നമ്മുടെ ശ്രേഷ്‌ഠ​നായ സ്രഷ്ടാ​വിൽ സന്തോ​ഷി​ക്കൽ

“യിസ്രാ​യേൽ തന്നെ ഉണ്ടാക്കി​യ​വ​നിൽ [ശ്രേഷ്‌ഠ​നായ നിർമ്മാതാവിൽ, NW] സന്തോ​ഷി​ക്കട്ടെ, സീയോ​ന്റെ മക്കൾ തങ്ങളുടെ രാജാ​വിൽ ആനന്ദി​ക്കട്ടെ.”—സങ്കീർത്തനം 149:2.

1. “ഒടുവിൽ സ്വാത​ന്ത്ര്യം” എന്ന ഉദ്‌ഘോ​ഷ​ങ്ങ​ളു​ണ്ടെ​ങ്കി​ലും മനുഷ്യ​വർഗ്ഗ​ത്തി​ന്റെ യഥാർത്ഥ സാഹച​ര്യ​മെ​ന്താണ്‌?

ഇന്നത്തെ ലോകം “കൊടും​വി​പ​ത്തി​ന്റെ കഠോ​ര​വേദന”യാൽ കഷ്ടപ്പെ​ടു​ക​യാണ്‌. അത്‌ 1914-ലെ ഒന്നാം ലോക​മ​ഹാ​യു​ദ്ധ​ത്തോ​ടെ തുടങ്ങിയ ദുരന്ത​യു​ഗ​മായ, “വ്യവസ്ഥി​തി​യു​ടെ സമാപന”ത്തെ സംബന്ധിച്ച തന്റെ പ്രവച​ന​ത്തിൽ യേശു ഉപയോ​ഗിച്ച പദപ്ര​യോ​ഗ​മാണ്‌. (മത്തായി 24:3-8, NW) അനേകം രാജ്യ​ത​ന്ത്ര​ജ്ഞൻമാർ ഭാവി​യിൽ ഇരുട്ട​ല്ലാ​തെ യാതൊ​ന്നും കാണു​ന്നില്ല. കിഴക്കൻ യൂറോ​പ്പിൽ “ഒടുവിൽ സ്വാത​ന്ത്ര്യം” എന്ന ഉദ്‌ഘോ​ഷങ്ങൾ ഉണ്ടെങ്കി​ലും ആ പ്രദേ​ശത്ത്‌ ഒരുകാ​ലത്തു പ്രസി​ഡ​ണ്ടാ​യി​രുന്ന ഒരാൾ പിൻവ​രുന്ന പ്രകാരം പറഞ്ഞ​പ്പോൾ സാഹച​ര്യ​ത്തെ ചുരു​ക്കി​പ്പ​റഞ്ഞു: “ജനസം​ഖ്യാ​സ്‌ഫോ​ട​ന​വും ഗ്രീൻഹൗസ്‌ പ്രഭാ​വ​വും ഓസോ​ണി​ലെ ദ്വാര​ങ്ങ​ളും എയ്‌ഡ്‌സും ആണവ ഭീകര​പ്ര​വർത്ത​ന​ത്തി​ന്റെ ഭീഷണി​യും സമ്പന്നമായ വടക്കൻരാ​ജ്യ​ങ്ങ​ളും ദരി​ദ്ര​മായ തെക്കൻരാ​ജ്യ​ങ്ങ​ളും തമ്മിൽ നാടകീ​യ​മാ​യി വർദ്ധി​ച്ചു​വ​രുന്ന വിടവും ക്ഷാമത്തി​ന്റെ അപകട​വും ജീവമ​ണ്ഡ​ല​ത്തി​ന്റെ​യും ഭൂഗ്ര​ഹ​ത്തി​ലെ ധാതു​സ​മ്പ​ത്തി​ന്റെ​യും ശോഷ​ണ​വും വാണിജ്യ ടെലി​വി​ഷൻ സംസ്‌കാ​ര​ത്തി​ന്റെ വികസ​ന​വും പ്രാ​ദേ​ശി​ക​യു​ദ്ധ​ങ്ങ​ളു​ടെ വളർന്നു​വ​രുന്ന ഭീഷണി​യും—ഇവയോ​ടെ​ല്ലാ​മൊ​പ്പം ആയിര​ക്ക​ണ​ക്കി​നു മററു ഘടകങ്ങ​ളും മനുഷ്യ​വർഗ്ഗ​ത്തിന്‌ ഒരു പൊതു ഭീഷണി​യാ​യി​ത്തീ​രു​ന്നു.” അന്തിമ​മായ ഈ വിപത്തി​നെ നീക്കം​ചെ​യ്യാൻ കഴിവുള്ള മനുഷ്യ​ശ​ക്തി​യില്ല.—യിരെ​മ്യാവ്‌ 10:23.

2. മനുഷ്യ​വർഗ്ഗ​ത്തി​ന്റെ പ്രശ്‌ന​ങ്ങൾക്കു സ്ഥിരമായ പരിഹാ​രം ആർക്കാ​ണു​ള്ളത്‌, അവൻ ഇപ്പോൾത്തന്നെ എന്തു നടപടി സ്വീക​രി​ച്ചി​രി​ക്കു​ന്നു?

² എന്നിരു​ന്നാ​ലും, നമ്മുടെ ശ്രേഷ്‌ഠ​നായ സ്രഷ്ടാ​വി​നു സ്ഥിരമായ പരിഹാ​ര​മു​ള്ള​തിൽ നമുക്കു സന്തോ​ഷി​ക്കാൻ കഴിയും. യേശു​വി​ന്റെ പ്രവച​ന​ത്തിൽ “വ്യവസ്ഥി​തി​യു​ടെ സമാപനം” അവന്റെ അദൃശ്യ“സാന്നിദ്ധ്യ”ത്തോടു ബന്ധിക്ക​പ്പെ​ട്ടി​രി​ക്കു​ന്നു. (മത്തായി 24:3, 37-39, NW) യഹോവ “പുതിയ ആകാശങ്ങൾ” സൃഷ്ടി​ക്കു​ന്ന​തി​നു യേശു​വി​നെ മിശി​ഹൈ​ക​രാ​ജാ​വെന്ന നിലയിൽ തന്റെ സിംഹാ​സ​ന​ത്തിൽ ഇരുത്തി. ഈ ചരി​ത്ര​പ്ര​ധാ​ന​മായ സംഭവം 1914 എന്ന വർഷത്തിൽ സ്വർഗ്ഗ​ത്തിൽ നടന്നു​വെന്നു പ്രാവ​ച​നി​ക​മായ തെളിവു പ്രകട​മാ​ക്കു​ന്നു.a (2 പത്രൊസ്‌ 3:13) പരമാ​ധി​കാര കർത്താ​വായ യഹോ​വ​യു​ടെ കൂട്ടു​ഭ​ര​ണാ​ധി​കാ​രി​യെന്ന നിലയിൽ യേശു ഇപ്പോൾ ജനതകളെ ന്യായം​വി​ധി​ക്കാ​നും ഭൂമി​യി​ലെ ചെമ്മരി​യാ​ടു​തു​ല്യ​രായ സൗമ്യരെ ശാഠ്യ​ക്കാ​രായ കോലാ​ടു​തു​ല്യ​രിൽനി​ന്നു വേർതി​രി​ക്കാ​നും നിയോ​ഗി​ക്ക​പ്പെ​ട്ടി​രി​ക്കു​ക​യാണ്‌. ഭക്തികെട്ട “കോലാ​ടു​കൾ” “നിത്യ​ച്‌ഛേദന”ത്തിനും “ചെമ്മരി​യാ​ടു​കൾ” രാജ്യ​ത്തി​ന്റെ ഭൗമി​ക​മ​ണ്ഡ​ല​ത്തി​ലെ നിത്യ​ജീ​വ​നും വേണ്ടി വേർതി​രി​ക്ക​പ്പെ​ടു​ക​യാണ്‌.—മത്തായി 25:31-34, 46.

