ഒരു മെച്ചപ്പെട്ട ലോകം—വെറു​മൊ​രു സ്വപ്‌ന​മോ?

ഇറാനി​യൻ പ്രവാ​ച​ക​നായ സുരതു​ഷ്‌ട്രൻ പ്രസം​ഗിച്ച പാഴ്‌സി മതത്തിന്റെ ഒരു അനുഗാ​മി​യാ​യി​രു​ന്നു നിങ്ങ​ളെ​ങ്കിൽ ഭൂമി അതിന്റെ ആദിമ മനോ​ഹാ​രി​ത​യി​ലേക്കു മടങ്ങി​വ​രുന്ന ഒരു ദിവസ​ത്തി​നാ​യി നിങ്ങൾ കാത്തി​രി​ക്കു​മാ​യി​രു​ന്നു. പുരാതന ഗ്രീസി​ലാ​ണു നിങ്ങൾ ജീവി​ച്ചി​രു​ന്ന​തെ​ങ്കിൽ പൊ.യു.മു. [പൊതു​യു​ഗ​ത്തി​നു​മുമ്പ്‌] എട്ടാം നൂററാ​ണ്ടിൽ ഹെസി​യോദ്‌ എന്ന കവി കാവ്യ​ങ്ങ​ളിൽ വർണിച്ച ഐശ്വ​ര്യ​സ​മ്പൂർണ​മായ ദ്വീപു​ക​ളിൽ എത്തി​ച്ചേ​രു​ന്ന​തി​നെ​ക്കു​റി​ച്ചോ സുവർണ​യു​ഗ​ത്തി​ന്റെ മടങ്ങി​വ​രവു കാണു​ന്ന​തി​നെ​ക്കു​റി​ച്ചോ നിങ്ങൾ സ്വപ്‌നം കാണു​മാ​യി​രു​ന്നു. തെക്കേ അമേരി​ക്ക​യി​ലെ ഗ്വാരനി ഇൻഡ്യാ​ക്കാർ തിൻമ​യി​ല്ലാ ദേശത്തി​നാ​യി ഇപ്പോ​ഴും അന്വേ​ഷണം നടത്തു​ന്നു​ണ്ടാ​യി​രി​ക്കാം. ഈ കാലത്തു ജീവി​ച്ചി​രി​ക്കവേ, ഏതെങ്കി​ലും രാഷ്‌ട്രീയ പ്രത്യ​യ​ശാ​സ്‌ത്രം നിമി​ത്ത​മോ പരിസ്ഥി​തി സംബന്ധിച്ച ആധുനി​ക​നാ​ളി​ലെ അവബോ​ധ​ത്തി​ന്റെ ഫലമാ​യോ ലോകം മെച്ച​പ്പെ​ട്ടേ​ക്കു​മെന്നു നിങ്ങൾ പ്രത്യാ​ശി​ക്കു​ന്നു​ണ്ടാ​കാം.

സുവർണ​യു​ഗം, ഐശ്വ​ര്യ​സ​മ്പൂർണ​മായ ദ്വീപു​കൾ, തിൻമ​യി​ല്ലാ ദേശം—ഇവയെ​ല്ലാം മെച്ചപ്പെട്ട ഒരു ലോക​ത്തി​നാ​യുള്ള ഒരേ ആഗ്രഹത്തെ, പ്രത്യാ​ശയെ വർണി​ക്കാൻ ഉപയോ​ഗി​ക്കുന്ന പല പേരു​ക​ളിൽ ചിലതാണ്‌.

