മടക്കസ​ന്ദർശ​ന​ങ്ങൾക്കാ​യി ധൈര്യം സംഭരി​ക്കു​ക

¹ നിങ്ങൾ മടക്കസ​ന്ദർശ​നങ്ങൾ ആസ്വദി​ക്കു​ന്നു​വോ? മിക്ക പ്രസാ​ധ​ക​രും അവ ആസ്വദി​ക്കു​ന്നു. ആദ്യ​മൊ​ക്കെ, പ്രത്യേ​കി​ച്ചും പ്രഥമ​സ​ന്ദർശ​ന​ത്തിൽ അൽപ്പം മാത്രം താത്‌പ​ര്യം കാട്ടിയ വീട്ടു​കാ​രു​ടെ​യ​ടു​ക്കൽ മടങ്ങി​ച്ചെ​ല്ലവെ, നിങ്ങൾക്ക്‌ ആശങ്ക തോന്നി​യി​രി​ക്കാം. എന്നാൽ മടക്കസ​ന്ദർശ​ന​ങ്ങ​ളിൽ സുവാർത്ത​യെ​ക്കു​റി​ച്ചു സംസാ​രി​ക്കാൻ നമ്മുടെ ദൈവം മുഖാ​ന്തരം ‘ധൈര്യം സംഭരി​ക്കു’മ്പോൾ, ഈ വേല എത്ര സുകര​വും പ്രതി​ഫ​ല​ദാ​യ​ക​വു​മാ​ണെന്നു കണ്ടെത്തു​ന്ന​തിൽ നിങ്ങൾ ആശ്ചര്യം​കൂ​റി​യേ​ക്കാം. (1 തെസ്സ. 2:2, NW) അതെങ്ങനെ?

² വാസ്‌ത​വ​ത്തിൽ, മടക്കസ​ന്ദർശ​ന​വും പ്രഥമ​സ​ന്ദർശ​ന​വും തമ്മിൽ ഗണ്യമായ വ്യത്യാ​സ​മുണ്ട്‌. മടക്കസ​ന്ദർശ​ന​ത്തിൽ സന്ധിക്കു​ന്നത്‌ ഒരു പരിച​യ​ക്കാ​ര​നെ​യാണ്‌, അപരി​ചി​ത​നെയല്ല. സാധാ​ര​ണ​ഗ​തി​യിൽ, പരിച​യ​ക്കാ​ര​നോ​ടു സംസാ​രി​ക്കു​ന്നത്‌ അപരി​ചി​ത​നോ​ടു സംസാ​രി​ക്കു​ന്ന​തി​നെ​ക്കാൾ എളുപ്പ​മാണ്‌. മടക്കസ​ന്ദർശ​നങ്ങൾ ഫലപ്ര​ദ​മായ ഭവന ബൈബി​ള​ധ്യ​യ​ന​ങ്ങ​ളി​ലേക്കു നയിക്കു​ന്നു​വെ​ന്ന​താണ്‌ ഈ വേലയിൽ പങ്കുപ​റ്റു​ന്ന​തു​കൊ​ണ്ടുള്ള തൃപ്‌തി​ക​ര​മായ ഫലം.

³ നാം മുമ്പു സന്ദർശി​ച്ച​പ്പോൾ താത്‌പ​ര്യം കാട്ടാ​തി​രുന്ന ആളുകളെ സന്ദർശി​ക്കു​ന്നതു വീടു​തോ​റു​മുള്ള വേലയിൽ ഉൾപ്പെ​ടു​ന്നു. എങ്കിൽപ്പി​ന്നെ, നാം എന്തിനാ​ണു വീണ്ടും സന്ദർശി​ക്കു​ന്നത്‌? ആളുക​ളു​ടെ സാഹച​ര്യ​ങ്ങൾക്കു മാറ്റം വരുന്നു​വെന്നു നാം മനസ്സി​ലാ​ക്കു​ന്നു. മുമ്പു സന്ദർശി​ച്ച​പ്പോൾ ഉദാസീ​നത കാട്ടു​ക​യോ എതിർക്കു​ക​യോ​പോ​ലും ചെയ്‌തി​രുന്ന വ്യക്തി, അടുത്ത തവണ സന്ദർശി​ക്കു​മ്പോൾ താത്‌പ​ര്യം കാട്ടി​യേ​ക്കാം. അതു മനസ്സിൽപ്പി​ടി​ച്ചു​കൊ​ണ്ടു നാം നന്നായി തയ്യാറാ​കു​ന്നു. ഒപ്പംതന്നെ, ഇത്തവണ നാം പറയാൻ പോകുന്ന സംഗതി അയാളു​ടെ താത്‌പ​ര്യ​ത്തെ തൊട്ടു​ണർത്താൻ യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ക്കു​ക​യും ചെയ്യുന്നു.

⁴ വീടു​തോ​റു​മുള്ള വേലയിൽ, മുമ്പ്‌ ഒട്ടും​തന്നെ താത്‌പ​ര്യം കാട്ടാഞ്ഞ ആളുക​ളോ​ടു സംസാ​രി​ക്കു​ന്ന​തി​നു നമുക്കു യാതൊ​രു മടിയു​മില്ല. അങ്ങനെ​യെ​ങ്കിൽ, രാജ്യ​സ​ന്ദേ​ശ​ത്തിൽ കുറ​ച്ചെ​ങ്കി​ലും താത്‌പ​ര്യം കാട്ടിയ വ്യക്തി​യു​ടെ​യ​ടു​ക്കൽ മടങ്ങി​ച്ചെ​ല്ലു​ന്ന​തി​നു നാം മടി വിചാ​രി​ക്കേ​ണ്ട​തു​ണ്ടോ?—പ്രവൃ. 10:34, 35.

⁵ ഒരു പ്രസാ​ധകൻ ക്ഷമാപൂർവം മടക്കസ​ന്ദർശ​നങ്ങൾ നടത്തി​യ​തു​കൊ​ണ്ടാ​ണു നമ്മില​നേ​ക​രും ഇന്നു സത്യത്തി​ലാ​യി​രി​ക്കു​ന്നത്‌. നിങ്ങൾ അവരി​ലൊ​രാ​ളാ​ണെ​ങ്കിൽ ഇങ്ങനെ സ്വയം ചോദി​ക്കുക: ‘ആ പ്രസാ​ധ​കന്‌ എന്നെക്കു​റിച്ച്‌ ആദ്യം എന്തായി​രി​ക്കും തോന്നി​യത്‌? രാജ്യ​സ​ന്ദേ​ശ​ത്തെ​ക്കു​റി​ച്ചു കേട്ടയു​ടനെ ഞാൻ അതു സ്വീക​രി​ച്ചോ? ഞാൻ ഉദാസീ​നത കാട്ടി​യി​രു​ന്നോ?’ ആ പ്രസാ​ധകൻ ‘ദൈവ​ത്തിൽ ധൈര്യം സംഭരിച്ച്‌’ മടക്കസ​ന്ദർശനം നടത്താൻ നമ്മെ യോഗ്യ​രാ​യി എണ്ണുക​യും വീണ്ടും സന്ദർശി​ച്ചു സത്യം പഠിപ്പി​ക്കു​ക​യും ചെയ്‌ത​തിൽ നാം സന്തോ​ഷ​മു​ള്ള​വ​രാ​യി​രി​ക്കണം. ആദ്യം അൽപ്പസ്വൽപ്പം താത്‌പ​ര്യം കാട്ടി​യിട്ട്‌, പിന്നീടു നമ്മെ ഒഴിവാ​ക്കാൻ ശ്രമി​ക്കു​ന്ന​താ​യി തോന്നുന്ന ആളുക​ളു​ടെ കാര്യ​മോ? ക്രിയാ​ത്മക മനോ​ഭാ​വം പുലർത്തേ​ണ്ടത്‌ അത്യാ​വ​ശ്യ​മാണ്‌. പിൻവ​രുന്ന അനുഭവം അതു വ്യക്തമാ​ക്കു​ന്നു.

