ടിവി ഇല്ലെങ്കിൽ കുടും​ബ​ജീ​വി​തം ഏറെ സന്തുഷ്ട​മാ​യി​രി​ക്കു​മോ?

ഈ വർഷം ഫെബ്രു​വ​രി​യിൽ ദ വാൾസ്‌ട്രീ​ററ്‌ ജേർണൽ “ടിവി​യി​ല്ലാ​തെ: ചില കുടും​ബങ്ങൾ ടിവി കൂടാതെ തഴച്ചു​വ​ള​രു​ന്നു” എന്ന ശീർഷ​ക​ത്തി​ലുള്ള ലേഖനം വിശേ​ഷ​വ​ത്‌ക​രി​ച്ചു. ആ പത്രം ഇപ്രകാ​രം റിപ്പോർട്ടു ചെയ്‌തു: “ടിവി കാഴ്‌ച എന്നേക്കു​മാ​യി നിർത്തുന്ന താരത​മ്യേന ചുരുക്കം ചില അമേരി​ക്കൻ കുടും​ബ​ങ്ങ​ളു​ടെ ജീവിതം ടിവി കൂടാ​തെ​തന്നെ സന്തുഷ്ട​മാ​യി പോകു​ന്നു.”

റോജർ ബാനി​സ്‌ററർ ആദ്യമാ​യി ഒരു മൈൽ ദൂരം നാലു മിനി​റ​റിൽ കുറഞ്ഞ സമയം​കൊണ്ട്‌ ഓടി​ത്തീർത്ത​തി​ന്റെ 40-ാം വാർഷി​കം ആഘോ​ഷി​ക്കാൻ അടുത്ത​യി​ടെ കൂടിവന്ന ഒരു പുനഃ​സം​ഗ​മ​ത്തിൽ കുടും​ബ​ത്തി​ന്റെ മേൽ ടെലി​വി​ഷ​നു​ള​വാ​ക്കുന്ന ഫലത്തെ​ക്കു​റി​ച്ചും ചർച്ച ചെയ്യ​പ്പെ​ടു​ക​യു​ണ്ടാ​യി. 1960-കളിലെ ഒരു മൈ​ലോട്ട ചാമ്പ്യ​നായ ജിം റിയു​ണി​ന്റെ അഭി​പ്രാ​യ​പ്ര​കാ​രം, 1968-ലെ ഒളിമ്പി​ക്‌സി​നു മുമ്പ്‌ റോജ​റു​മാ​യി പങ്കുവെച്ച ഒരു ഡിന്നറി​ന്റെ സമയത്ത്‌ ഈ വിഷയം പൊന്തി​വ​ന്നി​രു​ന്നു.

റിയുൺ വിശദീ​ക​രി​ച്ചു: “അന്ന്‌ എന്റെയും ഭാര്യ ആനി​ന്റെ​യും വിവാ​ഹ​നി​ശ്ചയം കഴിഞ്ഞി​രു​ന്നു. അതു​കൊണ്ട്‌, വാസ്‌ത​വ​ത്തിൽ തങ്ങളുടെ കുടും​ബ​ജീ​വി​ത​ത്തി​ന്റെ ഗുണത്തെ മെച്ച​പ്പെ​ടു​ത്തിയ ഒരു സംഗതി താൻ കണ്ടെത്തി​യ​താ​യി റോജർ ഞങ്ങളോ​ടു പറഞ്ഞു. ഞങ്ങൾ തീർച്ച​യാ​യും ചെവി കൂർപ്പിച്ച്‌ കേട്ടി​രു​ന്നു. ഒരു കുടും​ബ​മെന്ന നിലയിൽ ഒത്തൊ​രു​മിച്ച്‌ സംസാ​രി​ക്കു​ന്ന​തി​നും വായി​ക്കു​ന്ന​തി​നും സമയം ഉണ്ടായി​രി​ക്കു​ന്ന​തി​നു ടെലി​വി​ഷൻ താൻ വീട്ടിൽനി​ന്നു നീക്കം ചെയ്യു​ക​യാ​ണു​ണ്ടാ​യ​തെന്ന്‌ അദ്ദേഹം പറഞ്ഞു.”

