ജൂണിൽ വീക്ഷാ​ഗോ​പു​രം സമർപ്പി​ക്കൽ

¹ വീക്ഷാ​ഗോ​പു​ര​ത്തി​ന്റെ ഉദ്ദേശ്യം ഓരോ ലക്കത്തി​ന്റെ​യും 2-ാം പേജിനു മുകളിൽ ചുരു​ക്ക​മാ​യി പ്രസ്‌താ​വി​ച്ചി​രി​ക്കു​ന്നു. ആ പ്രസ്‌താ​വിത ഉദ്ദേശ്യ​ത്തോ​ടു ചേർച്ച​യിൽ സാദ്ധ്യ​മാ​കു​ന്നി​ട​ത്തോ​ളം ആളുകളെ സഹായി​ക്കു​ന്ന​തിന്‌ നമുക്ക്‌ എന്തു​ചെ​യ്യാൻ കഴിയും? ജൂണിൽ നാം രാജ്യ​ദൂ​തിൽ താൽപ​ര്യം കാണി​ക്കുന്ന എല്ലാവ​രെ​യും വീക്ഷാ​ഗോ​പു​രം നിരന്തരം വായി​ക്കാൻ പ്രോൽസാ​ഹി​പ്പി​ക്കു​ന്ന​തിന്‌ ഒരു പ്രത്യേക ശ്രമം നടത്തും.

² താൻ ഒരു ക്രിസ്‌ത്യാ​നി​യാണ്‌ എന്ന്‌ പറയുന്ന ആരോ​ടെ​ങ്കി​ലും നമുക്ക്‌ ഇങ്ങനെ പറയാം:

▪ “ഞങ്ങൾ ഞങ്ങളുടെ അയൽക്കാ​രോട്‌ ഒരു ചോദ്യം ചോദി​ക്കു​ക​യാണ്‌, അതുസം​ബ​ന്ധിച്ച്‌ നിങ്ങളു​ടെ അഭി​പ്രാ​യം ഞങ്ങൾ വിലമ​തി​ക്കു​ന്ന​താണ്‌. ദൈവ​രാ​ജ്യം വരാനും ദൈവ​ത്തി​ന്റെ ഇഷ്ടം സ്വർഗ്ഗ​ത്തി​ലേ​പ്പോ​ലെ ഭൂമി​യി​ലും നടക്കാ​നും യേശു നമ്മെ പ്രാർത്ഥി​ക്കാൻ പഠിപ്പി​ച്ചി​രി​ക്കെ, ദൈവ​ത്തി​ന്റെ ഇഷ്ടം യഥാർത്ഥ​ത്തിൽ ഇവിടെ ഭൂമി​യിൽ ചെയ്യ​പ്പെ​ടു​മെന്ന്‌ നിങ്ങൾ വിചാ​രി​ക്കു​ന്നു​ണ്ടോ?” ഒരു മറുപ​ടിക്ക്‌ സമയം അനുവ​ദി​ച്ച​ശേഷം യെശയ്യാ 55:10,11-ലേക്ക്‌ തിരി​യു​ക​യും ദൈവ​ത്തി​ന്റെ വാഗ്‌ദ​ത്ത​ങ്ങ​ളെ​ല്ലാം എങ്ങനെ നിവൃ​ത്തി​യേ​റു​മെന്ന്‌ കുറി​ക്കൊ​ള​ളാൻ വീട്ടു​കാ​രനെ ക്ഷണിക്കു​ക​യും ചെയ്യുക.—ന്യായ​വാ​ദം, പേ. 12, “രാജ്യം” എന്നതിനു കീഴിലെ രണ്ടാമത്തെ മുഖവുര.

