ഒരു ഭവന ബൈബി​ള​ധ്യ​യനം നടത്തൽ

¹ ഫലപ്ര​ദ​മായ ഒരു ഭവന ബൈബി​ള​ധ്യ​യനം നടത്തു​ന്നത്‌ എപ്രകാ​ര​മാണ്‌? നമുക്ക്‌ അടിസ്ഥാ​ന​പ​ര​മായ ഏതു ദൃഷ്ടാ​ന്ത​മാ​ണു​ള​ളത്‌? അധ്യയന ഭാഗത്തു​ളള തിരു​വെ​ഴു​ത്തു​കൾ എങ്ങനെ പരിചി​ന്തി​ക്കാൻ കഴിയും? ആരാണു ഖണ്ഡികകൾ വായി​ക്കേ​ണ്ടത്‌? ഒരു അധ്യയനം നടത്തു​ന്ന​തി​നു​ളള അടിസ്ഥാ​ന​പ​ര​മായ നടപടി​ക്കു പുറമേ സത്യം തന്റെ സ്വന്തമാ​ക്കാൻ വിദ്യാർഥി​യെ സഹായി​ക്കു​ന്ന​തിന്‌ എന്തും കൂടെ ആവശ്യ​മാ​യി​രി​ക്കു​ന്നു? എന്തെല്ലാം കെണികൾ ഒഴിവാ​ക്കേ​ണ്ട​തുണ്ട്‌?

² ഒരു അധ്യയനം നടത്തേണ്ട വിധം: പൊതു​വേ പറഞ്ഞാൽ, ഒരു ഭവന ബൈബി​ള​ധ്യ​യനം വീക്ഷാ​ഗോ​പുര അധ്യയ​ന​ത്തി​ന്റെ രീതി​യി​ലാ​ണു നടത്തേ​ണ്ടത്‌. ആദ്യം, പരിചി​ന്തി​ക്കേണ്ട ഖണ്ഡിക വായി​ക്കു​ന്നു. എന്നിട്ട്‌ അധ്യയനം നടത്തു​ന്ന​യാൾ ആ ഖണ്ഡിക​യി​ലെ ചോദ്യം ചോദി​ക്കു​ക​യും ഉത്തരം നൽകാൻ വിദ്യാർഥി​യെ അനുവ​ദി​ക്കു​ക​യും ചെയ്യുന്നു. വിദ്യാർഥി ശങ്കിക്കു​ന്നു​വെ​ങ്കിൽ വിഷയ​ത്തിൻമേൽ ന്യായ​വാ​ദം ചെയ്യു​ന്ന​തി​നും വിദ്യാർഥി​യെ ഒരു ഉചിത​മായ അനുമാ​ന​ത്തിൽ എത്തി​ച്ചേ​രു​ന്ന​തിന്‌ ഇടയാ​ക്കുന്ന മാർഗ​ദർശക ചോദ്യ​ങ്ങൾ ചോദി​ക്കു​ന്ന​തി​നും നിർവാ​ഹകൻ തയ്യാറാ​യി​രി​ക്കേ​ണ്ട​തുണ്ട്‌.

