മററു​ള​ള​വ​രോ​ടു പരിഗണന കാണി​ക്കുക—ഭാഗം 1

¹ യഹോ​വ​യു​ടെ ജനത്തിന്റെ അഭിവൃ​ദ്ധി നമ്മെ​യെ​ല്ലാം സന്തുഷ്ട​രാ​ക്കു​ന്നു, അത്‌ സഭകൾ എണ്ണത്തിൽ വർധി​ക്കാൻ ഇടയാ​ക്കി​യി​രി​ക്കു​ന്നു. ചില നഗരങ്ങ​ളിൽ പല സഭകൾ ഒരേ രാജ്യ​ഹാൾ ഉപയോ​ഗി​ക്കേ​ണ്ട​താ​യി​ട്ടുണ്ട്‌. ഇത്‌ ഉൾപ്പെ​ട്ടി​രി​ക്കുന്ന എല്ലാവ​രു​ടെ​യും ഭാഗത്തു കൂടു​ത​ലായ പരിഗണന ആവശ്യ​മാ​ക്കി​ത്തീർക്കു​ന്നു.

² രാജ്യ​ഹാൾ ഉപയോ​ഗി​ക്കുന്ന ഓരോ സഭയും അടുത്ത​താ​യി വരുന്ന സഹോ​ദ​ര​ങ്ങൾക്കു​വേണ്ടി അത്‌ വൃത്തി​യാ​യും ചിട്ടയാ​യും ഇടേണ്ട​താണ്‌. കസേരകൾ നിരയാ​യി ക്രമീ​ക​രി​ച്ചി​ടുക, കൗണ്ടറി​ലു​ളള സാഹി​ത്യ​ങ്ങൾ അതിന്റെ ഉചിത​മായ സ്ഥാനത്ത്‌ വയ്‌ക്കുക, രാജ്യ​ഹാ​ളിൽ അടുക്കും ചിട്ടയു​മി​ല്ലാ​തെ ഇട്ടിരി​ക്കുന്ന വ്യക്തി​പ​ര​മായ സാധനങ്ങൾ എടുത്തു​വ​യ്‌ക്കുക. കക്കൂസു​കൾ വൃത്തി​യും ശുചി​യു​മു​ള​ള​താ​യി​രി​ക്കണം, സോപ്പും ടവലും മററു സാധന​ങ്ങ​ളും പുതി​യത്‌ വച്ചിട്ടു​ണ്ടെ​ന്നും ചവററു​കുട്ട കാലി​യാ​ക്കി​യി​ട്ടു​ണ്ടെ​ന്നും ഉറപ്പു​വ​രു​ത്തുക. ഒരു സഭ മാത്രമേ രാജ്യ​ഹാൾ ഉപയോ​ഗി​ക്കു​ന്നു​ള​ളൂ​വെ​ങ്കിൽപ്പോ​ലും ഇപ്രകാ​രം ചെയ്യു​ന്നതു നന്നായി​രി​ക്കും. വൃത്തി​യാ​ക്ക​ലും ശുചി​യാ​ക്ക​ലും യോഗ​ങ്ങൾക്കു ശേഷം നടത്താൻ മിക്കസ​ഭ​ക​ളും കൂടുതൽ ഇഷ്ടപ്പെ​ടു​ന്നു. അപ്പോൾ അടുത്ത യോഗ​ത്തി​നു മുമ്പായി ചെറി​യ​തോ​തിൽ അടിച്ചു​വാ​രു​ക​യോ പൊടി​തു​ട​ക്കു​ക​യോ മാത്രം ചെയ്‌താൽ മതിയ​ല്ലോ. വൻതോ​തി​ലു​ളള ശുചീ​ക​രണം നടത്തി യോഗം തുടങ്ങു​ന്ന​തിന്‌ ഇരുപതു മിനി​റെ​റ​ങ്കി​ലും മുമ്പേ രാജ്യ​ഹാൾ റെഡി​യാ​ക്കാൻ തക്കവണ്ണം നേരത്തെ വരാൻ എല്ലാവർക്കും സാധി​ക്കാ​ത്ത​തി​നാ​ലാണ്‌ വൻതോ​തി​ലു​ളള ശുചീ​ക​രണം യോഗ​ത്തി​നു മുമ്പായി പട്ടിക​പ്പെ​ടു​ത്താൻ അവർ ഇഷ്ടപ്പെ​ടാ​ത്തത്‌. കൂടാതെ, സേവകർ വൃത്തി​യും ശുചി​യു​മു​ള​ള​വ​രാ​യി​രി​ക്കാൻ ഇഷ്ടപ്പെ​ടു​ന്ന​തി​നാൽ—പ്രത്യേ​കി​ച്ചും അവർക്ക്‌ യോഗ​ങ്ങ​ളിൽ പരിപാ​ടി​യും​കൂ​ടി ഉളള​പ്പോൾ—യോഗ​ത്തി​നു മുമ്പുളള വലിയ ശുചീ​കരണ പരിപാ​ടി​യിൽ ഉൾപ്പെ​ടാൻ അവർ ആഗ്രഹി​ക്കു​ക​യില്ല.