³ വീട്ടു​കാ​രൻ താൽപ​ര്യം പ്രകട​മാ​ക്കു​ന്നെ​ങ്കിൽ ഇപ്രകാ​രം പറഞ്ഞു​കൊണ്ട്‌ നിങ്ങൾക്ക്‌ തുടരാ​വു​ന്ന​താണ്‌:

▪ “വീക്ഷാ​ഗോ​പു​രം മാസി​ക​യു​ടെ ഉദ്ദേശ്യ​ങ്ങ​ളി​ലൊന്ന്‌ ബൈബിൾ പ്രവച​ന​ത്തി​ന്റെ നിവൃ​ത്തി​യി​ലേക്ക്‌ ശ്രദ്ധ ക്ഷണിക്കുക എന്നതാണ്‌. ഈ ലേഖനം നോക്കൂ.” തുടർന്ന്‌ വാച്ച്‌റ​റ​വ​റി​ന്റെ മെയ്‌ 1 ലക്കത്തിലെ, “1914—ലോകത്തെ ഞെട്ടിച്ച വർഷം” എന്ന ആദ്യ​ലേ​ഖ​ന​ത്തി​ലേക്ക്‌ ശ്രദ്ധ തിരി​ക്കുക. തുടർന്ന്‌ ഇപ്രകാ​രം പറയുക: “‘1914-ൽ താൽപ​ര്യ​മെ​ടു​ക്കു​ന്നത്‌ എന്തിന്‌?’ എന്ന്‌ നിങ്ങൾ അതിശ​യി​ച്ചേ​ക്കാം. രണ്ടാം ഖണ്ഡിക 1914നേക്കുറിച്ചും വീക്ഷാ​ഗോ​പു​ര​ത്തേ​ക്കു​റി​ച്ചും എന്തു പറയു​ന്നു​വെന്ന്‌ ശ്രദ്ധി​ക്കുക.” തുടർന്ന്‌ ആ ഖണ്ഡിക വായി​ക്കുക.

⁴ കുറച്ചു​കൂ​ടെ ദീർഘിച്ച ഒരു ചർച്ച നിങ്ങൾ ആഗ്രഹി​ക്കു​ന്നെ​ങ്കിൽ ന്യായ​വാ​ദം പുസ്‌ത​ക​ത്തിൽ ചൂണ്ടി​ക്കാ​ണി​ച്ചി​രി​ക്കു​ന്ന​തു​പോ​ലെ വെളി​പ്പാട്‌ 21:3-5ലെ പാഠം ഉൾപ്പെ​ടു​ത്തി അതേ അവതരണം വികസി​പ്പി​ക്കാൻ കഴിയും.

ഈ സംഗതി​യിൽ യെശയ്യാ 55:10,11 വായി​ച്ച​ശേഷം നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

▪ “ഭൂമി​യെ​ക്കു​റി​ച്ചു​ളള ദൈ​വേഷ്ടം സംബന്ധിച്ച ഒരു അത്ഭുത​ക​ര​മായ പ്രവചനം പെട്ടെ​ന്നു​തന്നെ നിറ​വേ​റും. അത്‌ നിങ്ങളു​ടെ​യും എന്റെയും ജീവനെ ബാധി​ക്കും. വെളി​പ്പാട്‌ 21:3-5ൽ എഴുതി​യി​രി​ക്കു​ന്നത്‌ എന്തെന്ന്‌ ശ്രദ്ധി​ച്ചു​നോ​ക്കൂ.” തുടർന്ന്‌ നിങ്ങൾക്ക്‌ വാക്യങ്ങൾ വായി​ക്കാ​നും ദൈവ​രാ​ജ്യ​ഭ​ര​ണ​ത്തിൻ കീഴിൽ വരാൻപോ​കുന്ന അനു​ഗ്ര​ഹങ്ങൾ ചർച്ച​ചെ​യ്യാ​നും കഴിയും. വീക്ഷാ​ഗോ​പു​രം ദൈവ​ത്തി​ന്റെ രാജ്യ ഗവൺമെൻറി​നെ പ്രസി​ദ്ധ​മാ​ക്കു​ന്ന​തെ​ങ്ങ​നെ​യെന്ന്‌ ചൂണ്ടി​ക്കാ​ണി​ക്കുക.

നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

▪ “മെയ്‌ 1 ലക്കം ‘“കൊടിയ വിപത്തിൽ”നിന്ന്‌ ആർ രക്ഷപെ​ടും?’ എന്ന ലേഖനം വിശേ​ഷ​വൽക്ക​രി​ക്കു​ന്നു. നാം വെളി​പ്പാട്‌ 21-ാം അദ്ധ്യാ​യ​ത്തിൽ വായിച്ച ദൈവ​രാ​ജ്യ​ത്തിൻ കീഴിലെ നീതി​യു​ളള പുതിയ ലോക​ത്തിൽ ജീവി​ക്കാൻ നിങ്ങൾക്ക്‌ എങ്ങനെ കഴിയു​മെന്നു കാണാൻ അതു നിങ്ങളെ സഹായി​ക്കും.”

