എല്ലായി​ട​ത്തും സുവാർത്ത പ്രസം​ഗി​ക്കു​ക

¹ ആദിമ ക്രിസ്‌ത്യാ​നി​കൾ എല്ലായി​ട​ത്തും സുവാർത്ത പ്രസം​ഗി​ച്ചു. അവർ വളരെ തീക്ഷ്‌ണ​ത​യു​ള്ള​വ​രാ​യി​രു​ന്ന​തി​നാൽ യേശു​വി​ന്റെ പുനരു​ത്ഥാ​ന​ത്തെ​ത്തു​ടർന്നുള്ള 30 വർഷത്തി​നു​ള്ളിൽ “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ” സുവാർത്ത ഘോഷി​ച്ചി​രു​ന്നു.—കൊലൊ. 1:23.

² യഹോ​വ​യു​ടെ തീക്ഷ്‌ണ​ത​യുള്ള ഇന്നത്തെ ദാസന്മാർക്കും അതേ ലക്ഷ്യമാ​ണു​ള്ളത്‌—സാധ്യ​മാ​കുന്ന എവി​ടെ​യും രാജ്യ​സ​ന്ദേശം എത്തിക്കുക. ഈ ലക്ഷ്യം നിറ​വേ​റ്റാൻ നമ്മെ എന്തിനു സഹായി​ക്കാൻ കഴിയും? അനവധി​യാ​ളു​കൾ മുഴു​സ​മയം ജോലി ചെയ്യു​ന്ന​വ​രാ​യ​തി​നാൽ നാം വീടുകൾ സന്ദർശി​ക്കു​മ്പോൾ അവരെ മിക്ക​പ്പോ​ഴും കാണാൻ സാധി​ക്കു​ന്നില്ല. ആളില്ലാ​ഭ​വ​ന​ങ്ങ​ളു​ടെ നല്ല രേഖ സൂക്ഷി​ക്കു​ക​യും മടങ്ങി​ച്ചെന്ന്‌ അവരെ സന്ദർശി​ക്കാൻ ബോധ്യ​മു​ള്ള​വ​രാ​യി​രി​ക്കു​ക​യും ചെയ്യേ​ണ്ട​തി​ന്റെ ആവശ്യ​ത്തിന്‌ അത്‌ അടിവ​ര​യി​ടു​ന്നു. എന്നാൽ, ചില​പ്പോൾ കൂടെ​ക്കൂ​ടെ സന്ദർശി​ച്ചാൽപ്പോ​ലും, ചില വീടു​ക​ളിൽ ആരെയും കണ്ടെത്താൻ നമുക്കു കഴിയാ​തെ​വ​രു​ന്നു. അവർ എവി​ടെ​യാണ്‌? അവർ ജോലി ചെയ്യാ​ത്ത​പ്പോൾ, യാത്ര​യി​ലാ​യി​രി​ക്കാം, കടയിൽ സാധനങ്ങൾ വാങ്ങാൻ പോയ​താ​യി​രി​ക്കാം, അല്ലെങ്കിൽ ഏതെങ്കി​ലും വിനോ​ദ​ത്തിൽ ഏർപ്പെ​ട്ടി​രി​ക്കു​ക​യാ​യി​രി​ക്കാം. അവരിൽ അർഹരാ​യ​വ​രു​ടെ അടുക്കൽ രാജ്യ​സ​ന്ദേ​ശ​വു​മാ​യി എങ്ങനെ​യാണ്‌ എത്തി​ച്ചേ​രു​ന്നത്‌?—മത്താ. 10:11.

³ ചിലരെ കാണാൻ കഴിയു​ന്നത്‌ അവരുടെ ജോലി​സ്ഥ​ല​ത്താണ്‌. ചെറിയ പട്ടണങ്ങ​ളിൽപോ​ലും വ്യാപാ​ര​മേ​ഖ​ല​യുണ്ട്‌, അവി​ടെ​യാ​ണു പലരും ദിവസ​ത്തി​ന്റെ അധിക​സ​മ​യ​വും ചെലവ​ഴി​ക്കു​ന്നത്‌. നഗരങ്ങ​ളി​ലാ​ണെ​ങ്കിൽ, വ്യവസായ മേഖല​ക​ളി​ലോ ഓഫീസ്‌ കെട്ടി​ട​ങ്ങ​ളി​ലോ ജോലി ചെയ്യു​ന്ന​വർക്കും ഉയർന്ന സുരക്ഷി​തത്വ സംവി​ധാ​ന​ങ്ങ​ളുള്ള അപ്പാർട്ടു​മെൻറു​ക​ളി​ലോ കോള​നി​ക​ളി​ലോ താമസി​ക്കു​ന്ന​വർക്കും സാക്ഷ്യം ലഭിക്കു​ന്നുണ്ട്‌—പലപ്പോ​ഴും ആദ്യമാ​യി. വാരാ​ന്ത​ങ്ങ​ളിൽ, ആളുകൾ പാർക്കു​ക​ളി​ലോ ബീച്ചു​ക​ളി​ലോ വിശ്ര​മി​ക്കു​മ്പോ​ഴോ അല്ലെങ്കിൽ തിയേ​റ്റ​റു​കൾക്കു വെളി​യിൽവെ​ച്ചോ ചിലരു​മാ​യി സമ്പർക്കം പുലർത്താൻ സാധി​ച്ചി​ട്ടുണ്ട്‌. അല്ലെങ്കിൽ വാഹനങ്ങൾ പാർക്കു ചെയ്യുന്ന സ്ഥലങ്ങളിൽ കാത്തു​നിൽക്കു​മ്പോ​ഴോ വിപണ​ന​സ്ഥ​ല​ങ്ങ​ളിൽ വെച്ചോ അതിനു സാധി​ച്ചി​ട്ടുണ്ട്‌. അവർ സുവാർത്ത​യോട്‌ അനുകൂ​ല​മാ​യി പ്രതി​ക​രി​ക്കു​ക​യും ചെയ്‌തി​രി​ക്കു​ന്നു.

⁴ ആളുകളെ കണ്ടെത്താൻ കഴിയുന്ന പൊതു​സ്ഥ​ല​ങ്ങ​ളിൽ സാക്ഷ്യം നൽകാൻ പ്രത്യേക ശ്രമം നടത്തുന്ന പ്രസാ​ധ​ക​രു​ടെ എണ്ണം വർധി​ച്ചു​വ​രു​ന്നു. ഏറെയും ഔപചാ​രിക പശ്ചാത്ത​ല​ങ്ങ​ളിൽ, വീടു​വീ​ടാ​ന്തരം, പ്രസം​ഗി​ച്ചു ശീലി​ച്ചി​രി​ക്കു​ന്ന​തി​നാൽ ആദ്യം ഈ സാക്ഷി​കൾക്കു മടിയും തെല്ലൊ​രു ഭയവും തോന്നി​യി​രു​ന്നു. എന്നാൽ അവർക്ക്‌ ഇപ്പോൾ എങ്ങനെ തോന്നു​ന്നു?

⁵ “അത്‌ എന്റെ ശുശ്രൂ​ഷ​യ്‌ക്ക്‌ ഒരു പുതു​ജീ​വൻ നൽകി​യി​രി​ക്കു​ന്നു!” എന്ന്‌ അനുഭ​വ​ജ്ഞാ​ന​മുള്ള ഒരു സഹോ​ദരൻ പറയുന്നു. മറ്റൊരു സഹോ​ദരൻ ഇങ്ങനെ കൂട്ടി​ച്ചേർക്കു​ന്നു: “അതു ശ്രദ്ധ കേന്ദ്രീ​ക​രി​ക്കാൻ എന്നെ സഹായി​ക്കു​ന്നു.” പ്രായ​മുള്ള ഒരു പയനി​യ​റു​ടെ അഭി​പ്രാ​യ​മി​താണ്‌: “മാനസി​ക​മാ​യും ശാരീ​രി​ക​മാ​യും ആത്മീയ​മാ​യും അത്‌ ഉണർവേ​കു​ന്ന​താ​യി​രു​ന്നു, . . . ഞാൻ ഇപ്പോ​ഴും വളർന്നു​കൊ​ണ്ടി​രി​ക്കു​ന്നു.” ഈ ആസ്വാ​ദ്യ​മായ വേലയിൽ യുവജ​ന​ങ്ങ​ളും നന്നായി പങ്കെടു​ക്കു​ന്നുണ്ട്‌. ഒരു യുവാവ്‌ ഇപ്രകാ​രം പറയുന്നു: “അതു രസകര​മാണ്‌, കാരണം വളരെ​യ​ധി​കം ആളുക​ളോ​ടു സംസാ​രി​ക്കാൻ കഴിയു​ന്നു.” മറ്റൊ​രു​വൻ പറയു​ന്നത്‌ ഇതാണ്‌: “ഞാൻ മുമ്പ​ത്തേ​തി​ലും കൂടുതൽ സാഹി​ത്യ​ങ്ങൾ സമർപ്പി​ക്കു​ന്നു!” ഇതെല്ലാം കൂടെ​ക്കൂ​ടെ പ്രവർത്തി​ച്ചു​തീർക്കുന്ന പ്രദേ​ശ​ത്താണ്‌.

