ഒരു യൂറോ​പ്യൻ കോടതി തെറ്റു തിരു​ത്തു​ന്നു

ഗ്രീസിലെ ഉണരുക! ലേഖകൻ

ഗ്രീസിൽ സൈനി​ക​സേ​വനം നിർബ​ന്ധി​ത​മാണ്‌. സൈനി​ക​സേ​വനം ചെയ്യാ​നുള്ള വിസമ്മതം നിമിത്തം ചുരു​ങ്ങി​യത്‌ 300-ഓളം യഹോ​വ​യു​ടെ സാക്ഷി​ക​ളെ​ങ്കി​ലും അവിടെ എല്ലായ്‌പോ​ഴും തടവി​ലാണ്‌. അമ്‌നെസ്റ്റി ഇന്റർനാ​ഷണൽ അവരെ മനസ്സാ​ക്ഷി​യു​ടെ തടവു​കാ​രാ​യി​ട്ടാ​ണു കാണു​ന്നത്‌. അവരെ മോചി​പ്പി​ക്കു​ന്ന​തി​നും പൊതു​ജന സേവനം—അവരെ ശിക്ഷി​ക്കാ​നു​ദ്ദേ​ശി​ച്ചു​ള്ള​ത​ല്ലാ​ത്തവ—നിർവ​ഹി​ക്കാൻ അവരെ അനുവ​ദി​ക്കുന്ന നിയമം പാസ്സാ​ക്കു​ന്ന​തി​നും അത്‌ മാറി​വ​രുന്ന ഗ്രീക്ക്‌ ഗവൺമെൻറു​കളെ പലയാ​വർത്തി പ്രോ​ത്സാ​ഹി​പ്പി​ച്ചി​രി​ക്കു​ന്നു.

1988-ൽ സൈനി​ക​സേ​വനം സംബന്ധിച്ച പുതിയ നിയമം പാസ്സാ​ക്ക​പ്പെട്ടു. അത്‌ മറ്റു പല കാര്യ​ങ്ങ​ളു​ടെ​യും കൂട്ടത്തിൽ “സൈനിക സേവന​ത്തി​നു റിക്രൂ​ട്ടു​ചെ​യ്യ​പ്പെ​ടുന്ന മതശു​ശ്രൂ​ഷകർ, ഒരു അംഗീ​കൃത മതത്തിലെ സന്ന്യാ​സി​മാർ അല്ലെങ്കിൽ പരിശീ​ലനം നേടി​ക്കൊ​ണ്ടി​രി​ക്കുന്ന സന്ന്യാ​സി​മാർ എന്നിവർക്ക്‌ അവർ ആഗ്രഹി​ക്കു​ന്ന​പക്ഷം . . . സൈനി​ക​സേ​വ​ന​ത്തിൽനിന്ന്‌ ഒഴിഞ്ഞി​രി​ക്കാം” എന്ന്‌ നിർദേ​ശി​ച്ചു. ഗ്രീക്ക്‌ ഓർത്ത​ഡോ​ക്‌സ്‌ സഭയുടെ മതശു​ശ്രൂ​ഷകർ ഇതിൽനിന്ന്‌ എല്ലായ്‌പോ​ഴും ഒഴിവു​ള്ള​വ​രാണ്‌. അവർക്ക്‌ ഇതു സംബന്ധിച്ച്‌ യാതൊ​രു പ്രശ്‌ന​വും നേരി​ടേണ്ടി വരുന്നില്ല, അവരുടെ അടിസ്ഥാന മനുഷ്യാ​വ​കാ​ശങ്ങൾ യാതൊ​രു പ്രകാ​ര​ത്തി​ലും ലംഘി​ക്ക​പ്പെ​ടു​ന്നു​മില്ല. ഒരു ന്യൂനപക്ഷ മതസമു​ദാ​യ​ത്തി​ലെ ശുശ്രൂ​ഷ​കർക്കും ഇതുതന്നെ ബാധക​മാ​കു​മോ? ഒരു പരി​ശോ​ധന താമസി​യാ​തെ ഉത്തരം നൽകി.

നിയമ​വി​രു​ദ്ധ​മാ​യി തടവി​ലാ​ക്ക​പ്പെ​ട്ടു

പ്രസ്‌തുത നിയമ​ത്തോ​ടുള്ള ചേർച്ച​യിൽ 1989-ന്റെ അവസാ​ന​ത്തി​ലും 1990-ന്റെ ആരംഭ​ത്തി​ലും ഗ്രീസി​ലെ യഹോ​വ​യു​ടെ ക്രിസ്‌തീയ സാക്ഷി​ക​ളു​ടെ സെൻട്രൽ സഭയിലെ നിയമിത മതശു​ശ്രൂ​ഷ​ക​രായ ദിമി​ട്രി​യൊസ്‌ റ്റ്‌സിർലി​സും റ്റിമോ​ത്തേ​യൊസ്‌ കൂലു​മ്പാ​സും സൈനി​ക​സേ​വ​ന​ത്തിൽനിന്ന്‌ തങ്ങളെ ഒഴിവാ​ക്ക​ണ​മെന്ന്‌ ആവശ്യ​പ്പെ​ട്ടു​കൊണ്ട്‌ അതത്‌ റിക്രൂ​ട്ട്‌മെൻറ്‌ ഓഫീ​സു​കൾക്ക്‌ അപേക്ഷ സമർപ്പി​ച്ചു. അപേക്ഷ​കൾക്കൊ​പ്പം തങ്ങൾ സജീവ മതശു​ശ്രൂ​ഷ​ക​രാ​ണെന്നു തെളി​യി​ക്കുന്ന രേഖക​ളും അവർ സമർപ്പി​ച്ചു. പ്രതീ​ക്ഷി​ച്ച​തു​പോ​ലെ​തന്നെ, യഹോ​വ​യു​ടെ സാക്ഷികൾ “അറിയ​പ്പെ​ടുന്ന” ഒരു “മത”ത്തിലെ അംഗങ്ങളല്ല എന്ന വ്യാജ അടിസ്ഥാ​ന​ത്തിൽ അപേക്ഷകൾ തള്ളപ്പെട്ടു.

