‘ഇതിന്റെ അർഥം നിത്യ​ജീ​വൻ എന്നാണ്‌’

യോഹ​ന്നാൻ 17:3-ൽ [NW] രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കുകൾ ഗൗരവ​മാ​യി എടു​ക്കേ​ണ്ട​താണ്‌. അവൻ പറഞ്ഞതു വളരെ പ്രസക്ത​മാണ്‌—ദൈവ​ത്തെ​യും ക്രിസ്‌തു​വി​നെ​യും കുറി​ച്ചുള്ള അറിവ്‌ ഉൾക്കൊ​ള്ളു​ന്ന​തി​ന്റെ അർഥം നിത്യ​ജീ​വൻ എന്നാണ്‌! എന്നാൽ യഹോ​വ​യെ​യും യേശു​വി​നെ​യും കുറി​ച്ചുള്ള അറിവ്‌ ഉണ്ടായി​രി​ക്കു​ന്ന​തു​കൊ​ണ്ടു മാത്രം നിത്യ​ജീ​വ​നാ​കുന്ന പ്രതി​ഫലം നമുക്കു ലഭിക്കു​മോ? ഇല്ല. യഹോ​വ​യാ​ണു തങ്ങളുടെ ദൈവ​മെന്ന്‌ ഇസ്രാ​യേ​ല്യർക്ക്‌ അറിയാ​മാ​യി​രു​ന്നു, എന്നാൽ അവരുടെ ജീവി​ത​ഗതി അവരുടെ വിശ്വാ​സത്തെ പ്രതി​ഫ​ലി​പ്പി​ച്ചില്ല. തത്‌ഫ​ല​മാ​യി, അവർക്ക്‌ അവന്റെ പ്രീതി നഷ്ടമായി. (ഹോശേ. 4:1, 2, 6) ഇന്നു ദശലക്ഷ​ക്ക​ണ​ക്കി​നാ​ളു​കൾ “പരിജ്ഞാ​ന​പ്ര​കാ​ര​മ​ല്ലെ​ങ്കി​ലും ദൈവത്തെ സംബന്ധി​ച്ചു എരിവു​ള്ളവ”രാണ്‌. (റോമ. 10:2) അവർ “ഏകസത്യ​ദൈ​വ​മായ” യഹോ​വയെ മാത്രമല്ല അവനെ ഉചിത​മാ​യി ആരാധി​ക്കേണ്ട വിധവും അറി​യേ​ണ്ട​തുണ്ട്‌. അതിനാ​യി, നവംബ​റിൽ നാം നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌തകം സമർപ്പി​ക്കു​ന്ന​താ​യി​രി​ക്കും. പരിജ്ഞാ​നം പുസ്‌തകം അവതരി​പ്പി​ക്കു​ന്ന​തിൽ നിങ്ങൾ ഏതു സമീപനം കൈ​ക്കൊ​ള്ളും? നിങ്ങളെ സഹായി​ച്ചേ​ക്കാ​വുന്ന ഏതാനും നിർദേ​ശ​ങ്ങ​ളി​താ.

² നിങ്ങളു​ടെ വയലി​ലുള്ള അനേക​മാ​ളു​ക​ളോ​ടു സംസാ​രി​ക്കു​മ്പോൾ ഉപയോ​ഗി​ക്കാൻ ഒരുപക്ഷേ നിങ്ങൾ ആഗ്രഹി​ച്ചേ​ക്കാ​വുന്ന ഒരു അവതര​ണ​മി​താ:

◼“ലോക​ത്തിൽ നാനാ​ത​ര​ത്തി​ലുള്ള മതങ്ങൾ അനവധി​യു​ള്ളത്‌ എന്തു​കൊ​ണ്ടെന്ന്‌ ഞങ്ങൾ അയൽക്കാ​രോ​ടു സംസാ​രി​ച്ചു​വ​രു​ക​യാണ്‌. ഈ രാജ്യ​ത്തി​ന്റെ കാര്യം​തന്നെ എടുത്താൽ, ഇവിടെ മതപര​മായ അനേകം മാർഗ​ങ്ങ​ളുണ്ട്‌. ലോക​വ്യാ​പ​ക​മാ​യി 10,000-ത്തിലധി​കം മതവി​ഭാ​ഗ​ങ്ങ​ളുണ്ട്‌. നിങ്ങളു​ടെ അഭി​പ്രാ​യ​ത്തിൽ, ഇത്രയ​ധി​കം മതങ്ങളു​ള്ളത്‌ എന്തു​കൊ​ണ്ടാണ്‌? [പ്രതി​ക​രി​ക്കാൻ അനുവ​ദി​ക്കുക. പരിജ്ഞാ​നം പുസ്‌ത​ക​ത്തി​ന്റെ 5-ാം അധ്യായം തുറന്ന്‌ 1-ാം ഖണ്ഡിക വായി​ക്കുക.] ഈ അധ്യായം വായി​ക്കു​ന്ന​തി​നാൽ, തൃപ്‌തി​ക​ര​മായ ഉത്തരങ്ങൾ നിങ്ങൾക്കു ലഭിക്കും. നിങ്ങൾ പരി​ശോ​ധി​ക്കാൻ ആഗ്രഹി​ക്കു​ന്നു​വെ​ങ്കിൽ ഈ പുസ്‌തകം തന്നിട്ടു പോകാൻ എനിക്കു സന്തോ​ഷ​മേ​യു​ള്ളൂ.” അതു സ്വീക​രി​ക്കു​ന്നു​വെ​ങ്കിൽ, മടങ്ങി​ച്ചെ​ല്ലു​ന്ന​തി​നു സുനി​ശ്ചി​ത​മായ ഏർപ്പാ​ടു​കൾ ചെയ്‌തിട്ട്‌ ഇങ്ങനെ പറയുക: “ഞാൻ മടങ്ങി​വ​രു​മ്പോൾ, എല്ലാ മതങ്ങളും ഒരിട​ത്തേക്കു നയിക്കുന്ന വ്യത്യസ്‌ത പാതക​ളാ​ണോ എന്ന്‌ ഒരുപക്ഷേ നമുക്കു ചർച്ച ചെയ്യാൻ കഴി​ഞ്ഞേ​ക്കും.”

³ ഇത്രയ​ധി​കം മതങ്ങളു​ള്ളത്‌ എന്തു​കൊണ്ട്‌ എന്നതി​നെ​ക്കു​റി​ച്ചു തുടർന്നു ചർച്ച ചെയ്യാൻ മടങ്ങി ചെല്ലു​മ്പോൾ, നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“കഴിഞ്ഞ പ്രാവ​ശ്യം നമ്മൾ സംസാ​രി​ച്ച​പ്പോൾ, എല്ലാ മതങ്ങളും ഒരിട​ത്തേക്കു നയിക്കുന്ന വ്യത്യസ്‌ത പാതക​ളാ​ണോ എന്ന ചോദ്യം ഞാൻ ഉന്നയി​ച്ചി​രു​ന്നു. നിങ്ങൾ അതേക്കു​റിച്ച്‌ എന്തു വിചാ​രി​ക്കു​ന്നു? [പ്രതി​ക​രി​ക്കാൻ അനുവ​ദി​ക്കുക.] പ്രസ്‌തുത കാര്യ​ത്തെ​ക്കു​റി​ച്ചു യേശു പറഞ്ഞത്‌ ഞാൻ നിങ്ങൾക്കു തന്നിട്ടു​പോയ പുസ്‌ത​ക​ത്തിൽനി​ന്നു കാണി​ച്ചു​ത​രാൻ ആഗ്രഹി​ക്കു​ന്നു. [പരിജ്ഞാ​നം പുസ്‌ത​ക​ത്തി​ന്റെ 5-ാം അധ്യാ​യ​ത്തി​ലേക്കു തിരിഞ്ഞ്‌, മത്തായി 7:21-23 ഉൾപ്പെടെ 6-7 ഖണ്ഡികകൾ വായി​ക്കുക.] ദൈവ​ഹി​ത​മെ​ന്താ​ണെന്നു കൃത്യ​മാ​യി അറിയു​ന്നതു വളരെ പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാ​ണെന്നു നിങ്ങൾ അതിശ​യി​ച്ചേ​ക്കാം. അടുത്ത ഖണ്ഡികകൾ വളരെ വിജ്ഞാ​ന​പ്ര​ദ​മാ​ണെന്നു നിങ്ങൾ മനസ്സി​ലാ​ക്കും. ഈ അധ്യാ​യ​ത്തി​ന്റെ ശേഷിച്ച ഭാഗം ദയവായി വായി​ക്കുക. അടുത്ത തവണ ഞാൻ വരു​മ്പോൾ, ആരാധ​നാ​പ​ര​മായ കാര്യങ്ങൾ സംബന്ധി​ച്ചു സൂക്ഷ്‌മ​പ​രി​ജ്ഞാ​നം ഉണ്ടായി​രി​ക്കേ​ണ്ട​തി​ന്റെ മൂല്യം നിങ്ങളെ കാട്ടി​ത്ത​രു​ന്ന​തിൽ എനിക്കു സന്തോ​ഷ​മു​ണ്ടാ​യി​രി​ക്കും.”

