യുവജ​നങ്ങൾ ചോദി​ക്കു​ന്നു. . .

മമ്മിയും ഡാഡി​യും എപ്പോ​ഴും കലഹി​ക്കു​ന്ന​തെ​ന്തു​കൊണ്ട്‌?

എനിക്ക്‌ എന്റെ കുടും​ബ​ത്തിൽ ധാരാളം പ്രശ്‌നങ്ങൾ ഉണ്ട്‌, എന്തു ചെയ്യണ​മെന്ന്‌ എനിക്ക്‌ അറിഞ്ഞു​കൂ​ടാ. എന്റെ ഡാഡി അദ്ദേഹ​ത്തിന്‌ ആക്രോ​ശി​ക്കാൻ കഴിയുന്ന ഓരോ ചെറിയ സംഗതി​ക്കും ആക്രോ​ശി​ക്കു​ന്നു. എന്റെ അമ്മ മററ്‌ ഓരോ ചെറിയ കാര്യ​ത്തി​നും ആക്രോ​ശി​ക്കു​ന്നു. എന്റെ ഡാഡി ജോലി​സ്ഥ​ല​ത്തു​നിന്ന്‌ വീട്ടിൽ എത്തു​മ്പോൾ ഭക്ഷിക്കാൻ ഒന്നും ലഭിക്കു​ന്നി​ല്ലെ​ങ്കിൽ അദ്ദേഹം എന്റെ അമ്മയോട്‌ ആക്രോ​ശി​ക്കാൻ തുടങ്ങു​ന്നു.—ഒരു 12-വയസ്സു​കാ​രി പെൺകു​ട്ടി.

എന്റെ മാതാ​പി​താ​ക്കൾ ഒരു വിവാ​ഹ​മോ​ചനം നടത്തു​മോ എന്നതു​സം​ബ​ന്ധിച്ച്‌ ഞാൻ വളരെ ഉത്‌ക്ക​ണ്‌ഠാ​കു​ല​നാണ്‌. തീർച്ച​യാ​യും, ഞാൻ അവരെ രണ്ടു പേരേ​യും സ്‌നേ​ഹി​ക്കു​ന്നു, എല്ലായ്‌പ്പോ​ഴും അവർ രണ്ടു പേരോ​ടും​കൂ​ടി​യാ​യി​രി​ക്കാൻ ഞാൻ ആഗ്രഹി​ക്കു​ക​യും ചെയ്യുന്നു, എന്നാൽ അവർ സാമ്പത്തിക കാര്യ​ങ്ങ​ളും മററു അനേക സംഗതി​ക​ളും സംബന്ധിച്ച്‌ കലഹി​ക്കു​ന്നു.—ഒരു 10-വയസ്സു​കാ​ര​നായ ആൺകുട്ടി.

നിങ്ങൾ മനസ്സി​ലാ​ക്കു​ന്ന​തു​പോ​ലെ, മാതാ​പി​താ​ക്കൾ പരസ്‌പരം സ്‌നേ​ഹി​ക്കാ​നും കരുതാ​നും പ്രതീ​ക്ഷി​ക്ക​പ്പെ​ടു​ന്നു. അവർ സർവജ്ഞാ​നി​ക​ളും എല്ലാം അറിയു​ന്ന​വ​രും ദയയു​ള്ള​വ​രും പരിഗ​ണ​ന​യു​ള്ള​വ​രും ആയിരി​ക്കാൻ പ്രതീ​ക്ഷി​ക്ക​പ്പെ​ടു​ന്നു. അവർ സകലത്തി​ലും​തന്നെ പൂർണ്ണ​മാ​യും യോജി​പ്പു​ള്ള​വ​രാ​യി​രി​ക്കാൻ പ്രതീ​ക്ഷി​ക്ക​പ്പെ​ടു​ന്നു. അവർക്ക്‌ നിസ്സാ​ര​മായ അഭി​പ്രാ​യ​വ്യ​ത്യാ​സ​മു​ണ്ടെ​ങ്കിൽ അവർ കാര്യങ്ങൾ ശാന്തമാ​യും സൗമ്യ​മാ​യും നിങ്ങൾ കേൾക്കാ​തെ​യും ചർച്ച ചെയ്യു​ന്ന​തിന്‌ പ്രതീ​ക്ഷി​ക്ക​പ്പെ​ടു​ന്നു. കേവലം വാഗ്വാ​ദ​ത്തി​ലേർപ്പെ​ടാൻ അവർ പ്രതീ​ക്ഷി​ക്ക​പ്പെ​ടു​ന്നില്ല.

