താത്‌പ​ര്യം വീണ്ടും ജ്വലി​പ്പി​ക്കാൻ കഴിയു​മോ?

¹ “തങ്ങളുടെ ആത്മീയ ആവശ്യം സംബന്ധിച്ച്‌ ബോധ​മു​ള​ളവർ സന്തുഷ്ട​രാ​കു​ന്നു.” (മത്താ. 5:3, NW) ഗിരി​പ്ര​ഭാ​ഷ​ണ​ത്തി​ലെ യേശു​വി​ന്റെ ആ വാക്കുകൾ അർത്ഥസ​മ്പു​ഷ്ട​മാണ്‌. മനുഷ്യ​വർഗ്ഗ​ത്തിൽ അനേക​രും തങ്ങളുടെ ജീവിതം സന്തോ​ഷ​ക​ര​വും ഉദ്ദേശ്യ​പൂർണ്ണ​വും ആക്കിത്തീർക്കു​ന്ന​തിന്‌ ആത്മീയ​കാ​ര്യ​ങ്ങ​ളു​ടെ ആവശ്യ​മു​ണ്ടെന്ന്‌ തിരി​ച്ച​റി​യു​ന്നില്ല. ആത്മീയ ആവശ്യ​ങ്ങ​ളു​ടെ ആ ബോധം ഒരിക്കൽ ഉണ്ടായി​രു​ന്നിട്ട്‌ അത്‌ നഷ്ടപ്പെട്ട ചിലരുണ്ട്‌. അവർ ആത്മീയ കാര്യങ്ങൾ സംബന്ധിച്ച്‌ തണുത്തു​പോ​കാൻ എന്തോ ഇടയാക്കി. യഥാർത്ഥ​ത്തിൽ അവരുടെ പ്രയോ​ജ​ന​ത്തി​നാ​യി​രി​ക്കു​ന്ന​വ​യിൽനിന്ന്‌ അവർ പിന്തി​രി​ഞ്ഞു​പോ​യി. ചോദ്യം ഇതാണ്‌, അത്തരക്കാ​രു​ടെ താത്‌പ​ര്യം വീണ്ടും ജ്വലി​പ്പി​ക്കാൻ കഴിയു​മോ? സന്തോ​ഷ​ക​ര​മെന്നു പറയട്ടെ, ചിലരു​ടെ കാര്യ​ത്തിൽ അതിനു കഴിയും.

² വർഷങ്ങൾക്കു മുമ്പ്‌, ഒരുപക്ഷേ ഒരു കുട്ടി​യാ​യി​രി​ക്കെ യഹോ​വ​യു​ടെ സാക്ഷി​ക​ളോ​ടൊത്ത്‌ ബൈബിൾ പഠിച്ചിട്ട്‌ തുടർന്ന്‌ ദൈവ​ജ​ന​ത്തോ​ടു​കൂ​ടെ സഹവസി​ക്കു​ന്ന​തിൽ തുടരാഞ്ഞ ആരെ​യെ​ങ്കി​ലും നിങ്ങൾക്ക്‌ അറിയാ​മാ​യി​രി​ക്കാം. എന്നിരു​ന്നാ​ലും, ചില ബൈബി​ളു​പ​ദേ​ശ​ങ്ങ​ളും നീതി​യു​ളള തത്വങ്ങ​ളും അയാളു​ടെ മനസ്സിൽ പതിഞ്ഞി​ട്ടു​ണ്ടാ​യി​രി​ക്കാം, ഇപ്പോ​ഴും ഓർമ്മി​ക്കു​ന്നു​ണ്ടാ​യി​രി​ക്കാം. ലോകാ​വ​സ്ഥകൾ കൂടുതൽ വഷളാ​വു​ക​യും ജീവിത സാഹച​ര്യ​ങ്ങൾ മാറു​ക​യും ചെയ്യു​മ്പോൾ, മുമ്പ്‌ പഠിച്ച കാര്യങ്ങൾ വീണ്ടും സ്‌മരി​ക്ക​പ്പെ​ടു​ന്നു. വ്യക്തി ദൈവ​ത്തി​ലേക്ക്‌ തിരി​യു​ക​യും കൂടുതൽ ബൈബിൾ പരിജ്ഞാ​നം സ്വീക​രി​ക്കാൻ മനസ്സൊ​രു​ക്ക​മു​ള​ള​വ​നാ​യി​രി​ക്കു​ക​യും ചെയ്‌തേ​ക്കാം. ബൈബി​ള​ദ്ധ്യ​യനം പുനരാ​രം​ഭി​ക്കു​ക​യെന്ന ഉദ്ദേശ്യ​ത്തോ​ടെ അത്തരം വ്യക്തി​കളെ സന്ദർശി​ക്കു​ന്നത്‌ അത്യന്തം പ്രതി​ഫ​ല​ദാ​യ​ക​മെന്ന്‌ തെളി​ഞ്ഞേ​ക്കാം.

