എല്ലാവർക്കും തൃപ്‌തി​ക​ര​മായ ഒരു പുതി​യ​ലോ​കം

വിശ്വ​സി​ക്കാൻ വളരെ ബുദ്ധി​മു​ട്ടാ​ണെ​ങ്കി​ലും ഒരു പുതി​യ​ലോ​കം തീർച്ച​യാ​യും ആസന്നമാണ്‌. ജീവൻ നിലനിർത്തു​ന്ന​തി​നുള്ള നമ്മുടെ ഭൂമി​യു​ടെ കഴിവു പൂർണ്ണ​മാ​യി നശിപ്പി​ക്ക​പ്പെ​ടു​ന്ന​തി​നു​മു​മ്പു ഭൂമിയെ രക്ഷിക്കു​ന്ന​തിന്‌ അതു കൃത്യ​സ​മ​യത്തു വരും. മനുഷ്യാ​സ്‌തി​ത്വ​ത്തെ ഭീഷണി​പ്പെ​ടു​ത്തുന്ന എല്ലാ അപകട​ങ്ങ​ളെ​യും ഈ പുതി​യ​ലോ​കം നീക്കം​ചെ​യ്യും. അത്‌ എപ്രകാ​ര​മാ​യി​രി​ക്കും?

ലോക​സാ​ഹ​ച​ര്യ​ങ്ങ​ളു​ടെ വിഷമാ​വ​സ്ഥ​യി​ലേക്കു വിരൽചൂ​ണ്ടി​യ​ശേഷം ചരി​ത്ര​കാ​ര​നായ ആർനോൾഡ്‌ ജെ. ടോയിൻബി വർഷങ്ങൾക്കു​മുമ്പ്‌ ഇങ്ങനെ ചോദി​ച്ചു: “രക്ഷിക്ക​പ്പെ​ടു​ന്ന​തി​നു നാം എന്തു​ചെ​യ്യണം?” തന്റെതന്നെ ചോദ്യ​ത്തിന്‌ ഉത്തരം നൽകി​ക്കൊണ്ട്‌ അദ്ദേഹം ഇങ്ങനെ പറഞ്ഞു: “രാഷ്‌ട്രീ​യ​ത്തിൽ, ഒരു വ്യവസ്ഥാ​പിത സഹകരണ സമ്പ്രദാ​യ​ത്തി​ലുള്ള ലോക​ഗ​വൺമെൻറ്‌ സ്ഥാപി​ക്കുക.”

എന്നാൽ, ഒരു “സഹകരണ സമ്പ്രദാ​യം” ആണെങ്കി​ലും ആഗതമാ​കുന്ന പുതി​യ​ലോ​കം “രാഷ്‌ട്രീ​യ​ത്തിൽ” ആയിരി​ക്കു​ക​യില്ല. അതു ജനാധി​പ​ത്യ​മോ അല്ലെങ്കിൽ മനുഷ്യ​നിർമ്മി​ത​മായ മറേറ​തെ​ങ്കി​ലും രാഷ്‌ട്രീയ പ്രത്യ​യ​ശാ​സ്‌ത്ര​മോ ഉൾക്കൊ​ള്ളു​ക​യില്ല. ഒരു ഗവൺമെൻറ്‌ മാത്രം അതിൻമേൽ ഭരണം നടത്തു​ന്ന​തു​കൊണ്ട്‌ ഈ പുതി​യ​ലോ​കം അതിന്റെ ലക്ഷ്യങ്ങൾ സാധി​ക്കും. അമ്പരപ്പി​ക്കുന്ന പ്രവർത്ത​ന​ങ്ങ​ളു​ടെ ഒരു പരമ്പര​യാൽ ഈ ആഗോള ഗവൺമെൻറ്‌ പെട്ടെ​ന്നു​തന്നെ മനുഷ്യ​വർഗ്ഗം ഇന്ന്‌ അഭിമു​ഖീ​ക​രി​ക്കുന്ന എല്ലാ പ്രശ്‌ന​ങ്ങ​ളും ഉൻമൂ​ലനം ചെയ്യും. എങ്ങനെ? ഈ പ്രശ്‌ന​ങ്ങ​ളു​ടെ കാരണ​ങ്ങ​ളും ഇവ പരിഹ​രി​ക്കു​ന്ന​തി​നുള്ള ശ്രമങ്ങൾ മിക്ക​പ്പോ​ഴും വിഫല​മാ​ക്കുന്ന പ്രതി​ബ​ന്ധ​ങ്ങ​ളും നീക്കം ചെയ്‌തു​കൊണ്ട്‌.

വാസ്‌ത​വ​മാ​യും, അവ എങ്ങനെ സഫലമാ​ക്കാൻ കഴിയും? അഴിമ​തി​ക്കാ​രും മമനു​ഷ്യ​ന്റെ പ്രശ്‌നങ്ങൾ പരിഹ​രി​ക്കു​ന്ന​തിന്‌ അപ്രാ​പ്‌ത​രും എന്നു തെളി​ഞ്ഞി​രി​ക്കുന്ന അപൂർണ്ണ​രായ മനുഷ്യ​രാ​യി​രി​ക്കി​ല്ലേ തുടർന്നും ഭരിക്കു​ന്നത്‌? കൊള്ളാം, പ്രജക​ളു​ടെ താത്‌പ​ര്യം നിസ്വാർത്ഥ​മാ​യി ഹൃദയ​ത്തി​ലുള്ള പൂർണ്ണ​രായ ഭരണാ​ധി​കാ​രി​കൾ ഈ ലോക​ഗ​വൺമെൻറിൽ ഉണ്ടായി​രു​ന്നെ​ങ്കിൽ എന്നു സങ്കൽപ്പി​ക്കുക. അപ്പോൾ പ്രശ്‌നങ്ങൾ എങ്ങനെ പരിഹ​രി​ക്ക​പ്പെ​ടു​മാ​യി​രു​ന്നു​വെന്നു പരിഗ​ണി​ക്കുക.

