ വർഷം ജൂലൈ മാസത്തിൽ ബാർത്തോൾഡി ഐക്യ​നാ​ടു​ക​ളി​ലേക്ക്‌ ഒരു യാത്ര നടത്തു​ക​യും ഭാവി​പ്ര​തി​മ​ക്കു​വേ​ണ്ടി​യുള്ള ഏറ്റവും അനു​യോ​ജ്യ​മായ ഇടം കണ്ടുപ​ടി​ക്കു​ക​യും ചെയ്‌തു. ന്യൂ​യോർക്ക്‌ ഉൾക്കട​ലി​ലെ ബെഡലോ ദ്വീപ്‌ എന്ന കൊച്ചു ദ്വീപാ​യി​രു​ന്നു ആ സ്ഥാനം (അതിനെ സ്വാത​ന്ത്ര്യ ദ്വീപ്‌ എന്ന്‌ വിളി​ച്ചു​വ​രു​ന്നു)

പക്ഷെ സ്വാത​ന്ത്ര്യ​ത്തി​ന്റെ ദേശം സംബന്ധിച്ച ബാർത്തോൾഡി​യു​ടെ ദർശനം യാഥാർത്ഥ്യ​വു​മാ​യി പൊരു​ത​ത്ത​പ്പെ​ട്ടില്ല. ചാൾസ്‌ മേഴ്‌സർ ഇങ്ങനെ അഭി​പ്രാ​യ​പ്പെട്ടു: “അടുത്ത​കാ​ലത്ത്‌ എല്ലാ അമേരി​ക്കൻ കറുത്ത​വർഗ്ഗ​ക്കാ​രും സ്വത​ന്ത്ര​രാ​യി പ്രഖ്യാ​പി​ക്ക​പ്പെ​ട്ടി​രു​ന്നെ​ങ്കി​ലും അവർ തുച്ഛമായ ജോലി ചെയ്‌തും ജോലി​യൊ​ന്നു​മൊ​ട്ടി​ല്ലാ​തെ​യും ഫലത്തിൽ വിദ്യാ​ഭ്യാ​സമേ ലഭിക്കാ​തെ​യും കടുത്ത ദാരി​ദ്ര​ത്തി​ന​ടി​മ​ക​ളാ​യി കഴിയു​ക​യാ​യി​രന്നു. സ്‌ത്രീ​കൾക്ക്‌ (പൊതു​വെ) വോട്ട്‌ ചെയ്യാ​നുള്ള അവകാശം പോലും ഇല്ലായി​രു​ന്നു.”

ഒരു പ്രൗഢ​ഗം​ഭീ​ര​മായ പ്രതി​മ​ക്കു​വേ​ണ്ടി​യുള്ള തന്റെ പദ്ധതി​യു​മാ​യി നിറഞ്ഞ ഉത്സാഹ​ത്തോ​ടെ ബാർത്തോൾഡി മുന്നോ​ട്ടു​പോ​യി. അത്‌ യഥാർത്ഥ​രൂ​പം പ്രാപി​ച്ച​പ്പോൾ അദ്ദേഹം തന്റെ രൂപസം​വി​ധാ​ന​ത്തിൽ ഫ്രീ​മേസൺ പ്രതീ​ക​ങ്ങ​ളും ഉൾക്കൊ​ള്ളി​ച്ചി​രി​ക്കു​ന്നു​വെന്ന്‌ വ്യക്തമാ​യി—ദീപശിഖ, ഇടതു​കൈ​യിൽ പുസ്‌തകം, തലയിൽ ഏഴു കൂർത്ത സൂചി​ക​ളോ​ടു​കൂ​ടിയ മുകുടം എന്നിവ ഉദാഹ​ര​ണ​ങ്ങ​ളാണ്‌. അദ്ദേഹം സ്വയമെ ഒരു ഫ്രീ​മേസൺ ആയതു​കൊണ്ട്‌ ഇത്‌ അത്ര ആശ്ചര്യ​കരം ആയിരു​ന്നി​ല്ല​താ​നും

ഫ്രാൻസിൽ ജനിച്ചു ഐക്യ​നാ​ടു​ക​ളിൽ വളർന്നു.

ബാർത്തോൾഡി​യു​ടെ പദ്ധതി​കൾക്ക്‌ ഫലം കാണു​ന്ന​തിന്‌ മറ്റൊരു ഫ്രഞ്ചു​കാ​ര​നെ​കൂ​ടി സംഘത്തി​ലേക്ക്‌ കൊണ്ടു​വന്നു—തന്റെ പാരീ​സി​ലെ ഈഫൽ ഗോപു​രത്തെ പ്രതി പ്രശസ്‌ത​നാ​യി​ത്തീർന്ന ഗുസ്‌തവ്‌ ഈഫലി​നെ​ത്തന്നെ. സ്വാത​ന്ത്ര്യ​വ​നി​ത​യു​ടെ നൂറ്‌ ടണ്ണോളം വരുന്ന ചെമ്പ്‌ ത്വക്കി​ന്റെ​യും നിലയ​ങ്കി​യു​ടെ​യും ഭാരം താങ്ങി നിർത്തു​ന്ന​തി​നുള്ള ഇരുമ്പ്‌ ചട്ടക്കൂട്‌ അദ്ദേഹ​മാണ്‌ രൂപകൽപ്പന ചെയ്‌തത്‌.

