മനുഷ്യ​വർഗ്ഗം ഒരു പുതി​യ​ലോ​ക​ത്തി​നു​വേണ്ടി വാഞ്‌ഛി​ക്കു​ന്നു

ഒരു പുതി​യ​ലോ​ക​ത്തി​നു​വേ​ണ്ടി​യുള്ള അഭിലാ​ഷം ഒരിക്ക​ലും ഇപ്പോ​ഴ​ത്തേ​ക്കാൾ വലുതാ​യി​രു​ന്നി​ട്ടില്ല. കഴിഞ്ഞ എട്ടുവർഷ​ങ്ങ​ളി​ലെ യുദ്ധങ്ങ​ളും സംക്ഷോ​ഭ​ങ്ങ​ളും ക്ഷാമങ്ങ​ളും പകർച്ച​വ്യാ​ധി​ക​ളും കുററ​കൃ​ത്യ​ങ്ങ​ളും മലിനീ​ക​ര​ണ​വും ഒരു പേടി​സ്വ​പ്‌ന​മാ​യി​രു​ന്നി​ട്ടുണ്ട്‌. സമാധാ​ന​മുള്ള ഒരു പുതി​യ​ലോ​ക​ത്തി​നു​വേണ്ടി ഉണരാൻ മനുഷ്യ​വർഗ്ഗം ആഗ്രഹി​ക്കു​ന്നു. ഈ ആഗ്രഹ​ത്തോ​ടു പ്രതി​ക​രി​ച്ചു​കൊ​ണ്ടു ലോക​നേ​താ​ക്കൾ അത്തര​മൊ​രു പുതി​യ​ലോ​കം സൃഷ്ടി​ക്കു​ന്ന​തി​നെ​ക്കു​റി​ച്ചു സംസാ​രി​ച്ചു തുടങ്ങി​യി​ട്ടുണ്ട്‌.

ഒരു പുതി​യ​ലോ​കം സമീപി​ച്ചി​രി​ക്കു​ന്നു​വെന്ന പ്രമു​ഖ​നേ​താ​ക്ക​ളു​ടെ പ്രസം​ഗ​ങ്ങ​ളി​ലെ പ്രഖ്യാ​പ​നങ്ങൾ നിങ്ങൾ വായി​ച്ചി​ട്ടുണ്ട്‌ അല്ലെങ്കിൽ കേട്ടി​ട്ടുണ്ട്‌ എന്നതിനു സംശയ​മില്ല. ആയിര​ത്തി​ത്തൊ​ള്ളാ​യി​രത്തി തൊണ്ണൂ​റ​റി​യൊ​ന്നു സെപ്‌റ​റം​ബ​റി​ലെ ഒരു പ്രസം​ഗ​ത്തിൽ യു.എസ്‌. പ്രസി​ഡണ്ട്‌ ജോർജ്ജ്‌ ബുഷ്‌ പറഞ്ഞു: “ഇന്നുരാ​ത്രി, ഞാൻ ഗോള​ത്തി​നു​ചു​റ​റും ജനകീ​യ​ഭ​രണം വ്യാപി​ക്കുന്ന നാടകം കാണു​മ്പോൾ, ഒരുപക്ഷേ—ഒരുപക്ഷേ നാം ആ പുതി​യ​ലോ​ക​ത്തോട്‌ മുമ്പെ​ന്ന​ത്തേ​ക്കാ​ളും അടുത്താണ്‌.”

പാശ്ചാത്യ, പൗരസ്‌ത്യ ചേരി​കൾക്കി​ട​യി​ലുള്ള ശീതസ​മ​ര​ത്തി​ന്റെ അന്ത്യം ഒരു പുതി​യ​ലോ​കം അടുത്തി​രി​ക്കു​ന്നു​വെ​ന്ന​തി​ന്റെ തെളി​വെ​ന്ന​നി​ല​യിൽ ലോക​നേ​താ​ക്കൾ ചൂണ്ടി​ക്കാ​ണി​ക്കു​ന്നു. നിരാ​യു​ധീ​കരണ പദ്ധതികൾ നടപ്പി​ലാ​ക്കി​യ​പ്പോൾ ലോകം അല്‌പ​മൊന്ന്‌ ആശ്വസി​ച്ചു. ആണവാ​യു​ധ​ങ്ങ​ളു​ടെ വെട്ടി​ക്കു​റ​യ്‌ക്കൽ സമാധാ​ന​വും സുരക്ഷി​ത​ത്വ​വു​മുള്ള ഒരു പുതി​യ​ലോ​ക​ത്തി​നു​വേ​ണ്ടി​യുള്ള അനേക​രു​ടെ​യും പ്രത്യാ​ശയെ കൂടുതൽ ബലിഷ്‌ഠ​മാ​ക്കു​ന്നു.