അവരവ​രു​ടെ സൈനിക പരിശീ​ലന കേന്ദ്ര​ങ്ങ​ളിൽ ഹാജരായ റ്റ്‌സിർലിസ്‌ സഹോ​ദ​ര​നെ​യും കൂലു​മ്പാസ്‌ സഹോ​ദ​ര​നെ​യും ആജ്ഞാലം​ഘ​ന​ക്കു​റ്റം ചുമത്തി അറസ്റ്റു​ചെ​യ്‌ത്‌ കസ്റ്റഡി​യി​ലാ​ക്കി. അതിനി​ട​യിൽ, ജനറൽ ഹെഡ്‌ക്വാർട്ടേ​ഴ്‌സ്‌ ഫോർ നാഷണൽ ഡിഫൻസ്‌, റിക്രൂ​ട്ട്‌മെൻറ്‌ ഓഫീ​സു​ക​ളു​ടെ തീരു​മാ​ന​ങ്ങൾക്കെ​തി​രെ​യുള്ള അവരുടെ അപ്പീലു​കൾ തള്ളിക്ക​ളഞ്ഞു. യഹോ​വ​യു​ടെ സാക്ഷി​ക​ളു​ടേത്‌ ഒരു അംഗീ​കൃത മതമ​ല്ലെന്ന്‌ ഗ്രീക്ക്‌ ഓർത്ത​ഡോ​ക്‌സ്‌ സഭയുടെ വിശുദ്ധ സുന്നഹ​ദോസ്‌ തങ്ങളെ അറിയി​ച്ച​താ​യി സൈനിക അധികാ​രി​കൾ വാദിച്ചു! യഹോ​വ​യു​ടെ സാക്ഷികൾ തീർച്ച​യാ​യും അറിയ​പ്പെ​ടുന്ന ഒരു മതമാ​ണെന്നു പ്രസ്‌താ​വിച്ച അനേകം സിവിൽക്കോ​ട​തി​ക​ളു​ടെ തീർപ്പു​കൾക്ക്‌ വിരു​ദ്ധ​മാ​യി​രു​ന്നു ഇത്‌.

തുടർന്ന്‌ സൈനി​ക​ക്കോ​ട​തി​കൾ റ്റ്‌സിർലി​സി​നെ​യും കൂലു​മ്പാ​സി​നെ​യും ആജ്ഞാലം​ഘ​ന​ക്കു​റ്റ​മു​ള്ള​വ​രാ​യി കണ്ടെത്തി അവർക്ക്‌ നാലു വർഷ​ത്തേക്ക്‌ തടവു​ശിക്ഷ വിധിച്ചു. രണ്ടു സഹോ​ദ​രൻമാ​രും ഈ തീർപ്പു​കൾക്കെ​തി​രെ സൈനിക അപ്പീൽക്കോ​ട​തി​യിൽ അപ്പീൽ സമർപ്പി​ച്ചു. കോടതി വ്യത്യസ്‌ത കാരണ​ങ്ങ​ളാൽ അപ്പീലി​ന്റെ പരി​ശോ​ധന മൂന്നു തവണ നീട്ടി​വെച്ചു. എന്നാൽ, അപ്പീലു​കാ​രെ തടവിൽനി​ന്നു താത്‌കാ​ലി​ക​മാ​യി മോചി​പ്പി​ക്കു​ന്ന​തിന്‌ ഉത്തരവി​ടാൻ അത്‌ ഓരോ തവണയും വിസമ്മ​തി​ച്ചു. ഗ്രീക്കു നിയമ​ത്തിൻകീ​ഴിൽ ഇങ്ങനെ​യൊ​രു ക്രമീ​ക​രണം ഉണ്ടായി​രു​ന്നി​ട്ടു​കൂ​ടി​യാണ്‌ കോടതി ഇതിനു വിസമ്മ​തി​ച്ചത്‌.

അതിനി​ട​യിൽ സുപ്രീം അഡ്‌മി​നി​സ്‌​ട്രേ​റ്റീവ്‌ കോടതി, യഹോ​വ​യു​ടെ സാക്ഷികൾ തീർച്ച​യാ​യും അറിയ​പ്പെ​ടുന്ന ഒരു മതത്തിലെ അംഗങ്ങ​ളാണ്‌ എന്നതിന്റെ അടിസ്ഥാ​ന​ത്തിൽ മറ്റൊരു കൂട്ടം നിയമ നടപടി​ക​ളി​ലൂ​ടെ ജനറൽ ഹെഡ്‌ക്വാർട്ടേ​ഴ്‌സ്‌ ഫോർ നാഷണൽ ഡിഫൻസി​ന്റെ തീരു​മാ​ന​ങ്ങളെ റദ്ദാക്കി.

ആവ്‌ലോ​ന സൈനിക ജയിലിൽ 15 മാസം കഴി​യേ​ണ്ടി​വന്ന റ്റ്‌സിർലി​സും കൂലു​മ്പാ​സും തടവി​ലാ​ക്ക​പ്പെ​ട്ടി​രുന്ന മറ്റു സാക്ഷി​ക​ളും വളരെ​യേറെ മൃഗീ​യ​വും നീചവു​മായ പെരു​മാ​റ്റ​ങ്ങൾക്കു വിധേ​യ​രാ​യി. “[യഹോ​വ​യു​ടെ സാക്ഷി​ക​ളായ തടവു​കാർ] പാർക്കുന്ന വൃത്തി​ഹീ​ന​മായ ചുറ്റു​പാ​ടു​ക​ളെ​ക്കു​റിച്ച്‌” അക്കാലത്തെ ഒരു റിപ്പോർട്ട്‌ പറയു​ക​യു​ണ്ടാ​യി. “അഴുകിയ മാംസ​വും എലിക​ളു​ടെ വാലു​ക​ളും മിക്ക​പ്പോ​ഴും ആഹാര​ത്തോ​ടൊ​പ്പം വിളമ്പി​യെ​ന്നും അഡ്‌മി​നി​സ്‌​ട്രേ​ഷന്റെ തോന്ന​ല​നു​സ​രിച്ച്‌ സന്ദർശന സമയം വെട്ടി​ക്കു​റ​ച്ചെ​ന്നും അനവധി തടവു​കാ​രെ പാർപ്പി​ച്ചതു നിമിത്തം തടവു​മു​റി​ക​ളിൽ മരുങ്ങു​തി​രി​യാൻ ഇടമി​ല്ലാ​യി​രു​ന്നു​വെ​ന്നും മനസ്സാ​ക്ഷി​പ​ര​മാ​യി സൈനിക സേവന​ത്തി​നു വിസമ്മ​തിച്ച തടവു​കാ​രോട്‌ അതിലും വളരെ മോശ​മാ​യാണ്‌ പെരു​മാ​റി​യ​തെ​ന്നും അത്‌ പ്രസ്‌താ​വി​ച്ചു.”

