ഊഷ്‌മ​ള​മായ വിവാ​ഹ​ബ​ന്ധു​ത്വം ആസ്വദി​ക്കു​ക

പ്രാരംഭ ലേഖന​ത്തിൽ പരാമർശി​ക്ക​പ്പെട്ട ഖിന്നയായ മരുമകൾ ഫുജി​ക്കോ അവസാനം തന്റെ ഭർത്താ​വി​നെ അയാളു​ടെ മാതാ​പി​താ​ക്ക​ളു​ടെ അപ്പാർട്ടു​മെൻറി​ന്റെ അടുത്തുള്ള ഒരു ഭവനത്തി​ലേക്ക്‌ മാറു​ന്ന​തിന്‌ പ്രേരി​പ്പി​ച്ചു. എന്നാൽ കാര്യങ്ങൾ അധിക​മൊ​ന്നും മെച്ച​പ്പെ​ട്ടില്ല. അവളുടെ അമ്മാവി​യ​മ്മ​യു​ടെ​യും അമ്മാവി​യ​പ്പ​ന്റെ​യും ഇടപെ​ട​ലു​കൾ തുടർന്നു​കൊ​ണ്ടി​രു​ന്നു, അവളുടെ മനഃ​ക്ലേശം തങ്ങിനിൽക്കു​ക​യും ചെയ്‌തു. അപ്പോൾ ഒരു ദിവസം ഒരു അപരി​ചി​തൻ അവളെ സമീപി​ച്ചു.

ഈ സന്ദർശനം ഫുജി​ക്കോ​യിൽ മാററം​വന്ന ഒരു വ്യക്തി​ത്വ​ത്തി​നി​ട​യാ​ക്കിയ ഒരു ഗതി തുടങ്ങു​ന്ന​തി​നി​ട​യാ​ക്കി, അത്‌ മററു​ള്ള​വ​രോ​ടുള്ള അവളുടെ ബന്ധത്തെ മെച്ച​പ്പെ​ടു​ത്തു​ക​യും ചെയ്‌തു. അവൾ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിക്കാൻ തുടങ്ങി. ക്രമേണ അവളുടെ അമ്മാവി​യപ്പൻ ‘അവളുടെ വ്യക്തി​ത്വ​ത്തെ ഇത്രയ​ധി​കം വ്യത്യാ​സ​പ്പെ​ടു​ത്തിയ മതം ഏതു തരത്തി​ലു​ള്ള​താണ്‌’ എന്ന്‌ സ്വയം കാണാൻ അദ്ധ്യയ​ന​ങ്ങ​ളിൽ ഹാജരാ​കു​ന്ന​തിന്‌ ആഗ്രഹി​ച്ചു.

പുതിയ ബന്ധത്തെ തിരി​ച്ച​റി​യു​ന്നു

ബൈബിൾ തിരു​വെ​ഴു​ത്തു​പ​ര​മായ വിവാ​ഹ​ക്ര​മീ​ക​രണം സംബന്ധിച്ച്‌ ഒരു വ്യക്തമായ ചിത്രം പ്രദാ​നം​ചെ​യ്യു​ന്നു. ദൈവം ആദ്യ മാനുഷ ഇണകളെ സൃഷ്ടി​ക്കു​ക​യും അവരെ ഒരുമി​പ്പി​ക്കു​ക​യും ചെയ്‌ത​ശേഷം അവൻ താഴെ പറയുന്ന തത്വം സ്ഥാപിച്ചു: “ഒരു മനുഷ്യൻ തന്റെ അപ്പനെ​യും അമ്മയെ​യും വിട്ട്‌ തന്റെ ഭാര്യ​യോട്‌ പററി​ച്ചേ​രും, ഇരുവ​രും ഒരു ജഡമാ​യി​ത്തീ​രു​ക​യും ചെയ്യും.” (ഉൽപ്പത്തി 2:24) അതു​കൊണ്ട്‌ പുതിയ ഇണകൾ തങ്ങൾ ഒരു പുതിയ ബന്ധത്തിൽ പ്രവേ​ശി​ച്ചി​രി​ക്കു​ന്നു​വെന്ന്‌ തിരി​ച്ച​റി​യണം. അവർ തങ്ങളുടെ വിവാ​ഹ​ബ​ന്ധു​ക്ക​ളോ​ടു​കൂ​ടെ വസിച്ചാ​ലും അവർ ഒരു സ്വതന്ത്ര യൂണി​ററ്‌ എന്ന നിലയിൽ പരസ്‌പരം പററി​ച്ചേർന്നി​രി​ക്കണം.