പരേത​നാ​യ യു.എസ്‌. പ്രസി​ഡണ്ട്‌ ജോൺ എഫ്‌. കെന്നഡി​യു​ടെ ഭരണകാ​ലത്ത്‌ സ്‌റേ​റ​ററ്‌ അണ്ടർസെ​ക്ര​ട്ടറി ജോർജ്ജ്‌ മെഗി, കഴിഞ്ഞ​വർഷം ഏപ്രി​ലിൽ ഇങ്ങനെ പ്രഖ്യാ​പി​ച്ചു: “ഒരു പുതിയ ലോക​ത്തി​നു​വേണ്ടി പുതിയ സുരക്ഷി​തത്വ ധാരണ​കളെ അടിസ്ഥാ​ന​മാ​ക്കി ഒരു രൂപരേഖ നിർമ്മി​ക്കു​ന്ന​തി​നുള്ള അവസരം—തീർച്ച​യാ​യും, അതിന്റെ ആവശ്യം—നമുക്കുണ്ട്‌.” അദ്ദേഹം തുടർന്നു: “വിജയ​പ്ര​ദ​മായ ഒരു പുതി​യ​ലോക സമ്പ്രദാ​യ​ത്തി​നുള്ള ഏററം ആശാവ​ഹ​മായ പ്രത്യാശ, സാർവ്വ​ദേ​ശീയ ജനസമു​ദാ​യ​ത്തി​ന്റെ ബന്ധങ്ങൾ ദൃഢ​പ്പെ​ടു​ത്തു​ന്ന​തി​ലാ​ണു സ്ഥിതി​ചെ​യ്യു​ന്നത്‌ എന്നു ഞാൻ വിശ്വ​സി​ക്കു​ന്നു.”

ആയിര​ത്തി​ത്തൊ​ള്ളാ​യി​രത്തി തൊണ്ണൂ​റ​റി​ര​ണ്ടി​ന്റെ അവസാ​ന​ത്തോ​ടെ ഫ്രാൻസി​ന്റെ ആണവാ​യുധ പരീക്ഷ​ണ​ങ്ങ​ളു​ടെ വിലക്കൽ “മററ്‌ ആണവശ​ക്തി​കൾക്കു ഇതുതന്നെ ചെയ്യു​ന്ന​തി​നുള്ള ഒരു പ്രോ​ത്സാ​ഹ​ന​മാ​യി​രു​ന്നി​ട്ടുണ്ട്‌” എന്നു മെഗി പറഞ്ഞു. “ആയുധ​ങ്ങ​ളു​ടെ കുറയ്‌ക്ക​ലി​നും പ്രവർത്ത​ന​ക്ഷ​മ​മായ നിർണ്ണാ​യ​ക​സ്ഥാ​ന​ങ്ങ​ളിൽനി​ന്നുള്ള ആണവ​സൈ​ന്യ​ത്തി​ന്റെ തന്ത്ര​പ്ര​ധാ​ന​മായ പിൻവ​ലി​ക്ക​ലി​നും റഷ്യ മുൻകൈ എടുത്തു”വെന്നും അദ്ദേഹം ചൂണ്ടി​ക്കാ​ട്ടി.

കൂടാതെ, പേർഷ്യൻ ഗൾഫ്‌ യുദ്ധസ​ഖ്യം “‘സമാധാ​ന​വും സുരക്ഷി​ത​ത്വ​വും പുനഃ​സ്ഥി​തീ​ക​രി​ക്കു​ന്ന​തി​നും സംഘർഷങ്ങൾ പരിഹ​രി​ക്കു​ന്ന​തി​നും’ ഒരുമി​ച്ചു പ്രവർത്തി​ക്കാ​നുള്ള അന്താരാ​ഷ്‌ട്ര ജനവി​ഭാ​ഗ​ത്തി​ന്റെ കഴിവു സ്ഥിരീ​ക​രി​ച്ചു​വെന്ന്‌” 1991 ജൂ​ലൈ​യിൽ ലണ്ടനിൽവച്ചു നടന്ന ലോക​നേ​താ​ക്ക​ളു​ടെ ഒരു മീററിം​ഗി​ലെ ഏഴു പേർ പ്രഖ്യാ​പി​ച്ചു.

ഏതു തരത്തി​ലുള്ള പുതി​യ​ലോ​കം?

ഇതെല്ലാം പ്രോ​ത്സാ​ഹ​ജ​ന​ക​മാണ്‌. എന്നാൽ നിങ്ങ​ളോ​ടു​തന്നെ ചോദി​ക്കുക, ഏതു തരത്തി​ലുള്ള പുതി​യ​ലോ​കം സൃഷ്ടി​ക്കാ​നാ​ണു രാഷ്‌ട്രങ്ങൾ പ്രത്യാ​ശി​ക്കു​ന്നത്‌? അത്‌ ഒരു ആയുധ-രഹിത, യുദ്ധ-രഹിത ലോക​മാ​ണോ?

