നിങ്ങളു​ടെ കുട്ടികൾ പ്രസാ​ധ​ക​രാ​ണോ?

¹ നമ്മുടെ സഭക​ളോ​ടൊ​ത്തു സഹവസി​ക്കുന്ന അനേകം കുട്ടികൾ യഹോ​വ​യു​ടെ സ്‌തു​തി​പാ​ഠ​ക​രാ​യി​ത്തീ​രു​ന്ന​തിൽ നമുക്കു താത്‌പ​ര്യ​മുണ്ട്‌. നിങ്ങളു​ടെ കുട്ടി​കൾക്കും അതേ ആഗ്രഹ​മു​ണ്ടോ? അങ്ങനെ​യെ​ങ്കിൽ പെട്ടെ​ന്നു​തന്നെ പുരോ​ഗ​മ​ന​പ​ര​വും പ്രാ​യോ​ഗി​ക​വും ആയ പരിശീ​ലനം തുട​ങ്ങേ​ണ്ട​തി​ന്റെ ആവശ്യ​മുണ്ട്‌. നല്ല ശീലങ്ങൾ പഠിക്കു​ക​യും ആർജി​ക്കു​ക​യും ചെയ്യു​ന്ന​തി​നു​ളള ഏററവും മെച്ചമായ സമയം ഒരുവൻ ബാല്യ പ്രായ​ത്തി​ലാ​യി​രി​ക്കു​മ്പോ​ഴാണ്‌.

² വീട്ടിൽ നിങ്ങളു​ടെ കുട്ടി​ക​ളു​ടെ പെരു​മാ​റ​റ​രീ​തി​യും ശീലങ്ങ​ളും എങ്ങനെ​യു​ള​ള​വ​യാണ്‌? കുട്ടികൾ മാതാ​പി​താ​ക്ക​ളോട്‌ അനുസ​ര​ണ​മു​ള​ള​വ​രാ​ണെ​ങ്കിൽ അവർ സഭയി​ലു​ളള മററ്‌ അംഗങ്ങ​ളോ​ടും തങ്ങളുടെ സ്‌കൂ​ളി​ലെ അധ്യാ​പ​ക​രോ​ടും ആദരവു പ്രകടി​പ്പി​ക്കും. നിങ്ങളു​ടെ കുട്ടികൾ തങ്ങളുടെ വസ്‌തു​ക്ക​ളും മുറി​ക​ളും വൃത്തി​യു​ള​ള​താ​ക്കി വയ്‌ക്കു​ക​യും സാധനങ്ങൾ സൂക്ഷി​ക്കു​ക​യും ചെയ്യു​ന്നു​ണ്ടോ? ഇക്കാര്യ​ങ്ങ​ളിൽ നിങ്ങളു​ടെ കുട്ടി​കൾക്കു നല്ല ശീലങ്ങ​ളു​ണ്ടെ​ങ്കിൽ വയൽ സേവന​ത്തി​ലാ​യി​രി​ക്കു​മ്പോൾ അവർ മററുളള ആളുക​ളു​ടെ സാമ​ഗ്രി​ക​ളോ​ടും വസ്‌തു​വ​ക​ക​ളോ​ടും മര്യാദ പ്രകടി​പ്പി​ക്കു​ക​യും യഹോ​വയെ പ്രതി​നി​ധാ​നം ചെയ്യുന്ന ഒരു ശുശ്രൂ​ഷ​ക​നെന്ന നിലയിൽ അനുക​ര​ണാർഹ​മായ വിധത്തിൽ പെരു​മാ​റു​ക​യും ചെയ്യും.