⁶ സഞ്ചാര​മേൽവി​ചാ​ര​ക​ന്മാർ നേതൃ​ത്വ​മെ​ടു​ക്കു​ന്നു: “ഈ ലോക​ത്തി​ന്റെ രംഗം മാറി​ക്കൊ​ണ്ടി​രി​ക്കു​ന്നു” എന്നു തിരി​ച്ച​റി​ഞ്ഞു​കൊണ്ട്‌, സാധ്യ​മാ​കു​ന്നി​ട​ത്തോ​ളം ആളുക​ളു​ടെ പക്കൽ സുവാർത്ത എത്തിക്കാൻ കഴിയ​ത്ത​ക്ക​വണ്ണം വാരം​തോ​റും സഞ്ചാര​മേൽവി​ചാ​ര​ക​ന്മാർ തങ്ങളുടെ സേവന​പ്പ​ട്ടി​ക​യ്‌ക്കു പൊരു​ത്ത​പ്പെ​ടു​ത്തൽ വരുത്ത​ണ​മെന്ന്‌ അടുത്ത​കാ​ലത്ത്‌ സൊ​സൈറ്റി സൂചി​പ്പി​ക്കു​ക​യു​ണ്ടാ​യി. (1 കൊരി. 7:31, NW) വർഷങ്ങ​ളാ​യി, സർക്കിട്ട്‌ മേൽവി​ചാ​ര​ക​ന്മാർ വീടു​തോ​റു​മുള്ള വേലയിൽ ഏർപ്പെ​ടു​ന്ന​തി​നു പ്രവൃ​ത്തി​ദി​ന​ങ്ങ​ളി​ലെ പ്രഭാ​ത​സ​മ​യ​വും മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും നടത്തു​ന്ന​തിന്‌ അപരാ​ഹ്ന​വും വിനി​യോ​ഗി​ച്ചി​രു​ന്നു. ഈ രാജ്യ​ത്തി​ന്റെ മിക്ക ഭാഗങ്ങ​ളി​ലും ആ പട്ടിക​തന്നെ ഇപ്പോ​ഴും പ്രാ​യോ​ഗി​ക​മാ​യി​രി​ക്കാം. മറ്റുള്ളി​ട​ങ്ങ​ളിൽ, പ്രവൃ​ത്തി​ദി​ന​ങ്ങ​ളി​ലെ പ്രഭാ​ത​സ​മയം വീടു​തോ​റും പ്രവർത്തി​ക്കു​ന്ന​തി​നാൽ കാര്യ​മാ​യൊ​ന്നും നേടാൻ കഴി​ഞ്ഞെ​ന്നു​വ​രില്ല. അത്തരം കേസു​ക​ളിൽ, ദിവസാ​രം​ഭ​ത്തിൽ കടകൾതോ​റു​മുള്ള വേലയി​ലോ തെരു​വു​സാ​ക്ഷീ​ക​ര​ണ​ത്തി​ലോ ഏർപ്പെ​ടു​ന്നതു നല്ലതാ​യി​രി​ക്കു​മെന്നു സഞ്ചാര​മേൽവി​ചാ​രകൻ തീരു​മാ​നി​ച്ചേ​ക്കാം. ഓഫീസ്‌ കെട്ടി​ട​ങ്ങ​ളി​ലോ വ്യാപാര സ്ഥലങ്ങളി​ലോ വാഹനങ്ങൾ പാർക്കു ചെയ്യുന്ന സ്ഥലത്തോ പൊതു​സ്ഥ​ല​ങ്ങ​ളി​ലോ ചെറിയ കൂട്ടങ്ങൾ സാക്ഷീ​ക​രണം നടത്താ​നുള്ള ക്രമീ​ക​ര​ണങ്ങൾ നടത്താ​വു​ന്ന​താണ്‌. വയൽസേ​വ​ന​ത്തി​നു ലഭ്യമായ സമയം കൂടുതൽ ഫലപ്ര​ദ​മായ രീതി​യിൽ ഉപയോ​ഗി​ക്കു​ന്ന​തി​നാൽ, പ്രസാ​ധ​കർക്കു കൂടുതൽ ആളുക​ളു​ടെ പക്കൽ എത്തി​ച്ചേ​രാൻ സാധി​ക്കു​ന്നുണ്ട്‌.

⁷ ഈ മാറ്റത്തെ സഞ്ചാര​മേൽവി​ചാ​ര​ക​ന്മാ​രും പ്രസാ​ധ​ക​രും ഒരു​പോ​ലെ വളരെ നന്നായി സ്വാഗതം ചെയ്യു​ന്നു​ണ്ടെന്നു റിപ്പോർട്ടു​കൾ സൂചി​പ്പി​ക്കു​ന്നു. പ്രാ​ദേ​ശി​ക​മാ​യി ശ്രദ്ധ ആവശ്യ​മുള്ള വേലയു​ടെ പ്രത്യേക വശങ്ങളിൽ ഏതാനും പ്രസാ​ധ​കരെ പരിശീ​ലി​പ്പി​ക്കാൻ മൂപ്പന്മാ​രു​ടെ അനേകം സംഘങ്ങൾ സർക്കിട്ട്‌ മേൽവി​ചാ​ര​കനെ ക്ഷണിക്കു​ന്നുണ്ട്‌. സർക്കിട്ട്‌ മേൽവി​ചാ​രകൻ ഈ പ്രവർത്ത​ന​ങ്ങ​ളിൽ ഏതി​ലെ​ങ്കി​ലും ഏർപ്പെ​ടു​മ്പോൾ അദ്ദേഹ​ത്തി​ന്റെ കൂട്ടത്തിൽ പോകു​ന്നത്‌ പ്രസാ​ധ​കരെ സഹായി​ച്ചി​ട്ടുണ്ട്‌. പിന്നീട്‌ മറ്റുള്ള​വരെ പരിശീ​ലി​പ്പി​ക്കാ​നും അവർക്കു കഴിയു​ന്നു. (2 തിമൊ. 2:2) തത്‌ഫ​ല​മാ​യി, കൂടുതൽ ആളുക​ളു​ടെ പക്കൽ സുവാർത്ത എത്തിക്കാൻ കഴിയു​ന്നുണ്ട്‌.

⁸ തീർച്ച​യാ​യും, സർക്കിട്ട്‌ മേൽവി​ചാ​രകൻ നിങ്ങളെ സന്ദർശി​ച്ചു പ്രസം​ഗ​ത്തി​ന്റെ ഈ മറ്റു വിധങ്ങ​ളിൽ ചിലതു പരീക്ഷി​ച്ചു​നോ​ക്കു​ന്ന​തു​വരെ നിങ്ങൾ കാത്തി​രി​ക്കേ​ണ്ട​തില്ല. നിങ്ങളു​ടെ പ്രദേ​ശത്തു പ്രാ​യോ​ഗി​ക​മാ​ണെന്നു കണ്ടെത്തി​യേ​ക്കാ​വുന്ന ചില ആശയങ്ങൾ ഇതാ:

⁹ തെരു​വു​സാ​ക്ഷീ​ക​രണം: ഒരു പ്രവൃ​ത്തി​ദി​വസം രാവിലെ ആളുകൾ പാർക്കുന്ന ഒരു സ്ഥലത്തു ചെല്ലു​മ്പോൾ ആരെയും കാണാ​തെ​വ​രു​ന്നെ​ങ്കിൽ ‘ആളുക​ളെ​ല്ലാം എവിടെ പോയി?’ എന്നു നാം അതിശ​യി​ക്കു​ന്നു. ചിലർ വിവരങ്ങൾ അറിയി​ക്കാ​നോ സാധനങ്ങൾ വാങ്ങാ​നോ പോയ​താ​യി​രി​ക്കാം. തെരു​വു​സാ​ക്ഷീ​ക​ര​ണ​ത്തി​ലൂ​ടെ അവരു​മാ​യി സമ്പർക്കം പുലർത്താൻ നിങ്ങൾ ശ്രമി​ച്ചു​നോ​ക്കി​യി​ട്ടു​ണ്ടോ? അത്‌ ഉചിത​മാ​യി ചെയ്യു​മ്പോൾ, ശുശ്രൂ​ഷ​യു​ടെ ഈ വശം വളരെ ഫലപ്ര​ദ​മാ​യി​രി​ക്കാൻ സാധി​ക്കും. മാസി​ക​ക​ളും പിടിച്ച്‌ ഒരു സ്ഥലത്തു നിൽക്കു​ന്ന​തി​നു​പ​കരം, ആളുകളെ സമീപിച്ച്‌ സൗഹൃ​ദ​സം​ഭാ​ഷ​ണ​ത്തി​നു തുടക്ക​മി​ടു​ന്നത്‌ ഏറ്റവും നല്ലതാണ്‌. കടന്നു​പോ​കുന്ന എല്ലാവർക്കും സാക്ഷ്യം കൊടു​ക്ക​ണ​മെന്നു നിർബ​ന്ധ​മില്ല. തിടു​ക്ക​ത്തിൽ നടന്നു​പോ​കുന്ന ആളുക​ളോ​ടും സംസാ​രി​ക്കേ​ണ്ട​തില്ല, പുറത്തു​നി​ന്നു കടയി​ലുള്ള സാധനങ്ങൾ വെറുതെ നോക്കി​ന​ട​ക്കു​ന്ന​വ​രെ​യും നിറു​ത്തി​യി​ട്ടി​രി​ക്കുന്ന കാറു​ക​ളി​ലു​ള്ള​വ​രെ​യും അല്ലെങ്കിൽ പൊതു ഗതാഗ​ത​ത്തി​നാ​യി കാത്തു​നിൽക്കു​ന്ന​വ​രെ​യും പോലു​ള്ള​വ​രോ​ടു സംസാ​രി​ക്കുക. തുടക്ക​ത്തിൽ, സൗഹാർദ​പ​ര​മാ​യി അഭിവാ​ദനം ചെയ്‌ത​ശേഷം പ്രതി​ക​ര​ണ​ത്തി​നാ​യി കാത്തു​നിൽക്കാ​വു​ന്ന​താണ്‌. വ്യക്തി സംസാ​രി​ക്കാൻ മനസ്സു കാണി​ക്കു​ന്നെ​ങ്കിൽ, അയാളിൽ താത്‌പ​ര്യം ജനിപ്പി​ച്ചേ​ക്കാ​മെന്നു നിങ്ങൾ കരുതുന്ന ഒരു വിഷയ​ത്തെ​ക്കു​റിച്ച്‌ അഭി​പ്രാ​യം ആരായാ​വു​ന്ന​താണ്‌.

¹⁰ തെരു​വു​സാ​ക്ഷീ​ക​ര​ണ​ത്തിൽ തന്റെയും ഭാര്യ​യു​ടെ​യും കൂടെ ചേരാൻ ഒരു സഞ്ചാര​മേൽവി​ചാ​രകൻ ആറു പ്രസാ​ധ​കരെ ക്ഷണിച്ചു. ഫലമെ​ന്താ​യി​രു​ന്നു? “അതു വളരെ നല്ല ഒരു പ്രഭാ​ത​മാ​യി​രു​ന്നു!” അദ്ദേഹം റിപ്പോർട്ടു ചെയ്യുന്നു. “ആളില്ലാ​ഭ​വ​നങ്ങൾ ഇല്ലായി​രു​ന്നു. 80 മാസി​ക​ക​ളും അനവധി ലഘു​ലേ​ഖ​ക​ളും സമർപ്പി​ച്ചു. ഉത്സാഹ​ഭ​രി​ത​മായ ധാരാളം സംഭാ​ഷ​ണങ്ങൾ നടത്താൻ ഞങ്ങൾക്കു കഴിഞ്ഞു. പ്രസാ​ധ​ക​രി​ലൊ​രു​വൻ ആദ്യമാ​യി​ട്ടാ​യി​രു​ന്നു തെരു​വു​വേ​ല​യിൽ ഏർപ്പെ​ട്ടത്‌, അദ്ദേഹം ഇങ്ങനെ ഉദ്‌ഘോ​ഷി​ച്ചു: ‘ഞാൻ വർഷങ്ങ​ളാ​യി സത്യത്തി​ലാണ്‌, എനിക്ക്‌ എന്താണു നഷ്ടമാ​യി​ക്കൊ​ണ്ടി​രു​ന്നത്‌ എന്നു ഞാൻ തിരി​ച്ച​റി​ഞ്ഞില്ല!’ ആ വാരത്തി​ന്റെ അവസാ​ന​മാ​യ​പ്പോ​ഴേ​ക്കും സഭയിൽ കൂടു​ത​ലാ​യു​ണ്ടാ​യി​രുന്ന മാസി​കകൾ തീർന്നു​പോ​യി​രു​ന്നു.”

¹¹ അതേ സർക്കിട്ട്‌ മേൽവി​ചാ​രകൻ അടുത്ത സഭ സന്ദർശി​ക്കവേ, ഒരു ദിവസം അതിരാ​വി​ലെ തെരു​വു​സാ​ക്ഷീ​ക​ര​ണ​ത്തിൽ പങ്കെടുത്ത പല പ്രസാ​ധ​കർക്കും പരിമി​ത​മായ വിജയമേ ഉണ്ടായി​രു​ന്നു​ള്ളൂ എന്ന്‌ അദ്ദേഹം മനസ്സി​ലാ​ക്കി. ഒരു സഹോ​ദരി, മുഴു സാക്ഷീ​ക​ര​ണ​ഘ​ട്ട​ത്തി​ലും രണ്ടു വ്യക്തി​ക​ളോ​ടേ സംസാ​രി​ച്ചു​ള്ളൂ, കാരണം അവൾ കണ്ടുമു​ട്ടിയ മറ്റുള്ള​വ​രെ​ല്ലാം തിരക്കി​ലാ​യി​രു​ന്നു. രാവിലെ കുറേ​ക്കൂ​ടെ സമയം കഴിഞ്ഞ്‌ അതേ തെരു​വി​ലേ​ക്കു​തന്നെ മടങ്ങി​ച്ചെ​ല്ലാൻ സഞ്ചാര​മേൽവി​ചാ​രകൻ നിർദേ​ശി​ച്ചു. അങ്ങനെ ചെയ്‌ത അവർ ഉച്ചവരെ അവിടെ തങ്ങി. രാവിലെ നേരത്തെ രണ്ടു പേരോ​ടു മാത്രം സംസാ​രിച്ച സഹോ​ദരി രണ്ടാമതു വന്നു പ്രവർത്തി​ച്ച​പ്പോൾ അവർക്കു വളരെ നല്ല ഫലം ലഭിച്ചു. അവൾ 31 മാസി​ക​ക​ളും 15 ലഘുപ​ത്രി​ക​ക​ളും സമർപ്പി​ച്ചു, ഏഴു പേരുടെ പേരും മേൽവി​ലാ​സ​വും ലഭിച്ചു​വെന്നു മാത്രമല്ല രണ്ടു ബൈബി​ള​ധ്യ​യ​നങ്ങൾ ആരംഭി​ക്കു​ക​യും ചെയ്‌തു! ആ കൂട്ടത്തി​ലു​ണ്ടാ​യി​രുന്ന മറ്റുള്ള​വർക്കും പ്രോ​ത്സാ​ഹ​ജ​ന​ക​മായ ഫലങ്ങളു​ണ്ടാ​യി​രു​ന്നു.

