ദൈവ​വ​ച​ന​ത്തി​ന്റെ ശക്തി

¹ ദൈവ​വ​ചനം ശക്തിയു​ള​ള​താണ്‌. (എബ്രാ. 4:12) ഇന്ന്‌, ബൈബി​ളിൽനി​ന്നു തങ്ങൾ പഠിക്കുന്ന കാര്യങ്ങൾ വ്യക്തി​പ​ര​മാ​യി ബാധക​മാ​ക്കി​യി​രി​ക്കു​ന്ന​തു​കൊ​ണ്ടു മാററം​ഭ​വി​ച്ചു മെച്ച​പ്പെ​ട്ടി​ട്ടു​ളള ദശലക്ഷ​ക്ക​ണ​ക്കിന്‌ ആളുക​ളു​ടെ ജീവി​ത​ത്തിൽ ഇതിന്റെ തെളിവു ദൃശ്യ​മാണ്‌. ഒന്നാം നൂററാ​ണ്ടിൽ യേശു​വി​ന്റെ ശിഷ്യൻമാർ ദൈവ​വ​ച​ന​ത്തി​ന്റെ അറിവു മററു​ള​ള​വ​രു​മാ​യി പങ്കുവ​ച്ച​പ്പോൾ ഇതേ സംഗതി സത്യമാ​യി​രു​ന്നു.—റോമർ 12:2.

² ബൈബി​ളി​ലെ പഠിപ്പി​ക്ക​ലു​ക​ളിൽനിന്ന്‌ ആളുകൾക്കു പ്രയോ​ജനം കിട്ടു​ന്ന​തിന്‌ അവർ ബൈബി​ളി​നെ ദൈവ​വ​ച​ന​മാ​യി അംഗീ​ക​രി​ക്കു​ക​യും ബൈബിൾ ശരിയാ​യി മനസ്സി​ലാ​ക്കു​ക​യും ചെയ്യേണ്ട ആവശ്യ​മുണ്ട്‌. (1 തെസ്സ. 2:13) ഡിസം​ബ​റിൽ നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം സമർപ്പി​ച്ചു​കൊ​ണ്ടു ബൈബി​ളി​ന്റെ മൂല്യ​ത്തെ​പ്പ​ററി കൂടുതൽ പഠിക്കു​ന്ന​തി​നും അതിന്റെ ശരിയായ ഗ്രാഹ്യം സമ്പാദി​ക്കു​ന്ന​തി​നു​മു​ളള അവസരം നാം ആളുകൾക്കു നൽകു​ന്ന​താ​യി​രി​ക്കും.

³ എന്നേക്കും ജീവി​ക്കാൻ പുസ്‌ത​ക​ത്തി​ലെ ചില രസകര​മായ സവി​ശേ​ഷ​തകൾ എന്തു​കൊ​ണ്ടി​പ്പോൾ പുനര​വ​ലോ​കനം ചെയ്‌തു​കൂ​ടാ? ഉളളട​ക്ക​ത്തി​ന്റെ പേജ്‌ യഹോ​വ​യാം ദൈവ​ത്തി​ന്റെ​യും യേശു​ക്രി​സ്‌തു​വി​ന്റെ​യും പങ്ക്‌, മരണം, നരകം, ദുഷ്ടാ​ത്മാ​ക്കൾ, പുനരു​ത്ഥാ​നം, ദൈവ​രാ​ജ്യം എന്നിവ സംബന്ധിച്ച അടിസ്ഥാന ഉപദേ​ശങ്ങൾ ചർച്ച​ചെ​യ്യുന്ന അദ്ധ്യാ​യ​ങ്ങ​ളി​ലേക്കു നിങ്ങളെ നയിക്കും. അനേകം ഫോ​ട്ടോ​ക​ളും ചിത്രീ​ക​ര​ണ​ങ്ങ​ളും ഇതിലുണ്ട്‌. ഈ സവി​ശേ​ഷ​തകൾ ഇതില​ട​ങ്ങി​യി​രി​ക്കുന്ന സുവാർത്ത നമ്മുടെ പ്രദേ​ശ​ത്തു​ളള ആളുകൾ കേൾക്കേണ്ട ആവശ്യ​മു​ണ്ടെന്ന ഉറച്ച ബോദ്ധ്യ​മു​ള​ള​വ​രാ​യി യഥാർത്ഥ ഉത്സാഹ​ത്തോ​ടെ ഈ പുസ്‌തകം സമർപ്പി​ക്കാൻ നമ്മെ പ്രാപ്‌ത​രാ​ക്കും. ഈ നല്ല പ്രസി​ദ്ധീ​ക​രണം സംബന്ധി​ച്ചു​ളള നമ്മുടെ ഉത്സാഹം വീട്ടു​കാ​രൻ നമ്മുടെ രാജ്യ​സ​ന്ദേ​ശ​ത്തോ​ടും സമർപ്പ​ണ​ത്തോ​ടും ഏറെ മനസ്സൊ​രു​ക്ക​ത്തോ​ടെ പ്രതി​ക​രി​ക്കു​ന്ന​തിൽ കലാശി​ക്കും.

