ഉറപ്പുളള ഒരു അടിസ്ഥാ​ന​ത്തിൻമേൽ പണിയാൻ ചെമ്മരി​യാ​ടു​തു​ല്യ​രായ ആളുകളെ സഹായി​ക്കു​ക

¹ ഒരു വീടു പണിയു​ന്ന​തി​നു ശ്രദ്ധാ​പൂർവ​ക​മായ ആസൂ​ത്ര​ണ​വും ഏകാ​ഗ്ര​മായ ശ്രമവും ആവശ്യ​മാണ്‌. വീടു രൂപക​ല്‌പന ചെയ്‌ത​ശേഷം കെട്ടിടം പണിയേണ്ട സ്ഥലം ഒരുക്കു​ക​യും ഉറപ്പുളള ഒരു അടിസ്ഥാ​നം ഇടുക​യും വേണം. ഈ പദ്ധതി ക്രമാ​നു​ഗ​ത​മാ​യി വികസിച്ച്‌ ഒടുവിൽ അതു പൂർത്തി​യാ​കു​ന്നു. അതു​പോ​ലെ ക്രമാ​നു​ഗ​ത​മാ​യി സത്യം പഠിക്കാൻ നാം ചെമ്മരി​യാ​ടു​തു​ല്യ​രായ ആളുകളെ സഹായി​ക്കണം. ആദ്യ സന്ദർശ​ന​ത്തിൽ താത്‌പ​ര്യം ഉണർത്താൻ നാം ശ്രമി​ക്കു​ന്നു. അതിനു​ശേഷം ദൈവ​ത്തെ​യും മനുഷ്യ​വർഗത്തെ സംബന്ധിച്ച അവിടു​ത്തെ ഉദ്ദേശ്യ​ത്തെ​യും കുറി​ച്ചു​ളള അടിസ്ഥാന സത്യങ്ങൾ പഠിപ്പി​ക്കു​ക​വഴി ഒരു അടിത്തറ ഇട്ടു​കൊ​ണ്ടു നാം മടക്കസ​ന്ദർശ​നങ്ങൾ നടത്തുന്നു.—ലൂക്കൊ. 6:48.

² എന്നിരു​ന്നാ​ലും അടിത്തറ ഇടുന്ന​തി​നു​മു​മ്പു വീട്ടു​കാ​രന്റെ സാഹച​ര്യ​ങ്ങൾ മനസ്സി​ലാ​ക്കി അയാളു​ടെ പണിസ്ഥലം നാം ഒരു​ക്കേ​ണ്ട​തുണ്ട്‌. മുമ്പ്‌ ഏതു വിഷയ​മാ​യി​രു​ന്നു പരിചി​ന്തി​ച്ചത്‌? ഉപയോ​ഗിച്ച തിരു​വെ​ഴു​ത്തു​കൾ ഏതെല്ലാ​മാ​യി​രു​ന്നു? പ്രതി​ക​രണം എന്തായി​രു​ന്നു? കൊടു​ത്തി​ട്ടു പോന്ന പ്രസി​ദ്ധീ​ക​രണം ഏതാണ്‌? മടങ്ങി​ച്ചെ​ല്ലു​മ്പോൾ പ്രത്യേക പോയിൻറു​കൾ മനസ്സിൽ പിടി​ക്കു​ക​യും ക്രമാ​നു​ഗ​ത​മാ​യി അടിത്തറ പണിയു​ക​യും ചെയ്യുക. ഓരോ സന്ദർശനം നടത്തു​മ്പോ​ഴും വീട്ടു​കാ​രന്റെ അറി​വേ​റു​ക​യും ദൈവ​ത്തി​ലു​ളള അയാളു​ടെ വിശ്വാ​സം വർധി​ക്കു​ക​യും ചെയ്യുന്നു.