¹² താത്‌പ​ര്യം കാണി​ക്കുന്ന ആരെ​യെ​ങ്കി​ലും നിങ്ങൾ കണ്ടുമു​ട്ടു​മ്പോൾ, ആളിന്റെ വിലാസം അല്ലെങ്കിൽ ഫോൺ നമ്പർ വാങ്ങാൻ ശ്രമി​ക്കുക. അതിനു വേണ്ടി എടുത്തു​ചാ​ടി ചോദി​ക്കു​ന്ന​തി​നു​പ​കരം ഇങ്ങനെ പറയാ​വു​ന്ന​താണ്‌: “ഈ സംഭാ​ഷണം ഞാൻ ആസ്വദി​ച്ചു. മറ്റൊരു സമയത്തു നമുക്ക്‌ ഇതു തുടരാൻ കഴിയുന്ന ഏതെങ്കി​ലും മാർഗ​മു​ണ്ടോ?” അല്ലെങ്കിൽ ഇങ്ങനെ ചോദി​ക്കാം: “നിങ്ങളെ വീട്ടിൽവന്നു കാണാൻ എന്തെങ്കി​ലും മാർഗ​മു​ണ്ടോ?” ഈ വിധത്തിൽ ബന്ധം പുലർത്തുന്ന പലരും മടക്കസ​ന്ദർശ​ന​ത്തോ​ടു യോജി​ക്കു​ന്നു. ഉപയോ​ഗ​ത്തി​നാ​യി വേണ്ടു​വോ​ളം ലഘു​ലേ​ഖകൾ കൈവ​ശ​മു​ണ്ടെന്ന്‌ ഉറപ്പു വരുത്തുക. താത്‌പ​ര്യം കാണി​ക്കുന്ന വ്യക്തിയെ നമ്മുടെ യോഗ​ങ്ങ​ളിൽ സംബന്ധി​ക്കാൻ ക്ഷണിക്കവേ ഏറ്റവും അടുത്തുള്ള യോഗ​സ്ഥ​ല​വും യോഗ​സ​മ​യ​ങ്ങ​ളും, ഒരുപക്ഷേ ലഘു​ലേ​ഖ​യിൽ, എഴുതാൻ തയ്യാറാ​യി​രി​ക്കുക.

¹³ മറ്റൊരു സഭയുടെ പ്രദേ​ശത്തു താമസി​ക്കുന്ന താത്‌പ​ര്യ​ക്കാ​ര​നായ വ്യക്തി​യോ​ടാ​ണു നിങ്ങൾ സംസാ​രി​ക്കു​ന്ന​തെ​ങ്കിൽ, അയാളു​ടെ താത്‌പ​ര്യ​ത്തെ പിന്തു​ട​രാൻ സഹോ​ദ​ര​ങ്ങൾക്കു കഴിയ​ത്ത​ക്ക​വണ്ണം ആ വിവരം നിങ്ങൾ കൈമാ​റേ​ണ്ട​തുണ്ട്‌. നിങ്ങളു​ടെ പ്രദേ​ശത്തു സുവാർത്ത വ്യാപി​പ്പി​ക്കു​ന്ന​തി​നുള്ള ഫലപ്ര​ദ​മായ മാർഗ​മാ​ണോ തെരു​വു​സാ​ക്ഷീ​ക​രണം? എങ്കിൽ, നമ്മുടെ രാജ്യ ശുശ്രൂ​ഷ​യു​ടെ 1994 ജൂലൈ ലക്കത്തി​ലുള്ള “ഫലകര​മായ തെരു​വു​സാ​ക്ഷീ​ക​ര​ണ​ത്തി​ലൂ​ടെ താത്‌പ​ര്യ​ക്കാ​രെ കണ്ടെത്തൽ” എന്ന ലേഖനം പുനര​വ​ലോ​കനം ചെയ്യുക. എന്നിട്ട്‌ ദിവസ​ത്തി​ലെ ഉചിത​മായ ഒരു സമയത്ത്‌ തെരു​വു​സാ​ക്ഷീ​ക​ര​ണ​ത്തിൽ ഏർപ്പെ​ടു​ന്ന​തി​നുള്ള ക്രമീ​ക​രണം ചെയ്യുക. സാധ്യ​മാ​കു​ന്നി​ട​ത്തോ​ളം ആളുക​ളു​ടെ പക്കൽ എത്തി​ച്ചേ​രാൻ അതു നിങ്ങളെ സഹായി​ക്കും.

¹⁴ പൊതു​വാ​ഹ​ന​ങ്ങ​ളിൽ സാക്ഷീ​ക​രണം നടത്തൽ: ഒരു പ്രാ​ദേ​ശിക കോ​ളെ​ജി​നു സമീപം ബസ്സ്‌ കാത്തു​നിൽക്കുന്ന ആളുക​ളോ​ടു സാക്ഷീ​ക​രി​ക്കാൻ ഒരു പ്രഭാ​ത​ത്തിൽ ഏതാനും പയനി​യർമാർ നിശ്ചയി​ച്ചു. നല്ല ചർച്ചകൾ ഉണ്ടായ​പ്പോൾ ഒരു പ്രശ്‌ന​വും പൊന്തി​വന്നു. ചർച്ച നല്ല ഒരു നിലയി​ലേക്കു പുരോ​ഗ​മി​ക്കവേ ബസ്സ്‌ വരും അങ്ങനെ ഇടയ്‌ക്കു​വെച്ച്‌ ചർച്ച അവസാ​നി​ക്കും. ബസ്സിൽ കയറി​ക്കൊണ്ട്‌ പയനി​യർമാർ ആ പ്രശ്‌നം പരിഹ​രി​ച്ചു. നഗരത്തി​നു കുറുകെ യാത്ര ചെയ്യവേ യാത്ര​ക്കാ​രോ​ടു സാക്ഷീ​ക​രണം തുടരാൻ അവർക്കു കഴിഞ്ഞു. വഴി അവസാ​നി​ക്കു​മ്പോൾ, സാക്ഷീ​ക​രണം നടത്തി​ക്കൊണ്ട്‌ തിരി​ച്ചുള്ള ബസ്സിന്‌ അവർ മടങ്ങു​മാ​യി​രു​ന്നു. അങ്ങോ​ട്ടു​മി​ങ്ങോ​ട്ടും പലവട്ടം യാത്ര ചെയ്‌ത​പ്പോൾ അവർ തങ്ങളുടെ ശ്രമങ്ങ​ളു​ടെ ഫലങ്ങൾ കൂട്ടി​നോ​ക്കി: 200 മാസി​കകൾ സമർപ്പി​ച്ചി​രു​ന്നു, മാത്രമല്ല ആറ്‌ ബൈബി​ള​ധ്യ​യ​ന​ങ്ങ​ളും തുടങ്ങി​യി​രു​ന്നു. തങ്ങളെ വന്നു സന്ദർശി​ക്കാൻ കഴിയ​ത്ത​ക്ക​വണ്ണം ചില യാത്ര​ക്കാർ സ്വമേ​ധയാ തങ്ങളുടെ വിലാ​സ​വും ഫോൺ നമ്പരും നൽകി. അടുത്ത വാരത്തി​ലും പയനി​യർമാർ ബസ്സ്‌സ്റ്റോ​പ്പിൽ തിരി​കെ​ച്ചെന്ന്‌ അതേ രീതി​തന്നെ പിന്തു​ടർന്നു. അവർ 164 മാസി​കകൾ സമർപ്പി​ക്കു​ക​യും ഒരു ബൈബി​ള​ധ്യ​യനം കൂടി തുടങ്ങു​ക​യും ചെയ്‌തു. ഒരു സ്റ്റോപ്പിൽവെച്ച്‌ ഒരു യാത്ര​ക്കാ​രൻ കയറി ഒരു പയനി​യ​റി​ന്റെ അടുത്താ​യി ആകെയു​ണ്ടാ​യി​രുന്ന സീറ്റിൽ ഇരുന്നു. അദ്ദേഹം സഹോ​ദ​രനെ നോക്കി പുഞ്ചി​രി​യോ​ടെ പറഞ്ഞു: “എനിക്കാ​യി നിങ്ങളു​ടെ കൈവശം ഒരു വീക്ഷാ​ഗോ​പു​രം ഉണ്ടെന്ന്‌ എനിക്ക​റി​യാം.”

