നമ്മുടെ പുസ്‌ത​കാ​ദ്ധ്യ​യന നിർവ്വാ​ഹ​ക​നോ​ടു സഹകരി​ക്കൽ

¹ സുവാർത്ത​യു​ടെ ശുശ്രൂ​ഷ​ക​രെന്ന നിലയിൽ നമ്മുടെ പ്രാപ്‌തി​കൾ വികസി​പ്പി​ക്കു​ന്ന​തിൽ സഭാപു​സ്‌ത​കാ​ദ്ധ്യ​യനം ഒരു മർമ്മ​പ്ര​ധാ​ന​മായ പങ്കു നിർവ്വ​ഹി​ക്കു​ന്നു. ബൈബി​ളും സൊ​സൈ​റ​റി​യു​ടെ ഒരു പ്രസി​ദ്ധീ​ക​ര​ണ​വും പഠിക്കു​ന്ന​തിന്‌ ഊഷ്‌മ​ള​മായ ഒരു കുടും​ബ​സ​മാന അന്തരീ​ക്ഷത്തെ പ്രോ​ത്സാ​ഹി​പ്പി​ക്കു​ന്ന​തി​നാ​യി കൂട്ടങ്ങൾ ഉദ്ദേശ്യ​പൂർവ്വം ചെറു​താ​ക്കി​യി​രി​ക്കു​ന്നു. ഈ ചെറിയ കൂട്ടങ്ങൾ വയൽശു​ശ്രൂ​ഷ​യിൽ കൂടുതൽ ഫലപ്ര​ദ​രാ​യി​രി​ക്കാൻ നമ്മെ പരിശീ​ലി​പ്പി​ക്കു​ന്ന​തിന്‌ ഉത്‌കൃ​ഷ്ട​മായ അവസ്ഥക​ളും പ്രദാനം ചെയ്യുന്നു. പുസ്‌ത​കാ​ദ്ധ്യ​യന ക്രമീ​ക​ര​ണ​ത്തി​ലൂ​ടെ അംഗങ്ങൾക്കു വ്യക്തി​പ​ര​മായ പ്രോ​ത്സാ​ഹ​ന​വും ശ്രദ്ധയും നിഷ്‌പ്ര​യാ​സം ലഭിക്കു​ന്നു. നമുക്കു നിർവ്വാ​ഹ​ക​നോ​ടു പൂർണ്ണ​മാ​യി സഹകരി​ക്കാ​നും ഈ ശ്രേഷ്‌ഠ​മായ കരുത​ലിൽനി​ന്നു പ്രയോ​ജനം നേടാ​നും എങ്ങനെ കഴിയും?