ഏകകാ​ലി​ക​മാ​യി പരിഹാ​ര​ങ്ങൾ

പൂർണ്ണ​രായ ഭരണാ​ധി​കാ​രി​ക​ളു​ടെ ഒരു ആഗോള ഗവൺമെൻറി​നോ​ടു​കൂ​ടെ ഓരോ രാഷ്‌ട്ര​വും അതിന്റെ പ്രത്യേക ഗവൺമെൻറും മേലാൽ നിലനിൽക്കു​ക​യില്ല. രാജ്യ​ത​ന്ത്ര​ജ്ഞൻമാ​രും, സ്ഥാനാ​പ​തി​ക​ളും, മററു രാഷ്‌ട്രീ​യ​ക്കാ​രും മേലാൽ മനുഷ്യ​വർഗ്ഗ​ത്തി​ലെ ജനതക​ളു​ടെ​മേ​ലും വംശങ്ങ​ളു​ടെ​മേ​ലും വർഗ്ഗങ്ങ​ളു​ടെ​മേ​ലും അധികാ​രം പ്രയോ​ഗി​ക്കു​ക​യില്ല. പ്രദേ​ശ​ത്തി​ന്റെ​യും രാഷ്‌ട്ര​ത്തി​ന്റെ​യും അനേകം തലസ്ഥാ​നങ്ങൾ, അതിന്റെ കെട്ടി​ട​ങ്ങ​ളും ഔദ്യോ​ഗിക വസതി​ക​ളും സഹിതം മേലാൽ ആവശ്യ​മാ​യി​രി​ക്കു​ക​യില്ല. അത്‌ അത്തരം സൗധങ്ങ​ളു​ടെ ചെല​വേ​റിയ പരിര​ക്ഷ​യും അതു​പോ​ലെ​തന്നെ അധികാ​രി​ക​ളു​ടെ യോഗ​ങ്ങൾക്കും കമ്മിററി മീററിം​ഗു​കൾക്കും ദേശീയ, ഉച്ചകോ​ടി ആലോ​ച​നാ​യോ​ഗ​ങ്ങൾക്കു​മുള്ള യാത്ര​ച്ചെ​ല​വു​ക​ളും അവസാ​നി​പ്പി​ക്കും. ദുർവ്യയ സ്വഭാ​വ​മുള്ള എല്ലാ ഉദ്യോ​ഗ​സ്ഥ​മേ​ധാ​വി​ത്വ​ങ്ങ​ളും അവയുടെ അനേകം സഹായി​മാ​രോ​ടും സെക്ര​ട്ട​റി​മാ​രോ​ടും ക്ലാർക്കു​മാ​രോ​ടു​മൊ​പ്പം പുരോ​ഗ​തി​യെ തടസ്സ​പ്പെ​ടു​ത്തുന്ന ചുവപ്പു​നാ​ട​യും പൊയ്‌പ്പോ​യി​രി​ക്കും.

സമാധാ​നം ഒരു യാഥാർത്ഥ്യ​മാ​യി​ത്തീ​രും എന്തു​കൊ​ണ്ടെ​ന്നാൽ ഏകീകൃ​ത​മായ ഒരു ആഗോള ആധിപ​ത്യ​ത്താൽ വിഭജ​ന​ദേ​ശീ​യ​ത്വം നീക്കം​ചെ​യ്യ​പ്പെ​ട്ടി​രി​ക്കും. ഓരോ രാഷ്‌ട്ര​ത്തി​ന്റെ​യും പരമാ​ധി​കാ​രം സംരക്ഷി​ക്കു​ന്ന​തി​നു​വേണ്ടി കരസേ​ന​യും നാവി​ക​സേ​ന​യും വ്യോ​മ​സേ​ന​യും അതിന്റെ എല്ലാ ആയുധ​ങ്ങ​ളും ഉന്നത റാങ്കി​ലുള്ള കമാൻഡർമാ​രും കീഴു​ദ്യോ​ഗ​സ്ഥൻമാ​രും സഹിതം മേലാൽ ആവശ്യ​മു​ണ്ടാ​യി​രി​ക്ക​യില്ല. അവിടെ ഒരു ചാരവൃ​ത്തി സംവി​ധാ​നങ്ങൾ സ്ഥിതി​ചെ​യ്യു​ക​യില്ല. പൂർണ്ണ​രായ ഭരണാ​ധി​കാ​രി​ക​ളു​ടെ ഒരു ആഗോള ഗവൺമെൻറിൻകീ​ഴിൽ ആയുധങ്ങൾ വാങ്ങു​വാ​നോ വിൽക്കു​വാ​നോ കഴിയുന്ന ഒരു പരസ്യ​വി​പ​ണി​യോ കരിഞ്ച​ന്ത​യോ ഉണ്ടായി​രി​ക്കില്ല; ഏതെങ്കി​ലും തർക്ക​പ്ര​ദേ​ശ​ങ്ങ​ളും ഉണ്ടായി​രി​ക്കില്ല. ഭൂമി​യി​ലുള്ള എല്ലാ ആളുക​ളും ഒരു അവിഭ​ജിത സഹോ​ദ​ര​വർഗ്ഗം ആയിരി​ക്കും. അതിനാൽ ദേശീ​യ​ത്വം അപ്രത്യ​ക്ഷ​മാ​കും.

