രക്ഷ അതിന്റെ യഥാർഥ അർഥം

‘നിങ്ങൾ രക്ഷിക്ക​പ്പെ​ട്ട​താ​ണോ?’ മിക്ക​പ്പോ​ഴും, യേശു​വി​നെ ‘തങ്ങളുടെ വ്യക്തി​പ​ര​മായ രക്ഷകനാ​യി സ്വീക​രി​ച്ചി​രി​ക്കുന്ന’തിനാൽ തങ്ങൾ രക്ഷിക്ക​പ്പെ​ട്ടി​രി​ക്കു​ന്ന​താ​യി ഈ ചോദ്യ​മു​ന്ന​യി​ക്കു​ന്ന​വർക്കു തോന്നു​ന്നു. എന്നാൽ രക്ഷ പ്രാപി​ക്കു​ന്ന​തി​നു വിവിധ മാർഗ​ങ്ങ​ളു​ണ്ടെ​ന്നാ​ണു മറ്റു ചിലരു​ടെ മതം. അവരുടെ അഭി​പ്രാ​യ​ത്തിൽ, ‘യേശു ഹൃദയ​ത്തി​ലു​ള്ളി​ട​ത്തോ​ളം കാലം’ നിങ്ങൾ എന്തു വിശ്വ​സി​ക്കു​ന്നു, ഏതു സഭയി​ലു​ള്ള​വ​രാണ്‌ എന്നതൊ​ന്നും ഒരു വിഷയമല്ല.

“എല്ലാത്തരം മനുഷ്യ​രും രക്ഷിക്ക​പ്പെ​ട​ണ​മെന്ന”താണു ദൈ​വേ​ഷ്ട​മെന്നു ബൈബിൾ പറയുന്നു. (1 തിമൊ​ഥെ​യൊസ്‌ 2:3, 4, NW) അങ്ങനെ, രക്ഷ അതു സ്വീക​രി​ക്കു​ന്ന​വർക്കെ​ല്ലാം ലഭ്യമാണ്‌. എന്നാൽ രക്ഷിക്ക​പ്പെ​ടുക എന്നതിന്റെ അർഥ​മെ​ന്താണ്‌? നിങ്ങളു​ടെ പക്ഷത്തു​നി​ന്നുള്ള നാമമാ​ത്ര ശ്രമത്താൽ അല്ലെങ്കിൽ യാതൊ​രു ശ്രമവും കൂടാ​തെ​തന്നെ സാധ്യ​മാ​കുന്ന ഒന്നാണോ അത്‌?

“രക്ഷ” എന്ന പദത്തിന്റെ അർഥം, “അപകട​ത്തിൽനി​ന്നോ നാശത്തിൽനി​ന്നോ ഉള്ള വിടുതൽ” എന്നാണ്‌. അതു​കൊണ്ട്‌, യഥാർഥ രക്ഷയിൽ കേവലം മനശ്ശാ​ന്തി​യി​ലു​മ​ധി​കം ഉൾപ്പെ​ട്ടി​രി​ക്കു​ന്നു. ഈ ഏതൽക്കാല ദുഷ്ടവ്യ​വ​സ്ഥി​തി​യു​ടെ നാശത്തിൽനി​ന്നും ഒടുവിൽ മരണത്തിൽനി​ന്നും രക്ഷിക്ക​പ്പെ​ടു​ന്ന​തി​നെ അത്‌ അർഥമാ​ക്കു​ന്നു! എന്നാൽ ദൈവം ആരെയാ​ണു രക്ഷിക്കു​ന്നത്‌? ഉത്തരം കണ്ടെത്തു​ന്ന​തിന്‌ ഈ വിഷയ​ത്തെ​ക്കു​റിച്ച്‌ യേശു​ക്രി​സ്‌തു പഠിപ്പിച്ച സംഗതി നമുക്കു പരി​ശോ​ധി​ക്കാം. നമ്മുടെ പരി​ശോ​ധ​ന​യു​ടെ ഫലം നിങ്ങളെ അതിശ​യി​പ്പി​ച്ചേ​ക്കാം.

രക്ഷ—സകല മതങ്ങളി​ലും കണ്ടെത്താ​മെ​ന്നോ?