⁴ മനുഷ്യ​വർഗ്ഗ​ത്തി​നു​വേണ്ടി ഭാവി വെച്ചു​നീ​ട്ടു​ന്ന​തെ​ന്തെന്നു യഥാർത്ഥ​ത്തിൽ അറിയാ​നാ​ഗ്ര​ഹി​ക്കുന്ന ഒരു വീട്ടു​കാ​രനെ നാം അഭിമു​ഖീ​ക​രി​ക്കു​മ്പോൾ ഈ പുസ്‌തകം നമു​ക്കെ​ങ്ങനെ ഉപയോ​ഗി​ക്കാൻ കഴിയും? ഭൂമി​യേ​യും മനുഷ്യ​വർഗ്ഗ​ത്തേ​യും കുറി​ച്ചു​ളള ദൈവ​ത്തി​ന്റെ ഉദ്ദേശ്യ​മെ​ന്തെന്നു പ്രതി​പാ​ദി​ക്കുന്ന ഒന്നാമത്തെ അദ്ധ്യാ​യ​ത്തി​ന്റെ 12-ഉം 13-ഉം പേജുകൾ നാം വിശേ​ഷ​വൽക്ക​രി​ക്കു​ക​യും ഈ മഹത്തായ അനു​ഗ്ര​ഹങ്ങൾ സമീപി​ച്ചി​രി​ക്കു​ന്നെന്നു ചൂണ്ടി​ക്കാ​ട്ടു​ക​യും ചെയ്യുന്നു. നമുക്ക്‌ അയാളു​ടെ ശ്രദ്ധയെ 155-158 പേജു​ക​ളി​ലെ ചിത്ര​ങ്ങ​ളി​ലേക്കു തിരി​ച്ചു​വി​ടാൻ കഴിയും. ഈ ചിത്ര​ങ്ങൾക്ക​രി​കിൽ കൊടു​ത്തി​രി​ക്കുന്ന തിരു​വെ​ഴു​ത്തു​കൾ വായി​ക്കു​ന്നതു നിങ്ങളു​ടെ ചർച്ച തിരു​വെ​ഴു​ത്ത​ധി​ഷ്‌ഠി​ത​മാ​ണെന്നു വീട്ടു​കാ​രന്‌ ഉറപ്പു നൽകും.

⁵ ക്രൈ​സ്‌ത​വ​ലോ​ക​ത്തി​ന്റെ നടത്തനി​മി​ത്തം ബൈബിൾ ദൈവ​വ​ച​ന​മാ​ണെന്ന്‌ അംഗീ​ക​രി​ക്കാൻ അനേകർ വിസമ്മ​തി​ക്കു​ന്നു. ഈ സാഹച​ര്യ​ത്തിൽ യഹോ​വ​യു​ടെ സാക്ഷികൾ പുറ​പ്പെ​ടു​വി​ക്കുന്ന ഫലങ്ങളും മററു മതങ്ങൾ പുറ​പ്പെ​ടു​വി​ക്കുന്ന ഫലങ്ങളും തമ്മിലു​ളള വ്യത്യാ​സം കാണി​ക്കു​ന്ന​തി​നു “സത്യമ​തത്തെ തിരി​ച്ച​റി​യൽ” എന്ന 22-ാമത്തെ അദ്ധ്യായം ഫലപ്ര​ദ​മാ​യി ഉപയോ​ഗി​ക്കാൻ കഴിയും.