നമ്മുടെ ഈ ലോകം ഒരു വിധത്തി​ലും ആദർശ​ശ്രേ​ഷ്‌ഠ​മായ ഒരു സ്ഥലമല്ല. മൃഗീയത ഏറുന്ന കുററ​കൃ​ത്യം, മുമ്പു​ണ്ടാ​യി​ട്ടി​ല്ലാത്ത അക്രമം​നി​റ​ഞ്ഞ​തായ, സഹോ​ദ​ര​സ​മൂ​ഹ​ങ്ങളെ കൂട്ട​ക്കൊല ചെയ്‌തു​കൊ​ണ്ടുള്ള യുദ്ധങ്ങൾ, വർഗീയ കുരുതി, മററു​ള്ള​വ​രു​ടെ കഷ്ടപ്പാ​ടു​ക​ളോ​ടുള്ള നിസ്സംഗത, ദാരി​ദ്ര്യം, വിശപ്പ്‌, തൊഴി​ലി​ല്ലായ്‌മ, ഐക്യ​ദാർഢ്യ​മി​ല്ലായ്‌മ, പരിസ്ഥി​തി സംബന്ധ​മായ കുഴപ്പങ്ങൾ, ദശലക്ഷ​ങ്ങളെ മഥിക്കുന്ന മാറാ​വ്യാ​ധി​കൾ എന്നിങ്ങ​നെ​യുള്ള ഇപ്പോ​ഴത്തെ കഷ്ടങ്ങൾക്ക്‌ അന്തമി​ല്ലെന്നു തോന്നു​ന്നു. അടുത്ത കാലത്തു നടന്നി​ട്ടുള്ള യുദ്ധങ്ങ​ളെ​ക്കു​റി​ച്ചു ചിന്തി​ക്കവേ ഒരു ഇററാ​ലി​യൻ പത്ര​പ്ര​വർത്തകൻ ഇപ്രകാ​രം പറഞ്ഞു: “ഇപ്പോൾ സ്വാഭാ​വി​ക​മാ​യും ഉയർന്നു​വ​രുന്ന ചോദ്യം നമ്മുടെ കാലത്തെ ഏററവും ശക്തമായ വികാരം വിദ്വേ​ഷ​മല്ലേ എന്നതാണ്‌.” ഈ സ്ഥിതി​വി​ശേഷം പരിഗ​ണി​ക്കു​മ്പോൾ, വ്യത്യ​സ്‌ത​മായ എന്തി​നെ​ങ്കി​ലും വേണ്ടി, മെച്ചപ്പെട്ട എന്തി​നെ​ങ്കി​ലും വേണ്ടി അഭില​ഷി​ക്കു​ന്നത്‌ വാസ്‌ത​വി​ക​മാ​ണെന്നു നിങ്ങൾ ചിന്തി​ക്കു​ന്നു​ണ്ടോ? അതോ അത്തര​മൊ​രു അഭിലാ​ഷം ഒരിക്ക​ലും പൂവണി​യാത്ത ഒരു സ്വപ്‌ന​മായ സങ്കൽപ്പ​ലോ​ക​ത്തി​നു വേണ്ടി​യുള്ള ഒരു അഭിവാ​ഞ്‌ഛ​യാ​ണോ? സാധ്യ​മാ​യ​തിൽവെച്ച്‌ അത്യു​ത്ത​മ​മായ ലോക​ത്താ​ണോ നാം ജീവി​ക്കു​ന്നത്‌?

ഈ അഭിലാ​ഷ​ങ്ങ​ളൊ​ന്നും പുതി​യ​വയല്ല. ഐക്യ​വും നീതി​യും സമ്പൽസ​മൃ​ദ്ധി​യും സ്‌നേ​ഹ​വും കളിയാ​ടുന്ന ഒരു ലോക​ത്തെ​ക്കു​റി​ച്ചു നൂററാ​ണ്ടു​ക​ളാ​യി മനുഷ്യർ സ്വപ്‌നം കണ്ടിട്ടുണ്ട്‌. കാലം കടന്നു​പോ​യ​പ്പോൾ ഒട്ടനവധി തത്ത്വചി​ന്ത​കൻമാർ ആദർശ​പൂർണ​മായ രാജ്യ​ങ്ങ​ളെ​ക്കു​റി​ച്ചുള്ള, മെച്ചപ്പെട്ട ലോക​ത്തെ​ക്കു​റി​ച്ചുള്ള തങ്ങളുടെ ആശയഗ​തി​കൾ സവിസ്‌തരം വിവരി​ച്ചി​ട്ടുണ്ട്‌. എന്നാൽ ദുഃഖ​ക​ര​മെന്നു പറയട്ടെ, അവ എങ്ങനെ പ്രയോ​ഗ​ത്തിൽ വരുത്താം എന്നു വിശദീ​ക​രി​ക്കാൻ അവർക്കൊ​രി​ക്ക​ലും കഴിഞ്ഞി​ട്ടില്ല.

സ്വപ്‌ന​ങ്ങ​ളു​ടെ, സങ്കൽപ്പ​ലോ​ക​ങ്ങ​ളു​ടെ നൂററാ​ണ്ടു​കൾ പഴക്കമുള്ള ഈ പട്ടിക​യ്‌ക്കും മെച്ചപ്പെട്ട ഒരു സമൂഹ​ത്തി​നാ​യുള്ള മമനു​ഷ്യ​ന്റെ അഭിലാ​ഷ​ങ്ങൾക്കും നമ്മെ എന്തെങ്കി​ലും പഠിപ്പി​ക്കാ​നാ​കു​മോ?

[3-ാം പേജിലെ ചിത്രം]

സാധ്യമായതിൽവെച്ച്‌ അത്യു​ത്ത​മ​മായ ലോക​മാ​ണോ ഇത്‌?