3. സത്യ​ക്രി​സ്‌ത്യാ​നി​കൾക്ക്‌ ആഹ്ലാദി​ക്കാൻ എന്തു കാരണ​മുണ്ട്‌?

³ ഇപ്പോൾ ഈ അനുസ​ര​ണ​മുള്ള ചെമ്മരി​യാ​ടു​ക​ളു​ടെ മഹാപു​രു​ഷാ​രം​കൂ​ടെ ചേർന്നി​രി​ക്കെ, നിത്യ​ത​യു​ടെ രാജാ​വായ യഹോവ തന്റെ പുത്രന്റെ രാജ്യം മുഖേന തന്റെ മഹത്തായ ഉദ്ദേശ്യ​ങ്ങളെ പരകോ​ടി​യി​ലെ​ത്തി​ക്കു​മ്പോൾ ഭൂമി​യി​ലെ ആത്മീയ ഇസ്ര​യേ​ലി​ന്റെ ശേഷി​പ്പി​നു അവനിൽ സന്തോ​ഷി​ക്കു​ന്ന​തി​നു സകല കാരണ​വു​മുണ്ട്‌. അവർക്ക്‌ ഇങ്ങനെ പറയാൻ കഴിയും: “ഞാൻ യഹോ​വ​യിൽ ഏററവും ആനന്ദി​ക്കും; എന്റെ ഉള്ളം എന്റെ ദൈവ​ത്തിൽ ഘോഷി​ച്ചു​ല്ല​സി​ക്കും. . . . അവൻ എന്നെ രക്ഷാവ​സ്‌ത്രം ധരിപ്പി​ച്ചു . . . ഭൂമി തൈകളെ മുളപ്പി​ക്കു​ന്ന​തു​പോ​ലെ​യും തോട്ടം അതിൽ വിതെച്ച വിത്തിനെ കിളുർപ്പി​ക്കു​ന്ന​തു​പോ​ലെ​യും യഹോ​വ​യായ കർത്താവു സകല ജാതി​ക​ളും കാൺകെ നീതി​യെ​യും സ്‌തു​തി​യെ​യും മുളപ്പി​ക്കും.” (യെശയ്യാ​വു 61:10, 11) യഹോ​വ​യു​ടെ സ്‌തു​തി​പാ​ടു​ന്ന​തിന്‌ ഇപ്പോൾ ജനതക​ളിൽനി​ന്നു കൂട്ടി​ച്ചേർക്ക​പ്പെ​ട്ടു​കൊ​ണ്ടി​രി​ക്കുന്ന ലക്ഷങ്ങൾ ഈ “മുളപ്പിക്ക”ലിന്റെ തെളി​വാണ്‌.

‘ത്വരി​ത​പ്പെ​ടു​ത്തൽ’

4, 5. (എ) ദൈവ​ജ​ന​ത്തി​ന്റെ കൂട്ടി​ച്ചേർപ്പ്‌ എങ്ങനെ മുൻകൂ​ട്ടി​പ്പ​റ​യ​പ്പെട്ടു? (ബി) ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​ര​ണ്ടി​ലെ സേവന​വർഷ​ത്തിൽ എന്തു മുന്തിയ വർദ്ധനവു കാണ​പ്പെട്ടു?

⁴ സാത്താന്റെ വ്യവസ്ഥി​തി​യു​ടെ അവസാനം അടുത്തു​വ​രു​മ്പോൾ ഈ കൂട്ടി​ച്ചേർപ്പിന്‌ ആക്കം കൂടു​ക​യാണ്‌. നമ്മുടെ ശ്രേഷ്‌ഠ​നായ സ്രഷ്ടാവ്‌ ഇങ്ങനെ പ്രഖ്യാ​പി​ക്കു​ന്നു: “നിന്റെ ജനമൊ​ക്കെ​യും നീതി​മാൻമാ​രാ​കും; ഞാൻ മഹത്വ​പ്പെ​ടേ​ണ്ട​തി​ന്നു എന്റെ നടുത​ല​യു​ടെ മുളയും എന്റെ കൈക​ളു​ടെ പ്രവൃ​ത്തി​യും ആയിട്ടു . . . കുറഞ്ഞവൻ ആയിര​വും ചെറി​യവൻ മഹാജാ​തി​യും ആയിത്തീ​രും; യഹോ​വ​യായ ഞാൻ തക്ക സമയത്തു അതിനെ ശീഘ്ര​മാ​യി നിവർത്തി​ക്കും [ത്വരിതപ്പെടുത്തും, NW].” (യെശയ്യാ​വു 60:21, 22) ഈ ത്വരി​ത​പ്പെ​ടു​ത്തൽ ഈ മാസി​ക​യു​ടെ 12 മുതൽ 15 വരെ പേജു​ക​ളിൽ പ്രസി​ദ്ധീ​ക​രി​ച്ചി​രി​ക്കുന്ന ലോക​വ്യാ​പ​ക​മാ​യുള്ള യഹോ​വ​യു​ടെ സാക്ഷി​ക​ളു​ടെ 1992-ലെ സേവന​വർഷ​റി​പ്പോർട്ടിൽ അത്യത്ഭു​ത​ക​ര​മാ​യി പ്രതി​ഫ​ലി​ച്ചി​രി​ക്കു​ന്നു.

⁵ ഈ റിപ്പോർട്ടിൽ 44,72,787 രാജ്യ​പ്ര​ഘോ​ഷ​ക​രു​ടെ പുതിയ അത്യു​ച്ച​മാ​ണു മുന്തി​നിൽക്കു​ന്നത്‌, 1,93,967 പേരുടെ വർദ്ധനവ്‌—കഴിഞ്ഞ വർഷ​ത്തെ​ക്കാൾ 4.5 ശതമാ​ന​ത്തി​ന്റെ വർദ്ധനവ്‌. 1992-ൽ സ്‌നാ​പ​ന​മേററ 3,01,002 പേരുടെ അത്യു​ച്ച​വും പുരു​ഷാ​രങ്ങൾ സത്യം സ്വീക​രി​ക്കു​ന്നു​ണ്ടെ​ന്നുള്ള വസ്‌തു​തയെ പ്രതി​ഫ​ലി​പ്പി​ക്കു​ന്നു. ഈ “ഇരുട്ടും അന്ധകാ​ര​വു​മു​ള്ളോ​രു ദിവസം . . . നിരവ​ധി​യും ബലിഷ്‌ഠ​വു​മായ ഒരു ജനമുള്ള”തിൽ നാം എത്ര സന്തോ​ഷി​ക്കു​ന്നു, അവർ ഒരു വെട്ടു​ക്കി​ളി​ക്കൂ​ട്ടം പോലെ “ഭൂമി​യു​ടെ അതിവി​ദൂ​ര​ഭാ​ഗ​ത്തോ​ളം” രാജ്യ​സാ​ക്ഷ്യം വികസി​പ്പി​ച്ചു​കൊ​ണ്ടി​രി​ക്കു​ക​യാണ്‌! (യോവേൽ 2:2, 25, NW; പ്രവൃ​ത്തി​കൾ 1:8, NW) മഞ്ഞുറഞ്ഞ അലാസ്‌കാ​മു​തൽ—അവിടെ വാച്ച്‌ ടവർ സൊ​സൈ​റ​റി​യു​ടെ വിമാനം ഹിമാ​വൃ​ത​മായ പ്രദേ​ശ​ങ്ങ​ളിൽ 50-തിലധി​കം സന്ദർശ​നങ്ങൾ നടത്തി​യി​ട്ടുണ്ട്‌—മാലി​യി​ലെ​യും ബർക്കിനാ ഫാസോ​യി​ലെ​യും മണലാ​ര​ണ്യ​ങ്ങ​ളും ചിതറി​ക്കി​ട​ക്കുന്ന മൈ​ക്രോ​നേഷ്യ ദ്വീപു​ക​ളും വരെ, “[അവന്റെ] രക്ഷ ഭൂമി​യു​ടെ അററ​ത്തോ​ളം എത്തേണ്ട​തി​നു . . . ജാതി​കൾക്കു പ്രകാശ”മെന്ന നിലയിൽ യഹോ​വ​യു​ടെ ദാസൻമാർ പ്രശോ​ഭി​ക്കു​ക​യാണ്‌.—യെശയ്യാ​വു 49:6.