⁴ ഭൂമി​യിൽ എന്നേക്കും ജീവി​ക്കുക എന്ന ആശയം ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന മിക്കവർക്കു​പോ​ലും പുതി​യ​താ​യ​തു​കൊണ്ട്‌, ഈ മുഖവുര അവരുടെ താത്‌പ​ര്യ​ത്തെ ഉണർത്തി​യേ​ക്കാം:

◼“ഞങ്ങൾ അയൽക്കാ​രോട്‌ ഒരു ചോദ്യം ചോദി​ച്ചു​വ​രു​ക​യാണ്‌. ഇതു​പോ​ലുള്ള ഒരു ലോക​ത്തിൽ എന്നേക്കും ജീവി​ക്കാൻ നിങ്ങളെ ക്ഷണിച്ചി​രു​ന്നു​വെ​ങ്കിൽ, നിങ്ങൾ ആ ക്ഷണം സ്വീക​രി​ക്കു​മാ​യി​രു​ന്നോ? [പരിജ്ഞാ​നം പുസ്‌ത​ക​ത്തി​ലെ 4-5 പേജു​ക​ളി​ലുള്ള ചിത്രം കാണി​ച്ചു​കൊ​ടു​ക്കുക. പ്രതി​ക​രി​ക്കാൻ അനുവ​ദി​ക്കുക.] ഇതു നിങ്ങളു​ടെ ജീവി​ത​ത്തി​ലെ സന്തോ​ഷ​ക​ര​മായ അനുഭ​വ​മാ​യി​രി​ക്കാൻ സാധി​ക്കും. അതു നിങ്ങളെ സംബന്ധി​ച്ചി​ട​ത്തോ​ളം ഒരു യാഥാർഥ്യ​മാ​യി​ക്കാ​ണാൻ എന്തു ചെയ്യണ​മെ​ന്നാ​ണു നിങ്ങൾ കരുതു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] യോഹ​ന്നാൻ 17:3 പറയു​ന്ന​ത​നു​സ​രിച്ച്‌ എന്തു നടപടി​യാണ്‌ ആവശ്യ​മാ​യി​രി​ക്കു​ന്ന​തെന്നു ശ്രദ്ധി​ക്കുക. [ആ വാക്യം വായി​ക്കുക.] പ്രത്യേ​ക​തരം പരിജ്ഞാ​നം നേടാൻ ഈ പുസ്‌തകം പലരെ​യും സഹായി​ക്കു​ന്നു. വായി​ക്കു​ന്ന​തിന്‌ ഇതിന്റെ വ്യക്തി​പ​ര​മായ ഒരു പ്രതി ഉണ്ടായി​രി​ക്കാൻ നിങ്ങളാ​ഗ്ര​ഹി​ക്കു​ന്നു​വോ? [പ്രതി​ക​രി​ക്കാൻ അനുവ​ദി​ക്കുക.] ഈ ഭൂമി​യിൽതന്നെ നമുക്കു നിത്യ​ജീ​വൻ പ്രാപി​ക്കാൻ സാധി​ക്കു​മെന്നു വിശ്വ​സി​ക്കു​ന്നതു ന്യായ​യു​ക്ത​മാ​യി​രി​ക്കു​ന്നത്‌ എന്തു​കൊ​ണ്ടെന്ന്‌ എന്റെ അടുത്ത സന്ദർശ​ന​ത്തിൽ നമുക്കു ചർച്ച ചെയ്യാം.”

