നിങ്ങൾ എന്നെങ്കി​ലും അറിയാൻ ആഗ്രഹി​ച്ചി​ട്ടു​ണ്ടോ?

നൂറു​ക​ണ​ക്കി​നു മതങ്ങളും വിഭാ​ഗ​ങ്ങ​ളും ആരാധനാ സമ്പ്രദാ​യ​ങ്ങ​ളും ഇന്നു ലോക​ത്തി​ലു​ള്ള​തു​കൊണ്ട്‌ ദൈവം അംഗീ​ക​രി​ച്ചി​ട്ടുള്ള മതത്തെ നിങ്ങൾക്കെ​ങ്ങനെ തിരി​ച്ച​റി​യാൻ കഴിയും? അത്‌ ഒരു വൈ​ക്കോൽക്കൂ​ന​യിൽ ഒരു സൂചി തിരയു​ന്ന​തു​പോ​ലെ ആണെന്നു തോന്നി​യേ​ക്കാം. എന്നാൽ നിങ്ങൾ ഓരോ ഇഴയും നീക്കി കൂന മുഴുവൻ പരി​ശോ​ധി​ക്കേണ്ട ആവശ്യ​മു​ണ്ടോ? ഇല്ല. നിങ്ങൾക്ക്‌ ഒരു തള്ളിക്ക​ളയൽ പ്രക്രിയ ഉപയോ​ഗി​ക്കാൻ കഴിയും. ആ “ഒരു വിശ്വാ​സം” തിരി​ച്ച​റി​യാൻ നിങ്ങളെ സഹായി​ക്കുന്ന കാന്തമെന്ന നിലയിൽ ദൈവ​വ​ച​ന​മായ ബൈബിൾ പ്രവർത്തി​ക്കു​ന്നു.—എഫെസ്യർ 4:5.

ഈ മാസി​ക​യു​ടെ ഒരു മുൻല​ക്ക​ത്തിൽ “നിങ്ങൾ എന്നെങ്കി​ലും അറിയാൻ ആഗ്രഹി​ച്ചി​ട്ടു​ണ്ടോ?” എന്നതിൻകീ​ഴിൽ (1994 ജനുവരി 8, പേജ്‌ 13) ഞങ്ങൾ അമർത്ത്യ​ദേ​ഹി​യു​ടെ പ്രശ്‌നം ചർച്ച ചെയ്യു​ക​യു​ണ്ടാ​യി. ബൈബിൾപ​ര​മായ ന്യായ​വാ​ദം ഉപയോ​ഗി​ച്ചു​കൊണ്ട്‌, മനുഷ്യ​നു മരണാ​ന​ന്തരം സുഖമ​നു​ഭ​വി​ക്കു​ന്ന​തോ കഷ്ടപ്പെ​ടു​ന്ന​തോ ആയ ഒരു അമർത്ത്യ​ദേ​ഹി​യി​ല്ലെന്ന്‌ ഞങ്ങൾ തെളി​യി​ക്കു​ക​യു​ണ്ടാ​യി. (സഭാ​പ്ര​സം​ഗി 9:5, 10; യെഹെ​സ്‌കേൽ 18:4) ആ ലളിത​മായ സത്യം ഉപയോ​ഗിച്ച്‌, മനുഷ്യന്‌ ഒരു അമർത്ത്യ​ദേ​ഹി​യു​ണ്ടെന്നു പഠിപ്പി​ക്കുന്ന ഏതൊരു മതത്തെ​യും നമുക്കു തള്ളിക്ക​ള​യാൻ കഴിയും. ദൈവം അംഗീ​ക​രി​ച്ചി​ട്ടുള്ള മതത്തി​നു​വേ​ണ്ടി​യുള്ള നമ്മുടെ അന്വേ​ഷ​ണ​ത്തിൽ, അത്‌ ഏതാനും എണ്ണത്തെ മാത്രം അവശേ​ഷി​പ്പി​ക്കു​ന്നു. അതു​കൊണ്ട്‌ താഴെ പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ എടുത്തു​നോ​ക്കി​ക്കൊ​ണ്ടും ന്യായ​വാ​ദം ചെയ്‌തു​കൊ​ണ്ടും പട്ടിക ഇനിയും ചുരു​ക്കാൻ നമ്മെ സഹായി​ച്ചേ​ക്കാ​വുന്ന കുറേ ചോദ്യ​ങ്ങൾകൂ​ടെ നമുക്ക്‌ ഉപയോ​ഗി​ക്കാം.

