അവർ ഏതു സ​ന്ദേ​ശ​മാണ്‌ കേൾക്കു​ന്നത്‌?

ഏതു തരം ലോക​ത്തിൽ ജീവി​ക്കാൻ നിങ്ങൾ ആഗ്രഹി​ക്കും? നിങ്ങളു​ടെ മക്കൾക്ക്‌ ഏതു തരം ഭാവി നിങ്ങളാ​ഗ്ര​ഹി​ക്കു​ന്നു? നിങ്ങൾക്ക്‌ പൂർണ്ണാ​രോ​ഗ്യ​മു​ണ്ടാ​യി​രി​ക്കാ​നും മരിക്കാ​തി​രി​ക്കാ​നും കഴിയു​മെ​ങ്കിൽ നിങ്ങൾ അത്‌ തെര​ഞ്ഞെ​ടു​ക്കു​മോ?

ഈ ചോദ്യ​ങ്ങൾക്ക്‌ നിങ്ങൾ എങ്ങനെ ഉത്തരം​പ​റ​യും? മതമോ രാഷ്‌ട്രീയ പശ്ചാത്ത​ല​മോ എന്തായി​രു​ന്നാ​ലും മിക്കയാ​ളു​ക​ളും സമാധാ​ന​വും സമൃദ്ധി​യു​മുള്ള ഒരു ലോക​ത്തിൽ ജീവി​ക്കാൻ ആഗ്രഹി​ക്കും. പൂർണ്ണ​നീ​തി​യും യോജി​പ്പും ഉണ്ടായി​രി​ക്കു​ന്ന​തും അഴിമ​തി​യി​ല്ലാ​ത്ത​തും മേലേ​ക്കി​ട​യി​ലു​ള്ള​വർക്ക്‌ ഒരു നിയമ​വും ദരി​ദ്രർക്ക്‌ മറെറാ​രു നിയമ​വും ഇല്ലാത്ത​തു​മായ ഒരു ലോകത്തെ അവർ സ്വാഗ​തം​ചെ​യ്യും.

നിങ്ങളു​ടെ മക്കൾക്ക്‌ സമൃദ്ധ​മാ​യി ആഹാര​വും ഉല്ലാസ​പ്ര​ദ​മായ ഭവനവും നല്ല വിദ്യാ​ഭ്യാ​സ​വും ഉണ്ടായി​രി​ക്കാൻ നിങ്ങളാ​ഗ്ര​ഹി​ക്കു​മെ​ന്നു​ള്ള​തിന്‌ സംശയ​മില്ല. മററു​വാ​ക്കു​ക​ളിൽ പറഞ്ഞാൽ, നിങ്ങൾക്കും നിങ്ങളു​ടെ സന്താന​ങ്ങൾക്കും ഒരു സ്ഥിരത​യുള്ള ഭാവിക്ക്‌ ഉറപ്പു​വ​രു​ത്താൻ നിങ്ങളാ​ഗ്ര​ഹി​ക്കും. അവസരം നൽക​പ്പെ​ടു​ക​യാ​ണെ​ങ്കിൽ, പൂർണ്ണാ​രോ​ഗ്യ​മു​ണ്ടാ​യി​രി​ക്കു​ന്ന​തി​നും നിങ്ങളു​ടെ മുഴു അഭിലാ​ഷ​ങ്ങ​ളും അഭീഷ്ട​ങ്ങ​ളും നിറ​വേ​റ​റ​ത്ത​ക്ക​വണ്ണം ദീർഘ​മാ​യി ജീവി​ച്ചി​രി​ക്കു​ന്ന​തി​നും ഒരു സമാധാ​ന​പൂർണ്ണ​മായ പറുദീ​സാ​ഭൂ​മി​യിൽ നിത്യ​ജീ​വൻ ആസ്വദി​ക്കു​ന്ന​തി​നു​പോ​ലും നിങ്ങൾ ഇഷ്ടപ്പെ​ടും.

