ദുരന്ത​കാ​ലത്തു രക്ഷിക്ക​പ്പെ​ടു​ന്നു

കൊറിയയിലെ സോൾ. അവിടത്തെ അഞ്ചുനി​ല​യുള്ള ഒരു ബിസി​നസ്‌ കെട്ടിടം പെട്ടെന്നു നിലം​പ​തി​ച്ചു. നൂറു​ക​ണ​ക്കി​നാ​ളു​കൾ അതിനു​ള്ളിൽ കുടുങ്ങി! കഴിയു​ന്നി​ട​ത്തോ​ളം പേരുടെ ജീവൻ രക്ഷിക്കാ​നാ​യി രക്ഷാ​പ്ര​വർത്തകർ അഹോ​രാ​ത്രം അധ്വാ​നി​ച്ചു. ദിവസങ്ങൾ പിന്നി​ട്ട​തോ​ടെ, കോൺക്രീ​റ്റി​ന്റെ​യും ഉരുക്കി​ന്റെ​യും കൂമ്പാ​ര​ത്തി​ന​ടി​യി​ലായ ഏതെങ്കി​ലും അതിജീ​വ​കരെ കണ്ടെത്താ​നുള്ള സാധ്യ​ത​യും മങ്ങിത്തു​ടങ്ങി.

സകല പ്രതീ​ക്ഷ​യും കൈ​വെ​ടി​യവേ, അത്ഭുത​ക​ര​മായ ഒരു സംഗതി നടന്നു. കൽക്കൂ​മ്പാ​ര​ങ്ങൾക്ക​ടി​യിൽനിന്ന്‌ ഒരു ദീന​രോ​ദനം. നീണ്ട 16 ദിവസ​മാ​യി അതിനു​ള്ളിൽ കുടു​ങ്ങി​പ്പോയ 19 വയസ്സു​കാ​രി​യെ പുറ​ത്തെ​ടു​ക്കാൻ രക്ഷാ​പ്ര​വർത്തകർ വെറും​കൈ​കൊ​ണ്ടു ഭ്രാന്ത​മാ​യി കുഴി​ക്കാൻ തുടങ്ങി. തകർന്നു​വീണ ഒരു ലിഫ്‌റ്റി​ന്റെ ഷാഫ്‌റ്റി​ന​ടി​യിൽ അവൾ സുരക്ഷി​ത​യാ​യി​രു​ന്നു. ടൺ കണക്കിനു കോൺക്രീറ്റ്‌ അവളു​ടെ​മേൽ പതിക്കാ​തെ ആ ഷാഫ്‌റ്റ്‌ അവളെ സംരക്ഷി​ച്ചി​രു​ന്നു. ശരീര​ത്തി​ലെ ജലാംശം വല്ലാതെ നഷ്ടപ്പെ​ടു​ക​യും മുറി​വേൽക്കു​ക​യും ചെയ്‌തി​രു​ന്നെ​ങ്കി​ലും അവൾ മരണത്തെ അതിജീ​വി​ച്ചു!