ലോകത്തെ പ്രബു​ദ്ധ​മാ​ക്കുന്ന സ്വാത​ന്ത്യ​പ്ര​തിമ എന്ന്‌ പ്രാരം​ഭ​ത്തിൽ വിളി​ക്ക​പ്പെട്ട ഈ പ്രതിമ 1884 ആയപ്പോ​ഴേക്ക്‌ അതിന്റെ പാരീ​സി​ലെ പണിപ്പു​ര​യിൽ പൂർണ്ണ ഉയരം പ്രാപി​ച്ചു. അതേ വർഷം ജൂലൈ 4-ാം തീയതി അത്‌ ഔപചാ​രി​ക​മാ​യി പാരീ​സി​ലെ അമേരി​ക്കൻ അംബാ​സ്സി​ഡർക്ക്‌ സമ്മാനി​ക്ക​പ്പെട്ടു.

പക്ഷെ അതിനെ ഇപ്പോൾ പുതിയ നിവാ​സ​ദേ​ശ​ത്തേക്ക്‌ എത്തി​ക്കേ​ണ്ട​തുണ്ട്‌. സ്വാത​ന്ത്ര്യ​വ​നി​ത​യും അനേക​രെ​പ്പോ​ലെ കുടി​യേ​റ്റ​ക്കാ​രി ആണ്‌. പ്രതി​മയെ ഭാഗങ്ങ​ളാ​യി ഇളക്കി​യെ​ടുത്ത്‌ 200 പെട്ടി​ക​ളി​ലാ​ക്കി ന്യൂ​യോർക്കി​ലേക്ക്‌ കപ്പൽ കയറ്റി. സ്വാത​ന്ത്ര്യ​പ്ര​തി​മയെ 1886 ഒക്ടോബർ 28-ന്‌ ബെഡ്‌ലോ ദ്വീപിൽ ഉത്‌ഘാ​ടനം ചെയ്‌തു.

പുതു​ക്കി​പ്പ​ണി​യും പുതു​മോ​ടി​യും

ആയിര​ത്തി​ത്തൊ​ള്ളാ​യി​രത്തി എൺപത്തി​നാല്‌ ആകുന്ന​തു​വ​രെ​യ്‌ക്കും ഏതാണ്ട്‌ ഒരു നൂറ്‌ വർഷം കാറ്റി​ന്റെ​യും മഴയു​ടെ​യും കൊടും​ങ്കാ​റ്റി​ന്റെ​യും പ്രഹര​മേൽക്കേ​ണ്ടി​വന്ന പ്രതി​മ​യിൽ അതിന്റെ പാടുകൾ വീണി​രു​ന്നു. അതു​കൊണ്ട്‌ അറ്റകു​റ്റ​പ​ണി​കൾ നടത്താ​നാ​യി പൊതു​ജ​ന​സ​ന്ദർശനം തൽക്കാലം തടഞ്ഞു​വച്ചു. ജൂലൈ 4, 1986-ലെ സ്വാത​ന്ത്ര്യ​ദിന ആഘോ​ഷ​ങ്ങ​ളോ​ടൊ​ന്നിച്ച്‌ അതിന്റെ വീണ്ടു​മുള്ള തുറക്കൽ ഒരേ കാലം നടത്തണ​മെ​ങ്കിൽ കേടു​പോ​ക്കൽ കൃത്യ​സ​മ​യ​ത്തു​തന്നെ തീർക്കേ​ണ്ടി​യി​രു​ന്നു.

രണ്ടുവർഷ​ക്കാ​ലം ന്യൂ​യോർക്കി​ലെ സ്വാഗ​ത​മ​രു​ളുന്ന വനിതയെ അറ്റകു​റ്റ​പ്പ​ണി​ക്കു​വേണ്ടി പടുത്തു​യർത്തിയ ചട്ടക്കൂട്‌ കൊണ്ട്‌ പൊതി​യു​ക​യും ഫ്രാൻസിൽനി​ന്നും ഐക്യ​നാ​ടു​ക​ളിൽനി​ന്നു​മുള്ള വിദഗ്‌ദ്ധ പണിക്കാർ അവൾക്ക്‌ ഒരു സമഗ്ര നവീക​ര​ണ​വും പുതു​മോ​ടി​യും നൽകു​ക​യും ചെയ്‌തു. അന്തർഭാ​ഗത്തെ പച്ചിരു​മ്പി​ന്റെ താങ്ങു​ദ​ണ്ഡു​കൾ മാറ്റി പകരം 1700 സ്റ്റീൽ ദണ്ഡുകൾ സ്ഥാപിച്ചു. ഫ്രഞ്ച്‌ ആശാരി​മാർ വളരെ ക്ലേശം സഹിച്ച്‌ 24 കാരറ്റ്‌ സ്വർണ്ണ​ഫ​ല​ക​ങ്ങ​ളു​ടെ 15 ഔൺസ്‌ (425 ഗ്രാം) പുതിയ ദീപശി​ഖ​യിൽ പതിപ്പി​ച്ചി​ട്ടുണ്ട്‌. ഇതി​ന്റെ​യർത്ഥം 17 ചതുര​ശ്ര​മീ​റ്റർ വിസ്‌തീർണ്ണം ആസകലം ചെറിയ ട്വീസ​റു​കൾ ഉപയോ​ഗിച്ച്‌ സ്വർണ്ണം പൊതി​യു​ക​യെ​ന്നാണ്‌. ഒരേ സമയത്ത്‌ രണ്ടു ചതുരശ്ര ഇഞ്ചിൽ മാത്രമേ സ്വർണ്ണ ഫലകം പതിപ്പി​ക്കാ​നാ​കു​മാ​യി​രു​ന്നു​ള്ളൂ!

