നമ്മുടെ സാഹി​ത്യ​ങ്ങളെ നിങ്ങൾ മൂല്യ​വ​ത്താ​യി കരുതു​ന്നു​വോ?

¹ വജ്രങ്ങ​ളും മറ്റു രത്‌ന​ക്ക​ല്ലു​ക​ളും മൂല്യ​മു​ള്ള​താ​യി​രി​ക്കു​ന്നത്‌ അവയുടെ മനോ​ഹാ​രിത നിമിത്തം മാത്രമല്ല, അവ കണ്ടെത്താ​നും കുഴി​ച്ചെ​ടു​ക്കാ​നു​മുള്ള ഭാരിച്ച ചെലവു നിമി​ത്ത​വു​മാണ്‌. യഹോ​വ​യെ​യും യേശു​ക്രിസ്‌തു​വി​നെ​യും കുറി​ച്ചുള്ള അറിവ്‌ അതിലു​മേറെ ശ്രേഷ്‌ഠ​മായ മൂല്യ​മു​ള്ള​താണ്‌. ലോക​ത്തിൽ നമ്മുടെ പ്രസി​ദ്ധീ​ക​ര​ണങ്ങൾ മാത്ര​മാണ്‌ ഈ ആത്മീയ ധനത്തെ ഗഹനമാ​യും ദൈവിക ജ്ഞാന​ത്തോ​ടെ​യും വിശദീ​ക​രി​ക്കു​ന്നത്‌. (റോമ. 11:33; ഫിലി. 3:8) നമ്മുടെ സാഹി​ത്യ​ങ്ങ​ളോ​ടു നമുക്ക്‌ എങ്ങനെ യഥാർഥ വിലമ​തി​പ്പു പ്രകട​മാ​ക്കാൻ കഴിയും?

² അനേകം വ്യക്തി​ക​ളും കുടും​ബ​ക്കൂ​ട്ട​ങ്ങ​ളും ക്രമമാ​യി ഒരു സംഭാവന മാറ്റി​വെ​ക്കു​ക​യും അതു രാജ്യ​ഹാ​ളിൽ കൊണ്ടു​പോ​യി, “സൊ​സൈ​റ്റി​യു​ടെ ലോക​വ്യാ​പക വേലയ്‌ക്കു​വേ​ണ്ടി​യുള്ള സംഭാ​വ​നകൾ—മത്തായി 24:14” എന്നെഴു​തി​യി​രി​ക്കുന്ന സംഭാ​വ​ന​പ്പെ​ട്ടി​യിൽ ഇടുക​യും ചെയ്യാ​റുണ്ട്‌. സാഹി​ത്യ​ങ്ങ​ളോ മാസി​ക​ക​ളോ എടുക്കു​മ്പോൾ സംഭാവന ഇടുക​യും വയൽശു​ശ്രൂ​ഷ​യി​ലാ​യി​രി​ക്കെ ലഭിച്ച സംഭാ​വ​നകൾ സംഭാ​വ​ന​പ്പെ​ട്ടി​യിൽ നിക്ഷേ​പി​ക്കു​ക​യും ചെയ്യു​മ്പോൾ വ്യക്തികൾ ലോക​വ്യാ​പക വേലയ്‌ക്കാ​യി കൂടു​ത​ലായ സംഭാവന നൽകു​ക​യാ​ണു ചെയ്യു​ന്നത്‌.