1.സത്യാ​രാ​ധന മത-മാനു​ഷ​നേ​താ​ക്ക​ന്മാ​രെ ഉയർത്തു​ക​യും മഹത്ത്വീ​ക​രി​ക്കു​ക​യും അനുചി​ത​മാ​യി ആദരി​ക്കു​ക​യും ചെയ്യു​മോ, അവർക്കു തിരു​വെ​ഴു​ത്തു വിരു​ദ്ധ​മായ പദവി​നാ​മങ്ങൾ കൊടു​ത്തു​കൊ​ണ്ടു​പോ​ലും?—സങ്കീർത്തനം 96:5-7; മത്തായി 23:6-12; 1 കൊരി​ന്ത്യർ 3:5-9.

2.സത്യമതം, അതിലെ നായക​ന്മാർക്ക്‌ ആഡംബ​ര​ത്തിൽ ജീവി​ക്കാൻ കഴി​യേ​ണ്ട​തിന്‌ ഒരു ലാഭോ​ന്മുഖ സംരംഭം ആയിരി​ക്ക​ണ​മോ?—മത്തായി 6:19-21; യാക്കോബ്‌ 2:1-4; 5:1-3.

3.സത്യമതം ഏതെങ്കി​ലും ഒരു ഉപദേ​ശ​ത്തി​ന്റെ അടിസ്ഥാ​ന​ത്തി​ലോ (ബാപ്‌റ്റിസ്റ്റ്‌, പെന്ത​ക്കൊ​സ്‌ത്‌ എന്നതു​പോ​ലെ) അതിന്റെ ഭൂമി​ശാ​സ്‌ത്ര​പ​ര​മായ ഉത്ഭവസ്ഥാ​ന​ത്തി​ന്റെ അടിസ്ഥാ​ന​ത്തി​ലോ (റോമൻ, സതേൺ, ഇംഗ്ലണ്ടി​ലെ സഭ എന്നിവ​പോ​ലെ) അതിന്റെ അപൂർണ സ്ഥാപകന്റെ പേരി​ലോ (ലൂഥർ, കാൽവിൻ, വെസ്ലി) അതു പ്രാ​യോ​ഗി​ക​മാ​ക്കുന്ന നിയമ​രൂ​പ​ത്തി​ന്റെ അടിസ്ഥാ​ന​ത്തി​ലോ (പ്രസ്‌ബി​റ്റേ​റി​യൻ, എപ്പിസ്‌കോ​പ്പൽ, കോൺഗ്രി​ഗേ​ഷണൽ എന്നിവ​പോ​ലെ) തിരി​ച്ച​റി​യി​ക്ക​പ്പെ​ട​ണ​മോ?—യെശയ്യാ​വു 43:10, 12; പ്രവൃ​ത്തി​കൾ 11:26.

4.സത്യാ​രാ​ധന ദൈവ​ത്തി​ന്റെ വെളി​പ്പെ​ടു​ത്ത​പ്പെട്ട നാമം മറച്ചു​വെ​ക്കാ​നോ നീക്കം ചെയ്യാ​നോ ശ്രമി​ക്കു​മോ?—യെശയ്യാ​വു 12:4, 5; മത്തായി 6:9; യോഹ​ന്നാൻ 17:26.