ഒരോ വർഷവും ലോക​മെ​മ്പാ​ടും നിന്ന്‌ വന്നു​ചേ​രുന്ന 2 ദശലക്ഷം ആളുകൾക്കു കൂടുതൽ മെച്ചമായ പ്രവേ​ശനം നൽകു​ന്ന​തി​നു​വേണ്ട ഭേദഗ​തി​കൾ ചെയ്‌തി​ട്ടുണ്ട്‌. സന്ദർശ​കരെ സ്‌പടിക കാറിൽ അന്തർഭാ​ഗത്ത്‌ നെടുകെ മേൽപ്പോട്ട്‌ പോകുന്ന കുഴലി​ന്റെ തുഞ്ചം വരെ എത്തിക്കുന്ന 100 അടി​യോ​ളം (30 മീറ്റർ) ഉയരമുള്ള വടക്കെ അമേരി​ക്ക​യി​ലെ ഏറ്റവും ഉയരം കൂടിയ ഹൈ​ഡ്രോ​ളിക്‌ എലി​വേറ്റർ ഈ പ്രതി​മ​ക്കുണ്ട്‌. അവി​ടെ​നിന്ന്‌ അവർ സർപ്പി​ളാ​കൃ​തി​യി​ലുള്ള ഒരു നട കയറി പ്രതി​മ​യു​ടെ ശിരസ്സി​ലെ​ത്തു​ന്നു.

ഏഴു കടലു​ക​ളെ​യും ഏഴു ഭൂഖണ്ഡ​ങ്ങ​ളെ​യും ചിത്രീ​ക​രി​ക്കുന്ന കിരീ​ട​ത്തി​ലെ ഏഴുസൂ​ചി​കൾ പുന​പ്ര​തി​ഷ്‌ഠി​ക്കു​ക​യും ബലപ്പെ​ടു​ത്തു​ക​യും ചെയ്‌തി​ട്ടുണ്ട്‌. പ്രതിമ കാറ്റി​ലാ​ടി​യ​പ്പോൾ അതിന്റെ ഉയർത്തിയ വലതു കരത്തിലെ ത്വക്കിൽ സൂചി​ക​ളി​ലൊ​ന്നു തുളച്ചു​ക​യ​റാ​നി​ട​വ​ന്നതു നിമിത്തം ഒമ്പത്‌ അടി നീളം വരുന്ന ഈ സൂചി​ക​ളി​ലൊ​രെണ്ണ (2.7 മീറ്റർ) ത്തിന്റെ സ്ഥാനം മാറ്റേണ്ടി വന്നിട്ടു​ണ്ടന്ന്‌ ദ ന്യൂ​യോർക്കു് റൈംസ്‌ പറയുന്നു!

1986 ശതാബ്ദി ആഘോ​ഷ​ങ്ങൾ

സ്വാത​ന്ത്ര്യ​വ​നി​ത​യു​ടെ 100-ാം വാർഷി​കം ലോക​താ​ത്‌പ​ര്യം ഉണർത്തി​യി​രി​ക്കു​ന്ന​തെ​ന്തു​കൊണ്ട്‌? ദ സ്റ്റാച്യു ഓഫ്‌ ലിബർട്ടി—എല്ലിസ്‌ ഐലൻറ്‌ ഫൗൺഡേഷൻ ഇൻകോർപ്പ​റേ​റ്റ​ഡി​ന്റെ അദ്ധ്യക്ഷ​നായ ലീ. എ. അയക്കോക്ക ഇങ്ങനെ പ്രസ്‌താ​വി​ച്ചു: “ഈ പ്രതിമ പ്രതി​നി​ധീ​ക​രി​ക്കുന്ന സ്വാത​ന്ത്ര്യ​ത്തി​ന്റെ ആശയങ്ങൾക്ക്‌ ഒരു സാർവ്വ​ത്രി​ക​മായ അർത്ഥം ഉണ്ട്‌, ഇത്‌ ലോകം മുഴുവൻ കേൾക്കു​ക​യും കാണു​ക​യും ചെയ്യുന്ന ഒരു സംഭവം ആയിരി​ക്കും.” “സ്വാത​ന്ത്ര്യ വാരാ​ന്ത്യം 86 ന്റെ” (ജൂലൈ 3-6) ആസൂ​ത്ര​ണ​ങ്ങ​ളിൽ ലോക രാഷ്ട്ര​ത്ത​ല​വൻമാ​രെ ന്യൂ​യോർക്കി​ലേക്ക്‌ കൊണ്ടു​വ​രുന്ന ആഘോ​ഷ​ങ്ങ​ളു​ടെ ഒരു പരമ്പര​തന്നെ ഉണ്ടായി​രി​ക്കും.

ആഘോ​ഷ​ങ്ങ​ളിൽ ഒരു ബൃഹത്തായ അന്തർദേ​ശീയ നാവീക സന്നാഹ​വും നിരവധി കപ്പലു​ക​ളു​ടെ പങ്കു പറ്റലും ഉൾപ്പെ​ടു​ന്നു. അന്തർദ്ദേ​ശീയ നാവിക സന്നാഹ​ത്തി​ന്റെ ദൃശ്യം ഒരുക്കു​ന്ന​തി​നു​വേണ്ടി കുറഞ്ഞത്‌ 117 രാജ്യ​ങ്ങ​ളി​ലെ നാവിക സേനകൾക്ക്‌ ക്ഷണം നൽകി​യി​ട്ടുണ്ട്‌. ഇതിനും പുറമേ, 141 രാഷ്ട്ര​ങ്ങളെ അവരുടെ ഉയർന്ന പായ്‌മ​ര​ങ്ങ​ളോട്‌ കൂടിയ യാത്രാ​ക്ക​പ്പ​ലു​കൾ അയക്കാൻ ക്ഷണിച്ചി​ട്ടുണ്ട്‌.

