നിങ്ങൾ ഒരു ബൈബി​ള​ദ്ധ്യ​യനം നടത്താൻ ആഗ്രഹി​ക്കേ​ണ്ട​തെ​ന്തു​കൊണ്ട്‌?

¹ ഒരു ക്രിസ്‌ത്യാ​നി​യെ​സം​ബ​ന്ധി​ച്ച​ട​ത്തോ​ളം ഏററം പ്രതി​ഫ​ല​ദാ​യ​ക​മായ അനുഭ​വ​ങ്ങ​ളി​ലൊന്ന്‌ യേശു​വി​ന്റെ ശിഷ്യ​നാ​യി​ത്തീ​രാൻ മറെറാ​രാ​ളെ സഹായി​ക്കു​ന്ന​തിന്‌ യഹോ​വ​യാൽ ഉപയോ​ഗി​ക്ക​പ്പെ​ടു​ന്ന​താണ്‌. (മത്താ. 28:19, 20; 1 കൊരി. 3:6, 9) ഈ വിധത്തിൽ നാം സഹായി​ക്കു​ന്ന​വർക്ക്‌ അത്‌ നിത്യ​ജീ​വൻ കൈവ​രു​ത്തി​യേ​ക്കാം.

² പഠിപ്പി​ക്കു​ന്ന​യാ​ളും പഠിക്കു​ന്ന​യാ​ളും തമ്മിൽ വളരെ അടുത്ത ഒരു ബന്ധം വികാ​സം​പ്രാ​പി​ക്കു​ന്നു. വിദ്യാർത്ഥി​യു​ടെ ആത്‌മീ​യ​വ​ളർച്ച തീർച്ച​യാ​യും വലിയ സന്തോ​ഷ​ത്തി​ന്റെ ഒരു ഉറവാണ്‌. (1 തെസ്സ. 2:11, 19, 20) അതു​കൊണ്ട്‌, തന്റെ കുടും​ബ​ത്തി​നു പുറത്ത്‌ കുറഞ്ഞ​പക്ഷം ഒരു ഭവന​ബൈ​ബി​ള​ദ്ധ്യ​യ​ന​മെ​ങ്കി​ലും നടത്തു​ക​യെ​ന്ന​താ​യി​രി​ക്കണം ഓരോ ക്രിസ്‌ത്യാ​നി​യു​ടെ​യും ലാക്ക്‌. തീർച്ച​യാ​യും സ്വന്തം കുടും​ബ​വു​മാ​യി അർത്ഥവ​ത്തും നിരന്ത​ര​വു​മായ ഒരു അദ്ധ്യയനം നടത്തു​ക​യെ​ന്നത്‌ ഓരോ കുടും​ബ​ത്ത​ല​വ​ന്റെ​യും ഉത്തരവാ​ദി​ത്ത​മാണ്‌. പിതാവ്‌ ഒരു വിശ്വാ​സി​യ​ല്ലാത്ത കുടും​ബ​ങ്ങ​ളിൽ കുട്ടി​ക​ളു​മാ​യി ബൈബി​ള​ദ്ധ്യ​യനം നടത്തു​ന്ന​തിന്‌ ക്രിസ്‌തീയ മാതാവ്‌ സമുചിത ക്രമീ​ക​ര​ണങ്ങൾ ചെയ്യേ​ണ്ട​തുണ്ട്‌.

അദ്ധ്യയ​ന​ങ്ങൾക്കാ​യി പ്രാർത്ഥി​ക്കു​ക

³ നാം അന്ത്യകാ​ലത്ത്‌ ബഹുദൂ​രം എത്തിയി​രി​ക്കു​ന്ന​തു​കൊണ്ട്‌ ഫലപ്ര​ദ​മായ ബൈബിൾ അദ്ധ്യയ​നങ്ങൾ നടത്താൻ എല്ലാവ​രും ശ്രമം ചെയ്യേ​ണ്ട​താണ്‌. ഈ കാര്യ​ത്തിൽ യഹോ​വ​യോ​ടു​ളള നിരന്ത​ര​പ്രാർത്ഥന ഒരു ബൈബി​ള​ദ്ധ്യ​യനം നടത്താ​നു​ളള നമ്മുടെ ആത്‌മാർത്ഥ​മായ ആഗ്രഹത്തെ പ്രകട​മാ​ക്കു​ന്നു. ഉൾപ്പെ​ട്ടി​രി​ക്കുന്ന ജീവൻമ​ര​ണ​വി​വാ​ദ​വി​ഷയം നാം മനസ്സി​ലാ​ക്കു​ന്നു​ണ്ടെന്ന്‌ അതു പ്രകട​മാ​ക്കു​ന്നു. (യെഹെ. 33:7-9, 14-16) നമ്മുടെ മനസ്സാ​ക്ഷി​പൂർവ​ക​മായ ശ്രമങ്ങ​ളു​ടെ​മേൽ യഹോ​വ​യു​ടെ അനു​ഗ്രഹം ഉണ്ടാകു​മെന്ന്‌ നമുക്കു​റ​പ്പു​ണ്ടാ​യി​രി​ക്കാ​വു​ന്ന​താണ്‌.—1 യോഹ. 5:14, 15.

