രാജ്യ​ത്തി​ന്റെ വചനം—അതിന്റെ അർഥം ഗ്രഹിക്കൽ

¹ വിതക്കാ​രന്റെ ഉപമയിൽ “നല്ല നിലത്തു” വീഴുന്ന വിത്ത്‌ “ഒരുത്തൻ വചനം കേട്ടു ഗ്രഹി​ക്കുന്ന”തിനെ ചിത്രീ​ക​രി​ക്കു​ന്നു​വെന്ന്‌ യേശു പറഞ്ഞു. (മത്താ. 13:23) രാജ്യ​ത്തെ​ക്കു​റി​ച്ചു കേട്ട​ശേഷം നാം അതിന്റെ ‘അർഥം ഗ്രഹി​ച്ചു​വോ’? അതു നമ്മുടെ ജീവി​തത്തെ എത്രമാ​ത്രം സ്വാധീ​നി​ക്കു​ന്നു? രാജ്യ താത്‌പ​ര്യ​ങ്ങൾ ഒന്നാം സ്ഥാനത്തു വെച്ചു​കൊണ്ട്‌ ആ ദൂതിന്റെ അർഥം നാം ഗ്രഹി​ച്ചി​ട്ടു​ണ്ടെന്നു തെളി​യി​ക്കു​ന്നു​വോ?

² രാജ്യ​സ​ന്ദേ​ശ​ത്തി​ന്റെ ശരിയായ ഗ്രാഹ്യം ലഭിക്കു​ന്ന​തി​നു വ്യക്തി​പ​ര​മായ പഠനം ആവശ്യ​മാണ്‌. ലഭ്യമാ​യി​രി​ക്കുന്ന ആത്മീയാ​ഹാ​ര​ത്തെ​പ്പ​ററി ധ്യാനി​ക്കു​ന്ന​തിന്‌ സമയം ചെലവ​ഴി​ക്കേ​ണ്ട​തുണ്ട്‌. വീക്ഷാ​ഗോ​പു​ര​ത്തി​ന്റെ ധൃതി​പി​ടി​ച്ചു​ളള വായന, രുചി​ക​ര​വും പോഷ​ക​മൂ​ല്യ​മു​ള​ള​തു​മായ ആഹാരം വെട്ടി​വി​ഴു​ങ്ങു​ന്ന​തു​പോ​ലെ​യിരി​ക്കും. ആത്മീയ​ഭ​ക്ഷ​ണ​ത്തി​നു പൂർണ​മായ പരിചി​ന്തനം നൽകു​വാൻ തക്കവണ്ണം നിങ്ങൾ സമയം വിനി​യോ​ഗി​ക്കു​ന്നു​ണ്ടോ? പരമാ​വധി പ്രയോ​ജനം ലഭിക്കു​ന്ന​തിന്‌ ഒരു പ്രേര​ക​ഘ​ട​ക​വും ആരോ​ഗ്യാ​വ​ഹ​മായ ആത്മീയ വിശപ്പും ആവശ്യ​മാണ്‌. ഇവ ഇല്ലെങ്കിൽ, മററു പ്രവർത്ത​നങ്ങൾ വ്യക്തി​പ​ര​മായ പഠനത്തി​ന്റെ പ്രയോ​ജ​ന​ങ്ങളെ കുറച്ചു​ക​ള​യു​ക​യോ അതിനാ​വ​ശ്യ​മായ സമയത്തെ കവർന്നെ​ടു​ക്കു​ക​യോ ചെയ്‌തേ​ക്കാം. ഒരു നല്ല പഠനപ​ട്ടി​ക​യോ​ടു പററി​നിൽക്കുക അത്ര എളുപ്പമല്ല. ഇത്‌ കൂടുതൽ പ്രാധാ​ന്യ​മു​ളള കാര്യ​ങ്ങ​ളു​ടെ ശ്രദ്ധാ​പൂർവ​മായ തൂക്കി​നോ​ക്കൽ ആവശ്യ​മാ​ക്കി​ത്തീർക്കു​ന്നു​വെ​ങ്കി​ലും സമ്പാദി​ക്കുന്ന ആത്മീയ ധനം അമൂല്യ​മാണ്‌.—സദൃ. 3:13-18; കൊലൊ. 1:27.

³ തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ രാജ്യ​ത്തെ​ക്കു​റി​ച്ചു​ളള ശോഭ​ന​മായ, പരിപു​ഷ്ടി​പ്പെ​ടു​ത്തുന്ന ചിന്തകൾ അനുദി​നം താലോ​ലി​ക്കു​ന്ന​തി​നു നമ്മെ സഹായി​ക്കു​ന്നു. “തങ്ങളുടെ ആത്മീയ ആവശ്യ​ത്തെ​ക്കു​റി​ച്ചു ബോധ​മു​ള​ളവർ” ഓരോ ദിവസ​വും വാക്യ​വും അഭി​പ്രാ​യ​ങ്ങ​ളും വായി​ക്കു​ന്ന​തിന്‌ ഏതാനും നിമിഷം ചെലവ​ഴി​ക്കാൻ ക്രമീ​ക​രി​ക്കു​ന്നു. (മത്താ. 5:3, NW) പല വാക്യ​ങ്ങ​ളും രാജ്യ​ത്തി​ന്റെ വിവിധ വശങ്ങ​ളെ​ക്കു​റി​ച്ചു വിവരി​ക്കു​ന്നു. ഉദാഹ​ര​ണ​ത്തിന്‌, 1994 നവംബർ 22-ന്‌ പ്രദീ​പ്‌ത​മാ​ക്ക​പ്പെട്ട വാക്യം മത്തായി 13:4 ആയിരു​ന്നു. അതിന്റെ അഭി​പ്രാ​യം രാജ്യ പ്രത്യാ​ശ​യെ​ക്കു​റി​ച്ചു പരിചി​ന്തി​ക്കു​ക​യും ബന്ധുക്ക​ളും അയൽക്കാ​രു​മാ​യു​ളള അനാ​രോ​ഗ്യ​ക​ര​മായ സഹവാ​സ​ത്തി​ന്റെ അപകട​ത്തെ​ക്കു​റി​ച്ചു നമ്മെ ഓർമ​പ്പെ​ടു​ത്തു​ക​യും ചെയ്‌തു. ലോക​ത്തി​നു ചുററു​മു​ളള ബെഥേൽ കുടും​ബ​ങ്ങ​ളിൽ ഓരോ ജോലി​ദി​വ​സ​വും രാവിലെ ദിനവാ​ക്യ​ത്തി​ന്റെ 15 മിനി​ററു നേരത്തെ ഒരു ചർച്ചയുണ്ട്‌. ഈ വസ്‌തുത ഒത്തൊ​രു​മി​ച്ചു ദിനവാ​ക്യം പരിചി​ന്തി​ക്കു​ന്ന​തി​ന്റെ പ്രയോ​ജ​ന​വും ഗൗരവ​വും ഊന്നി​പ്പ​റ​യു​ന്നു. നിങ്ങളു​ടെ കുടും​ബ​ത്തി​ന്റെ ദിനച​ര്യ​യിൽ സമാന​മായ പരിചി​ന്തനം ഉൾപ്പെ​ടു​ന്നു​ണ്ടോ?

⁴ രാജ്യ​ത്തെ​ക്കു​റി​ച്ചു​ളള വിലമ​തി​പ്പിൽ നിങ്ങൾ വളരു​മ്പോൾ രാജ്യ​സ​ന്ദേശം മററു​ള​ള​വ​രു​മാ​യി പങ്കു​വെ​ക്കു​ന്ന​തി​നു​ളള കൂടു​ത​ലായ ഒരു പ്രേരണ ഉണ്ടായി​രി​ക്കും. നമ്മുടെ മനസ്സിനെ പുതി​യ​തും കാലാ​നു​സൃ​ത​വു​മായ വിവര​ങ്ങ​ളാൽ പരി​പോ​ഷി​പ്പി​ക്കുന്ന മാനസിക ഇന്ധന​ത്തോ​ടു സാദൃ​ശ്യ​പ്പെ​ടു​ത്താ​വുന്ന ഒന്ന്‌ വീക്ഷാ​ഗോ​പു​ര​വും ഉണരുക!യും പ്രദാനം ചെയ്യുന്നു. ലോക​ത്തിന്‌ ദൈവ​രാ​ജ്യം എത്രമാ​ത്രം ആവശ്യ​മാണ്‌ എന്നതു സംബന്ധിച്ച്‌ സൂക്ഷ്‌മ​മായ ഒരു ബോധം നിലനിർത്താൻ അവ നമ്മെ സഹായി​ക്കു​ന്നു. “ക്രിസ്‌തു​വി​ന്റെ മനസ്സ്‌” ഉളള ആത്മീയ വ്യക്തി​ക​ളാ​യി​രി​ക്കാൻ അവ നമ്മെ സഹായി​ക്കു​ന്നു. (1 കൊരി. 2:15, 16) ഇവയ്‌ക്കെ​ല്ലാം നമ്മുടെ പ്രത്യാ​ശയെ ബലപ്പെ​ടു​ത്തു​ന്ന​തി​നും മററു​ള​ള​വ​രു​മാ​യി രാജ്യ​പ്ര​ത്യാ​ശ പങ്കു​വെ​ക്കു​ന്ന​തി​നു​ളള നമ്മുടെ തീക്ഷ്‌ണ​തയെ വർധി​പ്പി​ക്കു​ന്ന​തി​നും കഴിയും.—1 പത്രൊ. 3:15.

⁵ രാജ്യ​സ​ന്ദേ​ശ​ത്തി​ന്റെ അർഥം നാം വ്യക്തി​പ​ര​മാ​യി ഗ്രഹി​ക്കു​ന്നതു ജീവത്‌പ്ര​ധാ​ന​മാണ്‌. രാജ്യ​മാണ്‌ തന്റെ പരമാ​ധി​കാ​രം ഉയർത്തി​പ്പി​ടി​ക്കു​ന്ന​തി​നും ദുഷ്ടത അവസാ​നി​പ്പി​ക്കു​ന്ന​തി​നും ഒരു പുതിയ ലോകം—ഒരു പറുദീസ—കൊണ്ടു​വ​രു​ന്ന​തി​നും ദൈവം ഉപയോ​ഗി​ക്കുന്ന ഉപാധി. ഇതു നമ്മുടെ ജീവി​ത​ത്തിൽ ഒന്നാമതു വയ്‌ക്കാൻ യേശു കല്‌പി​ച്ചു. അതിന്റെ ഭരണത്തിൻകീ​ഴിൽ ജീവി​ക്കു​ന്ന​തി​നു നാം ചെമ്മരി​യാ​ടു​തു​ല്യ പ്രജക​ളാ​യി​രി​ക്കണം. (മത്താ. 6:10, 33) അതിന്റെ അനു​ഗ്ര​ഹങ്ങൾ ആസ്വദി​ക്കു​ന്ന​തി​നു​ളള നിങ്ങളു​ടെ അവസരം പരമാ​വധി പ്രയോ​ജ​ന​പ്പെ​ടു​ത്തുക.