ശതാബ്ദി ആഘോ​ഷ​ത്തിൽ സംഗീ​ത​വും വെടി​ക്കെ​ട്ടും ഉണ്ടായി​രി​ക്കും. തുറമു​ഖത്ത്‌ കിടക്കുന്ന 30 ബാർജ്ജ​ക​ളിൽ നിന്നായി അരങ്ങേ​റുന്ന വെടി​ക്കെ​ട്ടി​ന്റെ ദൃശ്യം സന്ധ്യാ​കാ​ശത്തെ പ്രകാ​ശ​പൂ​രി​ത​മാ​ക്കും.

സ്വാത​ന്ത്ര്യ​വ​നിത ലോക​ത്തി​ന​രു​ളുന്ന സ്വാഗ​ത​ത്തി​ന്റെ ഓർമ്മ​പ്പെ​ടു​ത്ത​ലെ​ന്ന​വണ്ണം ഐക്യ​നാ​ടു​ക​ളു​ടെ ചീഫ്‌ ജസ്റ്റിസ്‌ സമീപ​ത്തുള്ള എല്ലീസ്‌ ദ്വീപിൽ വച്ച്‌ പുതു​താ​യി 5000 പേർക്ക്‌ യു.എസ്‌. പൗരത്വം നൽകും. അതു​പോ​ലെ വേറെ ഒരു 2000 പേർ രാഷ്ട്ര​മെ​മ്പാ​ടു​മുള്ള പ്രമുഖ നഗരങ്ങ​ളിൽ പ്രതി​ജ്ഞ​യെ​ടു​ക്കു​ക​യും ചെയ്യും. ഈ സംഭവ​ങ്ങ​ളെ​ല്ലാം​തന്നെ ഉപഗ്രഹം മുഖേന കോർത്തി​ണ​ക്കു​ക​യും ചെയ്യും.

എങ്കിലും ഇതേ ആഘോ​ഷങ്ങൾ തന്നെ ചില ചോദ്യ​ങ്ങ​ളും ഉയർത്തു​ന്നു. സ്വാത​ന്ത്ര്യ​വ​നി​തക്ക്‌ അവളുടെ “സുവർണ്ണ കവാടം” മലർക്കെ തുറന്നി​ടാൻ ഇനി എത്ര നാൾ കഴിയും? അവൾക്ക്‌ ലോക​ത്തി​ലെ ‘ദരി​ദ്ര​രു​ടെ വ്യാമി​ശ്ര സംഘങ്ങളെ’ ക്ഷണിക്കു​ന്നത്‌ താങ്ങാൻ ഇപ്പോ​ഴും കഴിയു​ന്നു​ണ്ടോ?

സ്വാത​ന്ത്ര്യ​ത്തി​ന്റെ സന്ദേശ​വും യാഥാർത്ഥ്യ​വും

യു. എസ്‌. ന്യൂസ്‌ ആൻറ്‌ വേൾഡ്‌ റിപ്പോർട്ട്‌ അനുസ​രിച്ച്‌ 1886 മുതൽ ഏതാണ്ട്‌ 40 ദശലക്ഷം കുടി​യേ​റ്റ​ക്കാർ “സുവർണ്ണ കവാട”ത്തിലൂടെ കടന്നു​പോ​വു​ക​യും ഒടുവിൽ അമേരി​ക്ക​ക്കാ​രാ​യി​ത്തീ​രു​ക​യും ചെയ്യുന്നു. മിക്കവ​രും ഈ പുരോ​ഗ​മ​നോൻമു​ഖ​മായ രാജ്യത്തെ തങ്ങളുടെ സ്വന്തജീ​വി​തം ഭദ്രമാ​ക്കി​യി​ട്ടുണ്ട്‌. വെറും ഒരു ഭൗതിക കാഴ്‌ച​പ്പാ​ടിൽ നിന്നു നോക്കി​യാൽ ചിലർ ലക്ഷപ്ര​ഭു​ക്കൾ ആയതോ​ടെ സർവ്വസ്വ​വും നേടി​ക്ക​ഴി​ഞ്ഞ​തായ്‌ തോന്നും. പക്ഷെ നാണയ​ത്തിന്‌ മറ്റൊരു വശം ഉണ്ട്‌.