6, 7. സമീപ​വർഷ​ങ്ങ​ളിൽ ഏത്‌ അപ്രതീ​ക്ഷിത സംഭവ​വി​കാ​സം നടന്നു, യഹോ​വ​യു​ടെ ദാസൻമാർ അതി​നോ​ടു പ്രതി​ക​രി​ച്ചി​രി​ക്കു​ന്ന​തെ​ങ്ങനെ?

⁶ യഹോവ തന്റെ ജനത്തെ സംരക്ഷി​ക്കു​ക​യും പുലർത്തു​ക​യും ചെയ്യു​ന്ന​തിൽ ഒരു ദുർഗ്ഗ​വും ഒരു ബലമേ​റിയ കോട്ട​യും പോലെ ആയിരു​ന്നി​ട്ടുണ്ട്‌. ഭൂമി​യു​ടെ അനേകം ഭാഗങ്ങ​ളിൽ യഹോ​വ​യു​ടെ സാക്ഷി​കൾക്കു ദശാബ്ദ​ങ്ങ​ളോ​ളം ക്രൂര​മർദ്ദ​ന​വും പീഡന​വും സഹി​ക്കേ​ണ്ടി​വ​ന്നി​ട്ടുണ്ട്‌. (സങ്കീർത്തനം 37:39, 40; 61:3, 4) എന്നാൽ അടുത്ത​കാ​ലത്ത്‌ ഒരു അത്ഭുത​ത്താ​ലെ​ന്ന​പോ​ലെ, ഏതാണ്ട്‌ 21 രാജ്യ​ങ്ങ​ളിൽ നിയ​ന്ത്ര​ണ​ങ്ങ​ളും പ്രതി​ബ​ന്ധ​ങ്ങ​ളും നീക്ക​പ്പെ​ട്ടി​ട്ടുണ്ട്‌, തന്നിമി​ത്തം ഇപ്പോൾ ദൈവ​ജ​ന​ത്തി​നു നമ്മുടെ ശ്രേഷ്‌ഠ​നായ സ്രഷ്ടാവ്‌ ക്രിസ്‌തു​വി​നെ ഭൂമി​യു​ടെ​മേൽ രാജാ​വാ​യി അവരോ​ധി​ച്ചി​രി​ക്കു​ന്നു​വെന്നു സ്വത​ന്ത്ര​മാ​യി ഘോഷി​ക്കാൻ കഴിയും.—സങ്കീർത്തനം 2:6-12.

⁷ യഹോ​വ​യു​ടെ ജനം തങ്ങളുടെ പുതു​താ​യി കണ്ടെത്തിയ സ്വാത​ന്ത്ര്യം നന്നായി വിനി​യോ​ഗി​ക്കു​ന്നു​ണ്ടോ? ചാർട്ടിൽ കിഴക്കൻ യൂറോ​പ്പി​ലെ ബൾഗേ​റി​യാ​യി​ലെ​യും റുമേ​നി​യാ​യി​ലെ​യും മുൻ സോവ്യ​റ​റ്‌യൂ​ണി​യ​നി​ലെ​യും, ആഫ്രി​ക്ക​യി​ലെ അംഗോ​ള​യി​ലെ​യും ബനിനി​ലെ​യും മൊസാം​ബി​ക്കി​ലെ​യും വർദ്ധന​വു​കൾ ശ്രദ്ധി​ക്കുക. സയറി​ലും വികസനം ശ്രദ്ധേ​യ​മാണ്‌. വിമോ​ചി​ത​രായ നമ്മുടെ സഹോ​ദ​രങ്ങൾ സന്തോഷം നിറഞ്ഞ ഹൃദയ​ങ്ങ​ളോ​ടെ ഈ ആഹ്വാ​ന​ത്തിന്‌ ഉത്തരം കൊടു​ക്കു​ന്നു: “യഹോ​വെക്കു സ്‌തോ​ത്രം ചെയ്‌വിൻ; അവൻ നല്ലവന​ല്ലോ . . . , ഏകനായി മഹാത്ഭു​ത​ങ്ങളെ പ്രവർത്തി​ക്കു​ന്ന​വന്നു—അവന്റെ ദയ എന്നേക്കു​മു​ള്ളതു.” (സങ്കീർത്തനം 136:1, 4) ഈ നന്ദികൾ രാജ്യ​ത്തി​ന്റെ പക്ഷത്തേക്കു മററു ചെമ്മരി​യാ​ടു​തു​ല്യ​രെ കൂട്ടി​ച്ചേർക്കു​ന്ന​തി​ലെ തീക്ഷ്‌ണ​മായ സേവന​ത്താ​ലാ​ണു പ്രകടി​പ്പി​ക്ക​പ്പെ​ടു​ന്നത്‌.

8. യഹോ​വ​യു​ടെ പുതിയ സ്‌തു​തി​പാ​ഠകർ കിഴക്കൻ യൂറോ​പ്പി​ലും ആഫ്രി​ക്ക​യി​ലും ‘മേഘ​ത്തെ​പ്പോ​ലെ പറന്നു​വന്നി’രിക്കു​ന്ന​തെ​ങ്ങനെ?

⁸ യൂറോ​പ്പി​ലെ കഴിഞ്ഞ വേനൽക്കാ​ലത്ത്‌, മുൻ കമ്മ്യൂ​ണി​സ്‌ററ്‌ രാജ്യ​ങ്ങ​ളിൽ നടത്തപ്പെട്ട യഹോ​വ​യു​ടെ ജനത്തിന്റെ കൺ​വെൻ​ഷ​നു​ക​ളിൽ അതിശ​യി​പ്പി​ക്കുന്ന ഹാജരാ​ണു ലഭിച്ചത്‌. ഇതോ​ടൊ​പ്പം കൊടു​ത്തി​രി​ക്കുന്ന ചാർട്ടു പ്രകട​മാ​ക്കു​ന്ന​തു​പോ​ലെ, സ്‌നാ​പ​ന​മേൽക്കു​ന്ന​വ​രു​ടെ എണ്ണമാണ്‌ അതിലും വിസ്‌മ​യാ​വ​ഹ​മാ​യി​രി​ക്കു​ന്നത്‌. സമാന​മാ​യി, ആഫ്രി​ക്ക​യി​ലെ റേറാ​ഗോ​യിൽ 1991 ഡിസംബർ 10-ൽ നിരോ​ധനം നീക്ക​പ്പെട്ടു. വെറും രണ്ടുമാ​സം കഴിഞ്ഞ്‌, കൺ​വെൻ​ഷ​നു​കൾ നടത്ത​പ്പെട്ടു. വയലിലെ 6,443 എന്ന പ്രതി​മാസ പ്രസാ​ധ​ക​ശ​രാ​ശ​രി​യോ​ടു താരത​മ്യ​പ്പെ​ടു​ത്തു​മ്പോൾ, ഈ കൺ​വെൻ​ഷ​നി​ലെ ഹാജർ 25,467-ലേക്കു കുതി​ച്ചു​യർന്നു. 556 പേർ സ്‌നാ​പ​ന​മേ​ററു—പ്രസാ​ധ​ക​രു​ടെ എണ്ണത്തിന്റെ 8.6 ശതമാനം. യെശയ്യാ​വു 60:8 വരച്ചു​കാ​ട്ടു​ന്ന​തു​പോ​ലെ, യഹോ​വ​യു​ടെ പുതിയ സ്‌തു​തി​പാ​ഠകർ “മേഘം​പോ​ലെ​യും തങ്ങളുടെ കിളി​വാ​തി​ലു​ക​ളി​ലേക്കു പ്രാവു​ക​ളെ​പ്പോ​ലെ​യും പറന്നു”വരുന്നു, യഹോ​വ​യു​ടെ ജനത്തിന്റെ സഭകളിൽ.