ഒരു സന്ദർഭ​ത്തിൽ, ഒരു ശമര്യ​സ്‌ത്രീ​യു​മാ​യി യേശു സംഭാ​ഷ​ണ​ത്തി​ലേർപ്പെട്ടു. യഹൂദ​സ്‌ത്രീ അല്ലായി​രു​ന്നെ​ങ്കി​ലും അവൾ മിശിഹാ, “എന്നു​വെ​ച്ചാൽ ക്രിസ്‌തു,” വരു​മെന്ന്‌ കൃത്യ​മാ​യും വിശ്വ​സി​ച്ചി​രു​ന്നു. (യോഹ​ന്നാൻ 4:25) രക്ഷിക്ക​പ്പെ​ടാൻ അവൾക്ക്‌ അത്തരം വിശ്വാ​സം മതിയാ​യി​രു​ന്നോ? മതിയാ​യി​രു​ന്നില്ല. കാരണം യേശു ആ സ്‌ത്രീ​യോ​ടു സധൈ​ര്യം ഇങ്ങനെ പറഞ്ഞു: “നിങ്ങൾ അറിയാ​ത്ത​തി​നെ നമസ്‌ക​രി​ക്കു​ന്നു.” രക്ഷിക്ക​പ്പെ​ടു​ന്ന​തിന്‌ ആ സ്‌ത്രീ തന്റെ ആരാധ​നാ​രീ​തി​യിൽ മാറ്റം വരു​ത്തേ​ണ്ട​തു​ണ്ടെന്ന്‌ യേശു​വി​ന​റി​യാ​മാ​യി​രു​ന്നു. അതു​കൊണ്ട്‌ യേശു ഇങ്ങനെ വിശദീ​ക​രി​ച്ചു: “സത്യന​മ​സ്‌കാ​രി​കൾ പിതാ​വി​നെ ആത്മാവി​ലും സത്യത്തി​ലും നമസ്‌ക​രി​ക്കുന്ന നാഴിക വരുന്നു; ഇപ്പോൾ വന്നുമി​രി​ക്കു​ന്നു. തന്നേ നമസ്‌ക​രി​ക്കു​ന്നവർ ഇങ്ങനെ​യു​ള്ളവർ ആയിരി​ക്കേണം എന്നു പിതാവു ഇച്ഛിക്കു​ന്നു.”—യോഹ​ന്നാൻ 4:22, 23.

യഹൂദ​മ​ത​ത്തി​ലെ ഒരു പ്രമുഖ വിഭാ​ഗ​ത്തിൽപ്പെട്ട പരീശ​ന്മാ​രോ​ടൊ​പ്പ​മാ​യി​രുന്ന മറ്റൊരു സന്ദർഭ​ത്തിൽ, രക്ഷിക്ക​പ്പെ​ടു​ന്ന​തി​നെ​ക്കു​റി​ച്ചുള്ള തന്റെ വീക്ഷണം യേശു വെളി​പ്പെ​ടു​ത്തി. പരീശ​ന്മാർ ഒരു ആരാധ​നാ​സ​മ്പ്ര​ദാ​യം വളർത്തി​യെ​ടു​ത്തി​രു​ന്നു, അതിനു ദൈവാം​ഗീ​കാ​ര​മു​ള്ള​താ​യി അവർ വിശ്വ​സി​ക്കു​ക​യും ചെയ്‌തി​രു​ന്നു. എന്നാൽ പരീശ​ന്മാ​രോ​ടുള്ള യേശു​വി​ന്റെ വാക്കുകൾ ശ്രദ്ധി​ക്കുക: ‘കപടഭ​ക്തി​ക്കാ​രേ, നിങ്ങ​ളെ​ക്കു​റി​ച്ചു യെശയ്യാ​വു: “ഈ ജനം അധരം​കൊ​ണ്ടു എന്നെ ബഹുമാ​നി​ക്കു​ന്നു; എങ്കിലും അവരുടെ ഹൃദയം എന്നെ വിട്ടു അകന്നി​രി​ക്കു​ന്നു. മാനു​ഷ​ക​ല്‌പ​ന​ക​ളായ ഉപദേ​ശ​ങ്ങളെ അവർ പഠിപ്പി​ക്കു​ന്ന​തു​കൊ​ണ്ടു എന്നെ വ്യർത്ഥ​മാ​യി ഭജിക്കു​ന്നു” എന്നിങ്ങനെ പ്രവചി​ച്ചതു ഒത്തിരി​ക്കു​ന്നു.’—മത്തായി 15:7-9.

