1996-ലേക്കുള്ള ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽനി​ന്നു പ്രയോ​ജനം നേടുക—ഭാഗം 1

¹ “1996-ലേക്കുള്ള ദിവ്യാ​ധി​പത്യ ശുശ്രൂ​ഷാ​സ്‌കൂൾ പട്ടിക”യോ​ടൊ​പ്പം നൽകി​യി​രുന്ന നിർദേ​ശങ്ങൾ നിങ്ങൾ വായി​ച്ചു​വോ? ചില മാറ്റങ്ങൾ നിങ്ങൾ ശ്രദ്ധി​ച്ചോ? ഇംഗ്ലീഷ്‌ ഭാഷയി​ലുള്ള പട്ടിക​യിൽ ജനുവരി മുതൽ ഏപ്രിൽ വരെ 3-ാം നമ്പർ നിയമനം ന്യായ​വാ​ദം പുസ്‌ത​കത്തെ ആധാര​മാ​ക്കി​യാ​യി​രി​ക്കും. (പ്രാ​ദേ​ശിക ഭാഷയി​ലുള്ള പട്ടിക​ക​ളിൽ ചർച്ചക്കു വേണ്ടി​യുള്ള ബൈബിൾ വിഷയങ്ങൾ) മേയ്‌ മുതൽ ഡിസംബർ വരെ അത്‌ പുതു​താ​യി പ്രസി​ദ്ധീ​ക​രിച്ച പരിജ്ഞാ​നം പുസ്‌ത​ക​ത്തിൽ നിന്നു​മാ​യി​രി​ക്കും. ഇംഗ്ലീഷ്‌ ഭാഷയി​ലുള്ള പട്ടിക​യിൽ 4-ാം നമ്പർ നിയമനം ഓരോ ആഴ്‌ച​യും വ്യത്യസ്‌ത ബൈബിൾ കഥാപാ​ത്ര​ങ്ങ​ളെ​ക്കു​റി​ച്ചുള്ള ഒരു പ്രസം​ഗ​മാ​യി​ട്ടാ​ണു പട്ടിക​പ്പെ​ടു​ത്തി​യി​രി​ക്കു​ന്നത്‌. മറ്റു ഭാഷക​ളിൽ ഈ നിയമനം ന്യായ​വാ​ദം പുസ്‌ത​ക​ത്തിൽനി​ന്നാ​ണു പട്ടിക​പ്പെ​ടു​ത്തി​യി​രി​ക്കു​ന്നത്‌.

² വിദ്യാർഥി നിയമ​നങ്ങൾ: 3-ാം നമ്പർ നിയമനം ഒരു സഹോ​ദ​രി​ക്കു നൽകു​ന്ന​താണ്‌. അത്‌ ചർച്ചയിൽനി​ന്നോ ന്യായ​വാ​ദം പുസ്‌ത​ക​ത്തിൽനി​ന്നോ ആയിരി​ക്കു​മ്പോൾ വീടു​തോ​റു​മുള്ള വേലയോ അനൗപ​ചാ​രിക സാക്ഷീ​ക​ര​ണ​മോ ഉൾപ്പെ​ടുന്ന രംഗസം​വി​ധാ​നം ഉപയോ​ഗി​ക്കണം. പരിജ്ഞാ​നം പുസ്‌ത​കത്തെ അധിക​രി​ച്ചാ​യി​രി​ക്കു​മ്പോൾ അത്‌ ഒരു മടക്ക സന്ദർശ​ന​മോ ഭവന​ബൈ​ബി​ള​ധ്യ​യ​ന​മോ ആയി അവതരി​പ്പി​ക്കേ​ണ്ട​താണ്‌. ഭവന ബൈബി​ള​ധ്യ​യ​നങ്ങൾ നടത്തു​ന്ന​തിന്‌ പരിജ്ഞാ​നം പുസ്‌തകം വ്യാപ​ക​മാ​യി ഉപയോ​ഗി​ക്കു​മെ​ന്നു​ള്ള​തി​നാൽ ഇതു വളരെ സഹായ​ക​ര​മെന്നു തെളി​യും.