9. അടുത്ത​കാ​ലത്തു വിമോ​ചി​ത​മായ രാജ്യ​ങ്ങ​ളി​ലെ ക്രിസ്‌ത്യാ​നി​കൾക്കു ‘തിന്നു തൃപ്‌ത​രാ​കാൻ’ കഴി​യേ​ണ്ട​തിന്‌ എന്തു കരുത​ലു​കൾ ചെയ്യ​പ്പെ​ട്ടി​രി​ക്കു​ന്നു?

⁹ കിഴക്കൻ യൂറോ​പ്പി​ലെ​യും ആഫ്രി​ക്ക​യി​ലെ​യും ആത്മീയാ​ഹാ​ര​ത്തി​നാ​യുള്ള വിശപ്പും ശമിപ്പി​ക്ക​പ്പെ​ട്ടു​കൊ​ണ്ടി​രി​ക്കു​ന്നു. ജർമ്മനി​യി​ലെ​യും ഇററലി​യി​ലെ​യും ദക്ഷിണാ​ഫ്രി​ക്ക​യി​ലെ​യും വാച്ച്‌ടവർ സൊ​സൈ​റ​റി​യു​ടെ ഫാക്ടറി​കൾ ആത്മീയ പട്ടിണി​യുള്ള രാജ്യ​ങ്ങ​ളി​ലേക്കു പല ഭാഷക​ളിൽ ലോറി​ക്ക​ണ​ക്കി​നു സാഹി​ത്യം അയച്ചു​കൊ​ടു​ത്തി​രി​ക്കു​ന്നു. മുമ്പു സാക്ഷി​ക​ളി​ല​നേ​കർക്കും തീരെ ജീർണ്ണിച്ച മാസി​കകൾ അന്യോ​ന്യം കൈമാ​റേ​ണ്ടി​യി​രു​ന്നു, എന്നാൽ ഇപ്പോൾ അവർക്കു ധാരാളം ആത്മീയാ​ഹാ​രം കിട്ടു​ന്നുണ്ട്‌. അവർ ഈ പ്രവച​ന​നി​വൃ​ത്തി​യിൽ പങ്കെടു​ക്കു​ന്ന​തിൽ സന്തോ​ഷി​ക്കു​ന്നു: “നിങ്ങൾ വേണ്ടു​വോ​ളം തിന്നു തൃപ്‌ത​രാ​യി, നിങ്ങ​ളോ​ടു അത്ഭുത​ക​ര​മാ​യി പ്രവർത്തി​ച്ചി​രി​ക്കുന്ന നിങ്ങളു​ടെ ദൈവ​മായ യഹോ​വ​യു​ടെ നാമത്തെ സ്‌തു​തി​ക്കും.”—യോവേൽ 2:26.

കൂടു​ത​ലായ വികസ​ന​ത്തിൽ ശ്രദ്ധിക്കൽ

10. സ്‌മാ​ര​ക​ത്തി​ന്റെ ഉയർന്ന ഹാജരി​ന്റെ വീക്ഷണ​ത്തിൽ സകല താത്‌പ​ര്യ​ക്കാർക്കും എന്തു ക്ഷണം നൽക​പ്പെ​ട്ടി​രി​ക്കു​ന്നു?

¹⁰ യേശു​വി​ന്റെ മരണസ്‌മാ​ര​ക​ത്തി​ന്റെ ലോക​വ്യാ​പ​ക​മായ ഹാജർ തീർച്ച​യാ​യും അതിശ​യി​പ്പി​ക്കു​ന്ന​താണ്‌, 1,14,31,171; ഇതു കഴിഞ്ഞ വർഷ​ത്തേ​തി​ലും 7,81,013 അല്ലെങ്കിൽ 7.3 ശതമാനം കൂടു​ത​ലാണ്‌. സകല നവാഗ​ത​രു​മേ, നിങ്ങൾക്കു സ്വാഗതം! അങ്ങനെ​യുള്ള പുതിയ താത്‌പ​ര്യ​ക്കാ​രെ​ല്ലാം യഹോ​വ​യു​ടെ സാക്ഷി​ക​ളി​ലൊ​രാ​ളു​മാ​യുള്ള ഒരു ഭവന​ബൈ​ബി​ള​ദ്ധ്യ​യ​ന​ത്തി​ന്റെ പ്രയോ​ജനം ആസ്വദി​ച്ചി​രു​ന്നെ​ങ്കിൽ എത്ര നന്നായി​രി​ക്കു​മാ​യി​രു​ന്നു! (യെശയ്യാ​വു 48:17 കാണുക.) ഈ അദ്ധ്യയ​ന​ങ്ങ​ളിൽ 42,78,127 എണ്ണം ഓരോ മാസവും നടത്ത​പ്പെ​ടു​ന്നു​ണ്ടെന്നു സേവന​വർഷ​റി​പ്പോർട്ടു പ്രകട​മാ​ക്കു​ന്നു, 8.4 ശതമാ​ന​ത്തി​ന്റെ ഒരു നല്ല വർദ്ധന​വു​തന്നെ. എന്നിരു​ന്നാ​ലും, അനേകർക്കു​കൂ​ടെ ഈ നല്ല സേവനം പ്രയോ​ജ​ന​പ്പെ​ടു​ത്താൻ കഴിയും. യഹോ​വ​യു​ടെ സാക്ഷി​കൾക്കു ഭവനത്തിൽ ഒരു സൗജന്യ​ബൈ​ബി​ള​ദ്ധ്യ​യനം നടത്തു​ന്ന​തി​നു താത്‌പ​ര്യ​ക്കാ​രെ ക്രമമാ​യി സന്ദർശി​ക്കു​ന്ന​തി​നും അങ്ങനെ അവരെ നിത്യ​ജീ​വന്റെ പാതയിൽ അവരുടെ ചുവടു​റ​പ്പി​ക്കാൻ സഹായി​ക്കു​ന്ന​തി​നും സന്തോ​ഷ​മുണ്ട്‌. (യോഹ​ന്നാൻ 3:16, 36) അങ്ങനെ​യുള്ള ഒരു അദ്ധ്യയ​ന​ത്തിന്‌ എന്തു​കൊണ്ട്‌ അപേക്ഷി​ച്ചു​കൂ​ടാ? നിങ്ങളെ എപ്പോ​ഴും രാജ്യ​ഹാ​ളിൽ ഊഷ്‌മ​ള​മാ​യി സ്വാഗ​തം​ചെ​യ്യു​മെന്ന്‌ ഓർക്കുക!—സങ്കീർത്തനം 122:1; റോമർ 15:7.

11, 12. (എ) ചില രാജ്യ​ങ്ങ​ളിൽ ഏതു പ്രശ്‌ന​ങ്ങളെ അഭിമു​ഖീ​ക​രി​ക്കു​ന്നു? (ബി) കൂടുതൽ സമ്പന്നവും കൂടുതൽ ദരി​ദ്ര​വു​മായ രാജ്യ​ങ്ങൾക്കി​ട​യിൽ ഏതു വിധത്തിൽ “ഒരു സമീക​രണം” നടന്നി​രി​ക്കു​ന്നു?