പൂർണ്ണ​രാ​യ ഭരണാ​ധി​കാ​രി​ക​ളു​ടെ ഏക അഖണ്ഡ ഗവൺമെൻറിൻകീ​ഴിൽ മനുഷ്യർക്കു ലഭ്യമാ​കുന്ന കൂടു​ത​ലായ പ്രയോ​ജ​നങ്ങൾ പരിഗ​ണി​ക്കുക. ആയുധ നിർമ്മാ​താ​ക്കൾപോ​ലുള്ള ശക്തരായ വ്യാപാ​രി​കൾക്ക്‌ അവരുടെ നശീകരണ ഉത്‌പ​ന്നങ്ങൾ ഉത്‌പാ​ദി​പ്പി​ക്കു​ന്ന​തി​നും വിൽക്കു​ന്ന​തി​നും കഴി​യേ​ണ്ട​തി​നു രാഷ്‌ട്രീ​യ​ക്കാ​രെ സ്വാധീ​നി​ക്കാൻ ഒരു മാർഗ്ഗ​വു​മു​ണ്ടാ​യി​രി​ക്ക​യില്ല. തികച്ചും പ്രാ​ദേ​ശി​ക​മായ താത്‌പ​ര്യ​ങ്ങളെ ബാധി​ക്കുന്ന നിയമ​ങ്ങ​ളെ​യും ബില്ലു​ക​ളെ​യും തന്ത്രപൂർവ്വം സ്വാധീ​നി​ക്കാൻ ബുദ്ധി​ശാ​ലി​ക​ളായ ഉപശാ​ലാ​വൃ​ത്തങ്ങൾ ഉണ്ടായി​രി​ക്കു​ക​യില്ല; ചുരു​ക്കം​പേർക്കു മാത്രം പ്രയോ​ജനം ചെയ്യുന്ന നിഷ്‌പ്ര​യോ​ജ​ന​ക​ര​മായ പദ്ധതി​കൾക്കു വലിയ​തോ​തിൽ പണം ചെലവി​ടു​ക​യും വിരു​ദ്ധ​താ​ത്‌പ​ര്യ​ങ്ങൾക്കു​വേണ്ടി പ്രവർത്തി​ക്കു​ക​യും ചെയ്യുന്ന പ്രത്യേക ഗവൺമെൻറ്‌ ഡിപ്പാർട്ടു​മെൻറു​ക​ളും ഉണ്ടായി​രി​ക്ക​യില്ല; സ്വാർത്ഥ​പ​ര​മായ വ്യാപാ​ര​ല​ക്ഷ്യ​ങ്ങൾക്കു​വേണ്ടി (ലാഭം ഉയർന്ന​താ​യി നിലനിർത്തു​ന്ന​തിന്‌) മലിനീ​കരണ പ്രശ്‌ന​ങ്ങൾക്കുള്ള പരിഹാ​രം മേലാൽ തടസ്സ​പ്പെ​ടു​ത്ത​പ്പെ​ടു​ക​യില്ല; ശക്തമായ പ്രത്യേക താത്‌പ​ര്യ​ങ്ങ​ളാൽ, അപകട​ത്തി​ലാ​യി​രി​ക്കുന്ന ജീവഗ​ണ​ങ്ങളെ സംരക്ഷി​ക്കുന്ന നിയമ​ങ്ങ​ളു​ടെ ഭഞ്‌ജി​ക്കൽ മേലാൽ ഉണ്ടായി​രി​ക്ക​യില്ല.

മററു പ്രശ്‌നങ്ങൾ പരിഹ​രി​ക്ക​പ്പെ​ട്ടി​രി​ക്കു​ന്നു

അത്തര​മൊ​രു പൂർണ്ണ ലോക​ഗ​വൺമെൻറ്‌ അനീതി അനുവ​ദി​ക്കു​ക​യില്ല. നിയ​ന്ത്ര​ണ​മേ​റെ​റ​ടു​ത്തു​ക​ഴി​യു​മ്പോൾ കുററ​കൃ​ത്യ​പ്ര​വർത്ത​നങ്ങൾ ഉചിത​മായ, നീതി​പൂർവ്വ​ക​മായ വിധത്തിൽ കൈകാ​ര്യം ചെയ്യ​പ്പെ​ട്ടി​ട്ടു​ണ്ടെന്ന്‌ അതു ഉറപ്പു​വ​രു​ത്തും. അതു​കൊണ്ട്‌ അപകട​കാ​രി​ക​ളായ കൊല​യാ​ളി​കൾ കൊല​പാ​തകം തുടരു​മെന്ന ഭയത്തിൽനി​ന്നു ജനങ്ങൾ വിമു​ക്ത​രാ​ക്ക​പ്പെ​ട്ടി​രി​ക്കും.