³ ഒരു ഭവന ബൈബി​ള​ധ്യ​യ​ന​ത്തി​ന്റെ രംഗസം​വി​ധാ​ന​മാ​ണെ​ങ്കിൽ സഹോ​ദ​രി​മാർ ഇരുവർക്കും ഇരിക്കാ​വു​ന്ന​താണ്‌. ഹ്രസ്വ​മായ മുഖവു​രക്കു ശേഷം നേരേ അധ്യയ​ന​ത്തി​ലേക്കു കടക്കുക, എന്നിട്ട്‌ അച്ചടിച്ച ചോദ്യ​ങ്ങൾ ചോദി​ക്കുക. വീട്ടു​കാ​രന്റെ റോൾ യഥാർഥ​മാ​യി അവതരി​പ്പി​ക്കേ​ണ്ട​താണ്‌. സമയം അനുവ​ദി​ക്കു​ന്ന​ത​നു​സ​രിച്ച്‌ പരാമർശി​ച്ചി​രി​ക്കുന്ന വാക്യങ്ങൾ എടുത്തു​വാ​യി​ക്കാ​വു​ന്ന​താണ്‌. ചോദ്യ​ങ്ങ​ളാ​ലും ഉപയോ​ഗി​ച്ചി​രി​ക്കുന്ന തിരു​വെ​ഴു​ത്തു​ക​ളിൽനി​ന്നുള്ള ന്യായ​വാ​ദ​ത്താ​ലും വീട്ടു​കാ​ര​നെ​ക്കൊ​ണ്ടു തുറന്നു സംസാ​രി​പ്പി​ക്കാൻ സഹോ​ദരി പഠിപ്പി​ക്കൽ കല ഉപയോ​ഗി​ക്കേ​ണ്ട​താണ്‌.

⁴ ന്യായ​വാ​ദം അല്ലെങ്കിൽ പരിജ്ഞാ​നം പുസ്‌ത​ക​ങ്ങ​ളു​ടെ നിയമിത ഭാഗത്ത്‌ അഞ്ചുമി​നി​റ്റു​കൊ​ണ്ടു ചർച്ച ചെയ്യാ​വു​ന്ന​തിൽ കൂടുതൽ തിരു​വെ​ഴു​ത്തു​കൾ പരാമർശി​ച്ചി​ട്ടു​ണ്ടെ​ങ്കി​ലെന്ത്‌? മുഖ്യ ആശയങ്ങളെ വിശേ​ഷ​വൽക്ക​രി​ക്കുന്ന അടിസ്ഥാന തിരു​വെ​ഴു​ത്തു​കൾ തിര​ഞ്ഞെ​ടു​ക്കുക. ഏതാനും തിരു​വെ​ഴു​ത്തു​കൾ മാത്രമേ ഉള്ളൂ​വെ​ങ്കിൽ പാഠത്തി​ലെ പ്രധാന ആശയങ്ങൾ വിപു​ല​മാ​യി ചർച്ച​ചെ​യ്യാ​വു​ന്ന​താണ്‌. ഇടയ്‌ക്ക്‌ പുസ്‌ത​ക​ത്തിൽനിന്ന്‌ ഒരു ഖണ്ഡിക​യോ ഒരു വാചക​മോ വായി​ച്ചിട്ട്‌ വീട്ടു​കാ​രി​യു​മാ​യി ചർച്ച ചെയ്യാ​വു​ന്ന​താണ്‌. ചർച്ചയിൽനി​ന്നു പ്രസംഗം തയ്യാറാ​കു​മ്പോൾ ഓരോ ആശയത്തിൽനി​ന്നും ഒരു തിരു​വെ​ഴു​ത്തെ​ങ്കി​ലും ഉപയോ​ഗി​ക്കു​ന്നതു നന്നായി​രി​ക്കും.

⁵ പരിജ്ഞാ​നം പുസ്‌ത​ക​ത്തി​ന്റെ ഓരോ അധ്യാ​യ​ത്തി​ന്റെ​യും അവസാന ഖണ്ഡിക കൈകാ​ര്യം ചെയ്യുന്ന പ്രസാ​ധി​കക്ക്‌ അധ്യാ​യ​ത്തി​ന്റെ ഒടുവി​ലുള്ള “നിങ്ങളു​ടെ പരിജ്ഞാ​നം പരി​ശോ​ധി​ക്കുക” എന്ന തലക്കെ​ട്ടോ​ടു​കൂ​ടിയ ചതുരം ഹ്രസ്വ​മാ​യി പുനര​വ​ലോ​കനം ചെയ്യാ​വു​ന്ന​താണ്‌. സമയം അനുവ​ദി​ക്കു​ന്ന​ത​നു​സ​രിച്ച്‌, നിയമിത ഖണ്ഡിക​കൾക്കി​ട​യിൽ വരുന്ന വാർത്താ ചതുര​ങ്ങ​ളും ചർച്ച​ചെ​യ്യാ​വു​ന്ന​താണ്‌. ഒരു വാർത്താ ചതുരം രണ്ടു നിയമ​ന​ങ്ങൾക്കി​ട​യ്‌ക്കാ​ണു വരുന്ന​തെ​ങ്കിൽ ആദ്യ നിയമനം കൈകാ​ര്യം ചെയ്യുന്ന സഹോ​ദ​രിക്ക്‌ അതു പരിഗ​ണി​ക്കാ​വു​ന്ന​താണ്‌. പരിഗ​ണി​ക്ക​പ്പെ​ടുന്ന വിവര​ങ്ങൾക്കു ബാധക​മാ​കു​മ്പോൾ പുസ്‌ത​ക​ത്തി​ലെ ചിത്ര​ങ്ങ​ളെ​ക്കു​റി​ച്ചും അഭി​പ്രാ​യങ്ങൾ പറയാ​വു​ന്ന​താണ്‌.

