രാജ്യ​സ​ന്ദേശം പരത്തു​ന്ന​തിൽ തീക്ഷ്‌ണ​ത​യു​ള​ള​വ​രാ​യി​രി​ക്കുക

¹ യഹോവ സൽപ്ര​വൃ​ത്തി​ക​ളു​ടെ ഒരു ദൈവ​മാ​കു​ന്നു, അവ സാധി​ത​മാ​ക്കു​ന്ന​തിൽ അവൻ തീക്ഷ്‌ണ​ത​യു​ള​ള​വ​നു​മാണ്‌. അവൻ ചെയ്യു​ന്ന​തെ​ല്ലാം തന്നെ സേവി​ക്കു​ന്ന​വ​രു​ടെ നൻമക്കു​വേ​ണ്ടി​യാണ്‌. യേശു തന്റെ പിതാ​വി​നെ അനുക​രി​ക്കു​ന്ന​തിൽ നല്ല ദൃഷ്‌ടാ​ന്തം​വെച്ചു. ഒരു സന്ദർഭ​ത്തിൽ യഹോ​വ​യു​ടെ ഭവനത്തി​ലു​ളള തീക്ഷ്‌ണത അതിനെ വാണി​ജ്യ​ശാല ആക്കുന്ന​വരെ ആലയത്തിൽനി​ന്നു തുരത്തു​ന്ന​തിന്‌ അവനെ പ്രേരി​പ്പി​ച്ചു. (യോഹ. 2:14-17) നമ്മളും “സൽപ്ര​വർത്തി​കൾക്കു തീക്ഷ്‌ണ​ത​യു​ളള” ഒരു ജനമായി തിരി​ച്ച​റി​യ​പ്പെ​ടാൻ ആഗ്രഹി​ക്കു​ന്നെ​ങ്കിൽ യഹോ​വ​ക്കു​വേ​ണ്ടി​യു​ളള നമ്മുടെ സേവന​ത്തിൽ നാമും തീക്ഷ്‌ണത പ്രകട​മാ​ക്കണം.—തീത്തോ. 2:14.

² ക്രിസ്‌ത്യാ​നി​ക​ളു​ടെ സൽപ്ര​വൃ​ത്തി​കൾ മററു​ള​ള​വർക്കു പ്രയോ​ജനം ചെയ്യുന്നു. മറെറാ​രാൾക്കു​വേണ്ടി നമുക്കു ചെയ്യാൻ കഴിയുന്ന ഏററവും പ്രയോ​ജ​ന​ക​ര​മായ സംഗതി യഹോ​വയെ അറിയാ​നും സേവി​ക്കാ​നും അയാളെ സഹായി​ക്ക​യാണ്‌. (യോഹ. 17:3) നമ്മുടെ തീക്ഷ്‌ണ​മായ രാജ്യ​പ്ര​സം​ഗ​വും ശിഷ്യ​രാ​ക്ക​ലു​മാ​കുന്ന വേല മുഖാ​ന്ത​ര​മാണ്‌ നാം അങ്ങനെ​യു​ളള സഹായം വെച്ചു​നീ​ട്ടു​ന്നത്‌.