³ ഖണ്ഡിക​യി​ലു​ളള ആശയ​ത്തോ​ടു തിരു​വെ​ഴുത്ത്‌ എങ്ങനെ ബന്ധപ്പെ​ട്ടി​രി​ക്കു​ന്നു​വെന്നു പരിചി​ന്തി​ക്കുക. ഉദ്ധരി​ച്ചി​രി​ക്കുന്ന തിരു​വെ​ഴു​ത്തു​കൾ തിരി​ച്ച​റി​യു​ന്നത്‌ എങ്ങനെ​യെന്നു വിദ്യാർഥി​യെ കാണി​ച്ചു​കൊ​ടു​ക്കു​ക​യും അവ ബാധക​മാ​യി​രി​ക്കു​ന്നത്‌ എങ്ങനെ​യെന്ന്‌ അയാളു​മാ​യി ന്യായ​വാ​ദം ചെയ്യു​ക​യും ചെയ്യുക. തിരു​വെ​ഴു​ത്തു​കൾ ഉദ്ധരി​ക്കാ​തെ പരാമർശി​ക്കുക മാത്ര​മാ​ണു ചെയ്‌തി​ട്ടു​ള​ള​തെ​ങ്കിൽ വളരെ ദീർഘ​മു​ള​ള​ത​ല്ലാ​ത്ത​പക്ഷം ബൈബിൾ തുറന്ന്‌ അവ നോക്കു​ന്നതു നന്നായി​രി​ക്കും. എന്നിട്ട്‌ അവ വായി​ക്കു​ന്ന​തി​നും ഖണ്ഡിക​യിൽ പ്രസ്‌താ​വി​ച്ചി​രി​ക്കുന്ന വസ്‌തു​തയെ പിന്തു​ണ​യ്‌ക്കു​ക​യും വ്യക്തമാ​ക്കു​ക​യും ചെയ്യു​ന്നത്‌ എപ്രകാ​ര​മെന്നു പറയു​ന്ന​തി​നും വിദ്യാർഥി​യെ അനുവ​ദി​ക്കുക.

⁴ സത്യം തന്റെ സ്വന്തമാ​ക്കു​ന്ന​തി​നു വിദ്യാർഥി​യെ സഹായി​ക്കുക: അധ്യയ​ന​ത്തി​നു നല്ലവണ്ണം തയ്യാറാ​കാൻ വിദ്യാർഥി​യെ പ്രോ​ത്സാ​ഹി​പ്പി​ക്കുക. അറിവു​നേ​ടു​ന്ന​തി​നു വായന മർമ​പ്ര​ധാ​ന​മാ​ണെന്ന്‌ ഊന്നി​പ്പ​റ​യുക. വിദ്യാർഥി അധ്യയന ഭാഗം എത്രയ​ധി​കം വായി​ക്കു​ക​യും ധ്യാനി​ക്കു​ക​യും ചെയ്യു​ന്നു​വോ അത്രയ​ധി​കം മെച്ചമാണ്‌. ചില നിർവാ​ഹകർ ബൈബി​ള​ധ്യ​യന വേളയിൽ എല്ലാ ഖണ്ഡിക​ക​ളും വിദ്യാർഥി​യെ​ക്കൊ​ണ്ടു വായി​പ്പി​ക്കു​ന്നു. മററു​ചി​ലർ ഒന്നിട​വി​ട്ടു​ളള ഖണ്ഡികകൾ വായി​ക്കു​ന്ന​തിൽ വിദ്യാർഥി​യു​മാ​യി പങ്കു​ചേ​രു​ന്നു. വിദ്യാർഥി​യു​ടെ ആത്മീയ പുരോ​ഗതി മനസ്സിൽ വച്ചു​കൊ​ണ്ടു നല്ല വിവേചന ഉപയോ​ഗി​ക്കണം.

⁵ കേവല ശാസ്‌ത്രീ​യ​മായ വിധത്തിൽ അധ്യയ​ന​ഭാ​ഗം പഠിക്കു​ന്നത്‌ അറിവു​നേ​ടു​ന്ന​തി​നു വിദ്യാർഥി​യെ സഹായി​ച്ചേ​ക്കാം, എന്നാൽ പഠിക്കു​ന്നത്‌ അയാൾ വിശ്വ​സി​ക്കു​ന്നു​ണ്ടോ? സത്യം തന്റെ സ്വന്തമാ​ക്കു​ന്ന​തിന്‌ അയാൾ വിവരങ്ങൾ വ്യക്തി​പ​ര​മാ​യി തന്നെ ബാധി​ക്കു​ന്ന​തെ​ങ്ങ​നെ​യെന്നു കാണേ​ണ്ട​തുണ്ട്‌. അയാൾക്കു താൻ പഠിക്കു​ന്ന​തി​നെ​പ്പ​ററി എന്തു​തോ​ന്നു​ന്നു? പഠിച്ച​കാ​ര്യ​ങ്ങൾ അയാൾക്ക്‌ എങ്ങനെ ഉപയോ​ഗി​ക്കാൻ കഴിയും? വിദ്യാർഥി​യു​ടെ ഹൃദയ​ത്തിൽ പതിക്കു​ന്ന​തി​നു​വേണ്ടി നിരീക്ഷണ ചോദ്യ​ങ്ങൾ ചോദി​ക്കുക.