ഒടുവിൽ, സൈനിക അപ്പീൽക്കോ​ടതി റ്റ്‌സിർലിസ്‌ സഹോ​ദ​ര​നെ​യും കൂലു​മ്പാസ്‌ സഹോ​ദ​ര​നെ​യും കുറ്റവി​മു​ക്ത​രാ​ക്കി. എങ്കിലും, അവരെ കസ്റ്റഡി​യിൽ വെച്ചതിന്‌ നഷ്ടപരി​ഹാ​രം കൊടു​ക്കാൻ ഗവൺമെൻറിന്‌ യാതൊ​രു കടപ്പാ​ടു​മി​ല്ലെന്ന്‌ അത്‌ തീർപ്പു​കൽപ്പി​ച്ചു. എന്തു​കൊ​ണ്ടെ​ന്നാൽ, “അപേക്ഷ​ക​രു​ടെ കടുത്ത അനാസ്ഥ നിമി​ത്ത​മാ​യി​രു​ന്നു അവരെ കസ്റ്റഡി​യിൽ വെച്ചത്‌” എന്ന്‌ അതു പ്രസ്‌താ​വി​ച്ചു. അത്‌ നിയമ​വൃ​ത്ത​ങ്ങ​ളിൽ പ്രസക്ത​മായ ചോദ്യ​ങ്ങൾ ഉയർത്തി: കടുത്ത അനാസ്ഥ​യ്‌ക്ക്‌ ആരായി​രു​ന്നു ഉത്തരവാ​ദി? സാക്ഷി​ക​ളോ അതോ സൈനി​ക​ക്കോ​ട​തി​ക​ളോ?

സഹോ​ദ​രൻമാ​രെ ഉടൻതന്നെ ജയിലിൽനി​ന്നു മോചി​പ്പി​ക്കു​ക​യും ഒടുവിൽ, മതശു​ശ്രൂ​ഷ​ക​രാ​ണെന്ന അടിസ്ഥാ​ന​ത്തിൽ അവരെ സായുധ സേനയിൽനിന്ന്‌ ഒഴിവാ​ക്കു​ക​യും ചെയ്‌തു. അവർ ജയിൽ മോചി​ത​രാ​യ​പ്പോൾ, ദിമി​ട്രി​യൊസ്‌ റ്റ്‌സിർലി​സി​ന്റെ​യും റ്റിമോ​ത്തേ​യൊസ്‌ കൂലു​മ്പാ​സി​ന്റെ​യും മോച​നത്തെ സ്വാഗതം ചെയ്യു​ന്ന​താ​യി അമ്‌നെസ്റ്റി ഇന്റർനാ​ഷണൽ പ്രഖ്യാ​പി​ച്ചു. ഭാവി​യിൽ യഹോ​വ​യു​ടെ സാക്ഷി​ക​ളു​ടെ ശുശ്രൂ​ഷ​കരെ ഗ്രീക്ക്‌ നിയമം അനുവ​ദി​ക്കുന്ന പ്രകാരം സൈനിക സേവന​ത്തിൽനിന്ന്‌ ഒഴിവാ​ക്കു​മെന്ന്‌ പ്രത്യാ​ശി​ക്കു​ന്ന​താ​യി അത്‌ വെളി​പ്പെ​ടു​ത്തി. എന്നാൽ, പെട്ടെ​ന്നു​തന്നെ ഈ പ്രതീക്ഷ അസ്ഥാന​ത്താ​ണെന്നു തെളിഞ്ഞു.

വീണ്ടും വീണ്ടും ജയിലി​ലേക്ക്‌

യഹോ​വ​യു​ടെ സാക്ഷി​ക​ളു​ടെ മറ്റൊരു നിയമിത മതശു​ശ്രൂ​ഷ​കന്‌ അതേ കാരണ​ത്താൽത്തന്നെ അൽപ്പം വ്യത്യ​സ്‌ത​മായ ഒരു അഗ്നിപ​രി​ശോ​ധന നേരി​ടേ​ണ്ടി​വന്നു. 1991 സെപ്‌റ്റം​ബർ 11-ന്‌ ആനാസ്റ്റാ​സ്യൊസ്‌ യൊർയാ​തിസ്‌ സൈനിക സേവന​ത്തിൽനി​ന്നുള്ള മോച​ന​ത്തി​നാ​യി അതേ രീതി​യിൽ അപേക്ഷി​ച്ചു. അദ്ദേഹ​ത്തി​ന്റെ അപേക്ഷ തള്ളിക്ക​ള​ഞ്ഞി​രി​ക്കു​ന്ന​താ​യി ആറു ദിവസ​ത്തി​നു ശേഷം റിക്രൂ​ട്ടിങ്‌ ഓഫീസ്‌ അദ്ദേഹത്തെ അറിയി​ച്ചു. വീണ്ടും കാരണം, ഗ്രീക്ക്‌ ഓർത്ത​ഡോ​ക്‌സ്‌ സഭയുടെ വിശുദ്ധ സുന്നഹ​ദോസ്‌ യഹോ​വ​യു​ടെ സാക്ഷി​കളെ അറിയ​പ്പെ​ടുന്ന ഒരു മതമായി അംഗീ​ക​രി​ക്കു​ന്നില്ല എന്നതാ​യി​രു​ന്നു. റ്റ്‌സിർലി​സി​ന്റെ​യും കൂലു​മ്പാ​സി​ന്റെ​യും കേസു​ക​ളിൽ സുപ്രീം അഡ്‌മി​നി​സ്‌​ട്രേ​റ്റീവ്‌ കോട​തി​യു​ടെ സുവ്യ​ക്ത​മായ തീർപ്പു​കൾ പ്രാബ​ല്യ​ത്തി​ലി​രി​ക്കെ​യാണ്‌ ഇങ്ങനെ സംഭവി​ച്ചത്‌!