³ “എന്നേക്കും ജീവി​ക്കാൻ” പുസ്‌ത​ക​മാ​ണു സമർപ്പി​ച്ചി​രു​ന്ന​തെ​ങ്കിൽ നിങ്ങൾ ഇങ്ങനെ പറഞ്ഞേ​ക്കാം:

◼“നിങ്ങളെ വീട്ടിൽ കണ്ടതിൽ വളരെ സന്തോഷം. കഴിഞ്ഞ പ്രാവ​ശ്യം നാം ചർച്ച നടത്തി​യ​പ്പോൾ നമ്മുടെ ഈ പ്രദേ​ശത്തു ദൈവ​ത്തി​ലു​ളള താത്‌പ​ര്യം കുറഞ്ഞു​വ​രു​ന്ന​താ​യി നാം പരിചി​ന്തി​ച്ചു​വെന്നു നിങ്ങൾ ഓർക്കു​ന്നു​ണ്ടാ​കും. ദൈവം മനുഷ്യ​വർഗ​ത്തിൽ താത്‌പ​ര്യ​മു​ള​ള​വ​നാ​ണെ​ന്നും നീതി​മാൻമാർ അവിടു​ത്തെ രാജ്യം മുഖാ​ന്തരം അനു​ഗ്ര​ഹി​ക്ക​പ്പെ​ടു​മെ​ന്നും ബൈബിൾ വ്യക്തമാ​യി പറയുന്നു. [മത്തായി 6:9, 10 വായി​ക്കുക.] ഈ രാജ്യം മുഖാ​ന്തരം നീതി​യും ന്യായ​വും നിലനിൽക്കും.” യെശയ്യാവ്‌ 11:3-5 വായി​ച്ചിട്ട്‌ എന്നേക്കും ജീവി​ക്കാൻ പുസ്‌ത​ക​ത്തി​ന്റെ 1-ാം അധ്യാ​യ​ത്തി​ലെ ആദ്യത്തെ രണ്ടു ഖണ്ഡിക​ക​ളി​ലേക്കു വീട്ടു​കാ​രന്റെ ശ്രദ്ധ തിരി​ക്കുക. ഈ ഭാഗം എങ്ങനെ പഠിക്കാൻ കഴിയു​മെന്നു പ്രകടി​പ്പി​ച്ചു​കാ​ണി​ക്കുക.

⁴ ആദ്യ സന്ദർശ​ന​ത്തിൽ സമാധാ​ന​പൂർണ്ണ​മായ പുതിയ ലോകം ലഘു​ലേ​ഖ​യാ​ണു സമർപ്പി​ച്ചി​രു​ന്ന​തെ​ങ്കിൽ മെച്ചപ്പെട്ട അവസ്ഥക​ളു​ടെ​യും ബൈബി​ളി​ന്റെ വാഗ്‌ദ​ത്ത​ങ്ങ​ളു​ടെ​യും ആവശ്യകത സംബന്ധി​ച്ചു നേരത്തെ ചർച്ച ചെയ്‌തി​രുന്ന മുഖ്യ പോയിൻറു​കൾ പുനര​വ​ലോ​കനം ചെയ്യാൻ കഴിയും. പുതിയ ലോക​ത്തിൽ ജീവി​ക്കു​ന്ന​തി​നു നാം സൂക്ഷ്‌മ പരിജ്ഞാ​നം സമ്പാദി​ക്ക​ണ​മെന്ന്‌ ഊന്നി​പ്പ​റ​യുക. യോഹ​ന്നാൻ 17:3 വായി​ക്കുക. അത്തരം പരിജ്ഞാ​നം നേടി​യ​ശേഷം നാം ദൈ​വേഷ്ടം ചെയ്യേ​ണ്ട​തു​ണ്ടെന്നു വിശദീ​ക​രി​ക്കുക. ഒന്നു യോഹ​ന്നാൻ 2:17 വായി​ക്കുക. ഈ ലഘു​ലേ​ഖ​യു​ടെ 5-ാം പേജിലെ പ്രത്യേക ആശയങ്ങ​ളി​ലേക്കു വീട്ടു​കാ​രന്റെ ശ്രദ്ധ തിരി​ക്കുക.