⁶ കെണികൾ ഒഴിവാ​ക്കുക: ഒരു ബൈബി​ള​ധ്യ​യനം നടത്തു​മ്പോൾ ഒഴിവാ​ക്കേണ്ട കെണി​ക​ളുണ്ട്‌. പരിചി​ന്തി​ച്ചു​കൊ​ണ്ടി​രി​ക്കുന്ന വിവര​ങ്ങ​ളു​മാ​യി ബന്ധമി​ല്ലാത്ത വിഷയങ്ങൾ ചർച്ചക്കു വരു​മ്പോൾ, അധ്യയ​ന​ത്തി​ന്റെ ഒടുവി​ലോ അല്ലെങ്കിൽ മറെറാ​രു സാഹച​ര്യ​ത്തി​ലോ അവ ചർച്ച ചെയ്യു​ന്ന​താ​യി​രി​ക്കും മിക്കവാ​റും ഉചിതം. കൂടാതെ, ഉത്തരങ്ങൾ പുസ്‌ത​ക​ത്തിൽനി​ന്നു വായി​ക്കു​ന്ന​തി​നു പകരം സ്വന്ത വാക്കു​ക​ളിൽ വിദ്യാർഥി​യെ​കൊ​ണ്ടു പറയി​പ്പി​ക്കു​ന്നതു പ്രധാ​ന​മാണ്‌. വിദ്യാർഥി വിവരങ്ങൾ മനസ്സി​ലാ​ക്കു​ന്നു​ണ്ടോ എന്നു നിശ്ചയി​ക്കു​ന്ന​തിന്‌ ഇതു നിർവാ​ഹ​ക​നെന്ന നിലയിൽ നിങ്ങളെ സഹായി​ക്കും.

⁷ ചുരു​ങ്ങി​യത്‌ ഒരു ബൈബി​ള​ധ്യ​യ​ന​മെ​ങ്കി​ലും നടത്തുക എന്നത്‌ എന്തു​കൊണ്ട്‌ നിങ്ങളു​ടെ ഒരു ലക്ഷ്യമാ​ക്കി​ക്കൂ​ടാ? നിങ്ങൾ യഹോ​വ​യിൽ ആശ്രയി​ക്കു​ക​യും വീക്ഷാ​ഗോ​പുര അധ്യയ​ന​ത്തി​ന്റെ അടിസ്ഥാന നടപടി​ക്രമം പിൻപ​റ​റു​ക​യു​മാ​ണെ​ങ്കിൽ അത്‌ ഒരു പ്രയാ​സ​ക​ര​മായ കൃത്യമല്ല. മററു​ള​ള​വരെ സത്യം പഠിപ്പി​ക്കു​ന്ന​തി​നും ശിഷ്യ​രാ​ക്കു​ന്ന​തി​നും ഉളള ഏററവും ഫലകര​മായ മാർഗം ഒരു ഭവന ബൈബി​ള​ധ്യ​യ​ന​മാണ്‌. ഇതു ചെയ്യു​ന്ന​തു​മൂ​ലം, മത്തായി 28:18, 19-ൽ നൽകി​യി​രി​ക്കുന്ന യേശു​വി​ന്റെ കല്‌പന നിറ​വേ​റ​റു​ന്ന​തിൽ ഒരു പൂർണ പങ്കുണ്ടാ​യി​രി​ക്കു​ന്ന​തി​ലു​ളള സന്തോഷം നിങ്ങൾക്കും അനുഭ​വി​ക്കാൻ കഴിയും.