നിയമാ​നു​സൃ​ത കുടി​യേ​റ്റ​ക്കാ​രെ​പ്പോ​ലെ​തന്നെ ദശലക്ഷ​ങ്ങ​ളോ​ളം വരുന്ന നിയമ​വി​രുദ്ധ പരദേ​ശി​ക​ളും ഇപ്പോൾ ഉണ്ട്‌. ഈ ജനസന്നാ​ഹങ്ങൾ ഐക്യ​നാ​ടു​ക​ളി​ലേക്ക്‌ ഒഴുകു​ന്ന​തെ​ന്തു​കൊണ്ട്‌? ജോൺ ക്രുഡ്‌സൺ ദ ടാർണി​ഷ്‌ഡ്‌ ഡോർ എന്ന തന്റെ പുസ്‌ത​ക​ത്തിൽ പറയു​ന്ന​തു​പോ​ലെ: ഐക്യ​നാ​ടു​കൾ, അതിന്റെ ശക്തമായ ജനാധി​പത്യ പാരമ്പ്യ​ര്യ​ങ്ങ​ളും കിടയറ്റ സമ്പൽ സമൃദ്ധി​യും നിമിത്തം, അതിന്‌ രുചി​ച്ചാ​ലും ഇല്ലെങ്കി​ലും, രാഷ്ട്രീ​യ​മോ സാമ്പത്തി​ക​മോ ആയ പീഡയിൽ നിന്ന്‌ ഒളി​ച്ചോ​ടു​ന്ന​വർക്ക്‌ ആകർഷ​ണീ​യത ഏറി വരുന്ന ഒരു സങ്കേത​മാ​യി​രി​ക്കാൻ വിധി​ക്ക​പ്പെ​ട്ടി​രി​ക്കു​ന്നു.”

,.ഈ പരദേ​ശി​കൾ പ്രധാ​ന​മാ​യും മെക്‌സി​ക്കോ​യിൽ നിന്നും തെക്കെ അമേരി​ക്ക​യിൽ നിന്നും മദ്ധ്യ അമേരി​ക്ക​യിൽ നിന്നും വന്നു​ചേർന്നി​ട്ടു​ള്ള​വ​രാണ്‌. പക്ഷെ കേസു​ക​ളി​ലും അവർ ദാരി​ദ്ര​ത്തി​ന്റെ ഒരു രൂപത്തിൽ നിന്ന്‌ മറ്റൊ​ന്നി​ലേക്കു മാറു​ക​യാണ്‌ ചെയ്‌തി​രി​ക്കു​ന്നത്‌. നാട്ടു​കാ​രായ അമേരി​ക്ക​ക്കാർ ഒട്ടും പൊറു​ക്കു​ക​യി​ല്ലാത്ത ക്രിമി ബാധിത വീടു​ക​ളാണ്‌ പലരും പാർക്കു​ന്നത്‌. അവർ ഏറ്റവും കുറഞ്ഞ വേതനം ലഭിക്കുന്ന അത്യന്ത്യം നികൃ​ഷ്ട​മായ ജോലി​കൾ ചെയ്യുന്നു. അങ്ങനെ​യാ​ണെ​ങ്കിൽ, യു. എസ്‌. അതിർത്തി​ക​ളി​ലൂ​ടെ ഇരച്ചു​ക​യറ്റം തുടർന്നു​കൊണ്ട്‌ എന്തിനീ അവസ്ഥക​ളിൽ കഴിയു​ന്നു?

കുടി​യേ​റ്റം എന്ന തന്റെ പുസ്‌ത​ക​ത്തിൽ ലിഡിയ ആൻഡേ​ഴ്‌സൺ ആ ചോദ്യ​ത്തിന്‌ ഇങ്ങനെ ഉത്തരം നൽകുന്നു: “നിയമ വിരുദ്ധർ—മറ്റു കുടി​യേ​റ്റ​ക്കാ​രെ​പ്പോ​ലെ— വന്നു​ചേ​രു​ന്ന​തി​നു കാരണം. . .തങ്ങൾ പുറ​പ്പെ​ട്ടു​പോന്ന ലോക​ത്തെ​ക്കാൾ അമേരി​ക്ക​യി​ലെ സ്ഥിതി തന്നെയാണ്‌ ഭേദം എന്നതാണ്‌. ഐക്യ​നാ​ടു​ക​ളു​ടെ സമ്പദ്‌ വ്യവസ്ഥ​യ്‌ക്കും മൂന്നാം ലോക​രാ​ജ്യ​ങ്ങൾ, മെക്‌സി​ക്കോ, തെക്കെ അമേരിക്ക എന്നിവ​യു​ടെ സമ്പദ്‌ വ്യവസ്ഥ​യ്‌ക്കും മദ്ധ്യേ ഒരു വലിയ വിടവുണ്ട്‌...തങ്ങളുടെ മാതൃ ദേശത്ത്‌ അഥവാ തൊഴി​ലെ​ന്തെ​ങ്കി​ലും ലഭിച്ചാൽ തന്നെ —ഒരാഴ്‌ച​കൊണ്ട്‌ അവിടെ സമ്പാദി​ക്കുന്ന തുക ഇവിടെ ഒരു ദിവസം​കൊണ്ട്‌ ഉണ്ടാക്കാം.

ഒരു യു.എസ്‌. അതിർത്തി നിരീക്ഷണ ഉദ്യോ​ഗസ്ഥൻ ഇങ്ങനെ തുറന്ന​ടി​ച്ചു. “അവിടെ അവർ പട്ടണി കിടന്നു മരിക്കു​ക​യാണ്‌. (ഐക്യ​നാ​ടു​ക​ളി​ലേക്ക്‌ വരുന്ന​തി​ലൂ​ടെ) അവർക്ക്‌ നേടി​യെ​ടു​ക്കാൻ സർവ്വസ​വും ഉണ്ട്‌, നഷ്ടപ്പെ​ടാ​നോ ഒന്നു​മൊ​ട്ടി​ല്ല​താ​നും. ഒരു ദരി​ദ്ര​രാ​ജ്യ​ത്തി​ന​രി​കെ ഒരു സമ്പന്ന രാജ്യ​മാ​ണു​ള്ളത്‌. ഒരു നിയമ വിരുദ്ധ പരദേശി പ്രശ്‌ന​മാണ്‌ നിങ്ങൾക്കു​ണ്ടാ​കാൻ പോകു​ന്നത്‌.” (ദ ടാർണി​ഷ്‌ഡ്‌ ഡോർ) മറ്റുവാ​ക്കു​ക​ളിൽ ഐക്യ​നാ​ടു​ക​ളിൽ ദാരി​ദ്രം ഉണ്ടെങ്കി​ലും, അവർ എവി​ടെ​നി​ന്നു വന്നു ചേർന്നു​വോ ആ രാജ്യ​ങ്ങ​ളി​ലേ​തിൽ നിന്ന്‌ അവസ്ഥകൾ മെച്ചമാ​ണി​വി​ടെ.