ലോക​വ്യാ​പ​ക​മായ സംഘടി​ത​അ​ധോ​ലോക സംഘങ്ങ​ളു​ടെ ശൃംഖ​ല​യും ശക്തമായ മയക്കു​മ​രു​ന്നു സംഘങ്ങ​ളും സംബന്ധി​ച്ചെന്ത്‌? ഒരു പൂർണ്ണ​ത​യുള്ള ലോക​ഗ​വൺമെൻറിന്‌ ഇതു പൂർണ്ണ​മാ​യും അവസാ​നി​പ്പി​ക്കാൻ കഴിയും. അത്തരം അന്താരാ​ഷ്‌ട്ര കുററ​വാ​ളി​കൾക്കു വിദേ​ശീ​യാ​പ​രാ​ധി​കളെ തിരി​ച്ച​യ്‌ക്കു​ന്ന​തി​നെ തടയുന്ന ദേശീയ നിയമങ്ങൾ മേലാൽ ഒരു അഭയസ്ഥാ​നം ആയിരി​ക്കു​ക​യില്ല. ഈ നിയമ​ലം​ഘി​ക​ളാ​ലുള്ള പ്രാ​ദേ​ശിക നിയമ​ങ്ങ​ളി​ലെ പഴുതു​ക​ളു​ടെ സമർത്ഥ​മായ ഉപയോ​ഗ​വും സ്വാധീ​നി​ക്കുന്ന രാഷ്‌ട്രീയ ബന്ധങ്ങളും ഒരു കഴിഞ്ഞ​കാല സംഗതി​യാ​യി​രി​ക്കും. കുററ​കൃ​ത്യ​ത്തെ വേരോ​ടെ പിഴു​തു​ക​ള​യു​ക​യെന്ന ഒററ പ്രവർത്ത​നം​തന്നെ ചൂതാട്ടം, ചേരി​പ്പോ​രു​കൾ, അശ്ലീല​സാ​ഹി​ത്യം, വ്യഭി​ചാ​രം, കള്ളക്കടത്ത്‌ എന്നിവ​പോ​ലുള്ള മററു സാമൂ​ഹിക നാശ​ഹേ​തു​ക്ക​ളെ​യും നീക്കം​ചെ​യ്യും. എന്തൊരു കാര്യ​ക്ഷ​മ​വും ഉപയോ​ഗ​ക്ഷ​മ​വു​മായ പരിഹാ​രം!

അതെ, ഇന്നു മനുഷ്യ​വർഗ്ഗ​ത്തി​ലെ ഏററവും സമർത്ഥ​രായ അനേകരെ പരി​ഭ്ര​മി​പ്പി​ക്കുന്ന കുഴഞ്ഞ​തും ദുർഘ​ട​വു​മായ അന്ധാളി​പ്പി​ക്കുന്ന എല്ലാ പ്രശ്‌ന​ങ്ങ​ളും ഇത്തര​മൊ​രു പുതി​യ​ലോ​ക​ത്തിൽ പൂർണ്ണ​മാ​യി പരിഹ​രി​ക്ക​പ്പെ​ട്ടി​രി​ക്കും. ഓരോ​രു​ത്ത​രും ശാശ്വ​ത​മാ​യി ഗുണീ​ക​രി​ക്ക​പ്പെ​ട്ടി​രി​ക്കും—എന്നേക്കു​മാ​യി. പിൻത​ല​മു​റ​കൾക്ക്‌ അവ വീണ്ടും ഒരിക്ക​ലും അനുഭ​വി​ക്കേണ്ടി വരുക​യില്ല.

ഒരു ആകാശ​ക്കോ​ട്ട​യല്ല

‘എന്നാൽ’ നിങ്ങൾ ചോദി​ച്ചേ​ക്കാം, ‘ഇത്തര​മൊ​രു പുതി​യ​ലോ​കത്തെ ഭരിക്കാ​നുള്ള പൂർണ്ണ​രായ ഭരണാ​ധി​കാ​രി​കൾ എവി​ടെ​നി​ന്നു​വ​രും?’ മനുഷ്യ​രു​ടെ സ്രഷ്ടാവ്‌ അവരെ പ്രദാനം ചെയ്യും! ഇത്‌ അവിശ്വ​സ​നീ​യ​മാ​യി കാണ​പ്പെ​ടു​ന്നു​വോ? കൊള്ളാം, ഇതു പരിചി​ന്തി​ക്കുക: ഇതു ചെയ്യു​ന്ന​തി​നുള്ള ശക്തി നിങ്ങൾക്കു​ണ്ടാ​യി​രു​ന്നു​വെ​ങ്കിൽ ഭൂമി​യിൽ കഷ്ടപ്പാ​ടിന്‌ ഇടവരു​ത്തുന്ന കാരണ​ങ്ങൾക്കു നിങ്ങൾ അറുതി വരുത്തു​ക​യി​ല്ലാ​യി​രു​ന്നോ? തീർച്ച​യാ​യും നിങ്ങൾ ചെയ്യും! അപ്പോൾ, നമ്മുടെ സ്രഷ്ടാവ്‌ അതിലും കുറഞ്ഞ എന്തെങ്കി​ലും ചെയ്യു​മെന്നു നാം ചിന്തി​ക്ക​ണ​മോ?