എന്നാൽ ഒരുപക്ഷേ നിങ്ങളെ അമ്പരപ്പി​ച്ചു​കൊണ്ട്‌ മാതാ​പി​താ​ക്കൾ ചില​പ്പോൾ സംവാ​ദ​ത്തി​ലേർപ്പെ​ടു​ക​തന്നെ ചെയ്യു​ന്ന​താ​യി നിങ്ങൾ കണ്ടെത്തി​യി​ട്ടു​ണ്ടാ​യി​രി​ക്കാം—എല്ലായ്‌പ്പോ​ഴും ശാന്തമാ​യും സൗമ്യ​മാ​യും ആയിരി​ക്ക​യു​മില്ല. ഇത്‌ നിങ്ങളു​ടെ മാതാ​പി​താ​ക്ക​ളാണ്‌, അവർ ശണ്‌ഠ​യി​ടു​ന്ന​താ​യി നിങ്ങൾ കാണു​ന്നത്‌ വാക്കു​കൾക്ക്‌ പ്രകടി​പ്പി​ക്കാൻ കഴിയു​ന്ന​തി​നു​പരി ആഴത്തിൽ നിങ്ങളെ വേദനി​പ്പി​ക്കു​ന്നു. ഒരു യുവാവ്‌, തന്റെ മാതാ​പി​താ​ക്കൾ പതിവാ​യി കലഹി​ക്കു​മ്പോൾ, “ചില​പ്പോൾ എന്റെ അന്തർഭാ​ഗം കീറു​ന്ന​തു​പോ​ലെ എനിക്കു തോന്നി” എന്ന്‌ ഏററു​പ​റഞ്ഞു.

മാതാ​പി​താ​ക്കൾ കലഹി​ക്കു​ന്ന​തി​ന്റെ കാരണം

മാതാക്കൾ എല്ലായ്‌പ്പോ​ഴും ‘അവരുടെ നാവു​ക​ളിൽ സ്‌നേ​ഹ​ദ​യ​യു​ടെ പ്രമാണം’ വെക്കു​ക​യും ഒരിക്ക​ലും പരുഷ​മായ ഒരു വാക്ക്‌ ഉച്ചരി​ക്കാ​തി​രി​ക്ക​യും ചെയ്യു​ന്നു​വെ​ങ്കിൽ അത്‌ നിശ്ചയ​മാ​യും അതിശ​യ​ക​ര​മാ​യി​രി​ക്കും. (സദൃശ​വാ​ക്യ​ങ്ങൾ 31:26) പിതാക്കൾ ഒരിക്ക​ലും തങ്ങളുടെ ഭാര്യ​മാ​രോട്‌ “കഠിന​മാ​യി കോപി​ക്കു​ന്നി”ല്ലെങ്കിൽ അത്‌ കുറേ​ക്കൂ​ടെ മെച്ചമാ​യി​രി​ക്കും. (കൊ​ലോ​സ്യർ 3:19) എന്നാൽ ബൈബിൾ ഇപ്രകാ​രം പറയുന്നു: “നാമെ​ല്ലാം പലപ്പോ​ഴും തെററു​ന്നു. ആരെങ്കി​ലും വാക്കിൽ തെററു​ന്നി​ല്ലെ​ങ്കിൽ അയാൾ ഒരു പൂർണ്ണ​മ​നു​ഷ്യ​നാണ്‌.”—യാക്കോബ്‌ 3:2.

അതെ, നിങ്ങളു​ടെ മാതാ​പി​താ​ക്കൾ അപൂർണ്ണ​രാണ്‌. പൊതു​വേ, അവർ ‘സ്‌നേ​ഹ​ത്തിൽ അന്യോ​ന്യം ക്ഷമി​ച്ചേ​ക്കാം.’ (എഫേസ്യർ 4:2) എന്നാൽ ചില​പ്പോ​ഴെ​ല്ലാം അസ്വസ്ഥത ഉരുണ്ടു​കൂ​ടു​ക​യും ഒരു കലഹത്തി​ന്റെ രൂപത്തിൽ വെളി​പ്പെ​ടു​ക​യും ചെയ്യു​ന്നെ​ങ്കിൽ നിങ്ങൾ അതിശ​യി​ച്ചു​പോ​ക​രുത്‌.