³ നിങ്ങളു​ടെ കുട്ടി​കൾക്കു സുവി​ശേ​ഷ​ഘോ​ഷ​ണ​ത്തിൽ താത്‌പ​ര്യം തോന്നി​ത്തു​ട​ങ്ങു​മ്പോൾ ദിവ്യാ​ധി​പത്യ ശൂശ്രൂ​ഷാ സ്‌കൂ​ളിൽ പേരു ചാർത്താൻ അവരെ നിസ്സ​ന്ദേഹം പ്രോ​ത്സാ​ഹി​പ്പി​ക്കുക. ദിവ്യാ​ധി​പത്യ ശൂശ്രൂ​ഷാ സ്‌കൂ​ളിൽ പേരു ചാർത്തു​ന്ന​തിന്‌ ഒരു നിശ്ചിത പ്രായ​ത്തി​ലെ​ത്തേണ്ട ആവശ്യ​മില്ല. എന്നാൽ, നല്ല ദൈനം​ദിന ശീലങ്ങ​ളാൽ പിന്താ​ങ്ങ​പ്പെട്ട മാതൃ​കാ​യോ​ഗ്യ​മായ നടത്തയും ഒരു പ്രസാ​ധ​ക​നാ​കാ​നു​ളള ആഗ്രഹ​വും ഉണ്ടായി​രി​ക്കേ​ണ്ടത്‌ അത്യാ​വ​ശ്യ​മാണ്‌. സ്‌കൂൾ മേൽവി​ചാ​രകൻ കുട്ടി​യു​ടെ ബൈബിൾ വായന​യി​ലും പ്രസം​ഗ​ത്തി​ലും മാത്രം തത്‌പ​ര​നാ​യി​രി​ക്കാ​തെ ഒരു പ്രസാ​ധ​ക​നാ​കുക എന്ന ലക്ഷ്യ​ത്തെ​പ്പ​ററി മാതാ​പി​താ​ക്ക​ളോ​ടും കുട്ടി​യോ​ടും ആരംഭ​ത്തിൽത്തന്നെ സംസാ​രി​ക്കു​ന്നതു നന്നായി​രി​ക്കും.

⁴ സേവന​ത്തിൽ കുട്ടിയെ നിങ്ങ​ളോ​ടൊ​പ്പം കൊണ്ടു​പോ​കു​മ്പോൾ ഒരുമിച്ച്‌ ഒരു സേവന ലക്ഷ്യം വയ്‌ക്കു​ക​യും ഒരുമി​ച്ചു തയ്യാറാ​കു​ക​യും പരിശീ​ലി​ക്കു​ക​യും ചെയ്‌തു​കൊണ്ട്‌ ശുശ്രൂ​ഷ​യി​ലു​ളള അവരുടെ പ്രാപ്‌തി അഭിവൃ​ദ്ധി​പ്പെ​ടു​ത്തു​ന്ന​തിന്‌ ലാക്കു വയ്‌ക്കുക. നിങ്ങളു​ടെ കുട്ടി​ക​ളു​ടെ പ്രാപ്‌തി​യും വയലിലെ സാഹച​ര്യ​വും കണക്കി​ലെ​ടുത്ത്‌ വീട്ടു​കാ​രൻ പറയു​ന്നതു ശ്രദ്ധി​ക്കുക, തിരു​വെ​ഴു​ത്തു​കൾ മനസ്സു​ചെ​ലു​ത്തി വായി​ക്കുക, ലഘു​ലേ​ഖകൾ ഉപയോ​ഗിച്ച്‌ ഒരു ലളിത​മായ സാക്ഷ്യം നൽകുക എന്നിങ്ങ​നെ​യു​ളള നിശ്ചിത ലക്ഷ്യങ്ങ​ളിൽ എത്തി​ച്ചേ​രാൻ പ്രയത്‌നി​ക്കുക. വീട്ടു​വാ​തിൽക്കൽ കാണുന്ന എല്ലാ ആളുക​ളി​ലും വ്യക്തി​പ​ര​മായ താത്‌പ​ര്യ​മെ​ടു​ക്കാ​നും നിങ്ങളു​ടെ കുട്ടി​കളെ നിങ്ങൾക്കു പഠിപ്പി​ക്കാൻ കഴിയും. മററു​ള​ളവർ അവരെ നിർദയം നിരസി​ക്കു​മ്പോൾപോ​ലും അവർ ഊഷ്‌മ​ള​ത​യും സ്‌നേ​ഹ​വും താഴ്‌മ​യും കാണി​ക്കേ​ണ്ട​തി​ന്റെ പ്രാധാ​ന്യ​ത്തെ​ക്കു​റി​ച്ചു സംസാ​രി​ക്കു​ന്നെ​ങ്കിൽ അത്‌ അവരുടെ നിരു​ത്സാ​ഹത്തെ ലഘൂക​രി​ക്കാൻ സഹായി​ക്കും. നിങ്ങളു​ടെ കുട്ടികൾ വാരാന്ത സേവന​ത്തിൽ പങ്കുപ​റ​റു​ന്നു​വെ​ങ്കിൽ നിങ്ങ​ളോ​ടൊ​പ്പം മാത്രം പ്രവർത്തി​ക്കാ​തെ മുതിർന്ന പ്രസാ​ധ​ക​രോ​ടും മൂപ്പൻമാ​രോ​ടും ഒപ്പം പ്രവർത്തി​ക്കു​ന്ന​തു​മൂ​ലം അവർക്ക്‌ ഏറെ മെച്ചമായ പരിശീ​ലനം നേടാൻ കഴിയും.—1 കൊരി. 4:17.