ലേലം മൂലം കുടി​യേ​റ്റാ​വ​കാ​ശം

ഒരു പുതു​മോ​ടി ലഭിച്ച സ്വാത​ന്ത്ര്യ​വ​നിത ക്ഷീണി​തർക്കും, ഭവനര​ഹി​തർക്കും ദരി​ദ്രർക്കും അവളുടെ തീരങ്ങ​ളിൽ അഭയം തേടാൻ ഇപ്പോ​ഴും ക്ഷണമരു​ളി​ക്കൊണ്ട്‌ വിളങ്ങി നിൽക്കു​ന്നു—പക്ഷെ ഒരു വ്യത്യാ​സ​ത്തോ​ടു​കൂ​ടി. ഇന്ന്‌ ഐക്യ​നാ​ടു​ക​ളിൽ കുടി​യോറ്റ നയത്തി​നെ​തി​രെ ശക്തമായ ശബ്ദം ഉയർന്നു തുടങ്ങി​യി​ട്ടുണ്ട്‌. ചിലർക്ക്‌ അത്‌ അങ്ങേയറ്റം അയഞ്ഞതും മറ്റു ചിലർക്ക്‌ അതു അത്യധി​കം കർക്കശ​വും ആയി​തോ​ന്നു​ന്നു. ചില കത്തോ​ലി​ക്കാ, പ്രോ​ട്ട​സ്റ്റൻറ്‌ പുരോ​ഹി​തൻമാർ നിയമ​വി​രുദ്ധ പരദേ​ശി​കൾക്ക്‌ അഭയം നൽകു​മ്പോൾ മറ്റു സ്വരങ്ങൾ കൂടുതൽ കർക്കശ​മായ നിയ​ന്ത്ര​ണങ്ങൾ ആവിശ്യ​പ്പെ​ടു​ക​യാണ്‌. ഇങ്ങനെ സ്വാത​ന്ത്ര്യ​ത്തി​ന്റെ സ്വാഗ​ത​സ​ന്ദേശം ഏറെക്കു​റെ അവ്യക്ത ധ്വനി​യോ അപസ്വ​ര​മോ ആയിത്തീർന്നു​കൊ​ണ്ടി​രി​ക്കു​ന്നു.

ഉദാഹ​ര​ണ​ത്തിന്‌ ഹെറി​റ്റേജ്‌ ഫൗണ്ടേ​ഷന്റെ ( ഒരു യാഥാ​സ്‌തിക വാഷിം​ഗ്‌ടൻ ഡി. സി. ചിന്തക വൃന്ദം) അംഗമായ ജൂലിയൻ എൽ. സൈമൺ അടുത്ത കാലത്തു ന്യൂ​യോർക്ക്‌ റ്റൈം​സിൽ പ്രസി​ദ്ധീ​ക​രിച്ച ഒരു ലേഖന​ത്തിൽ ഒരു സമൂല പരിവർത്ത​ന​ത്തി​ന്റെ നിർദ്ദേശം മുന്നോ​ട്ടു​വച്ചു. അതിങ്ങനെ വായി​ക്കു​ന്നു: “ഒരു കുടി​യേ​റ്റ​ക്കാ​ര​നാ​യി​ത്തീ​രാ​നുള്ള അവകാശം ലേലം ചെയ്യുക” ഒരു വർഷ​ത്തേക്ക്‌ ഒരു ലോക ക്വോട്ട നിശ്ചയിച്ച്‌ അതിനു​ള്ളി​ലാ​യി ഏറ്റവും ഉയർന്ന വിളി​ക്കാർക്ക്‌ കുടി​യേറ്റ അവകാശം നൽകു​ക​യാണ്‌ വേണ്ടത്‌ എന്ന്‌ അദ്ദേഹം വാദി​ക്കു​ന്നു. സൈമൺ പറയുന്ന പ്രകാരം അവകാശം വിലക്കു വാങ്ങു​ന്ന​വർക്ക്‌ “ഇപ്പോഴെ പ്രവേ​ശി​ക്കു​ന്ന​തി​നും പണം പിന്നീട്‌ ആദായ നികു​തി​യോ​ടൊ​പ്പം അടക്കു​ന്ന​തി​നും അനുവാ​ദം നൽകണം. തുക അടക്കാൻ പരാജ​യ​പ്പെ​ട്ടാൽ നാടു​ക​ടത്തൽ ആകാം.” ഈ സമ്പ്രദാ​യം ഐക്യ​നാ​ടു​കൾക്ക്‌ അത്യന്ത്യം ഗുണക​ര​മാ​യി​രി​ക്കും കാരണം, ഉയർന്ന കച്ചവട​മൂ​ല്യ​മുള്ള വസ്‌തു​ക്കൾ ഉത്‌പാ​ദി​പ്പി​ക്കാൻ വിശേ​ഷാൽ വമ്പിച്ച വിഭവ​ശേ​ഷി​യുള്ള ആളുകളെ അത്‌ തിരി​ച്ച​റി​യി​ക്കും.