മെഗി ഉത്തരം നൽകുന്നു: “ഭാവി​യി​ലെ ഏതെങ്കി​ലും ഐക്യ​സൈ​നി​ക​ശ്ര​മ​ങ്ങൾക്കു തങ്ങളുടെ പങ്കു സംഭാവന ചെയ്യു​ന്ന​തി​നും അല്ലെങ്കിൽ യുദ്ധം ഒഴിച്ചു​കൂ​ടാ​നാ​വാ​ത്ത​താ​ണെ​ങ്കിൽ ജയിക്കു​ന്ന​തി​നും അമേരിക്ക വേണ്ടത്ര ആയുധങ്ങൾ വച്ചു​കൊ​ണ്ടി​രി​ക്കണം.” മെഗി പറഞ്ഞതു​പോ​ലെ, “യുദ്ധം ഒഴിച്ചു​കൂ​ടാ​നാ​വാത്ത”തായതു​കൊണ്ട്‌ സമ്പൂർണ്ണ നിരാ​യു​ധീ​ക​ര​ണ​ത്തി​നോ സൈനി​ക​ശ്ര​മങ്ങൾ ഒഴിവാ​ക്കു​ന്ന​തി​നോ ലോക​നേ​താ​ക്കൾ ഉപദേ​ശി​ക്കു​ന്നില്ല. ഗവൺമെൻറു​കൾക്കു കേവലം യുദ്ധര​ഹി​ത​മായ ഒരു പുതി​യ​ലോ​കം വാഗ്‌ദാ​നം ചെയ്യാൻ കഴിയില്ല. വാസ്‌ത​വ​മാ​യും, അത്തര​മൊ​രു ലോകം സൃഷ്ടി​ക്കാൻ കഴിയി​ല്ലെന്ന്‌ അവർക്ക്‌ അറിയാം.

ഉദാഹ​ര​ണ​ത്തിന്‌, ഇതി​നോ​ടകം എന്താണു സംഭവി​ച്ചു​ക​ഴി​ഞ്ഞ​തെന്നു നോക്കുക. “പുതി​യ​ലോക ക്രമം” എന്ന തലക്കെ​ട്ടിൻകീ​ഴിൽ മേയ്‌ 17, 1992-ലെ ന്യൂ​യോർക്ക്‌ ടൈം​സൽ കോള​മെ​ഴു​ത്തു​കാ​ര​നായ ആൻറണി ലൂയിസ്‌ എഴുതി: “(സരാ​യെ​വോ​യി​ലും ബോസ്‌നി​യ​യി​ലും ഹെർസി​ഗോ​വി​നാ​യി​ലും) ഷെല്ലുകൾ വീഴു​ന്ന​തും ജനങ്ങൾ ഭയത്തിൽ പതുങ്ങി​ക്ക​ഴി​യു​ന്ന​തും ടെലി​വി​ഷ​നിൽ വീക്ഷി​ച്ച​പ്പോൾ റോട്ടർഡാ​മിൽ നാസി​ബോം​ബു​കൾ വീണതു​മു​തൽ മാനവ​സം​സ്‌കാ​രം പുരോ​ഗ​മി​ച്ചി​രു​ന്നി​ല്ലെന്നു ഞാൻ ചിന്തിച്ചു. എന്തൊരു പുതി​യ​ലോക ക്രമം”.

എന്നിരു​ന്നാ​ലും, ഒരു സംതൃ​പ്‌തി​ദാ​യ​ക​മായ പുതി​യ​ലോ​കം സൃഷ്ടി​ക്കു​ന്ന​തി​നു യുദ്ധങ്ങൾ ഉച്ചാടനം ചെയ്യു​ന്നതു കൂടാതെ മററ​നേകം പ്രശ്‌നങ്ങൾ പരിഹ​രി​ക്ക​പ്പെ​ടേ​ണ്ട​തുണ്ട്‌. നമ്മുടെ അന്തരീ​ക്ഷ​ത്തെ​യും കരയെ​യും കടലി​നെ​യും സാവധാ​നം നശിപ്പി​ച്ചു​കൊ​ണ്ടി​രി​ക്കുന്ന പ്രച്ഛന്ന​മായ മലിനീ​ക​ര​ണ​വും ശക്തമായ അധോ​ലോക സംഘങ്ങ​ളും ലക്ഷക്കണ​ക്കി​നാ​ളു​ക​ളു​ടെ ആരോ​ഗ്യ​വും സ്വത്തു​ക്ക​ളും അപഹരി​ക്കുന്ന മയക്കു​മ​രു​ന്നു കള്ളക്കട​ത്തു​സം​ഘ​ങ്ങ​ളും മണ്ണൊ​ലി​പ്പി​നും ക്രമേണ വിളവു​കൾ നശിപ്പി​ക്കുന്ന പ്രളയ​ത്തി​നും സംഭാ​വ​ന​ചെ​യ്യുന്ന മഴക്കാ​ടു​ക​ളു​ടെ നിരു​ത്ത​ര​വാ​ദ​പ​ര​മായ നശീക​ര​ണ​വും പരിഗ​ണി​ക്കുക.