ജനറൽ ഹെഡ്‌ക്വാർട്ടേ​ഴ്‌സ്‌ ഫോർ നാഷണൽ ഡിഫൻസ്‌ മറുപടി എഴുതി​യത്‌ ഇങ്ങനെ​യാ​യി​രു​ന്നു: “യഹോ​വ​യു​ടെ സാക്ഷി​കളെ ഒരു അറിയ​പ്പെ​ടുന്ന മതമായി കണക്കാ​ക്കാത്ത ഗ്രീസി​ലെ സഭയുടെ വിശുദ്ധ സുന്നഹ​ദോ​സി​ന്റെ വിദഗ്‌ധാ​ഭി​പ്രാ​യ​ത്തി​ന്റെ അടിസ്ഥാ​ന​ത്തിൽ അഡ്‌മി​നി​സ്‌​ട്രേഷൻ [യൊർയാ​തി​സി​ന്റെ] അപേക്ഷ സംബന്ധിച്ച്‌ ഒരു പ്രതി​കൂല തീരു​മാ​ന​ത്തി​ലെ​ത്തി​ച്ചേർന്നു.”—ചെരി​ച്ചെ​ഴുത്ത്‌ ഞങ്ങളു​ടേത്‌.

ജനുവരി 20-ന്‌ യൊർയാ​തിസ്‌ നാഫ്‌പ്ലി​യൊൺ പരിശീ​ലന ക്യാമ്പിൽ ഹാജരാ​യി. അദ്ദേഹത്തെ ഉടൻതന്നെ അച്ചടക്ക​ലം​ഘ​ന​ത്തി​നു ശിക്ഷ വിധി​ക്ക​പ്പെ​ടു​ന്ന​വ​രു​ടെ തടവു​മു​റി​യി​ലാ​ക്കി. പിന്നീട്‌ അദ്ദേഹത്തെ ആവ്‌ലോന സൈനിക ജയിലി​ലേക്കു മാറ്റി.

1992 മാർച്ച്‌ 16-ന്‌ ഏഥൻസി​ലെ സൈനി​ക​ക്കോ​ടതി യൊർയാ​തി​സി​നെ കുറ്റവി​മു​ക്ത​നാ​ക്കി. യഹോ​വ​യു​ടെ സാക്ഷികൾ തീർച്ച​യാ​യും അറിയ​പ്പെ​ടുന്ന ഒരു മതമാ​ണെന്ന്‌ ഗ്രീസി​ലെ ഒരു സൈനി​ക​ക്കോ​ടതി സമ്മതി​ക്കു​ന്നത്‌ ആദ്യമാ​യി​ട്ടാ​യി​രു​ന്നു. ആവ്‌ലോന സൈനിക ജയിലി​ന്റെ ഡയറക്ടർ ഉടൻതന്നെ അദ്ദേഹത്തെ മോചി​പ്പി​ച്ചു. എന്നാൽ ഏപ്രിൽ 4-ന്‌ നാഫ്‌പ്ലി​യൊൺ റിക്രൂ​ട്ട്‌മെൻറ്‌ കേന്ദ്ര​ത്തിൽ വീണ്ടും ഡ്യൂട്ടി​ക്കു ഹാജരാ​ക​ണ​മെന്ന്‌ ആജ്ഞാപി​ച്ചു. ആ ദിവസം യൊർയാ​തിസ്‌ സൈന്യ​ത്തിൽ ചേരാൻ പിന്നെ​യും വിസമ്മ​തി​ച്ചു. അദ്ദേഹത്തെ വീണ്ടും ആജ്ഞാലം​ഘ​ന​ക്കു​റ്റം ചുമത്തി രണ്ടാമ​തും കസ്റ്റഡി​യി​ലാ​ക്കി വിചാ​ര​ണ​യ്‌ക്ക്‌ ഏൽപ്പിച്ചു.

1992 മേയ്‌ 8-ന്‌ ഏഥൻസി​ലെ സൈനി​ക​ക്കോ​ടതി പുതിയ കുറ്റകൃ​ത്യ കേസിൽനിന്ന്‌ അദ്ദേഹത്തെ മോചി​പ്പി​ച്ചു. എങ്കിലും, കസ്റ്റഡി​യിൽ വെച്ചതിന്‌ അദ്ദേഹ​ത്തി​നു നഷ്ടപരി​ഹാ​ര​മൊ​ന്നും നൽകേ​ണ്ട​തി​ല്ലെന്നു തീരു​മാ​നി​ച്ചു. യൊർയാ​തി​സി​നെ ആവ്‌ലോന സൈനിക ജയിലിൽനിന്ന്‌ ഉടൻതന്നെ മോചി​പ്പി​ച്ചു. എന്നാൽ 1992 മേയ്‌ 22-ന്‌ നാഫ്‌പ്ലി​യൊൺ റിക്രൂ​ട്ട്‌മെൻറ്‌ കേന്ദ്ര​ത്തിൽ മൂന്നാ​മ​തും ഡ്യൂട്ടി​ക്കു ഹാജരാ​ക​ണ​മെന്ന്‌ ആജ്ഞാപി​ച്ചു! അദ്ദേഹം സൈന്യ​ത്തിൽ ചേരാൻ പിന്നെ​യും വിസമ്മ​തി​ച്ചു. അദ്ദേഹത്തെ മൂന്നാ​മ​തും ആജ്ഞാലം​ഘ​ന​ക്കു​റ്റം ചുമത്തി കസ്റ്റഡി​യി​ലാ​ക്കി.

1992 ജൂലൈ 7-ന്‌ സുപ്രീം അഡ്‌മി​നി​സ്‌​ട്രേ​റ്റീവ്‌ കോടതി, യഹോ​വ​യു​ടെ സാക്ഷികൾ തീർച്ച​യാ​യും അറിയ​പ്പെ​ടുന്ന ഒരു മതത്തിലെ അംഗങ്ങ​ളാണ്‌ എന്നതിന്റെ അടിസ്ഥാ​ന​ത്തിൽ 1991 സെപ്‌റ്റം​ബ​റി​ലെ തീരു​മാ​നം റദ്ദാക്കി. 1992 ജൂലൈ 27-ന്‌ യൊർയാ​തിസ്‌ തെസ്സ​ലൊ​നൈക്യ സൈനിക ജയിലിൽനിന്ന്‌ ഒടുവിൽ മോചി​ത​നാ​യി. 1992 സെപ്‌റ്റം​ബർ 10-ന്‌ തെസ്സ​ലൊ​നൈ​ക്യ​യി​ലെ സൈനി​ക​ക്കോ​ടതി അദ്ദേഹത്തെ കുറ്റവി​മു​ക്ത​നാ​ക്കി. എങ്കിലും യൊർയാ​തിസ്‌ നഷ്ടപരി​ഹാ​ര​ത്തിന്‌ അർഹനല്ല എന്ന്‌ അത്‌ പ്രസ്‌താ​വി​ച്ചു. ‘അദ്ദേഹ​ത്തി​ന്റെ കടുത്ത അനാസ്ഥ നിമിത്ത’മാണ്‌ അദ്ദേഹത്തെ കസ്റ്റഡി​യിൽ വെച്ചത്‌ എന്നതാണ്‌ വീണ്ടും ചൂണ്ടി​ക്കാ​ട്ടിയ കാരണം.