¹¹ നല്ല രാജ്യ​ഹാ​ളു​ക​ളുള്ള സഭകൾ സമൃദ്ധ​മാ​യി അനു​ഗ്ര​ഹി​ക്ക​പ്പെ​ടു​ന്നു. വിശ്വ​സ്‌ത​രായ സാക്ഷികൾ നിരോ​ധ​ന​ത്തിൻ കീഴിൽ അനേക വർഷങ്ങൾ സഹിച്ചു​നിൽക്കു​ക​യും ചെറിയ കൂട്ടങ്ങ​ളാ​യി രഹസ്യ​മാ​യി കൂടി​വ​രു​ക​യും ചെയ്‌തി​ട്ടുള്ള രാജ്യ​ങ്ങ​ളിൽ സാഹച​ര്യം വ്യത്യ​സ്‌ത​മാണ്‌. അങ്ങനെ​യുള്ള പല സ്ഥലങ്ങളി​ലും അവർക്ക്‌ ഇപ്പോൾ സ്വാത​ന്ത്ര്യ​മുണ്ട്‌, എന്നാൽ രാജ്യ​ഹാ​ളു​കൾ ഇല്ല. ദൃഷ്ടാ​ന്ത​ത്തിന്‌, ഒരു ആഫ്രി​ക്കൻരാ​ജ്യത്ത്‌, 93 സഭകളെ സേവി​ക്കാൻ മൂന്നു രാജ്യ​ഹാ​ളു​ക​ളേ​യു​ള്ളു. അതു​കൊ​ണ്ടു സാധാ​ര​ണ​യാ​യി യോഗങ്ങൾ നടത്തു​ന്നത്‌ ഒഴിഞ്ഞു​കി​ട​ക്കുന്ന വലിയ തറകളി​ലാണ്‌. നൂററ​മ്പ​തു​പേ​ര​ട​ങ്ങുന്ന ഒരു സഭക്ക്‌ 450 പേർ ക്രമമാ​യി ഈ യോഗ​ങ്ങൾക്കു ഹാജരാ​കു​ന്നു​ണ്ടാ​യി​രി​ക്കാം.

¹² കിഴക്കൻ യൂറോ​പ്പിൽ മിക്ക​പ്പോ​ഴും വസ്‌തു വാങ്ങു​ന്നത്‌ അല്ലെങ്കിൽ കെട്ടിടം പണിയു​ന്നതു പ്രയാ​സ​മാണ്‌, എന്നാൽ കുറെ പുരോ​ഗതി വന്നു​കൊ​ണ്ടി​രി​ക്ക​യാണ്‌. പോള​ണ്ടിൽ നല്ല ഒരു പുതിയ ബ്രാഞ്ച്‌കെ​ട്ടി​ട​ത്തി​ന്റെ സമർപ്പണം 1992 നവംബർ 28-ലേക്കു പട്ടിക​പ്പെ​ടു​ത്തി. യഹോ​വ​യു​ടെ സാക്ഷി​ക​ളു​ടെ ലോക​വ്യാ​പ​ക​മായ വേലക്കു​വേ​ണ്ടി​യുള്ള ഉദാര​മായ സംഭാ​വ​നകൾ ഹാളു​ക​ളും മററു സൗകര്യ​ങ്ങ​ളും നിർമ്മി​ക്കാൻ സഹായി​ക്കു​ന്ന​തിന്‌ ഉപയോ​ഗി​ക്ക​പ്പെ​ട്ടു​കൊ​ണ്ടി​രി​ക്കു​ക​യാണ്‌. അങ്ങനെ, തങ്ങളുടെ ഭൗതിക “സമൃദ്ധി”യിൽനി​ന്നു സംഭാവന ചെയ്യുന്ന സഹോ​ദ​രൻമാ​രു​ടെ ഔദാ​ര്യം പ്രാതി​കൂ​ല്യ​മ​നു​ഭ​വി​ക്കുന്ന രാജ്യ​ങ്ങ​ളി​ലെ സഭകളു​ടെ ആത്മീയാ​വ​ശ്യ​ങ്ങൾക്കു കരുതൽ ചെയ്യു​ന്ന​തിൽ സഹായി​ക്കു​ന്ന​തു​കൊണ്ട്‌ “ഒരു സമീക​രണം” നടക്കുന്നു.—2 കൊരി​ന്ത്യർ 8:13, 14, NW.

നൂറു​കോ​ടി മണിക്കൂർ!

13. ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​ര​ണ്ടിൽ പ്രസം​ഗ​ത്തി​നും പഠിപ്പി​ക്ക​ലി​നും എത്ര മണിക്കൂർ ചെലവ​ഴി​ക്ക​പ്പെട്ടു, ഈ സംഖ്യ​യിൽ ആരുടെ ശ്രമങ്ങ​ളാണ്‌ പ്രതി​ഫ​ലി​ക്കു​ന്നത്‌?

¹³ നിങ്ങൾ നൂറു​കോ​ടി മണിക്കൂർകൊണ്ട്‌ എന്തു ചെയ്യും? നിത്യ​ജീ​വൻ പ്രാപി​ക്കാൻ ലക്ഷ്യമി​ടുന്ന സകലർക്കും അത്രയും മണിക്കൂ​റും, അതില​ധി​ക​വും, യഹോ​വ​ക്കാ​യുള്ള ഉത്‌പാ​ദ​ന​ക്ഷ​മ​വും സംതൃ​പ്‌തി​ക​ര​വു​മായ സേവന​ത്തിൽ ചെലവ​ഴി​ക്കാൻ കഴിയും. എന്നാൽ അത്രയും മണിക്കൂർ ഒരൊററ വർഷത്തിൽ തിക്കി​ക്കൊ​ള്ളി​ക്കു​ന്ന​തി​നെ​ക്കു​റി​ച്ചു ചിന്തി​ക്കുക! അതാണ്‌ 1992-ൽ യഹോ​വ​യു​ടെ ജനം സാധി​ച്ചത്‌. സകല രാജ്യ​പ്ര​സാ​ധ​ക​രു​ടെ​യും വ്യക്തി​ഗ​ത​മായ റിപ്പോർട്ടു​കൾ കൂട്ടു​മ്പോൾ നാം മണിക്കൂ​റു​കൾ ചെലവ​ഴി​ക്കാൻ കഴിയുന്ന ഏററവും നല്ല വിധത്തിൽ—നമ്മുടെ ശ്രേഷ്‌ഠ​നായ സ്രഷ്ടാ​വി​നെ സ്‌തു​തി​ച്ചു​കൊണ്ട്‌, “പരസ്യ​മാ​യും വീടു​തോ​റും. . . പഠിപ്പി​ച്ചു​കൊണ്ട്‌”—ചെലവ​ഴിച്ച 1,02,49,10,434 മണിക്കൂ​റി​ന്റെ ഒരു പുതിയ അത്യുച്ചം കണ്ടെത്തു​ന്നു. (പ്രവൃ​ത്തി​കൾ 20:20) ശരാശരി 42,89,737 സാക്ഷികൾ ഓരോ മാസവും റിപ്പോർട്ടു​ചെ​യ്യു​ന്നു​ണ്ടാ​യി​രു​ന്നു. അവർ എല്ലാ ജീവി​ത​തു​റ​ക​ളിൽനി​ന്നും വരുന്ന​വ​രാണ്‌. ചിലർക്കു രാജ്യ​വേ​ലക്കു സംഭാ​വ​ന​ചെ​യ്യാൻ കഴിയുന്ന സമയം പരിമി​ത​മാണ്‌. അവരിൽ കുടും​ബ​ത്തി​നു​വേണ്ടി കരുതേണ്ട കുടും​ബ​ത്ത​ല​വൻമാ​രും വൃദ്ധരും ആരോ​ഗ്യ​പ്ര​ശ്‌ന​മുള്ള അനേക​രും ഇപ്പോ​ഴും സ്‌കൂ​ളിൽ പൊയ്‌ക്കൊ​ണ്ടി​രി​ക്കുന്ന കുട്ടി​ക​ളും ഉൾപ്പെ​ടു​ന്നു. എന്നിരു​ന്നാ​ലും, ഓരോ​രു​ത്ത​രും നൽകുന്ന റിപ്പോർട്ട്‌ യഹോ​വ​യോ​ടുള്ള സ്‌നേ​ഹ​ത്തി​ന്റെ വിലമ​തി​ക്ക​പ്പെ​ടുന്ന ഒരു പ്രതി​ഫ​ല​ന​മാണ്‌.—ലൂക്കൊസ്‌ 21:2-4 താരത​മ്യം​ചെ​യ്യുക.