അയാളു​ടെ ഈ അഭി​പ്രാ​യം ഏതുത​ര​ക്കാ​രായ ആളുക​ളാണ്‌ സ്വാഗതം ചെയ്യുക? ജൂലിയൻ സൈമൺ തുടർന്നെ​ഴു​തു​ന്നു: “ധാരാണം പണമു​ണ്ടാ​ക്കാൻ ആർക്ക്‌ അമേരി​ക്കാ ഒരു വിസ്‌തൃ​ത​വും സമ്പന്നവു​മായ വിളനി​ല​മാ​ണോ ആ ഉന്നമ​നേ​ച്ഛു​ക്കൾക്ക്‌.” അദ്ദേഹ​ത്തി​ന്റെ പദ്ധതി നിയമ​വി​രു​ദ്ധർക്കെ​തി​രെ ഏറിയ നടപടി​കൾ ആവിശ്യ​മാ​ക്കി​ത്തീർക്കും. ഈ നയം എമ്മാ ലാസറ​സ്സി​ന്റെ പിൻ വരുന്ന വാക്കു​ക​ളോട്‌ അശേഷം പൊരു​ത്ത​പ്പെ​ടു​ന്നില്ല: “നിങ്ങളു​ടെ ദരി​ദ്രരെ, നിങ്ങളു​ടെ ക്ഷീണി​തരെ. . . നിങ്ങളു​ടെ പെരു​കുന്ന തീരങ്ങ​ളെ​റി​യുന്ന മനുഷ്യ​പ്പ​രി​ഷ​കളെ എനിക്കു തരൂ.” മറിച്ച്‌ അവിടെ സന്ദേശം ഇതാണ്‌: ‘നിങ്ങളു​ടെ ഉൽക്കർഷേ​ച്ഛ​ക്ക​ളെ​യും വിദഗ്‌ദ്ധ​രെ​യും എനിക്ക്‌ തരിക, നിങ്ങളു​ടെ ദരി​ദ്ര​രെ​യും മർദ്ദി​ത​രെ​യും നിങ്ങൾ തന്നെ വെച്ചു​കൊ​ള്ളുക’

യഥാർത്ഥ സ്വാത​ന്ത്ര്യ​ത്തി​ന്റെ ഉറവിടം

ഈ കൂട്ടമായ കുടി​യേ​റ്റ​ത്തി​ന്റെ മൂല ഹേതുക്കൾ എന്തെല്ലാ​മാണ്‌? ജോൺ ക്രൗഡ്‌സൺ ഉത്തരം നൽകു​ന്നത്‌ ഇപ്രകാ​ര​മാണ്‌: “ദാരി​ദ്രം ജനസംഖ്യ എന്നിവ​യേൽപ്പി​ക്കുന്ന സമ്മർദ്ദ​മോ അല്ലെങ്കിൽ ക്ഷാമം, രാഷ്ട്രീയ പീഡനം, ആഭ്യന്ത​ര​യു​ദ്ധം എന്നിവ സൃഷ്ടി​ക്കുന്ന അനുവാ​ര്യ​ത​യോ” ഈ പ്രശ്‌നങ്ങൾ നൂറ്റാ​ണ്ടു​ക​ളാ​യി നമ്മോ​ടൊ​പ്പം ഉണ്ടായി​രു​ന്നി​ട്ടുണ്ട്‌. ഒരു സ്ഥിരമായ പരിഹാ​ര​വു​മാ​യി യാതൊ​രു രാഷ്ട്രീയ വ്യവസ്ഥ​ക്കും മുന്നോ​ട്ടു​വ​രാൻ കഴിഞ്ഞില്ല. അതു​കൊണ്ട്‌ ചോദ്യം ഇതാണ്‌, യഥാർത്ഥ സ്വാത​ന്ത്ര്യം—ദാരി​ദ്ര​ത്തിൽനി​ന്നും പീഡന​ത്തിൽ നിന്നും രോഗ​മ​ര​ണ​ങ്ങ​ളിൽനി​ന്നു​മുള്ള സ്വാത​ന്ത്ര്യം നമുക്ക്‌ എവിടെ നിന്ന്‌ പ്രതീ​ക്ഷി​ക്കാൻ കഴിയും?

യാതൊ​രു രാജ്യ​ത്തി​നോ രാഷ്ട്രീയ തത്വശാ​സ്‌ത്ര​ത്തി​നോ മനുഷ്യ​വർഗ്ഗ​ത്തി​ന്റെ ആവശ്യ​ങ്ങൾക്ക്‌ സമ്പൂണ്ണ​മായ ഉത്തരം ഇല്ല. വിശ്വാ​സ​ത്യാ​ഗി​ക​ളായ ക്രിസ്‌ത്യാ​നി​കൾക്ക്‌ പത്രോസ്‌ ബാധക​മാ​ക്കിയ അതേ തത്വം അവർക്കും ബാധക​മാ​കു​ന്നു: “അവർ അവർക്ക്‌ സ്വാത​ന്ത്ര്യം വാഗ്‌ദാ​നം ചെയ്‌തു​കൊ​ണ്ടി​രി​ക്കെ, അവർ സ്വയമേ ദ്രവത്വ​ത്തിന്‌ അടിമ​ക​ളാ​യി​ക്ക​ഴി​യു​ന്നു.” 2 പത്രോസ്‌ 2:19) ഭോഷ്‌ക്കി​ന്റെ പിതാ​വായ സാത്താൻ ഇന്നത്തെ ലോകത്തെ അവന്റെ അധീന​ത​യിൽ അദൃശ്യ​നി​യ​ന്ത്ര​ണ​ത്തിന്‌ കീഴിൽ രാഷ്ട്രീ​യ​വാ​ഴ്‌ചകൾ അഴിമ​തി​കൊണ്ട്‌ നിറഞ്ഞി​രി​ക്കു​ന്നു. സ്വാത​ന്ത്ര്യം, സൻമാർഗ്ഗ​ബോ​ധം, ധാർമ്മി​കത എന്നിവ രാഷ്ട്രീയ കുത​ന്ത്ര​ങ്ങ​ളു​ടെ​യും സ്വാർത്ഥ നേട്ടങ്ങ​ളു​ടെ​യും ബലിപീ​ഠ​ത്തിൽ കഥാവ​ശേഷം ആക്കപ്പെ​ടു​ന്നു.—യോഹ​ന്നാൻ 8:44, 1യോഹന്നാൻ 5:19