ഇത്‌ “ഇടപെ​ടാൻ പ്രയാ​സ​ക​ര​മായ നിർണ്ണാ​യ​ക​സ​മ​യങ്ങൾ” ആണെന്ന കാര്യ​വും ഓർമ്മി​ക്കുക. (2 തിമൊ​ഥെ​യോസ്‌ 3:1) ഉപജീ​വ​ന​മാർഗ്ഗം തേടു​ന്ന​തി​ലുള്ള സമ്മർദ്ദങ്ങൾ, ബില്ലുകൾ അടക്കൽ, ജോലി​സ്ഥ​ലത്തെ അന്തരീ​ക്ഷ​ത്തോ​ടുള്ള പോരാ​ട്ടം—ഈ കാര്യ​ങ്ങ​ളെ​ല്ലാം ഒരു വിവാ​ഹ​ത്തിൽ ഭാരിച്ച ക്ലേശങ്ങൾ വരുത്തി​ക്കൂ​ട്ടു​ന്നു. മാതാ​പി​താ​ക്കൾ ഇരുവർക്കും ലൗകി​ക​ജോ​ലി​യു​ണ്ടെ​ങ്കിൽ പ്രത്യേക സമ്മർദ്ദ​ങ്ങ​ളും ഉണ്ട്‌. കേവലം ആർ പാചകം​ചെ​യ്യു​മെ​ന്നും ശുചീ​ക​രണം നടത്തു​മെ​ന്നും തീരു​മാ​നി​ക്കു​ന്ന​തു​തന്നെ തർക്കത്തി​നി​ട​യാ​ക്കി​ത്തീർക്കാൻ കഴിയും.

അവരുടെ കലഹം നിങ്ങളിൽ ഉളവാ​ക്കുന്ന തോന്നൽ

നിങ്ങളു​ടെ മാതാ​പി​താ​ക്കളെ സംവാ​ദ​ത്തി​ലേക്കു നയിച്ച​തെ​ന്തു​ത​ന്നെ​യാ​യി​രു​ന്നാ​ലും അവർ വാഗ്വാ​ദ​ത്തി​ലേർപ്പെ​ടു​ന്നത്‌ കേൾക്കു​ന്നത്‌ നിങ്ങളെ നശിപ്പി​ച്ചേ​ക്കാം. കുട്ടികൾ “തങ്ങളുടെ മാതാ​പി​താ​ക്കളെ ഉന്നത നിലയി​ലേക്ക്‌ ഉയർത്തു​ന്ന​തിന്‌” ചായ്‌വു​കാ​ണി​ക്കു​ന്നു​വെന്ന്‌ എഴുത്തു​കാ​രി​യായ ലിൻഡാ ബേർഡ്‌ ഫ്രാങ്കി വിശദീ​ക​രി​ക്കു​ന്നു. “ഒരു കൊച്ചു​കു​ട്ടി തന്റെ മാതാ​വൊ പിതാ​വൊ പ്രത്യേ​ക​മായ സ്വന്തം പെരു​മാ​റ​റ​രീ​തി​ക​ളും ബലഹീ​ന​ത​ക​ളും ഉള്ള ഒരു വ്യക്തി​യാ​ണെന്ന്‌ വിചാ​രി​ക്കു​ന്നില്ല, എന്നാൽ തന്നെ സേവി​ക്കു​ക​യും സംരക്ഷി​ക്കു​ക​യും ചെയ്യു​ന്ന​തി​നു​മാ​ത്ര​മാ​യി ഭൂമി​യിൽ വീണി​ട്ടുള്ള പാറ​പോ​ലെ ഉറച്ച ഒരു സ്ഥാപന​മാ​ണെന്ന്‌ വിചാ​രി​ക്കു​ന്നു.” നിങ്ങളു​ടെ മാതാ​പി​താ​ക്കൾ വഴക്കടി​ക്കു​ന്നത്‌ കാണു​ന്നത്‌ വേദനാ​ജ​ന​ക​മായ ഒരു യാഥാർത്ഥ്യം ബോധ്യ​പ്പെ​ടു​ത്തു​ന്നു: നിങ്ങളു​ടെ മാതാ​പി​താ​ക്കൾ നിങ്ങൾ വിചാ​രി​ച്ച​തു​പോ​ലെ അത്ര “പാറ​പോ​ലെ ഉറച്ച”വരല്ല. ഇതിന്‌ നിങ്ങളു​ടെ വൈകാ​രിക സുരക്ഷി​ത​ത്വ​ത്തി​ന്റെ അടിസ്ഥാ​ന​ത്തെ​ത്തന്നെ ഇളക്കു​ന്ന​തി​നും എല്ലാത്തരം ഭയവും ഉണർത്തു​ന്ന​തി​നും കഴിയും.

