ലോകം ഭയത്തിന്റെ പിടി​യി​ല​മ​രു​ന്നു

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റി​മൂന്ന്‌ ഫെബ്രു​വരി 26. ന്യൂ​യോർക്ക്‌ നഗരത്തി​ലെ 110 നിലയുള്ള വേൾഡ്‌ ട്രേഡ്‌ സെൻറ​റി​നെ ഉലച്ചു​കളഞ്ഞ വൻ കാർബോംബ്‌ സ്‌ഫോ​ടനം അന്നായി​രു​ന്നു. ആയിര​ക്ക​ണ​ക്കി​നു ജോലി​ക്കാർ ലിഫ്‌റ​റു​ക​ളിൽ കൂട്ടി​ല​ട​യ്‌ക്ക​പ്പെ​ട്ട​തു​പോ​ലെ​യാ​യി. മററു പലർക്കും പുകനി​റഞ്ഞ ഗോവ​ണി​പ്പ​ടി​ക​ളി​ലൂ​ടെ ജീവനും​കൊണ്ട്‌ ഓടേ​ണ്ടി​വന്നു. ഈ അക്രമാ​സ​ക്ത​മായ ലോക​ത്തിൽ ഇപ്പോൾ സർവവ്യാ​പ​ക​മാ​യി​രി​ക്കുന്ന ഭയത്തിന്റെ പിടി​യി​ല​മ​രു​ക​യാ​യി​രു​ന്നു അവർ.

അനേകം രാജ്യ​ങ്ങ​ളി​ലെ​യും ജനങ്ങൾ ബോം​ബി​ന്റെ ഭീതി​യി​ലാ​ണു കഴിയു​ന്നത്‌. അയർലൻഡ്‌, ലെബനൻ എന്നിങ്ങ​നെ​യുള്ള രാജ്യ​ങ്ങ​ളിൽ ഇതു നിത്യ​സം​ഭ​വ​മാ​യി​ത്തീർന്നി​രി​ക്കു​ന്നു. എന്തിന്‌, ഒരൊററ ദിവസം—1993 മാർച്ച്‌ 12-ന്‌—ഇന്ത്യയിൽ, ബോം​ബെ​യിൽ 13 സ്‌ഫോ​ട​ന​ങ്ങ​ളാണ്‌ നടന്നത്‌. ഏതാണ്ട്‌ 200 പേർ കൊല്ല​പ്പെട്ടു! “ബോംബെ ഒന്നടങ്കം പരി​ഭ്രാ​ന്തി​യി​ലാണ്‌” എന്നാണ്‌ ഒരു നിരീ​ക്ഷകൻ പറഞ്ഞത്‌. ന്യൂസ്‌വീക്ക്‌ പറയു​ന്ന​ത​നു​സ​രിച്ച്‌, ഒരു കാർബോംബ്‌ സ്‌ഫോ​ടനം “എപ്പോൾവേ​ണ​മെ​ങ്കി​ലും സംഭവി​ക്കാ​മെന്ന അവസ്ഥ അതിനെ കൂടുതൽ ഭയാന​ക​മാ​ക്കു​ന്ന​തേ​യു​ള്ളൂ.”

ആണവ ഭീതി തുടരു​ന്നു

ആണവ റിയാ​ക്‌ട​റു​കൾക്കു നേരേ ബോം​ബാ​ക്ര​മ​ണ​മു​ണ്ടാ​യാ​ലോ എന്ന ഭയം ഇന്നു പലർക്കു​മുണ്ട്‌. അണുശ​ക്തി​നി​ല​യ​ങ്ങൾക്കു നേരേ വിജയ​ക​ര​മായ ഒരു ആക്രമ​ണ​മു​ണ്ടാ​യാൽ അതിനു വരുത്തി​ക്കൂ​ട്ടാ​വുന്ന നാശന​ഷ്‌ട​ത്തി​നും ദുരി​ത​ത്തി​നും കയ്യും​ക​ണ​ക്കു​മു​ണ്ടാ​യി​രി​ക്കില്ല. ഈ ഭയത്തെ ഊട്ടി​യു​റ​പ്പി​ക്കു​ന്ന​താ​യി​രു​ന്നു ഐക്യ​നാ​ടു​ക​ളി​ലെ ത്രീ മൈൽ ഐലൻറ്‌ അണുശ​ക്തി​നി​ല​യ​ത്തിൽ നടന്ന സംഭവം. അതിന്റെ സുരക്ഷാ​ഗേ​റ​റി​ലൂ​ടെ കാർ ഇടിച്ചു​ക​യ​റ​റാ​നാ​യി ഒരു മനുഷ്യൻ ശ്രമി​ക്കു​ക​യു​ണ്ടാ​യി.