ഇതെല്ലാം അസാദ്ധ്യ​മായ ഒരു സ്വപ്‌നമല്ല. കിഴക്കൻ യൂറോ​പ്പി​ലെ രാജ്യ​ങ്ങ​ളുൾപ്പെടെ ഭൂവ്യാ​പ​ക​മായ യഹോ​വ​യു​ടെ സാക്ഷികൾ പ്രസം​ഗി​ക്കുന്ന ബൈബിൾസ​ന്ദേ​ശ​മി​താണ്‌.

ഭാവി​യി​ലേ​ക്കുള്ള ബൈബി​ളി​ന്റെ പ്രാ​യോ​ഗിക പ്രത്യാശ

അനേകം നൂററാ​ണ്ടു​കൾക്കു​മുമ്പ്‌ രേഖ​പ്പെ​ടു​ത്ത​പ്പെട്ട ബൈബി​ളി​ലെ വിശ്വ​സ​നീ​യ​മായ പ്രവച​നങ്ങൾ നമ്മുടെ 20-ാംനൂ​റ​റാ​ണ്ടി​ലെ സംഭവ​ങ്ങളെ, നമ്മുടെ ‘യുദ്ധങ്ങ​ളെ​യും യുദ്ധ​ശ്രു​തി​ക​ളെ​യും,’ നമ്മുടെ ഭൂകമ്പ​ങ്ങ​ളെ​യും, അവിട​വി​ടെ​യുള്ള ഭക്ഷ്യദൗർല​ഭ്യ​ങ്ങ​ളെ​യും, ‘ഭൂമി​യിൽ ഉണ്ടാകാ​നി​രി​ക്കുന്ന സംഭവ​ങ്ങ​ളെ​ക്കു​റി​ച്ചുള്ള ഭയത്താ​ലും പ്രതീ​ക്ഷ​യാ​ലും മനുഷ്യർ മോഹാ​ല​സ്യ​പ്പെ​ടവേ പോം​വ​ഴി​യ​റി​യാത്ത നമ്മുടെ ജനതക​ളു​ടെ മനോ​വേദന’യെയും, നമ്മുടെ ‘ഭൂമി​യു​ടെ നശിപ്പി​ക്ക​ലി​നെ​യും മലിനീ​ക​ര​ണ​ത്തെ​യും’ മുൻകൂ​ട്ടി​പ്പ​റഞ്ഞു.—ലൂക്കോസ്‌ 21:10-33; വെളി​പ്പാട്‌ 11:18.

എന്നിരു​ന്നാ​ലും ഈ സംഭവ​ങ്ങ​ളും മററ​നേകം സംഭവ​ങ്ങ​ളും വാഗ്‌ദ​ത്തം​ചെ​യ്യ​പ്പെട്ട ദൈവ​ത്തി​ന്റെ പുതിയ ലോക​വും സമീപി​ച്ചി​രി​ക്കു​ന്നു​വെ​ന്ന​തി​ന്റെ തീർച്ച​യായ അടയാ​ള​മാണ്‌. ഇതിൽ “പുതിയ ആകാശ​ങ്ങ​ളും ഒരു പുതിയ ഭൂമി​യും,” അതായത്‌, ഒരു പുതിയ ലോക​ഭ​ര​ണാ​ധി​പ​ത്യം—ഒരു സ്വർഗ്ഗീ​യ​ഗ​വൺമെൻറും ‘നീതി വസിക്കേണ്ട രൂപാ​ന്ത​രം​ഭ​വിച്ച ഒരു മനുഷ്യ​സ​മു​ദാ​യ​വും—ഉൾപ്പെ​ട്ടി​രി​ക്കു​ന്നു. അതിന്റെ അർത്ഥം ‘വേദന​യോ മരണമോ വിലാ​പ​മോ മേലാൽ ഇല്ലാത്ത’ ഒരു പുതിയ ലോക​മെ​ന്നാണ്‌.—യെശയ്യാവ്‌ 65:17-25; 2 പത്രോസ്‌ 3:13; വെളി​പ്പാട്‌ 21:1-4.