¹⁵ ബസ്സിലോ ട്രെയി​നി​ലോ സഞ്ചരി​ക്കു​മ്പോൾ പല പ്രസാ​ധ​ക​രും ഫലപ്ര​ദ​മായ സാക്ഷ്യം നൽകുന്നു. നിങ്ങളു​ടെ സഹയാ​ത്ര​ക്കാ​ര​നു​മാ​യി എങ്ങനെ സംഭാ​ഷണം തുടങ്ങാൻ സാധി​ക്കും? തന്റെ അടുത്തി​രുന്ന ഒരു കൗമാ​ര​പ്രാ​യ​ക്കാ​രി​യു​ടെ ആകാംക്ഷ ഉണർത്താൻ കഴിയു​മെന്നു പ്രതീ​ക്ഷി​ച്ചു​കൊണ്ട്‌ 12 വയസ്സുള്ള ഒരു പ്രസാ​ധകൻ ഉണരുക!യുടെ ഒരു പ്രതി വായി​ക്കാൻ തുടങ്ങി. അതു ഫലപ്ര​ദ​മാ​യി​രു​ന്നു. എന്താണു വായി​ക്കു​ന്ന​തെന്നു പെൺകു​ട്ടി അവനോ​ടു ചോദി​ച്ചു. യുവജ​നങ്ങൾ അഭിമു​ഖീ​ക​രി​ക്കുന്ന പ്രശ്‌ന​ങ്ങൾക്കുള്ള പരിഹാ​ര​ത്തെ​ക്കു​റി​ച്ചു വായി​ക്കു​ക​യാ​ണെന്ന്‌ അവൻ ഉത്തരം നൽകി. ആ ലേഖന​ത്തിൽനി​ന്നു താൻ വളരെ പ്രയോ​ജനം നേടി​യെ​ന്നും അത്‌ അവളെ​യും സഹായി​ക്കു​മെ​ന്നും അവൻ കൂട്ടി​ച്ചേർത്തു. അവൾ സന്തോ​ഷ​പൂർവം മാസി​കകൾ സ്വീക​രി​ച്ചു. യാദൃ​ച്ഛി​ക​മാ​യി അവരുടെ സംഭാ​ഷണം കേട്ട മറ്റു രണ്ടു യുവാക്കൾ മാസി​ക​ക​ളു​ടെ പ്രതി​കൾക്കാ​യി ചോദി​ച്ചു. അപ്പോ​ഴേ​ക്കും, ഡ്രൈവർ വണ്ടി റോഡി​ന്റെ ഒരു വശത്തേക്കു മാറ്റി നിർത്തി​യിട്ട്‌ ഈ മാസി​ക​ക​ളിൽ ഇത്രയ​ധി​കം താത്‌പ​ര്യം ഉള്ളത്‌ എന്തു​കൊ​ണ്ടെന്ന്‌ ആരാഞ്ഞു. അതു കണ്ടപ്പോൾ അദ്ദേഹ​വും വാങ്ങി അവയുടെ പ്രതികൾ. താത്‌പ​ര്യം കാട്ടിയ എല്ലാവർക്കും കൊടു​ക്കാൻ വേണ്ടത്ര മാസി​കകൾ ആ കൊച്ചു പ്രസാ​ധ​കന്റെ കൈവ​ശ​മി​ല്ലാ​യി​രു​ന്നെ​ങ്കിൽ ഇതൊ​ന്നും സാധ്യ​മാ​കു​മാ​യി​രു​ന്നില്ല!

¹⁶ പാർക്കു​ക​ളി​ലും പാർക്കിങ്‌ സ്ഥലങ്ങളി​ലും സാക്ഷീ​ക​രി​ക്കൽ: ആളുക​ളു​ടെ അടുക്കൽ എത്തി​ച്ചേ​രു​ന്ന​തിന്‌ ഉത്തമമായ ഒരു മാർഗ​മാണ്‌ പാർക്കു​ക​ളി​ലും പാർക്കിങ്‌ സ്ഥലങ്ങളി​ലും സാക്ഷീ​ക​രി​ക്കു​ന്നത്‌. ഷോപ്പിങ്‌ സെന്ററു​ക​ളി​ലെ പാർക്കിങ്‌ സ്ഥലത്തു സാക്ഷീ​ക​രി​ക്കാൻ നിങ്ങൾ ശ്രമി​ച്ചി​ട്ടു​ണ്ടോ? നിങ്ങളു​ടെ ചുറ്റു​പാ​ടു​കൾ നിരീ​ക്ഷി​ക്കാൻ എപ്പോ​ഴും ഏതാനും നിമി​ഷങ്ങൾ ചെലവ​ഴി​ക്കുക. തിരക്കി​ല്ലാ​ത്ത​വ​രോ പാർക്കു ചെയ്‌തി​രി​ക്കുന്ന കാറി​ലി​രി​ക്കു​ന്ന​വ​രോ സ്‌കൂ​ട്ട​റി​ന​ടു​ത്തു നിൽക്കു​ന്ന​വ​രോ ആയ ആളുകളെ കണ്ടെത്തി സൗഹൃ​ദ​സം​ഭാ​ഷണം തുടങ്ങുക. സംഭാ​ഷണം തുടരു​ന്ന​പക്ഷം, രാജ്യ​സ​ന്ദേശം നൽകുക. വേറിട്ടു നിന്നു പ്രവർത്തി​ക്കാൻ ശ്രമി​ക്കുക, എന്നാൽ കാഴ്‌ച​പ്പാ​ടിൽ മറ്റൊരു പ്രസാ​ധകൻ ഉണ്ടായി​രി​ക്കണം. വലിയ, വീർത്തി​രി​ക്കുന്ന ഒരു ബാഗ്‌ കൊണ്ടു​പോ​കാ​തി​രി​ക്കുക, അല്ലെങ്കിൽ മറ്റു വിധങ്ങ​ളിൽ നിങ്ങളു​ടെ വേലയി​ലേക്കു ശ്രദ്ധ തിരി​ക്കാ​തി​രി​ക്കുക. വിവേ​ക​മു​ള്ള​വ​രാ​യി​രി​ക്കുക. ഒരു പാർക്കിങ്‌ സ്ഥലത്ത്‌ അൽപ്പസ​മയം ചെലവ​ഴി​ച്ച​ശേഷം അടുത്ത സ്ഥലത്തേക്കു പോകു​ന്നത്‌ ഉചിത​മാ​യി​രി​ക്കാം. ആരെങ്കി​ലും സംഭാ​ഷണം നടത്താൻ ആഗ്രഹി​ക്കു​ന്നി​ല്ലെ​ങ്കിൽ, മര്യാ​ദ​പൂർവം അവിടം​വിട്ട്‌ മറ്റാ​രെ​യെ​ങ്കി​ലും സമീപി​ക്കുക. ഈ രീതികൾ അവലം​ബി​ച്ച​തു​കൊണ്ട്‌ ഒരു സഹോ​ദരൻ ഒരു മാസത്തിൽ പാർക്കിങ്‌ സ്ഥലങ്ങളിൽ സാക്ഷീ​ക​രി​ക്കു​ക​വഴി 90 മാസി​കകൾ സമർപ്പി​ച്ചു.

¹⁷ ചില ആളുകൾ പാർക്കി​ലേക്കു പോകു​ന്നതു വിശ്ര​മി​ക്കാ​നാണ്‌; മറ്റു ചിലർ അവിടെ പോകു​ന്നതു കളിക്കാ​നോ കുട്ടി​ക​ളോ​ടൊ​ത്തു സമയം ചെലവി​ടാ​നോ ആണ്‌. അവരുടെ പ്രവർത്ത​ന​ങ്ങ​ളിൽ അനുചി​ത​മാ​യി കൈക​ട​ത്താ​തെ ഒരു സാക്ഷ്യം നൽകു​ന്ന​തി​നുള്ള അവസര​ത്തി​നാ​യി നോക്കി​യി​രി​ക്കുക. പാർക്കി​ലെ പൂന്തോ​ട്ട​ക്കാ​ര​നു​മാ​യി സംഭാ​ഷ​ണ​ത്തി​നു തുടക്ക​മിട്ട ഒരു സഹോ​ദരൻ, മയക്കു​മ​രു​ന്നു​ക​ളെ​യും കുട്ടി​ക​ളു​ടെ ഭാവി​യെ​യും കുറിച്ച്‌ അയാൾക്ക്‌ ഉത്‌ക​ണ്‌ഠ​യു​ണ്ടെന്നു മനസ്സി​ലാ​ക്കി. ഒരു ബൈബി​ള​ധ്യ​യനം ആരംഭി​ച്ചു, പാർക്കിൽവെച്ചു പതിവാ​യി അതു നടത്തു​ക​യും ചെയ്‌തു.