⁶ അതിരാ​വി​ലെ തെരു​വു​സാ​ക്ഷീ​ക​ര​ണ​ത്തിൽ ഏർപ്പെ​ട്ടി​രുന്ന രണ്ടു പ്രസാ​ധകർ, കുട്ടിയെ സ്‌​ട്രോ​ള​റി​ലി​രു​ത്തി ഉന്തി​ക്കൊ​ണ്ടു പോകുന്ന ഒരു യുവതി​യെ കണ്ടുമു​ട്ടി. ആ സ്‌ത്രീ ഒരു മാസിക സ്വീക​രി​ച്ച​ശേഷം പിറ്റേ ഞായറാഴ്‌ച തന്റെ വീട്ടി​ലേക്കു വരാൻ സഹോ​ദ​രി​മാ​രോ​ടു പറഞ്ഞു. നിശ്ചയി​ച്ചു​റച്ച സമയത്തു​തന്നെ അവർ എത്തി​ച്ചേർന്നു. എന്നാൽ തനിക്ക്‌ ഒട്ടും സമയമി​ല്ലെന്നു വീട്ടു​കാ​രി പറഞ്ഞു. എങ്കിലും, പിറ്റേ ആഴ്‌ച സംസാ​രി​ക്കാ​മെന്ന്‌ അവർ വാഗ്‌ദാ​നം ചെയ്‌തു. ആ സ്‌ത്രീ വാക്കു​പാ​ലി​ക്കു​മോ എന്നു സഹോ​ദ​രി​മാർക്കു സംശയ​മു​ണ്ടാ​യി​രു​ന്നു. എന്നാൽ അവർ മടങ്ങി​ച്ചെ​ന്ന​പ്പോൾ സ്‌ത്രീ അവരെ കാത്തി​രി​ക്കു​ക​യാ​യി​രു​ന്നു. അധ്യയനം തുടങ്ങി. ആ യുവതി​യു​ടെ പുരോ​ഗതി വിസ്‌മ​യ​ക​ര​മാ​യി​രു​ന്നു. ചുരു​ങ്ങിയ സമയത്തി​നു​ള്ളിൽ അവർ ക്രമമാ​യി യോഗ​ങ്ങൾക്കു ഹാജരാ​കാ​നും വയൽസേ​വ​ന​ത്തിൽ പങ്കുപ​റ്റാ​നും തുടങ്ങി. ഇപ്പോൾ സ്‌നാ​പ​ന​മേ​റ്റി​രി​ക്കു​ന്നു.

⁷ പ്രഥമ സന്ദർശ​ന​ത്തിൽ അസ്‌തി​വാ​ര​മി​ടുക: ഒട്ടുമി​ക്ക​പ്പോ​ഴും, പ്രഥമ​സ​ന്ദർശ​ന​ത്തിൽത്തന്നെ വിജയ​പ്ര​ദ​മായ മടക്കസ​ന്ദർശ​ന​ത്തി​നുള്ള അസ്‌തി​വാര മിടുന്നു. വീട്ടു​കാ​രന്റെ അഭി​പ്രാ​യങ്ങൾ ശ്രദ്ധിച്ചു കേൾക്കുക. അവ എന്താണു പറയു​ന്നത്‌? അയാൾ മതതത്‌പ​ര​നാ​ണോ? സാമൂ​ഹിക പ്രശ്‌ന​ങ്ങ​ളെ​ക്കു​റിച്ച്‌ ഉത്‌ക​ണ്‌ഠ​യു​ള്ള​വ​നാ​ണോ? ശാസ്‌ത്ര​ത്തി​ലോ ചരി​ത്ര​ത്തി​ലോ പരിസ്ഥി​തി​യി​ലോ തത്‌പ​ര​നാ​ണോ? സംഭാ​ഷ​ണ​ത്തി​ന്റെ ഒടുവിൽ ചിന്തോ​ദ്ദീ​പ​ക​മായ ഒരു ചോദ്യം ഉന്നയി​ച്ചിട്ട്‌, അതേക്കു​റി​ച്ചു ബൈബിൾ നൽകുന്ന ഉത്തരം മടങ്ങി​വ​രു​മ്പോൾ ചർച്ച​ചെ​യ്യാ​മെന്നു വാഗ്‌ദാ​നം ചെയ്യുക.

⁸ ഉദാഹ​ര​ണ​ത്തിന്‌, പറുദീ​സാ ഭൂമി​യെ​ക്കു​റി​ച്ചുള്ള ബൈബിൾ വാഗ്‌ദ​ത്ത​ത്തോ​ടു വീട്ടു​കാ​രൻ പ്രതി​ക​രി​ക്കു​ന്ന​പക്ഷം ആ വിഷയ​ത്തെ​ക്കു​റി​ച്ചു കൂടു​ത​ലാ​യി ചർച്ച നടത്തു​ന്നത്‌ ഉചിത​മാ​യി​രി​ക്കും. മടങ്ങു​ന്ന​തി​നു തൊട്ടു​മുമ്പ്‌ ഇങ്ങനെ ചോദി​ക്കാ​വു​ന്ന​താണ്‌: “ദൈവം തന്റെ വാഗ്‌ദത്തം നിവർത്തി​ക്കു​മെന്നു നമുക്ക്‌ എങ്ങനെ ഉറപ്പു​ണ്ടാ​യി​രി​ക്കാ​നാ​കും?” എന്നിട്ട്‌ ഇങ്ങനെ കൂട്ടി​ച്ചേർക്കാം: “കുടും​ബ​ത്തി​ലെ മറ്റംഗ​ങ്ങ​ളെ​ല്ലാം ഉള്ളപ്പോൾ മടങ്ങി​വ​രാം. അപ്പോൾ ഈ ചോദ്യ​ങ്ങൾക്കുള്ള ഉത്തരം ബൈബി​ളിൽനി​ന്നു ഞാൻ കാട്ടി​ത്ത​രാം.”

⁹ വീട്ടു​കാ​രൻ ഏതെങ്കി​ലു​മൊ​രു പ്രത്യേക വിഷയ​ത്തിൽ താത്‌പ​ര്യം കാട്ടാ​ത്ത​പക്ഷം, നമ്മുടെ രാജ്യ ശുശ്രൂ​ഷ​യു​ടെ പിൻപേ​ജി​ലെ അവതര​ണ​ങ്ങ​ളിൽ നൽകി​യി​രി​ക്കുന്ന ചോദ്യ​ങ്ങ​ളി​ലൊന്ന്‌ ഉപയോ​ഗി​ച്ചിട്ട്‌ അടുത്ത ചർച്ചയ്‌ക്ക്‌ അടിസ്ഥാ​ന​മാ​യി അതുപ​യോ​ഗി​ക്കാ​വു​ന്ന​താണ്‌.

¹⁰ വിവരങ്ങൾ കൃത്യ​മാ​യി എഴുതി​വ​യ്‌ക്കുക: വീടു​തോ​റു​മു​ളള രേഖ കൃത്യ​ത​യു​ള്ള​തും പൂർണ​വു​മാ​യി​രി​ക്കണം. ഒരു വീട്ടിൽനി​ന്നു പോരു​ന്ന​യു​ടനെ വീട്ടു​കാ​രന്റെ പേരും വിലാ​സ​വും എഴുതി​വ​യ്‌ക്കുക. വീടിന്റെ നമ്പരോ തെരു​വി​ന്റെ പേരോ ഊഹി​ച്ചെ​ടു​ക്കാ​തെ വിവരങ്ങൾ കൃത്യ​മാ​ണെന്ന്‌ ഉറപ്പു​വ​രു​ത്തുക. വ്യക്തി​യെ​ക്കു​റി​ച്ചുള്ള വിവരണം എഴുതുക. ചർച്ച​ചെയ്‌ത വിഷയം, വായിച്ച തിരു​വെ​ഴുത്ത്‌, സമർപ്പിച്ച സാഹി​ത്യം, മടങ്ങി​ച്ചെ​ല്ലു​മ്പോൾ ഉത്തരം നൽകാൻ പോകുന്ന ചോദ്യം എന്നിവ കുറി​ച്ചു​വ​യ്‌ക്കുക. പ്രഥമ​സ​ന്ദർശ​ന​ത്തി​ന്റെ തീയതി​യും സമയവും മടങ്ങി​ച്ചെ​ല്ലാ​മെന്നു പറഞ്ഞി​രി​ക്കുന്ന തീയതി​യും സമയവും കുറി​ച്ചു​വ​യ്‌ക്കുക. ഇപ്പോൾ നിങ്ങളു​ടെ രേഖ പൂർണ​മാ​യി. എന്നാൽ അതു നഷ്ടപ്പെ​ടു​ത്ത​രുത്‌! പിന്നീട്‌ എടുത്തു നോക്ക​ത്ത​ക്ക​വണ്ണം അതൊരു സുരക്ഷിത സ്ഥാനത്തു വയ്‌ക്കുക. ആ വ്യക്തി​യെ​ക്കു​റി​ച്ചും അടുത്ത സന്ദർശ​ന​ത്തെ​ക്കു​റി​ച്ചും ചിന്തി​ച്ചു​കൊ​ണ്ടി​രി​ക്കുക.

