നിങ്ങൾ തിരു​വെ​ഴു​ത്തു​ക​ളിൽ നിന്നു ന്യായ​വാ​ദം ചെയ്യു​ന്നു​ണ്ടോ?

¹ യുദ്ധത്തി​നു​പോ​കുന്ന അനുഭ​വ​സ​മ്പ​ന്ന​നായ ഒരു പടയാളി സർവാ​യു​ധ​ധാ​രി​യും സംരക്ഷി​ത​നും ആയിരി​ക്കും. ഒരു വലിയ നിർമാണ പദ്ധതി​യിൽ പ്രവർത്തി​ക്കു​ന്ന​തി​നു തയ്യാറാ​കുന്ന വിദഗ്‌ധ​നായ ഒരു ശില്‌പി ജോലി പൂർത്തി​യാ​ക്കു​ന്ന​തി​നു തനിക്കാ​വ​ശ്യ​മായ ഉപകര​ണങ്ങൾ കൈവശം കരുതും. വയൽശു​ശ്രൂ​ഷ​യിൽ ഏർപ്പെ​ടുന്ന യഹോ​വ​യു​ടെ ഒരു ദാസന്റെ കൈവശം തന്റെ ‘വാൾ’ ഉണ്ടായി​രി​ക്കു​ക​യും അവസരം കിട്ടു​മ്പോ​ഴെ​ല്ലാം അയാൾ അതു വൈദ​ഗ്‌ധ്യ​ത്തോ​ടെ പ്രയോ​ഗി​ക്കു​ക​യും ചെയ്യും. (എഫെ. 6:17) നിങ്ങളു​ടെ കാര്യ​ത്തിൽ വ്യക്തി​പ​ര​മാ​യി ഇതു വാസ്‌ത​വ​മാ​ണോ? നിങ്ങൾ സേവന​ത്തിൽ പങ്കുപ​റ​റു​മ്പോൾ പരിശു​ദ്ധാ​ത്മാ​വി​നു നിങ്ങളു​ടെ കേൾവി​ക്കാ​രു​ടെ ഹൃദയത്തെ സ്‌പർശി​ക്കാൻ കഴി​യേ​ണ്ട​തി​നു നിങ്ങൾ ദൈവ​വ​ച​നത്തെ സംസാ​രി​ക്കാൻ അനുവ​ദി​ക്കു​ന്നു​വോ?—സദൃ. 8:1, 6.

² പ്രസംഗം എല്ലായ്‌പോ​ഴും എളുപ്പ​മു​ളള ഒരു ജോലി​യല്ല. ചില​പ്ര​ദേ​ശ​ങ്ങ​ളിൽ ആളുകൾ ഭവനങ്ങ​ളിൽ വിരള​മാ​യേ കാണാ​റു​ളളു, കണ്ടുമു​ട്ടു​ന്ന​വ​രോ വിശദ​മായ ബൈബിൾ ചർച്ചകൾക്ക്‌ അവസരം തരാൻ തീരെ കഴിയാ​ത്ത​വി​ധം മിക്ക​പ്പോ​ഴും അത്ര തിരക്കു​ള​ള​വ​രാണ്‌. എന്നാൽ ബൈബിൾ നമ്മുടെ അടിസ്ഥാന പാഠ്യ​പു​സ്‌ത​ക​മായ സ്ഥിതിക്ക്‌ അതു കൂടു​ത​ലാ​യി സേവന​ത്തിൽ ഉപയോ​ഗി​ക്കു​ക​യും അതിലെ നിശ്വസ്‌ത സന്ദേശം നമ്മുടെ കേൾവി​ക്കാ​രെ സ്വാധീ​നി​ക്കാൻ അനുവ​ദി​ക്കു​ക​യും ചെയ്യു​ന്ന​തി​നു നമു​ക്കെ​ങ്ങനെ കഴിയും?

