ചിലർ മതം മാറു​ന്ന​തി​ന്റെ കാരണം

അനേകർക്കും മതം ഒരു തിരി​ച്ച​റി​യി​ക്കൽ നാമം മാത്ര​മാണ്‌. ഒരു വ്യക്തി വല്ലപ്പോ​ഴും ഞായറാ​ഴ്‌ച​ക​ളിൽ എവിടെ പോകു​ന്നു, എവിടെ വെച്ച്‌ വിവാ​ഹി​ത​നാ​കു​ന്നു, എവിടെ അടക്ക​പ്പെ​ടും എന്നിങ്ങ​നെ​യുള്ള കാര്യങ്ങൾ അതു സൂചി​പ്പി​ച്ചേ​ക്കാം. എന്നാൽ അയാൾ ഏതു തരം വ്യക്തി​യാ​ണെ​ന്നോ അയാൾക്ക്‌ എന്ത്‌ അറിയാ​മെ​ന്നോ അയാൾ എന്തു വിശ്വ​സി​ക്കു​ന്നു​വെ​ന്നോ അതു സൂചി​പ്പി​ക്കു​ന്നില്ല. ദൃഷ്ടാ​ന്ത​ത്തിന്‌, ഒരു സർവേ വെളി​പ്പെ​ടു​ത്തുന്ന പ്രകാരം ക്രിസ്‌ത്യാ​നി​കൾ എന്ന്‌ അവകാ​ശ​പ്പെ​ടു​ന്ന​വ​രിൽ 50 ശതമാ​ന​ത്തി​നും ഗിരി​പ്ര​ഭാ​ഷണം നടത്തി​യത്‌ ആരാ​ണെന്ന്‌ അറിയില്ല. എന്തിന്‌, പ്രശസ്‌ത ഇന്ത്യൻ നേതാ​വാ​യി​രുന്ന ഗാന്ധിജി ഒരു ഹിന്ദു​വാ​യി​രു​ന്നെ​ങ്കി​ലും, അദ്ദേഹ​ത്തി​നു പോലും അതറി​യാ​മാ​യി​രു​ന്നു!

മിക്കവർക്കും തങ്ങളുടെ മതത്തെ കുറിച്ച്‌ ഒന്നും​തന്നെ അറിയി​ല്ലാത്ത സ്ഥിതിക്ക്‌ അവർ മതത്തിൽനിന്ന്‌ അകന്നു പോകു​ന്നത്‌ ആശ്ചര്യ​ജ​ന​ക​മാ​ണോ? അല്ല, തീർച്ച​യാ​യും അല്ല. എന്നാൽ, അത്‌ ഒഴിവാ​ക്കാ​നാ​കാ​ത്ത​തും അല്ല. ബൈബിൾ പഠിക്കാൻ സഹായം സ്വീക​രി​ച്ചി​ട്ടു​ള്ളവർ അത്‌ തങ്ങൾക്ക്‌ എത്രമാ​ത്രം പ്രയോ​ജനം ചെയ്യു​ന്നു​വെന്നു കണ്ടതിൽ അതിശയം കൂറി​യി​ട്ടുണ്ട്‌. ബൈബിൾതന്നെ ഇപ്രകാ​രം പറയുന്നു: “ശുഭക​ര​മാ​യി പ്രവർത്തി​പ്പാൻ നിന്നെ അഭ്യസി​പ്പി​ക്ക​യും നീ പോ​കേ​ണ്ടുന്ന വഴിയിൽ നിന്നെ നടത്തു​ക​യും ചെയ്യുന്ന നിന്റെ ദൈവ​മായ യഹോവ ഞാൻ തന്നേ.” (ചെരി​ച്ചെ​ഴുത്ത്‌ ഞങ്ങളു​ടേത്‌.)—യെശയ്യാ​വു 48:17.