⁴ ശിഷ്യരെ ഉളവാ​ക്കു​ന്ന​തിൽ ഫലപ്ര​ദ​രാ​യി​ത്തീ​രു​ന്ന​തിന്‌ നാം നന്നായി തയ്യാറാ​കണം. ബൈബി​ള​ദ്ധ്യ​യ​നങ്ങൾ നടത്തു​ന്ന​തിൽ വൈദ​ഗ്‌ദ്ധ്യ​മു​ളള മററു​ള​ള​വരെ നിരീ​ക്ഷി​ക്കു​ന്ന​തും വളരെ സഹായ​ക​മാണ്‌. വരും​മാ​സ​ങ്ങ​ളിൽ ശിഷ്യരെ ഉളവാ​ക്കു​ന്ന​തിൽ ഫലപ്ര​ദ​രാ​യി​രി​ക്കുന്ന സഞ്ചാര​മേൽവി​ചാ​ര​കൻമാ​രിൽനി​ന്നും മററു​ള​ള​വ​രിൽനി​ന്നു​മു​ളള നിർദ്ദേ​ശങ്ങൾ ഞങ്ങൾ നൽകു​ന്ന​താ​യി​രി​ക്കും. ലേഖന​ങ്ങ​ളു​ടെ ഒരു പരമ്പര ഫലപ്ര​ദ​മായ ബൈബി​ള​ദ്ധ്യ​യ​നങ്ങൾ തുടങ്ങു​ന്ന​തും നടത്തു​ന്ന​തും സംബന്ധിച്ച പ്രാ​യോ​ഗി​ക​മായ ചില ആശയങ്ങളെ പ്രദീ​പ്‌ത​മാ​ക്കും.

ഭാവി ലേഖനങ്ങൾ

⁵ നമ്മുടെ രാജ്യ​ശു​ശ്രൂ​ഷ​യു​ടെ ഭാവി​ല​ക്ക​ങ്ങ​ളിൽ പരിചി​ന്തി​ക്ക​പ്പെ​ടുന്ന ഈ ആശയങ്ങ​ളിൽ ചിലത്‌ ഏവയാണ്‌? വിവിധ പ്രസാ​ധ​ക​രും പയനി​യർമാ​രും ബൈബി​ള​ദ്ധ്യ​യ​നങ്ങൾ തുടങ്ങി​യി​ട്ടു​ള​ള​തെ​ങ്ങ​നെ​യെ​ന്നും തങ്ങളുടെ അദ്ധ്യേ​താ​ക്ക​ളു​ടെ ഹൃദയ​ങ്ങ​ളിൽ എത്തുന്ന​തിന്‌ അവർ ഏതു പഠിപ്പി​ക്കൽരീ​തി​കൾ ഉപയോ​ഗി​ച്ചി​ട്ടു​ണ്ടെ​ന്നും നാം ചർച്ച​ചെ​യ്യും. യഹോ​വ​യു​ടെ സ്ഥാപന​ത്തേട്‌ വിലമ​തിപ്പ്‌ കെട്ടു​പ​ണി​ചെ​യ്യു​ന്നതു സംബന്ധി​ച്ചും വയൽസേ​വ​ന​ത്തിൽ പങ്കെടു​ക്കാ​നു​ളള ആഗ്രഹം നട്ടുവ​ളർത്തു​ന്നതു സംബന്ധി​ച്ചു​മു​ളള നിർദ്ദേ​ശ​ങ്ങ​ളും ഞങ്ങൾ പങ്കു​വെ​ക്കു​ന്ന​താ​യി​രി​ക്കും. നിങ്ങളു​ടെ കുട്ടികൾ യഹോ​വ​യു​മാ​യി വ്യക്തി​പ​ര​മായ അടുത്ത ബന്ധം വളർത്തി​യെ​ടു​ക്ക​ത്ത​ക്ക​വണ്ണം നിങ്ങളു​ടെ സ്വന്തം കുടുംബ ബൈബി​ള​ദ്ധ്യ​യ​നത്തെ കൂടുതൽ അർത്ഥവ​ത്താ​ക്കു​ന്നതു സംബന്ധിച്ച നിർദ്ദേ​ശ​ങ്ങ​ളും ഉണ്ടായി​രി​ക്കും.

⁶ കഴിഞ്ഞ നാലു സേവന​വർഷ​ങ്ങ​ളിൽ 9,59,834 പേർ ലോക​വ്യാ​പ​ക​മാ​യി സ്‌നാ​പ​ന​മേ​റ​റി​ട്ടുണ്ട്‌. ഇവരിൽ 836 പേർ ഇൻഡ്യ​യി​ലെ സഭകളിൽനി​ന്നു​ള​ള​വ​രാ​യി​രു​ന്നു. ഇവരിൽ ബഹുഭൂ​രി​പ​ക്ഷ​വും അവരോ​ടു​കൂ​ടെ ഒരു ബൈബി​ള​ദ്ധ്യ​യനം നടത്തിയ ഒരാളു​ടെ സഹായ​ത്തോ​ടെ​യാണ്‌ സ്‌നാ​പ​ന​ഘ​ട്ട​ത്തി​ലെ​ത്തി​യത്‌. സ്‌മാ​ര​ക​ത്തി​ന്റെ​യും നമ്മുടെ ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളു​ടെ​യും ഹാജർ സ്‌നാ​പ​ന​ത്തി​ലേക്കു പുരോ​ഗ​മി​ക്കാൻ സഹായി​ക്ക​പ്പെ​ടാ​വുന്ന അനേകർകൂ​ടെ ഉണ്ടെന്നു സൂചി​പ്പി​ക്കു​ന്നു. അങ്ങനെ​യു​ള​ള​വ​രു​മാ​യി അദ്ധ്യയ​നം​തു​ടങ്ങി നടത്താ​നു​ളള നമ്മുടെ ശ്രമങ്ങൾ തുടരു​ന്ന​തി​നാൽ ശിഷ്യ​രാ​യി​ത്തീ​രാ​നും ഒടുവിൽ നിത്യ​ജീ​വൻ ആസ്വദി​ക്കാ​നും അനേക​രെ​ക്കൂ​ടെ സഹായി​ക്കാൻ നാം പ്രാപ്‌ത​രാ​യി​ത്തീർന്നേ​ക്കാം.—1 തിമൊ.6:12, 19.