എന്നിരു​ന്നാ​ലും, അപ്പനെ​യും അമ്മയെ​യും വിടുന്നു എന്നതി​നാൽ മക്കൾ വിവാ​ഹി​ത​രാ​കു​മ്പോൾ അവർക്ക്‌ തങ്ങളുടെ മാതാ​പി​താ​ക്കൾക്ക്‌ പുറം​തി​രി​ഞ്ഞു​ക​ള​യാ​മെ​ന്നും മേലാൽ അവർ തങ്ങളുടെ മാതാ​പി​താ​ക്കളെ ബഹുമാ​നി​ക്കു​ക​യും ആദരി​ക്ക​യും ചെയ്യേണ്ട ആവശ്യ​മില്ല എന്നും അർത്ഥമില്ല. “നിന്റെ അമ്മ വൃദ്ധയാ​യി​രി​ക്കു​ന്നു എന്നതു​കൊ​ണ്ടു​മാ​ത്രം അവളെ വെറു​ക്ക​രുത്‌” എന്ന്‌ ബൈബിൾ അനുശാ​സി​ക്കു​ന്നു. (സദൃശ​വാ​ക്യ​ങ്ങൾ 23:22) എന്നാൽ വിവാ​ഹ​ത്തോ​ടെ ബന്ധങ്ങളിൽ ഒരു ക്രമീ​ക​രണം വരു​ത്തേ​ണ്ട​തുണ്ട്‌. കുടും​ബ​ത്തി​ലെ ഓരോ അംഗവും ഇത്‌ നന്നായി ഓർമ്മ​യിൽ വെക്കു​ന്നെ​ങ്കിൽ യുവദ​മ്പ​തി​കൾക്ക്‌ മാതാ​പി​താ​ക്ക​ളു​ടെ അനുഭ​വ​പ​രി​ച​യ​ത്തിൽനി​ന്നും ജ്ഞാനത്തിൽനി​ന്നും പ്രയോ​ജനം അനുഭ​വി​ക്കാൻ കഴിയും.

അപ്പോ​സ്‌ത​ല​നാ​യ പൗലോസ്‌ തന്റെ മിഷന​റി​യാ​ത്ര​ക​ളിൽ കൊണ്ടു​പോ​യി​രുന്ന ആദരണീ​യ​നായ തിമൊ​ഥെ​യോസ്‌ അവന്റെ യഹൂദ മാതാ​വാ​യി​രുന്ന യൂനീ​ക്ക​യാൽ വളർത്ത​പ്പെ​ട്ടി​രു​ന്നു. എന്നിരു​ന്നാ​ലും തെളി​വ​നു​സ​രിച്ച്‌ അവന്റെ വല്യമ്മ ലോവീ​സി​നും അവന്റെ ജീവിതം കരുപ്പി​ടി​പ്പി​ക്കു​ന്ന​തിൽ ഒരു കൈയു​ണ്ടാ​യി​രു​ന്നു. (2 തിമൊ​ഥെ​യോസ്‌ 1:5; 3:15) വല്യമ്മ​മാർക്ക്‌ ശിശു​പ​രി​ശീ​ല​ന​ത്തിൽ ഇടപെ​ടു​ന്ന​തി​നും മാതാ​പി​താ​ക്ക​ളു​ടേ​തിൽനിന്ന്‌ വ്യത്യ​സ്‌ത​മായ നിലവാ​രങ്ങൾ ഏർപ്പെ​ടു​ത്തു​ന്ന​തി​നും അവകാ​ശ​മു​ണ്ടെന്ന്‌ പറയു​കയല്ല. കുട്ടി​കളെ പരിശീ​ലി​പ്പി​ക്കു​ന്ന​തിൽ പ്രായ​ക്കൂ​ടു​ത​ലുള്ള തലമു​റക്ക്‌ യുവത​ല​മു​റയെ സഹായി​ക്കാൻ കഴിയുന്ന ഒരു ഉചിത​മായ വിധമുണ്ട്‌.—തീത്തോസ്‌ 2:3-5.

“യഥാർത്ഥ ജ്ഞാനി​യായ സ്‌ത്രീ”

രണ്ടു തലമു​റകൾ ശിശു​പ​രി​ശീ​ല​നം​പോ​ലുള്ള ഒരു വൈകാ​രി​ക​പ്ര​ശ്‌ന​ത്തിൽ സഹകരി​ക്ക​ണ​മെ​ങ്കിൽ രണ്ടു കൂട്ടരും ജ്ഞാനപൂർവം പ്രവർത്തി​ക്കണം. “യഥാർത്ഥ ജ്ഞാനമുള്ള സ്‌ത്രീ തന്റെ വീടു പണിതി​രി​ക്കു​ന്നു,” ബൈബിൾ സദൃശ​വാ​ക്യം പറയുന്നു, “എന്നാൽ ഭോഷ​ത്വ​മു​ള്ളവൾ അവളുടെ സ്വന്തം കൈകൾകൊണ്ട്‌ അത്‌ പൊളി​ച്ചു​ക​ള​യു​ന്നു.” (സദൃശ​വാ​ക്യ​ങ്ങൾ 14:1) ഒരു സ്‌ത്രീക്ക്‌ തന്റെ വീടു​പ​ണി​യാൻ കഴിയു​ന്ന​തെ​ങ്ങ​നെ​യാണ്‌? റേറാ​മി​ക്കൊ​യെ തന്റെ മരുമ​ക​ളായ ഫുജി​ക്കൊ​യു​മാ​യുള്ള ബന്ധം നന്നാക്കാൻ സഹായി​ച്ചത്‌ ആശയവി​നി​മ​യ​മാ​യി​രു​ന്നു എന്ന്‌ അവൾ പറയുന്നു. “രഹസ്യ സംസാ​ര​മി​ല്ലാ​ത്ത​ടത്ത്‌ ആസൂ​ത്ര​ണങ്ങൾ വിഫല​മാ​കു​ന്നു” എന്ന്‌ ബൈബിൾ ബുദ്ധി​യു​പ​ദേ​ശി​ക്കു​ന്നു.—സദൃശ​വാ​ക്യ​ങ്ങൾ 15:22.