⁶ 4-ാം നമ്പർ നിയമനം വളരെ രസകര​വും പ്രാ​യോ​ഗി​ക​വു​മാ​യി​രി​ക്കണം. നിങ്ങളു​ടെ സഭ ഇംഗ്ലീഷ്‌ ഭാഷയി​ലുള്ള പട്ടിക​യാ​ണു പിൻപ​റ്റു​ന്ന​തെ​ങ്കിൽ നിയമിത ബൈബിൾ കഥാപാ​ത്ര​ത്തെ​ക്കു​റിച്ച്‌ ഉൾക്കാഴ്‌ച (ഇംഗ്ലീഷ്‌) വാല്യം I പറയു​ന്നതു ശ്രദ്ധാ​പൂർവം പഠിക്കുക. വിഷയത്തെ കേന്ദ്രീ​ക​രി​ച്ചു പ്രസംഗം വികസി​പ്പി​ക്കുക. നാം അനുക​രി​ക്കു​ന്ന​തി​നോ അല്ലെങ്കിൽ തള്ളിക്ക​ള​യു​ന്ന​തി​നോ ആഗ്രഹി​ക്കുന്ന സ്വഭാ​വ​വി​ശേ​ഷ​ങ്ങ​ളോ വ്യക്തി​ത്വ​വി​ശേ​ഷ​ങ്ങ​ളോ പ്രവണ​ത​ക​ളോ ഉൾപ്പെടെ ബൈബിൾ കഥാപാ​ത്ര​ത്തി​ന്റെ യഥാർഥ ജീവി​ത​ത്തി​ലും വ്യക്തി​ത്വ​ത്തി​ലും ശ്രദ്ധ​കേ​ന്ദ്രീ​ക​രി​ക്കു​ന്ന​തി​നു സദസ്സിനെ സഹായി​ക്കുന്ന മുഖ്യ ബൈബിൾ വാക്യങ്ങൾ തിര​ഞ്ഞെ​ടു​ക്കുക. നല്ലതോ മോശ​മാ​യ​തോ ആയ ചില സ്വഭാ​വ​വി​ശേ​ഷ​ങ്ങളെ യഹോവ എങ്ങനെ വീക്ഷി​ക്കു​ന്നു​വെന്നു വിശേ​ഷ​വ​ത്‌ക​രി​ക്കു​ക​യോ പ്രസം​ഗ​വി​ഷ​യ​വു​മാ​യി ബന്ധപ്പെ​ട്ടി​രി​ക്കു​ക​യോ ചെയ്യു​ന്ന​പക്ഷം ബൈബിൾ കഥാപാ​ത്ര​വു​മാ​യി നേരിട്ടു ബന്ധപ്പെ​ടാത്ത തിരു​വെ​ഴു​ത്തു​ക​ളും ഉപയോ​ഗി​ക്കാ​വു​ന്ന​താണ്‌. ഈ പ്രസംഗം ന്യായ​വാ​ദം പുസ്‌ത​ക​ത്തിൽനി​ന്നാ​യി​രി​ക്കു​മ്പോൾ വയലിൽ ഉപയോ​ഗി​ക്കാ​വുന്ന പ്രാ​യോ​ഗി​കാ​ശ​യ​ങ്ങൾക്ക്‌ ഊന്നൽനൽകണം.

⁷ സ്‌കൂ​ളിൽ പ്രദാനം ചെയ്യ​പ്പെ​ടുന്ന പരിശീ​ല​ന​ത്തിൽനി​ന്നു നാം പരമാ​വധി പ്രയോ​ജനം നേടു​ന്നെ​ങ്കിൽ ഉത്തമമായ “പഠിപ്പി​ക്കൽ കല” പ്രകട​മാ​ക്കും​വി​ധം “വചനം പ്രസംഗി”ക്കാൻ നാം ഏറെ പ്രാപ്‌ത​രാ​യി​രി​ക്കും.—2 തിമോ. 4:2, NW.