² വയൽശു​ശ്രൂ​ഷ​യിൽ തീക്ഷ്‌ണ​മായ ഒരു പങ്കുപ​ററൽ: പുസ്‌ത​കാ​ദ്ധ്യ​യന നിർവ്വാ​ഹ​കന്റെ ഏററവും പ്രധാ​ന​പ്പെട്ട ഉത്തരവാ​ദി​ത്ത​ങ്ങ​ളിൽ ഒന്നു ശുശ്രൂ​ഷ​യിൽ തീക്ഷ്‌ണ​മായ ഒരു പങ്കുണ്ടാ​യി​രി​ക്കാൻ കൂട്ടത്തി​ലെ ഓരോ അംഗ​ത്തെ​യും സഹായി​ക്കുക എന്നതാണ്‌. ഈ ബന്ധത്തിൽ നമ്മുടെ ശുശ്രൂഷ പുസ്‌തകം 44-ാം പേജിൽ, “വയൽപ്ര​വർത്ത​ന​ത്തിൽ അയാൾ പ്രകട​മാ​ക്കുന്ന ക്രമവും തീക്ഷ്‌ണ​ത​യും ഉത്സാഹ​വും പ്രസാ​ധ​ക​രിൽ പ്രതി​ഫ​ലി​ക്കും” എന്നു നമ്മെ അനുസ്‌മ​രി​പ്പി​ക്കു​ന്നു. ചില​പ്പോ​ഴൊ​ക്കെ നിർവ്വാ​ഹകൻ തന്റെ സ്വന്തം കുടും​ബാം​ഗ​ങ്ങ​ളോ​ടൊ​ത്തു സേവന​ത്തിൽ പ്രവർത്തി​ക്കു​മെ​ങ്കി​ലും അയാൾ തന്റെ സാഹച​ര്യം അനുവ​ദി​ക്കു​വോ​ളം ശുശ്രൂ​ഷ​യു​ടെ വിവി​ധ​വ​ശ​ങ്ങ​ളിൽ മററു​ള​ള​വ​രോ​ടു​കൂ​ടെ പോകു​ന്ന​തി​ലും സന്തോ​ഷ​മു​ളള ആളായി​രി​ക്കും. നിങ്ങൾക്കു ക്രമമാ​യി വയൽസേ​വ​ന​യോ​ഗത്തെ പിന്താ​ങ്ങാൻ കഴിയു​മോ? നിങ്ങൾ അങ്ങനെ ചെയ്യു​ന്നതു നിങ്ങളു​ടെ പുസ്‌ത​കാ​ദ്ധ്യ​യന നിർവ്വാ​ഹ​ക​നും മററു പ്രസാ​ധ​ക​രും വളരെ​യ​ധി​കം വിലമ​തി​ക്കു​ന്ന​താ​യി​രി​ക്കും.

³ എല്ലാവർക്കും പ്രസം​ഗ​വേ​ല​യിൽ തീക്ഷ്‌ണ​മായ ഒരു പങ്കുണ്ടാ​യി​രി​ക്കാൻ കഴിയ​ത്ത​ക്ക​വി​ധ​ത്തിൽ വയൽസേ​വ​ന​യോ​ഗങ്ങൾ സൗകര്യ​പ്ര​ദ​മായ സ്ഥാനങ്ങ​ളിൽ ക്രമീ​ക​രി​ക്ക​പ്പെ​ടു​ന്നു. പ്രാ​ദേ​ശിക അവസ്ഥകൾക്കു പരിഗണന നൽകു​മ്പോൾതന്നെ, ഓരോ കൂട്ടവും ശുശ്രൂഷ നേരത്തേ തുടങ്ങാൻ ആഗ്രഹി​ക്കു​ന്ന​താ​യി​രി​ക്കും. വാരാ​ന്ത​ത്തിൽ ഉച്ചകഴി​ഞ്ഞു​ളള സമയത്തും ശുശ്രൂഷ തുടരു​മ്പോൾ പല പ്രസാ​ധ​കർക്കും പയനി​യർമാർക്കും നല്ല വിജയം ലഭിച്ചി​ട്ടുണ്ട്‌.

⁴ ശുശ്രൂ​ഷ​യു​ടെ ഏതെങ്കി​ലും വശത്തു നിങ്ങൾ സഹായം ലഭിക്കാൻ ആഗ്രഹി​ക്കു​ന്നു​വോ? ഒരുപക്ഷേ നിങ്ങ​ളോ​ടൊ​ത്തു പ്രവർത്തി​ക്കാൻ കൂട്ടത്തി​ലെ പ്രാപ്‌ത​നായ ഒരു പ്രസാ​ധ​കനെ ക്രമീ​ക​രി​ക്കാൻ നിങ്ങളു​ടെ പുസ്‌ത​കാ​ദ്ധ്യ​യന നിർവ്വാ​ഹ​കനു കഴി​ഞ്ഞേ​ക്കും. മാസത്തി​ന്റെ അവസാനം നിങ്ങളു​ടെ വയൽസേവന റിപ്പോർട്ട്‌ കൃത്യ​മാ​യി ഏല്‌പി​ക്കാൻ നിശ്ചയ​മു​ള​ള​വ​രാ​യി​രി​ക്കുക. ഈ പ്രധാന മണ്ഡലത്തി​ലും നിങ്ങളു​ടെ സഹകരണം പുസ്‌ത​കാ​ദ്ധ്യ​യന നിർവ്വാ​ഹ​ക​നും സെക്ര​ട്ട​റി​യും വിലമ​തി​ക്കു​ന്ന​താ​യി​രി​ക്കും.—ലൂക്കോസ്‌ 16:10 താരത​മ്യം ചെയ്യുക.