ആശയവി​നി​മ​യ​ത്തി​ന്റെ അർത്ഥം മററു​ള്ള​വ​രു​ടെ വികാ​ര​ങ്ങ​ളോട്‌ പരിഗ​ണ​ന​യി​ല്ലാ​തെ നിങ്ങളു​ടെ മനസ്സി​ലു​ള്ള​തെ​ല്ലാം വിളമ്പു​ക​യെന്നല്ല. ഇവി​ടെ​യാണ്‌ ജ്ഞാനം രംഗ​പ്ര​വേ​ശം​ചെ​യ്യു​ന്നത്‌. മററു​ള്ള​വർക്കു പറയാ​നു​ള്ളത്‌ “ജ്ഞാനി​യായ ഒരുവൻ ശ്രദ്ധി​ക്കും.” ചില​പ്പോൾ വിവാ​ഹം​മൂ​ല​മു​ണ്ടായ നിങ്ങളു​ടെ ബന്ധുവിന്‌ ചിലതു പറയാ​നു​ണ്ടാ​യി​രി​ക്കാം, എന്നാൽ അവർ അതു വെളി​പ്പെ​ടു​ത്താൻ മടിക്കു​ന്നു. വിവേ​ച​ന​യു​ള്ള​വ​രാ​യി​രി​ക്കു​ക​യും ‘അവരുടെ വിചാ​രങ്ങൾ കോരി​യെ​ടു​ക്കുക’യും ചെയ്യുക. പിന്നീട്‌ നിങ്ങൾ സംസാ​രി​ക്കു​ന്ന​തി​നു​മുമ്പ്‌ ‘ധ്യാനി​ക്കുക.’—സദൃശ​വാ​ക്യ​ങ്ങൾ 1:5; 15:28; 20:5.

സമയം വളരെ പ്രധാ​ന​മാണ്‌. “ശരിയായ സമയത്തു പറയുന്ന ഒരു വാക്ക്‌ വെള്ളി​കൊ​ണ്ടുള്ള കൊത്തു​പ​ണി​യി​ലെ സ്വർണ്ണം​കൊ​ണ്ടുള്ള ആപ്പിളു​കൾ പോ​ലെ​യാ​കു​ന്നു” എന്ന്‌ ഒരു ബൈബിൾ സദൃശ​വാ​ക്യം പറയുന്നു. (സദൃശ​വാ​ക്യ​ങ്ങൾ 25:11) റെറാ​ക്കി​ക്കോ​യും അവളുടെ മരുമ​ക​ളും മറേറ​യാ​ളെ പിശകാ​യി സ്വാധീ​നി​ച്ചേ​ക്കാ​വുന്ന അഭി​പ്രാ​യങ്ങൾ പറയു​ന്ന​തിന്‌ ശരിയായ സമയത്തി​നു​വേണ്ടി കാത്തി​രി​ക്കു​മെന്ന്‌ പറയുന്നു. “ഞാൻ എന്റെ മരുമ​കളെ എന്തെങ്കി​ലും ചൂണ്ടി​ക്കാ​ണി​ക്കു​ന്ന​തിന്‌ ആഗ്രഹി​ക്കു​മ്പോൾ അതു പറയു​ന്ന​തി​നു​മുമ്പ്‌ ഞാൻ ചിന്തി​ക്കാൻ പരി​ശ്ര​മി​ക്കു​ന്നു” എന്ന്‌ റെറാ​ക്കി​ക്കൊ പറയുന്നു. “ഞാൻ പോയിൻറു​കൾ മനസ്സിൽവെ​ക്കു​ക​യും അവൾ നല്ല അവസ്ഥയിൽ അവൾക്ക്‌ വിശപ്പി​ല്ലാ​തി​രി​ക്കുന്ന സമയത്ത്‌ സംസാ​രി​ക്ക​യും ചെയ്യുന്നു. നിങ്ങൾ വിശന്നി​രി​ക്കു​മ്പോൾ നിങ്ങൾ അനായാ​സം മുഷി​യു​മെന്ന്‌ അറിയാ​മ​ല്ലോ.”

ജ്ഞാനി​യാ​യ ഒരു സ്‌ത്രീ വിവാ​ഹം​മൂ​ല​മു​ണ്ടായ തന്റെ ബന്ധുക്ക​ളെ​ക്കു​റിച്ച്‌ ദോഷം പറയു​ന്ന​തിൽനിന്ന്‌ ഒഴിഞ്ഞു​നിൽക്കും. “നാം അമ്മാവി​യ​മ്മ​മാ​രോ മരുമ​ക്ക​ളൊ ആയിരു​ന്നാ​ലും മറേറ​യാ​ളെ​ക്കു​റിച്ച്‌ നാം എന്തു ദോഷം പറഞ്ഞാ​ലും അത്‌ ഒടുവിൽ അവർ അറിയും എന്ന്‌ മനസ്സി​ലാ​ക്കി​യി​രി​ക്കണം” എന്ന്‌ തന്റെ അമ്മാവി​യ​മ്മ​യോ​ടു​കൂ​ടെ 30 വർഷം പാർത്തി​രുന്ന ഒരു ജാപ്പനീസ്‌ എഴുത്തു​കാ​രി​യായ സുമി ററനാക്കാ പറയുന്നു. പകരം, വിവാ​ഹം​മൂ​ല​മു​ണ്ടാ​യി​രി​ക്കുന്ന ബന്ധുക്ക​ളെ​സം​ബ​ന്ധിച്ച്‌ നേരി​ട്ടും അല്ലാ​തെ​യും നല്ലതു സംസാ​രി​ക്കു​ന്ന​തിന്‌ അവർ ശുപാർശ​ചെ​യ്യു​ന്നു.

