അധ്യയ​ന​ത്തി​നു തയ്യാറാ​കാൻ ബൈബിൾവി​ദ്യാർഥി​കളെ സഹായി​ക്കു​ക

¹ അധ്യയ​ന​ത്തി​നു​വേണ്ടി ഓരോ ആഴ്‌ച​യി​ലും തയ്യാറാ​കുന്ന ബൈബിൾ വിദർഥി​കൾ അധ്യയ​ന​ത്തിൽ യഥാർഥ​മായ താത്‌പ​ര്യം പ്രകടി​പ്പി​ക്കു​ക​യും സാധാ​ര​ണ​മാ​യി തയ്യാറാ​കാ​ത്ത​വ​രെ​ക്കാൾ കൂടുതൽ ത്വരി​ത​ഗ​തി​യി​ലു​ളള ആത്മീയ പുരോ​ഗതി ആർജി​ക്കു​ക​യും ചെയ്യുന്നു. എങ്ങനെ തയ്യാറാ​ക​ണ​മെ​ന്ന​റി​ഞ്ഞു​കൂ​ടാ​ത്ത​തി​നാൽ ചില​പ്പോൾ ഒരു വിദ്യാർഥി തയ്യാറാ​കാ​തി​രു​ന്നേ​ക്കാം. എങ്ങനെ തയ്യാറാ​ക​ണ​മെന്നു അയാളെ പഠിപ്പി​ക്കു​ന്നത്‌ അത്യാ​വ​ശ്യ​മാ​യി​രു​ന്നേ​ക്കാം. ഇത്‌ എങ്ങനെ ചെയ്യാ​വു​ന്ന​താണ്‌?

² തയ്യാറാ​ക​ലിൽ വ്യക്തി​പ​ര​മായ പഠനം ഉൾപ്പെ​ടു​ന്നു​വെന്നു വിദ്യാർഥി മനസ്സി​ലാ​ക്കു​ന്നു​വെന്ന്‌ ഉറപ്പു​വ​രു​ത്താൻ ആരംഭം മുതലേ കുറച്ചു സമയ​മെ​ടു​ക്കുക. അനേകം ആളുകൾക്കും വായി​ക്കാൻ അറിയാ​മെ​ങ്കി​ലും എങ്ങനെ പഠിക്ക​ണ​മെന്ന്‌ അവരെ പഠിപ്പി​ച്ചി​ട്ടില്ല. ദിവ്യാ​ധി​പത്യ ശുശ്രൂ​ഷാ​സ്‌കൾ ഗൈഡ്‌ ബുക്കിന്റെ [ഇംഗ്ലീഷ്‌] 33-43 പേജുകൾ ആവശ്യ​മ​നു​സ​രി​ച്ചു വിദ്യാർഥി​ക്കു പകരാ​വുന്ന സഹായ​ക​ര​മായ അനേകം നിർദേ​ശങ്ങൾ നിങ്ങൾക്കു പ്രദാനം ചെയ്യുന്നു.

