അവന്റെ അനുഗാ​മി​ക​ളാ​യി​ത്തീ​രാൻ അവരെ ഉദ്‌ബോ​ധി​പ്പി​ക്കുക

¹ ഒന്നു കൊരി​ന്ത്യർ 3:6-ൽ പൗലോസ്‌ ഇങ്ങനെ എഴുതി: “ഞാൻ നട്ടു, അപ്പൊ​ല്ലോസ്‌ നനെച്ചു, ദൈവ​മ​ത്രേ വളരു​മാ​റാ​ക്കി​യതു.” ക്രിസ്‌തു​വി​ന്റെ ശിരസ്ഥാ​ന​ത്തിൻകീ​ഴിൽ ഏകീകൃ​ത​മാ​യി വേല ചെയ്യേ​ണ്ട​തി​ന്റെ ആവശ്യം കാണാൻ തന്റെ സഹോ​ദ​ര​ങ്ങളെ സഹായി​ക്കാൻ പൗലോസ്‌ ഈ ന്യായ​വാ​ദം ഉപയോ​ഗി​ച്ചു. ഈ വിധത്തിൽ, ഈ പ്രധാ​ന​പ്പെട്ട നടൽ, നനയ്‌ക്കൽ വേലയിൽ അവർ നിർവ​ഹിച്ച മർമ​പ്ര​ധാ​ന​മായ പങ്കു മനസ്സി​ലാ​ക്കാ​നും അവൻ അവരെ സഹായി​ച്ചു.

² ജീവര​ക്ഷാ​ക​ര​മായ ആ വേല ഈ നാളു​ക​ളിൽത്തന്നെ പരിസ​മാ​പ്‌തി​യിൽ എത്തി​ക്കേ​ണ്ട​താണ്‌. സമർപ്പിത ക്രിസ്‌ത്യാ​നി​കൾ എന്നനി​ല​യിൽ, യേശു​വി​ന്റെ അനുഗാ​മി​ക​ളാ​യി​ത്തീ​രാൻ മററു​ള​ള​വരെ സഹായി​ക്കാ​നു​ളള ഗൗരവ​മായ ഉത്തരവാ​ദി​ത്വം നമുക്കുണ്ട്‌. (പ്രവൃ. 13:48) ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യൻ പുസ്‌തകം ഉപയോ​ഗി​ച്ചു താത്‌പ​ര്യ​മു​ണർത്താൻ സാധി​ച്ചി​ടത്തു മടങ്ങി​ച്ചെന്ന്‌ താത്‌പ​ര്യ​ത്തെ പിന്തു​ട​രാൻ നിങ്ങൾക്ക്‌ എങ്ങനെ കഴിയും?

³ പുസ്‌തകം സ്വീക​രിച്ച ഒരു വ്യക്തിയെ സന്ദർശി​ക്കാൻ മടങ്ങി​ച്ചെ​ല്ലു​ക​യാ​ണു നിങ്ങ​ളെ​ങ്കിൽ, നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“കഴിഞ്ഞ പ്രാവ​ശ്യം നാം സംസാ​രി​ച്ച​പ്പോൾ, യേശു​ക്രി​സ്‌തു മനുഷ്യ​നാ​യി​രു​ന്ന​പ്പോൾ എങ്ങനെ​യു​ള​ള​വ​നാ​യി​രു​ന്നു എന്നു ചർച്ച ചെയ്‌തി​രു​ന്നു. ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യൻ പുസ്‌തകം താങ്കൾക്കു തരാൻ സാധി​ച്ച​തിൽ എനിക്കു സന്തോ​ഷ​മുണ്ട്‌. യേശു​വി​ന്റെ പഠിപ്പി​ക്ക​ലി​നെ സംബന്ധി​ച്ചും അവന്റെ വ്യക്തി​ത്വ​ത്തെ സംബന്ധി​ച്ചും നിങ്ങളിൽ ഏററവും കൂടുതൽ മതിപ്പു​ള​വാ​ക്കി​യത്‌ എന്താണ്‌?” പ്രതി​ക​രി​ക്കാൻ അനുവ​ദി​ക്കുക. അധ്യായം 113 എടുത്ത്‌ യേശു​വി​ന്റെ താഴ്‌മ​യു​ടെ അതി​ശ്രേഷ്‌ഠ മാതൃ​ക​യെ​ക്കു​റി​ച്ചു ചർച്ച ചെയ്യുക. യേശു​വി​ന്റെ താഴ്‌മ​യു​ളള മനോ​ഭാ​വത്തെ അപ്പോ​സ്‌ത​ല​നായ പൗലോസ്‌ എങ്ങനെ വീക്ഷി​ച്ചു​വെന്നു പ്രകട​മാ​ക്കാൻ ഫിലി​പ്പി​യർ 2:8 വായി​ക്കുക. പിന്നെ, ബൈബി​ളി​ന്റെ ക്രമമായ ഒരു പഠനത്തി​ലൂ​ടെ എത്രയ​ധി​കം പഠിക്കാ​നാ​വു​മെന്നു നിങ്ങൾക്കു വിശദീ​ക​രി​ക്കാ​നും കഴിയും.