നിങ്ങളു​ടെ ശ്രമങ്ങ​ളോട്‌ വിവാ​ഹം​മൂ​ല​മു​ണ്ടാ​യി​രി​ക്കുന്ന നിങ്ങളു​ടെ ബന്ധുക്കൾ പ്രതി​ക​രി​ക്കു​ന്നി​ല്ലെ​ങ്കി​ലെന്ത്‌?

ക്ഷമയു​ള്ള​വ​രാ​യി​രി​ക്കുക

മിക്ക​പ്പോ​ഴും വിവാ​ഹം​മൂ​ല​മു​ണ്ടാ​യി​രി​ക്കുന്ന ബന്ധുക്കൾ തമ്മിൽ ഗൗരവ​ത​ര​മായ പ്രശ്‌നങ്ങൾ ഉണ്ടാകു​ന്നത്‌ മററു​ള്ളവർ ചെയ്യു​ക​യൊ പറയു​ക​യൊ ചെയ്‌താൽ പ്രശ്‌ന​മാ​കു​ക​യി​ല്ലാത്ത കാര്യ​ങ്ങ​ളിൽനി​ന്നാണ്‌. നാമെ​ല്ലാം അപൂർണ്ണ​രും, “വാക്കിൽ ഇടറു”ന്നവരു​മാ​ക​യാൽ ചില​പ്പോൾ നാം ‘വാളു​കൊണ്ട്‌ കുത്തു​ന്ന​തു​പോ​ലെ ചിന്തയി​ല്ലാ​തെ സംസാ​രി​ക്കു​ന്നു.’ (യാക്കോബ്‌ 3:2; സദൃശ​വാ​ക്യ​ങ്ങൾ 12:18) എന്നാൽ ഓരോ ചിന്താ​ശൂ​ന്യ​മായ വാക്കി​ലും അസ്വസ്ഥ​രാ​കാ​തി​രി​ക്കു​ന്ന​താണ്‌ ബുദ്ധി.

വിവാ​ഹം​മൂ​ല​മു​ണ്ടായ ബന്ധുക്ക​ളു​മാ​യുള്ള പ്രശ്‌ന​ങ്ങളെ തരണം ചെയ്‌തി​ട്ടു​ള്ളവർ, “ആർക്കെ​ങ്കി​ലും മറെറാ​രാ​ളോട്‌ പരാതിക്ക്‌ ഒരു കാരണ​മു​ണ്ടെ​ങ്കിൽ അന്യോ​ന്യം പൊറു​ക്കു​ക​യും സൗജന്യ​മാ​യി തമ്മിൽ ക്ഷമിക്കു​ക​യും ചെയ്യു​ന്ന​തിൽ തുടരുക” എന്ന ബൈബിൾബു​ദ്ധി​യു​പ​ദേശം അനുസ​രി​ച്ചി​ട്ടുണ്ട്‌. (കൊ​ലോ​സ്യർ 3:13) വിവാഹ ബന്ധുക്ക​ളോട്‌ പൊറു​ക്കു​ക​യും ക്ഷമിക്കു​ക​യും ചെയ്യു​ക​യെ​ന്നത്‌ എളുപ്പ​മ​ല്ലാ​യി​രി​ക്കാ​മെ​ന്നതു സത്യം​തന്നെ, പ്രത്യേ​കിച്ച്‌ ഒരു പരാതിക്ക്‌ കാരണ​മു​ള്ള​പ്പോൾ. എന്നാൽ അപ്രകാ​രം ചെയ്യു​ന്ന​തി​നുള്ള ഒരു ശക്തമായ പ്രേരണ നമുക്ക്‌ അതു മുഖാ​ന്തരം നമ്മുടെ തെററു​കൾക്ക്‌ ദൈവ​ത്തിൽനിന്ന്‌ ക്ഷമ ലഭിക്കു​മെ​ന്നുള്ള ഉറപ്പാണ്‌.—മത്തായി 6:14, 15.

ആളുകൾ പരമ്പരാ​ഗ​ത​മാ​യി ബുദ്ധമ​ത​വും തായോ​മ​ത​വും കൊൺഫ്യൂ​ഷൻമ​ത​വും ഷിന്റോ​മ​ത​വും പിൻതു​ട​രുന്ന പൗരസ്‌ത്യ ദേശങ്ങ​ളിൽപോ​ലും ബൈബിൾ പഠിക്കു​ക​യും ദയാലു​വായ സ്രഷ്ടാ​വി​നെ​സം​ബ​ന്ധിച്ച സത്യം വിലമ​തി​ക്കു​ക​യും ചെയ്‌ത അനേകർ ഉണ്ട്‌. അത്തരം വിലമ​തിപ്പ്‌, തരണം​ചെ​യ്യാൻ സാധി​ക്കാ​ത്ത​തെന്നു തോന്നിയ വൈരാ​ഗ്യ​ങ്ങളെ തരണം​ചെ​യ്യാൻ സഹായി​ച്ചി​ട്ടുണ്ട്‌.