നമ്മുടെ സ്‌നേ​ഹ​വാ​നായ സ്രഷ്ടാവ്‌ ഒരു പുതി​യ​ലോ​കം സൃഷ്ടി​ക്കാൻ ഉദ്ദേശി​ക്കു​ന്നു​വെ​ന്നതു വസ്‌തു​ത​യാണ്‌. അത്‌ ആനയി​ക്കു​ന്ന​തി​നുള്ള മാധ്യമം ഒരു നീതി​യുള്ള ലോക​ഗ​വൺമെൻറാണ്‌. ഇതാണ്‌ അവന്റെ പുത്ര​നായ യേശു​ക്രി​സ്‌തു മനുഷ്യ​രെ ഈ വാക്കു​ക​ളിൽ പ്രാർത്ഥി​ക്കാൻ പഠിപ്പി​ച്ചത്‌: “നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ.”—മത്തായി 6:10.

ആ രാജ്യം ഒരു യഥാർത്ഥ ഗവൺമെൻറാണ്‌, ഒരു ലോക ഗവൺമെൻറ്‌. അതിന്റെ രാജാവ്‌, യേശു​ക്രി​സ്‌തു, “സമു​ദ്രം​മു​തൽ സമു​ദ്രം​വ​രെ​യും നദിമു​തൽ ഭൂമി​യു​ടെ അററങ്ങൾവ​രെ​യും ഭരിക്കും”. (സങ്കീർത്ത​നങ്ങൾ 72:8) ദൈവ​വ​ചനം വാഗ്‌ദാ​നം ചെയ്യു​ന്ന​തു​പോ​ലെ അതു പെട്ടെ​ന്നു​തന്നെ സകല മാനുഷ ഗവൺമെൻറു​ക​ളെ​യും നീക്കി​ക്ക​ള​യും. അത്‌ ഇപ്രകാ​രം പറയുന്നു: “ഈ രാജാ​ക്കൻമാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു ഈ (ആധുനി​ക​കാല) രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്കു​ക​യും ചെയ്യും.”—ദാനീ​യേൽ 2:44.

സ്വർഗ്ഗ​ത്തി​ലെ ദൈവ​ത്താൽ സ്ഥാപി​ത​മാ​കുന്ന ഈ ലോക​ഗ​വൺമെൻറ്‌ മനുഷ്യാ​തീത ഭരണാ​ധി​കാ​രി​ക​ളാൽ ഭരിക്ക​പ്പെ​ടു​ന്ന​തി​നാൽ മനുഷ്യ​ഭ​ര​ണാ​ധി​കാ​രി​കൾക്കു ചെയ്യാൻ കഴിവി​ല്ലാത്ത എല്ലാ നല്ലകാ​ര്യ​ങ്ങ​ളും അതു നിവർത്തി​ക്കും. ദൈവ​ത്തി​ന്റെ ഗവൺമെൻറ്‌ 1,44,000 ആത്മവ്യ​ക്തി​കൾ ചേർന്ന ഉദ്യോ​ഗ​സ്ഥ​വൃ​ന്ദ​ത്താൽ സഹായി​ക്ക​പ്പെ​ടുന്ന യേശു​ക്രി​സ്‌തു​വെന്ന രാജാ​വി​നാ​ലുള്ള ഒരു സ്വർഗ്ഗീയ രാജാ​ധി​പ​ത്യം ആണെന്നു ബൈബിൾ വിവരി​ക്കു​ന്നു. സ്വർഗ്ഗീയ ജീവനി​ലേക്കു പുനരു​ത്ഥാ​നം ചെയ്യു​ന്ന​തി​നു​മുമ്പ്‌ അവരുടെ ഭൗമിക ജീവി​ത​കാ​ലത്തു കുററ​മററ നിഷ്‌പക്ഷത കാണിച്ച ഇവരെ​ല്ലാ​വ​രും ആശ്രയ​യോ​ഗ്യ​രായ ആളുക​ളാ​യി​രി​ക്കും. ഭൗമിക ജീവി​ത​കാ​ലത്തു മനുഷ്യ​രു​ടെ ആവശ്യങ്ങൾ അനുഭ​വി​ച്ച​റിഞ്ഞ അവരെ​ല്ലാ​വ​രും മനുഷ്യ​വർഗ്ഗ​ത്തി​ന്റെ നൻമക്കു​വേണ്ടി പ്രവർത്തി​ക്കു​ന്ന​തി​നുള്ള ഒരു അതിവി​ശിഷ്ട സ്ഥാനത്താ​യി​രി​ക്കും.—വെളി​പ്പാ​ടു 14:1-3.

