നിങ്ങളു​ടെ പഠിപ്പി​ക്ക​ലി​നു നിരന്തര ശ്രദ്ധ​കൊ​ടു​ക്കു​ക

¹ പുതിയ ദിവ്യാ​ധി​പത്യ ശുശ്രൂ​ഷാ​സ്‌കൂൾ പരിപാ​ടി 1995 ജനുവ​രി​യിൽ ആരംഭി​ക്കു​ന്ന​താ​യി​രി​ക്കും. ഇംഗ്ലീ​ഷി​ലു​ളള സ്‌കൂൾ പട്ടിക പിൻപ​റ​റുന്ന സഭകളിൽ നടത്തുന്ന മിക്ക പ്രബോ​ധന പ്രസം​ഗ​ത്തി​ന്റെ​യും ചർച്ചയ്‌ക്കു​ളള വിഷയം യഹോ​വ​യു​ടെ ആധുനി​ക​നാ​ളി​ലെ സ്ഥാപന​ത്തി​ന്റെ ആവേശ​ജ​ന​ക​മായ ചരി​ത്ര​മാ​യി​രി​ക്കും. അത്തരം സഭകളിൽ യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ എന്ന പുസ്‌ത​ക​ത്തി​ന്റെ 178 പേജുകൾ ആ വർഷം പരിചി​ന്തി​ക്കു​ന്ന​താ​യി​രി​ക്കും. പ്രഘോ​ഷകർ പുസ്‌ത​ക​ത്തിൽനി​ന്നു​ളള പ്രബോ​ധന പ്രസം​ഗ​ത്തെ​ത്തു​ടർന്നു പുനര​വ​ലോ​കന ചോദ്യ​ങ്ങൾ ഉണ്ടായി​രി​ക്കു​ന്നതല്ല. അതു​കൊണ്ട്‌, പഠിപ്പി​ക്ക​ലി​നു ശ്രദ്ധ​കൊ​ടുത്ത്‌ പരമാ​വധി പ്രയോ​ജനം നേടാൻ നമുക്ക്‌ എന്തു ചെയ്യാൻ കഴിയും?—1 തിമൊ. 4:16.

² ഇതി​നോ​ട​കം​തന്നെ അനേക​രും പ്രഘോ​ഷകർ പുസ്‌തകം വായി​ച്ചി​ട്ടു​ണ്ടെ​ങ്കി​ലും, സ്‌കൂൾ പട്ടിക​യി​ലൂ​ടെ വിവരങ്ങൾ പരിചി​ന്തി​ക്ക​പ്പെ​ടു​മ്പോൾ തങ്ങളുടെ ദിവ്യാ​ധി​പത്യ പൈതൃ​കത്തെ കൂടു​ത​ലാ​യി വിലമ​തി​ക്കാൻ അത്‌ എല്ലാവ​രെ​യും സഹായി​ക്കും. (സങ്കീ. 71:17, 18) പ്രഘോ​ഷകർ പുസ്‌ത​ക​ത്തിൽനി​ന്നു പട്ടിക​പ്പെ​ടു​ത്തി​യി​രി​ക്കുന്ന വിവരങ്ങൾ പരിചി​ന്തി​ക്കാൻ വാരം​തോ​റും കുറച്ചു സമയം മാററി​വെ​ച്ചാ​ലെ​ന്താണ്‌?

³ ഊർജ​സ്വ​ല​വും രസകര​വു​മായ പ്രബോ​ധന പ്രസം​ഗങ്ങൾ: പ്രഘോ​ഷകർ പുസ്‌ത​ക​ത്തിൽനി​ന്നു​ളള പ്രബോ​ധന പ്രസം​ഗങ്ങൾ ഊർജ​സ്വ​ല​വും രസകര​വു​മാ​യി അവതരി​പ്പി​ക്കണം. യഹോ​വ​യു​ടെ സ്ഥാപന​ത്തോ​ടും ദൈവ​ത്തി​ന്റെ ദാസൻമാർ എന്നനി​ല​യിൽ നമുക്കു ലഭിച്ചി​ട്ടു​ളള പദവി​ക​ളോ​ടു​മു​ളള ആദരവി​ന്റെ ആഴം കൂട്ടാൻ അതിനെ ഉപയോ​ഗി​ച്ചു​കൊണ്ട്‌, അവ വിവര​ങ്ങ​ളു​ടെ പ്രാ​യോ​ഗിക മൂല്യം എടുത്തു കാണി​ക്കണം. സ്‌കൂ​ളിൽ പങ്കെടു​ക്കുന്ന ഓരോ കുടും​ബ​വും യോഗ​ത്തി​നു വരു​മ്പോൾ പ്രഘോ​ഷകർ പുസ്‌ത​ക​ത്തി​ന്റെ ഒരു പ്രതി കൊണ്ടു​വ​രു​ന്നെ​ങ്കിൽ, കുടും​ബാം​ഗ​ങ്ങൾക്കു പ്രബോ​ധന പ്രസംഗം കൂടുതൽ അടുത്തു പിൻപ​റ​റാ​നും പുസ്‌ത​ക​ത്തി​ലെ ചിത്രീ​ക​ര​ണ​ങ്ങ​ളിൽനി​ന്നും ഫോ​ട്ടോ​ക​ളിൽനി​ന്നും പ്രയോ​ജനം നേടാ​നും കഴിയും. നാട്ടു​ഭാ​ഷ​യി​ലു​ളള സ്‌കൂൾ പട്ടികകൾ പിൻപ​റ​റുന്ന സഭകൾ 1994-ലെ പോ​ലെ​തന്നെ തുടർന്നും ഏകസത്യ​ദൈ​വ​ത്തി​ന്റെ ആരാധ​ന​യിൽ ഏകീകൃ​തർ പുസ്‌തകം ഉപയോ​ഗി​ക്കു​ന്ന​താ​യി​രി​ക്കും.