¹⁸ കച്ചവട​മേ​ഖ​ല​ക​ളി​ലെ അനൗപ​ചാ​രിക സാക്ഷീ​ക​രണം: വിലക്കു​ള്ള​തി​നാൽ വ്യാപാ​ര​സ്ഥ​ല​ങ്ങ​ളിൽ എപ്പോ​ഴും കടകൾതോ​റും ഔപചാ​രി​ക​മാ​യി പ്രസം​ഗി​ക്കുക സാധ്യ​മ​ല്ലാ​ത്ത​തി​നാൽ, അവിടെ അനൗപ​ചാ​രി​ക​മാ​യി പ്രവർത്തി​ക്കാൻ ചില പ്രസാ​ധകർ അവസരങ്ങൾ സൃഷ്ടി​ക്കു​ന്നു. അവർ ഒരു ബെഞ്ചി​ലി​രി​ക്കു​ന്നു, അവിടെ വിശ്ര​മി​ക്കാൻ വരുന്ന​വ​രു​മാ​യി സൗഹൃ​ദ​സം​ഭാ​ഷ​ണ​ത്തിൽ ഏർപ്പെ​ടു​ന്നു. താത്‌പ​ര്യം കാണി​ക്കു​മ്പോൾ, അവർ വിവേ​ക​പൂർവം ഒരു ലഘു​ലേ​ഖ​യോ മാസി​ക​യോ കാണി​ച്ചിട്ട്‌ മടക്കസ​ന്ദർശ​ന​ത്തി​നുള്ള ക്രമീ​ക​ര​ണങ്ങൾ നടത്തുന്നു. കച്ചവട​മേ​ഖ​ല​യി​ലെ ഒരു സ്ഥലത്തു സാക്ഷീ​ക​രി​ക്കാൻ ഏതാനും മിനി​റ്റു​കൾ ചെലവ​ഴി​ച്ച​ശേഷം അവർ വേറൊ​രു സ്ഥലത്തേക്കു പോയി മറ്റാ​രെ​ങ്കി​ലു​മാ​യി സംഭാ​ഷ​ണ​ത്തി​ലേർപ്പെ​ടു​ന്നു. ഈ വിധത്തിൽ അനൗപ​ചാ​രി​ക​മാ​യി സാക്ഷീ​ക​രി​ക്കു​മ്പോൾ അനുചി​ത​മായ ശ്രദ്ധ ആകർഷി​ക്കാ​തി​രി​ക്കാൻ ജാഗ്രത പുലർത്തേ​ണ്ട​തുണ്ട്‌.

¹⁹ ഒരു വ്യക്തിയെ അഭിവാ​ദനം ചെയ്യു​മ്പോൾ, സൗഹൃ​ദ​ഭാ​വ​ത്തോ​ടെ സംഭാ​ഷണം തുടങ്ങുക. നിങ്ങളു​ടെ ശ്രോ​താ​വു പ്രതി​ക​രി​ക്കു​ന്നു​വെ​ങ്കിൽ ഒരു ചോദ്യം ചോദി​ച്ചിട്ട്‌ അയാൾ പറയു​ന്നതു സശ്രദ്ധം കേൾക്കുക. അയാൾ പറയു​ന്ന​തിൽ വ്യക്തി​പ​ര​മായ താത്‌പ​ര്യം കാണി​ക്കുക. നിങ്ങൾ അദ്ദേഹ​ത്തി​ന്റെ അഭി​പ്രാ​യത്തെ മാനി​ക്കു​ന്നു​വെന്നു പ്രകട​മാ​ക്കുക. സാധ്യ​മാ​യി​രി​ക്കു​ന്നി​ടത്ത്‌ അദ്ദേഹ​ത്തോ​ടു യോജി​ക്കുക.

²⁰ ഉപജീ​വ​ന​ച്ചെ​ലവ്‌ എത്രമാ​ത്രം വർധി​ച്ചി​രി​ക്കു​ന്നു എന്നു സൂചി​പ്പി​ച്ച​തി​നാൽ ഒരു സഹോ​ദ​രി​ക്കു പ്രായ​മായ ഒരു സ്‌ത്രീ​യു​മാ​യി വളരെ നല്ല ഒരു സംഭാ​ഷണം നടത്തു​ന്ന​തി​നു കഴിഞ്ഞു. ആ സ്‌ത്രീ സത്വരം യോജി​ച്ചു, സജീവ​മായ ഒരു ചർച്ച സാധ്യ​മാ​കു​ക​യും ചെയ്‌തു. സഹോ​ദരി, ആ സ്‌ത്രീ​യു​ടെ പേരും മേൽവി​ലാ​സ​വും വാങ്ങി, അതേ വാരത്തിൽതന്നെ മടക്കസ​ന്ദർശ​ന​ത്തി​നുള്ള ക്രമീ​ക​ര​ണ​വും ചെയ്‌തു.

²¹ കടകൾതോ​റും പ്രവർത്തി​ക്കൽ: മിക്ക സഭകൾക്കും അവയുടെ നിയമിത പ്രദേ​ശ​ത്തി​ന്റെ ഭാഗമാ​യി ബിസി​നസ്‌ പ്രദേ​ശ​ങ്ങ​ളുണ്ട്‌. ആളുകൾ തിങ്ങി​പ്പാർക്കുന്ന ബിസി​നസ്‌, കച്ചവട​മേ​ഖ​ല​ക​ളു​ടെ പ്രത്യേക ഭൂപട കാർഡു​കൾ പ്രദേശം കൈകാ​ര്യം ചെയ്യുന്ന സഹോ​ദ​രന്‌ ഉണ്ടാക്കാ​വു​ന്ന​താണ്‌. ആളുകൾ താമസി​ക്കുന്ന പ്രദേ​ശ​ത്തി​ന്റെ ഭൂപട കാർഡു​ക​ളിൽ ബിസി​നസ്‌ പ്രദേ​ശങ്ങൾ വരുന്നു​ണ്ടെ​ങ്കിൽ, പ്രദേ​ശ​ത്തി​ന്റെ ഭാഗമാ​യി അവിടെ പ്രവർത്തി​ക്കാ​തി​രി​ക്കാൻ കാർഡിൽ സൂചി​പ്പി​ക്കേ​ണ്ട​തുണ്ട്‌. മറ്റു പ്രദേ​ശ​ങ്ങ​ളിൽ, ബിസി​നസ്‌ പ്രദേ​ശ​ങ്ങ​ളും ആളുകൾ താമസി​ക്കുന്ന സ്ഥലങ്ങൾ പ്രവർത്തി​ക്കു​ന്ന​തി​ന്റെ കൂട്ടത്തിൽ ഉൾപ്പെ​ടു​ത്താ​വു​ന്ന​താണ്‌. കടകൾതോ​റു​മുള്ള വേല അവഗണി​ക്ക​പ്പെ​ടാ​തി​രി​ക്കു​ന്ന​തി​നു പതിവായ അടിസ്ഥാ​ന​ത്തിൽ ബിസി​നസ്‌ പ്രദേ​ശ​ങ്ങ​ളിൽ പ്രവർത്തി​ക്കാൻ യോഗ്യ​രായ പ്രസാ​ധ​കരെ മൂപ്പന്മാർക്കു ക്ഷണിക്കാ​വു​ന്ന​താണ്‌.