⁵ നിങ്ങൾ യോഹ​ന്നാൻ 17:3 ചർച്ച ചെയ്‌ത വ്യക്തി​ക​ളു​ടെ അടുക്കൽ മടങ്ങി​ച്ചെ​ല്ലു​മ്പോൾ, നിങ്ങൾക്ക്‌ ഇങ്ങനെ തുടങ്ങാ​വു​ന്ന​താണ്‌:

◼“കഴിഞ്ഞ പ്രാവ​ശ്യം ഞാൻ നിങ്ങളെ സന്ദർശി​ച്ച​പ്പോൾ, യോഹ​ന്നാൻ 17:3-ൽ കാണുന്ന യേശു​വി​ന്റെ അത്ഭുതാ​വ​ഹ​മായ വാക്കുകൾ ഞാൻ നിങ്ങളെ വായിച്ചു കേൾപ്പി​ച്ചു. ദൈവ​ത്തെ​യും യേശു​വി​നെ​യും കുറി​ച്ചുള്ള അറിവ്‌ ഉൾക്കൊ​ള്ളു​ന്ന​തി​ന്റെ അർഥം നിത്യ​ജീ​വ​നാ​ണെന്ന്‌ അവിടെ അവൻ ഉറപ്പു നൽകി. എന്നാൽ മെച്ചപ്പെട്ട ജീവിതം സ്വർഗ​ത്തിൽ മാത്രമേ നേടാൻ സാധി​ക്കു​ക​യു​ള്ളൂ എന്ന്‌ പലരും വിശ്വ​സി​ക്കു​ന്നു. നിങ്ങൾക്ക്‌ അതു സംബന്ധിച്ച്‌ എന്തു തോന്നു​ന്നു? [പ്രതി​ക​രി​ക്കാൻ അനുവ​ദി​ക്കുക.] ഞാൻ നിങ്ങൾക്കു തന്നിട്ടു​പോയ പുസ്‌തകം ഒന്നെടു​ക്കാ​മെ​ങ്കിൽ, ഭൂമി​യിൽ പറുദീസ പുനഃ​സ്ഥാ​പി​ത​മാ​യി​ത്തീ​രു​മെന്നു തെളി​യി​ക്കുന്ന ചില ബൈബിൾ വാക്യങ്ങൾ നിങ്ങൾക്കു കാണി​ച്ചു​ത​രാൻ എനിക്കി​ഷ്ട​മാണ്‌. [പരിജ്ഞാ​നം പുസ്‌ത​ക​ത്തി​ന്റെ 9-10 പേജു​ക​ളി​ലുള്ള 11-16 ഖണ്ഡികകൾ ചർച്ച ചെയ്യുക.] ബൈബി​ളിൽ കാണുന്ന ഈ വാഗ്‌ദ​ത്തങ്ങൾ വിശ്വ​സി​ക്കാൻ കഴിയു​ന്ന​തി​ന്റെ കാരണം അടുത്ത പ്രാവ​ശ്യം വരു​മ്പോൾ നിങ്ങളെ കാണി​ക്കാൻ ഞാനാ​ഗ്ര​ഹി​ക്കു​ന്നു. അപ്പോ​ഴേ​ക്കും, നിങ്ങളു​ടെ കൈവ​ശ​മുള്ള ഈ പുസ്‌ത​ക​ത്തി​ന്റെ 2-ാം അധ്യായം വായി​ച്ചി​രി​ക്കാ​വു​ന്ന​താണ്‌.”