⁶ നാം നമ്മുടെ ഇംഗ്ലീഷ്‌ ബൈബി​ളിൽനിന്ന്‌ ഒരു തിരു​വെ​ഴു​ത്തു വായി​ച്ചാൽ വീട്ടു​കാ​രൻ പുതി​യ​ലോ​ക​ഭാ​ഷാ​ന്ത​ര​ത്തിൽ ഉപയോ​ഗി​ച്ചി​രി​ക്കുന്ന ഭാഷയു​ടെ വ്യക്തത​യെ​ക്കു​റിച്ച്‌ അഭി​പ്രാ​യം പറഞ്ഞേ​ക്കാം. അല്ലെങ്കിൽ, വീട്ടു​കാ​രൻ നമ്മുടെ സന്ദേശ​ത്തിൽ താത്‌പ​ര്യം കാട്ടു​ന്നു​ണ്ടെ​ങ്കി​ലും അദ്ദേഹ​ത്തി​നൊ​രു ബൈബി​ളി​ല്ലെന്നു നാം കണ്ടെത്തി​യേ​ക്കാം. ഈ സാഹച​ര്യ​ങ്ങ​ളിൽ നാമു​പ​യോ​ഗി​ക്കുന്ന ബൈബി​ളി​ന്റെ അതുല്യ​മായ സവി​ശേ​ഷ​ത​ക​ളും മററു​ള​ള​വ​യോ​ടു​ളള താരത​മ്യ​ത്തിൽ ഇതു നാം കൂടുതൽ ഇഷ്ടപ്പെ​ടു​ന്ന​തി​ന്റെ കാരണ​ങ്ങ​ളും നമുക്കു വിശദീ​ക​രി​ക്കാ​വു​ന്ന​താണ്‌. മററു കാര്യ​ങ്ങ​ളോ​ടൊ​പ്പം വിഷയ​സൂ​ചി​ക​യി​ലേ​ക്കും ബൈബി​ളി​ന്റെ അവസാനം കൊടു​ത്തി​രി​ക്കുന്ന “ചർച്ചക്കു​ളള ബൈബിൾ വിഷയങ്ങൾ” എന്ന സവി​ശേ​ഷ​ത​യി​ലേ​ക്കും നമുക്കു വിരൽ ചൂണ്ടാൻ കഴിയും. ഇത്‌, നിങ്ങളു​ടെ പക്കൽ ഒരു പ്രതി ഇല്ലെങ്കിൽ തിരി​ച്ചു​വന്ന്‌ ഒരു പുതിയ പ്രതി നൽകാ​മെന്നു വാഗ്‌ദാ​നം ചെയ്‌താൽ വീട്ടു​കാ​രന്‌ ഒരു പുതി​യ​ലോ​ക​ഭാ​ഷാ​ന്തരം സമർപ്പി​ക്കു​ന്ന​തി​നു​ളള അവസരം പ്രദാനം ചെയ്‌തേ​ക്കാം.

⁷ യഹോവ ബൈബി​ളി​ലൂ​ടെ മനുഷ്യ​വർഗ്ഗ​ത്തോ​ടു​ളള തന്റെ ഇടപെ​ട​ലു​കൾ അറിയി​ക്കു​ക​യും തന്റെ അത്ഭുത​ക​ര​മായ വ്യക്തി​ത്വം നമ്മെ അറിയി​ക്കു​ക​യും ചെയ്‌തി​രി​ക്കു​ന്നു. യഹോ​വ​യേ​ക്കു​റി​ച്ചും അവന്റെ വചനത്തി​ന്റെ ശക്തി​യേ​ക്കു​റി​ച്ചും മനസ്സി​ലാ​ക്കാൻ മററു​ള​ള​വരെ സഹായി​ക്കു​ന്ന​തി​നു നമുക്കു പുതി​യ​ലോ​ക​ഭാ​ഷാ​ന്ത​ര​വും എന്നേക്കും ജീവി​ക്കാൻ പുസ്‌ത​ക​വും ഫലപ്ര​ദ​മാ​യി ഉപയോ​ഗി​ക്കാം!—2 കൊരി. 10:4.