ക്രിസ്‌തു​വിൽ വിശ്വ​സി​ക്കു​ന്നു​വെന്ന്‌ അവകാ​ശ​പ്പെ​ടുന്ന ഇന്നത്തെ നിരവധി മതവി​ഭാ​ഗ​ങ്ങ​ളു​ടെ കാര്യ​മോ? രക്ഷ പ്രാപി​ക്കു​ന്ന​തി​നുള്ള നിയമാ​നു​സൃത മാർഗ​ങ്ങ​ളാ​യി എല്ലാ മതവി​ഭാ​ഗ​ങ്ങ​ളെ​യും യേശു അംഗീ​ക​രി​ക്കു​മോ? ഇതേക്കു​റി​ച്ചു നാം ഊഹാ​പോ​ഹം നടത്തേ​ണ്ട​തില്ല. കാരണം, യേശു വ്യക്തമാ​യി ഇങ്ങനെ പറഞ്ഞു: “എന്നോടു കർത്താവേ, കർത്താവേ, എന്നു പറയു​ന്നവൻ ഏവനുമല്ല, സ്വർഗ്ഗ​സ്ഥ​നായ എന്റെ പിതാ​വി​ന്റെ ഇഷ്ടം ചെയ്യു​ന്നവൻ അത്രേ സ്വർഗ്ഗ​രാ​ജ്യ​ത്തിൽ കടക്കു​ന്നതു. കർത്താവേ, കർത്താവേ, നിന്റെ നാമത്തിൽ ഞങ്ങൾ പ്രവചി​ക്ക​യും നിന്റെ നാമത്തിൽ ഭൂതങ്ങളെ പുറത്താ​ക്കു​ക​യും നിന്റെ നാമത്തിൽ വളരെ വീര്യ​പ്ര​വൃ​ത്തി​കൾ പ്രവർത്തി​ക്ക​യും ചെയ്‌തി​ല്ല​യോ എന്നു പലരും ആ നാളിൽ എന്നോടു പറയും. അന്നു ഞാൻ അവരോ​ടു: ഞാൻ ഒരുനാ​ളും നിങ്ങളെ അറിഞ്ഞി​ട്ടില്ല; അധർമ്മം പ്രവർത്തി​ക്കു​ന്ന​വരേ, എന്നെ വിട്ടു പോകു​വിൻ എന്നു തീർത്തു​പ​റ​യും.”—മത്തായി 7:21-23.

യേശു​വി​നെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം രക്ഷയ്‌ക്കു മർമ​പ്ര​ധാ​നം

യേശു​വി​ന്റെ ആ വാക്കു​കൾക്കു ഗൗരവ​മായ ആന്തരാർഥ​മുണ്ട്‌. മതഭക്ത​രായ അനേകർ “പിതാ​വി​ന്റെ ഇഷ്ടം” ചെയ്യു​ന്ന​തിൽ പരാജ​യ​പ്പെ​ടു​ന്ന​താ​യി അതു സൂചി​പ്പി​ക്കു​ന്നു. ആ സ്ഥിതിക്ക്‌, ഒരുവന്‌ യഥാർഥ രക്ഷ എങ്ങനെ പ്രാപി​ക്കാൻ കഴിയും? 1 തിമൊ​ഥെ​യൊസ്‌ 2:3, 4 (NW) ഉത്തരം നൽകുന്നു: “എല്ലാത്തരം മനുഷ്യ​രും രക്ഷിക്ക​പ്പെ​ട​ണ​മെ​ന്നും സത്യത്തി​ന്റെ സൂക്ഷ്‌മ​പ​രി​ജ്ഞാ​ന​ത്തിൽ എത്തണ​മെ​ന്നു​മാണ്‌ [ദൈവ​ത്തി​ന്റെ] ഇഷ്ടം.”—കൊ​ലൊ​സ്സ്യർ 1:9, 10 താരത​മ്യം ചെയ്യുക.