വ്യാപ​ക​മായ പ്രതി​ക​ര​ണം

യൊർയാ​തി​സി​ന്റെ കേസി​നെ​ക്കു​റിച്ച്‌ അഭി​പ്രാ​യ​പ്പെ​ട്ടു​കൊണ്ട്‌ യൂറോ​പ്യൻ പാർല​മെൻറ്‌ ഇങ്ങനെ പ്രഖ്യാ​പി​ച്ചു: “നിയമ​ത്തി​ന്റെ മുന്നിൽ സമത്വ​മെന്ന തത്ത്വവും തുല്യ​മായ പെരു​മാ​റ്റം ആസ്വദി​ക്കു​ന്ന​തി​നുള്ള അവകാ​ശ​വും പരിചി​ന്തി​ക്കു​മ്പോൾ ഇത്‌ യഹോ​വ​യു​ടെ സാക്ഷി​ക​ളായ മതശു​ശ്രൂ​ഷ​ക​രോ​ടു വിവേ​ചനം കാട്ടു​ന്ന​തി​ന്റെ ഒരു ദൃഷ്ടാ​ന്ത​മാണ്‌.”

“[ആനാസ്റ്റാ​സ്യൊസ്‌ യൊർയാ​തിസ്‌] തടവി​ലാ​ക്ക​പ്പെ​ട്ട​തി​നുള്ള കാരണം യഹോ​വ​യു​ടെ സാക്ഷി​ക​ളായ ശുശ്രൂ​ഷ​ക​രോ​ടുള്ള സൈനിക അധികാ​രി​ക​ളു​ടെ വിവേ​ചനം ഒന്നുമാ​ത്ര​മാ​ണെന്ന്‌” അത്‌ “വിശ്വ​സി​ക്കു​ന്നു​വെ​ന്നും മനസ്സാ​ക്ഷി​യു​ടെ തടവു​കാ​ര​നെന്ന നിലയിൽ തന്നെ ഉടനടി നിരു​പാ​ധി​കം വിട്ടയ​യ്‌ക്കാൻ അദ്ദേഹം ആവശ്യ​പ്പെ​ടു​ന്നു​വെ​ന്നും” 1992 ഫെബ്രു​വ​രി​യിൽ അമ്‌നെസ്റ്റി ഇന്റർനാ​ഷണൽ പ്രസ്‌താ​വി​ച്ചു.

യൊർയാ​തി​സി​ന്റെ വിചാ​ര​ണ​ക​ളി​ലൊ​ന്നിൽ ഉൾപ്പെട്ട സൈനിക പ്രോ​സി​ക്യൂ​ട്ട​റും ഇങ്ങനെ പറയാൻ പ്രേരി​ത​നാ​യി: “ഒരു സമൂഹ​ത്തി​ന്റെ സാംസ്‌കാ​രിക വികസ​ന​ത്തി​ന്റെ വ്യാപ്‌തി പ്രകട​മാ​കു​ന്നത്‌ അതിന്റെ പൗരൻമാർ ഉൾപ്പെ​ടുന്ന ചില സാഹച​ര്യ​ങ്ങളെ അത്‌ കൈകാ​ര്യം ചെയ്യുന്ന വിധത്തി​ലാണ്‌. ഗ്രീസി​ലെ നമ്മുടെ സാംസ്‌കാ​രിക വികസനം യൂറോ​പ്യൻ നിലവാ​ര​ങ്ങ​ളോ​ടു ചേർച്ച​യി​ലാ​യി​രി​ക്കാൻ നാം ആഗ്രഹി​ക്കു​ന്നെ​ങ്കിൽ, നാം പുരോ​ഗതി കൈവ​രി​ക്കാൻ ആഗ്രഹി​ക്കു​ന്നെ​ങ്കിൽ, നാം അന്തർദേ​ശീയ നിയ​ന്ത്ര​ണ​ങ്ങൾക്ക്‌ അനുസൃ​ത​മാ​യി പ്രവർത്തി​ക്കു​ക​യും മുൻവി​ധി നീക്കി​ക്ക​ള​യു​ക​യും വേണം. ഇത്‌ ഏറ്റവും കൂടുതൽ പ്രകട​മാ​കു​ന്നത്‌ പൗരൻമാ​രു​ടെ വ്യക്തി​പ​ര​മായ അവകാ​ശ​ങ്ങ​ളോ​ടുള്ള ആദരവി​ന്റെ കാര്യ​ത്തി​ലാണ്‌. എന്നാൽ, യഥാർഥ​ത്തിൽ നടക്കുന്ന കാര്യ​ങ്ങ​ളും അഡ്‌മി​നി​സ്‌​ട്രേ​ഷന്റെ തന്ത്രങ്ങ​ളും വ്യക്തമാ​യി സൂചി​പ്പി​ക്കു​ന്നത്‌ ന്യൂനപക്ഷ മതസമു​ദാ​യ​ങ്ങ​ളോ​ടുള്ള മുൻവി​ധി​യും മതപര​മായ അസഹി​ഷ്‌ണു​ത​യും നിലനിൽക്കു​ന്നു​വെ​ന്നാണ്‌. ഇത്‌ [യൊർയാ​തി​സി​നോ​ടു കാണി​ക്കു​ന്നത്‌] മഹാ​ക്രൂ​ര​ത​യാണ്‌.”