ഈ നാളു​ക​ളിൽ, ഏതെങ്കി​ലും ദുരന്ത​ത്തെ​ക്കു​റി​ച്ചുള്ള—ഭൂകമ്പ​മോ കൊടു​ങ്കാ​റ്റോ അഗ്നിപർവ​ത​സ്‌ഫോ​ട​ന​മോ അപകട​മോ ഭക്ഷ്യക്ഷാ​മ​മോ എന്തുത​ന്നെ​യാ​യി​രു​ന്നാ​ലും—റിപ്പോർട്ടു​കൾ കേൾക്കാത്ത മാസമി​ല്ലെ​ന്നു​തന്നെ പറയാം. രക്ഷപ്പെ​ടു​ത്ത​ലി​ന്റെ​യും അതിജീ​വ​ന​ത്തി​ന്റെ​യും കൗതു​ക​ക​ര​മായ കഥകൾ കോടി​ക്ക​ണ​ക്കി​നാ​ളു​കളെ ഉദ്വേ​ഗ​ഭ​രി​ത​രാ​ക്കു​ന്നു. എന്നുവ​രി​കി​ലും, വരാനി​രി​ക്കുന്ന ഒരു ദുരന്ത​ത്തെ​ക്കു​റി​ച്ചുള്ള, മനുഷ്യ​ച​രി​ത്ര​ത്തി​ലേ​ക്കും ഏറ്റവും ദാരു​ണ​മായ ദുരന്ത​ത്തെ​ക്കു​റി​ച്ചുള്ള മുന്നറി​യിപ്പ്‌ പൊതു​വേ അവഗണി​ക്ക​പ്പെ​ടു​ക​യാണ്‌. (മത്തായി 24:21) വരാനി​രി​ക്കുന്ന ആ സംഭവത്തെ ബൈബിൾ പിൻവ​രുന്ന വാക്കു​ക​ളിൽ വർണി​ക്കു​ന്നു: “സൈന്യ​ങ്ങ​ളു​ടെ യഹോവ ഇപ്രകാ​രം അരുളി​ച്ചെ​യ്യു​ന്നു: അനർത്ഥം ജാതി​യിൽനി​ന്നു ജാതി​യി​ലേക്കു പുറ​പ്പെ​ടു​ന്നു; ഭൂമി​യു​ടെ അററങ്ങ​ളിൽനി​ന്നു വലിയ കൊടു​ങ്കാ​ററു ഇളകി​വ​രും. അന്നാളിൽ യഹോ​വ​യു​ടെ നിഹത​ന്മാർ ഭൂമി​യു​ടെ ഒരററം മുതൽ മറെറ അററം വരെ വീണു​കി​ട​ക്കും; അവരെ​ക്കു​റി​ച്ചു ആരും വിലപി​ക്ക​യില്ല; അവരെ എടുത്തു കുഴി​ച്ചി​ടു​ക​യില്ല; അവർ നിലത്തി​ന്നു വളമാ​യി​ത്തീ​രും.”—യിരെ​മ്യാ​വു 25:32, 33.

ഭീതി​ദ​മാ​യ വാക്കുകൾ! എന്നാൽ പ്രകൃ​തി​വി​പ​ത്തു​ക​ളിൽനി​ന്നും അപകട​ങ്ങ​ളിൽനി​ന്നും വ്യത്യ​സ്‌ത​മായ ആ ദുരന്തം വിവേ​ച​നാ​ര​ഹി​ത​മാ​യി സംഹാ​ര​താ​ണ്ഡ​വ​മാ​ടു​ക​യില്ല. വാസ്‌ത​വ​ത്തിൽ അതിജീ​വനം—നിങ്ങളു​ടെ അതിജീ​വനം—സാധ്യ​മാണ്‌!