⁵ പ്രാ​ദേ​ശിക ഭാഷയിൽ ജൂൺ 1-ലെ വീക്ഷാ​ഗോ​പു​രം ഉപയോ​ഗി​ക്കു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

▪ “നമ്മിൽ മിക്കവ​രും വല്ലപ്പോ​ഴു​മൊ​ക്കെ രോഗി​ക​ളാ​കു​ന്നു. ജീവിതം എല്ലായ്‌പ്പോ​ഴും ഇങ്ങനെ​തന്നെ തുടരു​മോ?” (അഭി​പ്രാ​യം പറയാൻ വീട്ടു​കാ​രനെ അനുവ​ദി​ക്കുക) അതിനു​ശേഷം ഇപ്രകാ​രം പറയുക: “പെട്ടെ​ന്നു​തന്നെ മേലാൽ രോഗ​മോ മരണമോ ഇല്ലാതാ​കും!” മാസി​ക​യു​ടെ മുൻ പേജി​ലു​ളള ചിത്രം പ്രദർശി​പ്പി​ക്കുക. “ഇത്‌ എന്നെങ്കി​ലും സത്യമാ​യി ഭവിക്കു​മെന്ന്‌ നിങ്ങൾ വിശ്വ​സി​ക്കു​ന്നു​വോ?” (അയാളു​ടെ ഉത്തരത്തി​നാ​യി കാത്തി​രി​ക്കുക) അൽപസ​മയം ആ ചിത്രം കാണി​ച്ച​ശേഷം ആ ലേഖന​ത്തി​ന്റെ അവസാന ഖണ്ഡിക​യി​ലേക്ക്‌ അയാളു​ടെ ശ്രദ്ധ തിരി​ക്കുക. വരിസം​ഖ്യ സമർപ്പി​ക്കുക.

⁶ ഒരു ബൈബി​ള​ദ്ധ്യ​യ​ന​ത്തി​ലേ​ക്കു​ളള ചവിട്ടു കല്ലായി വീക്ഷാ​ഗോ​പു​രം ഉപയോ​ഗി​ക്കുക: മററു​ള​ള​വർക്കും യഹോ​വ​യു​ടെ സഹവേ​ല​ക്കാ​രാ​യി​ത്തീ​രാ​നും യഹോ​വ​യു​ടെ രാജ്യം പ്രസി​ദ്ധ​മാ​ക്കു​ന്ന​തിൽ പങ്കെടു​ക്കാ​നും കഴിയ​ത്ത​ക്ക​വണ്ണം അവരെ സത്യം പഠിക്കാൻ സഹായി​ക്കുക എന്നതാണ്‌ നമ്മുടെ ലക്ഷ്യം. അതു​കൊണ്ട്‌ താൽപ​ര്യ​മു​ളള ആളുകളെ നാം കണ്ടെത്തു​മ്പോൾ അതു കുറി​ക്കൊ​ള​ളാ​നും വീണ്ടും സന്ദർശി​ക്കാ​നും നാം ആഗ്രഹി​ക്കു​ന്നു.

വീക്ഷാ​ഗോ​പു​ര​ത്തി​ന്റെ സഹായ​ത്തോ​ടെ നാം സത്യം മററു​ള​ള​വ​രു​മാ​യി പങ്കു​വെ​ക്കു​മ്പോൾ ചെമ്മരി​യാ​ടു​തു​ല്യ​രെ കണ്ടെത്താ​നും പോഷി​പ്പി​ക്കാ​നും കഴി​യേ​ണ്ട​തിന്‌ നാം എല്ലായ്‌പ്പോ​ഴും യഹോ​വ​യു​ടെ മാർഗ്ഗ​നിർദ്ദേശം തേടാൻ ഇടയാ​കട്ടെ.—യോഹ​ന്നാൻ 21:15-17.