¹¹ നിങ്ങളു​ടെ ലക്ഷ്യം മനസ്സിൽപ്പി​ടി​ക്കുക: ഒന്നാമ​താ​യി, വീട്ടു​കാ​രന്‌ അസ്വസ്ഥത തോന്നാ​തി​രി​ക്കേ​ണ്ട​തിന്‌ ഊഷ്‌മ​ള​ത​യും സൗഹൃ​ദ​വു​മു​ള്ള​വ​നാ​യി​രി​ക്കാൻ പരമാ​വധി ശ്രമി​ക്കുക. അയാളു​ടെ വ്യക്തി​പ​ര​മായ കാര്യങ്ങൾ ചികഞ്ഞ​ന്വേ​ഷി​ക്കാ​തെ, ഒരു വ്യക്തി​യെ​ന്ന​നി​ല​യിൽ അയാളിൽ തത്‌പ​ര​നാ​ണെന്നു കാട്ടുക. അടുത്ത​താ​യി, കഴിഞ്ഞ സന്ദർശ​ന​ത്തിൽ നിങ്ങൾ ഉന്നയിച്ച ചോദ്യ​ത്തെ​ക്കു​റിച്ച്‌ അയാളെ ഓർമി​പ്പി​ക്കുക. അയാളു​ടെ അഭി​പ്രാ​യം ശ്രദ്ധിച്ചു കേട്ടിട്ട്‌, അതിന്‌ ആത്മാർഥ​മാ​യി അയാളെ അഭിന​ന്ദി​ക്കുക. പിന്നീട്‌, ബൈബി​ളി​ന്റെ വീക്ഷണ​ഗതി പ്രാ​യോ​ഗി​ക​മാ​യി​രി​ക്കു​ന്നത്‌ എന്തു​കൊ​ണ്ടാ​ണെന്നു കാട്ടുക. സാധി​ക്കു​മെ​ങ്കിൽ, അതുമാ​യി ബന്ധപ്പെട്ട, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​ത്തിൽ കൊടു​ത്തി​രി​ക്കുന്ന ഒരാശ​യ​ത്തി​ലേക്കു ശ്രദ്ധക്ഷ​ണി​ക്കുക. മടക്കസ​ന്ദർശ​ന​ങ്ങ​ളു​ടെ മുഖ്യ ഉദ്ദേശ്യം ഒരു ബൈബി​ള​ധ്യ​യനം തുടങ്ങു​ക​യാ​ണെ​ന്ന​കാ​ര്യം മനസ്സിൽപ്പി​ടി​ക്കുക.

¹² പരിജ്ഞാ​നം പുസ്‌ത​ക​ത്തി​ലെ വളച്ചു​കെ​ട്ടി​ല്ലാത്ത വിധം, നാം ബൈബി​ള​ധ്യ​യനം നടത്തുന്ന വിദ്യാർഥി​കളെ യോഗ​ങ്ങൾക്കു ഹാജരാ​കാ​നും യഹോ​വ​യു​ടെ സ്ഥാപന​ത്തോ​ടൊ​ത്തു സഹവസി​ക്കാ​നും പ്രോ​ത്സാ​ഹി​പ്പി​ക്കു​ന്ന​തി​നു ‘ധൈര്യ​പ്പെ​ടാൻ’ നമ്മില​നേ​കർക്കും പ്രചോ​ദ​ന​മേ​കി​യി​ട്ടുണ്ട്‌. കഴിഞ്ഞ​കാ​ല​ങ്ങ​ളിൽ, വ്യക്തികൾ കുറെ​ക്കാ​ലം പഠിച്ച​ശേഷം നമ്മോ​ടൊ​പ്പം സഹവസി​ക്കു​ന്ന​തി​നു ക്ഷണിക്കാ​നാ​യി​രു​ന്നു നാം പ്രവണത കാട്ടി​യി​രു​ന്നത്‌. ഇപ്പോൾ നിരവധി വിദ്യാർഥി​കൾ പഠിക്കാൻ തുടങ്ങു​ന്ന​യു​ടനെ യോഗ​ങ്ങൾക്കു ഹാജരാ​കു​ന്നു. തത്‌ഫ​ല​മാ​യി അവർ വളരെ​വേഗം പുരോ​ഗ​മി​ക്കു​ന്നു.

¹³ ഒരു ദമ്പതികൾ സഹപ്ര​വർത്ത​കന്‌ അനൗപ​ചാ​രി​ക​മാ​യി സാക്ഷ്യം നൽകി. അയാൾ സത്യത്തിൽ താത്‌പ​ര്യം പ്രകട​മാ​ക്കി​യ​പ്പോൾ പരിജ്ഞാ​നം പുസ്‌ത​ക​ത്തിൽനിന്ന്‌ അധ്യയനം നടത്താൻ അവർ അയാളെ ക്ഷണിച്ചു. ഒപ്പംതന്നെ, അയാളു​ടെ ഒട്ടനവധി ചോദ്യ​ങ്ങൾക്ക്‌ ഉത്തരം ലഭിക്കു​ന്ന​തി​നു യോഗ​ങ്ങൾക്കു ഹാജരാ​ക​ണ​മെ​ന്നും അവർ അയാ​ളോ​ടു പറഞ്ഞു. അയാൾ യാതൊ​രു സന്ദേഹ​വും കൂടാതെ അധ്യയ​ന​ത്തി​നുള്ള ക്ഷണം സ്വീക​രി​ച്ചു. മാത്രമല്ല, ആഴ്‌ച​യിൽ രണ്ടു തവണ അധ്യയനം നടത്തു​ക​യും രാജ്യ​ഹാ​ളിൽ ക്രമമാ​യി യോഗ​ങ്ങൾക്കു ഹാജരാ​കാൻ തുടങ്ങു​ക​യും ചെയ്‌തു.

¹⁴ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക ഉപയോ​ഗി​ക്കുക: “ദൈവ​സ​മാ​ധാന സന്ദേശ​വാ​ഹകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക നമുക്കു ലഭിച്ചു. ദൈവ​ഭ​യ​മു​ള്ള​വ​രു​മാ​യി, അവർ എത്രതന്നെ അഭ്യസ്‌ത​വി​ദ്യ​രാ​യി​രു​ന്നാ​ലും, ബൈബി​ള​ധ്യ​യ​നങ്ങൾ തുടങ്ങാൻ ആ ലഘുപ​ത്രിക ഉപയോ​ഗ​പ്ര​ദ​മാണ്‌. അടിസ്ഥാന ബൈബിൾ പഠിപ്പി​ക്ക​ലു​കൾ അടങ്ങി​യി​രി​ക്കുന്ന ആ ലഘുപ​ത്രിക ഉപയോ​ഗി​ച്ചു സമഗ്ര​മായ അധ്യയന പരിപാ​ടി നടത്താ​നാ​കും. ആ പ്രസി​ദ്ധീ​ക​രണം ദൈവ​പ​രി​ജ്ഞാ​നം പ്രദാനം ചെയ്യു​ന്ന​തി​നു വളരെ ഫലപ്ര​ദ​മായ ഒരുപ​ക​ര​ണ​മാ​യി​രി​ക്കും. സുവ്യ​ക്ത​വും ലളിത​വു​മായ രീതി​യിൽ അതു സത്യ​ത്തെ​ക്കു​റി​ച്ചു വിവരി​ക്കു​ന്നു. വാസ്‌ത​വ​ത്തിൽ, ദൈവ​ത്തി​ന്റെ നിർദേ​ശങ്ങൾ മറ്റുള്ള​വരെ പഠിപ്പി​ക്കാൻ നമ്മി​ലോ​രോ​രു​ത്തർക്കും അതുപ​യോ​ഗി​ക്കാൻ സാധി​ക്കും. സാധ്യ​ത​യ​നു​സ​രിച്ച്‌, ആ ലഘുപ​ത്രിക ഉപയോ​ഗിച്ച്‌ ബൈബി​ള​ധ്യ​യനം നടത്തു​ന്ന​തിന്‌ അനേകം പ്രസാ​ധ​കർക്കും പദവി​യു​ണ്ടാ​യി​രി​ക്കും.