³ തീക്ഷ്‌ണത എന്നാ​ലെ​ന്താണ്‌? തീക്ഷ്‌ണത ശുഷ്‌കാ​ന്തി​യാണ്‌. ക്രിസ്‌തീയ തീക്ഷ്‌ണത ശരിയും ഉചിത​വു​മാ​യത്‌ ചെയ്യാ​നു​ളള ആത്‌മാർത്ഥ​മായ ആഗ്രഹ​ത്തിൽനി​ന്നാണ്‌ ഉടലെ​ടു​ക്കു​ന്നത്‌. “തീക്ത്‌ണത” എന്നതി​നു​ളള ഗ്രീക്ക്‌ പദത്തിന്റെ അർത്ഥം “തിളക്കുക”യെന്നാണ്‌. ദൈവ​ത്തി​ന്റെ ശുശ്രൂ​ഷ​ക​രെന്ന നിലയിൽ നാം രാജ്യ​സ​ന്ദേശം പരത്തു​മ്പോൾ നാം ഈ ഗുണം പ്രകട​മാ​ക്കണം. നാം ശുശ്രൂ​ഷ​യിൽ തീക്ഷ്‌ണ​ത​യു​ള​ള​വ​രാ​ണോ? യഹോ​വ​യു​ടെ ഉദ്ദേശ്യ​ങ്ങ​ളെ​ക്കു​റി​ച്ചു പഠിക്കാൻ മററു​ള​ള​വരെ സഹായി​ക്കു​ന്ന​തിന്‌ നമ്മാൽ കഴിയു​ന്ന​തെ​ല്ലാം നാം ചെയ്യു​ന്നു​ണ്ടോ?

ലഘുപ​ത്രി​കകൾ സമർപ്പി​ക്കു​ന്ന​തിൽ തീക്ഷ്‌ണത പ്രകട​മാ​ക്കു​ക

⁴ സെപ്‌റ​റം​ബർ മാസത്തിൽ സ്‌കൂ​ളും യഹോ​വ​യു​ടെ സാക്ഷി​ക​ളും ഒഴിച്ചു​ളള 32-പേജ്‌ ലഘുപ​ത്രി​ക​ക​ളിൽ ഏതെങ്കി​ലും സമർപ്പി​ക്കാ​നു​ളള പദവി നമുക്കു വീണ്ടും ഉണ്ടായി​രി​ക്കും. നമുക്ക്‌ ഭൂമി​യിൽ എന്നേക്കും ജീവിതം ആസ്വദി​ക്കുക! “നോക്കൂ! ഞാൻ സകലവും പുതു​താ​ക്കു​ന്നു,” നിങ്ങൾ ത്രിത്വ​ത്തിൽ വിശ്വ​സി​ക്ക​ണ​മോ?, എന്നേക്കും നിലനിൽക്കുന്ന ദിവ്യ​നാ​മം (ഇംഗ്ലീഷ്‌), പറുദീ​സാ സ്ഥാപി​ക്കുന്ന ഗവൺമെൻറ്‌ എന്നിവ സമർപ്പി​ക്കാ​വു​ന്ന​താണ്‌. പ്രദേ​ശ​ത്തി​നും നിങ്ങൾ വാതിൽക്കൽ കണ്ടുമു​ട്ടുന്ന ആളിനും ഏററവും ഉചിത​മെന്നു തോന്നുന്ന ഏതു ലഘുപ​ത്രി​ക​യും സമർപ്പി​ക്കാൻ ഒരുങ്ങി​യി​രി​ക്കുക.

⁵ രാജ്യ​സ​ന്ദേശം പരത്തു​ന്ന​തിൽ തീക്ഷ്‌ണ​രാ​യി​രി​ക്കു​ന്ന​തിന്‌ നന്നായി തയ്യാറാ​യി​രി​ക്കേ​ണ്ട​തുണ്ട്‌. ഇപ്പോ​ഴത്തെ സംഭാ​ഷ​ണ​വി​ഷയം നമുക്ക്‌ പരിചി​ത​മാ​ണോ? സംഭാ​ഷ​ണ​വി​ഷ​യത്തെ നമുക്ക്‌ നാം സമർപ്പി​ക്കുന്ന ലഘുപ​ത്രി​ക​യോട്‌ എങ്ങനെ ബന്ധിപ്പി​ക്കാം? ലഘുപ​ത്രി​ക​ക​ളി​ലെ ഏത്‌ പ്രത്യേക പോയിൻറു​കൾ നമുക്കു പറയാൻ കഴിയും? നാം അഞ്ചു ലഘുപ​ത്രി​ക​ക​ളും പരിചി​ത​മാ​ക്കു​ന്ന​തിന്‌ സമയ​മെ​ടു​ക്കു​ക​യും നമ്മുടെ സ്വന്തമ​ന​സ്സു​ക​ളിൽ അവസം​ബ​ന്ധിച്ച്‌ ഉത്‌സാ​ഹം വർദ്ധി​പ്പി​ക്കു​ക​യും ചെയ്യു​ന്നു​വെ​ങ്കിൽ നമ്മുടെ പ്രദേ​ശ​ത്തു​ള​ള​വർക്ക്‌ തീക്ഷ്‌ണ​ത​യോ​ടെ അവ അവതരി​പ്പി​ക്കാൻ നാം സജ്ജരാ​യി​രി​ക്കും.