³ സ്‌മാ​ര​കാ​ഘോ​ഷ​ത്തിന്‌ ഹാജരാ​യ​വരെ സന്ദർശി​ക്കാൻ തീർച്ച​യാ​യും കാലാ​കാ​ല​ങ്ങ​ളിൽ ശ്രമം ചെലു​ത്തേ​ണ്ട​തുണ്ട്‌. അവരുടെ ആത്മീയ ക്ഷേമം സംബന്ധിച്ച്‌ നിങ്ങൾ ആത്മാർത്ഥ താത്‌പ​ര്യ​മു​ള​ള​യാ​ളാ​ണെന്ന്‌ അവർ അറിയട്ടെ, അവരോ​ടൊത്ത്‌ ബൈബിൾ പഠിക്കാ​മെന്ന്‌ വാഗ്‌ദാ​ന​വും ചെയ്യുക. “പ്രകാശ വാഹകർ” ഡിസ്‌ട്രി​ക്‌ററ്‌ കൺ​വെൻ​ഷ​നിൽ സംബന്ധി​ക്കു​ന്ന​വരെ സഹായി​ക്കാൻ പ്രത്യേക ശ്രമം ചെയ്യണം. പുരോ​ഗ​തി​യി​ല്ലാ​ത്ത​തു​നി​മി​ത്തം നിർത്തി​ക്കളഞ്ഞ ഒരു അദ്ധ്യയ​ന​ക്കാ​രനെ മറെറാ​രു പ്രസാ​ധകൻ സന്ദർശി​ക്കു​ന്നത്‌ ചില​പ്പോൾ പ്രയോ​ജ​ന​ക​ര​മാ​യി​രു​ന്നേ​ക്കാം.

⁴ നാം അദ്ധ്യയനം എടുക്കുന്ന ആളുകൾ യഹോ​വ​യു​ടെ ആരാധന ഗൗരവ​മാ​യെ​ടു​ക്കാ​നും അവരുടെ ബൈബി​ള​ദ്ധ്യ​യ​ന​ത്തിൽ ഒരളവു​വരെ ഉത്സാഹം പ്രകട​മാ​ക്കാ​നും പ്രതീ​ക്ഷി​ക്ക​പ്പെ​ടു​ന്നു. എന്നാൽ, നമ്മുടെ ഭാഗത്ത്‌, സഹായി​ക്കാൻ നാം വേണ്ടത്ര ശ്രമം ചെയ്‌തു​വെന്ന്‌ ഉറപ്പു​വ​രു​ത്താൻ നാം ആഗ്രഹി​ക്കു​ന്നു, “ഞാൻ സകല മനുഷ്യ​രു​ടെ​യും രക്തത്തിൽനിന്ന്‌ ശുദ്ധി​യു​ള​ള​വ​നാ​കു​ന്നു” എന്ന്‌ പറഞ്ഞ​പ്പോൾ അപ്പൊ​സ്‌ത​ല​നായ പൗലോ​സിന്‌ ഉണ്ടായി​രു​ന്ന​തു​പോ​ലു​ളള തോന്നൽ നമുക്ക്‌ മററു​ള​ള​വ​രോട്‌ ഉണ്ടായി​രി​ക്കു​ന്ന​തി​നു​തന്നെ.—പ്രവൃ. 20:26.