“ഈ അടുത്ത​കാ​ലത്തു നടത്തപ്പെട്ട കുട്ടി​ക​ളു​ടെ ദേശീയ സർവേ​യിൽ അഭിമു​ഖം​ന​ട​ത്ത​പ്പെട്ട ഹൈസ്‌കൂൾപ്രാ​യ​ത്തി​ലുള്ള കുട്ടി​ക​ളിൽ പകുതി​യി​ല​ധി​ക​വും തങ്ങളുടെ മാതാ​പി​താ​ക്കൾ വാഗ്വാ​ദ​ത്തി​ലേർപ്പെ​ടു​മ്പോൾ തങ്ങൾക്ക്‌ ഭയമു​ള​വാ​കു​ന്നു” എന്ന്‌ പറഞ്ഞതാ​യി ദി ജേണൽ ഓഫ മാര്യേജ ആൻഡ ഫാമിലി റിപ്പോർട്ടു​ചെ​യ്യു​ന്നു. സിൻഡി എന്നു പേരായ ഒരു കൊച്ചു പെൺകു​ട്ടി ഇപ്രകാ​രം വിവരി​ച്ചു: “പലപ്പോ​ഴും എന്റെ മാതാ​പി​താ​ക്കൾ വളരെ​യ​ധി​കം വാഗ്വാ​ദ​ത്തി​ലേർപ്പെ​ടു​ന്നു. ഞാൻ വളരെ ഭയപ്പെ​ടു​ക​യും കിടന്നു​റ​ങ്ങാൻ പോകു​ക​യും​ചെ​യ്യു​ന്നു. ഇത്‌ എപ്പോൾ അവസാ​നി​ക്കു​മെന്ന്‌ ഞാൻ അതിശ​യി​ക്കു​ന്നു.”

പണസം​ബ​ന്ധ​മാ​യ കലഹങ്ങൾ—വിവാഹ ഇണകൾ തമ്മിലുള്ള വാദ​പ്ര​തി​വാ​ദ​ത്തി​നുള്ള ഒരു പൊതു​വായ വിഷയം—നിങ്ങളു​ടെ കുടും​ബം സാമ്പത്തി​ക​ത്ത​കർച്ചയെ അഭിമു​ഖീ​ക​രി​ക്കു​ക​യാ​ണെന്ന ഭയം ഉളവാ​ക്കി​യേ​ക്കാം. നിങ്ങൾ കലഹത്തി​ന്റെ കേന്ദ്ര​മാ​ണെ​ങ്കിൽ (‘നിങ്ങൾ ഒരു ഉറച്ച പടി സ്വീക​രി​ക്കു​ന്നി​ല്ലെ​ങ്കിൽ അവൻ⁄അവൾ ഒരു വഷളായ കുട്ടി​യാ​യി​ത്തീ​രും!’) കലഹത്തിന്‌ എങ്ങനെ​യോ നിങ്ങളു​ടെ ഭാഗത്താണ്‌ കുററ​മെ​ന്നു​പോ​ലും നിങ്ങൾ ഭയപ്പെ​ട്ടേ​ക്കാം.

കൂടാതെ നിസ്സാ​ര​മെന്നു തോന്നുന്ന കാര്യ​ങ്ങൾക്കു​വേ​ണ്ടി​യുള്ള നിർദ്ദ​യ​മായ പോരാ​ട്ടങ്ങൾ ശല്യ​പ്പെ​ടു​ത്തു​ന്ന​വ​യാണ്‌. (‘എനിക്ക്‌ സുഖമില്ല, വീട്ടി​ലേക്കു വരാൻ ക്ഷീണമാണ്‌, ഭക്ഷണം തയ്യാറാ​യില്ല!’) അത്തരം സ്ഥിരമായ കശപിശ നിങ്ങളു​ടെ മാതാ​പി​താ​ക്കൻമാർ തമ്മിലുള്ള ആഴമായ നീരസ​ത്തിൽനിന്ന്‌ ഉടലെ​ടു​ക്കു​ന്നു. മനസ്സി​ലാ​ക്കാ​വു​ന്ന​തു​പോ​ലെ, അവർ വിവാ​ഹ​മോ​ച​ന​ക്കോ​ട​തി​യി​ലേക്ക്‌ നീങ്ങു​ക​യാ​ണെന്ന്‌ നിങ്ങൾ വ്യാകു​ല​പ്പെ​ട്ടു​തു​ട​ങ്ങി​യേ​ക്കാം. സാദ്ധ്യ​ത​യുള്ള ഒരു പൊട്ടി​ത്തെറി സംബന്ധിച്ച്‌ അസ്‌പ​ഷ്ട​മാ​യി കാണുന്ന ഭീഷണി “വീട്ടിൽ നിങ്ങളെ അസ്വസ്ഥ​രാ​ക്കു​ക​യും നിങ്ങളു​ടെ സ്‌നേ​ഹി​തരെ വീട്ടിൽ വരുത്തു​ന്ന​തി​ലെ അപകടം​വ​രു​ത്താൻ വിസമ്മ​തി​പ്പി​ക്കു​ക​യും ചെയ്‌തേ​ക്കാം.”—സാറാ ഗിൽബെർട്ടി​നാ​ലുള്ള ട്രബിൾ അററ ഹോം.