“സനേഹം ഒരിക്ക​ലും നിലച്ചു​പോ​കു​ന്നില്ല

വിവാ​ഹ​ത്തി​ലെ ബന്ധുക്ക​ളോ​ടുള്ള ഒരു സന്തുഷ്ട ബന്ധത്തിന്‌ ഒരു ഉറപ്പുള്ള അടിസ്ഥാ​നം ആവശ്യ​മാണ്‌. വാർദ്ധ​ക്യ​മൊ രോഗ​മൊ ഉള്ള ഒരു വിവാ​ഹ​ബ​ന്ധു​വി​നെ കടപ്പാ​ടി​ന്റെ ഒരു ബോധ​ത്തിൽനിന്ന്‌ സഹായി​ക്കു​ന്നത്‌ എല്ലായ്‌പ്പോ​ഴും ഏററവും നല്ല ബന്ധത്തി​നി​ട​യാ​ക്കു​ന്നില്ല. തന്റെ അമ്മാവി​യമ്മ കാൻസ​റി​നാൽ മരിച്ചു​കൊ​ണ്ടി​രു​ന്ന​പ്പോൾ ഹറുക്കോ ഇത്‌ മനസ്സി​ലാ​ക്കി. അവൾ തന്റെ അമ്മാവി​യ​മ്മയെ പരിപാ​ലി​ച്ചു​കൊണ്ട്‌ ദിവസ​ത്തി​ന്റെ അധിക​സ​മ​യ​വും ആശുപ​ത്രി​യിൽ ചെലവ​ഴി​ച്ചു, കൂടാതെ അവൾ തന്റെ സ്വന്തം കുടും​ബ​ത്തെ​യും പരിപാ​ലി​ച്ചു. ക്രമേണ അവളുടെ തലമുടി മിക്കവാ​റും നഷ്ടപ്പെ​ടു​മാറ്‌ അവൾ അത്രയ​ധി​കം സമ്മർദ്ദ​ത്തിൻകീ​ഴി​ലാ​യി.

ഒരു ദിവസം അവളുടെ അമ്മാവി​യ​മ്മ​യു​ടെ നഖം വെട്ടി​ക്കൊ​ണ്ടി​രു​ന്ന​പ്പോൾ അവൾ മനഃപൂർവ​മ​ല്ലാ​തെ മുറി​വു​വ​രു​ത്തി. “നീ എന്നെ യഥാർത്ഥ​ത്തിൽ കരുതു​ന്നില്ല!” എന്ന്‌ അമ്മാവി​യമ്മ രൂക്ഷമാ​യി പറഞ്ഞു.

വിലമ​തി​പ്പി​ല്ലാ​ത്ത ആ വാക്കുകൾ നിമിത്തം ഞെട്ടിയ ഹറു​ക്കോ​യിക്ക്‌ തന്റെ കണ്ണുനീർ അടക്കാൻ കഴിഞ്ഞില്ല. അവൾ തന്റെ അമ്മാവി​യ​മ്മ​ക്കു​വേണ്ടി ചെയ്‌തു​കൊ​ണ്ടി​രു​ന്ന​തെ​ല്ലാം കടപ്പാ​ടി​ന്റെ ഒരു വികാ​രം​കൊ​ണ്ടാ​യി​രു​ന്ന​തി​നാ​ലാണ്‌ അവളെ ആ വാക്കുകൾ അത്രയ​ധി​കം ദ്രോ​ഹി​ച്ചത്‌ എന്ന്‌ പിന്നീട്‌ അവൾ തിരി​ച്ച​റി​ഞ്ഞു. അവൾ തന്റെ സേവന​ത്തി​ന്റെ പ്രേര​ക​ശക്തി സ്‌നേ​ഹ​മാ​യി​രി​ക്കു​ന്ന​തിന്‌ തീരു​മാ​നി​ച്ചു. (എഫേസ്യർ 5:1, 2) ഇത്‌ അവളുടെ മുറി​പ്പെ​ടു​ത്ത​പ്പെട്ട വികാ​ര​ങ്ങളെ തരണം​ചെ​യ്യാൻ അവളെ പ്രാപ്‌ത​യാ​ക്കു​ക​യും അവളുടെ അമ്മാവി​യമ്മ മരിക്കു​ന്ന​തു​വരെ അവളോ​ടുള്ള ബന്ധം പുനഃ​സ്ഥാ​പി​ക്കു​ന്ന​തിൽ കലാശി​ക്കു​ക​യും ചെയ്‌തു.