³ വിലമ​തി​പ്പു പ്രകട​മാ​ക്കാ​നുള്ള മറ്റൊരു മാർഗം വയലിൽ കണ്ടുമു​ട്ടുന്ന ആളുകൾക്കു വിവേ​ച​ന​യോ​ടെ സാഹി​ത്യ​ങ്ങൾ സമർപ്പി​ക്കുക എന്നതാണ്‌. വില​യേ​റിയ വജ്രം ഒരു ശിശു​വി​നു നൽകു​ന്ന​തി​നെ കുറിച്ചു നാം ചിന്തി​ക്കാ​റില്ല കാരണം, ആ ശിശു​വിന്‌ അതിന്റെ മൂല്യം മനസ്സി​ലാ​ക്കാ​നാ​വില്ല. ആത്മീയ കാര്യ​ങ്ങ​ളോ​ടു വിലമ​തി​പ്പി​ല്ലാത്ത വ്യക്തി​കൾക്കും നാം അമൂല്യ​മായ സാഹി​ത്യ​ങ്ങൾ നൽകു​ക​യില്ല. (എബ്രായർ 12:16 താരത​മ്യം ചെയ്യുക.) നാം നമ്മുടെ സമയം ചെലവി​ടു​ന്ന​തും സാഹി​ത്യ​ങ്ങൾ നൽകു​ന്ന​തും ആളുകളെ വിവേ​ചി​ച്ച​റി​ഞ്ഞ​തി​നു ശേഷമാ​യി​രി​ക്കണം. സംസാ​രി​ക്കാൻ വീട്ടു​കാ​രനു താത്‌പ​ര്യ​മു​ണ്ടോ? നാം സംസാ​രി​ക്കു​മ്പോൾ അദ്ദേഹം ശ്രദ്ധി​ക്കു​ക​യും ചോദ്യ​ങ്ങ​ളോ​ടു പ്രതി​ക​രി​ക്കു​ക​യും ബൈബിൾ വായി​ക്കു​മ്പോൾ അത്‌ എടുത്തു​നോ​ക്കു​ക​യും ചെയ്യു​ന്നു​ണ്ടോ? ആ വിധത്തിൽ താത്‌പ​ര്യം കാണി​ക്കു​ന്നെ​ങ്കിൽ, ഉചിത​മായ ഒരു പ്രസി​ദ്ധീ​ക​രണം നൽകാൻ നാം സന്തോ​ഷ​മു​ള്ള​വ​രാണ്‌. പ്രസി​ദ്ധീ​ക​ര​ണങ്ങൾ ഉപയോ​ഗി​ച്ചു നാം നടത്തുന്ന അധ്യയ​നങ്ങൾ, ബൈബിൾ ഉപദേ​ശങ്ങൾ പഠിക്കാ​നും യഹോ​വ​യു​മാ​യി ഒരു ബന്ധം വളർത്തി​യെ​ടു​ക്കാ​നും ആളുകൾക്ക്‌ അവസരം നൽകുന്നു. നമ്മുടെ സാഹി​ത്യ​ങ്ങ​ളു​ടെ യഥാർഥ പ്രയോ​ജനം അവ എപ്രകാ​രം ഉപയോ​ഗി​ക്കു​ന്നു എന്നതിനെ ആശ്രയി​ച്ചാ​ണി​രി​ക്കു​ന്നത്‌.

⁴ രാജ്യ​ഹാ​ളി​ലോ നമ്മുടെ ഭവനത്തി​ലോ ഒരു ഷെൽഫിൽ വെച്ചി​രി​ക്കുന്ന സാഹി​ത്യ​ങ്ങൾ അവയുടെ ഉദ്ദേശ്യം നിറ​വേ​റ്റു​ന്നില്ല, അതിന്റെ മൂല്യം തിരി​ച്ച​റി​യ​പ്പെ​ടു​ന്നു​മില്ല. മാസി​ക​ക​ളു​ടെ​യും ലഘുപ​ത്രി​ക​ക​ളു​ടെ​യും ബയൻഡിട്ട പുസ്‌ത​ക​ങ്ങ​ളു​ടെ​യും ലഘു​ലേ​ഖ​ക​ളു​ടെ​യും പഴയ പ്രതി​കൾപോ​ലും നന്നായി ഉപയോ​ഗ​പ്പെ​ടു​ത്തണം. നമ്മുടെ പക്കൽ ഇപ്പോ​ഴു​ളള സാഹി​ത്യ​ശേ​ഖ​ര​ത്തി​ന്റെ സ്റ്റോക്ക്‌ അവസാ​ന​മാ​യി എടുത്തത്‌ എപ്പോ​ഴാണ്‌? എത്രയ​ധി​കം സാഹി​ത്യ​ങ്ങൾ കുന്നു​കൂ​ടി​യി​രി​ക്കു​ന്നു​വെന്നു മനസ്സി​ലാ​ക്കു​മ്പോൾ നാം അതിശ​യി​ച്ചു​പോ​യേ​ക്കാം. നമ്മുടെ പക്കലുളള സാഹി​ത്യം പഴകി നിറം മങ്ങിയോ കീറി​യോ മുഷി​ഞ്ഞോ പോകാ​തെ ഇപ്പോ​ഴും നല്ല സ്ഥിതി​യി​ലാ​ണോ? എങ്കിൽ, അവ വയൽശു​ശ്രൂ​ഷ​യിൽ വിതരണം ചെയ്യാൻ നാം സകല ശ്രമവും ചെയ്യണം. കേടു​പ​റ്റിയ സാഹി​ത്യം വ്യക്തി​പ​ര​മായ ഉപയോ​ഗ​ത്തി​നാ​യി സൂക്ഷി​ക്കു​ക​യോ ഉചിത​മായ വിധത്തിൽ ഒഴിവാ​ക്കു​ക​യോ ചെയ്യാം. മുഖ്യ​മാ​യും നിലവി​ലുള്ള സമർപ്പ​ണ​ത്തിൽ ശ്രദ്ധ കേന്ദ്രീ​ക​രി​ക്കു​മ്പോൾ പോലും ചില​പ്പോ​ഴൊ​ക്കെ ഒരു വ്യത്യസ്‌ത പ്രസി​ദ്ധീ​ക​രണം ഉപയോ​ഗി​ക്കാൻ നമുക്കു തീരു​മാ​നി​ക്കാ​വു​ന്ന​താണ്‌.