ലഘുപ​ത്രി​കകൾ സമർപ്പി​ക്കു​ന്ന​തി​നു​ളള നിർദ്ദേ​ശ​ങ്ങൾ

⁶ നിങ്ങ​ളെ​ത്തന്നെ പരിച​യ​പ്പെ​ടു​ത്തി​യ​ശേഷം നിങ്ങൾക്കി​ങ്ങനെ പറയാ​വു​ന്ന​താണ്‌: “ഇന്ന്‌ ലോക​ത്തി​ലു​ളള ദുഷ്‌ട​ത​യിൽ ദൈവ​ത്തിന്‌ ഉൽക്കണ്‌ഠ​യു​ണ്ടോ എന്ന്‌ അറിയാൻ നിങ്ങൾ എന്നെങ്കി​ലും ആഗ്രഹി​ച്ചി​ട്ടു​ണ്ടോ? [മറുപടി പറയാൻ അനുവ​ദി​ക്കുക.] പെട്ടെ​ന്നു​തന്നെ ദുഷ്‌ടൻമാർ നിർമ്മൂ​ല​മാ​ക്ക​പ്പെ​ടു​മെന്ന്‌ ബൈബിൾ വിശദീ​ക​രി​ക്കു​ന്നു. [സങ്കീർത്തനം 92:7 വായി​ക്കുക.] വാസ്‌ത​വ​മി​താ​ക​യാൽ യഥാർത്ഥ മാർഗ്ഗ​ദർശ​ന​ത്തി​നും സംരക്ഷ​ണ​ത്തി​നും വേണ്ടി നമുക്ക്‌ ആരി​ലേക്കു തിരി​യാൻ കഴിയും? [സങ്കീർത്തനം 145:20 വായി​ക്കുക.] അതു​കൊണ്ട്‌ നമ്മുടെ ഏക രക്ഷാമാർഗ്ഗം നമ്മുടെ സ്രഷ്‌ടാ​വായ യഹോ​വ​യാം ദൈവ​വു​മാ​യു​ളള ഒരു ബന്ധത്തി​ലൂ​ടെ​യാണ്‌ കൈവ​രു​ന്നത്‌. അവൻ അനുസ​ര​ണ​മു​ളള സകല മനുഷ്യ​വർഗ്ഗ​ത്തി​നും വാഗ്‌ദാ​നം ചെയ്യുന്ന അനു​ഗ്ര​ഹങ്ങൾ നാം പരിചി​ന്തി​ക്കേ​ണ്ട​തുണ്ട്‌.” പിന്നീട്‌ നിങ്ങൾക്ക്‌ ഭൂമി​യി​ലെ ജീവിതം ലഘുപ​ത്രി​ക​യി​ലെ 49-ാം ചിത്ര​ത്തി​ലേക്ക്‌ തിരിഞ്ഞ്‌ ചിത്രീ​ക​രി​ക്ക​പ്പെ​ട്ടി​രി​ക്കുന്ന അനു​ഗ്ര​ഹ​ങ്ങളെ പ്രദീ​പ്‌ത​മാ​ക്കുന്ന ചിത്ര​വി​വ​രണം വായി​ക്കാൻ കഴിയും. അല്ലെങ്കിൽ ഗവൺമെൻറ്‌ ലഘുപ​ത്രി​ക​യി​ലെ 29-ാം പേജി​ലേക്കു തിരിഞ്ഞ്‌ അവിടെ വിശദീ​ക​രി​ക്ക​പ്പെ​ട്ടി​രി​ക്കുന്ന അനു​ഗ്ര​ഹങ്ങൾ ചർച്ച​ചെ​യ്യുക. ചിലർ ദൈവ​രാ​ജ്യം മനുഷ്യ​വർഗ്ഗ​ത്തി​നു​വേണ്ടി എന്തു ചെയ്യു​മെന്ന്‌ വിശദീ​ക​രി​ക്കു​ന്ന​തിന്‌ “നോക്കൂ!” ലഘുപ​ത്രി​ക​യു​ടെ 49-ഉം 50-ഉം ഖണ്ഡികകൾ ഉപയോ​ഗി​ക്കാൻ ആഗ്രഹി​ച്ചേ​ക്കാം.