¹⁵ പരിജ്ഞാ​നം പുസ്‌തകം പഠിക്കാൻ സമയമി​ല്ലെന്നു തോന്നുന്ന ചില വ്യക്തികൾ ആവശ്യം ലഘുപ​ത്രിക ഉപയോ​ഗി​ച്ചു ഹ്രസ്വ വേളക​ളി​ലാ​യി അധ്യയനം നടത്താൻ സമ്മതി​ച്ചേ​ക്കും. തങ്ങൾ പഠിക്കുന്ന കാര്യ​ങ്ങ​ളിൽ അവർ പുളക​മ​ണി​യും! നൂറ്റാ​ണ്ടു​ക​ളാ​യി മനുഷ്യർ ആരാഞ്ഞു​പോന്ന പിൻവ​രുന്ന ചോദ്യ​ങ്ങൾക്കു രണ്ടോ മൂന്നോ പേജു​ക​ളിൽ അവർ ഉത്തരം കണ്ടെത്തും: ദൈവം ആരാണ്‌? പിശാച്‌ ആരാണ്‌? ഭൂമി​യെ​സം​ബ​ന്ധിച്ച ദൈവ​ത്തി​ന്റെ ഉദ്ദേശ്യം എന്താണ്‌? ദൈവ​രാ​ജ്യം എന്താണ്‌? നിങ്ങൾക്കു സത്യമതം എങ്ങനെ കണ്ടെത്താം? ആ ലഘുപ​ത്രിക ലളിത​മായ വിധങ്ങ​ളി​ലാ​ണു സത്യം അവതരി​പ്പി​ക്കു​ന്ന​തെ​ങ്കി​ലും അതിലെ സന്ദേശം വളരെ ശക്തമാണ്‌. സ്‌നാ​പ​നാർഥി​ക​ളു​മാ​യി മൂപ്പന്മാർ പുനര​വ​ലോ​കനം നടത്തുന്ന മുഖ്യ ആശയങ്ങൾ അതിൽ ചർച്ച​ചെ​യ്യു​ന്നു. മാത്രമല്ല, പരിജ്ഞാ​നം പുസ്‌ത​ക​ത്തി​ന്റെ സമഗ്ര​മായ അധ്യയ​ന​ത്തി​നുള്ള ഒരു ചവിട്ടു​പ​ടി​യാ​യും അത്‌ ഉതകുന്നു.

¹⁶ മടക്കസ​ന്ദർശ​ന​ത്തിൽ അധ്യയനം വാഗ്‌ദാ​നം ചെയ്യാൻ ഇത്രയു​മേ പറയേ​ണ്ട​തു​ള്ളൂ: “ഏതാനും നിമി​ഷ​ങ്ങൾക്കകം ഒരു പ്രധാന ചോദ്യ​ത്തി​നു​ത്തരം കണ്ടെത്താ​മെന്ന കാര്യം നിങ്ങൾക്ക​റി​യാ​മോ?” എന്നിട്ട്‌, ലഘുപ​ത്രി​ക​യി​ലെ ഏതെങ്കി​ലും പാഠത്തി​ന്റെ ആരംഭ​ത്തിൽ കാണുന്ന ഒരു ചോദ്യം ഉന്നയി​ക്കുക. ഉദാഹ​ര​ണ​ത്തിന്‌, ഒരു പള്ളിക്കാ​ര​നെ​യാ​ണു സന്ദർശി​ക്കു​ന്ന​തെ​ങ്കിൽ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌: “പണ്ട്‌ യേശു രോഗി​കളെ സുഖ​പ്പെ​ടു​ത്തി​യെന്നു നമുക്ക​റി​യാം. എന്നാൽ ഭാവി​യിൽ യേശു രോഗി​കൾക്കു​വേണ്ടി, പ്രായ​മാ​യ​വർക്കു​വേണ്ടി, മരിച്ച​വർക്കു​വേണ്ടി എന്തു ചെയ്യും?” ഉത്തരങ്ങൾ 5-ാം പാഠത്തിൽ കാണാം. അല്ലെങ്കിൽ, മതതത്‌പ​ര​നായ ഏതൊരു വ്യക്തി​യും ഈ ചോദ്യ​ത്തിൽ വിസ്‌മയം കൂറും: “ദൈവം എല്ലാ പ്രാർഥ​ന​ക​ളും ശ്രദ്ധി​ക്കു​ന്നു​ണ്ടോ?” അതിനു​ത്തരം 7-ാം പാഠത്തിൽ കാണാം. കുടും​ബാം​ഗങ്ങൾ ഇതറി​യാൻ ആഗ്രഹി​ക്കും: “മാതാ​പി​താ​ക്ക​ളിൽനി​ന്നും മക്കളിൽനി​ന്നും യഹോവ എന്ത്‌ ആവശ്യ​പ്പെ​ടു​ന്നു?” 8-ാം പാഠം പഠിക്കു​മ്പോൾ അതിനു​ത്തരം അവർക്കു ലഭിക്കും. മറ്റു ചില ചോദ്യ​ങ്ങൾ ഇതാണ്‌: “മരിച്ച​വർക്കു ജീവി​ച്ചി​രി​ക്കു​ന്ന​വരെ ഉപദ്ര​വി​ക്കാൻ കഴിയു​മോ?” എന്നത്‌ 11-ാം പാഠം വിശദീ​ക​രി​ച്ചി​രി​ക്കു​ന്നു; “ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന വളരെ​യ​ധി​കം മതങ്ങൾ ഉള്ളത്‌ എന്തു​കൊണ്ട്‌?” എന്നത്‌ 13-ാം പാഠം വിശദീ​ക​രി​ക്കു​ന്നു; “ദൈവ​ത്തി​ന്റെ ഒരു സ്‌നേ​ഹി​ത​നാ​യി​ത്തീ​രു​വാൻ നിങ്ങൾ എന്തു ചെയ്യണം?” എന്നത്‌ 16-ാം പാഠം ചർച്ച​ചെ​യ്യു​ന്നു.

¹⁷ മറ്റൊരു ഭാഷ സംസാ​രി​ക്കു​ന്ന​വരെ സഹായി​ക്കുക: മറ്റൊരു ഭാഷ സംസാ​രി​ക്കുന്ന വീട്ടു​കാ​രു​ടെ കാര്യ​മോ? സാധി​ക്കു​മെ​ങ്കിൽ, അവർക്കു നന്നായ​റി​യാ​വുന്ന ഭാഷയിൽ അവരെ പഠിപ്പി​ക്കണം. (1 കൊരി. 14:9) വീട്ടു​കാ​രന്റെ ഭാഷ സംസാ​രി​ക്കുന്ന ഒന്നോ അതില​ധി​ക​മോ പ്രസാ​ധകർ നിങ്ങളു​ടെ സഭയി​ലു​ണ്ടാ​യി​രു​ന്നേ​ക്കാം. അങ്ങനെ​യെ​ങ്കിൽ, വീട്ടു​കാ​രനെ പരിച​യ​പ്പെ​ടു​ത്തി​യ​ശേഷം മടക്കസ​ന്ദർശനം നടത്താൻ അവരി​ലൊ​രാ​ളെ നിങ്ങൾക്ക്‌ ഏൽപ്പി​ക്കാ​വു​ന്ന​താണ്‌. ആ ഭാഷയിൽ ഒരു സഭയോ പുസ്‌ത​കാ​ധ്യ​യ​ന​ക്കൂ​ട്ട​മോ അടുത്തു​ണ്ടാ​യി​രു​ന്നേ​ക്കാം. ആ ഭാഷയിൽ ഒരു സഭയോ പുസ്‌ത​കാ​ധ്യ​യ​ന​ക്കൂ​ട്ട​മോ അടുത്തി​ല്ലെന്നു മാത്രമല്ല, വീട്ടു​കാ​രന്റെ ഭാഷ സംസാ​രി​ക്കുന്ന പ്രാ​ദേ​ശിക സാക്ഷി​യും ഇല്ലെന്നു​വ​രി​കിൽ രണ്ടു ഭാഷക​ളി​ലുള്ള ആവശ്യം ലഘുപ​ത്രിക ഉപയോ​ഗിച്ച്‌ അതേ പ്രസാ​ധ​കനു വീട്ടു​കാ​ര​നു​മാ​യി അധ്യയനം നടത്താൻ ശ്രമി​ക്കാ​വു​ന്ന​താണ്‌.