റിയുൺ ഇപ്രകാ​രം വിവരി​ച്ചു: “അദ്ദേഹം പറഞ്ഞ കാര്യ​ത്തിന്‌ ഞങ്ങളു​ടെ​മേൽ ഒരു വലിയ സ്വാധീ​ന​മു​ണ്ടാ​യി​രു​ന്നു. ‘ഞങ്ങൾക്ക്‌ വാസ്‌ത​വ​ത്തിൽ ടിവി​യു​ടെ ആവശ്യ​മില്ല’ എന്നു ഞങ്ങൾ മനസ്സി​ലാ​ക്കാൻ തുടങ്ങി.”

അനേക​മാ​ളു​കൾ അതേ നിഗമ​ന​ത്തിൽ എത്തി​ച്ചേർന്നി​ട്ടുണ്ട്‌. എന്തു​കൊണ്ട്‌? ടിവി​യു​ടെ മാസ്‌മ​ര​സ്വാ​ധീ​നം നിമിത്തം, പ്രത്യേ​കി​ച്ചും ചെറു​പ്പ​ക്കാ​രു​ടെ​മേൽ. യു.എസ്‌.എ.യിലെ മേരി​ലാൻഡി​ലുള്ള ഒരു മാതാവ്‌ പറയു​ന്ന​ത​നു​സ​രിച്ച്‌, ടിവി​യു​ടെ മുമ്പി​ലി​രുന്ന്‌ കുട്ടിക്ക്‌ മുല കൊടു​ക്കു​മ്പോൾ കുട്ടി “പെട്ടെന്ന്‌ തല വെട്ടിച്ച്‌ ടിവി സ്‌ക്രീ​നി​ലേക്കു തുറി​ച്ചു​നോ​ക്കു​മാ​യി​രു​ന്നു. ആ പ്രായ​ത്തിൽ അവൾ അങ്ങനെ ചെയ്‌താൽ വലുതാ​കു​മ്പോൾ അവൾ എന്തു ചെയ്യു​മെന്നു ഞങ്ങൾ വിചാ​രി​ച്ചു.” അതു​കൊണ്ട്‌ ആ കുടും​ബം ടിവി വേണ്ടെന്നു വെച്ചു.

നിങ്ങൾ ടിവി പൂർണ​മാ​യും ഒഴിവാ​ക്കു​ന്നി​ല്ലെ​ങ്കിൽ, അതിന്റെ ഉപയോ​ഗം നിയ​ന്ത്രി​ക്കു​ന്നത്‌ നല്ലതാ​യി​രി​ക്കി​ല്ലേ? ഇംഗ്ലണ്ടി​ലെ ഓക്‌സ്‌ഫോർഡ്‌ യൂണി​വേ​ഴ്‌സി​റ​റി​യി​ലെ പഠനത്തിന്‌ റോഡിസ്‌ സ്‌കോ​ളർഷിപ്പ്‌ ലഭിച്ച ആദ്യത്തെ കറുത്ത​വർഗ​ക്കാ​രി കാരെൻ സ്‌ററീ​വൻസൺ തന്റെ പൂർവ ജീവി​ത​ത്തെ​ക്കു​റിച്ച്‌ ഇപ്രകാ​രം പറഞ്ഞു: “വാരത്തി​ലെ ഇടദി​വ​സ​ങ്ങ​ളിൽ ടിവി കാണാൻ അനുവ​ദി​ച്ചി​രു​ന്നില്ല. പ്രത്യേ​ക​മാ​യി കാണാൻ ഞങ്ങൾ ആഗ്രഹിച്ച എന്തെങ്കി​ലു​മു​ണ്ടാ​യി​രു​ന്നെ​ങ്കിൽ . . . , ഞങ്ങൾ തലേ ഞായറാഴ്‌ച അതി​നെ​ക്കു​റിച്ച്‌ [മമ്മി​യോട്‌] പറഞ്ഞിട്ട്‌ അതിനു വേണ്ടി ക്രമീ​ക​രി​ക്ക​ണ​മാ​യി​രു​ന്നു.”

നിങ്ങളു​ടെ കുടും​ബ​ത്തി​ലെ ടിവി കാഴ്‌ച സംബന്ധി​ച്ചെന്ത്‌? അതു പൂർണ​മാ​യി ഒഴിവാ​ക്കു​ന്ന​തി​ന്റെ അല്ലെങ്കിൽ അതു കുറച്ചു സമയ​ത്തേ​ക്കാ​യി പരിമി​ത​പ്പെ​ടു​ത്തേ​ണ്ട​തി​ന്റെ മൂല്യം നിങ്ങൾ കാണു​ന്നു​ണ്ടോ?