ആത്മീയ വിശപ്പു തൃപ്‌തി​പ്പെ​ടാ​ത്തവർ എന്തു ചെയ്യണം? അവർ ദൈവത്തെ സേവി​ക്കു​ന്നത്‌ ഉപേക്ഷി​ക്ക​രുത്‌! മറിച്ച്‌, ബൈബിൾ പരി​ശോ​ധിച്ച്‌ തങ്ങൾക്കാ​യി ദൈവം എന്താണു ലഭ്യമാ​ക്കു​ന്ന​തെന്നു അവർ മനസ്സി​ലാ​ക്കണം.

ദുഷ്‌ക​ര​മായ ചോദ്യ​ങ്ങൾക്കുള്ള ഉത്തരം

ഏഴു വയസ്സു​ള്ള​പ്പോൾ തന്റെ അമ്മ മരിക്കു​ന്നത്‌ ബെന്റ്‌ കണ്ടു.a ‘എന്റെ അമ്മ എവി​ടെ​യാണ്‌? ഞാൻ അമ്മ ഇല്ലാതെ വളരേ​ണ്ടത്‌ എന്തു​കൊണ്ട്‌?’ എന്നിങ്ങ​നെ​യുള്ള ചിന്തകൾ ശേഷിച്ച കുട്ടി​ക്കാ​ലം മുഴുവൻ അവനെ വേട്ടയാ​ടി. കൗമാര കാലത്ത്‌ ബെന്റ്‌ ഒരു സജീവ പള്ളി അംഗമാ​യി​രു​ന്നു. മനുഷ്യ​രാ​ശി​യു​ടെ കഷ്ടപ്പാ​ടു​ക​ളിൽ ആകുല​ചി​ത്ത​നായ അവൻ ഒരു വികസ്വര രാജ്യത്ത്‌ ജീവകാ​രു​ണ്യ പ്രവർത്തനം നടത്താൻ ആഗ്രഹി​ച്ചു. എങ്കിലും, തന്റെ സഭയ്‌ക്കു തൃപ്‌തി​ക​ര​മായ യാതൊ​രു ഉത്തരവും ഇല്ലാതി​രുന്ന ചോദ്യ​ങ്ങൾ അവനെ അലട്ടി​ക്കൊ​ണ്ടി​രു​ന്നു.

ഒരിക്കൽ ബെന്റ്‌ യഹോ​വ​യു​ടെ സാക്ഷി​യാ​യി​രുന്ന ഒരു സഹപാ​ഠി​യോട്‌ അത്തരം കാര്യ​ങ്ങ​ളെ​ക്കു​റി​ച്ചു സംസാ​രി​ച്ചു. ബെന്റിന്റെ അമ്മ അബോ​ധാ​വ​സ്ഥ​യിൽ ആണെന്ന്‌, മരണത്തിൽ ഉറങ്ങു​ക​യാ​ണെന്ന്‌, ആ ചെറു​പ്പ​ക്കാ​രൻ അവനു ബൈബി​ളിൽനി​ന്നു കാണി​ച്ചു​കൊ​ടു​ത്തു. ഈ ആശയം വിശദീ​ക​രി​ക്കുന്ന നിരവധി ബൈബിൾ വാക്യങ്ങൾ ബെന്റ്‌ മനസ്സി​ലാ​ക്കി, ദൃഷ്ടാ​ന്ത​ത്തിന്‌, “മരിച്ച​വ​രോ ഒന്നും അറിയു​ന്നില്ല” എന്നു പറയുന്ന സഭാ​പ്ര​സം​ഗി 9:5. അതു​കൊണ്ട്‌, ഏതെങ്കി​ലും ശുദ്ധീ​ക​ര​ണ​സ്ഥ​ല​ത്തോ അതിലും ദാരു​ണ​മായ ഒരു സ്ഥലത്തോ തന്റെ അമ്മ യാതന അനുഭ​വി​ക്കു​ന്നു​ണ്ടോ എന്നു വ്യാകു​ല​പ്പെ​ടാൻ ബെന്റിന്‌ യാതൊ​രു കാരണ​വും ഉണ്ടായി​രു​ന്നില്ല. മിക്ക മതങ്ങളും അമർത്യ ആത്മാവ്‌ എന്ന ഉപദേശം പഠിപ്പി​ക്കു​ന്നു​ണ്ടെ​ങ്കി​ലും, മരണത്തെ അതിജീ​വി​ക്കുന്ന യാതൊ​രു അമർത്യ ഭാഗവും മനുഷ്യ​ന്റെ ഉള്ളിൽ ഇല്ലെന്നു ബെന്റ്‌ ബൈബി​ളിൽനി​ന്നു മനസ്സി​ലാ​ക്കി.