²² ആ വേലയിൽ പങ്കെടു​ക്കാൻ നിങ്ങളെ ക്ഷണിക്കു​ക​യും നിങ്ങൾ അതിൽ മുമ്പു പങ്കെടു​ക്കാ​തി​രി​ക്കു​ക​യു​മാ​ണെ​ങ്കിൽ ‘ധൈര്യ​പ്പെ​ടു​ന്ന​തി​നുള്ള’ ഒരു നല്ല വിധം ചെറിയ കടകളിൽ ആദ്യം പ്രവർത്തി​ക്കു​ന്ന​താണ്‌; എന്നിട്ട്‌, നിങ്ങൾക്കു കൂടുതൽ ആത്മവി​ശ്വാ​സം തോന്നു​മ്പോൾ കുറേ​ക്കൂ​ടെ വലിയ കടകളിൽ പ്രവർത്തി​ക്കുക. (1 തെസ്സ. 2:2) കടകൾതോ​റും പ്രവർത്തി​ക്കു​മ്പോൾ രാജ്യ​ഹാ​ളി​ലെ യോഗ​ത്തി​നെ​ന്ന​പോ​ലെ വസ്‌ത്ര​ധാ​രണം ചെയ്യുക. സാധ്യ​മെ​ങ്കിൽ, സാധനങ്ങൾ വാങ്ങാ​നാ​യി ഉപഭോ​ക്താ​ക്ക​ളൊ​ന്നും ഇല്ലാത്ത സമയത്തു കടയിൽ പ്രവേ​ശി​ക്കുക. മാനേ​ജ​രോ​ടോ നടത്തി​പ്പു​കാ​ര​നോ​ടോ സംസാ​രി​ക്കാൻ അനുവാ​ദം ചോദി​ക്കുക. ഊഷ്‌മ​ള​ത​യു​ണ്ടാ​യി​രി​ക്കുക, സർവോ​പരി ചുരു​ക്കി​പ്പ​റ​യുക. ക്ഷമ ചോദി​ക്കേ​ണ്ട​തില്ല. പല ബിസി​ന​സു​കാ​രും ഉപഭോ​ക്താ​ക്ക​ളോട്‌ ആഭിമു​ഖ്യ​മു​ള്ള​വ​രാണ്‌, വിഘ്‌നം പ്രതീ​ക്ഷി​ക്കു​ക​യും ചെയ്യുന്നു.

²³ കടക്കാ​രനെ അഭിവാ​ദനം ചെയ്‌ത​ശേഷം നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ബിസി​നസ്‌ ആളുകൾക്കു തിര​ക്കേ​റിയ ഒരു പട്ടിക ഉള്ളതി​നാൽ അവരെ വീട്ടിൽ കാണുക വിരള​മാണ്‌, അതു​കൊണ്ട്‌ വളരെ ചിന്തോ​ദ്ദീ​പ​ക​മായ ഒരു മാസിക നിങ്ങൾക്കു തരാൻ ഞങ്ങളി​വി​ടെ നിങ്ങളെ സന്ദർശി​ക്കു​ക​യാണ്‌.” എന്നിട്ട്‌ നൽകുന്ന മാസി​ക​യെ​ക്കു​റിച്ച്‌ ഒന്നോ രണ്ടോ അഭി​പ്രാ​യം പറയുക.

²⁴ മാനേ​ജരെ സമീപി​ക്കു​മ്പോൾ നിങ്ങൾക്ക്‌ ഇതു ശ്രമി​ച്ചു​നോ​ക്കാ​വു​ന്ന​താണ്‌: “ബിസി​നസ്‌ ചെയ്യുന്ന ആളുകൾ വിജ്ഞരാ​യി​രി​ക്കാൻ ശ്രമി​ക്കു​ന്ന​താ​യി ഞങ്ങൾ ശ്രദ്ധി​ച്ചി​ട്ടുണ്ട്‌. നമ്മെ ഓരോ​രു​ത്ത​രെ​യും വ്യക്തി​പ​ര​മാ​യി ബാധി​ക്കുന്ന ഒരു ലേഖനം വീക്ഷാ​ഗോ​പു​ര​ത്തി​ന്റെ (അല്ലെങ്കിൽ ഉണരുക!യുടെ) ഏറ്റവും പുതിയ ലക്കത്തി​ലുണ്ട്‌.” അത്‌ എന്താ​ണെന്നു വിശദീ​ക​രി​ക്കുക, എന്നിട്ട്‌ ഇങ്ങനെ പറഞ്ഞു​കൊണ്ട്‌ ഉപസം​ഹ​രി​ക്കുക: “നിങ്ങൾ ഇത്‌ ആസ്വദി​ക്കു​മെന്ന്‌ എനിക്കു​റ​പ്പുണ്ട്‌.”

²⁵ ജോലി​ക്കാ​രു​ണ്ടെ​ങ്കിൽ, ഉചിത​മാ​യി​രി​ക്കു​ന്ന​പക്ഷം, നിങ്ങൾക്ക്‌ ഇപ്രകാ​രം കൂട്ടി​ച്ചേർക്കാ​വു​ന്ന​താണ്‌: “ഹ്രസ്വ​മായ ഇതേ അവതരണം നിങ്ങളു​ടെ ജോലി​ക്കാ​രു​ടെ പക്കൽ അവതരി​പ്പി​ക്കു​ന്ന​തിൽ വിരോ​ധ​മു​ണ്ടോ?” അനുമതി ലഭിക്കു​ന്നു​വെ​ങ്കിൽ, നിങ്ങൾ ഹ്രസ്വ​മാ​യി സംസാ​രി​ച്ചു​കൊ​ള്ളാം എന്നു പറഞ്ഞ വാക്ക്‌ ഓർത്തി​രി​ക്കുക. നിങ്ങൾ വാക്കു പാലി​ക്കാൻ മാനേജർ പ്രതീ​ക്ഷി​ക്കും. ദീർഘ​മായ ചർച്ചയിൽ ഏർപ്പെ​ടാൻ ജോലി​ക്കാ​രി​ലാ​രെ​ങ്കി​ലും ആഗ്രഹി​ക്കു​ന്നു​വെ​ങ്കിൽ അവരെ ഭവനത്തിൽ സന്ദർശി​ക്കു​ന്നത്‌ ഏറ്റവും നല്ലതാ​യി​രി​ക്കും.

²⁶ അടുത്ത​കാ​ലത്ത്‌ ഒരു കൊച്ചു​പ​ട്ട​ണ​ത്തി​ലെ ഏതാനും പ്രസാ​ധകർ കടകൾതോ​റു​മുള്ള വേലയിൽ സർക്കിട്ട്‌ മേൽവി​ചാ​ര​ക​നോ​ടൊ​പ്പം ചേർന്നു. ഈ വേല ഒരിക്ക​ലും ചെയ്‌തി​ട്ടി​ല്ലാ​യി​രു​ന്ന​തി​നാൽ ചില പ്രസാ​ധ​കർക്ക്‌ ആദ്യ​മൊ​ക്കെ അൽപ്പം ഭയമു​ണ്ടാ​യി​രു​ന്നു; അവരുടെ പിരി​മു​റു​ക്കം പെട്ടെ​ന്നു​തന്നെ അപ്രത്യ​ക്ഷ​മാ​യി, അവർ വേല ആസ്വദി​ക്കാൻ തുടങ്ങി. ഒരു മണിക്കൂ​റിൽ താഴെ സമയം​കൊണ്ട്‌, അവർ 37 ആളുക​ളോ​ടു സംസാ​രി​ച്ചു. 24 മാസി​ക​ക​ളും 4 ലഘുപ​ത്രി​ക​ക​ളും സമർപ്പി​ച്ചു. കടകൾതോ​റും പ്രവർത്തിച്ച അത്രയും ചുരു​ങ്ങിയ സമയത്തി​നു​ള്ളിൽ അത്രയും ആളുക​ളു​മാ​യി ബന്ധപ്പെ​ടാൻ ഒരു മാസത്തെ വീടു​തോ​റു​മുള്ള വേലയിൽ സാധാ​ര​ണ​മാ​യി സാധി​ക്കു​ന്നി​ല്ലെന്ന്‌ ഒരു സഹോ​ദരൻ നിരീ​ക്ഷി​ച്ചു.

²⁷ പ്രസം​ഗി​ക്കു​ന്ന​തി​നുള്ള അവസരങ്ങൾ സൃഷ്ടിക്കൽ: ഔപചാ​രിക സന്ദർഭ​ങ്ങ​ളിൽ മാത്ര​മാ​യി യേശു തന്റെ പ്രസം​ഗ​പ്ര​വർത്തനം പരിമി​ത​പ്പെ​ടു​ത്തി​യില്ല. അനു​യോ​ജ്യ​മായ എല്ലാ അവസര​ങ്ങ​ളി​ലും അവൻ സുവാർത്ത വ്യാപി​പ്പി​ച്ചു. (മത്താ. 9:9; ലൂക്കൊ. 19:1-10; യോഹ. 4:6-15) ചില പ്രസാ​ധകർ പ്രസം​ഗി​ക്കു​ന്ന​തി​നുള്ള അവസരങ്ങൾ എങ്ങനെ സൃഷ്ടി​ക്കു​ന്നു​വെന്നു നോക്കുക.