ഭീകര​രും അധികാ​ര​ദാ​ഹി​ക​ളായ ഭരണാ​ധി​പൻമാ​രും അണ്വാ​യു​ധങ്ങൾ കൈക്ക​ലാ​ക്കു​മെ​ന്നാണ്‌ പലരു​ടെ​യും പേടി. ആയിര​ക്ക​ണ​ക്കി​നു​വ​രുന്ന തൊഴിൽര​ഹി​ത​രായ സോവി​യ​ററ്‌ ആണവ ശാസ്‌ത്ര​ജ്ഞൻമാർ തങ്ങളുടെ വൈദ​ഗ്‌ധ്യം വിററു​ക​ള​യു​മോ എന്നാണ്‌ മററു​ചി​ലർ ഭയപ്പെ​ടു​ന്നത്‌. മാത്ര​വു​മല്ല, തന്ത്ര​പ്ര​ധാ​ന​മായ ആയുധങ്ങൾ വെട്ടി​ച്ചു​രു​ക്കാ​നുള്ള ഉടമ്പടി​യും (START) മററ്‌ ഉടമ്പടി​ക​ളും അത്തരം ആണവാ​യു​ധങ്ങൾ വൻതോ​തിൽ വെട്ടി​ച്ചു​രു​ക്കാൻ ആവശ്യ​പ്പെ​ടു​ന്നു. എന്നാൽ അത്തരം ഉടമ്പടി​കൾ പൂർണ​മാ​യി പ്രാബ​ല്യ​ത്തിൽ വരാൻ അനേകം വർഷങ്ങ​ളെ​ടു​ക്കും. അതിനി​ട​യിൽ, ഏതെങ്കി​ലും ഭ്രാന്ത​മായ എടുത്തു​ചാ​ട്ട​ത്തി​ന്റെ ഫലമായി ഈ ആയുധങ്ങൾ ഉപയോ​ഗി​ക്കാ​നുള്ള സാധ്യത നമ്മുടെ തലയ്‌ക്കു​മീ​തെ തൂങ്ങണം, മലമു​ക​ളിൽ ഉരുണ്ടു​കൂ​ടി​യി​രി​ക്കുന്ന ഭയാന​ക​മായ കൊടു​ങ്കാ​റ​റിൻ മേഘം പോലെ.

അക്രമം ഭയത്തെ ഊട്ടി​വ​ളർത്തു​ന്നു

അക്രമ​ത്തി​ന്റെ വ്യാപ​ക​മായ വർധന​വു​നി​മി​ത്തം വീട്ടി​ലി​രി​ക്കാ​നും തെരു​വി​ലി​റ​ങ്ങാ​നും ആളുകൾക്കു പേടി​യാണ്‌. 1990-ൽ ഐക്യ​നാ​ടു​ക​ളിൽ 23,200 പേർ കൊല​ചെ​യ്യ​പ്പെ​ട്ട​താ​യി കണക്കാ​ക്ക​പ്പെ​ടു​ന്നു. ഉദാഹ​ര​ണ​ത്തിന്‌, മേൽത്തരം കൊ​ക്കെ​യി​ന്റെ ഉപയോ​ഗ​ത്തി​ലു​ണ്ടായ വർധനവു മുഖാ​ന്തരം ഏതാണ്ട്‌ 700 കൊല​പാ​ത​ക​ങ്ങ​ളാ​യി​രു​ന്നു ചിക്കാ​ഗോ നഗരത്തിൽ ഒരൊററ വർഷം നടന്നത്‌. ചില നഗരങ്ങ​ളു​ടെ ചില ഭാഗങ്ങൾ കുട്ടി​ക​ളുൾപ്പെ​ടെ​യുള്ള വഴിയാ​ത്ര​ക്കാർക്ക്‌ ഒരു യുദ്ധക്ക​ള​മാ​യി​ത്തീർന്നി​രി​ക്കു​ന്നു. അവിടെ രണ്ടുഭാ​ഗ​ത്തു​നി​ന്നു​മു​ള്ള​വ​രു​ടെ വെടി​വെ​യ്‌പി​നി​ട​യിൽ എത്രയോ വഴിയാ​ത്ര​ക്കാർ കൊല്ല​പ്പെ​ട്ടി​രി​ക്കു​ന്നു. ഒരു മാഗസിൻ പറയുന്നു: “ഇടത്തരം നഗരങ്ങ​ളിൽ അക്രമം വളരെ വേഗം വ്യാപി​ക്കു​ക​യാണ്‌. . . . ഇതിൽനിന്ന്‌ ആരും മുക്തരല്ല. കാരണം, [ഐക്യ​നാ​ടു​ക​ളി​ലെ] ഏതു സമുദാ​യ​ങ്ങ​ളി​ലും മയക്കു​മ​രു​ന്നു​കൾ സുലഭ​മാണ്‌, ഒപ്പം ചെറു​പ്പ​ക്കാ​രായ റൗഡി​ക​ളും. ഓരോ വർഷവും നാല്‌ അമേരി​ക്കൻ ഭവനങ്ങ​ളിൽ ഒന്നു വീതം ഒരു അക്രമ​ത്തി​നോ മോഷ​ണ​ത്തി​നോ ഇരയാ​കു​ന്നു.”—യു.എസ്‌.ന്യൂസ്‌ & വേൾഡ്‌ റിപ്പോർട്ട്‌, 1991 ഒക്‌ടോ​ബർ 7.