5.(എ) സത്യമതം ബൈബി​ളി​നെ എങ്ങനെ വീക്ഷി​ക്കണം? (സങ്കീർത്തനം 119:105; ലൂക്കൊസ്‌ 24:44, 45; റോമർ 15:4; 2 തിമൊ​ഥെ​യൊസ്‌ 3:14-16) (ബി) ബൈബിൾക്കാ​ല​ത്തി​നു ശേഷമുള്ള വെളി​പ്പാ​ടു​കൾ എന്നു വിളി​ക്ക​പ്പെ​ടു​ന്ന​വയെ അത്‌ എങ്ങനെ വീക്ഷി​ക്കണം?—ഗലാത്യർ 1:8, 9.

6.സത്യാ​രാ​ധകർ രക്ഷക്കു​വേണ്ടി ആരി​ലേ​ക്കും എന്തി​ലേ​ക്കും ശ്രദ്ധതി​രി​ക്കും?—സങ്കീർത്തനം 27:1; മത്തായി 6:33; റോമർ 16:25-27; 1 കൊരി​ന്ത്യർ 15:27, 28; വെളി​പ്പാ​ടു 11:15.

7.സത്യമതം അതിന്റെ പഠിപ്പി​ക്ക​ലു​ക​ളു​ടെ ഫലമായി ഏതുതരം നടത്ത ഉത്‌പാ​ദി​പ്പി​ക്കണം?—മത്തായി 22:37-40; എഫെസ്യർ 4:23-29; താരത​മ്യം ചെയ്യുക: ഗലാത്യർ 5:22, 23-നോട്‌ 5:19-21.

8.ദൈവ​ത്തി​ന്റെ സത്യാ​രാ​ധ​ക​രു​ടെ ലോക​വ്യാ​പക സഹോ​ദ​ര​വർഗം ഭിന്നി​പ്പി​ക്കുന്ന രാഷ്ട്രീ​യ​ത്തി​ലും ദേശീ​യ​വാ​ദ​ത്തി​ലും ഉൾപ്പെ​ടു​മോ?—ദാനീ​യേൽ 2:44; 7:14; യോഹ​ന്നാൻ 18:36; റോമർ 16:17; 1 കൊരി​ന്ത്യർ 1:10.

9.ദൈവം അംഗീ​ക​രി​ച്ചി​ട്ടുള്ള ആരാധന യുദ്ധങ്ങ​ളി​ലും വംശീ​യ​വും ഗോ​ത്ര​പ​ര​വു​മായ കുരു​തി​ക​ളി​ലും പങ്കെടു​ക്കു​ന്ന​തിന്‌ അനുവ​ദി​ക്കു​മോ?—പുറപ്പാ​ടു 20:13; യെശയ്യാ​വു 2:2-4; യോഹ​ന്നാൻ 13:34, 35.

10.ഇന്നു ലോക​വ്യാ​പ​ക​മാ​യി യഥാർഥ ക്രിസ്‌തീയ സ്‌നേഹം പ്രകട​മാ​ക്കു​ന്ന​താ​രാണ്‌? രാഷ്ട്രീ​യ​ത്താ​ലും വർഗീ​യ​ത​യാ​ലും ദേശീ​യ​ത്വ​ത്താ​ലും ഭിന്നി​ച്ചി​രി​ക്കാ​ത്തവർ? മനുഷ്യ നേതാ​ക്ക​ന്മാ​രെ മഹത്ത്വീ​ക​രി​ക്കാ​ത്തവർ? ധനത്തി​നും സ്ഥാനത്തി​നു​മാ​യി ആളുകളെ ചൂഷണം ചെയ്യാ​ത്തവർ? യുദ്ധങ്ങ​ളിൽ പങ്കെടു​ക്കാ​ത്തവർ? ബൈബിൾപ​ര​മായ ഒരു നാമമു​ള്ളവർ? മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കു സ്ഥിരമായ പരിഹാ​ര​മെ​ന്ന​നി​ല​യിൽ ദൈവ​ത്തി​ന്റെ രാജ്യ​ഭ​ര​ണത്തെ പ്രസി​ദ്ധ​മാ​ക്കു​ന്നവർ?—യെശയ്യാ​വു 43:10, 12.