അത്തരം പരിജ്ഞാ​നം രക്ഷ പ്രാപി​ക്കു​ന്ന​തി​നു മർമ​പ്ര​ധാ​ന​മാണ്‌. ഒരിക്കൽ ഒരു റോമൻ കാരാ​ഗൃ​ഹ​പ്ര​മാ​ണി, പൗലൊസ്‌ അപ്പോ​സ്‌ത​ല​നോ​ടും അവന്റെ സഹകാ​രി​യാ​യി​രുന്ന ശീലാ​സി​നോ​ടും, “രക്ഷ പ്രാപി​പ്പാൻ ഞാൻ എന്തു ചെയ്യേണം?” എന്നു ചോദി​ച്ചു. “കർത്താ​വായ യേശു​വിൽ വിശ്വ​സിക്ക; എന്നാൽ നീയും നിന്റെ കുടും​ബ​വും രക്ഷപ്രാ​പി​ക്കും,” അവർ മറുപടി പറഞ്ഞു. (പ്രവൃ​ത്തി​കൾ 16:30, 31) അതിന്റെ അർഥം, കാരാ​ഗൃ​ഹ​പ്ര​മാ​ണി​യും കുടും​ബ​വും അവരുടെ ഹൃദയ​ങ്ങ​ളിൽ ഒരു പ്രത്യേക വികാരം ഉൾക്കൊ​ണ്ടാൽ മാത്രം മതിയാ​കു​മാ​യി​രു​ന്നു​വെ​ന്നാ​ണോ? അല്ല. കാരണം, യേശു ആരായി​രു​ന്നു, അവൻ എന്തു ചെയ്‌തു, എന്തു പഠിപ്പി​ച്ചു എന്നതെ​ല്ലാം സംബന്ധിച്ച്‌ കുറെ​യൊ​ക്കെ അറിവി​ല്ലാ​തെ “കർത്താ​വായ യേശു​വിൽ” അവർക്കു യഥാർഥ​ത്തിൽ വിശ്വ​സി​ക്കാ​നാ​കു​മാ​യി​രു​ന്നില്ല.

ഉദാഹ​ര​ണ​ത്തിന്‌, യേശു ഒരു സ്വർഗീയ ഗവൺമെൻറ്‌—“ദൈവ​രാ​ജ്യം”—സ്ഥാപി​ത​മാ​കു​ന്ന​തി​നെ​ക്കു​റി​ച്ചു പഠിപ്പി​ച്ചു. (ലൂക്കൊസ്‌ 4:43) ക്രിസ്‌തീയ ധാർമി​കത, പെരു​മാ​റ്റം എന്നിവ സംബന്ധി​ച്ചും അവൻ തത്ത്വങ്ങൾ നൽകി. (മത്തായി 5-7 അധ്യാ​യങ്ങൾ) രാഷ്‌ട്രീയ കാര്യ​ങ്ങ​ളിൽ തന്റെ ശിഷ്യ​ന്മാർ ഏതു നിലപാ​ടു സ്വീക​രി​ക്ക​ണ​മെന്ന്‌ അവൻ വിവരി​ച്ചു. (യോഹ​ന്നാൻ 15:19) ഒരു ആഗോള പഠിപ്പി​ക്കൽ പരിപാ​ടി സ്ഥാപിച്ച്‌, അതിൽ പങ്കെടു​ക്കാൻ അവൻ തന്റെ അനുഗാ​മി​കളെ നിയോ​ഗി​ച്ചു. (മത്തായി 24:14; പ്രവൃ​ത്തി​കൾ 1:8) അതേ, ‘യേശു​വിൽ വിശ്വ​സി​ക്കുക’ എന്നത്‌ അനേകം കാര്യങ്ങൾ മനസ്സി​ലാ​ക്കു​ന്ന​തി​നെ അർഥമാ​ക്കി! പൗലൊ​സും ശീലാ​സും “കർത്താ​വി​ന്റെ വചനം [കാരാ​ഗൃ​ഹ​പ്ര​മാ​ണി​യോ​ടും] അവന്റെ വീട്ടി​ലുള്ള എല്ലാവ​രോ​ടും,” ആ പുതിയ വിശ്വാ​സി​കൾ സ്‌നാ​പ​ന​മേൽക്കു​ന്ന​തി​നു മുമ്പ്‌, “പ്രസം​ഗിച്ച”തിൽ തെല്ലും അതിശ​യി​ക്കാ​നില്ല.—പ്രവൃ​ത്തി​കൾ 16:32, 33.

ദൈവ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​ന​വും മർമ​പ്ര​ധാ​നം

യേശു​വിൽ യഥാർഥ​മാ​യി വിശ്വ​സി​ക്കു​ന്ന​തി​ലെ ഒരു സുപ്ര​ധാന സംഗതി​യാണ്‌ യേശു ആരാധി​ക്കുന്ന ദൈവ​ത്തെ​ത്തന്നെ ആരാധി​ക്കു​ന്നത്‌. അവൻ ഇങ്ങനെ പ്രാർഥി​ച്ചു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”—യോഹ​ന്നാൻ 17:3.