അടിയ​ന്തി​ര​കാ​ലം

ആ വസ്‌തുത പൂർണ​മാ​യി മനസ്സി​ലാ​ക്കു​ന്ന​തിന്‌ ഒരുവൻ ആദ്യം​തന്നെ, പ്രസ്‌തുത ആഗോള ദുരന്തം സംഭവി​ക്കു​ന്നത്‌ എന്തു​കൊ​ണ്ടെന്നു മനസ്സി​ലാ​ക്കണം. മനുഷ്യ​വർഗ​ത്തി​ന്റെ പ്രശ്‌ന​ങ്ങൾക്കുള്ള ഏക പരിഹാ​രം അതാ​ണെ​ന്ന​താ​ണു വാസ്‌തവം. ഇന്ന്‌, സുരക്ഷി​ത​ത്വം തോന്നു​ന്നവർ ചുരു​ക്ക​മാണ്‌. ശാസ്‌ത്രം അത്യുത്തമ ശ്രമങ്ങൾ നടത്തി​യി​ട്ടും പകർച്ച​വ്യാ​ധി​കൾ തുടർന്നും ഭൂവാ​സി​ക​ളു​ടെ ജീവന​പ​ഹ​രി​ക്കു​ന്നു. മത-ഗോത്ര-രാഷ്‌ട്രീയ ഭിന്നത​ക​ളു​ടെ ഫലമാ​യുള്ള യുദ്ധങ്ങൾ ആയിര​ക്ക​ണ​ക്കി​നാ​ളു​ക​ളു​ടെ ജീവ​നൊ​ടു​ക്കു​ന്നു. ഭക്ഷ്യക്ഷാ​മം നിരപ​രാ​ധി​ക​ളായ സ്‌ത്രീ​പു​രു​ഷ​ന്മാ​രു​ടെ​യും കുട്ടി​ക​ളു​ടെ​യും ദുരി​ത​വും കഷ്ടപ്പാ​ടും വർധി​പ്പി​ക്കു​ന്നു. ധാർമി​ക​ച്യു​തി സമൂഹ​ത്തി​ന്റെ അടിത്തറ തോണ്ടു​ന്നു; കുട്ടി​കൾപോ​ലും ദുഷി​പ്പി​ക്ക​പ്പെ​ട്ടി​രി​ക്കു​ന്നു.

1,900-ത്തിലധി​കം വർഷം മുമ്പെ​ഴു​തിയ ഒരു ബൈബിൾ പ്രവചനം ശ്രദ്ധേ​യ​മായ കൃത്യ​ത​യോ​ടെ നമ്മുടെ സാഹച​ര്യ​ത്തെ ഇങ്ങനെ വർണി​ക്കു​ന്നു: “ഒരുകാ​ര്യം മനസ്സി​ലാ​ക്കി​ക്കൊ​ള്ളുക, അവസാ​ന​നാ​ളു​ക​ളിൽ ക്‌ളേ​ശ​പൂർണ്ണ​മായ സമയങ്ങൾ വരും.”—2 തിമൊ​ഥെ​യൊസ്‌ 3:1, പി.ഒ.സി. ബൈബിൾ; മത്തായി 24:3-22 താരത​മ്യം ചെയ്യുക.

സ്‌നേ​ഹ​നി​ധി​യായ ദൈവം നമ്മുടെ ദുരവ​സ്ഥ​യ്‌ക്കു​നേരേ കണ്ണടയ്‌ക്കു​മെ​ന്നതു ന്യായ​യു​ക്ത​മാ​യി നിങ്ങൾക്കു തോന്നു​ന്നു​ണ്ടോ? “അവൻ തന്നേ ദൈവം; അവൻ ഭൂമിയെ നിർമ്മി​ച്ചു​ണ്ടാ​ക്കി; . . . വ്യർത്ഥ​മാ​യി​ട്ടല്ല അവൻ അതിനെ നിർമ്മി​ച്ചതു; പാർപ്പി​ന​ത്രേ അതിനെ നിർമ്മി​ച്ചതു” എന്നു ബൈബിൾ പറയുന്നു. (യെശയ്യാ​വു 45:18) അതേ, മനോ​ഹ​ര​മായ ഈ ഗ്രഹം നശിപ്പി​ക്ക​പ്പെട്ട്‌ അതിലെ മുഴു നിവാ​സി​ക​ളും നാമാ​വ​ശേ​ഷ​മാ​കാൻ അനുവ​ദി​ക്കു​ന്ന​തി​നു പകരം ദൈവം ഇടപെ​ടും. എന്നാൽ, ചോദ്യ​മി​താണ്‌: അവൻ അതെങ്ങനെ ചെയ്യും?

ജീവൻ തിര​ഞ്ഞെ​ടു​ക്കു​വിൻ!