¹⁸ ഇംഗ്ലീഷ്‌ സംസാ​രി​ക്കുന്ന ഒരു പ്രസാ​ധകൻ വിയറ്റ്‌നാ​മീസ്‌ സംസാ​രി​ക്കുന്ന ഒരു വ്യക്തി​യോ​ടും തായ്‌ സംസാ​രി​ക്കുന്ന ഭാര്യ​യോ​ടു​മൊ​പ്പം അധ്യയനം തുടങ്ങി. അധ്യയ​ന​വേ​ള​യിൽ ഇംഗ്ലീഷ്‌, വിയറ്റ്‌നാ​മീസ്‌, തായ്‌ ഭാഷക​ളിൽ പ്രസി​ദ്ധീ​ക​ര​ണ​ങ്ങ​ളും ബൈബി​ളു​ക​ളും ഉപയോ​ഗി​ച്ചു. ആദ്യ​മൊ​ക്കെ ഭാഷാ​പ​ര​മായ അതിർവ​രമ്പു വെല്ലു​വി​ളി ഉയർത്തി​യെ​ങ്കി​ലും, പ്രസാ​ധകൻ എഴുതു​ന്നു: “ആ ദമ്പതികൾ പെട്ടെ​ന്നു​തന്നെ ആത്മീയ​മാ​യി പുരോ​ഗ​മി​ക്കാൻ തുടങ്ങി. തങ്ങളുടെ രണ്ടു കുട്ടി​ക​ളോ​ടു​മൊ​പ്പം യോഗ​ങ്ങൾക്കു ഹാജരാ​കേ​ണ്ട​തി​ന്റെ ആവശ്യം അവർ തിരി​ച്ച​റി​ഞ്ഞു. ഒരു കുടും​ബ​മെന്ന നിലയിൽ രാത്രി​യിൽ അവർ ബൈബിൾ വായി​ക്കാൻ തുടങ്ങി. അവരുടെ ആറു വയസ്സുള്ള മകൾക്കും ബൈബി​ള​ധ്യ​യ​ന​മുണ്ട്‌.”

¹⁹ മറ്റൊരു ഭാഷ സംസാ​രി​ക്കുന്ന ആളുക​ളു​മാ​യി അധ്യയനം നടത്തു​മ്പോൾ സാവധാ​നം സംസാ​രി​ക്കണം. സ്‌ഫു​ട​മാ​യി ഉച്ചരി​ക്കണം. ലളിത​മായ വാക്കു​ക​ളും വാചക​ങ്ങ​ളും ഉപയോ​ഗി​ക്കണം. എങ്കിലും, മറ്റൊരു ഭാഷ സംസാ​രി​ക്കുന്ന ആളുക​ളോ​ടു മാന്യ​മാ​യി ഇടപെ​ട​ണ​മെ​ന്ന​കാ​ര്യം മനസ്സിൽപ്പി​ടി​ക്കുക. കുട്ടി​ക​ളോ​ടെ​ന്ന​പോ​ലെ അവരോട്‌ ഇടപെ​ട​രുത്‌.

²⁰ ആവശ്യം ലഘുപ​ത്രി​ക​യി​ലുള്ള മനോ​ഹ​ര​മായ ചിത്രങ്ങൾ നന്നായി പ്രയോ​ജ​ന​പ്പെ​ടു​ത്തുക. “ഒരു ചിത്രം ആയിരം വാക്കു​ക​ളെ​ക്കാൾ ഫലപ്രദം” ആയിരി​ക്കെ ആ ലഘുപ​ത്രി​ക​യിൽ ഉപയോ​ഗി​ച്ചി​രി​ക്കുന്ന നിരവധി ചിത്രങ്ങൾ വീട്ടു​കാ​രനു വളരെ​യ​ധി​കം വിജ്ഞാ​ന​പ്ര​ദ​മാ​യി​രി​ക്കും. സ്വന്തം ബൈബി​ളിൽനി​ന്നു തിരു​വെ​ഴു​ത്തു​കൾ വായി​ക്കാൻ അയാളെ ക്ഷണിക്കുക. നിങ്ങളു​ടെ ഭാഷ സംസാ​രി​ക്കുന്ന ഒരു കുടും​ബാം​ഗം പരിഭാ​ഷ​പ്പെ​ടു​ത്താ​നു​ണ്ടെ​ങ്കിൽ അതു പ്രയോ​ജ​ന​പ്പെ​ടു​ത്തി അധ്യയനം നടത്തു​ന്ന​താ​ണു നല്ലത്‌.—നമ്മുടെ രാജ്യ ശുശ്രൂ​ഷ​യു​ടെ 1990 നവംബർ ലക്കത്തിന്റെ 3-4 പേജു​ക​ളും 1984 ഏപ്രിൽ ലക്കത്തിന്റെ 8-ാം പേജും കാണുക.

²¹ മടക്കസ​ന്ദർശ​നങ്ങൾ വൈകാ​തെ നടത്തുക: ഒരു മടക്കസ​ന്ദർശ​ന​ത്തിന്‌ എത്ര നാൾ കഴിയണം? പ്രഥമ​സ​ന്ദർശനം നടത്തി ഒന്നോ രണ്ടോ ദിവസ​ത്തി​നു ശേഷം ചില പ്രസാ​ധകർ മടങ്ങി​ച്ചെ​ല്ലു​ന്നു. മറ്റു ചിലർ അതേ ദിവസം​തന്നെ, കുറച്ചു കഴിഞ്ഞു മടങ്ങി​ച്ചെ​ല്ലു​ന്നു! അത്‌ വളരെ നേര​ത്തെ​യാ​യി​പ്പോ​കു​മോ? സാധാ​ര​ണ​ഗ​തി​യിൽ വീട്ടു​കാർക്ക്‌ അതു പ്രശ്‌നമല്ല. മിക്ക​പ്പോ​ഴും മടക്കസ​ന്ദർശനം നടത്തുന്ന പ്രസാ​ധ​ക​നാ​ണു കുറച്ചു​കൂ​ടെ ക്രിയാ​ത്മക മനോ​ഭാ​വം നട്ടുവ​ളർത്തി ധൈര്യം സംഭരി​ക്കേ​ണ്ടത്‌. പിൻവ​രുന്ന അനുഭ​വങ്ങൾ പരിചി​ന്തി​ക്കുക.

²² 13 വയസ്സുള്ള ഒരു പ്രസാ​ധകൻ വീടു​തോ​റും പ്രവർത്തി​ക്കു​ന്ന​തി​നി​ട​യിൽ, രണ്ടു സ്‌ത്രീ​കൾ ഒരുമി​ച്ചു നടന്നു​വ​രു​ന്നതു കണ്ടു. ആളുകളെ എവി​ടെ​വെച്ചു കണ്ടുമു​ട്ടി​യാ​ലും സാക്ഷ്യം നൽകണ​മെ​ന്നുള്ള പ്രോ​ത്സാ​ഹ​ന​ത്തെ​ക്കു​റിച്ച്‌ അറിവു​ണ്ടാ​യി​രുന്ന അവൻ ആ സ്‌ത്രീ​കളെ സമീപി​ച്ചു. അവർ രാജ്യ​സ​ന്ദേ​ശ​ത്തിൽ താത്‌പ​ര്യം പ്രകട​മാ​ക്കി, ഓരോ പരിജ്ഞാ​നം പുസ്‌ത​ക​മെ​ടു​ത്തു. ആ യുവ സഹോ​ദരൻ അവരുടെ വിലാസം വാങ്ങി, രണ്ടു ദിവസ​ത്തി​നു​ശേഷം മടങ്ങി​ച്ചെന്നു. ഇരുവ​രു​മാ​യും ബൈബി​ള​ധ്യ​യനം തുടങ്ങി.