³ എല്ലാ സന്ദർഭ​ങ്ങ​ളി​ലും: ഓരോ വീട്ടു​വാ​തിൽക്ക​ലും വീട്ടു​കാ​രനെ പ്രേരി​പ്പി​ക്കു​ന്ന​തി​നു ബൈബിൾ ഉപയോ​ഗി​ക്കാൻ നാം ആഗ്രഹി​ക്കു​ന്നു. സമർപ്പി​ക്കുന്ന പ്രസി​ദ്ധീ​ക​രണം ഏതുത​ന്നെ​യാ​യി​രു​ന്നാ​ലും ഇപ്രകാ​രം ചെയ്യാൻ നാം തയ്യാറാ​യി​രി​ക്കേ​ണ്ട​താണ്‌. വ്യക്തി തിരക്കി​ലാ​യി​രി​ക്ക​യും ബൈബിൾ തുറന്ന്‌ ഒന്നോ രണ്ടോ വാക്യങ്ങൾ വായി​ക്കു​ന്ന​തി​നു സമയമി​ല്ലാ​തി​രി​ക്ക​യും ചെയ്യു​ന്നെ​ങ്കിൽ സാഹി​ത്യം സമർപ്പി​ക്കു​ന്ന​തി​നു​മുമ്പ്‌ ഒരു തിരു​വെ​ഴുത്ത്‌ ഉദ്ധരി​ക്കു​ന്ന​തി​നോ പരാവർത്തനം ചെയ്യു​ന്ന​തി​നോ നിങ്ങൾക്കു കഴിയു​മോ? ആ വ്യക്തി നിന്നു ശ്രദ്ധി​ക്കു​ന്ന​തിന്‌ അതു മാത്രം മതിയാ​കും.—എബ്രാ. 4:12.

⁴ ദൃഷ്ടാ​ന്ത​ത്തിന്‌, “രോഗ​മി​ല്ലാത്ത ഒരു ലോകം” എന്ന ലേഖന​ത്തോ​ടു​കൂ​ടിയ 1993 ഡിസംബർ 8 എവേക്ക്‌! ആണു നിങ്ങൾ വിശേ​ഷ​വൽക്ക​രി​ക്കു​ന്ന​തെ​ങ്കിൽ, പുറം​താ​ളി​ലെ ചിത്ര​ത്തി​ലേക്കു ശ്രദ്ധതി​രി​ച്ചു​കൊ​ണ്ടു പിൻവ​രു​ന്ന​വി​ധം ചോദി​ക്കുക: “രോഗ​ത്തിന്‌ എന്നെങ്കി​ലും ഒരവസാ​ന​മു​ണ്ടാ​കു​ക​യും സകലരും നല്ല ആരോ​ഗ്യ​മു​ള​ള​വ​രാ​യി​രി​ക്കു​ക​യും ചെയ്യുന്ന ഒരു സമയം ഉണ്ടാകു​മെന്നു നിങ്ങൾ വിശ്വ​സി​ക്കു​ന്നു​ണ്ടോ?” പ്രതി​ക​രണം എന്തുത​ന്നെ​യാ​യാ​ലും നിങ്ങൾക്കു യെശയ്യാവ്‌ 33:24-ഓ വെളി​പ്പാട്‌ 21:4-ഓ പോലു​ളള ഒരു തിരു​വെ​ഴു​ത്തു ബൈബി​ളിൽനി​ന്നു നേരിട്ടു വായി​ക്കു​ന്ന​തി​നോ പരാവർത്തനം ചെയ്യു​ന്ന​തി​നോ കഴിയും. ഇങ്ങനെ ചെയ്യു​മ്പോൾ നിങ്ങൾ ദൈവ​വ​ച​നത്തെ സംസാ​രി​ക്കാൻ അനുവ​ദി​ക്കു​ക​യാണ്‌.