തന്റെ ഭൗമിക ശുശ്രൂ​ഷ​ക്കാ​ലത്തു ദൈവ​പു​ത്രൻ എല്ലായ്‌പോ​ഴും തന്റെ പിതാ​വി​ലേ​ക്കാ​ണു ശ്രദ്ധയാ​കർഷി​ച്ചത്‌, അല്ലാതെ തന്നി​ലേക്കല്ല. താൻ സർവശ​ക്ത​നായ ദൈവ​മാ​ണെന്ന്‌ അവൻ ഒരിക്ക​ലും അവകാ​ശ​പ്പെ​ട്ടില്ല. (യോഹ​ന്നാൻ 12:49, 50) താൻ പിതാ​വി​നു കീഴ്‌പെ​ട്ടി​രി​ക്കു​ന്നു​വെന്നു പ്രസ്‌താ​വി​ച്ചു​കൊണ്ട്‌ പല സന്ദർഭ​ങ്ങ​ളി​ലും ദൈവ​ത്തി​ന്റെ ക്രമീ​ക​ര​ണ​ത്തിൽ തനിക്കുള്ള സ്ഥാനം യേശു വ്യക്തമാ​ക്കി. (ലൂക്കൊസ്‌ 22:41, 42; യോഹ​ന്നാൻ 5:19) എന്തിന്‌, അവൻ ഇങ്ങനെ​യും പ്രഖ്യാ​പി​ച്ചു: “പിതാവു എന്നെക്കാൾ വലിയ​വ​ന​ല്ലോ.” (യോഹ​ന്നാൻ 14:28) ദൈവ​വും ക്രിസ്‌തു​വും തമ്മിലുള്ള യഥാർഥ ബന്ധത്തെ​ക്കു​റി​ച്ചു നിങ്ങളു​ടെ സഭ നിങ്ങളെ പഠിപ്പി​ച്ചി​ട്ടു​ണ്ടോ? അതോ, യേശു സർവശ​ക്ത​നായ ദൈവ​മാ​ണെന്നു വിശ്വ​സി​ക്കാ​നാ​ണോ അതു പഠിപ്പി​ച്ചി​രി​ക്കു​ന്നത്‌? നിങ്ങളു​ടെ രക്ഷ ശരിയായ ഗ്രാഹ്യ​ത്തെ ആശ്രയി​ച്ചി​രി​ക്കു​ന്നു.

കർത്താ​വി​ന്റെ പ്രാർഥ​ന​യിൽ, യേശു ശിഷ്യ​ന്മാ​രെ ഇങ്ങനെ പ്രാർഥി​ക്കാൻ പഠിപ്പി​ച്ചു: “നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ.” (മത്തായി 6:9) മിക്ക ബൈബിൾ പരിഭാ​ഷ​ക​ളും ദൈവ​നാ​മത്തെ “കർത്താവ്‌” എന്നു വിവർത്തനം ചെയ്‌തു​കൊണ്ട്‌ അതിനെ അസ്‌പ​ഷ്ട​മാ​ക്കി​യി​രി​ക്കു​ക​യാണ്‌. എന്നാൽ, “പഴയനി​യമ”ത്തിന്റെ പുരാതന പ്രതി​ക​ളിൽ ദൈവ​നാ​മം ആറായി​ര​ത്തി​ല​ധി​കം തവണ കാണാം! സങ്കീർത്തനം 83:18-ൽ ഇപ്രകാ​രം വായി​ക്കു​ന്നു: “അങ്ങനെ അവർ യഹോവ എന്നു നാമമുള്ള നീ മാത്രം സർവ്വഭൂ​മി​ക്കും​മീ​തെ അത്യു​ന്നതൻ എന്നു അറിയും.” (ചെരി​ച്ചെ​ഴു​ത്തു ഞങ്ങളു​ടേത്‌.) യഹോവ എന്ന ദൈവ​നാ​മം ഉപയോ​ഗി​ക്കാൻ നിങ്ങളെ പഠിപ്പി​ച്ചി​ട്ടു​ണ്ടോ? ഇല്ലാത്ത​പക്ഷം, നിങ്ങളു​ടെ രക്ഷ അപകട​ത്തി​ലാണ്‌. കാരണം, “യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവൻ ഏവനും രക്ഷിക്ക​പ്പെ​ടും”!—പ്രവൃ​ത്തി​കൾ 2:21; യോവേൽ 2:32 താരത​മ്യം ചെയ്യുക.