മരിച്ച​വർക്കു​ള്ള അത്ഭുത​ക​ര​മായ ഭാവി​പ്ര​തീ​ക്ഷയെ കുറി​ച്ചും ബെന്റ്‌ മനസ്സി​ലാ​ക്കി. “നീതി​മാ​ന്മാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകും” എന്നു ബൈബി​ളി​ലെ പ്രവൃ​ത്തി​ക​ളു​ടെ പുസ്‌ത​ക​ത്തിൽ നിന്ന്‌ അവൻ വായിച്ചു. (പ്രവൃ​ത്തി​കൾ 24:15) ദൈവം ഒരു പറുദീ​സ​യാ​യി പുനഃ​സ്ഥി​തീ​ക​രി​ക്കാൻ പോകുന്ന ഈ ഭൂമി​യിൽത്തന്നെ ആ പുനരു​ത്ഥാ​നം നടക്കു​മെന്ന അറിവ്‌ അവനെ എത്ര പുളകം കൊള്ളി​ച്ചെ​ന്നോ!—സങ്കീർത്തനം 37:29; വെളി​പ്പാ​ടു 21:3, 4.

യഥാർഥ ബൈബിൾ പരിജ്ഞാ​നം പെട്ടെ​ന്നു​തന്നെ ബെന്റിന്റെ ആത്മീയ ആവശ്യങ്ങൾ തൃപ്‌തി​പ്പെ​ടു​ത്തി. ബെന്റ്‌ മതം ഉപേക്ഷി​ച്ചില്ല. മറിച്ച്‌, തന്റെ വിശപ്പ്‌ തൃപ്‌തി​പ്പെ​ടു​ത്താൻ കഴിയാഞ്ഞ സഭ വിട്ട്‌, ബൈബി​ളിൽ ഉറച്ച അടിസ്ഥാ​ന​മുള്ള ഒരു ആരാധനാ രീതി അവൻ സ്വീക​രി​ച്ചു. അവൻ പറയുന്നു: “അത്‌ 14 വർഷം മുമ്പാ​യി​രു​ന്നു. ആ നടപടി​യെ​പ്രതി ഞാൻ ഒരിക്ക​ലും ഖേദി​ച്ചി​ട്ടില്ല. സ്രഷ്ടാവ്‌ കഷ്ടപ്പാ​ടു​കൾ വരുത്തു​ന്നി​ല്ലെന്ന്‌ എനിക്ക്‌ ഇപ്പോൾ അറിയാം. ഈ വ്യവസ്ഥി​തി​യു​ടെ ദൈവം സാത്താ​നാണ്‌. നമുക്കു ചുറ്റു​മുള്ള അവസ്ഥകൾക്ക്‌ അവനാണ്‌ ഉത്തരവാ​ദി. എന്നാൽ, സാത്താന്റെ ലോകം വരുത്തി​വെ​ച്ചി​രി​ക്കുന്ന എല്ലാ ദ്രോ​ഹ​വും ദൈവം താമസി​യാ​തെ നേരെ​യാ​ക്കും. പുനരു​ത്ഥാ​ന​ത്തിൽ എന്റെ അമ്മയും മടങ്ങി​യെ​ത്തും. അത്‌ എന്തൊരു സന്തോ​ഷ​മാ​യി​രി​ക്കും!”