ഇത്‌ ഉച്ചാടനം ചെയ്യുന്ന പ്രശ്‌ന​ങ്ങ​ളെ​ക്കു​റി​ച്ചു ചിന്തി​ക്കുക. അമർത്യ​ത​യു​ള്ള​തു​കൊണ്ട്‌ ഈ ആത്മവ്യ​ക്തി​കൾ ഒരിക്ക​ലും തളരു​ക​യോ മരിക്കു​ക​യോ ഇല്ല. (1 കൊരി​ന്ത്യർ 15:50,53) ന്യായം മറിച്ചു​ക​ള​യു​ന്ന​തി​നുള്ള പ്രലോ​ഭ​ന​ങ്ങ​ളാ​ലോ പാരി​തോ​ഷി​കങ്ങൾ നൽകി പക്ഷഭേദം ചെയ്യി​പ്പി​ച്ചു​കൊ​ണ്ടോ അവരെ ദുഷി​പ്പി​ക്കാൻ കഴിയു​ക​യില്ല. എന്തായാ​ലും, ഒരുവന്‌ ഒരു അമർത്ത്യ​ആ​ത്മ​വ്യ​ക്തി​ക്കു കൈക്കൂ​ലി​യാ​യി രഹസ്യ​ത്തിൽ എന്തു കൊടു​ക്കാൻ കഴിയും? പണം, വിലകൂ​ടിയ ഒരു പെട്ടി മദ്യം, രമണീ​യ​മായ ദ്വീപി​ലേ​ക്കുള്ള ഒരു യാത്ര, അല്ലെങ്കിൽ ഏതെങ്കി​ലും പ്രദർശ​ന​ങ്ങൾക്കോ സംഗീ​ത​ക്ക​ച്ചേ​രി​ക്കോ ഉള്ള ടിക്കററ്‌? ഇത്തരം ഭൗതി​ക​വ​സ്‌തു​ക്കൾ ജഡരക്ത​ങ്ങളെ വശീക​രി​ച്ചേ​ക്കാം, എന്നാൽ ഈ ആത്മവ്യ​ക്തി​ക​ളെ​യില്ല. അതു​കൊണ്ട്‌ ഈ ഭരണാ​ധി​കാ​രി​ക​ളാൽ ഭരിക്ക​പ്പെ​ടുന്ന ജനങ്ങൾ ഇന്നു സാധാ​ര​ണ​മാ​യി​രി​ക്കുന്ന ഗവൺമെൻറു​ക​ളു​ടെ അഴിമതി അനുഭ​വി​ക്കു​ക​യില്ല.

പുതി​യ​ലോ​കം നിങ്ങളെ തൃപ്‌തി​പ്പെ​ടു​ത്തും

നിങ്ങ​ളൊ​രു പ്രായ​മുള്ള വ്യക്തി​യാ​ണോ? വർഷങ്ങ​ളി​ലൂ​ടെ നിങ്ങൾ ആർജ്ജിച്ച അറിവി​നെ​യും വൈദ​ഗ്‌ദ്ധ്യ​ത്തെ​യും അനുഭ​വ​ത്തെ​യും കുറിച്ചു ചിന്തി​ക്കുക. എന്നാൽ നിങ്ങളു​ടെ മനസ്സ്‌ അഥവാ മാനസ്സിക പ്രാപ്‌തി​കൾ ഒരുപക്ഷേ മെച്ചമാ​യി​രി​ക്കു​മ്പോൾ ശാരീ​രിക പ്രാപ്‌തി​കൾ ക്രമേണ എന്നാൽ തുടർച്ച​യാ​യി ക്ഷയിച്ചു​കൊ​ണ്ടി​രി​ക്കു​ന്നതു നിങ്ങൾ ശ്രദ്ധി​ച്ചി​ട്ടു​ണ്ടോ? നിങ്ങളു​ടെ ശരീരം അത്‌ ഒരിക്കൽ ചെയ്‌തി​രു​ന്ന​തു​പോ​ലെ മാനസ്സിക ആജ്ഞക​ളോ​ടു മേലാൽ പ്രതി​ക​രി​ക്കു​ന്നില്ല. അതെ, നിങ്ങളു​ടെ പ്രതി​പ്ര​വർത്തനം മന്ദീഭ​വി​ച്ചു​കൊ​ണ്ടി​രി​ക്കു​ന്നു, നിങ്ങളു​ടെ ശക്തി ക്ഷയിച്ചു​കൊ​ണ്ടി​രി​ക്കു​ക​യും നിങ്ങളു​ടെ സഹിഷ്‌ണുത കുറഞ്ഞു​കൊ​ണ്ടി​രി​ക്കു​ക​യും ചെയ്യുന്നു. നിങ്ങളു​ടെ കാഴ്‌ച​യും കേൾവി​യും കുറഞ്ഞു​കൊ​ണ്ടി​രി​ക്കു​ക​യും പേശി​ക​ളു​ടെ ശക്തി ക്ഷയിച്ചു​കൊ​ണ്ടി​രി​ക്കു​ക​യും ചെയ്യുന്നു, അതേസ​മയം വേദന കൂടെ​ക്കൂ​ടെ ഉണ്ടായി​ക്കൊ​ണ്ടി​രി​ക്കു​ക​യും ചെയ്യുന്നു.