നിശ്ചയ​മാ​യും ബൈബി​ളിൽ നിർവ​ചി​ക്ക​പ്പെ​ട്ടി​രി​ക്കുന്ന തരത്തി​ലുള്ള സ്‌നേ​ഹ​മാണ്‌ കുടും​ബ​ഭി​ന്ന​ത​കളെ ശാന്തമാ​ക്കാ​നുള്ള താക്കോൽ. അപ്പോ​സ്‌ത​ല​നായ പൗലോസ്‌ ഇതു സംബന്ധിച്ച്‌ പറഞ്ഞി​രി​ക്കു​ന്നത്‌ വായി​ക്കു​ക​യും നിങ്ങൾ അതി​നോട്‌ യോജി​ക്കു​ന്നി​ല്ലേ​യെന്ന്‌ കാണു​ക​യും ചെയ്യുക: “സ്‌നേഹം ദീർഘ​മാ​യി ക്ഷമിക്കു​ക​യും ദയകാ​ണി​ക്കു​ക​യും ചെയ്യുന്നു,” അവൻ എഴുതി. “സ്‌നേഹം അസൂയ​പ്പെ​ടു​ന്നില്ല, അത്‌ പൊങ്ങച്ചം പറയു​ന്നില്ല, അഹങ്കരി​ക്കു​ന്നില്ല, അയോ​ഗ്യ​മാ​യി പെരു​മാ​റു​ന്നില്ല, സ്വാർത്ഥ​താൽപ്പ​ര്യം അന്വേ​ഷി​ക്കു​ന്നില്ല, പ്രകോ​പി​ക്കു​ന്നില്ല. അത്‌ ദോഷം കണക്കി​ടു​ന്നില്ല. അത്‌ അനീതി​യിൽ സന്തോ​ഷി​ക്കു​ന്നില്ല, എന്നാൽ സത്യത്തിൽ സന്തോ​ഷി​ക്കു​ന്നു. അത്‌ എല്ലാം ക്ഷമിക്കു​ന്നു, എല്ലാം വിശ്വ​സി​ക്കു​ന്നു, എല്ലാം പ്രത്യാ​ശി​ക്കു​ന്നു, എല്ലാം സഹിക്കു​ന്നു.” പൗലോസ്‌ ഇപ്രകാ​രം കൂട്ടി​ച്ചേർക്കു​ന്നത്‌ അതിശ​യമല്ല: “സ്‌നേഹം ഒരിക്ക​ലും നിലച്ചു​പോ​കു​ന്നില്ല.” (1 കൊരി​ന്ത്യർ 13:4-8) നിങ്ങൾക്കെ​ങ്ങനെ അത്തരത്തി​ലുള്ള സ്‌നേഹം നട്ടുവ​ളർത്താൻ കഴിയും?

ബൈബിൾ “സ്‌നേഹ”ത്തെ ദൈവ​ത്തി​ന്റെ ആത്മാവി​ന്റെ “ഫല”ത്തിന്റെ കൂടെ പട്ടിക​പ്പെ​ടു​ത്തു​ന്നു. (ഗലാത്യർ 5:22, 23) അതു​കൊണ്ട്‌ ഈ തരത്തി​ലുള്ള സ്‌നേഹം നട്ടുവ​ളർത്തു​ന്ന​തിന്‌ നിങ്ങളു​ടെ സ്വന്തം പ്രയത്‌നം കൂടാതെ ദൈവ​ത്തി​ന്റെ ആത്മാവും ഉണ്ടായി​രി​ക്കു​ന്നത്‌ അത്യാ​വ​ശ്യ​മാണ്‌. കൂടാതെ നിങ്ങൾക്ക്‌ ബൈബി​ളി​ലെ ദൈവ​മായ യഹോ​വ​യു​ടേ​തു​പോ​ലുള്ള സ്‌നേഹം നിങ്ങളു​ടെ വ്യക്തി​ത്വ​ത്തോട്‌ കൂട്ടന്ന​തിന്‌ സഹായി​ക്കാൻ അവനോട്‌ അപേക്ഷി​ക്കാൻ കഴിയും. (1 യോഹ​ന്നാൻ 4:8) തീർച്ച​യാ​യും ഇവയെ​ല്ലാം നിങ്ങൾ അവന്റെ വചനമായ ബൈബിൾ പഠിച്ചു​കൊണ്ട്‌ അവനെ​സം​ബ​ന്ധിച്ച്‌ മനസ്സി​ലാ​ക്കേ​ണ്ട​താ​വ​ശ്യ​മാ​ക്കി​ത്തീർക്കു​ന്നു. യഹോ​വ​യു​ടെ സാക്ഷികൾ ഫുജി​ക്കൊ​യെ​യും മററ​നേ​ക​രെ​യും എന്നപോ​ലെ നിങ്ങ​ളെ​യും സഹായി​ക്കാൻ അങ്ങേയ​ററം സന്തോ​ഷ​മു​ള്ള​വ​രാ​യി​രി​ക്കും.

നിങ്ങൾ ബൈബി​ളിൽനിന്ന്‌ പഠിക്കു​ന്നത്‌ പ്രാ​യോ​ഗി​ക​മാ​ക്കു​ന്ന​തി​ന​നു​സ​രിച്ച്‌ ദൈവ​ത്തോ​ടുള്ള നിങ്ങളു​ടെ ബന്ധം മാത്രമല്ല, വിവാ​ഹ​ത്തി​ലെ നിങ്ങളു​ടെ ബന്ധുക്കൾ ഉൾപ്പെടെ നിങ്ങൾക്കു ചുററു​മുള്ള എല്ലാവ​രു​മാ​യു​മുള്ള ബന്ധവും അഭിവൃ​ദ്ധി​പ്പെ​ടു​ന്ന​താ​യി നിങ്ങൾ കണ്ടെത്തും. നിങ്ങൾ ബൈബിൾ വാഗ്‌ദാ​നം ചെയ്യുന്ന, “സകല ചിന്ത​യെ​യും കവിയുന്ന ദൈവ​സ​മാ​ധാ​നം” അനുഭ​വി​ക്കും.—ഫിലി​പ്പി​യർ 4:6, 7.