³ അതേസ​മ​യം​തന്നെ, മറെറാ​രു സഭയുടെ യോഗം ഉടനെ​തന്നെ തുടങ്ങു​ന്ന​തി​നു പട്ടിക​പ്പെ​ടു​ത്തി​യി​രി​ക്കു​മ്പോൾ, ആദ്യ യോഗ​ത്തിൽ സംബന്ധി​ച്ചവർ അടുത്ത യോഗ​ത്തി​നു​ളള തയ്യാ​റെ​ടു​പ്പു​കളെ തടസ്സ​പ്പെ​ടു​ത്തി​ക്കൊണ്ട്‌ അനാവ​ശ്യ​മാ​യി താമസി​ക്ക​രുത്‌. വിപു​ല​മായ സാമൂ​ഹിക സംഭാ​ഷ​ണങ്ങൾ സ്വീക​ര​ണ​മു​റി​യിൽ വളരെ​പ്പേർ കൂട്ടം കൂടു​ന്ന​തി​നും അടുത്ത യോഗ​ത്തി​നാ​യി കാര്യങ്ങൾ ക്രമീ​ക​രി​ക്കു​ന്ന​തിൽ താമസം നേരി​ടു​ന്ന​തി​നും ഇടയാ​ക്കി​യേ​ക്കാം. ചില​പ്പോൾ രാജ്യ​ഹാ​ളി​നു ചുററു​മു​ളള പാർക്കിങ്‌ സ്ഥലം പരിമി​ത​മാ​യി​രി​ക്കും. അതു​കൊണ്ട്‌ വരുന്ന​വർക്ക്‌ പാർക്കു​ചെ​യ്യാൻ സ്ഥലം ലഭ്യമാ​ക​ത്ത​ക്ക​വണ്ണം ഏറെ താമസി​യാ​തെ പോകു​ന്നതു ദയയാ​യി​രി​ക്കും. നേരേ​മ​റിച്ച്‌, അടുത്ത യോഗ​ത്തി​നു ഹാജരാ​കു​ന്നവർ വളരെ നേരത്തെ വരിക​യും ചെയ്യരുത്‌. അത്‌ സ്വീക​ര​ണ​മു​റി​യി​ലും ശൗചഗൃ​ഹ​ത്തി​ലും പാർക്കു​ചെ​യ്യുന്ന സ്ഥലത്തും അനാവ​ശ്യ​മായ തിക്കും​തി​ര​ക്കും ഉളവാ​ക്കും.