അനേകം ജീവി​ത​വർഷ​ങ്ങൾകൊ​ണ്ടു സമ്പാദിച്ച ജ്ഞാനം നിങ്ങൾക്ക്‌ ഇരുപ​തു​ക​ളി​ലു​ണ്ടാ​യി​രു​ന്ന​തി​നേ​ക്കാൾ മെച്ച​പ്പെ​ട്ട​തു​പോ​ലു​മായ ഒരു യുവശ​രീ​ര​ത്തിൽ ഉണ്ടായി​രി​ക്കു​ന്ന​തി​നെ​ക്കു​റി​ച്ചു സങ്കല്‌പി​ക്കാൻ ശ്രമി​ക്കുക—നിങ്ങളു​ടെ ശാരീ​രിക പ്രാപ്‌തി​കൾ നിങ്ങളു​ടെ മനസ്സി​നൊ​പ്പം എത്തുന്നു. നിങ്ങളു​ടെ ശരീര​ഘ​ട​ന​കൊ​ണ്ടു നിങ്ങൾക്കു ചെയ്യാൻ കഴിഞ്ഞ അനേകം കാര്യ​ങ്ങ​ളെ​ക്കു​റി​ച്ചു ചിന്തി​ക്കുക! എന്തിന്‌, ശരീരം നിങ്ങളു​ടെ പക്വത​യുള്ള മനസ്സി​നോ​ടു പ്രതി​ക​രി​ക്കുന്ന അത്തരം മെച്ചമായ അവസ്ഥയിൽ കൈകാ​ര്യം​ചെ​യ്യുന്ന ഏതു ജോലി​യും ആസ്വാ​ദ്യ​മെന്നു നിങ്ങൾ കണ്ടെത്തും. നിങ്ങളു​ടെ അനുഭ​വ​പ​രി​ചയം കാര്യങ്ങൾ കൂടുതൽ കാര്യ​ക്ഷ​മ​ത​യോ​ടെ ചെയ്യാൻ നിങ്ങളെ കഴിവു​ള്ള​വ​രാ​ക്കും, അതു നിങ്ങളു​ടെ സംതൃ​പ്‌തി​യോ​ടു വളരെ​യ​ധി​കം കൂട്ടി​ച്ചേർക്കും. നിങ്ങ​ളൊ​രു യുവാ​വാ​ണെ​ങ്കിൽ ജ്ഞാനവും അറിവും അനുഭ​വ​വും എന്നേക്കു​മാ​യി സമ്പാദി​ക്കു​ന്ന​തോ​ടൊ​പ്പം നിങ്ങളു​ടെ യുവത്വ​വും കരുത്തും സംരക്ഷി​ക്കു​ന്ന​തി​നുള്ള ആഹ്ലാദ​ത്തെ​ക്കു​റി​ച്ചു സങ്കൽപ്പി​ക്കുക.

ഇപ്പോൾ ഒരു പടികൂ​ടി മുമ്പോ​ട്ടു​ക​ടന്നു നിങ്ങളു​ടെ സഹപ്ര​വർത്ത​ക​രെ​യും മിത്ര​ങ്ങ​ളെ​യും സഹചരൻമാ​രെ​യും ബന്ധുക്ക​ളെ​യും കുറിച്ചു ചിന്തി​ക്കുക, എല്ലാവ​രും ഇതേ അവസ്ഥയിൽ തന്നെ. നിർമ്മാ​ണം, പണി, അല്ലെങ്കിൽ ശില്‌പകല എന്നീ വിധങ്ങ​ളിൽ നിങ്ങൾക്കെ​ല്ലാ​വർക്കും നിർവ്വ​ഹി​ക്കാൻ കഴിഞ്ഞ​തി​നെ​ക്കു​റി​ച്ചു സങ്കല്‌പി​ക്കുക. ഓ, ചിത്ര​കാ​രൻമാർ, സംഗീ​തജ്ഞർ, രൂപസം​വി​ധാ​യകർ, പ്രകൃ​തി​ദൃ​ശ്യ​ര​ച​യി​താ​ക്കൾ, പൂന്തോ​ട്ട​ക്കാർ, സസ്യശാ​സ്‌ത്ര​വി​ദ​ഗ്‌ദ്ധർ മുതലായ നിപു​ണ​രായ ആളുകൾക്ക്‌ എന്തൊരു അത്ഭുത​ക​ര​മായ ഭാവി​യാണ്‌ ഇതു കരുതി​യി​രി​ക്കു​ന്നത്‌! അവരുടെ പ്രവർത്ത​നങ്ങൾ അത്ഭുത​പ്പെ​ടു​ത്തു​ന്ന​താ​യി​രി​ക്കും. മനോ​ഹ​ര​മായ ചിത്ര​മെ​ഴു​ത്തു​കൾ, വീടുകൾ, പൂന്തോ​ട്ടങ്ങൾ, പാർക്കു​കൾ—അതെ, സംഗീ​തോ​പ​ക​ര​ണ​ങ്ങ​ളു​ടെ ഉത്‌പാ​ദ​ന​വും അതിൽ വൈദ​ഗ്‌ദ്ധ്യം നേടുന്ന കലയും അവയിൽ ചിലതു​മാ​ത്ര​മാണ്‌.