യൂറോ​പ്യൻ പാർല​മെ​ന്റം​ഗ​മായ ഇംഗ്ലണ്ടി​ലെ ബ്രി​സ്റ്റൊ​ളിൽനി​ന്നുള്ള ഇയൻ വൈറ്റ്‌ ഇങ്ങനെ​യെ​ഴു​തി: “യഹോ​വ​യു​ടെ സാക്ഷികൾ ‘അറിയ​പ്പെ​ടുന്ന ഒരു മത’മല്ലെന്നുള്ള ആശയം ഈ കൗണ്ടി​യി​ലുള്ള പലരി​ലും ചിരി​യു​ണർത്തും. അവരുടെ അംഗസം​ഖ്യ താരത​മ്യേന കുറവാ​ണെ​ങ്കി​ലും തീർച്ച​യാ​യും സാക്ഷികൾ ഈ രാജ്യത്ത്‌ പരക്കെ അറിയ​പ്പെ​ടു​ന്നു, അവർ കൂടെ​ക്കൂ​ടെ വീടുകൾ സന്ദർശി​ക്കു​ക​യും ചെയ്യുന്നു.” 26,000-ത്തിലധി​കം സാക്ഷികൾ ഗ്രീസിൽ പ്രസം​ഗ​വേല നടത്തുന്ന സ്ഥിതിക്ക്‌ അവർ ‘അറിയ​പ്പെ​ടാത്ത ഒരു മത’മായി​രി​ക്കാ​നി​ട​യില്ല!

യൂറോ​പ്യൻ പാർല​മെൻറി​ലെ പത്തംഗ​ങ്ങ​ള​ട​ങ്ങുന്ന ഒരു സംഘം യൊർയാ​തിസ്‌ കേസിലെ തങ്ങളുടെ ധാർമി​ക​രോ​ഷം പ്രകടി​പ്പി​ച്ചു​കൊണ്ട്‌ എഴുതി. ഗ്രീസിൽ ഇത്തരം മനുഷ്യാ​വ​കാശ ലംഘനങ്ങൾ നടക്കു​ന്ന​തിൽ തങ്ങൾക്ക്‌ “അങ്ങേയറ്റം അതിശ​യ​വും ഖേദവും തോന്നു​ന്നു”വെന്ന്‌ അവർ പറഞ്ഞു.

യൂറോ​പ്യൻ മനുഷ്യാ​വ​കാശ കോട​തിക്ക്‌ അപ്പീൽ കൊടു​ക്കു​ന്നു

മതപര​മായ ഈ വിവേ​ച​ന​ത്തി​ന്റെ മൂന്നി​ര​കൾക്കും, കുറ്റവി​മു​ക്ത​രാ​കു​ക​യും ജയിൽമോ​ചി​ത​രാ​കു​ക​യും ചെയ്‌ത​ശേഷം യൂറോ​പ്യൻ മനുഷ്യാ​വ​കാശ കോട​തി​യിൽ അപ്പീൽ കൊടു​ക്കു​ന്ന​തി​നുള്ള ധാർമിക കടപ്പാടു തോന്നി. അതിൽത്തന്നെ അനീതി​യെന്നു തെളിഞ്ഞ നിയമ​വി​രു​ദ്ധ​മായ തടവി​ലാ​ക്കൽ, അവരനു​ഭ​വിച്ച മാനസി​ക​വും ശാരീ​രി​ക​വു​മായ പീഡനം, ദീർഘ​കാ​ല​ത്തേക്ക്‌ ആവർത്തിച്ച്‌ സ്വാത​ന്ത്ര്യം നിഷേ​ധി​ക്ക​പ്പെ​ട്ടതു മൂലമുള്ള ധാർമി​ക​വും സാമൂ​ഹി​ക​വു​മായ ഗുരു​ത​ര​മായ ഭവിഷ്യ​ത്തു​കൾ എന്നിവ​യാ​യി​രു​ന്നു അപ്പീൽ കൊടു​ക്കു​ന്ന​തി​നുള്ള അടിസ്ഥാ​നം. ഈ കാരണ​ങ്ങ​ളാൽ അവർ ന്യായ​വും ഉചിത​വു​മായ അളവി​ലുള്ള നഷ്ടപരി​ഹാ​രം ആവശ്യ​പ്പെട്ടു.

റ്റ്‌സിർലി​സി​ന്റെ​യും കൂലു​മ്പാ​സി​ന്റെ​യും കാര്യ​ത്തിൽ വ്യക്തി​പ​ര​മായ സ്വാത​ന്ത്ര്യ​ത്തി​നും സുരക്ഷി​ത​ത്വ​ത്തി​നു​മുള്ള അവരുടെ അവകാശം ലംഘി​ക്ക​പ്പെ​ട്ടു​വെ​ന്നും അവരെ കസ്റ്റഡി​യിൽ വെച്ചത്‌ നിയമ​വി​രു​ദ്ധ​മാ​യി​ട്ടാ​യി​രു​ന്നെ​ന്നും നഷ്ടപരി​ഹാ​രം ലഭിക്കാ​നുള്ള അവകാശം അവർക്കു​ണ്ടെ​ന്നും ന്യായാ​സനം അവരുടെ കാര്യ​ത്തിൽ നിഷ്‌പ​ക്ഷ​മായ ഒരു വിചാരണ നടത്തി​യി​ട്ടി​ല്ലെ​ന്നും യൂറോ​പ്യൻ മനുഷ്യാ​വ​കാശ കമ്മീഷൻ ഐകക​ണ്‌ഠ്യേന നിഗമനം ചെയ്‌തു. യൊർയാ​തി​സി​ന്റെ കേസി​ലും കമ്മീഷൻ സമാന​മായ നിഗമ​ന​ത്തി​ലെ​ത്തി​ച്ചേർന്നു.

അനീതി തിരു​ത്ത​പ്പെ​ടു​ന്നു

1997 ജനുവരി 21-ന്‌ വിചാരണ നടത്താൻ തീരു​മാ​നി​ച്ചു. പ്രാ​ദേ​ശിക യൂണി​വേ​ഴ്‌സി​റ്റി​യിൽനി​ന്നുള്ള വിദ്യാർഥി​കൾ, പത്രക്കാർ, ഗ്രീസ്‌, ജർമനി, ബെൽജി​യം, ഫ്രാൻസ്‌ എന്നിവി​ട​ങ്ങ​ളിൽനി​ന്നുള്ള അനേകം യഹോ​വ​യു​ടെ സാക്ഷികൾ എന്നിങ്ങനെ പലരും കോട​തി​മു​റി​യിൽ ഹാജരാ​യി​രു​ന്നു.