⁴ പല സഭകൾ ഉൾപ്പെ​ട്ടി​രി​ക്കു​ന്നി​ടത്ത്‌, രാജ്യ​ഹാ​ളി​ന്റെ വാരം​തോ​റു​മു​ളള ശുചീ​ക​ര​ണ​ത്തിന്‌ ക്രമീ​ക​ര​ണം​ചെ​യ്യു​ന്ന​തിൽ അടുത്തു സഹകരി​ക്കേ​ണ്ടതു വിശേ​ഷാൽ ആവശ്യ​മാണ്‌. സാധാ​ര​ണ​മാ​യി, സഭകൾ മാറി​മാ​റി ഒരു നിശ്ചിത കാല​ത്തേക്കു ശുചീ​ക​ര​ണ​ത്തി​നു​ളള ഏർപ്പാടു ചെയ്യുന്നു. നിങ്ങളു​ടെ സഭയ്‌ക്ക്‌ ശുചീ​ക​ര​ണ​ത്തി​നു​ളള ഉത്തരവാ​ദി​ത്വ​മു​ള​ള​പ്പോൾ നിങ്ങൾ അതു പൂർണ​മാ​യും കൃത്യ​മാ​യും ചെയ്‌തു​വെന്ന്‌ ഉറപ്പു​വ​രു​ത്തുക. അങ്ങനെ​യാ​കു​മ്പോൾ ഹാൾ ഉപയോ​ഗി​ക്കുന്ന മററു സഭകൾക്ക്‌ പരാതി​ക്കു യാതൊ​രു കാരണ​വു​മു​ണ്ടാ​യി​രി​ക്കു​ക​യില്ല.

⁵ സർക്കിട്ട്‌ മേൽവി​ചാ​ര​കന്റെ സഭാ സന്ദർശ​ന​സ​മ​യ​ത്തേ​തു​പോ​ലെ ചിലയ​വ​സ​ര​ങ്ങ​ളിൽ സഭകൾക്ക്‌ യോഗ സമയത്തിൽ മാററം വരു​ത്തേ​ണ്ട​തുണ്ട്‌. മറെറാ​രു സഭയെ ഇതു ബാധി​ക്കു​ന്നു​വെ​ങ്കിൽ, അവർക്കു തങ്ങളുടെ പ്രസാ​ധ​കരെ എത്രയും നേരത്തെ വിവരം അറിയി​ക്കു​വാൻ തക്കവണ്ണം മൂപ്പൻമാർ വളരെ നേര​ത്തെ​തന്നെ മറേറ സഭയെ അറിയി​ക്കേ​ണ്ട​താണ്‌. കൂടാതെ പയനി​യർസേ​വ​ന​സ്‌കൂ​ളോ സർക്കി​ട്ടി​ലെ മൂപ്പൻമാ​രു​ടെ ഒരു യോഗ​മോ പോലെ ആധികാ​രി​ക​മാ​യി അംഗീ​ക​രി​ച്ചി​രി​ക്കുന്ന ഏതെങ്കി​ലും പരിപാ​ടി​യോ അല്ലെങ്കിൽ ഒരു വിവാ​ഹ​മോ പട്ടിക​പ്പെ​ടു​ത്തി​യി​ട്ടു​ണ്ടെ​ങ്കിൽ, മററു സഭക​ളെ​യും ബന്ധപ്പെട്ട സർക്കിട്ട്‌ മേൽവി​ചാ​ര​ക​നെ​യും നേര​ത്തെ​തന്നെ കണ്ട്‌ വിവരം ധരിപ്പി​ക്കേ​ണ്ട​താണ്‌. അപ്പോൾ ആ സമയത്ത്‌ രാജ്യ​ഹാ​ളി​ന്റെ യാതൊ​രു ഉപയോ​ഗ​വും അവർ പട്ടിക​പ്പെ​ടു​ത്തു​ക​യില്ല.

⁶ മററു​ള​ള​വ​രോ​ടു​ളള സ്‌നേ​ഹ​പൂർവ​ക​മായ പരിഗ​ണ​ന​യും നല്ല ആശയവി​നി​മ​യ​വും മുൻകൂ​ട്ടി​യു​ളള ആസൂ​ത്ര​ണ​വും സഹകര​ണ​വും സഭകൾ തമ്മിൽ ഒരു ഊഷ്‌മ​ള​ബന്ധം നിലനിർത്തു​ന്ന​തി​നു സഹായി​ക്കും. അത്‌ “സകലവും ഉചിത​മാ​യും ക്രമമാ​യും നട”ക്കുന്നു​വെന്ന്‌ ഉറപ്പു​വ​രു​ത്തു​ക​യും ചെയ്യും.—1 കൊരി. 14:40.