സന്ദർഭ​വ​ശാൽ, മറ്റുള്ള​വരെ സഹായി​ക്കാ​നാ​യി വിദേ​ശത്തു പ്രവർത്തി​ക്കാ​നുള്ള ലക്ഷ്യത്തിൽ ബെന്റ്‌ എത്തി​ച്ചേർന്നു. തങ്ങളുടെ ദുരി​ത​ങ്ങൾക്കുള്ള യഥാർഥ പരിഹാ​ര​മായ ദൈവ​രാ​ജ്യ​ത്തെ കുറിച്ചു പഠിക്കാൻ മറ്റുള്ള​വരെ സഹായി​ച്ചു​കൊണ്ട്‌ അദ്ദേഹം ഒരു വിദേശ രാജ്യത്തു പ്രവർത്തി​ക്കു​ന്നു. ദൈവം ഉടൻതന്നെ മാനുഷ ദുരി​ത​ത്തിന്‌ അറുതി വരുത്തു​മെന്നു ബെന്റിനെ പോലെ ലക്ഷക്കണ​ക്കിന്‌ ആളുകൾ മനസ്സി​ലാ​ക്കി​യി​രി​ക്കു​ന്നു. തങ്ങളുടെ ആത്മീയ ആവശ്യങ്ങൾ തൃപ്‌തി​പ്പെ​ടു​ത്തുന്ന ഒരു മതം ഉണ്ടെന്നു കണ്ടെത്തി​യ​തിൽ അവർ പുളകി​ത​രാണ്‌.—മത്തായി 5:3.

എന്താണ്‌ ജീവി​ത​ത്തി​ന്റെ ഉദ്ദേശ്യം?

പാശ്ചാത്യ ലോകം അധിക​മ​ധി​കം ലൗകി​ക​വൽക്ക​രി​ക്ക​പ്പെ​ടു​ന്ന​തോ​ടെ, ‘എന്താണ്‌ ജീവി​ത​ത്തി​ന്റെ ഉദ്ദേശ്യം?’ എന്ന്‌ അനേക​രും ചോദി​ക്കു​ന്നു. ഉത്തരം ബൈബി​ളിൽ കണ്ടെത്താ​വു​ന്ന​താണ്‌. മൈക്കി​ളിന്‌ അതു സാധിച്ചു. 1970-കളുടെ മധ്യത്തിൽ ഒരു ഭീകര​പ്ര​വർത്തക സംഘത്തിൽ ചേരാൻ മൈക്കിൾ ആഗ്രഹി​ച്ചു. അവനു ജീവി​ത​ത്തിൽ ഒരു ലക്ഷ്യമേ ഉണ്ടായി​രു​ന്നു​ള്ളൂ—മുതലാ​ളിത്ത വ്യവസ്ഥി​തി​യി​ലെ അനീതി​കൾക്കു കാരണ​ക്കാ​രാ​യി താൻ വീക്ഷി​ച്ച​വർക്കു പ്രശ്‌നങ്ങൾ സൃഷ്ടി​ക്കുക. “തോക്ക്‌ എടുക്കാ​തെ ഞാൻ ഒരിക്ക​ലും പുറത്തു പോകു​മാ​യി​രു​ന്നില്ല,” അദ്ദേഹം പറയുന്നു. “ആവുന്നത്ര പ്രമുഖ രാഷ്‌ട്രീ​യ​ക്കാ​രെ​യും മുതലാ​ളിത്ത വാദി​ക​ളെ​യും വകവരു​ത്തുക എന്നതാ​യി​രു​ന്നു എന്റെ പദ്ധതി. ആ ലക്ഷ്യത്തി​നാ​യി എന്റെ ജീവൻ പണയ​പ്പെ​ടു​ത്താൻ ഞാൻ ഒരുക്ക​മാ​യി​രു​ന്നു.”