⁵ നിങ്ങളു​ടെ കുട്ടി​കൾക്കു തങ്ങളുടെ ആശയങ്ങൾ സ്വന്ത വാക്കിൽ അവതരി​പ്പി​ക്കാൻ കഴിയു​മെ​ങ്കിൽ അതു വളരെ ഫലകര​വും വീട്ടു​കാ​രന്റെ ഹൃദയത്തെ പ്രചോ​ദി​പ്പി​ക്കു​ന്ന​തും ആയിരി​ക്കും. അവർ അനുഭവം നേടു​ന്ന​ത​നു​സ​രിച്ച്‌ പക്വത​യു​ളള ക്രിസ്‌ത്യാ​നി​ക​ളും സജീവ​രും സന്തുഷ്ട​രു​മായ പ്രസാ​ധ​ക​രും ആയിരി​ക്കാൻ അവരെ പ്രോ​ത്സാ​ഹി​പ്പി​ക്കുക. (1 കൊരി. 14:20) വെറു​മൊ​രു ക്രമമു​ളള പ്രസാ​ധ​ക​നാ​യി​രി​ക്കാ​തെ അവർക്കു മടക്ക സന്ദർശ​നങ്ങൾ നടത്താ​നും ഒരു ഭവന ബൈബി​ള​ധ്യ​യനം നടത്തുക എന്ന ലക്ഷ്യമു​ണ്ടാ​യി​രി​ക്കാ​നും കഴിയും. അതിനു​പു​റമേ, യഹോ​വ​യു​ടെ സ്ഥാപന​ത്തോ​ടൊ​ത്തു പ്രവർത്തി​ക്കു​ന്ന​തി​ന്റെ സന്തോഷം രുചി​ച്ച​റി​യാൻ അവരെ സഹായി​ക്കു​ക​യും ചെയ്യുക. നോട്ടീസ്‌ ബോർഡി​ലെ വിവര​ങ്ങൾക്കും സേവന​യോ​ഗ​ത്തി​ലെ അറിയി​പ്പു​കൾക്കും ശ്രദ്ധ​കൊ​ടു​ത്തു​കൊണ്ട്‌ സഭയോ​ടൊ​ത്തു സഹകരി​ക്കേ​ണ്ട​തെ​ങ്ങ​നെ​യെന്ന്‌ അവരെ പഠിപ്പി​ക്കുക. സഹോ​ദ​രൻമാ​രിൽനി​ന്നും ലഭി​ച്ചേ​ക്കാ​വുന്ന ഏതു നിയമ​ന​ങ്ങ​ളും മനസ്സൊ​രു​ക്ക​ത്തോ​ടെ നിർവ​ഹി​ക്കാൻ അവരെ പ്രോ​ത്സാ​ഹി​പ്പി​ക്കു​ന്ന​തും നന്നായി​രി​ക്കും.

⁶ നിങ്ങളു​ടെ കുട്ടികൾ യഹോ​വ​യു​ടെ സ്‌തു​തി​പാ​ഠ​ക​രാ​യി​ത്തീർന്ന​ശേഷം, ഉയർന്നു വന്നേക്കാ​വുന്ന ഏതു ധാർമിക പ്രശ്‌ന​ത്തി​നും നല്ല ശ്രദ്ധ നൽകുക, തൻമൂലം അവർ ഇതുവരെ പടുത്തു​യർത്തിയ സൽപ്പേ​രി​നു കളങ്കം പററാ​തി​രി​ക്കും. കൂടാതെ ദൈവ​ത്തോ​ടു​ളള നിർമലത തുടർന്നു പാലി​ക്കു​ന്ന​തിന്‌ അവരെ പ്രോ​ത്സാ​ഹി​പ്പി​ക്കു​ക​യും ചെയ്യുക.—2 തിമൊ. 2:22.