യഹോ​വ​യു​ടെ സാക്ഷി​ക​ളെന്ന്‌ അറിയ​പ്പെ​ടുന്ന “ഒരു ന്യൂനപക്ഷ മതസമു​ദാ​യ​ത്തി​ന്റെ അസ്‌തി​ത്വം അംഗീ​ക​രി​ക്കാ​തി​രി​ക്കു​ന്ന​തിൽ ഗ്രീക്ക്‌ അധികാ​രി​കൾ എപ്പോ​ഴും മർക്കട​മു​ഷ്ടി​യും ശാഠ്യ​വും കാണി​ക്കുന്ന”തായി സാക്ഷി​ക​ളു​ടെ വക്കീലായ ശ്രീ. പേനൊസ്‌ ബിറ്റ്‌സാ​ചിസ്‌ പറഞ്ഞു. സാക്ഷി​ക​ളെ​ക്കു​റി​ച്ചുള്ള തങ്ങളുടെ ഔദ്യോ​ഗിക അഭി​പ്രാ​യത്തെ അവരുടെ മുഖ്യ എതിരാ​ളി​ക​ളായ ഗ്രീക്ക്‌ ഓർത്ത​ഡോ​ക്‌സ്‌ സഭയുടെ വീക്ഷണ​ഗ​തി​യിൽ അടിസ്ഥാ​ന​പ്പെ​ടു​ത്തുന്ന ഗ്രീക്ക്‌ അധികാ​രി​ക​ളു​ടെ വ്യവഹാ​ര​രീ​തി​യെ അദ്ദേഹം അപലപി​ച്ചു! അദ്ദേഹം തുടർന്നി​ങ്ങനെ പറഞ്ഞു: “ഇത്‌ എത്ര​ത്തോ​ളം അനുവ​ദി​ക്കണം? . . . എത്ര നാൾ?” “ഒരു പ്രത്യേക മതസമു​ദാ​യ​ത്തിന്‌ അംഗീ​കാ​രം നിഷേ​ധി​ക്ക​പ്പെ​ടു​ന്ന​തി​നെ”ക്കുറിച്ച്‌ അദ്ദേഹം സംസാ​രി​ച്ചു. “ഈ നിഷേ​ധനം നേരി​ട്ടു​ള്ള​തും പ്രത്യ​ക്ഷ​ത്തിൽത്തന്നെ അനാശാ​സ്യ​വും ന്യായ​ര​ഹി​ത​വും നിയമ​വി​രു​ദ്ധ​വും സുപ്രീം അഡ്‌മി​നി​സ്‌​ട്രേ​റ്റീവ്‌ കോട​തി​യു​ടെ ഡസൻ കണക്കിനു തീർപ്പു​കൾക്കു വിരു​ദ്ധ​വും ആണെന്ന​റി​യു​മ്പോൾ അത്‌ യുക്തി​ഹീ​ന​മാ​യി കാണ​പ്പെ​ടു​ന്നു.”

ഗവൺമെൻറ്‌ പ്രതി​നി​ധി പിൻവ​രുന്ന പ്രകാരം ഉറപ്പി​ച്ചു​പ​റ​ഞ്ഞ​പ്പോൾ ഗ്രീക്ക്‌ അധികാ​രി​ക​ളു​ടെ പക്ഷപാ​ത​പ​ര​മായ മനോ​ഭാ​വത്തെ സ്ഥിരീ​ക​രി​ക്കു​ക​യാ​ണു ചെയ്‌തത്‌: “ഗ്രീസി​ലെ ഏതാണ്ട്‌ മുഴു ജനതതി​യും നൂറ്റാ​ണ്ടു​ക​ളാ​യി ഓർത്ത​ഡോ​ക്‌സ്‌ സഭയിലെ അംഗങ്ങ​ളാണ്‌ എന്ന കാര്യം മറക്കാൻ പാടില്ല. തത്‌ഫ​ല​മാ​യി, ആ സഭയുടെ ഘടനയും അതിലെ ശുശ്രൂ​ഷ​ക​രു​ടെ പദവി​യും സഭയിലെ അവരുടെ ധർമവും തികച്ചും വ്യക്തമാണ്‌. . . . യഹോ​വ​യു​ടെ സാക്ഷി​ക​ളു​ടെ സഭയിലെ ശുശ്രൂ​ഷ​ക​രു​ടെ പദവി അത്ര വ്യക്തമല്ല.” ഗ്രീസി​ലെ ന്യൂനപക്ഷ മതസമു​ദാ​യ​ങ്ങ​ളോ​ടുള്ള മുൻവി​ധി​യോ​ടു​കൂ​ടിയ പെരു​മാ​റ്റ​ത്തി​ന്റെ എന്തൊരു പരസ്യ സമ്മതം!

മതസ്വാ​ത​ന്ത്ര്യം മാനി​ക്ക​പ്പെ​ടു​ന്നു

മേയ്‌ 29-ന്‌ വിധി പുറ​പ്പെ​ടു​വി​ച്ചു. നീതി​ന്യാ​യ സഭയുടെ പ്രസി​ഡ​ന്റായ ശ്രീ. റൊൾഫ്‌ റ്യൂസ്‌ഡാൽ വിധി ഉറക്കെ വായിച്ചു. യൂറോ​പ്യൻ കൺ​വെൻ​ഷന്റെ 5-ഉം 6-ഉം വകുപ്പു​കൾ ഗ്രീസ്‌ ലംഘി​ച്ച​താ​യി ഒമ്പതു ജഡ്‌ജി​മാ​ര​ട​ങ്ങുന്ന കോടതി ഐകക​ണ്‌ഠ്യേന അഭി​പ്രാ​യ​പ്പെട്ടു. കൂടാതെ, നഷ്ടപരി​ഹാ​ര​ത്തി​നും ചെലവു​കൾക്കു​മാ​യി അപേക്ഷ​കർക്ക്‌ ഏകദേശം 72,000 ഡോളർ കൊടു​ക്കു​ന്ന​തിന്‌ അത്‌ വ്യവസ്ഥ ചെയ്‌തു. ഏറ്റവും പ്രധാ​ന​മാ​യി, മതസ്വാ​ത​ന്ത്ര്യ​ത്തിന്‌ അനുകൂ​ല​മായ ശ്രദ്ധേ​യ​മായ പല വാദഗ​തി​ക​ളും തീർപ്പിൽ ഉൾക്കൊ​ണ്ടി​രു​ന്നു.