നിങ്ങൾ എന്നെങ്കി​ലും അറിയാൻ ആഗ്രഹി​ച്ചി​ട്ടു​ണ്ടോ? ബൈബി​ളി​ന്റെ ഉത്തരങ്ങൾ

20-ാം പേജിലെ ചോദ്യ​ങ്ങ​ളോ​ടൊ​പ്പം പരാമർശി​ച്ചി​രി​ക്കുന്ന ചില തിരു​വെ​ഴു​ത്തു​കൾ ഇവയാണ്‌:

1.“അത്താഴ​ത്തിൽ പ്രധാ​ന​സ്ഥ​ല​വും പള്ളിയിൽ മുഖ്യാ​സ​ന​വും അങ്ങാടി​യിൽ വന്ദനവും മനുഷ്യർ റബ്ബീ എന്നു വിളി​ക്കു​ന്ന​തും അവർക്കു പ്രിയ​മാ​കു​ന്നു. നിങ്ങളോ റബ്ബീ എന്നു പേർ എടുക്ക​രു​തു. ഒരുത്തൻ അത്രേ നിങ്ങളു​ടെ ഗുരു; നിങ്ങളോ എല്ലാവ​രും സഹോ​ദ​രൻമാർ. ഭൂമി​യിൽ ആരെയും പിതാവു എന്നു വിളി​ക്ക​രു​തു; ഒരുത്തൻ അത്രേ നിങ്ങളു​ടെ പിതാവു, സ്വർഗ്ഗസ്ഥൻ തന്നേ. നിങ്ങൾ നായക​ന്മാർ എന്നും പേർ എടുക്ക​രു​തു; ഒരുത്തൻ അത്രേ നിങ്ങളു​ടെ നായകൻ, ക്രിസ്‌തു​തന്നേ. നിങ്ങളിൽ ഏറ്റവും വലിയവൻ നിങ്ങളു​ടെ ശുശ്രൂ​ഷ​ക്കാ​രൻ ആകേണം. തന്നെത്താൻ ഉയർത്തു​ന്നവൻ എല്ലാം താഴ്‌ത്ത​പ്പെ​ടും; തന്നെത്താൻ താഴ്‌ത്തു​ന്നവൻ എല്ലാം ഉയർത്ത​പ്പെ​ടും.”—മത്തായി 23:6-12.

2.“പുഴു​വും തുരു​മ്പും കെടു​ക്ക​യും കള്ളന്മാർ തുരന്നു മോഷ്ടി​ക്ക​യും ചെയ്യുന്ന ഈ ഭൂമി​യിൽ നിങ്ങൾ നിക്ഷേപം സ്വരൂ​പി​ക്ക​രു​തു. പുഴു​വും തുരു​മ്പും കെടു​ക്കാ​തെ​യും കള്ളന്മാർ തുരന്നു മോഷ്ടി​ക്കാ​തെ​യു​മി​രി​ക്കുന്ന സ്വർഗ​ത്തിൽ നിക്ഷേപം സ്വരൂ​പി​ച്ചു​കൊൾവിൻ. നിന്റെ നിക്ഷേപം ഉള്ളേടത്തു നിന്റെ ഹൃദയ​വും ഇരിക്കും.” (മത്തായി 6:19-21) “അല്ലയോ ധനവാ​ന്മാ​രേ, നിങ്ങളു​ടെ​മേൽ വരുന്ന ദുരി​തങ്ങൾ നിമിത്തം കരഞ്ഞു മുറയി​ടു​വിൻ. നിങ്ങളു​ടെ ധനം ദ്രവി​ച്ചും ഉടുപ്പു പുഴു​വ​രി​ച്ചും പോയി. നിങ്ങളു​ടെ പൊന്നും വെള്ളി​യും കറപി​ടി​ച്ചു; ആ കറ നിങ്ങളു​ടെ നേരെ സാക്ഷി​യാ​കും; അതു തീപോ​ലെ നിങ്ങളു​ടെ ജഡത്തെ തിന്നു​ക​ള​യും.”—യാക്കോബ്‌ 5:1-3.