നിങ്ങളു​ടെ മാതാ​പി​താ​ക്കൾത​മ്മി​ലുള്ള കലഹങ്ങൾ വിശ്വ​സ്‌ത​ത​യു​ടെ ഹൃദയ​ഭേ​ദ​ക​മായ സംഘർഷങ്ങൾ സൃഷ്ടി​ച്ചേ​ക്കാം. ജേണൽ ഓഫ മാര്യേജ ആൻഡ ദി ഫാമിലി പറയു​ന്ന​പ്ര​കാ​രം, “മാതാ​പി​താ​ക്ക​ളിൽ ഒരാ​ളോ​ടുള്ള അടുപ്പം മറേറ​യാ​ളാ​ലുള്ള തിരസ്‌ക​ര​ണ​ത്തി​ന്റെ അപകട​സാ​ദ്ധ്യത ആനയി​ക്കു​ന്നു.” പക്ഷം പിടി​ക്കു​ന്നു എന്ന്‌ സൂചി​പ്പി​ക്കാൻ കഴിയുന്ന എന്തെങ്കി​ലും സംസാ​രി​ക്കു​ക​യൊ ചെയ്യു​ക​യൊ ചെയ്യു​ന്ന​തിന്‌ ഭയപ്പെ​ട്ടു​കൊണ്ട്‌, നിങ്ങൾ കലഹത്തി​ലേക്ക്‌ വലിച്ചി​ഴ​ക്ക​പ്പെ​ട്ടേ​ക്കു​മോ​യെന്ന ഭയത്താൽ, നിങ്ങളു​ടെ മാതാ​പി​താ​ക്ക​ളോ​ടു​കൂ​ടെ​യാ​യി​രി​ക്കു​മ്പോൾ നിങ്ങൾക്ക്‌ പരി​ഭ്രമം തോന്നി​യേ​ക്കാം.

‘അവർ വിവാ​ഹ​മോ​ച​നം​നേ​ടാൻ പോക​യാ​ണോ?’

സാദ്ധ്യ​ത​യില്ല. എല്ലാ വിവാ​ഹ​ങ്ങ​ളോ​ടും കൂടെ ഒരളവി​ലുള്ള ക്ലേശം ഉണ്ടാകു​മെന്ന്‌ ബൈബിൾ സൂചി​പ്പി​ക്കു​ന്നു. 1 കൊരി​ന്ത്യർ 7:28-ൽ, വിവാ​ഹി​ത​രാ​കു​ന്ന​വർക്ക്‌ “തങ്ങളുടെ ജഡത്തിൽ കഷ്ടം ഉണ്ടായി​രി​ക്കും,” അല്ലെങ്കിൽ “ഈ ശാരീ​രിക ജീവി​ത​ത്തിൽ വേദന​യും ദുഃഖ​വും” ഉണ്ടായി​രി​ക്കും എന്ന്‌ പൗലോസ്‌ മുന്നറി​യി​പ്പു നൽകുന്നു. (ദി ന്യൂ ഇംഗ്ലീഷ ബൈബിൾ) അതു​കൊണ്ട്‌ മാതാ​പി​താ​ക്കൾ തികച്ചും ആവേശ​ത്തോ​ടെ​യാ​യി​രു​ന്നാ​ലും വിയോ​ജി​പ്പു പ്രകട​മാ​ക്കു​ന്നു എന്ന വസ്‌തുത മാത്രം അവർ മേലാൽ സ്‌നേ​ഹി​ക്കു​ന്നി​ല്ലെ​ന്നോ ഒരു വിവാ​ഹ​മോ​ചനം ആസന്നമാ​ണെ​ന്നോ അർത്ഥമാ​ക്കു​ന്നില്ല. പരസ്‌പരം ആഴമായി കരുതുന്ന ആളുകൾ തമ്മിൽ പോലും ചില​പ്പോ​ഴൊ​ക്കെ കലഹങ്ങൾ ഉണ്ടാകാൻ കഴിയു​മെന്ന്‌ ബൈബിൾ കാണി​ക്കു​ന്നു.