കൂടു​ത​ലാ​യി, ഹൃദ്‌രോ​ഗങ്ങൾ, അർബുദം, എയ്‌ഡ്‌സ്‌, രക്താർബ്ബു​ദം, പ്രമേഹം എന്നിവ ഉൾപ്പെ​ടെ​യുള്ള ഭയങ്കര​മായ ശാരീ​രിക ക്ലേശങ്ങൾക്ക്‌ ഇനിയും പ്രതി​വി​ധി കണ്ടെ​ത്തേ​ണ്ടി​യി​രി​ക്കു​ന്നു. ദാരി​ദ്ര്യം, ഭവനരാ​ഹി​ത്യം, ഭക്ഷ്യ-ജല ദൗർല​ഭ്യം, വികല​പോ​ഷണം, നിരക്ഷരത, ഓസോൺ പാളി​യു​ടെ ശുഷ്‌കി​ക്കൽ എന്നീ പ്രശ്‌നങ്ങൾ സംബന്ധി​ച്ചെന്ത്‌? തീർച്ച​യാ​യും പട്ടിക ഇങ്ങനെ നീണ്ടു നീണ്ടു​പോ​കു​ന്നു. ഈ സങ്കീർണ്ണ പ്രശ്‌നങ്ങൾ പ്രവർത്ത​ന​സ​ജ്ജ​മാ​ക്കി​യി​രി​ക്കുന്ന ഒരു ടൈം ബോം​ബു​പോ​ലെ​യാണ്‌. മമനു​ഷ്യ​ന്റെ നാശത്തി​ലേക്കു നയിക്കുന്ന വിപത്തു​ക​ളു​ടെ പരമ്പര​യു​ടെ സ്‌ഫോ​ട​ന​ത്തി​നു മുമ്പ്‌ അവൻ ഇപ്പോൾ അവ നിർവ്വീ​ര്യ​മാ​ക്കേ​ണ്ട​തുണ്ട്‌. ഇതു​ചെ​യ്യു​ന്ന​തി​നുള്ള സമയത്ത്‌ ഒരു പുതി​യ​ലോ​കം കെട്ടി​പ്പ​ടു​ക്കാൻ അവനു കഴിയു​മോ?

ഭൂമി​യു​ടെ പ്രശ്‌നങ്ങൾ പരിഹ​രി​ക്കു​ന്ന​തി​നു​വേണ്ടി വർഷങ്ങ​ളാ​യി സ്ഥാപന​ങ്ങ​ളും ചർച്ചാ​സ​മ്മേ​ള​ന​ങ്ങ​ളും കഠിന​മാ​യി പരി​ശ്ര​മി​ച്ചു​കൊ​ണ്ടി​രി​ക്കു​ക​യാ​യി​രു​ന്നു. എന്നിരു​ന്നാ​ലും, പ്രശ്‌നങ്ങൾ വർദ്ധി​ച്ചു​വെ​ന്നു​മാ​ത്രമല്ല പുതി​യ​തും കൂടുതൽ സങ്കീർണ്ണ​വു​മാ​യവ വികാസം പ്രാപി​ക്കു​ക​യും ചെയ്‌തി​രി​ക്കു​ന്നു. ഇവ പരിഹ​രി​ക്കു​ന്ന​തി​നുള്ള മമനു​ഷ്യ​ന്റെ കഴിവു​കു​റവു സമാധാ​ന​പൂർണ്ണ​മായ, സുരക്ഷി​ത​മായ പുതി​യ​ലോ​ക​ത്തി​നു​വേ​ണ്ടി​യുള്ള മനുഷ്യ​വർഗ്ഗ​ത്തി​ന്റെ അഭിലാ​ഷം വ്യർത്ഥ​മാ​ണെന്ന്‌ അർത്ഥമാ​ക്കു​ന്നു​ണ്ടോ? ഞങ്ങൾക്ക്‌ ആത്മവി​ശ്വാ​സ​ത്തോ​ടെ ഇല്ല എന്ന്‌ ഉത്തരം പറയാൻ കഴിയും! ഞങ്ങൾ ഇതു പറയു​ന്ന​തെ​ന്തു​കൊ​ണ്ടെന്നു ദയവായി പരിഗ​ണി​ക്കുക. (g92 10⁄22)