ആത്മാവി​ലും സത്യത്തി​ലും

ദൈവ​വ​ച​ന​മായ ബൈബി​ളി​ലേ​ക്കും യേശു​ക്രി​സ്‌തു ശ്രദ്ധ തിരി​ച്ചു​വി​ട്ടു. ചില സംഗതി​ക​ളെ​ക്കു​റി​ച്ചുള്ള ദൈവ​ത്തി​ന്റെ വീക്ഷണ​മെ​ന്താ​ണെന്നു വിവരി​ക്കവേ അവൻ മിക്ക​പ്പോ​ഴും “എഴുതി​യി​രി​ക്കു​ന്നു” എന്നു പറയു​മാ​യി​രു​ന്നു. (മത്തായി 4:4, 7, 10; 11:10; 21:13) മരിക്കു​ന്ന​തി​ന്റെ തലേ രാത്രി​യിൽ യേശു ശിഷ്യ​ന്മാർക്കു​വേണ്ടി ഇങ്ങനെ പ്രാർഥി​ച്ചു: “സത്യത്താൽ അവരെ വിശു​ദ്ധീ​ക​രി​ക്കേ​ണമേ; നിന്റെ വചനം സത്യം ആകുന്നു.”—യോഹ​ന്നാൻ 17:17.

അങ്ങനെ, ദൈവ​വ​ച​ന​ത്തി​ന്റെ പഠിപ്പി​ക്ക​ലു​ക​ളെ​ക്കു​റിച്ച്‌ അറിവു നേടു​ന്നത്‌ രക്ഷ പ്രാപി​ക്കു​ന്ന​തി​നുള്ള മറ്റൊരു അവശ്യ​ഘ​ട​ക​മാണ്‌. (2 തിമൊ​ഥെ​യൊസ്‌ 3:16) പിൻവ​രുന്ന ചോദ്യ​ങ്ങൾക്കു ബൈബിൾ മാത്രമേ ഉത്തരം നൽകു​ന്നു​ള്ളൂ: ജീവി​ത​ത്തി​ന്റെ അർഥ​മെന്ത്‌? ഇത്രയും​കാ​ലം ദുഷ്ടത തുടരാൻ ദൈവം അനുവ​ദി​ച്ച​തെ​ന്തു​കൊണ്ട്‌? മരിക്കു​മ്പോൾ ഒരു വ്യക്തിക്ക്‌ എന്തു സംഭവി​ക്കു​ന്നു? ദൈവം വാസ്‌ത​വ​മാ​യും ആളുകളെ അഗ്നിന​ര​ക​ത്തിൽ ദണ്ഡിപ്പി​ക്കു​ന്നു​ണ്ടോ? ഭൂമിയെ സംബന്ധി​ച്ചുള്ള ദൈ​വോ​ദ്ദേ​ശ്യ​മെ​ന്താണ്‌?a ഇത്തരം സംഗതി​കൾ സംബന്ധിച്ച കൃത്യ​മായ അറിവി​ല്ലാ​തെ ഒരുവനു ദൈവത്തെ ശരിയാ​യി ആരാധി​ക്കാൻ സാധി​ക്കു​ക​യില്ല. “സത്യന​മ​സ്‌കാ​രി​കൾ പിതാ​വി​നെ ആത്മാവി​ലും സത്യത്തി​ലും നമസ്‌ക​രി​ക്കു”മെന്ന്‌ യേശു പറഞ്ഞു.—യോഹ​ന്നാൻ 4:23.

വിശ്വാ​സം പ്രവർത്ത​ന​ത്തി​നു പ്രേരി​പ്പി​ക്കു​ന്നു

രക്ഷ പ്രാപി​ക്കു​ന്ന​തിൽ കേവലം വിവരങ്ങൾ സമ്പാദി​ക്കു​ന്ന​തി​ലു​മ​ധി​കം ഉൾപ്പെ​ട്ടി​രി​ക്കു​ന്നു. ഒരു പ്രതി​ക​ര​ണാ​ത്മക ഹൃദയ​ത്തിൽ ദൈവ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​നം വിശ്വാ​സം ജനിപ്പി​ക്കു​ന്നു. (റോമർ 10:10, 17; എബ്രായർ 11:6) അത്തരം വിശ്വാ​സം ഒരുവനെ പ്രവർത്ത​ന​ത്തി​നു പ്രേരി​പ്പി​ക്കു​ന്നു. ഉദാഹ​ര​ണ​ത്തിന്‌, ബൈബിൾ ഇങ്ങനെ അനുശാ​സി​ക്കു​ന്നു: ‘ആകയാൽ നിങ്ങളു​ടെ പാപങ്ങൾ മാഞ്ഞു​കി​ട്ടേ​ണ്ട​തി​ന്നു മാനസാ​ന്ത​ര​പ്പെട്ടു തിരി​ഞ്ഞു​കൊൾവിൻ; എന്നാൽ കർത്താ​വി​ന്റെ സമ്മുഖ​ത്തു​നി​ന്നു ആശ്വാ​സ​കാ​ലങ്ങൾ വരും.’—പ്രവൃ​ത്തി​കൾ 3:19.