സുപ്രീം അഡ്‌മി​നി​സ്‌​ട്രേ​റ്റീവ്‌ കോട​തി​യു​ടെ തീർപ്പു​ക​ളിൻ പ്രകാരം ഗ്രീസിൽ യഹോ​വ​യു​ടെ സാക്ഷികൾ “അറിയ​പ്പെ​ടുന്ന” ഒരു “മത”മായി അംഗീ​ക​രി​ക്ക​പ്പെ​ടു​ന്നു എന്ന വസ്‌തു​തയെ “സൈനി​കാ​ധി​കാ​രി​കൾ സ്‌പഷ്ട​മാ​യും അവഗണി​ച്ചു”വെന്ന്‌ കോടതി അഭി​പ്രാ​യ​പ്പെട്ടു. അത്‌ കൂടു​ത​ലാ​യി ഇങ്ങനെ അഭി​പ്രാ​യ​പ്പെട്ടു: “ഗ്രീക്ക്‌ ഓർത്ത​ഡോ​ക്‌സ്‌ സഭയിലെ ശുശ്രൂ​ഷകർ [സൈനി​ക​സേ​വ​ന​ത്തിൽനിന്ന്‌] ഒഴിവാ​ക്ക​പ്പെ​ടു​ന്ന​തു​മാ​യി തട്ടിച്ചു​നോ​ക്കു​മ്പോൾ യഹോ​വ​യു​ടെ സാക്ഷി​കളെ ‘അറിയ​പ്പെ​ടുന്ന’ ഒരു ‘മത’മായി അംഗീ​ക​രി​ക്കാ​തി​രി​ക്കു​ന്ന​തിൽ ബന്ധപ്പെട്ട അധികാ​രി​കൾ പിടി​വാ​ശി​കാ​ട്ടി​ക്കൊണ്ട്‌ സ്വാത​ന്ത്ര്യ​ത്തി​നു​വേ​ണ്ടി​യുള്ള അപേക്ഷ​ക​രു​ടെ അവകാശം അവഗണി​ച്ചത്‌ അവരോ​ടു കാട്ടിയ വിവേ​ച​ന​മാ​യി​രു​ന്നു.”

ഗ്രീസി​ലെ വാർത്താ​മാ​ധ്യ​മങ്ങൾ കേസ്‌ നാടു മുഴുവൻ പാട്ടാക്കി. ഏഥൻസ്‌ ന്യൂസ്‌ ഇങ്ങനെ പ്രസ്‌താ​വി​ച്ചു: ‘യഹോ​വ​യു​ടെ സാക്ഷി​ക​ളു​ടെ അവകാ​ശ​വാ​ദ​ത്തി​ന്റെ കാര്യ​ത്തിൽ [യൂറോ​പ്യൻ] കോടതി ഗ്രീസി​നെ നിശി​ത​മാ​യി വിമർശി​ക്കു​ന്നു.’ ഗ്രീസി​നെ​തി​രെ റ്റ്‌സിർലി​സും കൂലു​മ്പാ​സും യൊർയാ​തി​സും എന്ന കേസിന്റെ വിധി, ഗ്രീസി​ലെ യഹോ​വ​യു​ടെ സാക്ഷി​കൾക്ക്‌ ഭരണപ​ര​മോ സൈനി​ക​മോ സഭാപ​ര​മോ ആയ ഇടപെടൽ കൂടാതെ മതസ്വാ​ത​ന്ത്ര്യം ആസ്വദി​ക്കാൻ കഴിയ​ത്ത​ക്ക​വി​ധം ഗ്രീസ്‌ രാഷ്‌ട്രം യൂറോ​പ്യൻ കോട​തി​യു​ടെ വിധിക്കു ചേർച്ച​യിൽ നിയമം പാസ്സാ​ക്കു​മെന്ന പ്രതീക്ഷ ഉണർത്തു​ന്നു. മാത്രമല്ല, മതസ്വാ​ത​ന്ത്ര്യം സംബന്ധിച്ച കാര്യ​ങ്ങ​ളിൽ യൂറോ​പ്യൻ കോടതി ഗ്രീക്ക്‌ നീതി​ന്യാ​യ​വ​കു​പ്പി​നെ​തി​രെ പുറ​പ്പെ​ടു​വി​ക്കുന്ന മറ്റൊരു വിധി​യാണ്‌ ഇത്‌.a

യഹോ​വ​യു​ടെ സാക്ഷികൾ തങ്ങളുടെ സ്വാത​ന്ത്ര്യ​ത്തെ വിലമ​തി​ക്കു​ന്നു. ദൈവത്തെ സേവി​ക്കു​ന്ന​തി​നും തങ്ങളുടെ അയൽക്കാ​രനെ സഹായി​ക്കു​ന്ന​തി​നു​മാ​യി അത്‌ ഉപയോ​ഗി​ക്കാ​നാണ്‌ അവരുടെ ശ്രമം. സാക്ഷി​ക​ളായ മൂന്ന്‌ മതശു​ശ്രൂ​ഷ​ക​രും തങ്ങളുടെ കേസു​ക​ളു​ടെ പേരിൽ യൂറോ​പ്യൻ മനുഷ്യാ​വ​കാശ കോട​തി​യിൽ അപ്പീൽ സമർപ്പി​ച്ചത്‌ എന്തെങ്കി​ലും ഭൗതിക നേട്ടത്തി​നു​വേ​ണ്ടി​യാ​യി​രു​ന്നില്ല. പിന്നെ​യോ തികച്ചും നൈതി​ക​വും ധാർമി​ക​വു​മായ കാരണ​ങ്ങ​ളാ​ലാണ്‌ അവർ അതു ചെയ്‌തത്‌. അതു​കൊണ്ട്‌, തങ്ങൾക്കു ലഭിച്ച നഷ്ടപരി​ഹാ​ര​ത്തുക മുഴു​വ​നും യഹോ​വ​യു​ടെ സാക്ഷി​ക​ളു​ടെ വിദ്യാ​ഭ്യാ​സ വേലയു​ടെ ഉന്നമന​ത്തി​നു​വേണ്ടി ഉപയോ​ഗി​ക്കാൻ മൂന്നു പേരും തീരു​മാ​നി​ച്ചി​രി​ക്കു​ന്നു.

[അടിക്കു​റിപ്പ്‌]

[20-ാം പേജിലെ ചിത്രം]

എസ്ഥേറും ദിമി​ട്രി​യൊസ്‌ റ്റ്‌സിർലി​സും

[21-ാം പേജിലെ ചിത്രം]

റ്റിമോത്തേയൊസും നാഫ്‌സി​ക്കാ കൂലു​മ്പാ​സും

[22-ാം പേജിലെ ചിത്രം]

ആനാസ്റ്റാസ്യൊസും കൗളാ യൊർയാ​തി​സും