പ്രസ്‌പ​ഷ്ട​മാ​യി, എത്ര ആത്മാർത്ഥ​ത​യും മനഃസാ​ക്ഷി​ബോ​ധ​വു​മു​ള്ള​താ​യി​രു​ന്നാ​ലും, യാതൊ​രു രാഷ്‌ട്രീ​യ​വ്യ​വ​സ്ഥി​തി​ക്കും അങ്ങനെ​യുള്ള ഒരു പരിപാ​ടി നടപ്പി​ലാ​ക്കാൻ കഴിക​യില്ല. അഖിലാ​ണ്ഡ​പ​ര​മാ​ധി​കാ​രി​യാം കർത്താ​വായ യഹോ​വ​യാം ദൈവ​ത്തി​നു​മാ​ത്രമേ ഇതു സാധി​ക്കു​ന്ന​തി​നുള്ള ഇച്ഛാശ​ക്തി​യും കഴിവു​മു​ള്ളു. ആ കാരണ​ത്താൽ അവന്റെ പുത്ര​നായ യേശു​ക്രി​സ്‌തു “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ. നിന്റെ രാജ്യം വരേണമേ. നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ” എന്ന്‌ പ്രാർത്ഥി​ക്കാൻ തന്റെ അനുഗാ​മി​കളെ പഠിപ്പി​ച്ചു.—മത്തായി 6:9, 10.

ഭൂമി സമാധാ​ന​പ്രേ​മി​ക​ളായ മനുഷ്യ​കു​ടും​ബം നിവസി​ക്കുന്ന, പ്രപഞ്ച​ത്തി​ലെ തിളങ്ങുന്ന ഒരു രത്‌ന​മാ​യി​രി​ക്ക​ണ​മെ​ന്നു​ള്ള​താണ്‌ ദൈവ​ത്തി​ന്റെ ഇഷ്‌ടം. അത്‌ കൈവ​രു​ത്തു​ന്ന​തിന്‌ താമസി​യാ​തെ ദൈവം നടപടി സ്വീക​രി​ക്കും. അത്‌ സകല പ്രദൂ​ഷ​ണ​ത്തെ​യും പ്രദൂ​ഷ​ക​രെ​യും നീക്കി ഭൂമിയെ ശുദ്ധീ​ക​രി​ക്കാ​നുള്ള ഒരു നടപടി​യാ​യി​രി​ക്കും. ഭൗതി​ക​മാ​യാ​ലും ധാർമ്മി​ക​മാ​യാ​ലും സകല മലിനീ​ക​ര​ണ​വും ഭൂമി​യിൽ നിന്ന്‌ നീക്കം​ചെ​യ്യ​പ്പെ​ടും. ആർ ശേഷി​ക്കും? യേശു പറഞ്ഞു: “സൗമ്യ​പ്ര​കൃ​ത​മു​ള്ളവർ സന്തുഷ്‌ട​രാ​കു​ന്നു, എന്തു​കൊ​ണ്ടെ​ന്നാൽ അവർ ഭൂമിയെ അവകാ​ശ​മാ​ക്കും.”—മത്തായി 5:5; വെളി​പ്പാട്‌ 16:14-16.

നിങ്ങൾ ദൈവാ​നു​ഗ്രഹം ലഭിക്കുന്ന സൗമ്യ​പ്ര​കൃ​ത​രിൽ ഉൾപ്പെ​ടാൻ ആഗ്രഹി​ക്കു​ന്നു​വോ? എങ്കിൽ, നിങ്ങളു​ടെ പരിസ​ര​ത്തുള്ള യഹോ​വ​യു​ടെ സാക്ഷി​കളെ സമീപിച്ച്‌ യാതൊ​രു കടപ്പാ​ടും കൂടാതെ ഒരു സൗജന്യ ഭവന​ബൈ​ബി​ള​ദ്ധ്യ​യ​ന​ത്തിന്‌ അപേക്ഷി​ക്കുക. “നല്ലതും സ്വീകാ​ര്യ​വും പൂർണ്ണ​വു​മായ ദൈ​വേഷ്ടം” നിങ്ങൾക്കാ​യി ഉറപ്പു​വ​രു​ത്തുക. അനന്തരം അത്‌ ചെയ്യുക.—റോമർ 12:2. (g91 1⁄8)