⁵ മടക്കസ​ന്ദർശ​ന​ങ്ങ​ളിൽ: മടക്കസ​ന്ദർശനം നടത്തു​ന്ന​തി​നു​മു​മ്പു നാം തയ്യാറാ​കേ​ണ്ട​തുണ്ട്‌. എന്നിരു​ന്നാ​ലും, നാം ചർച്ച​ചെ​യ്യാൻ തയ്യാറാ​കാത്ത വിഷയങ്ങൾ കൂടെ​ക്കൂ​ടെ ഉയർന്നു​വ​രും. തിരു​വെ​ഴു​ത്തു​ക​ളിൽ നിന്നു ന്യായ​വാ​ദം ചെയ്യൽ ഒരു വില​യേ​റിയ ഉപകര​ണ​മാ​ണെന്നു തെളി​യു​ന്നത്‌ അപ്പോ​ഴാണ്‌. പിന്തു​ണ​യ്‌ക്കുന്ന തിരു​വെ​ഴു​ത്തു​കൾ ന്യായ​വാ​ദം പുസ്‌ത​ക​ത്തിൽനി​ന്നു നാം ഉദ്ധരി​ക്കു​ക​യോ വായി​ക്കു​ക​യോ ചെയ്യു​മ്പോൾ നാം ദൈവ​ത്തി​ന്റെ ശുശ്രൂ​ഷ​ക​രാ​ണെ​ന്നും വചനത്തിൽ മായം ചേർക്കു​ന്ന​വ​ര​ല്ലെ​ന്നും കാണാൻ ആളുകളെ സഹായി​ക്കു​ക​യാ​യി​രി​ക്കും ചെയ്യു​ന്നത്‌.—2 കൊരി. 2:17.

⁶ ഏതെങ്കി​ലും ഒരു പ്രത്യേക വിഷയം ചർച്ച​ചെ​യ്‌തി​ട്ടി​ല്ലാ​ത്തി​ടത്തു വീണ്ടും സന്ദർശി​ക്കു​മ്പോൾ നിങ്ങൾ ന്യായ​വാ​ദം പുസ്‌തകം തുറന്ന്‌ “യേശു​ക്രി​സ്‌തു,” “അന്ത്യനാ​ളു​കൾ” അല്ലെങ്കിൽ “പുനരു​ത്ഥാ​നം” എന്നിങ്ങനെ ഉചിത​മായ ഏതെങ്കി​ലും ഒരു വിഷയ​ത്തി​ന്റെ ഉപതല​ക്കെ​ട്ടു​പ​യോ​ഗി​ച്ചു ചർച്ചയ്‌ക്കു തുടക്കം കുറി​ച്ചേ​ക്കാം. വീട്ടു​കാ​രെ തങ്ങളുടെ തന്നെ ബൈബി​ളിൽനി​ന്നു ചില തിരു​വെ​ഴു​ത്തു​കൾ വായി​ക്കാൻ ക്ഷണിക്കാ​വു​ന്ന​താണ്‌. അപ്രകാ​രം, ബൈബി​ളിൽ അവർക്കു താത്‌പ​ര്യം ജനിക്കും, അവർ നീതി​യോ​ടു ചായ്‌വു​ള​ള​വ​രാ​ണെ​ങ്കിൽ അവരിൽ പരിശു​ദ്ധാ​ത്മാവ്‌ പ്രവഹി​ക്കു​ക​യും ചെയ്യും.

⁷ സുവാർത്ത പ്രസം​ഗി​ക്കു​ന്ന​തി​നും ദുഷ്ടൻമാർക്കു മുന്നറി​യി​പ്പു നൽകു​ന്ന​തി​നു​മു​ളള നമ്മുടെ ഉത്തരവാ​ദി​ത്വം ഗൗരവ​മായ ഒന്നാണ്‌. അത്‌ യഹോ​വ​യു​ടെ സന്ദേശ​മാണ്‌, നമ്മു​ടേതല്ല. അവിടു​ത്തെ വചനം, ആത്മാവി​ന്റെ വാൾ, നിങ്ങളെ സഹായി​ക്കട്ടെ.