മൈക്കിൾ പള്ളിയിൽ പോയി​രു​ന്നു. എന്നാൽ ജീവി​ത​ത്തി​ന്റെ യഥാർഥ ഉദ്ദേശ്യം എന്താ​ണെന്നു പള്ളിയി​ലുള്ള ആർക്കും വിശദീ​ക​രി​ക്കാൻ കഴിഞ്ഞില്ല. അതു​കൊണ്ട്‌, യഹോ​വ​യു​ടെ സാക്ഷികൾ വീട്ടിൽ ചെന്ന്‌ അദ്ദേഹ​ത്തി​ന്റെ ചോദ്യ​ങ്ങൾക്കു ബൈബി​ളിൽനിന്ന്‌ ഉത്തരം കാണി​ച്ചു​കൊ​ടു​ത്ത​പ്പോൾ മൈക്കിൾ ശ്രദ്ധാ​പൂർവം കേട്ടു. യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക രാജ്യ​ഹാ​ളി​ലെ ആരാധനാ യോഗ​ങ്ങ​ളിൽ അദ്ദേഹം ഹാജരാ​കാൻ തുടങ്ങി.

മൈക്കി​ളി​നു ബൈബി​ളിൽ പുതു​താ​യി ഉണ്ടായ താത്‌പ​ര്യം സംബന്ധിച്ച്‌ അദ്ദേഹ​ത്തി​ന്റെ സുഹൃ​ത്തു​ക്കൾ ജിജ്ഞാ​സു​ക്ക​ളാ​യി. “ഈ ഞായറാ​ഴ്‌ചത്തെ യോഗ​ത്തി​നു വരിക. കുറച്ചു നേരം അവിടെ ഇരിക്കുക. കേൾക്കുന്ന കാര്യങ്ങൾ നിങ്ങൾക്ക്‌ ഇഷ്ടപ്പെ​ടു​ന്നി​ല്ലെ​ങ്കിൽ വീട്ടിൽ പോകുക” എന്നിങ്ങനെ മൈക്കിൾ അവരെ ഉദ്‌ബോ​ധി​പ്പി​ച്ചു. അങ്ങനെ​തന്നെ സംഭവി​ച്ചു, 45 മിനിറ്റു നേരത്തെ ബൈബിൾ അധിഷ്‌ഠിത പ്രസം​ഗ​ത്തി​നു ശേഷം അദ്ദേഹ​ത്തി​ന്റെ മിക്ക സുഹൃ​ത്തു​ക്ക​ളും ഹാൾ വിട്ടു​പോ​യി. എന്നാൽ ഒരാൾ, സൂസൻ, പോയില്ല. കേട്ട കാര്യങ്ങൾ ആ ചെറു​പ്പ​ക്കാ​രി​യെ ഏറെ ആകർഷി​ച്ചു. പിന്നീടു വിവാ​ഹി​ത​രായ മൈക്കി​ളും സൂസനും യഹോ​വ​യു​ടെ സാക്ഷി​ക​ളാ​യി സ്‌നാ​പനം ഏറ്റു. “നാം ഭൂമി​യിൽ ആയിരി​ക്കു​ന്നത്‌ എന്തു​കൊ​ണ്ടാ​ണെന്ന്‌ എനിക്ക്‌ ഇപ്പോൾ അറിയാം,” മൈക്കിൾ പറയുന്നു. “നമ്മെ സൃഷ്ടി​ച്ചതു യഹോ​വ​യാണ്‌. അവനെ അറിയു​ന്ന​തും അവന്റെ ഇഷ്ടം ചെയ്യു​ന്ന​തു​മാണ്‌ നമ്മുടെ യഥാർഥ ജീവി​ത​ല​ക്ഷ്യം. അതാണ്‌ യഥാർഥ സംതൃ​പ്‌തി കൈവ​രു​ത്തു​ന്ന​തും!”

ലക്ഷക്കണ​ക്കിന്‌ ആളുകൾക്കു മൈക്കി​ളി​നുള്ള അതേ ബോധ്യ​മുണ്ട്‌. അവർ ബൈബി​ളി​ലെ പിൻവ​രുന്ന വാക്കുകൾ ഗൗരവ​മാ​യി എടുക്കു​ന്നു: “എല്ലാറ്റി​ന്റെ​യും സാരം കേൾക്കുക; ദൈവത്തെ ഭയപ്പെട്ടു അവന്റെ കല്‌പ​ന​കളെ പ്രമാ​ണി​ച്ചു​കൊൾക; അതു ആകുന്നു സകലമ​നു​ഷ്യർക്കും വേണ്ടു​ന്നതു.”—സഭാ​പ്ര​സം​ഗി 12:13.