⁵ സേവന​മേൽവി​ചാ​രകൻ കൂട്ടം സന്ദർശി​ക്കു​മ്പോൾ: സേവന​മേൽവി​ചാ​രകൻ വയൽശു​ശ്രൂ​ഷ​യിൽ വിപു​ല​വും കൂടുതൽ അർത്ഥപൂർണ്ണ​വു​മായ പ്രവർത്ത​ന​ത്തി​നു പ്രോ​ത്സാ​ഹി​പ്പി​ക്കു​ന്ന​തി​നു​വേണ്ടി സാധാ​ര​ണ​ഗ​തി​യിൽ ഓരോ മാസവും ഒരു പുസ്‌ത​കാ​ദ്ധ്യ​യന കൂട്ടം സന്ദർശി​ക്കു​ന്നു. പുസ്‌ത​കാ​ദ്ധ്യ​യ​ന​ത്തി​ന്റെ സമാപ​ന​ത്തിൽ അദ്ദേഹം നടത്തുന്ന 15 മിനിട്ടു സമയത്തെ പ്രസം​ഗ​ത്തി​നു സൂക്ഷ്‌മ​ശ്രദ്ധ നൽകുക, പ്രസം​ഗ​വേ​ല​യു​ടെ വിവിധ വശങ്ങളിൽ പുരോ​ഗ​മി​ക്കു​ന്ന​തി​നു കൂട്ടത്തെ സഹായി​ക്കുന്ന നിഷ്‌കൃ​ഷ്ട​മായ ബുദ്ധ്യു​പ​ദേശം അതു പ്രദാ​നം​ചെ​യ്യും എന്നുള​ള​തു​കൊ​ണ്ടു​തന്നെ. സേവന​മേൽവി​ചാ​രകൻ വാരാ​ന്ത​ത്തിൽ പുസ്‌ത​കാ​ദ്ധ്യ​യന കൂട്ടത്തി​ലെ വിവിധ അംഗങ്ങ​ളോ​ടൊ​ത്തു പ്രവർത്തി​ക്കാൻ തത്‌പ​ര​നു​മാണ്‌. വയലിൽ അദ്ദേഹ​ത്തി​ന്റെ അനുഭ​വ​ത്തിൽനി​ന്നും പ്രാപ്‌തി​യിൽനി​ന്നും പ്രയോ​ജനം നേടാൻ നിങ്ങൾക്കു കഴി​യേ​ണ്ട​തി​നു ഈ പ്രത്യേ​ക​ക​രു​ത​ലി​നെ പ്രയോ​ജ​ന​പ്പെ​ടു​ത്തു​ന്നു​വെന്ന്‌ ഉറപ്പു​വ​രു​ത്തുക.

⁶ നാം “എല്ലാവർക്കും, വിശേ​ഷാൽ വിശ്വാ​സ​ത്തിൽ നമ്മോടു ബന്ധപ്പെ​ട്ടി​രി​ക്കു​ന്ന​വർക്കു നൻമ ചെയ്യുക”യിൽ, സഹകര​ണ​ത്തി​ലെ നമ്മുടെ വ്യക്തി​പ​ര​മായ ദൃഷ്ടാ​ന്ത​വും പരിച​യം​കു​റ​ഞ്ഞ​വരെ സഹായി​ക്കാ​നു​ളള നമ്മുടെ മനസ്സൊ​രു​ക്ക​വും സഭാപു​സ്‌ത​കാ​ദ്ധ്യ​യ​ന​ത്തിൽ ഊഷ്‌മ​ള​മായ ഒരു സൗഹൃ​ദാ​ന്ത​രീ​ക്ഷം സൃഷ്ടി​ക്കാൻ സഹായി​ക്കും.—ഗലാ. 6:10.