⁵ വിതര​ണ​ത്തി​നാ​യി നിങ്ങൾക്കു യഥാർഥ​ത്തിൽ എന്തുമാ​ത്രം സാഹി​ത്യം വേണം എന്നതു സംബന്ധിച്ച്‌ ശ്രദ്ധാ​പൂർവം ചിന്തി​ക്കുക. നല്ല വിവേചന ആവശ്യ​മാണ്‌. വിശേ​ഷാൽ നിങ്ങൾ പയനി​യ​റിങ്‌ നടത്തു​ന്നെ​ങ്കിൽ, ഒരു മതിയായ അളവ്‌ അത്യാ​വ​ശ്യ​മാ​യി​രി​ക്കെ, സാഹി​ത്യ​ത്തി​ന്റെ വലിയ ഒരു ശേഖരം വ്യക്തി​പ​ര​മാ​യി സൂക്ഷി​ക്കേ​ണ്ട​തില്ല, കാരണം രാജ്യ​ഹാ​ളിൽനിന്ന്‌ യോഗ​ങ്ങൾക്കു മുമ്പും ശേഷവും കൂടുതൽ വാങ്ങാൻ കഴിയും. മാസാ​രം​ഭ​ത്തിൽ പ്രവർത്തനം തുടങ്ങു​മ്പോൾത്തന്നെ മതിയായ സാഹി​ത്യം കരുതു​ക​യും നിങ്ങളു​ടെ ശേഖരം തീരു​ന്ന​ത​നു​സ​രി​ച്ചു കൂടുതൽ എടുക്കു​ക​യും ചെയ്യുക.

⁶ ദൈവ​ത്തി​ന്റെ സത്യവ​ച​നത്തെ വിലമ​തി​ക്കുന്ന ആളുകൾക്കു സമർപ്പി​ക്കു​മ്പോൾ നമ്മുടെ പ്രസി​ദ്ധീ​ക​ര​ണ​ങ്ങൾക്ക്‌ അതീവ മൂല്യ​മുണ്ട്‌. പ്രദാനം ചെയ്യ​പ്പെ​ട്ടി​രി​ക്കുന്ന സാഹി​ത്യ​ങ്ങൾ ഉപയോ​ഗി​ക്കു​ന്ന​തിൽ ജ്ഞാനവും വിവേ​ക​വും ഉള്ളവരാ​യി​രു​ന്നു​കൊണ്ട്‌ നമ്മുടെ സാഹി​ത്യ​ങ്ങളെ നാം എത്രയ​ധി​കം മൂല്യ​വ​ത്താ​യി കരുതു​ന്നു എന്നു നമു​ക്കെ​ല്ലാം പ്രകട​മാ​ക്കാം.