²³ ഒരു സഹോ​ദരി പിറ്റേ ആഴ്‌ച​യിൽ മടക്കസ​ന്ദർശനം നടത്താൻ ക്രമീ​ക​രണം ചെയ്യുന്നു. എന്നാൽ, പ്രഥമ​സ​ന്ദർശ​ന​ത്തിന്‌ ഒന്നോ രണ്ടോ ദിവസ​ത്തി​നു​ശേഷം, മുമ്പു തങ്ങൾ ചർച്ച ചെയ്‌ത വിഷയത്തെ ആസ്‌പ​ദ​മാ​ക്കി​യുള്ള ഒരു മാസിക കൊടു​ക്കാൻ അവർ മടങ്ങി​ച്ചെ​ല്ലു​ന്നു. അവർ വീട്ടു​കാ​ര​നോട്‌ ഇങ്ങനെ പറയുന്നു: “ഞാൻ ഈ ലേഖനം കണ്ടപ്പോൾ ഓർത്തു നിങ്ങളതു വായി​ക്കാൻ താത്‌പ​ര്യ​പ്പെ​ടു​മെന്ന്‌. ഇപ്പോൾ ഇതേക്കു​റി​ച്ചു സംസാ​രി​ക്കാൻ എനിക്കു സമയമില്ല, എന്നാൽ നേരത്തെ ക്രമീ​ക​രി​ച്ച​തു​പോ​ലെ അടുത്ത ബുധനാഴ്‌ച ഉച്ചകഴി​ഞ്ഞു ഞാൻ മടങ്ങി​വ​രും. ആ സമയത്തി​നു മാറ്റ​മൊ​ന്നു​മി​ല്ല​ല്ലോ?”

²⁴ ഒരു വ്യക്തി സത്യത്തിൽ താത്‌പ​ര്യം കാട്ടു​മ്പോൾ അയാൾ ഒന്നല്ലെ​ങ്കിൽ മറ്റൊ​രു​വി​ധ​ത്തിൽ എതിർപ്പു നേരി​ടേ​ണ്ടി​വ​രു​മെന്നു നമുക്കു തീർച്ച​യാ​യു​മ​റി​യാം. പ്രഥമ​സ​ന്ദർശ​ന​ത്തി​നു​ശേഷം ഉടനെ അയാളു​ടെ​യ​ടു​ക്കൽ മടങ്ങി​ച്ചെ​ല്ലു​ന്നത്‌, ബന്ധുക്ക​ളിൽനി​ന്നോ ഉറ്റ സുഹൃ​ത്തു​ക്ക​ളിൽനി​ന്നോ മറ്റുള്ള​വ​രിൽനി​ന്നോ ഉള്ള എതിർപ്പി​നെ നേരി​ടു​ന്ന​തിന്‌ അയാൾക്കു ബലമേ​കും.

²⁵ പൊതു​സ്ഥ​ല​ങ്ങ​ളിൽ കണ്ടുമു​ട്ടു​ന്ന​വ​രിൽ താത്‌പ​ര്യം നട്ടുവ​ളർത്തുക: തെരു​വു​കൾ, പാർക്കിങ്‌ സ്ഥലങ്ങൾ, പൊതു​വാ​ഹനം, ഷോപ്പിങ്‌ സെന്ററു​കൾ, പാർക്കു​കൾ എന്നിവി​ട​ങ്ങ​ളി​ലെ​ല്ലാം പ്രസം​ഗ​വേല ചെയ്യു​ന്നതു നമ്മില​നേ​ക​രും ആസ്വദി​ക്കു​ന്നു. സാഹി​ത്യ​ങ്ങൾ സമർപ്പി​ക്കു​ന്ന​തി​നു പുറമേ നാം ആളുക​ളിൽ താത്‌പ​ര്യ​വും നട്ടുവ​ളർത്തേ​ണ്ട​തുണ്ട്‌. ആ ഉദ്ദേശ്യ​ത്തിൽ, നാം കണ്ടുമു​ട്ടുന്ന ഓരോ താത്‌പ​ര്യ​ക്കാ​രു​ടെ​യും പേരും വിലാ​സ​വും, സാധ്യ​മെ​ങ്കിൽ ടെല​ഫോൺ നമ്പരും കരസ്ഥമാ​ക്കണം. ഈ വിവരങ്ങൾ കൈപ്പ​റ്റു​ന്നത്‌ ഉദ്ദേശി​ക്കു​ന്ന​തു​പോ​ലെ ബുദ്ധി​മു​ട്ടുള്ള സംഗതി​യല്ല. സംഭാ​ഷണം തീരു​ന്ന​തി​നു മുമ്പു നോട്ടു​ബു​ക്കു വെളി​യി​ലെ​ടു​ത്തിട്ട്‌ ഇങ്ങനെ ചോദി​ക്കുക: “മറ്റെ​പ്പോ​ഴെ​ങ്കി​ലും നമ്മുടെ സംഭാ​ഷണം തുടരാൻ വല്ല മാർഗ​വു​മു​ണ്ടോ?” അല്ലെങ്കിൽ ഇങ്ങനെ പറയുക: “നിങ്ങളി​ഷ്ട​പ്പെ​ടു​മെന്ന്‌ എനിക്കു​റ​പ്പുള്ള ഒരു ലേഖനം എന്റെ പക്കലുണ്ട്‌. നിങ്ങളതു വായി​ക്ക​ണ​മെ​ന്നാണ്‌ എന്റെ ആഗ്രഹം. ഞാനതു നിങ്ങളു​ടെ വീട്ടി​ലോ ഓഫീ​സി​ലോ എത്തിക്കട്ടെ?” ഒരു സഹോ​ദരൻ സാധാരണ ഇങ്ങനെ ചോദി​ക്കു​ന്നു: “നിങ്ങളു​മാ​യി ഏതു ടെല​ഫോൺ നമ്പറിൽ ബന്ധപ്പെ​ടാ​നാ​കും?” മൂന്നു മാസത്തി​നു​ള്ളിൽ മൂന്നു പേരൊ​ഴി​കെ മറ്റെല്ലാ​വ​രും സസന്തോ​ഷം ഫോൺ നമ്പർ നൽകി​യെന്ന്‌ അദ്ദേഹം റിപ്പോർട്ടു​ചെ​യ്യു​ന്നു.

²⁶ താത്‌പ​ര്യം കണ്ടെത്താ​നും അതു വികസി​പ്പി​ച്ചെ​ടു​ക്കാ​നും ടെല​ഫോൺ ഉപയോ​ഗി​ക്കുക: കനത്ത സുരക്ഷാ​സ​ന്നാ​ഹ​മുള്ള കെട്ടി​ട​ങ്ങ​ളിൽ താമസി​ക്കു​ന്ന​വ​രു​മാ​യി ബന്ധപ്പെ​ടു​ന്ന​തിന്‌ ഒരു പയനിയർ സഹോ​ദരി ടെല​ഫോൺ ഉപയോ​ഗി​ക്കു​ന്നു. അതേ മാധ്യ​മ​ത്തി​ലൂ​ടെ അവർ മടക്കസ​ന്ദർശ​ന​ങ്ങ​ളും നടത്തുന്നു. ആദ്യം ഫോണിൽ ബന്ധപ്പെ​ടു​മ്പോൾ അവർ ഇങ്ങനെ പറയുന്നു: “നിങ്ങ​ളെന്നെ അറിയു​ക​യി​ല്ലെന്ന്‌ എനിക്ക​റി​യാം. നിങ്ങളു​ടെ പ്രദേ​ശ​ത്തുള്ള ആളുക​ളു​മാ​യി ബന്ധപ്പെട്ടു ബൈബി​ളിൽനി​ന്നുള്ള ഒരാശയം പങ്കിടാൻ ഞാൻ പ്രത്യേ​കം ശ്രമം ചെയ്യു​ക​യാണ്‌. ഒരൽപ്പം സമയം നൽകാ​മെ​ങ്കിൽ . . .-ൽ രേഖ​പ്പെ​ടു​ത്തി​യി​രി​ക്കുന്ന വാഗ്‌ദാ​നം നിങ്ങളെ വായി​ച്ചു​കേൾപ്പി​ക്കാം.” തിരു​വെ​ഴു​ത്തു വായി​ച്ച​ശേഷം അവർ പറയുന്നു: “ആ സമയം വന്നെത്തു​ന്നതു കാണാൻ നമുക്കാ​കു​മെ​ങ്കിൽ എത്ര നന്നായി​രു​ന്നേനേ, അല്ലേ? ഇതു വായിച്ചു കേൾപ്പി​ക്കാൻ കഴിഞ്ഞ​തിൽ സന്തോഷം. നിങ്ങൾക്കും അതിഷ്ട​മാ​യെ​ങ്കിൽ വീണ്ടു​മൊ​രി​ക്കൽ ഫോണി​ലൂ​ടെ മറ്റൊരു തിരു​വെ​ഴു​ത്തു ചർച്ച​ചെ​യ്യാൻ ഞാൻ ആഗ്രഹി​ക്കു​ന്നു.”

