സമ്മർദ​മ​നു​ഭ​വി​ക്കുന്ന യുവജ​ന​ങ്ങൾക്കു സഹായം

യു.എസ്‌.എ.-യിൽ ന്യൂ​ജേ​ഴ്‌സി​യി​ലൊ​രു സ്‌കൂ​ളിൽ പഠിച്ചി​രുന്ന ഒരു കൊച്ചു​പെൺകു​ട്ടി പരി​ഭ്ര​മി​ച്ചു ക്ലാസ്സിൽനി​ന്നോ​ടി​പ്പോ​യ​പ്പോൾ ഒരു സഹപാഠി അവളെ അനുഗ​മിച്ച്‌ സ്‌ത്രീ​ക​ളു​ടെ ഡ്രസ്സി​ങ്‌റൂം​വരെ ചെന്നു. “ഞാൻ അവളുടെ അടു​ത്തെ​ത്തി​യ​പ്പോൾ കരയു​ക​യാ​യി​രുന്ന അവൾ തന്റെ ചില കുടും​ബ​പ്ര​ശ്‌നങ്ങൾ എന്നോടു പറഞ്ഞു. അവളുടെ മാതാ​പി​താ​ക്കൾ വിവാ​ഹ​മോ​ചനം നടത്താൻ പോകു​ക​യാ​യി​രു​ന്നു, അതു​കൊണ്ട്‌ അവൾക്കു തന്റെ സ്‌കൂൾ പഠനത്തിൽ ശ്രദ്ധ കേന്ദ്രീ​ക​രി​ക്കാൻ കഴിയു​ന്നി​ല്ലാ​യി​രു​ന്നു. താൻ വീട്ടിൽനി​ന്നോ​ടി​പ്പോ​കാൻ ആഗ്രഹി​ക്കു​ന്നു​വെന്ന്‌ അവൾ എന്നോടു പറഞ്ഞു” എന്ന്‌ ആ സഹപാഠി പറഞ്ഞു.

യുവജ​ന​ങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌തകം താൻ കൊണ്ടു​ത​രാ​മെന്നു വിഷമി​ച്ചി​രുന്ന പെൺകു​ട്ടി​യോ​ടു സഹപാഠി പറഞ്ഞു. തന്റെ സുഹൃ​ത്തി​നു​വേണ്ടി “ഞാൻ ‘എന്റെ പിതാ​വി​നെ​യും എന്റെ മാതാ​വി​നെ​യും ബഹുമാ​നി​ക്കേണ്ട’ത്‌ എന്തു​കൊണ്ട്‌?,” “ഡാഡി​യും മമ്മിയും തല്ലിപ്പി​രി​ഞ്ഞത്‌ എന്തു​കൊണ്ട്‌?,” “സമപ്രാ​യ​ക്കാ​രിൽനി​ന്നുള്ള സമ്മർദത്തെ എനിക്ക്‌ എങ്ങനെ നേരി​ടാൻ കഴിയും?,” “ഞാൻ വീടു​വി​ട്ടു പോക​ണ​മോ” എന്നീ തലക്കെ​ട്ടു​ക​ളെ​ല്ലാം വട്ടമിട്ട്‌ അടുത്ത ദിവസം അവൾ പുസ്‌തകം കൊണ്ടു​പോ​യി​ക്കൊ​ടു​ത്തു.

“ഞാൻ പുസ്‌തകം കൊടു​ത്ത​പ്പോൾ മറ്റു രണ്ടു പെൺകു​ട്ടി​കൾ അതു കണ്ട്‌ ജിജ്ഞാ​സു​ക്ക​ളാ​യി” എന്ന്‌ ആ വിദ്യാർഥി​നി പറഞ്ഞു. “അവർക്കും ഒരു പ്രതി ലഭിക്കു​മോ എന്ന്‌ അവർ ചോദി​ച്ചു. അതു​കൊണ്ട്‌ അവർക്കോ​രോ​രു​ത്തർക്കും പുസ്‌ത​ക​ത്തി​ന്റെ ഓരോ പ്രതി​വീ​തം കൊടു​ത്തു. ആ പെൺകു​ട്ടി​ക​ളി​ലൊ​രാൾ പുസ്‌തകം മറിച്ചു​നോ​ക്കു​ന്നതു കണ്ട്‌ എന്റെ ക്ലാസ്സിലെ മറ്റു കുട്ടി​കൾക്കെ​ല്ലാം അതു കാണണ​മെ​ന്നാ​യി. അധ്യാ​പ​കന്റെ അനുമ​തി​യോ​ടെ പുസ്‌തകം ക്ലാസ്സു​മു​റി​യി​ലെ​ല്ലാ​ട​വും ചുറ്റി​ക്ക​റങ്ങി.”

നിങ്ങൾ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​ത്തി​ന്റെ ഒരു പ്രതി ലഭിക്കാ​നാ​ഗ്ര​ഹി​ക്കു​ന്നെ​ങ്കിൽ അല്ലെങ്കിൽ ഒരു ഭവന​ബൈ​ബി​ള​ധ്യ​യനം ഉണ്ടായി​രി​ക്കാ​നാ​ഗ്ര​ഹി​ക്കു​ന്നെ​ങ്കിൽ ദയവായി Watch Tower, H-58 Old Khandala Road, Lonavla 410 401, Mah., എന്ന മേൽവി​ലാ​സ​ത്തി​ലോ 5-ാം പേജിൽ കൊടു​ത്തി​രി​ക്കുന്ന ഏതെങ്കി​ലും മേൽവി​ലാ​സ​ത്തി​ലോ എഴുതുക.