അതേ, നടത്തയും ധാർമി​ക​ത​യും സംബന്ധിച്ച ദൈവ​ത്തി​ന്റെ പ്രമാ​ണ​ങ്ങ​ളോട്‌ അനുരൂ​പ​പ്പെ​ടു​ന്ന​തും രക്ഷ പ്രാപി​ക്കു​ന്ന​തിൽ ഉൾപ്പെ​ട്ടി​രി​ക്കു​ന്നു. ദൈവ​വ​ച​ന​ത്തി​ന്റെ പരിവർത്തന സ്വാധീ​ന​ശക്തി നിമിത്തം, നുണയും വഞ്ചനയും​പോ​ലുള്ള ആജീവ​നാന്ത ശീലങ്ങൾ സത്യസ​ന്ധ​ത​യ്‌ക്കും വിശ്വ​സ്‌ത​ത​യ്‌ക്കും വഴിമാ​റു​ന്നു. (തീത്തൊസ്‌ 2:10) സ്വവർഗ​രതി, വ്യഭി​ചാ​രം, പരസംഗം എന്നിങ്ങ​നെ​യുള്ള അധാർമിക നടപടി​കൾ ശുദ്ധമായ ധാർമിക നടത്തയ്‌ക്കു വഴി​യൊ​ഴി​ഞ്ഞു​കൊ​ടു​ക്കു​ന്നു. (1 കൊരി​ന്ത്യർ 6:9-11) അത്‌ വികാ​രാ​വേ​ശ​ത്താ​ലുള്ള താത്‌കാ​ലിക വർജനമല്ല. മറിച്ച്‌, ദൈവ​വ​ച​ന​ത്തി​ന്റെ സൂക്ഷ്‌മ​മായ പഠനത്തി​ന്റെ​യും ബാധക​മാ​ക്ക​ലി​ന്റെ​യും ഫലമാ​യു​ണ്ടാ​കുന്ന ശാശ്വ​ത​മായ മാറ്റമാ​യി​രി​ക്കും.—എഫെസ്യർ 4:22-24.

കാല​ക്ര​മ​ത്തിൽ, ദൈവ​ത്തി​നു സമ്പൂർണ സമർപ്പണം നടത്തു​ന്ന​തി​നും അതു ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തു​ന്ന​തി​നും ദൈവ​ത്തോ​ടുള്ള സ്‌നേ​ഹ​വും വിലമ​തി​പ്പും പരമാർഥ​ഹൃ​ദ​യ​നായ ഒരു വ്യക്തിയെ പ്രേരി​പ്പി​ക്കും. (മത്തായി 28:19, 20; റോമർ 12:1) സ്‌നാ​പ​ന​മേറ്റ ക്രിസ്‌ത്യാ​നി​കൾ ദൈവ​ദൃ​ഷ്ടി​യിൽ രക്ഷിക്ക​പ്പെ​ടു​ന്നു. (1 പത്രൊസ്‌ 3:21) ഈ ദുഷ്ട​ലോ​ക​ത്തി​ന്റെ വരാനി​രി​ക്കുന്ന നാശസ​മ​യത്തു സംരക്ഷണം നൽകി​ക്കൊ​ണ്ടു ദൈവം അവരെ സമ്പൂർണ​മാ​യി രക്ഷിക്കും.—വെളി​പ്പാ​ടു 7:9,14.