³ അധ്യയ​ന​ത്തി​ന്റെ മൂല്യം വിദ്യാർഥി​ക്കു കാണി​ച്ചു​കൊ​ടു​ക്കുക: പ്രധാന വാക്കു​ക​ളും വാചക​ങ്ങ​ളും അടയാ​ള​പ്പെ​ടു​ത്തി​യി​രി​ക്കു​ന്ന​തോ അടിവ​ര​യി​ട്ടി​രി​ക്കു​ന്ന​തോ ആയ നിങ്ങളു​ടെ അധ്യയന പുസ്‌തകം വിദ്യാർഥി​യെ നിങ്ങൾക്കു കാണി​ക്കാ​വു​ന്ന​താണ്‌. അടയാ​ള​പ്പെ​ടു​ത്തി​യി​രി​ക്കുന്ന ഭാഗങ്ങൾ സ്വന്തവാ​ക്കു​ക​ളിൽ ആശയ​പ്ര​ക​ടനം നടത്താൻ തന്നെ സഹായി​ക്കുന്ന ചിന്തകളെ ഓർമ​യിൽ കൊണ്ടു​വ​രാൻ എങ്ങനെ സാധ്യ​മാ​ക്കി​ത്തീർക്കു​ന്നു​വെന്ന്‌ അയാൾ കാണട്ടെ. തൻമൂലം ഉത്തരങ്ങൾ പറയു​മ്പോൾ പുസ്‌ത​ക​ത്തിൽനി​ന്നു മുഴു ഭാഗങ്ങ​ളും വായി​ക്കാൻ അയാൾ പ്രേരി​ത​നാ​കു​ക​യില്ല. ഈ ഘട്ടത്തി​ലു​ളള ശരിയായ പരിശീ​ലനം പിന്നീട്‌ സഭാ​യോ​ഗ​ങ്ങ​ളിൽ അർഥവ​ത്തായ അഭി​പ്രാ​യങ്ങൾ പറയു​ന്ന​തിന്‌ അയാളെ സഹായി​ക്കും. അയാളു​ടെ അഭി​പ്രാ​യങ്ങൾ പരിചി​ന്തി​ക്കുന്ന വിവര​ത്തിൻമേ​ലു​ളള അയാളു​ടെ വിലമ​തി​പ്പു പ്രതി​ഫ​ലി​പ്പി​ക്കു​ക​യും അയാളു​ടെ അറിവി​ന്റെ ആഴത്തെ വെളി​പ്പെ​ടു​ത്തു​ക​യും ചെയ്യും.

⁴ ബൈബിൾ ഉപയോ​ഗി​ക്കാൻ അയാളെ പഠിപ്പി​ക്കുക: പഠനഭാ​ഗത്തു പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ എങ്ങനെ കണ്ടുപി​ടി​ക്കാ​മെന്നു വിദ്യാർഥി പഠി​ക്കേ​ണ്ട​താ​വ​ശ്യ​മാണ്‌. അയാൾക്കി​തു കാര്യ​ക്ഷ​മ​ത​യോ​ടെ ചെയ്യാൻ കഴിയു​മ്പോൾ താൻ വാസ്‌ത​വ​മാ​യും ഒരു ബൈബിൾ വിദ്യാർഥി​യാ​ണെ​ന്നു​ളള സംഗതി​യെ അയാൾ കൂടുതൽ വിലമ​തി​ക്കും. ആദ്യ​മെ​ല്ലാം അയാൾക്കു ബൈബി​ളി​ന്റെ മുൻപിൽ കൊടു​ത്തി​രി​ക്കുന്ന പുസ്‌ത​ക​ങ്ങ​ളു​ടെ ക്രമം ഉപയോ​ഗി​ക്കേ​ണ്ടത്‌ ആവശ്യ​മാ​യി​വ​ന്നേ​ക്കാ​മെ​ങ്കി​ലും ബൈബി​ളി​ന്റെ 66 പുസ്‌ത​ക​ങ്ങ​ളു​ടെ അനു​ക്ര​മ​വു​മാ​യി പരിച​യ​പ്പെ​ടാൻ വിദ്യാർഥി​യെ പ്രോ​ത്സാ​ഹി​പ്പി​ക്കേ​ണ്ട​താണ്‌. അയാൾ ഒരു തിരു​വെ​ഴു​ത്തു​ഭാ​ഗം എടുത്തു വായി​ക്കു​മ്പോൾ പരിചി​ന്ത​ന​ത്തി​ലു​ളള ഖണ്ഡിക​യിൽ കൊടു​ത്തി​രി​ക്കുന്ന ആശയത്തെ പിന്താ​ങ്ങുന്ന ഭാഗം തിരി​ച്ച​റി​യു​ന്ന​തി​നും തത്സമയത്തെ അധ്യയ​ന​വു​മാ​യി നേരിട്ടു ബന്ധപ്പെ​ട്ടി​ട്ടി​ല്ലാത്ത ഭാഗങ്ങ​ളാൽ ശ്രദ്ധ പതറാ​തി​രി​ക്കു​ന്ന​തി​നും അയാളെ സഹായി​ക്കുക.