ജീവി​ത​പ്ര​ശ്‌നങ്ങൾ തരണം ചെയ്യൽ

2 തിമൊ​ഥെ​യൊസ്‌ 3:1-ൽ കാണുന്ന പ്രവച​ന​ത്തി​ന്റെ നിവൃത്തി നമു​ക്കെ​ല്ലാം അനുഭ​വ​വേ​ദ്യ​മാണ്‌: “അന്ത്യകാ​ലത്തു ദുർഘ​ട​സ​മ​യങ്ങൾ വരും.” “ദുർഘ​ട​സ​മയങ്ങ”ളുടെ പ്രശ്‌ന​ങ്ങ​ളിൽനി​ന്നു രക്ഷപ്പെ​ടാൻ ആർക്കും കഴിയില്ല. എന്നാൽ അവയെ നേരി​ടാൻ ബൈബിൾ നമ്മെ സഹായി​ക്കു​ന്നു.

ദമ്പതി​ക​ളാ​യ സ്റ്റീവ​ന്റെ​യും ഒലിവി​ന്റെ​യും കാര്യം പരിചി​ന്തി​ക്കുക. യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി​യ​പ്പോൾ മറ്റ്‌ അനേക​രെ​യും പോലെ അവർക്കും ദാമ്പത്യ പ്രശ്‌നങ്ങൾ ഉണ്ടായി​രു​ന്നു. “ഞങ്ങൾ പരസ്‌പരം അകലു​ക​യാ​യി​രു​ന്നു” എന്ന്‌ സ്റ്റീവൻ പറയുന്നു. “ഞങ്ങൾക്കു വ്യത്യസ്‌ത ലക്ഷ്യങ്ങ​ളും താത്‌പ​ര്യ​ങ്ങ​ളു​മാണ്‌ ഉണ്ടായി​രു​ന്നത്‌.” ഒന്നിച്ചു​നിൽക്കാൻ അവരെ സഹായി​ച്ചത്‌ എന്തായി​രു​ന്നു? “ജീവി​ത​ത്തിൽ ബൈബിൾ തത്ത്വങ്ങൾ എങ്ങനെ ബാധക​മാ​ക്കാൻ കഴിയു​മെന്ന്‌ യഹോ​വ​യു​ടെ സാക്ഷികൾ ഞങ്ങൾക്കു കാണി​ച്ചു​തന്നു” എന്ന്‌ സ്റ്റീവൻ തുടർന്നു പറയുന്നു. “നിസ്വാർഥ​രും പരിപാ​ലി​ക്കു​ന്ന​വ​രും ആയിരി​ക്കുക എന്നതിന്റെ അർഥം എന്തെന്നു ഞങ്ങൾ ആദ്യമാ​യി മനസ്സി​ലാ​ക്കി. ബൈബിൾ തത്ത്വങ്ങൾ ബാധക​മാ​ക്കി​യതു ഞങ്ങളുടെ ബന്ധം അരക്കി​ട്ടു​റ​പ്പി​ച്ചു. ഞങ്ങൾ ഇപ്പോൾ സന്തുഷ്ട​വും സുസ്ഥി​ര​വു​മായ ഒരു വിവാഹ ജീവിതം ആസ്വദി​ക്കു​ന്നു.”