3.“നിങ്ങൾ അറിഞ്ഞു എന്നെ വിശ്വ​സി​ക്ക​യും ഞാൻ ആകുന്നു എന്നു ഗ്രഹി​ക്ക​യും ചെയ്യേ​ണ്ട​തി​ന്നു നിങ്ങൾ എന്റെ സാക്ഷി​ക​ളും ഞാൻ തിര​ഞ്ഞെ​ടു​ത്തി​രി​ക്കുന്ന എന്റെ ദാസനും ആകുന്നു എന്നു യഹോ​വ​യു​ടെ അരുള​പ്പാ​ടു.” (യെശയ്യാ​വു 43:10) “ആദ്യം അന്ത്യൊ​ക്ക്യ​യിൽവെച്ചു ശിഷ്യ​ന്മാർക്കു ക്രിസ്‌ത്യാ​നി​കൾ എന്നു പേർ ഉണ്ടായി.”—പ്രവൃ​ത്തി​കൾ 11:26.

4.“യഹോ​വെക്കു സ്‌തോ​ത്രം ചെയ്‌വിൻ; അവന്റെ നാമത്തെ വിളി​ച്ച​പേ​ക്ഷി​പ്പിൻ; ജാതി​ക​ളു​ടെ ഇടയിൽ അവന്റെ പ്രവൃ​ത്തി​കളെ അറിയി​പ്പിൻ; അവന്റെ നാമം ഉന്നതമാ​യി​രി​ക്കു​ന്നു എന്നു പ്രസ്‌താ​വി​പ്പിൻ. . . . ഇതു ഭൂമി​യിൽ എല്ലാട​വും പ്രസി​ദ്ധ​മാ​യ്‌വ​രട്ടെ.” (യെശയ്യാ​വു 12:4, 5) “സ്വർഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ.”—മത്തായി 6:9.

5.(എ) ക്രിസ്‌തു യേശു​വി​ങ്ക​ലുള്ള വിശ്വാ​സ​ത്താൽ നിന്നെ രക്ഷെക്കു ജ്ഞാനി​യാ​ക്കു​വാൻ മതിയായ തിരു​വെ​ഴു​ത്തു​കളെ ബാല്യം​മു​തൽ അറിക​യും ചെയ്യു​ന്ന​തു​കൊ​ണ്ടു . . . നിലനില്‌ക്ക. എല്ലാ തിരു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ . . . ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള്ളതു ആകുന്നു.” (2 തിമൊ​ഥെ​യൊസ്‌ 3:14-17) (ബി) “ഞങ്ങൾ നിങ്ങ​ളോ​ടു അറിയി​ച്ച​തി​ന്നു വിപരീ​ത​മാ​യി ഞങ്ങൾ ആകട്ടെ സ്വർഗ്ഗ​ത്തിൽനി​ന്നു ഒരു ദൂതനാ​കട്ടെ നിങ്ങ​ളോ​ടു സുവി​ശേഷം അറിയി​ച്ചാൽ അവൻ ശപിക്ക​പ്പെ​ട്ടവൻ.”—ഗലാത്യർ 1:8.

6.“മുമ്പെ അവന്റെ രാജ്യ​വും നീതി​യും അന്വേ​ഷി​പ്പിൻ; അതോ​ടു​കൂ​ടെ ഇതൊ​ക്കെ​യും നിങ്ങൾക്കു കിട്ടും.” (മത്തായി 6:33) “ലോക​രാ​ജ​ത്വം നമ്മുടെ കർത്താ​വി​ന്നും അവന്റെ ക്രിസ്‌തു​വി​ന്നും ആയിത്തീർന്നി​രി​ക്കു​ന്നു; അവൻ എന്നെ​ന്നേ​ക്കും വാഴും.”—വെളി​പ്പാ​ടു 11:15.