⁵ പ്രഥമ സന്ദർശ​ന​ത്തിൽ “എന്നേക്കും ജീവി​ക്കാൻ” പുസ്‌തകം സമർപ്പി​ച്ച​പ്പോൾ കുടും​ബ​ജീ​വി​ത​ത്തെ​ക്കു​റി​ച്ചു​ളള വിഷയം പ്രദീ​പ്‌ത​മാ​ക്കി​യെ​ങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“കഴിഞ്ഞ തവണ ഞാൻ സന്ദർശി​ച്ച​പ്പോൾ കുടും​ബ​ജീ​വി​ത​ത്തെ​ക്കു​റി​ച്ചു​ളള വിഷയം നാം ചർച്ച ചെയ്‌തു. സന്തുഷ്ട കുടും​ബ​ജീ​വി​തം ഉണ്ടായി​രി​ക്കു​ന്ന​തി​നു ബൈബി​ളിൽ കാണുന്ന മാർഗ​നിർദേ​ശങ്ങൾ പിൻപ​റേ​റ​ണ്ട​തു​ണ്ടെന്നു നാം സമ്മതിച്ചു. വിവാ​ഹത്തെ വിജയ​പ്ര​ദ​മാ​ക്കു​ന്ന​തിന്‌ എന്താണ്‌ ആവശ്യ​മാ​യി​രി​ക്കു​ന്നത്‌ എന്നാണു നിങ്ങൾ കരുതു​ന്നത്‌?” പ്രതി​ക​ര​ണ​ത്തിന്‌ അനുവ​ദി​ക്കുക. എന്നേക്കും ജീവി​ക്കാൻ പുസ്‌ത​ക​ത്തി​ന്റെ 243-6 പേജു​ക​ളിൽ കൊടു​ത്തി​രി​ക്കുന്ന വിവര​ങ്ങ​ളിൽനി​ന്നു​ളള പ്രത്യേക പോയിൻറു​കൾ പ്രദീ​പ്‌ത​മാ​ക്കുക. ഉചിതം പോലെ ചിത്ര​ങ്ങ​ളും നിങ്ങൾ തിര​ഞ്ഞെ​ടുത്ത പോയിൻറു​ക​ളും സംബന്ധി​ച്ചു വീട്ടു​കാ​രന്റെ അഭി​പ്രാ​യങ്ങൾ ആരായുക. ബൈബിൾ തത്ത്വങ്ങ​ളു​ടെ പ്രാ​യോ​ഗിക മൂല്യം ഊന്നി​പ്പ​റ​യുക.

⁶ കുടും​ബ​ജീ​വി​തം ആസ്വദി​ക്കുക ലഘു​ലേ​ഖ​യാ​ണു കൊടു​ത്തി​ട്ടു പോന്ന​തെ​ങ്കിൽ 4-ഉം 5-ഉം പേജു​ക​ളിൽ കൊടു​ത്തി​രി​ക്കുന്ന മുഖ്യ ബൈബിൾ തത്ത്വങ്ങൾ അവലോ​കനം ചെയ്യുക. താത്‌പ​ര്യ​ത്തെ ഉത്തേജി​പ്പി​ച്ചെ​ങ്കിൽ എന്നേക്കും ജീവി​ക്കാൻ പുസ്‌തകം സമർപ്പി​ക്കുക. “കുടും​ബ​ജീ​വി​തം വിജയി​പ്പി​ക്കൽ” എന്ന 29-ാം അധ്യായം ചൂണ്ടി​ക്കാ​ട്ടു​ക​യും വീട്ടു​കാ​ര​നോ​ടും അദ്ദേഹ​ത്തി​ന്റെ കുടും​ബ​ത്തോ​ടു​മൊത്ത്‌ എങ്ങനെ പരിചി​ന്തി​ക്കാ​മെന്നു കാണി​ക്കു​ക​യും ചെയ്യുക.

⁷ മടക്കസ​ന്ദർശ​നങ്ങൾ നടത്തു​ന്ന​തിൽ നമു​ക്കെ​ല്ലാ​വർക്കും ക്രമമായ ഒരു പങ്ക്‌ ഉണ്ടായി​രി​ക്കണം. സെപ്‌റ​റം​ബ​റിൽ ഫലപ്ര​ദ​മായ മടക്കസ​ന്ദർശ​നങ്ങൾ നടത്തി​ക്കൊ​ണ്ടു കണ്ടെത്തിയ താത്‌പ​ര്യ​ത്തെ പിന്തു​ട​രുക.