⁵ വിദ്യാർഥി പുരോ​ഗ​മി​ക്കവേ ബൈബിൾ ആരംഭം മുതൽ അവസാനം വരെ വായി​ക്കാൻ അയാളെ പ്രോ​ത്സാ​ഹി​പ്പി​ക്കുക. മുഴു ബൈബി​ളും ദൈവ​ത്തി​ന്റെ നിശ്വസ്‌ത വചനമാ​ണെ​ന്നും യഥാർഥ ക്രിസ്‌ത്യാ​നി​കൾ അതിനാൽ പോഷി​പ്പി​ക്ക​പ്പെ​ടേ​ണ്ട​തു​ണ്ടെ​ന്നും ഊന്നി​പ്പ​റ​യുക.—മത്താ. 4:4; 2 തിമൊ. 3:16, 17.

⁶ മററു ദിവ്യാ​ധി​പത്യ ഗ്രന്ഥങ്ങൾ പരിച​യ​പ്പെ​ടു​ത്തുക: വിദ്യാർഥി ആവശ്യ​മാ​യ​വി​ധം പുരോ​ഗ​മി​ക്കു​മ്പോൾ അയാൾക്കു മററു ദിവ്യാ​ധി​പത്യ ഗ്രന്ഥങ്ങൾ ഉപയോ​ഗി​ച്ചു തുടങ്ങാ​വു​ന്ന​താണ്‌. സഭാ​യോ​ഗ​ങ്ങ​ളിൽ ഹാജരാ​കു​ന്ന​തി​നി​ട​യിൽ പരിചി​ത​മാ​കുന്ന, സൊ​സൈ​റ​റി​യു​ടെ മററു പ്രസി​ദ്ധീ​ക​ര​ണ​ങ്ങ​ളിൽനി​ന്നും കൂടുതൽ വിവര​ങ്ങൾക്കാ​യി നോക്കു​ന്ന​തി​നു വിവേ​ച​ന​യോ​ടെ അയാളെ പ്രോ​ത്സാ​ഹി​പ്പി​ക്കുക. പുതിയ ലോക ഭാഷാ​ന്ത​ര​ത്തി​ലെ “ബൈബിൾ വാക്കു​ക​ളു​ടെ സൂചിക”പോലു​ളള സവി​ശേ​ഷാ​ശ​യങ്ങൾ എപ്രകാ​ര​മു​പ​യോ​ഗി​ക്കാ​മെന്ന്‌ അയാളെ പഠിപ്പി​ക്കുക. അങ്ങനെ അയാൾ സ്വന്തം ദിവ്യാ​ധി​പത്യ ഗ്രന്ഥശാല നിർമി​ക്കാൻ തുടങ്ങു​മ്പോൾ, കോം​പ്രി​ഹെൻസീവ്‌ കൺകോർഡൻസ്‌, തിരു​വെ​ഴു​ത്തു​ക​ളിൽ നിന്ന്‌ ന്യായ​വാ​ദം ചെയ്യൽ, സൂചിക [Index], ഉൾക്കാഴ്‌ച വാല്യങ്ങൾ [ഇംഗ്ലീഷ്‌] എന്നിവ ഉപയോ​ഗി​ക്കു​ന്നത്‌ എങ്ങനെ​യെന്ന്‌ കാണിച്ചു കൊടു​ക്കുക.

⁷ തങ്ങളുടെ ബൈബിൾ അധ്യയ​ന​ത്തിന്‌ എങ്ങനെ തയ്യാറാ​കാ​മെന്നു ബൈബിൾ വിദ്യാർഥി​കളെ നാം പഠിപ്പി​ക്കു​ക​യാ​ണെ​ങ്കിൽ അവരുടെ വ്യക്തി​പ​ര​മായ ഭവന ബൈബി​ള​ധ്യ​യനം തീർന്ന​ശേ​ഷ​വും അവരെ യോഗ്യ​രായ ബൈബിൾ വിദ്യാർഥി​ക​ളാ​യി സത്യത്തിൽ അനുസ്യൂ​തം പുരോ​ഗ​മി​ക്കു​ന്ന​തി​നു നാം സജ്ജരാ​ക്കു​ക​യാ​കും ചെയ്യു​ന്നത്‌.