⁴ നിങ്ങൾക്ക്‌ ഈ മുഖവുര കൂടുതൽ ഇഷ്ടപ്പെ​ട്ടേ​ക്കാം:

◼“യേശു ഭൂമി​യി​ലാ​യി​രു​ന്ന​പ്പോൾ ചെയ്‌ത സംഗതി​ക​ളെ​ക്കു​റി​ച്ചു നാം സംസാ​രി​ക്കു​ക​യു​ണ്ടാ​യി. നമ്മെ സംബന്ധിച്ച്‌ അവൻ യഥാർഥ​ത്തിൽ കരുതു​ന്നു എന്നു പ്രകട​മാ​ക്കു​ന്ന​താണ്‌ ആ കാര്യങ്ങൾ. വളരെ​യ​ധി​കം ദുരി​ത​മ​നു​ഭ​വി​ച്ചി​ട്ടു​ള​ള​വർക്ക്‌ അതിൽനി​ന്നു​ളള മോചനം സാധ്യ​മാ​ക്കാൻ അവസാനം അവൻ എന്തു ചെയ്യു​മെ​ന്നാ​ണു നിങ്ങൾ വിചാ​രി​ക്കു​ന്നത്‌?” പ്രതി​ക​രി​ക്കാൻ അനുവ​ദി​ക്കുക. അധ്യായം 133 എടുത്ത്‌ അഞ്ചാമത്തെ ഖണ്ഡിക​യി​ലെ അഭി​പ്രാ​യങ്ങൾ പുനര​വ​ലോ​കനം ചെയ്യുക. അടുത്ത പേജിലെ ചിത്ര​ത്തി​ലേക്കു തിരിഞ്ഞ്‌ ദൈവ​ത്തി​ന്റെ ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും ചെയ്യ​പ്പെ​ടു​മ്പോൾ അത്‌ എങ്ങനെ​യി​രി​ക്കും എന്നു വിശദ​മാ​ക്കുക. കൂടുതൽ പഠിക്കു​ന്ന​തു​കൊ​ണ്ടു കരഗത​മാ​വുന്ന പ്രയോ​ജ​നങ്ങൾ ചൂണ്ടി​ക്കാ​ട്ടുക.

⁵ പ്രഥമ സന്ദർശ​ന​ത്തിൽ വീട്ടു​കാ​രൻ പുസ്‌തകം എടുത്തില്ല. അപ്പോൾ ഒരുപക്ഷേ നിങ്ങൾക്കു ചർച്ച ഈവിധം തുടങ്ങാം:

◼“തങ്ങൾക്കു മോഡ​ലു​ക​ളാ​യി തോന്നുന്ന ആരെ​യെ​ങ്കി​ലും അനുക​രിച്ച്‌ അനേക​മാ​ളു​ക​ളും സ്വന്തം ജീവി​ത​ത്തി​നു മാററം വരുത്തു​ന്നു. ഇക്കാര്യ​ത്തിൽ നാം രണ്ടു​പേ​രും യോജി​ക്കു​മെന്ന്‌ എനിക്കു തോന്നു​ന്നു. എന്നാൽ യേശു​ക്രി​സ്‌തു​വി​നെ​ക്കാ​ളും മികച്ച ഒരു മാതൃ​കാ​പാ​ത്രത്തെ ഒരാൾക്കും കിട്ടാൻ പോകു​ന്നില്ല. യേശു​ക്രി​സ്‌തു വെച്ച മാതൃക പഠിച്ച​തു​കൊണ്ട്‌ എനിക്കു കിട്ടിയ വളരെ പ്രധാ​ന​പ്പെട്ട ഒരു പാഠം നിങ്ങ​ളോ​ടു പറഞ്ഞാൽ കൊള​ളാ​മെ​ന്നുണ്ട്‌. [ഏററവും മഹാനായ മനുഷ്യൻ പുസ്‌ത​ക​ത്തി​ന്റെ 40-ാം അധ്യാ​യ​മെ​ടുത്ത്‌ കരുണയെ സംബന്ധിച്ച യേശു​വി​ന്റെ ദയാപു​ര​സ്സ​ര​മായ പാഠത്തി​ലേക്കു ശ്രദ്ധ ക്ഷണിക്കുക.] ഞാൻ മററു​ള​ള​വ​രോട്‌ ഈ ഗുണം എത്രയ​ധി​കം പ്രദർശി​പ്പി​ക്കേ​ണ്ട​യാ​വ​ശ്യ​മുണ്ട്‌ എന്ന്‌ ഇത്‌ എന്നെ ശക്തിയു​ക്തം അനുസ്‌മ​രി​പ്പി​ച്ചു.” മത്തായി 5:7 വായി​ക്കുക. പുസ്‌തകം സമർപ്പി​ക്കാൻ വീണ്ടു​മൊ​രു ശ്രമം നടത്താ​നോ ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ? എന്ന ലഘുപ​ത്രിക സമർപ്പി​ക്കാ​നോ ഉളള ഉചിത​മായ സമയമാ​യി​രി​ക്കാം ഇത്‌.

⁶ അല്ലെങ്കിൽ ഇങ്ങനെ നേരി​ട്ടു​ളള ഒരു സമീപനം ഉപയോ​ഗി​ക്കാൻ നിങ്ങൾ ആഗ്രഹി​ച്ചേ​ക്കാം:

◼“കഴിഞ്ഞ പ്രാവ​ശ്യം ഞാൻ ഇവിടെ വന്നപ്പോൾ, യേശു​വി​നെ​ക്കു​റി​ച്ചു പരിജ്ഞാ​നം നേടു​ന്ന​തി​ന്റെ പ്രാധാ​ന്യ​ത്തെ​ക്കു​റി​ച്ചു നാം ചർച്ച ചെയ്‌താ​യി​രു​ന്നു. അത്തരം പരിജ്ഞാ​നം നേടു​ന്നത്‌ ‘നിത്യ​ജീ​വനെ അർഥമാ​ക്കു​ന്നു’വെന്നു യോഹ​ന്നാൻ 17:3 പറയുന്നു. നമുക്ക്‌ അത്‌ എങ്ങനെ ചെയ്യാ​നാ​വും?” പ്രതി​ക​ര​ണ​ത്തിന്‌ അനുവ​ദി​ക്കുക. തുടർന്ന്‌, നമ്മുടെ ബൈബി​ള​ധ്യ​യന ക്രമീ​ക​ര​ണ​ത്തെ​യും അത്‌ എങ്ങനെ ഉപയോ​ഗ​പ്പെ​ടു​ത്താ​മെ​ന്ന​തി​നെ​യും കുറിച്ച്‌ വിശദീ​ക​രി​ക്കുക.

⁷ കൊയ്‌ത്തിൽ പങ്കെടു​ക്കുന്ന വേലക്കാ​രന്‌ “താന്താന്റെ അദ്ധ്വാ​ന​ത്തി​ന്നു ഒത്തവണ്ണം കൂലി കിട്ടു”മെന്നു പൗലോസ്‌ പറയുന്നു. (1 കൊരി. 3:8) യേശു​വി​ന്റെ അനുഗാ​മി​ക​ളാ​യി​ത്തീ​രാൻ മററു​ള​ള​വരെ സഹായി​ക്കു​ന്ന​തി​നു നാം കഠിനാ​ദ്ധ്വാ​നം ചെയ്യു​ന്നെ​ങ്കിൽ, നമ്മുടെ പ്രതി​ഫലം വലുതാ​യി​രി​ക്കു​മെന്ന്‌ ഉറപ്പാണ്‌.