അബ്രാ​ഹാ​മി​ന്റെ ഭാര്യ​യായ സാറാ, ഭാര്യ​യു​ടെ കീഴ്‌പ്പെ​ട​ലി​നുള്ള ക്രിസ്‌തീയ സ്‌ത്രീ​ക​ളു​ടെ മാതൃ​ക​യാ​യി കാണി​ക്ക​പ്പെ​ടു​ന്നു. (1 പത്രോസ്‌ 3:6) എന്നിട്ടും, ദാസി​പ്പെ​ണ്ണായ ഹാഗാ​റി​ലൂ​ടെ​യുള്ള അബ്രാ​ഹാ​മി​ന്റെ മകൻ ഇശ്‌മാ​യേൽ അബ്രാ​ഹാ​മി​ന്റെ മറേറ പുത്ര​നായ ഇസ്‌ഹാ​ക്കി​ന്റെ ക്ഷേമത്തിന്‌ ഒരു ഭീഷണി​യാ​യി​ത്തീ​രു​മെന്ന്‌ മനസ്സി​ലാ​ക്കി​യ​പ്പോൾ അവൾ തീവ്ര​മാ​യി തന്റെ വികാരം അറിയി​ച്ചു: “ഈ ദാസി​പ്പെ​ണ്ണി​നെ​യും അവളുടെ മകനെ​യും ഇറക്കി​വി​ടുക, എന്തു​കൊ​ണ്ടെ​ന്നാൽ ഈ ദാസി​പ്പെ​ണ്ണി​ന്റെ മകൻ എന്റെ മകനായ ഇസ്‌ഹാ​ക്കി​നോ​ടൊ​പ്പം ഒരു അവകാ​ശി​യാ​യി​ത്തീ​രാൻപോ​കു​ന്നില്ല!” (ഉൽപ്പത്തി 21:9, 10) വൈവാ​ഹിക സമ്മർദ്ദങ്ങൾ ആളിക്ക​ത്തി​യെ​ന്ന​തി​നു സംശയ​മില്ല! എന്നാൽ ദൂരവ്യാ​പ​ക​മായ ഹാനി​ക്കി​ട​യാ​യില്ല. യഥാർത്ഥ​ത്തിൽ ദൈവ​ത്തി​ന്റെ പ്രേര​ണ​പ്ര​കാ​രം അബ്രാ​ഹാം അവളുടെ അപേക്ഷ​യ​നു​സ​രിച്ച്‌ പ്രവർത്തി​ച്ചു!

അപ്പോൾ വളരെ സാധ്യ​ത​യ​നു​സ​രിച്ച്‌, നിങ്ങളു​ടെ മാതാ​പി​താ​ക്ക​ളു​ടെ അഭി​പ്രാ​യ​വ്യ​ത്യാ​സങ്ങൾ അവരേ​ക്കാൾ നിങ്ങൾക്കാണ്‌ വളരെ​യ​ധി​കം പ്രാധാ​ന്യ​മർഹി​ക്കു​ന്നത്‌. ചെറു​പ്പ​ക്കാ​രി​യായ മാർഗ​റ​ററ്‌, “പോരാ​ട്ടം മതിയാ​ക്കൂ!” എന്നു പറഞ്ഞ്‌ കരഞ്ഞു​കൊണ്ട്‌ തന്റെ മാതാ​പി​താ​ക്ക​ളു​ടെ ലഹളയിൽ ഇടപെ​ടാൻ ശ്രമി​ച്ച​പ്പോൾ, “ഞങ്ങൾ കേവലം ന്യായ​വാ​ദം ചെയ്യു​ക​യാ​ണ​ല്ലോ” എന്ന്‌ അവർ പറഞ്ഞു.