14. ചെറു​പ്പ​ക്കാർ ‘തങ്ങളുടെ ശ്രേഷ്‌ഠ​നായ സ്രഷ്ടാ​വി​നെ ഓർക്കുന്ന’തെങ്ങനെ?

¹⁴ യഹോ​വ​യു​ടെ സേവന​ത്തിൽ ഒരു യുവത​ല​മുറ വളർന്നു​വ​രു​ന്നുണ്ട്‌. ഇവരിൽ ഭൂരി​പ​ക്ഷ​വും സഭാ​പ്ര​സം​ഗി 12:1-ലെ (NW) ശലോ​മോ​ന്റെ വാക്കുകൾ ബാധക​മാ​ക്കു​ന്നുണ്ട്‌: “ഇപ്പോൾ, നിന്റെ യൗവന​നാ​ളു​ക​ളിൽ നിന്റെ ശ്രേഷ്‌ഠ​നായ സ്രഷ്ടാ​വി​നെ ഓർത്തു​കൊൾക.” അവർ തങ്ങളുടെ സ്‌കൂൾപ​ഠ​ന​ത്തിൽ ശ്രദ്ധി​ക്കു​ക​യും അർപ്പി​ത​രായ മാതാ​പി​താ​ക്ക​ളാൽ ആത്മീയ​കാ​ര്യ​ങ്ങ​ളിൽ പരിശീ​ലി​പ്പി​ക്ക​പ്പെ​ടു​ക​യും ചെയ്യുന്നു. അടുത്ത കാലത്തെ കൺ​വെൻ​ഷ​നു​ക​ളിൽ കൗമാ​ര​പ്രാ​യ​ക്കാ​രു​ടെ ഒരു നല്ല സംഖ്യ സ്‌നാ​പ​ന​ത്തി​നു തങ്ങളേ​ത്തന്നെ അർപ്പി​ച്ചു​കൊണ്ട്‌ എഴു​ന്നേ​റ​റു​നിൽക്കു​ന്നതു കാണു​ന്നത്‌ ഒരു സന്തോ​ഷ​മാ​യി​രു​ന്നി​ട്ടുണ്ട്‌. അനേകർ എന്തെങ്കി​ലും തൊഴി​ലോ വൈദ​ഗ്‌ദ്ധ്യ​മോ പഠിച്ചു​കൊ​ണ്ടു സ്‌കൂൾപ​ഠനം കഴിയു​മ്പോൾ പയനി​യ​റിംഗ്‌ നടത്താൻ പ്രാ​യോ​ഗി​ക​മാ​യി ഒരുക്കം​ചെ​യ്യു​ന്ന​താ​യി അറിയു​ന്ന​തും ഒരു സന്തോ​ഷ​മാണ്‌. അങ്ങനെ അപ്പൊ​സ്‌ത​ല​നായ പൗലോസ്‌ കൂടാ​ര​പ്പ​ണി​യി​ലേർപ്പെ​ട്ടു​കൊ​ണ്ടു തന്നേത്തന്നെ പോറ​റി​യ​തു​പോ​ലെ അവർക്കു തങ്ങളേ​ത്തന്നെ പോറ​റാൻ കഴിയു​ന്നു.—പ്രവൃ​ത്തി​കൾ 18:1-4.

15, 16. പയനി​യർമാ​രും മററു മുഴു​സ​മ​യ​സേ​വ​ക​രും രാജ്യ​വേ​ല​യു​ടെ പുരോ​ഗ​തി​ക്കു സംഭാവന ചെയ്‌തി​രി​ക്കു​ന്ന​തെ​ങ്ങനെ, അവരിൽ ചിലർ എന്തനു​ഗ്ര​ഹങ്ങൾ ആസ്വദി​ച്ചി​രി​ക്കു​ന്നു?

¹⁵ പയനി​യർമാ​രും മററു മുഴു​സ​മ​യ​സേ​വ​ക​രും രാജ്യ​വേ​ല​യു​ടെ പുരോ​ഗ​തിക്ക്‌ എന്തു വമ്പിച്ച സംഭാ​വ​ന​യാണ്‌ ചെയ്യു​ന്നത്‌! പയനി​യർമാ​രു​ടെ അണികൾ ഈ കഴിഞ്ഞ​വർഷം 9,31,521എന്ന അത്യു​ച്ച​ത്തി​ലേക്കു ഉയർന്നു. ഇവർ ദിവസേന വീടു​തോ​റും പ്രസം​ഗി​ക്കു​ക​യും ആളുക​ളു​ടെ ഭവനങ്ങ​ളിൽ ബൈബി​ള​ദ്ധ്യ​യ​നങ്ങൾ നടത്തു​ക​യും ചെയ്യു​മ്പോൾ അവർ തിരു​വെ​ഴു​ത്തു​കൾസം​ബ​ന്ധിച്ച്‌ ആശയ​പ്ര​ക​ടനം നടത്തു​ന്ന​തിൽ വളരെ ഫലപ്ര​ദ​രാ​യി​ത്തീ​രു​ന്നു. തന്നെയു​മല്ല, അനേകർ രണ്ടുവാ​രത്തെ പയനി​യർസേ​വ​ന​സ്‌കൂ​ളിൽ സംബന്ധി​ക്കു​ന്ന​തി​നു യോഗ്യത പ്രാപി​ച്ചി​രി​ക്കു​ന്നു, അതു ദൈവ​ത്തി​ന്റെ വേല ചെയ്യു​ന്ന​തിൽ വർദ്ധിച്ച പ്രാപ്‌തി​യും സന്തോ​ഷ​വും നട്ടുവ​ളർത്താൻ അവരെ സഹായി​ക്കു​ന്നു.

¹⁶ ഈ വിശ്വസ്‌ത പയനി​യർമാ​രിൽ ഓരോ​രു​ത്തർക്കും യെശയ്യാ​വു 50:4-ലെ വാക്കു​ക​ളു​ടെ സത്യതയെ തെളി​യി​ക്കാൻ കഴിയും: “തളർന്നി​രി​ക്കു​ന്ന​വനെ വാക്കു​കൊ​ണ്ടു താങ്ങു​വാൻ അറി​യേ​ണ്ട​തി​ന്നു യഹോ​വ​യായ കർത്താവു എനിക്കു ശിഷ്യൻമാ​രു​ടെ നാവു തന്നിരി​ക്കു​ന്നു.” ഇന്നു തങ്ങളുടെ ചുററു​മുള്ള ദുഷിച്ച ലോക​ത്തെ​ക്കൊ​ണ്ടു മടുത്തു​പോ​യി​രി​ക്കു​ന്ന​വ​രും എന്നാൽ നമ്മുടെ വിശ്വ​സ്‌ത​പ​യ​നി​യർമാർ സംസാ​രി​ക്കുന്ന വാക്കു​ക​ളാൽ നവോൻമേഷം കണ്ടെത്തു​ന്ന​വ​രു​മായ നിരവധി വ്യക്തി​ക​ളുണ്ട്‌.—സദൃശ​വാ​ക്യ​ങ്ങൾ 15:23; യെഹെ​സ്‌ക്കേൽ 9:4 താരത​മ്യ​പ്പെ​ടു​ത്തുക.

ഒരു ശക്തമായ നിർമ്മാ​ണ​പ​രി​പാ​ടി

17. ആത്മീയ​നിർമ്മാ​ണ​ത്തി​നു പുറമേ, ഏതു ഭൗതി​ക​നിർമ്മാ​ണം സമീപ​വർഷ​ങ്ങ​ളിൽ കാണ​പ്പെ​ട്ടി​രി​ക്കു​ന്നു?

