സഭാപു​സ്‌ത​കാ​ദ്ധ്യ​യന ക്രമീ​ക​ര​ണം

ഭാഗം 4: അന്യോ​ന്യം കെട്ടു​പ​ണി​ചെ​യ്യു​ന്ന​തിൽ തുടരുക

¹ ഒരു സഭാപു​സ്‌ത​കാ​ദ്ധ്യ​യ​ന​കൂ​ട്ട​ത്തി​ലെ ഓരോ​രു​ത്തർക്കും കൂട്ടത്തി​ലെ മററു​ള​ള​വ​രു​ടെ ആത്മീയാ​ഭി​വൃ​ദ്ധി​ക്കു​വേണ്ടി അർത്ഥവ​ത്തായ ഒരു പങ്കു വഹിക്കാൻ കഴിയും. ‘വിശേ​ഷാൽ അന്ത്യ അടുത്തു​വ​രു​മ്പോൾ മററു​ള​ള​വരെ സ്‌നേ​ഹ​ത്തി​നും സൽപ്ര​വൃ​ത്തി​കൾക്കും ഉത്സാഹി​പ്പി​ക്കു​വാ​നു’ളള തിരു​വെ​ഴു​ത്തു കൽപ്പന അനുസ​രി​ക്കാൻ നമ്മളെ​ല്ലാം ആഗ്രഹി​ക്കു​ന്നു.—എബ്രാ.10:24, 25.

² അന്യോ​ന്യം സഹായി​ക്കൽ: പുസ്‌ത​കാ​ദ്ധ്യ​യ​ന​ത്തിൽ ഒരു ഊഷ്‌മ​ള​മായ, സൗഹാർദ്ദാ​ന്ത​രീ​ക്ഷം സൃഷ്ടി​ക്കു​ന്ന​തിന്‌ എല്ലാവർക്കും സഹായി​ക്കാൻ കഴിയും. നാം ഓരോ​രു​ത്ത​രും മററം​ഗ​ങ്ങ​ളിൽ ഒരു വ്യക്തി​പ​ര​മായ താത്‌പ​ര്യം പ്രകട​മാ​ക്കു​മ്പോൾ അത്‌ കൂട്ടത്തി​ന്റെ അടുപ്പ​ത്തിന്‌ സംഭാവന ചെയ്യുന്നു. ഗലാത്യർ 6:10-ൽ, “എല്ലാവർക്കും നൻമ ചെയ്യുക, എന്നാൽ വിശേ​ഷാൽ വിശ്വാ​സ​ത്തിൽ നമ്മോടു ബന്ധപ്പെ​ട്ട​വർക്ക്‌” എന്ന്‌ നമുക്ക്‌ മാർഗ്ഗ​നിർദ്ദേശം നൽകി​യി​രി​ക്കു​ന്നു. ദൃഷ്ടാ​ന്ത​ത്തിന്‌ പുസ്‌ത​കാ​ദ്ധ്യ​യ​ന​ത്തിൽപെട്ട ആരെങ്കി​ലും അസുഖ​മാ​യിട്ട്‌ മീററിം​ഗിന്‌ ഹാജരാ​കാ​തി​രി​ക്കു​മ്പോൾ നിങ്ങൾ ശ്രദ്ധി​ക്കു​ന്നു​വോ? ഒരുപക്ഷേ നിങ്ങൾക്ക്‌ അവരു​മാ​യി ടെല​ഫോ​ണിൽ ബന്ധപ്പെ​ടാൻ കഴിയും അല്ലെങ്കിൽ അവരെ വ്യക്തി​പ​ര​മാ​യി സന്ദർശി​ക്കാൻ കഴിയും. ഒരു പുസ്‌ത​കാ​ദ്ധ്യ​യന കൂട്ടത്തി​ലെ അത്തരം ആത്‌മാവ്‌ സഹോ​ദ​ര​ങ്ങളെ കൂടുതൽ അടുപ്പി​ക്കു​ന്നു.