ഈ ലേഖന​ങ്ങ​ളിൽ പരാമർശി​ച്ചി​രി​ക്കുന്ന ഫുജി​ക്കോ​യും മററു​ള്ള​വ​രും അത്തരത്തി​ലുള്ള സമാധാ​നം ആസ്വദി​ക്കു​വാ​നി​ട​യാ​യി​രി​ക്കു​ന്നു—നിങ്ങൾക്കും സാധി​ക്കും. ഉവ്വ്‌, യഹോ​വ​യാം ദൈവ​ത്തി​ങ്ക​ലേക്ക്‌ നോക്കു​ക​യും അവന്റെ വചനമാ​കുന്ന ബൈബി​ളി​ലെ ബുദ്ധി​യു​പ​ദേശം പിൻപ​റ​റു​ക​യും ചെയ്യു​ന്ന​തി​നാൽ നിങ്ങൾക്കും വിവാ​ഹം​മൂ​ലം ഉളവായ നിങ്ങളു​ടെ ബന്ധുക്ക​ളോട്‌ ഒരു ഊഷ്‌മ​ള​മായ ബന്ധം കെട്ടു​പ​ണി​ചെ​യ്യു​ന്ന​തി​നും കാത്തു​സൂ​ക്ഷി​ക്കു​ന്ന​തി​നും സാധി​ക്കും. (g90 2⁄22)

[8, 9 പേജു​ക​ളി​ലെ ചതുരം]

ഭർത്താവ—സമാധാ​ന​മു​ണ്ടാ​ക്കു​ന്ന​വ​നോ അതോ സമാധാ​നം തകർക്കു​ന്ന​വ​നോ?

രണ്ടൊ മൂന്നൊ തലമു​റകൾ ഒരേ മേൽക്കൂ​രക്കു കീഴിൽ പാർക്കു​മ്പോൾ കുടും​ബ​സ​മാ​ധാ​നം പരിര​ക്ഷി​ക്കു​ന്ന​തിന്‌ ഭർത്താ​വി​നുള്ള പങ്ക്‌ അവഗണി​ക്കാ​നാ​വാ​ത്ത​താണ്‌. തന്റെ ഉത്തരവാ​ദി​ത്വ​ങ്ങ​ളിൽനിന്ന്‌ ഒഴിഞ്ഞു​മാ​റുന്ന ഭർത്താ​വി​നെ​സം​ബ​ന്ധിച്ച്‌ കുടും​ബ​സാ​മൂ​ഹ്യ​വി​ജ്ഞാ​ന​ത്തി​ലെ ഒരു സ്‌പെ​ഷ്യ​ലി​സ്‌റ​റായ കിയുഷി യൂണി​വേ​ഴ്‌സി​റ​റി​യി​ലെ പ്രൊ​ഫസർ തൊഹ്‌റു അറിഷി ഇപ്രകാ​രം എഴുതു​ന്നു:

“ഇണകൾ [അമ്മയോ​ടൊത്ത്‌] താമസി​ക്കു​മ്പോൾ അമ്മ മകന്റെ ആവശ്യങ്ങൾ അറിയു​ന്നു, അവർ അങ്ങനെ​യുള്ള ആവശ്യങ്ങൾ മനസ്സി​ലാ​ക്കു​മ്പോൾ കരുതി​ക്കൂ​ട്ടി​യ​ല്ലാ​തെ തന്റെ മകനു​വേണ്ടി കരുതൽ ചെയ്യുന്നു. മകൻ അത്തരം കരുത​ലു​കൾ യാതൊ​രു മടിയും കൂടാതെ സ്വീക​രി​ക്കു​ന്നു. മകൻ തന്റെ ഭാര്യ​യു​ടെ സാഹച​ര്യ​ത്തെ സംബന്ധിച്ച്‌ അൽപ്പം​കൂ​ടി ചിന്തി​ക്കു​ക​യും തന്റെ അമ്മയെ അവളുടെ ഇടപെ​ടൽസം​ബ​ന്ധിച്ച്‌ അവളുടെ സ്ഥാനത്ത്‌ നിർത്തു​ക​യും ചെയ്‌തി​രു​ന്നു​വെ​ങ്കിൽ പ്രശ്‌നം പരിഹ​രി​ക്ക​പ്പെ​ടു​മാ​യി​രു​ന്നു. സങ്കടക​ര​മെന്നു പറയട്ടെ, ഒട്ടുമി​ക്ക​പ്പോ​ഴും മകൻ അതു തിരി​ച്ച​റി​യു​ന്നില്ല.”