മനുഷ്യ​വർഗ്ഗ​ത്തെ യൗവന​ത്തി​ലേക്കു തിരി​ച്ചു​വ​രു​ത്തി​ക്കൊ​ണ്ടു ശാരീ​രിക പൂർണ്ണ​ത​യി​ലെ​ത്തി​ക്കു​ന്നതു ഈ പുതി​യ​ലോക ഗവൺമെൻറി​ന്റെ ലക്ഷ്യങ്ങ​ളിൽ ഒന്നാണ്‌. നിങ്ങളു​ടെ കാഴ്‌ച​യും, കേൾവി​യും മററ്‌ ഇന്ദ്രി​യ​ങ്ങ​ളും അതിന്റെ പരമാ​വധി പ്രവർത്തി​ക്കു​ന്നു​ണ്ടാ​യി​രി​ക്കും. എത്ര കാല​ത്തേക്ക്‌? കൊള്ളാം, ഒരു മാനുഷ ഗവൺമെൻറ്‌ ഒരു ചെറിയ തുകയ്‌ക്കു നിങ്ങളു​ടെ എല്ലാ ശരീര​പ്ര​വർത്ത​ന​ങ്ങ​ളു​ടെ​യും 50 ശതമാനം പുതു​ക്ക​ലി​നു ഒരു വർഷ​ത്തേക്ക്‌ ഉറപ്പു​നൽകുന്ന ഒരു ചികിത്സ വാഗ്‌ദാ​നം ചെയ്യന്നു​വെ​ങ്കിൽ അതു സ്വീക​രി​ക്കു​ന്ന​വ​രു​ടെ നിരയിൽ നിങ്ങൾ ഒന്നാമ​നാ​യി ഉണ്ടായി​രി​ക്കി​ല്ലേ? ഈ പുതി​യ​ലോക ഗവൺമെൻറ്‌ 100 ശതമാനം പൂർണ്ണ യുവത്വം സൗജന്യ​മാ​യി ഉറപ്പു​നൽകു​ന്നു—ഒരു വർഷ​ത്തേ​ക്കോ, 5 വർഷ​ത്തേ​ക്കോ അല്ലെങ്കിൽ 50 വർഷ​ത്തേ​ക്കോ അല്ല, എന്നെ​ന്നേ​ക്കും തന്നെ.

മനുഷ്യ​രാൽ ഈ ഭൂമി​യിൽത്തന്നെ തീർച്ച​യാ​യും ആസ്വദി​ക്കാ​വുന്ന അത്ഭുത​ക​ര​മായ ഭാവിയെ അവിശ്വ​സ​നീ​യ​മാ​യി തള്ളിക്ക​ള​യ​രുത്‌. ഏഴു മുതൽ 10 വരെയുള്ള പേജു​ക​ളിൽ കൊടു​ത്തി​രി​ക്കുന്ന, ദൈവ​സ്‌നേ​ഹി​കൾ ആസ്വദി​ക്കാൻ പോകുന്ന ചില അനു​ഗ്ര​ഹങ്ങൾ പരിഗ​ണി​ക്കുക. (g92 10⁄22)

[7-10 പേജു​ക​ളി​ലെ ചതുരം/ചിത്രം]

പുതിയലോകം എന്തു കൈവ​രു​ത്തും

കുററകൃത്യത്തിന്റെയും അക്രമ​ത്തി​ന്റെ​യും ഒരു അവസാനം

“എന്നാൽ ദുഷ്ടൻമാർ ദേശത്തു​നി​ന്നു ഛേദി​ക്ക​പ്പെ​ടും.”—സദൃശ​വാ​ക്യ​ങ്ങൾ 2:22.

യുദ്ധത്തിന്റെ ഒരു നിർമ്മാർജ്ജ​നം

“അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതി​ക്കു​നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല.”—യെശയ്യാ​വു 2:4.

എല്ലാവർക്കും ഭക്ഷിക്കു​ന്ന​തി​നു ധാരാളം നല്ല വസ്‌തു​ക്കൾ

“ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും.”—സങ്കീർത്ത​നങ്ങൾ 72:16.

എല്ലാവർക്കും നല്ല വീടു​ക​ളും ആസ്വാ​ദ്യ​മായ വേലയും

“അവർ വീടു​കളെ പണിതു പാർക്കും. . .അവർ പണിക മറെറാ​രു​ത്തൻ പാർക്ക എന്നു വരിക​യില്ല. അവർ നടുക മറെറാ​രു​ത്തൻ തിന്നുക എന്നും വരിക​യില്ല.”—യെശയ്യാ​വു 65:21, 22.

മനുഷ്യർക്കും മൃഗങ്ങൾക്കു​മി​ട​യിൽ സമാധാ​നം

“ചെന്നായി കുഞ്ഞാ​ടി​നോ​ടു​കൂ​ടെ പാർക്കും; പുള്ളി​പ്പു​ലി കോലാ​ട്ടു​കു​ട്ടി​യോ​ടു​കൂ​ടെ കിടക്കും, . . .ഒരു ചെറിയ കുട്ടി അവയെ നടത്തും.”—യെശയ്യാ​വു 11:6.

മേലാൽ രോഗ​മോ, വാർദ്ധ​ക്യ​മോ, മരണമോ ഇല്ല

“അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:4.

മരിച്ച പ്രിയ​പ്പെ​ട്ട​വ​രു​ടെ പുനരു​ത്ഥാ​നം

“കല്ലറക​ളിൽ ഉള്ളവർ എല്ലാവ​രും അവന്റെ (യേശു​വി​ന്റെ) ശബ്ദം കേട്ടു പുനരു​ത്ഥാ​നം ചെയ്‌വാ​നുള്ള നാഴിക വരുന്നു.”—യോഹ​ന്നാൻ 5:28, 29.