സ്‌ത്രീ​കൾക്കാ​ണെ​ങ്കിൽ ബലാൽസം​ഗ​ത്തിന്‌ ഇരയാ​കു​മെന്ന ഭീതി​യിൽ കഴി​യേ​ണ്ടി​വ​രു​ന്നു. 1985-ലും 1990-ലും ഫ്രാൻസിൽ റിപ്പോർട്ടു​ചെ​യ്യ​പ്പെട്ട ബലാൽസം​ഗ​ങ്ങ​ളു​ടെ എണ്ണമെ​ടു​ത്താൽ 62 ശതമാ​ന​ത്തി​ന്റെ ഒരു വർധനവു കാണാ​വു​ന്ന​താണ്‌. കാനഡ​യിൽ ലൈം​ഗിക കുററ​കൃ​ത്യ​ങ്ങൾ ആറു വർഷം​കൊണ്ട്‌ ഇരട്ടിച്ച്‌ 27,000 ആയി. ഓരോ ഏഴു മിനി​റ​റി​ലും ഒരു സ്‌ത്രീ​ക്കു ലൈം​ഗിക പീഡനം ഏൽക്കേ​ണ്ടി​വ​രു​ന്ന​താ​യാണ്‌ ജർമനി​യിൽനി​ന്നുള്ള റിപ്പോർട്ട്‌.

കുട്ടി​കൾക്കും തങ്ങളുടെ സുരക്ഷി​ത​ത്വം സംബന്ധി​ച്ചു ഭയപ്പാ​ടുണ്ട്‌. ഐക്യ​നാ​ടു​ക​ളിൽ “നാലും അഞ്ചും ഗ്രേഡിലുള്ള കുട്ടി​കൾപോ​ലും ആയുധ​വു​മാ​യാണ്‌ നടക്കു​ന്നത്‌. ഇതിൽ അധ്യാ​പ​ക​രും സ്‌കൂൾ അധികാ​രി​ക​ളും പരി​ഭ്രാ​ന്ത​രാണ്‌” എന്നു ന്യൂസ്‌വീക്ക്‌ റിപ്പോർട്ടു​ചെ​യ്യു​ന്നു. സ്ഥിതി​ഗ​തി​കൾ അങ്ങേയ​ററം ഗുരു​ത​ര​മാണ്‌. അതുകാ​രണം ആയുധ​ധാ​രി​ക​ളാ​ണോ അല്ലയോ എന്നറി​യാ​നുള്ള സംവി​ധാ​നം (metal detectors) നഗരസ്‌കൂ​ളു​ക​ളു​ടെ വലിയ ഡിസ്‌ട്രി​ക്‌റ​റു​ക​ളിൽ കാൽഭാ​ഗ​വും ഉപയോ​ഗി​ക്കേ​ണ്ടി​വ​രു​ന്നു. പക്ഷേ രണ്ടും​കൽപ്പി​ച്ചി​റ​ങ്ങി​യി​രി​ക്കുന്ന ചെറു​പ്പ​ക്കാർക്ക്‌ അറിയാം എന്തു ചെയ്യണ​മെന്ന്‌, അവർ മററു​ള്ള​വ​രു​മാ​യി ഒത്ത്‌ ജനലി​ലൂ​ടെ തോക്കു​കൾ അകത്തു കടത്തുന്നു.