⁶ ബൈബി​ളിൽ കുറെ​യൊ​ക്കെ വിശ്വാ​സ​മുള്ള വ്യക്തി​ക​ളു​മാ​യി ബൈബി​ള​ധ്യ​യ​നങ്ങൾ തുടങ്ങു​ന്ന​തിൽ നേരി​ട്ടുള്ള സമീപനം മിക്ക​പ്പോ​ഴും വിജയ​പ്ര​ദ​മാണ്‌. “ന്യായ​വാ​ദം” പുസ്‌ത​ക​ത്തി​ന്റെ 12-ാം പേജിൽ കാണുന്ന ഒരു സൂചിത മുഖവുര ഇതാ:

◼“നിങ്ങൾക്കു സൗജന്യ​മാ​യി ഒരു ഭവന ബൈബിൾ പഠനപ​രി​പാ​ടി വെച്ചു​നീ​ട്ടു​ന്ന​തി​നാണ്‌ ഞാൻ ഈ സന്ദർശനം നടത്തു​ന്നത്‌. നിങ്ങൾ അനുവ​ദി​ക്കു​മെ​ങ്കിൽ, ഏതാണ്ട്‌ 200 രാജ്യ​ങ്ങ​ളിൽ ആളുകൾ തങ്ങളുടെ ഭവനങ്ങ​ളിൽ കുടുംബ കൂട്ടങ്ങ​ളെ​ന്ന​നി​ല​യിൽ ബൈബിൾ ചർച്ച ചെയ്യു​ന്നത്‌ എങ്ങനെ​യെന്ന്‌ പ്രകടി​പ്പി​ക്കാൻ ഏതാനും മിനി​ററ്‌ സമയ​മെ​ടു​ക്കാൻ ഞാൻ ആഗ്രഹി​ക്കു​ന്നു. ഈ വിഷയ​ങ്ങ​ളിൽ ഏതു വേണ​മെ​ങ്കി​ലും നമുക്കു ചർച്ചക്ക്‌ അടിസ്ഥാ​ന​മാ​യി ഉപയോ​ഗി​ക്കാം. [പരിജ്ഞാ​നം പുസ്‌ത​ക​ത്തി​ലെ ഉള്ളടക്ക​പ്പ​ട്ടിക കാണി​ക്കുക.] ഇതിൽ ഏതിലാ​ണു നിങ്ങൾക്കു വിശേ​ഷാൽ താത്‌പ​ര്യ​മു​ള​ളത്‌?” വ്യക്തി തിര​ഞ്ഞെ​ടു​പ്പു നടത്തു​ന്ന​തു​വരെ കാത്തി​രി​ക്കുക. തിര​ഞ്ഞെ​ടു​ത്തി​രി​ക്കുന്ന അധ്യാ​യ​ത്തി​ലേക്കു തിരിഞ്ഞ്‌ ഒന്നാമത്തെ ഖണ്ഡിക​മു​തൽ അധ്യയനം ആരംഭി​ക്കുക.