ഇതിനു വിപരീ​ത​മാ​യി യേശു​ക്രി​സ്‌തു 1900 വർഷങ്ങൾക്കു മുമ്പ്‌ ഇങ്ങനെ പ്രസ്‌താ​വി​ച്ചി​രി​ക്കു​ന്നു: “നിങ്ങൾ സത്യം അറിയു​ക​യും സത്യം നിങ്ങളെ സ്വാത​ന്ത്ര​രാ​ക്കു​ക​യും ചെയ്യും.” ആ വാക്കുകൾ തുല്യ ശക്തി​യോ​ടെ ഇന്നും ബാധക​മാ​കു​ന്നു. പക്ഷേ ഏതു സത്യ​ത്തെ​ക്കു​റി​ച്ചാണ്‌ യേശു പരാമർശി​ച്ചത്‌? പൊന്തി​യോസ്‌ പിലാ​ത്തോ​സി​നോ​ടുള്ള തന്റെ ഉത്തരത്തിൽ ഒരു സൂചന അവൻ നൽകി: “ഞാനൊ​രു രാജാ​വാ​കു​ന്നു​വെന്ന്‌ നീ തന്നെ പറയുന്നു. ഞാൻ സത്യത്തിന്‌ സാക്ഷി​നിൽക്കേ​ണ്ടി​യി​രി​ക്കു​ന്നു, ഇതിനാ​യി ഞാൻ ജനിച്ചി​രി​ക്കു​ന്നു. ഇതിനാ​യി ഞാൻ ലോക​ത്തിൽ വന്നുമി​രി​ക്കു​ന്നു. സത്യത്തി​ന്റെ പക്ഷത്തുള്ള ഏവനും എന്റെ ശബ്ദം കേൾക്കു​ന്നു.”—യോഹ​ന്നാൻ 8:32; 18:37.

സത്യം എന്നത്‌ യേശു​ക്രി​സ്‌തു മുഖാ​ന്ത​ര​മുള്ള ദൈവ​ത്തി​ന്റെ വാഗ്‌ദത്ത ഗവൺമെൻറു​മാ​യി ബന്ധപ്പെ​ട്ടി​രി​ക്കു​ന്നു. ഒരു ദർശന​ത്തിൽ “മനുഷ്യ​പു​ത്ര​നായ” മശിഹാ ദൈവ​മു​മ്പാ​കെ വരുത്ത​പ്പെ​ട്ട​താ​യി ദാനി​യേൽ പ്രവാ​ചകൻ കണ്ടു. ബൈബിൾ ഇങ്ങനെ പറയു​ക​യും ചെയ്യുന്നു: “ജനങ്ങളും ദേശീയ സംഘങ്ങ​ളും ഭാഷക​ളും അവനെ സേവി​ക്കാൻ തക്കവണ്ണം അവന്‌ (മശിഹാ​യ്‌ക്കു) ആധിപ​ത്യ​വും മഹത്വ​വും രാജ്യ​വും നൽക​പ്പെട്ടു. അവന്റെ ആധിപ​ത്യം നീങ്ങി​പ്പോ​കാത്ത നിത്യാ​ധി​പ​ത്യം അത്രെ.”—ദാനി​യേൽ 7:13, 14

യേശു​ക്രി​സ്‌തു​വി​ലും അവന്റെ ദൈവ നിയമി​ത​മായ രാജ്യ​വാ​ഴ്‌ച​യി​ലും ആണ്‌ യഥാർത്ഥ സ്വാത​ന്ത്ര്യ​വും വിമോ​ച​ന​വും കണ്ടെത്താൻ സാധി​ക്കുക! വേഗത്തിൽ അവന്റെ നീതി​യുള്ള ഭരണം എല്ലാ പീഡന​ങ്ങൾക്കും രോഗ​ത്തി​നും മരണത്തി​നും ഇവിടെ ഭൂമി​യിൽ അറുതി വരുത്തും. തീർച്ച​യാ​യും അത്തരം സ്വാത​ന്ത്ര്യ​ത്തെ​യും വിമോ​ച​ന​ത്തെ​യും കുറിച്ച്‌ അധികം അറിയാൻ തക്ക വില അവർക്കുണ്ട്‌—മത്തായി 6:9, 10; വെളി​പ്പാട്‌ 21:3, 4

സ്വാത​ന്ത്ര്യ പ്രതി​മ​യും മൻഹാ​റ്റ​നി​ലെ അംബര ചുംബി​ക​ളും