³ ചിലർക്ക്‌ ദൈനം​ദിന സമ്മർദ്ദ​ങ്ങ​ളാ​ലോ കുടുംബ ഉത്തരവാ​ദി​ത്ത​ങ്ങ​ളാ​ലോ അല്ലെങ്കിൽ മററു പ്രശ്‌ന​ങ്ങ​ളാ​ലോ പ്രോ​ത്സാ​ഹനം ആവശ്യ​മു​ണ്ടോ? സഹായി​ക്കാൻ നിങ്ങൾക്ക്‌ എന്തു ചെയ്യാൻ കഴിയും? മീററിം​ഗു​ക​ളിൽ മററു​ള​ള​വരെ കേവലം അഭിവാ​ദനം ചെയ്യു​ന്ന​ത​ല്ലാ​തെ അവരു​മാ​യി സംഭാ​ഷ​ണ​ത്തി​ലേർപ്പെ​ടു​ന്ന​തിന്‌ ഒരു പ്രത്യേക ശ്രമം ചെയ്യുക. ചിലർ ലജ്ജാ​പ്ര​വ​ണ​ത​യു​ള​ള​വ​രാ​യി​രി​ക്കാം, എന്നാൽ ആരെങ്കി​ലു​മാ​യി സംസാ​രി​ക്കാൻ അവർ നോക്കു​ന്നു​ണ്ടാ​യി​രി​ക്കാം, സമീപി​ച്ചാൽ പ്രതി​ക​രി​ക്കു​ക​യും ചെയ്‌തേ​ക്കാം. (ആരാധ​ന​യിൽ ഏകീകൃ​തർ പേ. 137-8) അപ്പോ​സ്‌ത​ല​നായ പൗലോസ്‌, “വിഷാ​ദ​മു​ളള ദേഹി​ക​ളോട്‌ ആശ്വാ​സ​പ്ര​ദ​മാ​യി സംസാ​രി​പ്പിൻ, ബലഹീ​നരെ പിന്താ​ങ്ങു​വിൻ, എല്ലാവ​രോ​ടും ദീർഘക്ഷമ കാണി​പ്പിൻ” എന്ന്‌ ക്രിസ്‌ത്യാ​നി​കളെ പ്രോൽസാ​ഹി​പ്പി​ച്ചു. (1 തെസ്സ. 5:14) ആരെങ്കി​ലും രോഗി​യോ നിരാ​ശി​ത​രോ ആണെങ്കിൽ സ്‌നേ​ഹി​തർ സന്ദർശി​ക്ക​യൊ സഹായം വാഗ്‌ദാ​നം ചെയ്യു​ക​യൊ ചെയ്യു​ന്നെ​ങ്കിൽ അത്‌ എത്ര ആശ്വാ​സ​ക​ര​മാ​യി​രി​ക്കും! മിക്ക​പ്പോ​ഴും മററാ​രെ​ങ്കി​ലും കരുതു​ന്നു​വെന്ന്‌ കേവലം അറിയേണ്ട ആവശ്യമേ ഉണ്ടായി​രി​ക്ക​യു​ളളു.