⁷ ഇവ ദുർഘ​ട​കാ​ല​ങ്ങ​ളാ​ക​യാൽ നാം വഹിക്കുന്ന സന്ദേശം അടിയ​ന്തി​ര​മാണ്‌. നാം രാജ്യ​സ​ന്ദേശം പരത്തു​ന്ന​തിൽ തീക്ഷ്‌ണ​ത​യു​ള​ള​വ​രാ​യി​രി​ക്കേണ്ട ആവശ്യ​മുണ്ട്‌, ദൈവ​ത്തോ​ടും അവന്റെ വചന​ത്തോ​ടും പരിച​യ​പ്പെ​ടാൻ മററു​ള​ള​വരെ പ്രോ​ത്‌സാ​ഹി​പ്പി​ച്ചു​കൊ​ണ്ടു​തന്നെ. ജീവദാ​യ​ക​മായ പരിജ്ഞാ​നം തീക്ഷ്‌ണ​മാ​യി പരത്തി​ക്കൊണ്ട്‌ നാം നമ്മുടെ ദൈവി​ക​ഭ​ക്തി​യു​ടെ​യും യഹോ​വ​യോ​ടു​ളള സ്‌നേ​ഹ​ത്തി​ന്റെ​യും തെളിവു നൽകുന്നു. നിങ്ങ​ളോ​ടു​തന്നെ ചോദി​ക്കുക: ‘ഞാൻ സൽപ്ര​വൃ​ത്തി​കൾക്ക്‌ തീക്ഷ്‌ണ​ത​യു​ള​ള​വ​നാ​ണോ? പ്രസംഗ പ്രവർത്ത​ന​ത്തി​നു​ളള എന്റെ പിന്തു​ണയെ ഉത്‌സു​ക​വും സർവാ​ത്‌മനാ ഉളളതു​മെന്ന്‌ വർണ്ണി​ക്കാൻ കഴിയു​മോ?’ നമ്മുടെ ഉത്തരങ്ങൾ നമ്മുടെ തീക്ഷ്‌ണ​ത​യു​ടെ ഗുണ​ത്തെ​ക്കു​റിച്ച്‌ വളരെ​യ​ധി​കം നമ്മെ അറിയി​ക്കും. രാജ്യ​സ​ന്ദേശം പരത്തു​ന്ന​തിൽ നാം എത്രയ​ധി​കം പങ്കെടു​ക്കു​ന്നു​വോ അത്ര വലുതാ​യി​രി​ക്കും നമ്മുടെ തീക്ഷ്‌ണത. നാം യഥാർത്ഥ​ത്തിൽ സൽപ്ര​വൃ​ത്തി​കൾക്കു തീക്ഷ്‌ണ​ത​യു​ളള ഒരു ജനമാ​ണെന്ന്‌ മററു​ള​ളവർ കാണും.