അപ്പോൾ ഒരു ഭർത്താ​വിന്‌ തന്റെ കുടും​ബ​ത്തിൽ സമാധാ​നം ഉണ്ടാക്കു​ന്ന​തിന്‌ ഒരു പ്രാവർത്തി​ക​മായ പങ്കു വഹിക്കാൻ എങ്ങനെ കഴിയും? മിത്സു​ഹറു താൻ ബൈബിൾ തത്വങ്ങൾ ബാധക​മാ​ക്കി​യത്‌ തന്റെ കുടും​ബത്തെ സഹായി​ച്ചു എന്നു പറയുന്നു. “മകൻ വളർന്ന്‌ പ്രായ​പൂർത്തി​യാ​യാ​ലും ഒരു അമ്മയും മകനും തമ്മിലുള്ള ബന്ധം വളരെ ശക്തമാണ്‌,” അയാൾ സമ്മതി​ക്കു​ന്നു, “അതു​കൊണ്ട്‌ മകൻ ‘തന്റെ അപ്പനെ​യും അമ്മയെ​യും വിട്ട്‌ ഭാര്യ​യോട്‌ പററി​ച്ചേ​രു​ന്ന​തിന്‌’ ബോധ​പൂർവം ശ്രമം ചെയ്യണം.” അയാൾ ശിശു​പ​രി​പാ​ല​ന​വും പരിശീ​ല​ന​വും സംബന്ധിച്ച്‌ തന്റെ ഭാര്യ​യോ​ടു​മാ​ത്രം ചർച്ച​ചെ​യ്‌തു​കൊണ്ട്‌ ഈ തത്വം ബാധക​മാ​ക്കി, വീട്ടു​ജോ​ലി​യു​ടെ കാര്യ​ത്തിൽ തന്റെ ഭാര്യയെ തന്റെ അമ്മയോട്‌ താരത​മ്യ​പ്പെ​ടു​ത്താ​തി​രി​ക്കു​ക​യും ചെയ്‌തു. “ഇപ്പോൾ,” അയാൾ തുടരു​ന്നു, “ഞങ്ങളും എന്റെ മാതാ​പി​താ​ക്ക​ളും പരസ്‌പരം ബഹുമാ​നി​ക്കു​ന്നു. ഞങ്ങൾക്കോ​രോ​രു​ത്തർക്കും ഇടപെടൽ നീരസ​മാ​യി​ത്തീ​രു​ന്ന​തെ​പ്പോ​ഴെ​ന്നും സഹായ​വും സഹകര​ണ​വും വിലമ​തി​ക്ക​പ്പെ​ടു​ന്ന​തെ​പ്പോ​ഴെ​ന്നും അറിയാം.”

‘തന്റെ ഭാര്യ​യോട്‌ പററി​നിൽക്കു​ന്നതു’കൂടാതെ ഭർത്താവ്‌ തന്റെ അമ്മക്കും ഭാര്യ​ക്കും ഇടയിലെ ഒരു മദ്ധ്യസ്ഥ​നും ആയിരി​ക്കണം. (ഉൽപ്പത്തി 2:24) അയാൾ നന്നായി ശ്രദ്ധി​ക്കു​ന്ന​വ​നാ​യി​രി​ക്കു​ക​യും അവരുടെ ഹൃദയം പകരു​ന്ന​തിന്‌ അനുവ​ദി​ക്ക​യും വേണം. (സദൃശ​വാ​ക്യ​ങ്ങൾ 20:5) സാഹച​ര്യ​ത്തെ നയപൂർവം കൈകാ​ര്യം ചെയ്യാൻ പഠിച്ച ഒരു ഭർത്താവ്‌ ആദ്യമാ​യി അയാളു​ടെ ഭാര്യ എങ്ങനെ വിചാ​രി​ക്കു​ന്നു​വെന്ന്‌ കണ്ടുപി​ടി​ക്കു​ന്നു. പിന്നീട്‌ ഉൾപ്പെ​ട്ടി​രി​ക്കുന്ന പ്രശ്‌നം സംബന്ധിച്ച്‌ അയാളു​ടെ ഭാര്യ​യു​ടെ സാന്നി​ദ്ധ്യ​ത്തിൽ അമ്മയോട്‌ സംസാ​രി​ക്കു​ന്നു. ആ വിധത്തിൽ സമാധാ​ന​മു​ണ്ടാ​ക്കു​ന്നവൻ എന്ന നിലയിൽ തന്റെ സ്ഥാനം ഏറെറ​ടു​ത്തു​കൊണ്ട്‌ ഒരു പുത്രന്‌ കുടും​ബ​ത്തിൽ താൻ സ്‌നേ​ഹി​ക്കുന്ന രണ്ടു സ്‌ത്രീ​കൾ തമ്മിലുള്ള ഉല്ലാസ​പ്ര​ദ​മായ ബന്ധം സൃഷ്ടി​ക്കു​ന്ന​തിന്‌ സഹായി​ക്കാൻ കഴിയും.

[9-ാം പേജിലെ ചിത്രം]

കേൾക്കുന്ന കാതു​ക​ളു​ണ്ടാ​യി​രി​ക്കു​ക​യും ആശയവി​നി​യമം ചെയ്യു​ക​യും ചെയ്യുക

[10-ാം പേജിലെ ചിത്രം]

കടപ്പാടിന്റെ ഒരു വികാ​രമല്ല, സ്‌നേഹം നല്ല ബന്ധങ്ങൾ കെട്ടി​പ്പ​ടു​ക്കു​ന്നു