²⁷ ഫോണി​ലൂ​ടെ മടക്കസ​ന്ദർശനം നടത്തു​മ്പോൾ, മുമ്പു നടത്തിയ സംഭാ​ഷ​ണ​ത്തെ​ക്കു​റിച്ച്‌ അവർ വീട്ടു​കാ​രനെ ഓർമി​പ്പി​ക്കു​ന്നു. എന്നിട്ട്‌, ദുഷ്ടത നീക്കം​ചെ​യ്യ​പ്പെ​ടു​മ്പോൾ സ്ഥിതി​ഗ​തി​കൾ എങ്ങനെ​യി​രി​ക്കു​മെന്നു ബൈബി​ളിൽനി​ന്നു വായി​ച്ചു​കേൾപ്പി​ക്കാൻ ആഗ്രഹി​ക്കു​ന്നു​വെന്ന്‌ അവർ പറയുന്നു. അതിനു​ശേഷം വീട്ടു​കാ​ര​നു​മാ​യി ഒരു ഹ്രസ്വ ബൈബിൾ ചർച്ച നടത്തുന്നു. അവർ നിരവധി ആളുക​ളു​മാ​യി ടെല​ഫോ​ണിൽ ബന്ധപ്പെ​ട്ടി​ട്ടുണ്ട്‌. അതിൽ 35 പേർ അവരെ വീട്ടി​ലേക്കു ക്ഷണിച്ചു. ഏഴു പേരു​മാ​യി ഭവന ബൈബി​ള​ധ്യ​യനം തുടങ്ങി! മഴക്കാ​ലത്തെ ചെളി​യോ വെള്ളമോ നിറഞ്ഞ വഴിയോ രോഗ​മോ നിമിത്തം താത്‌പ​ര്യ​ക്കാ​രു​ടെ​യ​ടു​ക്കൽ മടക്കസ​ന്ദർശ​ന​ങ്ങൾക്കു പോകു​ന്നതു നിങ്ങൾക്കു ബുദ്ധി​മു​ട്ടാ​യി തോന്നാ​റു​ണ്ടോ? അങ്ങനെ​യെ​ങ്കിൽ, സാധി​ക്കു​ന്ന​പക്ഷം അവരു​മാ​യി ടെല​ഫോ​ണിൽ ബന്ധപ്പെ​ട​രു​തോ?

²⁸ ബിസി​നസ്‌ സ്ഥലങ്ങളിൽ കണ്ടെത്തിയ താത്‌പ​ര്യം വികസി​പ്പി​ക്കുക: കടകൾതോ​റു​മുള്ള സേവന​ത്തിൽ കേവലം മാസി​കകൾ സമർപ്പി​ക്കു​ന്ന​തി​ലു​മ​ധി​കം ഉൾപ്പെ​ട്ടി​രി​ക്കു​ന്നു. അനേകം കടക്കാർക്കും സത്യത്തിൽ ആത്മാർഥ​മായ താത്‌പ​ര്യ​മുണ്ട്‌. അതു വികസി​പ്പി​ച്ചെ​ടു​ക്കേ​ണ്ട​താണ്‌. ചിലരു​മാ​യി, കടയിൽവെ​ച്ചു​തന്നെ ബൈബിൾ ചർച്ച ചെയ്യു​ന്ന​തി​നോ അധ്യയനം തുടങ്ങു​ന്ന​തി​നു​പോ​ലു​മോ കഴി​ഞ്ഞെ​ന്നു​വ​രാം. മറ്റുചി​ല​രു​മാ​യി ഉച്ചസമ​യത്തെ ഇടവേ​ള​യി​ലോ സൗകര്യ​പ്ര​ദ​മായ മറ്റു സമയത്തോ സന്ധിക്കാ​വു​ന്ന​താണ്‌.

²⁹ ഒരു സഞ്ചാര​മേൽവി​ചാ​രകൻ ഒരു കൊച്ചു പലചര​ക്കു​ക​ട​യു​ടെ ഉടമയെ സമീപിച്ച്‌, ബൈബി​ള​ധ്യ​യനം നടത്തു​ന്ന​തെ​ങ്ങ​നെ​യെന്നു കാണി​ക്കാ​മെന്നു പറഞ്ഞു. അതിന്‌ എത്ര സമയം വേണ്ടി​വ​രു​മെന്നു കടക്കാരൻ ചോദി​ച്ചു. വെറും 15 മിനിറ്റു മതിയാ​കു​മെന്നു സഞ്ചാര​മേൽവി​ചാ​രകൻ പറഞ്ഞു. അപ്പോൾ കടക്കാരൻ കതകിൽ ഒരു കുറിപ്പു തൂക്കി​യി​ട്ടു: “20 മിനിറ്റു കഴിഞ്ഞു വരുവിൻ.” രണ്ടു കസേര വലിച്ചിട്ട്‌ അവർ രണ്ടു​പേ​രും പരിജ്ഞാ​നം പുസ്‌ത​ക​ത്തി​ന്റെ ആദ്യത്തെ അഞ്ചു ഖണ്ഡികകൾ ചർച്ച​ചെ​യ്‌തു. ആത്മാർഥ​ത​യുള്ള ആ വ്യക്തി, പഠിച്ച കാര്യ​ങ്ങ​ളിൽ മതിപ്പു​തോ​ന്നി അതേ ഞായറാഴ്‌ച പരസ്യ യോഗ​ത്തി​നും വീക്ഷാ​ഗോ​പുര അധ്യയ​ന​ത്തി​നും ഹാജരാ​യി. മാത്രമല്ല, പിറ്റേ ആഴ്‌ച അധ്യയനം തുടരാൻ സമ്മതി​ക്കു​ക​യും ചെയ്‌തു.

³⁰ ഒരു ബിസി​നസ്‌ പ്രദേ​ശത്ത്‌ അധ്യയനം വാഗ്‌ദാ​നം ചെയ്യു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ഞങ്ങളുടെ അധ്യയന പരിപാ​ടി എങ്ങനെ​യെന്നു പ്രകടി​പ്പി​ക്കു​ന്ന​തി​നു വെറും 15 മിനിറ്റേ വേണ്ടി​വരൂ. അസൗക​ര്യ​മി​ല്ലെ​ങ്കിൽ, അതെങ്ങ​നെ​യാ​ണു നടത്തു​ന്ന​തെന്നു കാട്ടി​ത്ത​രു​ന്ന​തിൽ എനിക്കു സന്തോ​ഷ​മുണ്ട്‌.” എന്നിട്ട്‌, പറഞ്ഞ സമയത്തി​നു​ള്ളിൽ അതു നടത്തുക. ബിസി​നസ്‌ സ്ഥലത്തു ദീർഘ​മായ ചർച്ചയ്‌ക്കു സാധ്യ​ത​യി​ല്ലെ​ങ്കിൽ കടക്കാ​രനെ അയാളു​ടെ വീട്ടിൽ സന്ദർശി​ക്കാ​വു​ന്ന​താണ്‌.

³¹ സാഹി​ത്യ​മൊ​ന്നും സമർപ്പി​ക്കാ​ത്തി​ട​ത്തും മടക്കസ​ന്ദർശനം നടത്തുക: സാഹി​ത്യം സമർപ്പി​ച്ചാ​ലും ഇല്ലെങ്കി​ലും, താത്‌പ​ര്യ​ത്തി​ന്റെ ഓരോ കണിക​യും മടക്കസ​ന്ദർശനം അർഹി​ക്കു​ന്നു. വീട്ടു​കാ​രൻ രാജ്യ​സ​ന്ദേ​ശ​ത്തിൽ വാസ്‌ത​വ​മാ​യും തത്‌പ​ര​ന​ല്ലെ​ങ്കിൽ നിങ്ങളു​ടെ ശ്രമം പാഴാ​ക്കേ​ണ്ട​തില്ല.