¹⁷ യഹോ​വ​യു​ടെ സാക്ഷി​ക​ളു​ടെ ലോക​വ്യാ​പ​ക​മായ ആത്മീയാ​ഭി​വൃ​ദ്ധി ഭൗതി​ക​മായ വളർച്ച​യും ആവശ്യ​മാ​ക്കി​ത്തീർക്കു​ന്നു. അച്ചടി​സൗ​ക​ര്യ​ങ്ങ​ളു​ടെ​യും ആഫീസു​ക​ളു​ടെ​യും ബെഥേൽ ഭവനങ്ങ​ളു​ടെ​യും വികസി​പ്പി​ക്ക​ലും രാജ്യ​ഹാ​ളു​ക​ളു​ടെ​യും അസംബ്ലി​ഹാ​ളു​ക​ളു​ടെ​യും നിർമ്മാ​ണ​വും ആവശ്യ​മാ​യി​ത്തീ​രു​ന്നു. അതു​കൊ​ണ്ടു യഹോ​വ​യു​ടെ സാക്ഷികൾ ഒരു ഭൗതി​ക​വി​ധ​ത്തിൽ പണിയു​ന്ന​വ​രാ​യി​രി​ക്കാൻ ആഹ്വാ​നം​ചെ​യ്യ​പ്പെ​ടു​ന്നു. സമാന​മായ നിർമ്മാ​ണം ശലോ​മോ​ന്റെ നാളിൽ നടന്നു. ശലോ​മോൻ “നിശ്വ​സ്‌ത​ത​യാൽ തനിക്കു ലഭിച്ചി​രുന്ന ശില്‌പ​മാ​തൃക”പ്രകാരം യഹോ​വ​യു​ടെ ആരാധ​ന​ക്കു​വേണ്ടി ആലയം പണിക​ഴി​പ്പി​ച്ചു, അതു യഹോവ അവന്റെ പിതാ​വായ ദാവീ​ദു​രാ​ജാ​വി​നു കൊടു​ത്ത​താ​യി​രു​ന്നു. (1 ദിനവൃ​ത്താ​ന്തം 28:11, 12, NW) അങ്ങനെ, ശലോ​മോൻ തന്റെ ശ്രോ​താ​ക്കളെ വിലതീ​രാത്ത ജ്ഞാന​മൊ​ഴി​കൾകൊ​ണ്ടു പരിപു​ഷ്ടി​പ്പെ​ടു​ത്തു​ക​മാ​ത്രമല്ല, മതേത​ര​ലോ​കം ഒരിക്ക​ലും നേടി​യി​ട്ടി​ല്ലാത്ത വിധം വിശി​ഷ്ട​മായ ഒരു ഭൗതി​ക​നിർമ്മാ​ണ​ത്തി​നു മാർഗ്ഗ​നിർദ്ദേശം കൊടു​ക്കു​ക​യും ചെയ്‌തു.—1 രാജാ​ക്കൻമാർ 6:1; 9:15, 17-19.

18, 19. (എ) യഹോ​വ​യു​ടെ സ്ഥാപനം സത്വരം പുരോ​ഗ​മി​ച്ചു​കൊ​ണ്ടി​രി​ക്കുന്ന ഏതു നിർമ്മാ​ണ​പ​ദ്ധ​തി​കൾ നടപ്പി​ലാ​ക്കി​ക്കൊ​ണ്ടി​രി​ക്കു​ന്നു? (ബി) ഭൗതി​ക​വും ആത്മീയ​വു​മായ നിർമ്മാ​ണ​ത്തിൽ യഹോ​വ​യു​ടെ ആത്മാവ്‌ എങ്ങനെ പ്രകട​മാ​യി​രി​ക്കു​ന്നു?

¹⁸ ഇന്നു യഹോ​വ​യു​ടെ സാക്ഷികൾ ദിവ്യ​നി​ശ്വ​സ്‌ത​മായ ശില്‌പ​മാ​തൃ​ക​ക​ള​നു​സ​രി​ച്ചു പണിന​ടു​ത്തു​ന്നില്ല, എന്നാൽ അവർക്കു ദൈവാ​ത്മാ​വുണ്ട്‌. ഇസ്ര​യേ​ലി​ന്റെ നാളു​ക​ളി​ലെ​ന്ന​പോ​ലെ, ഇതു ലോക​ത്തി​ലെ ആളുകളെ അമ്പരി​പ്പി​ക്കുന്ന ഒരു വിധത്തിൽ പണിന​ട​ത്താൻ അവരെ പ്രേരി​പ്പി​ക്കു​ന്നു. (സെഖര്യാ​വു 4:6) കാലം ചുരു​ങ്ങി​യി​രി​ക്കു​ന്നു. രാജ്യ​ഹാ​ളു​ക​ളും മററു കെട്ടി​ട​ങ്ങ​ളും താമസം​വി​നാ ആവശ്യ​മാ​യി​രി​ക്കു​ന്നു. ചില രാജ്യ​ങ്ങ​ളിൽ പെട്ടെന്നു നിർമ്മി​ക്കുന്ന രാജ്യ​ഹാ​ളു​ക​ളാ​ണു വളരെ സാധാ​ര​ണ​മാ​യി​രി​ക്കു​ന്നത്‌. ദൃഷ്ടാ​ന്ത​ത്തിന്‌, കഴിഞ്ഞ 10 വർഷങ്ങ​ളിൽ രണ്ടുദി​വ​സ​ത്തിൽ കുറഞ്ഞ സമയം​കൊണ്ട്‌ 306 ഹാളുകൾ പണിത​തി​നെ​ക്കു​റി​ച്ചു കാനഡാ റിപ്പോർട്ടു​ചെ​യ്യു​ന്നു. യഹോ​വ​യു​ടെ ലോക​വ്യാ​പ​ക​മായ വേലയു​ടെ സത്വര വികസ​നം​നി​മി​ത്തം മൊത്തം 43 പുതിയ ബ്രാഞ്ചു​കെ​ട്ടി​ട​ങ്ങ​ളു​ടെ പണി അല്ലെങ്കിൽ ബ്രാഞ്ച്‌ വിപു​ലീ​ക​രണം ഇപ്പോൾ നടക്കു​ന്നുണ്ട്‌. മാത്ര​വു​മല്ല, എകദേശം ആയിരം ബെഥേൽ സന്നദ്ധ​സേ​വ​ക​രു​ടെ താമസ​സൗ​ക​ര്യ​ങ്ങ​ളോ​ടെ 30 നിലയുള്ള ഒരു വസതി ബ്രുക്ലി​നിൽ പണി പൂർത്തി​യാ​യി​ക്കൊ​ണ്ടി​രി​ക്കു​ക​യാണ്‌. കൂടാതെ ന്യൂ​യോർക്ക്‌ സംസ്ഥാ​നത്തെ പാറേ​റ​ഴ്‌സ​ണിൽ ഒരു ബൈബിൾ വിദ്യാ​ഭ്യാ​സ​കേ​ന്ദ്രം നിശ്ചി​ത​സ​മ​യ​ത്തി​നു​മു​മ്പേ പൂർത്തീ​ക​ര​ണ​ത്തി​ലേക്കു നീങ്ങി​ക്കൊ​ണ്ടി​രി​ക്കു​ക​യാണ്‌.

