അവധി​ക്കാല ഓർമി​പ്പി​ക്ക​ലു​കൾ

¹ അവധി​ക്കാല മാസങ്ങ​ളിൽ നമ്മിൽ പലരും നമ്മുടെ മാതൃ​സ​ഭ​ക​ളിൽനി​ന്നു കുറച്ചു നാള​ത്തേക്കു ദൂരെ​യാ​യി​രി​ക്കു​ക​യും, ഈ വർഷാ​വ​സാ​നത്തെ ഡിസ്‌ട്രിക്ട്‌ കൺ​വെൻ​ഷ​നു​കൾക്ക്‌ ഒരുപക്ഷേ ഈ അവധി​ക്കാ​ലത്തു നാം ഹാജരാ​വ​ക​യും ചെയ്‌തേ​ക്കാം. ഒരു മാസത്തി​ന്റെ ഒടുവി​ലാണ്‌ നാം പോകു​ന്ന​തെ​ങ്കിൽ, നമ്മുടെ വയൽസേവന റിപ്പോർട്ടു​കൾ സഭാ സെക്ര​ട്ട​റിക്ക്‌ അയക്കുന്നു എന്നു നാം ഉറപ്പു വരുത്തും. ഇത്‌ സഭയുടെ പ്രതി​മാസ റിപ്പോർട്ടി​ന്റെ കൂടെ ഉൾപ്പെ​ടു​ത്താൻ കഴിയ​ത്ത​ക്ക​വി​ധം വേണ്ടത്ര നേരത്തെ ആയിരി​ക്കണം, അടുത്ത മാസം ആറാം തീയതി​യോ​ടു​കൂ​ടി​യാണ്‌ സെക്ര​ട്ടറി റിപ്പോർട്ടു​കൾ ശേഖരി​ക്കു​ക​യും സൊ​സൈ​റ​റിക്ക്‌ അയക്കു​ക​യും ചെയ്യു​ന്നത്‌.

² അനൗപ​ചാ​രിക സാക്ഷീ​ക​ര​ണ​ത്തി​നു​ളള അവസരങ്ങൾ സംബന്ധി​ച്ചു ജാഗ്ര​ത​യു​ള​ള​വ​രാ​യി​രി​ക്കാ​നും നാം ആഗ്രഹി​ക്കു​ന്നു. യാത്ര ചെയ്യു​മ്പോ​ഴോ ബന്ധുക്കളെ സന്ദർശി​ക്കു​മ്പോ​ഴോ നാം കണ്ടുമു​ട്ടുന്ന മററു​ള​ള​വ​രോ​ടു സംസാ​രി​ക്കു​മ്പോ​ഴോ അത്തരം അവസരങ്ങൾ ഉണ്ടാ​യേ​ക്കാം. യേശു ചെയ്‌ത​തു​പോ​ലെ സാക്ഷ്യം നൽകാ​നു​ളള അവസര​ങ്ങ​ളാ​യി നാം അവയെ വീക്ഷി​ക്കു​ന്നു​വോ? അനൗപ​ചാ​രിക സാക്ഷ്യം നൽകു​ന്ന​തിൽനിന്ന്‌ അവിടുന്ന്‌ ഒരിക്ക​ലും വിട്ടു​നി​ന്നില്ല. (യോഹ​ന്നാൻ 4:5-30) സമാന​മാ​യി അപ്പോ​സ്‌ത​ല​നായ പൗലോസ്‌ ‘അവസ​രോ​ചിത സമയം വിലയ്‌ക്കു വാങ്ങു’കയും നല്ല ഫലങ്ങൾ ആസ്വദി​ക്കു​ക​യും ചെയ്‌തു. (എഫെ. 5:16; പ്രവൃ​ത്തി​കൾ 17:17; 28:30, 31; കൊലൊ. 4:5) അനൗപ​ചാ​രിക സാക്ഷീ​ക​ര​ണ​ത്തിൽ ഏർപ്പെ​ടാ​നു​ളള സുനി​ശ്ചിത ആസൂ​ത്ര​ണങ്ങൾ ചെയ്യുക. സമയോ​ചി​ത​മായ കുറെ സംസാ​രാ​ശ​യങ്ങൾ സഹിതം നല്ലവണ്ണം തയ്യാറാ​യി​രി​ക്കുക, താത്‌പ​ര്യ​ത്തെ ഉത്തേജി​പ്പി​ക്കാൻ ഒരു മാസി​ക​യോ ലഘു​ലേ​ഖ​യോ കൈവശം ഉണ്ടായി​രി​ക്കുക.

³ ഈ ഓർമി​പ്പി​ക്ക​ലു​കൾ ശ്രദ്ധാ​പൂർവം പിൻപ​റ​റു​ന്ന​തി​നാൽ, നമ്മുടെ അവധി​ക്കാല സമയവും യാത്ര ചെയ്യുന്ന സമയവും ജ്ഞാനപൂർവം ഉപയോ​ഗി​ക്കാൻ നാം ഉറപ്പു​ള​ള​വ​രാ​യി​രി​ക്കും, നാം നമ്മുടെ “ആദ്യഫ​ലങ്ങൾ” യഹോ​വ​യ്‌ക്കു നൽകു​ക​യു​മാ​യി​രി​ക്കും.—സദൃശ. 3:9.