സങ്കീർത്തനം 92:7-ൽ ബൈബിൾ ഉത്തരം നൽകുന്നു: “ദുഷ്ടന്മാർ പുല്ലു​പോ​ലെ മുളെ​ക്കു​ന്ന​തും നീതി​കേടു പ്രവർത്തി​ക്കു​ന്ന​വ​രൊ​ക്കെ​യും തഴെക്കു​ന്ന​തും എന്നേക്കും നശിച്ചു​പോ​കേ​ണ്ട​തി​ന്നാ​കു​ന്നു.” ദുഷ്ടത​യെ​ത്തന്നെ ഇല്ലായ്‌മ ചെയ്യു​ക​യാ​ണു ഭൂമി​യി​ലെ പ്രശ്‌ന​ങ്ങൾക്കുള്ള ദൈവ​ത്തി​ന്റെ പരിഹാ​രം. സകല മനുഷ്യ​രെ​യും ഇല്ലായ്‌മ ചെയ്യണ​മെന്ന്‌ അതിനർഥ​മി​ല്ലെ​ന്നതു സന്തോ​ഷ​ജ​ന​ക​മായ സംഗതി​യാണ്‌. സങ്കീർത്തനം 37:34 നമുക്ക്‌ ഈ ഉറപ്പേ​കു​ന്നു: “യഹോ​വെ​ക്കാ​യി പ്രത്യാ​ശി​ച്ചു അവന്റെ വഴി പ്രമാ​ണി​ച്ചു നടക്ക; എന്നാൽ ഭൂമിയെ അവകാ​ശ​മാ​ക്കു​വാൻ അവൻ നിന്നെ ഉയർത്തും; ദുഷ്ടന്മാർ ഛേദി​ക്ക​പ്പെ​ടു​ന്നതു നീ കാണും.”

മനുഷ്യ​വർഗ​ത്തി​നു സംഭവി​ക്കാ​വു​ന്ന​തി​ലേ​ക്കും ഏറ്റവും വലിയ ദുരന്തത്തെ അതിജീ​വി​ക്കാൻ അവസര​മു​ണ്ടെന്ന്‌ ആ വാക്കുകൾ സൂചി​പ്പി​ക്കു​ന്നു. ദൈവം നമ്മുടെ മുന്നിൽ ഒരു തിര​ഞ്ഞെ​ടു​പ്പു വെച്ചി​രി​ക്കു​ന്നു. വാഗ്‌ദ​ത്ത​ദേ​ശത്തു പ്രവേ​ശി​ക്കാൻ തയ്യാറാ​യി​രുന്ന ഇസ്രാ​യേ​ല്യർക്കു മോശ നൽകിയ ഉദ്‌ബോ​ധന വാക്കുകൾ ഇന്നു നമുക്കും തുല്യ​മാ​യി ബാധക​മാണ്‌: “ജീവനും മരണവും, അനു​ഗ്ര​ഹ​വും ശാപവും നിങ്ങളു​ടെ മുമ്പിൽ വെച്ചി​രി​ക്കു​ന്നു . . . അതു​കൊ​ണ്ടു നീയും നിന്റെ സന്തതി​യും ജീവി​ച്ചി​രി​ക്കേ​ണ്ട​തി​ന്നു . . . ജീവനെ തിര​ഞ്ഞെ​ടു​ത്തു​കൊൾക.” (ആവർത്ത​ന​പു​സ്‌തകം 30:19, 20) എന്നാൽ ഒരുവന്‌ “ജീവനെ തിര​ഞ്ഞെ​ടു​ത്തു” രക്ഷപ്പെ​ടാൻ കഴിയു​ന്ന​തെ​ങ്ങനെ? യഥാർഥ രക്ഷ വാസ്‌ത​വ​ത്തിൽ എന്താണ്‌ അർഥമാ​ക്കു​ന്നത്‌?

[2-ാം പേജിലെ ചിത്ര​ത്തിന്‌ കടപ്പാട]

COVER: Explosion: Copyright © Gene Blevins/Los Angeles Daily News

[3-ാം പേജിലെ ചിത്ര​ത്തിന്‌ കടപ്പാട]

Yunhap News Agency/Sipa Press