¹⁹ ഈ പദ്ധതികൾ ലോക​ത്തി​ലെ അഭിജ്ഞ​രായ നിർമ്മാ​ണ​ക്ക​മ്പ​നി​കളെ അമ്പരി​പ്പി​ക്കുന്ന കാര്യ​ക്ഷ​മ​ത​യോ​ടും നിർമ്മാ​ണ​മേൻമ​യോ​ടും​കൂ​ടെ പുരോ​ഗ​മി​ച്ചു​കൊ​ണ്ടി​രി​ക്കു​ക​യാണ്‌. എന്തു​കൊണ്ട്‌? യഹോ​വ​യു​ടെ സമർപ്പി​ത​സാ​ക്ഷി​കൾ നൽകിയ വമ്പിച്ച സംഭാ​വ​നകൾ നിമിത്തം. അവന്റെ ആത്മാവു ഭൗതി​ക​സ​ഹാ​യം കൊടു​ക്കാൻ മാത്രമല്ല, തങ്ങളുടെ സമയവും ഊർജ്ജ​വും മുഴു​ഹൃ​ദ​യ​ത്തോ​ടെ കൊടു​ക്കാ​നും അവരെ പ്രേരി​പ്പി​ക്കു​ന്നു. നിർമ്മാ​ണ​സ്ഥാ​ന​ങ്ങ​ളിൽ നല്ല പരിശീ​ലനം സിദ്ധിച്ച അർപ്പി​ത​രായ വേലക്കാർ ധാരാ​ള​മുണ്ട്‌. പണിമു​ട​ക്കു​ക​ളില്ല, ജോലി​യിൽ അലസത​യു​മില്ല. യഹോ​വ​യു​ടെ ആത്മാവു മോശ​യു​ടെ കാലത്തു സമാഗ​മ​ന​കൂ​ടാ​രം പണിത​വ​രെ​യും ശലോ​മോ​ന്റെ നാളു​ക​ളിൽ ആലയം പണിത​വ​രെ​യും പ്രേരി​പ്പി​ച്ച​തു​പോ​ലെ അത്‌ ആവശ്യ​മായ പ്രേരണ നൽകുന്നു. ഈ വേലക്കാ​രിൽനിന്ന്‌ ആവശ്യ​പ്പെ​ട്ടി​രുന്ന മുന്തിയ ഗുണം ആത്മീയ​ത​യാണ്‌.—പുറപ്പാ​ടു 35:30-35; 36:1-3; 39:42, 43; 1 രാജാ​ക്കൻമാർ 6:11-14.

20. (എ) സുവാർത്ത ഇനി എത്ര​ത്തോ​ളം പ്രസം​ഗി​ക്ക​പ്പെ​ടും? (ബി) ഏത്‌ അനുഗൃ​ഹീത പ്രതീക്ഷ യഹോ​വ​യു​ടെ ജനത്തി​നാ​യി കാത്തി​രി​ക്കു​ന്നു?

²⁰ ശലോ​മോൻ ആലയം​പണി പൂർത്തി​യാ​ക്കി​യ​ശേഷം തന്റെ നിർമ്മാ​ണ​പ​രി​പാ​ടി തുടർന്നു. (2 ദിനവൃ​ത്താ​ന്തം 8:1-6) ഹാളു​ക​ളു​ടെ​യും മററു സൗകര്യ​ങ്ങ​ളു​ടെ​യും നിർമ്മാ​ണ​ത്തി​ന്റെ സമാന്ത​ര​മായ ആവശ്യ​ത്തോ​ടെ ആധുനി​ക​നാ​ളി​ലെ സാക്ഷ്യം ഇനിയും എത്ര​ത്തോ​ളം വികസി​ക്കു​മെന്നു നമുക്ക​റി​യാൻപാ​ടില്ല. എന്നിരു​ന്നാ​ലും, യഹോവ കല്‌പി​ക്കുന്ന അളവോ​ളം രാജ്യ​ത്തി​ന്റെ ഈ സുവാർത്ത പ്രസം​ഗി​ക്ക​പ്പെ​ട്ടു​ക​ഴി​യു​മ്പോൾ അവസാനം, “മഹോ​പ​ദ്രവം,” വരും. (മത്തായി 24:14, 21, NW) യഹോ​വ​യു​ടെ ‘പുതിയ ആകാശ​ങ്ങ​ളു​ടെ​യും പുതിയ ഭൂമി​യു​ടെ​യും’ ക്രമീ​ക​രണം മേലാൽ അത്യാ​ഗ്ര​ഹി​ക​ളായ ആളുക​ളാൽ മലിനീ​ക​രി​ക്ക​പ്പെ​ടാത്ത ഒരു ഭൂമി​യിൽ അന്നു മനുഷ്യ​വർഗ്ഗ​ത്തി​നു പറഞ്ഞു​തീ​രാത്ത അനു​ഗ്ര​ഹങ്ങൾ കൈവ​രു​ത്തും. തന്നിമി​ത്തം നമുക്ക്‌ ‘ദൈവം സൃഷ്ടി​ക്കു​ന്ന​തി​നെ​ക്കു​റിച്ച്‌ ആഹ്ലാദി​ക്കു​ക​യും സന്തോ​ഷി​ക്കു​ക​യും ചെയ്യാം,’ നമ്മുടെ ശ്രേഷ്‌ഠ​നായ സ്രഷ്ടാ​വി​നു സകല സ്‌തു​തി​യും കൊടു​ത്തു​കൊ​ണ്ടു​തന്നെ!—യെശയ്യാ​വു 65:17-19, 21, 25.

[അടിക്കു​റിപ്പ്‌]

നിങ്ങൾക്കു വിശദീ​ക​രി​ക്കാൻ കഴിയു​മോ?

◻ നമ്മുടെ ശ്രേഷ്‌ഠ​നായ സ്രഷ്ടാ​വിൽ സന്തോ​ഷി​ക്കു​ന്ന​തി​നു നമുക്ക്‌ എന്തു കാരണ​ങ്ങ​ളുണ്ട്‌?

◻ ഏതു വർദ്ധന​വു​കൾ 1992-ലെ സേവന​വർഷ​ത്തിൽ റിപ്പോർട്ടു​ചെ​യ്യ​പ്പെട്ടു?

◻ മുമ്പു സാക്ഷീ​ക​രണം നിരോ​ധി​ക്ക​പ്പെ​ട്ടി​രുന്ന രാജ്യ​ങ്ങ​ളിൽ ഏതു സമൃദ്ധ​മായ അനു​ഗ്ര​ഹങ്ങൾ റിപ്പോർട്ടു​ചെ​യ്യ​പ്പെ​ട്ടി​രി​ക്കു​ന്നു?

◻ ചെറു​പ്പ​ക്കാ​രും പയനി​യർമാ​രും യഹോ​വ​യു​ടെ സ്ഥാപന​ത്തി​ലെ വളർച്ചക്കു സംഭാ​വ​ന​ചെ​യ്‌തി​രി​ക്കു​ന്ന​തെ​ങ്ങനെ?

◻ യഹോ​വ​യു​ടെ ജനം ഭൗതി​ക​വും അതു​പോ​ലെ​തന്നെ ആത്മീയ​വു​മായ നിർമ്മാ​ണ​ത്തിൽ തിരക്കു​ള്ള​വ​രാ​യി​രു​ന്നി​ട്ടു​ള്ള​തെ​ങ്ങനെ?

[17-ാം പേജിലെ ചതുരം]

കഴിഞ്ഞ വർഷത്തെ ലക്ഷക്കണ​ക്കി​നുള്ള സ്‌നാ​പ​നാർത്ഥി​കൾ പ്രസംഗ, പഠിപ്പി​ക്കൽ വേലയി​ലെ യഹോ​വ​യു​ടെ അനു​ഗ്ര​ഹത്തെ പ്രകട​മാ​ക്കു​ന്നു

[12-15 പേജു​ക​ളി​ലെ ചാർട്ട്‌]

യഹോവയുടെ സാക്ഷി​ക​ളു​ടെ 1992 സേവന​വർഷ​ത്തി​ലെ ലോക​വ്യാ​പക റിപ്പോർട്ട്‌

(ബയന്റിട്ട വാല്യം കാണുക)

[10-ാം പേജിലെ ചിത്രം]

കഴിഞ്ഞവർഷം നൂറു​കോ​ടി​യി​ല​ധി​കം മണിക്കൂർ പ്രസംഗ, പഠിപ്പി​ക്കൽ വേലക്കു ചെലവ​ഴി​ക്ക​പ്പെ​ട്ടു

[16-ാം പേജിലെ ചിത്രം]

ഒട്ടേറെ ചെറു​പ്പ​ക്കാർ ‘തങ്ങളുടെ ശ്രേഷ്‌ഠ​നായ സ്രഷ്ടാ​വി​നെ ഓർക്കു​ക​യാണ്‌’