അതു​കൊണ്ട്‌ മിക്ക ഗാർഹി​ക​വ​ഴ​ക്കു​ക​ളും ഹ്രസ്വ​കാ​ല​ത്തേക്കു മാത്രം നിലനിൽക്കു​ന്ന​തും പെട്ടെന്ന്‌ വിസ്‌മ​രി​ക്ക​പ്പെ​ടു​ന്ന​തും ആകുന്നു—പ്രത്യേ​കിച്ച്‌ നിങ്ങളു​ടെ മാതാ​പി​താ​ക്കൾ ദൈവ​ഭ​യ​മു​ള്ള​വ​രും “അന്യോ​ന്യം ദയയു​ള്ള​വ​രും മൃദു​ലാ​നു​ക​മ്പ​യു​ള്ള​വ​രും ദൈവം ക്രിസ്‌തു​മു​ഖാ​ന്തരം സൗജന്യ​മാ​യി നിങ്ങ​ളോട്‌ ക്ഷമിച്ച​തു​പോ​ലെ​തന്നെ പരസ്‌പരം സൗജന്യ​മാ​യി ക്ഷമിക്കു​ന്ന​വ​രു​മാ​യി​ത്തീ​രുക” എന്ന ബുദ്ധി​യു​പ​ദേശം ബാധക​മാ​ക്കു​ന്ന​വ​രും ആണെങ്കിൽ. (എഫേസ്യർ 4:32) ഉവ്വ്‌, നല്ല സാധ്യ​ത​യ​നു​സ​രിച്ച്‌ നിങ്ങളു​ടെ മാതാ​പി​താ​ക്കൾ നിങ്ങളിൽനി​ന്നുള്ള യാതൊ​രു സഹായ​വും കൂടാ​തെ​തന്നെ അവരുടെ വിഷമ​തകൾ പരിഹ​രി​ക്കും.

“ആദ്യം അവർ തർക്കി​ക്കു​ന്നു, പിന്നീട്‌ അവർ പ്രഹരി​ക്കു​ന്നു”

എന്നിരു​ന്നാ​ലും എല്ലാ വൈവാ​ഹിക ശത്രു​ത​ക​ളും അത്ര എളുപ്പ​ത്തിൽ പരിഹ​രി​ക്ക​പ്പെ​ടു​ന്നില്ല. ഐക്യ​നാ​ടു​ക​ളി​ലെ ഏതാണ്ട്‌ 2,000 കുടും​ബ​ങ്ങ​ളിൽ നടത്തിയ ഏഴു വർഷത്തെ പഠനം, “ഐക്യ​നാ​ടു​ക​ളി​ലെ ആറു ദമ്പതി​ക​ളിൽ ഒന്നുവീ​തം ഓരോ വർഷവും അവന്റെ അല്ലെങ്കിൽ അവളുടെ ഇണയോട്‌ ഒരു അക്രമ​പ്ര​വൃ​ത്തി​യെ​ങ്കി​ലും ചെയ്യു​ന്നുണ്ട്‌ എന്ന്‌ വെളി​പ്പെ​ടു​ത്തി. . . . ഏററവും സാദ്ധ്യ​ത​യ​നു​സ​രിച്ച്‌ അത ഗണനീ​യ​മാ​യി കുറഞ്ഞ കണക്കാണ.” ഒരു കൗമാ​ര​ക്കാ​ര​നായ ആൺകുട്ടി തന്റെ മാതാ​പി​താ​ക്ക​ളു​ടെ കലഹ​ത്തെ​പ്പ​ററി ഇപ്രകാ​രം ചുരു​ക്കി​പ്പ​റഞ്ഞു: “ആദ്യം അവർ തർക്കി​ക്കു​ന്നു, പിന്നീട്‌ അവർ പ്രഹരി​ക്കു​ന്നു.”

നിങ്ങളു​ടെ ഭവനത്തിൽ വാസ്‌ത​വ​മ​താ​ണെ​ങ്കിൽ നിശ്ചയ​മാ​യും നിങ്ങളു​ടെ മാതാ​പി​താ​ക്ക​ളു​ടെ വിവാ​ഹ​ത്തിൽ ഗൗരവ​മായ പ്രശ്‌നങ്ങൾ ഉണ്ട്‌. നിങ്ങളു​ടെ ശാരീ​രിക സുരക്ഷി​ത​ത്വ​ത്തി​നു​പോ​ലും—അല്ലെങ്കിൽ നിങ്ങളു​ടെ മാതാ​പി​താ​ക്ക​ളു​ടേ​തിന്‌—യഥാർത്ഥ ഭീഷണി​യു​ണ്ടാ​യി​രു​ന്നേ​ക്കാം. ചെറു​പ്പ​ക്കാ​രി​യായ മരിയാ​യു​ടെ മാതാവ്‌ അവളുടെ മത്തനായ പിതാ​വി​നോട്‌ ക്രമമാ​യി ശണ്‌ഠ​കൂ​ടി​യി​രു​ന്നു. മരിയാ ഇപ്രകാ​രം ഓർമ്മി​ക്കു​ന്നു: “ഞാൻ ഭയാകു​ല​യാ​യി​രു​ന്നു. അദ്ദേഹം എന്റെ അമ്മയെ ഉപദ്ര​വി​ക്കാൻ പോക​യാ​യി​രു​ന്നു, അല്ലെങ്കിൽ അവർ അദ്ദേഹത്തെ ഉപദ്ര​വി​ക്കു​മാ​യി​രു​ന്നു എന്ന്‌ ഞാൻ വിചാ​രി​ച്ചു.”