ദൈവ​വു​മാ​യി ഒരു അടുത്ത ബന്ധം

അടുത്ത കാലത്തെ ഒരു അഭി​പ്രായ വോ​ട്ടെ​ടുപ്പ്‌ അനുസ​രിച്ച്‌, 96 ശതമാനം അമേരി​ക്ക​ക്കാ​രും ദൈവ​ത്തിൽ വിശ്വ​സി​ക്കു​ന്നു. അവരിൽ മിക്കവ​രും അവനോ​ടു പ്രാർഥി​ക്കു​ക​യും ചെയ്യുന്നു. എന്നാൽ, പള്ളിയി​ലെ​യും സിന​ഗോ​ഗി​ലെ​യും ഹാജർ ഇപ്പോൾ കഴിഞ്ഞ അര നൂറ്റാ​ണ്ടിൽ വെച്ച്‌ ഏറ്റവും താഴെ​യാ​ണെന്നു മറ്റൊരു അഭി​പ്രായ വോ​ട്ടെ​ടു​പ്പു പ്രകട​മാ​ക്കി. മാസത്തിൽ ഒരിക്ക​ലോ അതിലും കുറച്ചോ മാത്രമേ തങ്ങൾ പള്ളിയിൽ പോകു​ന്നു​ള്ളു​വെന്ന്‌ ഏതാണ്ട്‌ 58 ശതമാനം അമേരി​ക്ക​ക്കാർ പറയുന്നു. വ്യക്തമാ​യും, മതം അവരെ ദൈവ​ത്തി​ലേക്ക്‌ അടുപ്പി​ച്ചി​ട്ടില്ല. ഇത്‌ ഐക്യ​നാ​ടു​ക​ളിൽ മാത്ര​മുള്ള ഒരു പ്രശ്‌നമല്ല.

ലിൻഡ വളർന്നത്‌ ജർമനി​യി​ലെ ബവെറി​യ​യി​ലാണ്‌. അവൾ ഒരു കത്തോ​ലി​ക്കാ മതഭക്ത ആയിരു​ന്നു. അവൾ പതിവാ​യി പ്രാർഥി​ക്കു​ക​യും ചെയ്‌തി​രു​ന്നു. അതേസ​മയം, ഭാവിയെ കുറിച്ച്‌ അവൾക്കു ഭയമാ​യി​രു​ന്നു. മനുഷ്യ​രെ സംബന്ധിച്ച ദൈവ​ത്തി​ന്റെ ഉദ്ദേശ്യ​ത്തെ​ക്കു​റിച്ച്‌ അവൾക്ക്‌ ഒന്നും അറിയി​ല്ലാ​യി​രു​ന്നു. വെറും 14 വയസ്സു​ള്ള​പ്പോൾ അവൾ യഹോ​വ​യു​ടെ സാക്ഷി​കളെ കണ്ടുമു​ട്ടി. അവൾ പറയുന്നു: “അവർ പറഞ്ഞ കാര്യങ്ങൾ രസകര​മാ​യി​രു​ന്നു. അതു​കൊണ്ട്‌ ഞാൻ രണ്ട്‌ ബൈബിൾ പഠന സഹായി​കൾ സ്വീക​രിച്ച്‌ ഉടനടി വായിച്ചു.” രണ്ടു വർഷം കഴിഞ്ഞ്‌ ലിൻഡ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി. “ദൈവ​ത്തെ​ക്കു​റി​ച്ചു ഞാൻ ബൈബി​ളിൽ നിന്നു പഠിച്ച കാര്യ​ങ്ങ​ളെ​ല്ലാം അർഥവ​ത്താ​യി​രു​ന്നു” എന്ന്‌ അവൾ പറയുന്നു. ലിൻഡ പള്ളിയിൽ നിന്നു രാജി വെച്ച്‌ 18-ാം വയസ്സിൽ ഒരു യഹോ​വ​യു​ടെ സാക്ഷി​യാ​യി സ്‌നാ​പ​ന​മേറ്റു.