³² വീടു​തോ​റു​മുള്ള വേലയിൽ ഒരു സഹോ​ദരി ഒരു സ്‌ത്രീ​യെ കണ്ടുമു​ട്ടി. അവർ വളരെ സൗഹൃ​ദ​ഭാ​വം കാട്ടി​യെ​ങ്കി​ലും മാസി​കകൾ വേണ്ടെന്നു തറപ്പിച്ചു പറഞ്ഞു. ആ പ്രസാ​ധിക എഴുതു​ന്നു: “ഞാൻ അവരെ​ക്കു​റി​ച്ചു ദിവസ​ങ്ങ​ളോ​ളം ചിന്തിച്ചു. വീണ്ടും അവരു​മാ​യി സംസാ​രി​ക്കാൻ തീരു​മാ​നി​ച്ചു.” ഒടുവിൽ, സഹോ​ദരി പ്രാർഥ​നാ​പൂർവം, ധൈര്യം സംഭരിച്ച്‌ ആ സ്‌ത്രീ​യു​ടെ വാതി​ലിൽ മുട്ടി. വീട്ടു​കാ​രി ഉള്ളി​ലേക്കു ക്ഷണിച്ച​പ്പോൾ സഹോ​ദ​രിക്ക്‌ അതിയായ സന്തോഷം തോന്നി. ഒരു ബൈബി​ള​ധ്യ​യനം തുടങ്ങി, പിറ്റേ​ന്നും അതു നടത്തി. ക്രമേണ വീട്ടു​കാ​രി സത്യം സ്വീക​രി​ച്ചു.

³³ പരമാ​വധി പ്രയോ​ജ​ന​ത്തി​നാ​യി കാലേ​കൂ​ട്ടി ആസൂ​ത്രണം ചെയ്യുക: ഓരോ വാരവും കുറച്ചു സമയം മടക്കസ​ന്ദർശ​ന​ങ്ങൾക്കാ​യി ചെലവ​ഴി​ക്കാൻ ശുപാർശ ചെയ്യു​ക​യാണ്‌. നല്ല ആസൂ​ത്ര​ണ​മു​ണ്ടെ​ങ്കിൽ വളരെ​യ​ധി​കം പ്രയോ​ജ​ന​മ​നു​ഭ​വി​ക്കാൻ കഴിയും. വീടു​തോ​റും പ്രവർത്തി​ക്കുന്ന അതേ പ്രദേ​ശത്തു മടക്കസ​ന്ദർശ​നങ്ങൾ നടത്താൻ ക്രമീ​ക​രി​ക്കുക. ഒരു സമയം​വരെ സാക്ഷീ​ക​ര​ണ​ത്തി​ലേർപ്പെ​ട്ടി​ട്ടു മടക്കസ​ന്ദർശ​ന​ങ്ങൾക്കാ​യി കുറച്ചു സമയം നീക്കി​വ​യ്‌ക്കുക. ഒരു കൂട്ട​ത്തോ​ടൊ​പ്പം പ്രവർത്തി​ക്കു​മ്പോൾ മറ്റുള്ള​വരെ നിങ്ങളു​ടെ മടക്കസ​ന്ദർശ​ന​ങ്ങൾക്കു കൊണ്ടു​പോ​കാ​നും അവരുടെ മടക്കസ​ന്ദർശ​ന​ങ്ങൾക്കു കൂടെ​പ്പോ​കാ​നും ക്രമീ​ക​രണം ചെയ്യുക. തന്മൂലം ഇരുവർക്കും ഇരുവ​രു​ടെ​യും കഴിവു​ക​ളിൽനി​ന്നും അനുഭ​വ​ങ്ങ​ളിൽനി​ന്നും പഠിക്കാ​നാ​കും.

³⁴ ആളുക​ളിൽ ആത്മാർഥ​മായ താത്‌പ​ര്യം കാട്ടു​ന്ന​തും അവരെ സന്ദർശി​ച്ച​ശേഷം അവരെ​ക്കു​റി​ച്ചു ചിന്തി​ച്ചു​കൊ​ണ്ടി​രി​ക്കു​ന്ന​തും വളരെ പ്രധാ​ന​മാ​ണെന്നു മടക്കസ​ന്ദർശ​ന​ങ്ങ​ളി​ലും ബൈബി​ള​ധ്യ​യ​നങ്ങൾ തുടങ്ങു​ന്ന​തി​ലും വിജയ​പ്ര​ദ​രാ​യി​രി​ക്കു​ന്നവർ പറയുന്നു. കൂടാതെ, പ്രഥമ​സ​ന്ദർശ​ന​ത്തിൽ താത്‌പ​ര്യ​മു​ണർത്തുന്ന ഒരു ബൈബിൾ വിഷയ​ത്തെ​ക്കു​റി​ച്ചു ചർച്ച നടത്തു​ന്ന​തും മടക്കസ​ന്ദർശ​ന​ത്തി​നാ​യി അസ്‌തി​വാ​ര​മി​ടു​ന്ന​തും അത്യന്താ​പേ​ക്ഷി​ത​മാണ്‌. താത്‌പ​ര്യം വളർത്തി​യെ​ടു​ക്കു​ന്ന​തി​നു താമസം​വി​നാ മടങ്ങി​ച്ചെ​ല്ലു​ന്നതു പ്രധാ​ന​മാണ്‌. ബൈബി​ള​ധ്യ​യനം നടത്തു​ക​യാ​ണു ലക്ഷ്യ​മെന്ന്‌ എല്ലായ്‌പോ​ഴും മനസ്സിൽപ്പി​ടി​ക്കണം.

³⁵ മടക്കസ​ന്ദർശ​ന​ത്തി​ലെ വിജയ​ത്തി​നുള്ള മർമ​പ്ര​ധാ​ന​മായ ഒരു ഗുണം ധൈര്യ​മാണ്‌. അതെങ്ങനെ നേടാം? മറ്റുള്ള​വ​രോ​ടു സുവാർത്ത പ്രഖ്യാ​പി​ക്കാൻ ‘ധൈര്യം സംഭരി​ക്കു​ന്നതു നമ്മുടെ ദൈവം’ മുഖാ​ന്ത​ര​മാ​ണെന്നു പൗലൊസ്‌ അപ്പോ​സ്‌തലൻ ഉത്തരം​നൽകു​ന്നു. ഈ രംഗത്തു നിങ്ങൾ പുരോ​ഗ​മി​ക്കേ​ണ്ട​തു​ണ്ടെ​ങ്കിൽ യഹോ​വ​യു​ടെ സഹായ​ത്തി​നാ​യി പ്രാർഥി​ക്കുക. എന്നിട്ട്‌, നിങ്ങളു​ടെ പ്രാർഥ​ന​യ്‌ക്ക​നു​സൃ​ത​മാ​യി, താത്‌പ​ര്യം കണ്ടെത്തി​യി​ട​ത്തെ​ല്ലാം മടങ്ങി​ച്ചെ​ല്ലുക. നിങ്ങളു​ടെ ശ്രമങ്ങളെ യഹോവ തീർച്ച​യാ​യും അനു​ഗ്ര​ഹി​ക്കും!

[3-ാം പേജിലെ ചതുരം]

മടക്കസന്ദർശനങ്ങൾ നടത്തു​ന്ന​തിൽ വിജയ​പ്ര​ദ​രാ​യി​രി​ക്കാ​വുന്ന വിധം

◼ ആളുക​ളിൽ ആത്മാർഥ​മായ താത്‌പ​ര്യ​മെ​ടു​ക്കുക.

◼ താത്‌പ​ര്യ​മു​ണർത്തുന്ന ഒരു ബൈബിൾ വിഷയം ചർച്ചയ്‌ക്കെ​ടു​ക്കുക.

◼ വിജയ​പ്ര​ദ​മായ ഓരോ സന്ദർശ​ന​ത്തി​നും​വേണ്ടി അസ്‌തി​വാ​ര​മി​ടുക.

◼ സന്ദർശ​ന​ശേഷം ആ വ്യക്തി​യെ​ക്കു​റി​ച്ചു ചിന്തി​ച്ചു​കൊ​ണ്ടി​രി​ക്കുക.

◼ താത്‌പ​ര്യം വികസി​പ്പി​ച്ചെ​ടു​ക്കു​ന്ന​തിന്‌ ഒന്നോ രണ്ടോ ദിവസ​ത്തി​നകം മടങ്ങി​ച്ചെ​ല്ലുക.

◼ ഒരു ബൈബി​ള​ധ്യ​യനം തുടങ്ങു​ക​യെന്ന ലക്ഷ്യം മനസ്സിൽപ്പി​ടി​ക്കുക.

◼ ഈ വേലയ്‌ക്കു​വേണ്ടി ധൈര്യം സംഭരി​ക്കാൻ സഹായ​ത്തി​നാ​യി പ്രാർഥി​ക്കുക.