കൂടാതെ, ശാരീ​രി​ക​മായ ആക്രമ​ണ​ത്തി​ന്റെ പ്രകട​നങ്ങൾ ഒഴിവാ​ക്കു​ന്ന​വ​രെ​ങ്കി​ലും വാഗ്രൂ​പ​ത്തിൽ, “പകയോ​ടു​കൂ​ടിയ പാരു​ഷ്യ​വും കോപ​വും അമർഷ​വും ആക്രോ​ശ​വും അസഭ്യ​സം​സാ​ര​വും” കൊണ്ട്‌ പരസ്‌പരം ആക്രമി​ക്കുന്ന മാതാ​പി​താ​ക്ക​ളെ​സം​ബ​ന്ധി​ച്ചും ഗൗരവ​മായ ഉൽക്കണ്‌ഠക്ക്‌ അവകാ​ശ​മുണ്ട്‌. (എഫേസ്യർ 4:31) അതു​പോ​ലെ, ലൈം​ഗിക അതൃപ്‌തി​യൊ അവിശ്വ​സ്‌തത പോലു​മൊ സൂചി​പ്പി​ക്കുന്ന വാക്കു​തർക്കങ്ങൾ നടത്തുന്ന മാതാ​പി​താ​ക്കൾ ഗൗരവ​മായ വൈവാ​ഹി​ക​പ്ര​ശ്‌നങ്ങൾ സ്ഥിതി​ചെ​യ്യു​ന്നു​ണ്ടാ​യി​രി​ക്കാ​മെന്ന​തിന്‌ വ്യക്തമായ സൂചനകൾ നൽകുന്നു.

ചില കുടും​ബ​ങ്ങൾക്ക്‌ മദ്യാ​സക്തി അല്ലെങ്കിൽ മയക്കു​മ​രു​ന്നു​ദു​രു​പ​യോ​ഗം പോലുള്ള സംഘട്ട​ന​ത്തി​ന്റെ പ്രത്യേക ഉറവി​ട​ങ്ങൾപോ​ലു​മു​ണ്ടാ​യി​രി​ക്കാം. അല്ലെങ്കിൽ മാതാ​പി​താ​ക്ക​ളിൽ ഒരാൾ ഒരു ക്രിസ്‌ത്യാ​നി​യും മറെറ​യാൾ ഒരു അവിശ്വാ​സി​യു​മാ​യി​രി​ക്കാം. അത്തരത്തി​ലുള്ള സാഹച​ര്യം കുടും​ബ​ത്തിൽ “ഛിദ്രം ഉണ്ടാക്കും” എന്ന്‌ യേശു​ക്രി​സ്‌തു പ്രവചി​ച്ചു. ഗൗരവ​മായ വൈവാ​ഹിക സമ്മർദ്ദം ഉണ്ടാ​യേ​ക്കാം.—മത്തായി 10:35.

നിങ്ങളു​ടെ മാതാ​പി​താ​ക്ക​ളു​ടെ വിവാഹം യഥാർത്ഥ​ത്തിൽ അപകട​ത്തി​ലാ​ണെന്ന്‌ തോന്നു​ന്നെ​ങ്കിൽ നിങ്ങൾ എന്തു ചെയ്യും? നിസ്സഹാ​യ​നാ​യി നോക്കി​നിൽക്കു​ന്ന​ത​ല്ലാ​തെ നിങ്ങൾക്ക്‌ എന്തെങ്കി​ലും ചെയ്യാൻ കഴിയു​മോ? ഒരു ഭാവി ലേഖന​ത്തി​ന്റെ വിഷയം ഇതായി​രി​ക്കും. (g89 11⁄22)

[17-ാം പേജിലെ ചിത്രം]

വൈവാഹിക കോപാ​വേ​ശങ്ങൾ കൗമാ​ര​പ്രാ​യ​ക്കാർക്ക്‌ ദുഃഖ​മു​ള​വാ​ക്കു​ന്ന​താ​യി തെളി​യു​ന്നു

[18-ാം പേജിലെ ചിത്രം]

ബൈബിൾ തത്വങ്ങ​ളു​ടെ ബാധക​മാ​ക്കൽ സമാധാ​നം പുനഃ​സ്ഥാ​പി​ക്കു​ന്നു