⁴ നാം വയൽസേ​വ​ന​ക്ര​മീ​ക​ര​ണ​ത്തോട്‌ സഹകരി​ക്കു​ന്ന​തി​നും ആഗ്രഹി​ക്കു​ന്നു. നാം കൂട്ടത്തി​ലെ വിവിധ ആളുക​ളോ​ടൊത്ത്‌ പ്രവർത്തി​ക്കാൻ ശ്രമി​ക്കണം. (2 കൊരി. 6:11-13; 12:15) ചില​പ്പോൾ പുസ്‌ത​കാ​ദ്ധ്യ​യന നിർവാ​ഹകൻ ആരെ​യെ​ങ്കി​ലും സഹായി​ക്കാൻ നമ്മോട്‌ ആവശ്യ​പ്പെ​ട്ടേ​ക്കാം. നാം എങ്ങനെ പ്രതി​ക​രി​ക്കും? പ്രസാ​ധ​ക​രും പയനി​യർമാ​രും പ്രസം​ഗ​വും ശിഷ്യ​രാ​ക്ക​ലും വേലയു​ടെ വിവിധ വശങ്ങളിൽ ഒത്തൊ​രു​മി​ച്ചു പ്രവർത്തി​ക്കു​മ്പോൾ പുസ്‌ത​കാ​ദ്ധ്യ​യ​ന​കൂ​ട്ടം വളരെ​യ​ധി​കം ശക്തി​പ്പെ​ടു​ന്നു.

⁵ നിങ്ങൾക്ക്‌ പുസ്‌ത​കാ​ദ്ധ്യ​യന ക്രമീ​ക​ര​ണ​ത്തി​നു സംഭാവന ചെയ്യാൻ കഴിയുന്ന മററു വിധങ്ങ​ളുണ്ട്‌. നിങ്ങളു​ടെ നല്ല ദൃഷ്ടാന്തം പ്രധാ​ന​മാണ്‌. ദൃഷ്ടാ​ന്ത​ത്തിന്‌, നിങ്ങൾ രാജ്യ​ഹോ​ളി​ലെ ഒരു മീററിം​ഗിന്‌ ഹാജരാ​കു​മ്പോ​ഴെ​ന്ന​പോ​ലെ വസ്‌ത്ര​ധാ​രണം നടത്തു​മ്പോൾ നിങ്ങൾ ആദരവു കാണി​ക്കു​ന്നു. അശ്രദ്ധ​മാ​യി വസ്‌ത്രം ധരിക്കുന്ന ശീലം വികസി​പ്പി​ച്ചി​ട്ടു​ണ്ടാ​യി​രു​ന്നേ​ക്കാ​വു​ന്ന​വർക്ക്‌ നിങ്ങൾ ക്രിയാ​ത്മ​ക​മായ ഒരു മാതൃക വെക്കുന്നു. മീററിം​ഗി​നെ ശല്യ​പ്പെ​ടു​ത്താത്ത വിധത്തിൽ നിങ്ങൾ സമയത്തിന്‌ ഹാജരാ​കു​ന്നത്‌ പതിവാ​ക്കി​യി​ട്ടു​ണ്ടോ?

⁶ സഭാപു​സ്‌ത​കാ​ദ്ധ്യ​യ​ന​ക്ര​മീ​ക​രണം നമ്മുടെ മുഴു​പി​ന്തു​ണ​യും ആവശ്യ​മു​ളള യഹോ​വ​യിൽനി​ന്നു​ളള ഒരു സ്‌നേ​ഹ​പൂർവ​ക​മായ കരുത​ലാണ്‌. (യെശ. 40:11) നമുക്ക്‌ വ്യക്തി​പ​ര​മായ സഹായം ലഭിക്കാൻ കഴിയു​ന്ന​തും മററു​ള​ള​വ​രു​ടെ ആത്‌മീയ വീര്യ​ത്തിന്‌ സംഭാവന ചെയ്യു​ന്ന​തു​മായ ഒരു സ്ഥലമാണ്‌ അത്‌. നമു​ക്കെ​ല്ലാം ഈ ക്രമീ​ക​ര​ണ​ത്തിന്‌ പൂർണ്ണ​പി​ന്തുണ കൊടു​ത്തു​കൊണ്ട്‌, “അന്യോ​ന്യം ആശ്വസി​പ്പി​ച്ചു​കൊ​ണ്ടും അന്യോ​ന്യം കെട്ടു​പ​ണി​ചെ​യ്‌തു​കൊ​ണ്ടും ഇരിക്കാം.”—1 തെസ്സ. 5:11.