മതം മാറാൻ ലിൻഡയെ പ്രേരി​പ്പി​ച്ചത്‌ എന്തായി​രു​ന്നു? അവൾ വിശദീ​ക​രി​ക്കു​ന്നു: “ഒരു ദൈവം ഉണ്ടെന്നു മനസ്സി​ലാ​ക്കാൻ പള്ളി എന്നെ സഹായി​ച്ചു. അവനിൽ വിശ്വ​സി​ക്കാൻ ഞാൻ പഠിച്ചു. എന്നാൽ അവൻ അമൂർത്ത​നും വളരെ അകന്നവ​നും ആയിരു​ന്നു. എന്റെ ബൈബിൾ പഠനം ദൈവ​ത്തി​ലുള്ള എന്റെ വിശ്വാ​സത്തെ ബലിഷ്‌ഠ​മാ​ക്കുക മാത്രമല്ല, അവനെ അറിയാ​നും സ്‌നേ​ഹി​ക്കാ​നും എന്നെ സഹായി​ക്കു​ക​യും ചെയ്‌തു. എനിക്ക്‌ ഇപ്പോൾ അവനു​മാ​യി അമൂല്യ​മായ ഒരു വ്യക്തിഗത ബന്ധമുണ്ട്‌. അതു മറ്റ്‌ എന്തി​നെ​ക്കാ​ളും വില​യേ​റി​യ​താണ്‌.”

സത്യമതം മൂല്യ​വ​ത്താണ്‌!

നിങ്ങളു​ടെ മതം നിങ്ങൾക്ക്‌ ആത്മീയ മാർഗ​ദർശനം തരിക​യും ജീവി​ത​പ്ര​ശ്‌ന​ങ്ങളെ നേരി​ടാൻ ബൈബി​ളി​നു നിങ്ങളെ എങ്ങനെ സഹായി​ക്കാ​നാ​കു​മെന്നു കാണിച്ചു തരിക​യും ചെയ്യു​ന്നു​ണ്ടോ? ഭാവി സംബന്ധിച്ച ബൈബിൾ പ്രത്യാശ അതു പഠിപ്പി​ക്കു​ന്നു​ണ്ടോ? അതു നിങ്ങളെ സ്രഷ്ടാ​വു​മാ​യി സൂക്ഷ്‌മ ബൈബിൾ പരിജ്ഞാ​ന​ത്തിൽ അധിഷ്‌ഠി​ത​മായ ഒരു അടുത്ത വ്യക്തിഗത ബന്ധത്തി​ലേക്കു കൊണ്ടു​വ​രു​ന്നു​ണ്ടോ? ഇല്ലെങ്കിൽ പിൻവാ​ങ്ങ​രുത്‌. മതം ഉപേക്ഷി​ക്കു​ന്ന​തി​നു പകരം, ബൈബി​ളിൽ ദൃഢമായ അടിസ്ഥാ​ന​മുള്ള ഒരു ആരാധനാ രീതി തേടുക. അപ്പോൾ നിങ്ങൾ ബൈബി​ളി​ലെ യെശയ്യാ പുസ്‌ത​ക​ത്തിൽ പ്രവചി​ക്ക​പ്പെ​ട്ടി​രി​ക്കു​ന്ന​വരെ പോലെ ആയിരി​ക്കും: “അതു​കൊ​ണ്ടു യഹോ​വ​യായ കർത്താവു ഇപ്രകാ​രം അരുളി​ച്ചെ​യ്യു​ന്നു: ഇതാ, എന്റെ ദാസന്മാർ ഭക്ഷിക്കും; . . . എന്റെ ദാസന്മാർ പാനം​ചെ​യ്യും; . . . എന്റെ ദാസന്മാർ സന്തോ​ഷി​ക്കും; . . . എന്റെ ദാസന്മാർ ഹൃദയാ​ന​ന്ദം​കൊ​ണ്ടു ഘോഷി​ക്കും.”—യെശയ്യാ​വു 65:13, 14.

[അടിക്കു​റി​പ്പു​കൾ]

[4, 5 പേജു​ക​ളി​ലെ ചിത്രങ്ങൾ]

ദൈവത്തെ അറിയാ​നും സ്‌നേ​ഹി​ക്കാ​നും ബൈബിൾ നമ്മെ സഹായി​ക്കു​ന്നു