⁷ ബൈബി​ളു​മാ​യി പരിചി​ത​ര​ല്ലാത്ത ആളുക​ളു​മാ​യി അധ്യയ​നങ്ങൾ തുടങ്ങു​ന്ന​തി​നു വിജയ​ക​ര​മായ, നേരി​ട്ടുള്ള ഈ സമീപനം നിങ്ങൾക്കു ഉപയോ​ഗി​ച്ചു​നോ​ക്കാ​വു​ന്ന​താണ്‌:

◼“വളരെ​യ​ധി​കം ജ്ഞാനം അടങ്ങി​യി​രി​ക്കുന്ന ഒരു വിശുദ്ധ ഗ്രന്ഥമാ​ണു ബൈബി​ളെന്നു പല ആളുക​ളും വിശ്വ​സി​ക്കു​ന്നു, എന്നാൽ അതിൽനിന്ന്‌ എന്തെങ്കി​ലും പഠിക്കു​ന്ന​തി​നുള്ള അവസരം അവർക്കു ലഭിച്ചി​ട്ടില്ല. ഞാൻ സൗജന്യ​മാ​യി ബൈബിൾ ക്ലാസ്സുകൾ എടുക്കാ​റുണ്ട്‌, കൂടുതൽ വിദ്യാർഥി​കൾക്കാ​യി എന്റെ പക്കൽ സമയവു​മുണ്ട്‌. ഞങ്ങൾ ഉപയോ​ഗി​ക്കുന്ന ബൈബി​ള​ധ്യ​യന സഹായി ഇതാണ്‌. [പരിജ്ഞാ​നം പുസ്‌തകം കാണി​ക്കുക.] ഈ പഠനപ​രി​പാ​ടി ഏതാനും മാസ​ത്തേക്കു മാത്ര​മു​ള്ള​താണ്‌. തന്നെയു​മല്ല, ദൈവം കഷ്ടപ്പാട്‌ അനുവ​ദി​ക്കു​ന്നത്‌ എന്തു​കൊണ്ട്‌? നാം വാർധ​ക്യം​പ്രാ​പി​ക്കു​ന്ന​തും മരിക്കു​ന്ന​തും എന്തു​കൊണ്ട്‌? നമ്മുടെ മരിച്ച പ്രിയ​പ്പെ​ട്ട​വർക്ക്‌ എന്തു സംഭവി​ക്കു​ന്നു? എന്നിങ്ങ​നെ​യുള്ള ചോദ്യ​ങ്ങൾക്കു ബൈബിൾ എങ്ങനെ ഉത്തരം നൽകു​ന്നു​വെ​ന്നും അതു കാണി​ച്ചു​ത​രു​ന്നു. നിങ്ങൾക്കാ​യി ഞാൻ അധ്യയനം പ്രകടി​പ്പി​ച്ചു​കാ​ണി​ക്കട്ടെ?” അധ്യയ​ന​ത്തി​നുള്ള വാഗ്‌ദാ​നം നിരസി​ക്കു​ക​യാ​ണെ​ങ്കിൽ, പരിജ്ഞാ​നം പുസ്‌തകം നൽകി​യിട്ട്‌ അതു വ്യക്തി​പ​ര​മാ​യി വായി​ക്കാൻ ആ വ്യക്തിയെ പ്രോ​ത്സാ​ഹി​പ്പി​ക്കുക.

⁸ ദൈവ​ത്തെ​യും ക്രിസ്‌തു​വി​നെ​യും കുറി​ച്ചുള്ള സൂക്ഷ്‌മ​പ​രി​ജ്ഞാ​നം നേടുന്ന ഏവർക്കും അതൊരു നിധി​യാണ്‌! അത്‌ ഉൾക്കൊ​ള്ളു​ന്നതു തീർച്ച​യാ​യും പൂർണ​ത​യുള്ള അവസ്ഥക​ളിൽ നിത്യ​ജീ​വനെ അർഥമാ​ക്കും. നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം മറ്റുള്ള​വ​രു​മാ​യി പങ്കു​വെ​ക്കാൻ നവംബ​റി​ലെ ഓരോ അവസര​വും നമുക്കു പ്രയോ​ജ​ന​പ്പെ​ടു​ത്താം.