⁴ ചിന്തോ​ദ്ദീ​പ​ക​മായ ബൈബിൾ വായനകൾ: ഉചിത​മായ വിധത്തിൽ അർഥം ഊന്നി​പ്പ​റയൽ, വികാ​ര​വാ​യ്‌പ്‌ എന്നിവ സഹിതം നന്നായി വായി​ക്കു​ന്നതു ഫലവത്താ​യി പഠിപ്പി​ക്കു​ന്ന​തി​ന്റെ ഒരു പ്രധാന ഭാഗമാണ്‌. കൂടാതെ, രണ്ടാം നമ്പർ പ്രസം​ഗ​ത്തി​നു​ളള നിയമിത വായനാ​ഭാ​ഗം അത്ര കൂടു​ത​ലൊ​ന്നു​മില്ല. ആമുഖ​മാ​യും ഉപസം​ഹാ​ര​മാ​യും അഭി​പ്രാ​യ​പ്ര​ക​ട​നങ്ങൾ നടത്താൻ ആവശ്യ​മായ സമയം പ്രസം​ഗ​കനു സാധാ​ര​ണ​മാ​യി ലഭിക്കു​ന്ന​താ​യി​രി​ക്കും. നിയമി​ത​ഭാ​ഗ​ത്തി​ലു​ളള താത്‌പ​ര്യ​ത്തെ ഉണർത്തു​ന്ന​തും അതിന്റെ പ്രാ​യോ​ഗിക മൂല്യം വിവേ​ചി​ച്ച​റി​യാൻ സദസ്യരെ ഒരുക്കു​ന്ന​തു​മാ​യി​രി​ക്കണം മുഖവുര. നിയമിത സമയം മുഴുവൻ ഉപയോ​ഗി​ച്ചു​കൊണ്ട്‌ വിഷയ​വി​വ​ര​ണ​ങ്ങ​ളും അതിന്റെ ബാധക​മാ​ക്ക​ലും പ്രസം​ഗ​കന്‌ ഉപസം​ഹാ​ര​ത്തിൽ ഉൾപ്പെ​ടു​ത്താ​വു​ന്ന​താണ്‌.

⁵ സ്‌കൂൾ പരിപാ​ടി​യെ​യും നിയമ​നങ്ങൾ എങ്ങനെ നടത്തണ​മെ​ന്ന​തി​നെ​യും കുറി​ച്ചു​ളള കൂടു​ത​ലായ വിവരങ്ങൾ “ദിവ്യാ​ധി​പത്യ ശുശ്രൂ​ഷാ​സ്‌കൂൾ പട്ടിക 1995”-ൽ കാണാ​വു​ന്ന​താണ്‌. പ്രസംഗ-പഠിപ്പി​ക്കൽ കലയിൽ പുരോ​ഗതി നേടാ​നാ​യി ഈ വിവര​ങ്ങ​ളി​ലെ പ്രബോ​ധ​നങ്ങൾ പുനര​വ​ലോ​കനം ചെയ്‌തു​കൊ​ണ്ടും നമ്മുടെ നിയമ​ന​ങ്ങൾക്കു​വേണ്ടി നന്നായി തയ്യാർ ചെയ്‌തു​കൊ​ണ്ടും നമുക്കു ലഭിക്കുന്ന ബുദ്ധ്യു​പ​ദേ​ശങ്ങൾ ബാധക​മാ​ക്കി​ക്കൊ​ണ്ടും നാം പഠിപ്പി​ക്ക​ലി​നു ശ്രദ്ധ​കൊ​ടു​ക്കു​ന്നു. സ്‌കൂ​ളിൽ ഇനിയും പേരു കൊടു​ത്തി​ട്ടി​ല്ലാ​ത്ത​വരെ അങ്ങനെ ചെയ്യാൻ ഊഷ്‌മ​ള​മാ​യി ക്ഷണിക്കു​ക​യാണ്‌.