7.“നിന്റെ ദൈവ​മായ കർത്താ​വി​നെ നീ പൂർണ്ണ​ഹൃ​ദ​യ​ത്തോ​ടും പൂർണ്ണാ​ത്മാ​വോ​ടും പൂർണ്ണ​മ​ന​സ്സോ​ടും കൂടെ സ്‌നേ​ഹി​ക്കേണം. ഇതാകു​ന്നു വലിയ​തും ഒന്നാമ​ത്തേ​തു​മായ കല്‌പന . . . കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം. ഈ രണ്ടു കല്‌പ​ന​ക​ളിൽ സകല ന്യായ​പ്ര​മാ​ണ​വും പ്രവാ​ച​കൻമാ​രും അടങ്ങി​യി​രി​ക്കു​ന്നു.” (മത്തായി 22:37-40) “ആത്മാവി​ന്റെ ഫലമോ: സ്‌നേഹം, സന്തോഷം, സമാധാ​നം, ദീർഘക്ഷമ, ദയ, പരോ​പ​കാ​രം, വിശ്വ​സ്‌തത, സൌമ്യത, ഇന്ദ്രി​യ​ജയം; ഈ വകെക്കു വിരോ​ധ​മാ​യി ഒരു ന്യായ​പ്ര​മാ​ണ​വു​മില്ല.”—ഗലാത്യർ 5:22, 23.

8.‘യേശു: “എന്റെ രാജ്യം ഐഹി​കമല്ല; എന്റെ രാജ്യം ഐഹികം ആയിരു​ന്നു എങ്കിൽ എന്നെ യെഹൂ​ദൻമാ​രു​ടെ കയ്യിൽ ഏല്‌പി​ക്കാ​ത​വണ്ണം എന്റെ ചേവകർ പോരാ​ടു​മാ​യി​രു​ന്നു; എന്നാൽ എന്റെ രാജ്യം ഐഹി​കമല്ല എന്നു ഉത്തരം പറഞ്ഞു.”—യോഹ​ന്നാൻ 18:36.

9.“കുല ചെയ്യരു​തു.” (പുറപ്പാ​ടു 20:13) “നിങ്ങൾ തമ്മിൽ തമ്മിൽ സ്‌നേ​ഹി​ക്കേണം എന്നു പുതി​യോ​രു കല്‌പന ഞാൻ നിങ്ങൾക്കു തരുന്നു; ഞാൻ നിങ്ങളെ സ്‌നേ​ഹി​ച്ച​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം എന്നു തന്നേ. നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യൻമാർ എന്നു എല്ലാവ​രും അറിയും.”—യോഹ​ന്നാൻ 13:34, 35.

10.“നിങ്ങൾ അറിഞ്ഞു എന്നെ വിശ്വ​സി​ക്ക​യും ഞാൻ ആകുന്നു എന്നു ഗ്രഹി​ക്ക​യും ചെയ്യേ​ണ്ട​തി​ന്നു നിങ്ങൾ എന്റെ സാക്ഷി​ക​ളും ഞാൻ തിരഞ്ഞ​ടു​ത്തി​രി​ക്കുന്ന എന്റെ ദാസനും ആകുന്നു എന്നു യഹോ​വ​യു​ടെ അരുള​പ്പാ​ടു; . . . അതു​കൊ​ണ്ടു നിങ്ങൾ എന്റെ സാക്ഷികൾ എന്നു യഹോ​വ​യു​ടെ അരുള​പ്പാ​ടു; ഞാൻ ദൈവം തന്നേ.”—യെശയ്യാ​വു 43:10, 12.