രക്ഷ നിങ്ങൾക്ക്‌ അർഥമാ​ക്കു​ന്നത്‌

രക്ഷ പ്രാപി​ക്കു​ന്ന​തിൽ ‘കർത്താ​വായ യേശു ഹൃദയ​ത്തിൽ ഉണ്ടായി​രി​ക്കു’ന്നതിലു​മ​ധി​കം ഉൾപ്പെ​ട്ടി​രി​ക്കു​ന്നു​വെന്ന്‌ ഈ ഹ്രസ്വ​മായ ചർച്ചയിൽനി​ന്നു വ്യക്തമാണ്‌. അതിന്റെ അർഥം, യഹോ​വ​യാം ദൈവ​ത്തെ​യും യേശു​ക്രി​സ്‌തു​വി​നെ​യും കുറിച്ചു സൂക്ഷ്‌മ​മായ അറിവു നേടി, ജീവി​ത​ത്തിൽ ആവശ്യ​മായ മാറ്റങ്ങൾ വരുത്തു​ക​യെ​ന്നാണ്‌. അങ്ങനെ ചെയ്യു​ന്നത്‌ ഒരു ദുഷ്‌കര കൃത്യ​മാ​യി തോന്നി​ച്ചേ​ക്കാം. എന്നാൽ, ആ ഉദ്യമ​ത്തിൽ നിങ്ങളെ സഹായി​ക്കാൻ യഹോ​വ​യു​ടെ സാക്ഷികൾ ഒരുക്ക​മു​ള്ള​വ​രാണ്‌. ഒരു സൗജന്യ ഭവന ബൈബി​ള​ധ്യ​യ​ന​ത്തി​ലൂ​ടെ യഥാർഥ രക്ഷയുടെ പാതയിൽ നടക്കു​ന്ന​തി​നു തുടക്ക​മി​ടാൻ അവർക്കു നിങ്ങളെ സഹായി​ക്കാ​നാ​കും.b

അപ്രകാ​രം ചെയ്യു​ന്നത്‌, ദൈവ​ത്തി​ന്റെ വരാനി​രി​ക്കുന്ന ന്യായ​വി​ധി​ദി​വസം സമീപി​ച്ചി​രി​ക്കു​ന്നു​വെ​ന്ന​തി​നാൽ എന്നത്തേ​ക്കാ​ളും അടിയ​ന്തി​ര​മാണ്‌! “യഹോ​വ​യു​ടെ കോപ​ദി​വസം നിങ്ങളു​ടെ മേൽ വരുന്ന​തി​ന്നു മുമ്പെ, കൂടി​വ​രു​വിൻ; അതേ, കൂടി​വ​രു​വിൻ! യഹോ​വ​യു​ടെ ന്യായം പ്രവർത്തി​ക്കു​ന്ന​വ​രാ​യി ഭൂമി​യി​ലെ സകല സൌമ്യ​ന്മാ​രു​മാ​യു​ള്ളോ​രേ, അവനെ അന്വേ​ഷി​പ്പിൻ; നീതി അന്വേ​ഷി​പ്പിൻ; സൌമ്യത അന്വേ​ഷി​പ്പിൻ; പക്ഷെ നിങ്ങൾക്കു യഹോ​വ​യു​ടെ കോപ​ദി​വ​സ​ത്തിൽ മറഞ്ഞി​രി​ക്കാം” എന്ന പ്രവാചക വാക്കുകൾ ചെവി​ക്കൊ​ള്ളു​ന്ന​തി​നുള്ള സമയമാ​ണിത്‌.”—സെഫന്യാ​വു 2:2, 3.

[അടിക്കു​റി​പ്പു​കൾ]

[6-ാം പേജിലെ ചതുരം]

രക്ഷിക്കപ്പെടുന്നതിനുള്ള അടിസ്ഥാന സംഗതി​കൾ:

□ ദൈവ​ത്തെ​യും യേശു​വി​നെ​യും കുറി​ച്ചുള്ള സൂക്ഷ്‌മ​മായ അറിവു നേടൽ.—യോഹ​ന്നാൻ 17:3.

□ വിശ്വാ​സം പ്രകട​മാ​ക്കൽ.—റോമർ 10:17; എബ്രായർ 11:6.

□ അനുത​പിച്ച്‌ തിരി​ഞ്ഞു​വരൽ.—പ്രവൃ​ത്തി​കൾ 3:19; എഫെസ്യർ 4:22-24.

□ സമർപ്പിച്ച്‌ സ്‌നാ​പ​ന​മേൽക്കൽ.—മത്തായി 16:24; 28:19, 20.

□ പരസ്യ​പ്ര​ഖ്യാ​പനം നടത്തു​ന്ന​തിൽ തുടരൽ.—മത്തായി 24:14; റോമർ 10:10.

[7-ാം പേജിലെ ചിത്രം]

ബൈബിൾ പഠിക്കു​ന്ന​തും പഠിച്ചതു ബാധക​മാ​ക്കു​ന്ന​തും സമർപ്പിച്ച്‌ സ്‌നാ​പ​ന​മേൽക്കു​ന്ന​തും രക്ഷയ്‌ക്കുള്ള പടിക​ളാണ്‌