എയ്‌ഡ്‌സ്‌ ഭീതി

എയ്‌ഡ്‌സ്‌ പിടി​പെ​ടു​മെന്നു പേടി​യു​ള്ള​വ​രു​ടെ എണ്ണം കൂടി​ക്കൂ​ടി​വ​രി​ക​യാണ്‌. ഐക്യ​നാ​ടു​ക​ളിൽമാ​ത്രം 2,30,000 പേരെ​യാണ്‌ ഇതു ബാധി​ച്ചി​രി​ക്കു​ന്നത്‌. 15 മുതൽ 24 വരെ പ്രായ​മു​ള്ള​വ​രു​ടെ ഇടയിലെ മരണത്തി​ന്റെ മുഖ്യ കാരണ​ങ്ങ​ളിൽ എയ്‌ഡ്‌സ്‌ ആറാം സ്ഥാനത്തു നിൽക്കു​ന്നു. “ഭാവി​യിൽ ഇതിലും കൂടുതൽ വ്യാപ​ക​മാ​കാ​നുള്ള ഭയാന​ക​മായ സാധ്യ​ത​യാണ്‌ ഇതിനു​ള്ളത്‌” എന്നു ന്യൂസ്‌വീക്ക്‌ പറയുന്നു.

നൃത്തം, നാടകം, സിനിമ, സംഗീതം, ഫാഷൻ, ടെലി​വി​ഷൻ, കല എന്നിങ്ങ​നെ​യുള്ള മേഖല​ക​ളി​ലെ ആളുക​ളിൽ എയ്‌ഡ്‌സ്‌ മൂലമുള്ള മരണം വളരെ കൂടു​ത​ലാണ്‌. പത്ര​പ്ര​വർത്തനം, കല, വിനോ​ദം എന്നീ മേഖല​ക​ളി​ലുള്ള 25 മുതൽ 44 വരെ പ്രായ​മുള്ള പാരീ​സി​ലെ പുരു​ഷൻമാ​രു​ടെ മരണങ്ങ​ളിൽ 60 ശതമാ​ന​വും എയ്‌ഡ്‌സ്‌ നിമി​ത്ത​മാ​ണെന്ന്‌ ഒരു റിപ്പോർട്ട്‌ പറഞ്ഞു. ലോകാ​രോ​ഗ്യ സംഘടന (WHO) റിപ്പോർട്ടു​ചെ​യ്യുന്ന പ്രകാരം ലോക​വി​സ്‌തൃ​ത​മാ​യി എച്ച്‌ഐവി വാഹക​രാ​യി എൺപതു ലക്ഷം മുതൽ ഒരു കോടി വരെ അളുകൾ ഉണ്ട്‌. “ഗോള​മാ​സ​കലം, വിശേ​ഷിച്ച്‌ വികസ്വര രാജ്യ​ങ്ങ​ളിൽ എച്ച്‌ഐവി ബാധയാ​ലുള്ള മരണനി​രക്ക്‌ കുതി​ച്ചു​യ​രു​ക​യാ​ണെന്ന്‌ ഇപ്പോൾ വ്യക്തമാണ്‌,” ലോകാ​രോ​ഗ്യ സംഘട​ന​യു​ടെ ഡയറക്ട​റായ ഡോ. മൈക്കിൾ മേഴ്‌സൻ പറയുന്നു.

പരിസ്ഥി​തി സംബന്ധ​മാ​യ​തും സമാന​മായ മററു ഭയങ്ങളും ഇതിനു പുറമേ തീർച്ച​യാ​യു​മുണ്ട്‌. എന്നിരു​ന്നാ​ലും, ലോകം ഭയത്തിന്റെ പിടി​യി​ല​മ​രു​ക​യാണ്‌ എന്നു വ്യക്തമാ​ക്കാൻ മേൽപ്പറഞ്ഞ റിപ്പോർട്ടു​കൾ മാത്രം മതിയാ​കും. ഇതിൽ എന്തെങ്കി​ലും പ്രത്യേ​ക​ത​യു​ണ്ടോ? എന്നെങ്കി​ലും ഭയത്തിൽനി​ന്നുള്ള സ്വാത​ന്ത്ര്യം ആസ്വദി​ക്കാൻ നമുക്കു പ്രതീ​ക്ഷി​ക്കാ​നാ​വു​മോ?

[മുഖചി​ത്ര​ത്തി​നു കടപ്പാട്‌]

Cover photos: Left: Tom Haley/Sipa Press; Bottom: Malanca/Sipa Press

[3-ാം പേജിലെ ചിത്ര​ത്തി​നു കടപ്പാട്‌]

Bob Strong/Sipa Press