²⁸ സ്‌കൂൾ കവാട​ത്തി​ങ്കൽ തങ്ങളുടെ കുട്ടി​കൾക്കാ​യി കാത്തു​നിൽക്കുന്ന മാതാ​പി​താ​ക്ക​ളോ​ടു സാക്ഷീ​ക​രി​ക്കു​ന്നതു ചിലർ പതിവാ​ക്കി​യി​രി​ക്കു​ന്നു. പല മാതാ​പി​താ​ക്ക​ളും 20-തോളം മിനിറ്റ്‌ നേരത്തെ വരുന്ന​തു​കൊണ്ട്‌ ഒരു തിരു​വെ​ഴു​ത്തു വിഷയ​ത്തെ​ക്കു​റി​ച്ചുള്ള ഉത്സാഹ​ഭ​രി​ത​മായ സംഭാ​ഷ​ണ​ത്തിൽ അവരെ ഉൾപ്പെ​ടു​ത്താൻ സമയമു​ണ്ടാ​യി​രി​ക്കും.

²⁹ നമ്മുടെ മാസി​ക​ക​ളിൽ പ്രതി​പാ​ദി​ച്ചി​രി​ക്കുന്ന ഏതെങ്കി​ലും പ്രത്യേക വിഷയ​ത്തിൽ വിശേ​ഷ​മായ താത്‌പ​ര്യം കാണി​ക്കുന്ന ആളുക​ളു​ടെ അടുക്കൽ എത്തി​ച്ചേ​രാൻ പല പയനി​യർമാ​രും ബോധ​പൂർവ​ക​മായ പ്രത്യേക ശ്രമം നടത്തുന്നു. ഉദാഹ​ര​ണ​ത്തിന്‌, ഒരു സഹോ​ദരി തന്റെ സഭാ​പ്ര​ദേ​ശത്തെ ആറ്‌ സ്‌കൂ​ളു​ക​ളിൽ, “സ്‌കൂ​ളു​കൾ പ്രതി​സ​ന്ധി​യിൽ” എന്ന ലേഖനം വന്ന 1995 ഡിസംബർ 22-ലെ ഉണരുക! സഹിതം സന്ദർശനം നടത്തി​യ​പ്പോൾ നല്ല പ്രതി​ക​രണം ലഭിച്ചു. കുടും​ബ​ജീ​വി​ത​ത്തെ​യും ശിശു​ദ്രോ​ഹ​ത്തെ​യും കുറിച്ചു പ്രതി​പാ​ദി​ക്കുന്ന മാസി​ക​ക​ളു​മാ​യി ആരോ​ഗ്യ​കേ​ന്ദ്ര​ങ്ങ​ളി​ലും സഹോ​ദരി സന്ദർശനം നടത്തി. സമാന​മായ വിഷയങ്ങൾ പ്രതി​പാ​ദി​ക്കുന്ന ലക്കങ്ങളു​മാ​യി മടങ്ങി​ച്ചെ​ല്ലു​ന്ന​തി​നു സ്ഥിരമായ ഒരു അപ്പോ​യിൻമെൻറ്‌ ആ സഹോ​ദ​രി​ക്കു ലഭിച്ചു. എംപ്ലോ​യ്‌മെൻറ്‌ ഓഫീസ്‌ സന്ദർശി​ച്ച​പ്പോൾ, തൊഴി​ലി​ല്ലാ​യ്‌മ​യെ​ക്കു​റി​ച്ചു പ്രതി​പാ​ദി​ക്കുന്ന 1996 മാർച്ച്‌ 8 ഉണരുക!യ്‌ക്ക്‌ “ഗംഭീരം” എന്ന പ്രതി​ക​ര​ണ​മാ​യി​രു​ന്നു ആ സഹോ​ദ​രി​ക്കു ലഭിച്ചത്‌.

³⁰ പലവക സാധനങ്ങൾ വാങ്ങാൻ പോകു​മ്പോൾ താനും ഭാര്യ​യും പതിവാ​യി അനൗപ​ചാ​രിക സാക്ഷീ​ക​രണം നടത്തു​ന്നു​വെന്ന്‌ ഒരു ഡിസ്‌ട്രി​ക്‌റ്റ്‌ മേൽവി​ചാ​രകൻ റിപ്പോർട്ടു ചെയ്യുന്നു. കടകളിൽ വളരെ തിരക്കി​ല്ലാത്ത സമയത്താ​യി​രി​ക്കും അവർ സാധനങ്ങൾ വാങ്ങാൻ പോകുക. ഉപഭോ​ക്താ​ക്കൾ ശാന്തരാ​യി അങ്ങുമി​ങ്ങും നടക്കു​ന്നു​ണ്ടാ​യി​രി​ക്കാം. നല്ല പല സംഭാ​ഷ​ണ​ങ്ങ​ളും നടത്തി​യ​താ​യി അവർ പറയുന്നു.

³¹ തിയേ​റ്റ​റു​കൾ, അലക്കു​ശാ​ലകൾ, ക്ലിനി​ക്കു​കൾ, ആശുപ​ത്രി​കൾ എന്നിവ​യു​ടെ​യൊ​ക്കെ വെളി​യി​ലോ സമീപ​ത്തോ സാക്ഷീ​ക​രണം നടത്തു​ന്ന​തി​നാൽ പല പ്രസാ​ധ​കർക്കും നല്ല ഫലങ്ങൾ ലഭിക്കു​ന്നുണ്ട്‌. ആശുപ​ത്രി​ക​ളു​ടെ​യും ക്ലിനി​ക്കു​ക​ളു​ടെ​യും കാര്യ​ത്തി​ലാ​ണെ​ങ്കിൽ, അവർ ലഘു​ലേ​ഖ​ക​ളോ പഴയ മാസി​ക​ക​ളോ റിസെ​പ്‌ഷൻ സ്ഥലത്തു വെറുതെ ഇട്ടേച്ചു​പോ​കു​ന്നില്ല. അവരുടെ ഉദ്ദേശ്യം ആളുക​ളു​ടെ അടുക്കൽ സുവാർത്ത എത്തിക്കുക എന്നതാണ്‌. ഉചിത​മാ​യി​രി​ക്കു​ന്നി​ടത്ത്‌, തിരക്കി​ല്ലാ​ത്ത​വ​രും സംഭാ​ഷണം നടത്താൻ ഒരുക്ക​മു​ള്ള​വ​രു​മാ​യി അവർ വ്യക്തി​പ​ര​മായ സംസാ​ര​ത്തിൽ ഏർപ്പെ​ടു​ന്നു.

³² ചില പ്രദേ​ശ​ങ്ങ​ളിൽ, റെയിൽവേ​സ്റ്റേ​ഷ​നു​കൾക്കോ ബസ്സ്‌സ്റ്റാൻഡു​കൾക്കോ സമീപ​ത്തുള്ള ആളുക​ളു​മാ​യി പ്രസാ​ധകർ സംസാ​രി​ക്കു​ന്നു. അത്തരം സ്ഥലങ്ങളിൽ അനാവ​ശ്യ​മാ​യി പ്രവേ​ശി​ക്കു​ന്ന​തും അധിക​സ​മയം തങ്ങുന്ന​തും നിയമ​പ​ര​മാ​യി നിരോ​ധി​ച്ചി​രി​ക്കു​ന്ന​തി​നാ​ലും പ്ലാറ്റ്‌ഫോ​മിൽ മാസി​കകൾ വിതരണം ചെയ്യു​ന്നത്‌ നിയവി​രു​ദ്ധ​മാ​യി​രി​ക്കാ​മെ​ന്ന​തി​നാ​ലും ട്രെയിൻ വരു​മ്പോൾ ആരെ​യെ​ങ്കി​ലും കാണാ​നാ​യി കാത്തു​നിൽക്കു​ക​യോ മയമു​ള്ള​വ​രാ​യും തിരക്കി​ല്ലാ​തെ​യും കാണ​പ്പെ​ടു​ക​യോ ചെയ്യുന്ന ആളുകളെ പ്രസാ​ധകർ നയപൂർവം സമീപി​ക്കു​ന്നു.

³³ ഉയർന്ന സുരക്ഷി​തത്വ സംവി​ധാ​ന​ങ്ങ​ളുള്ള അപ്പാർട്ട്‌മെൻറു​ക​ളി​ലും കോള​നി​ക​ളി​ലും വ്യക്തി​പ​ര​മാ​യി സാക്ഷീ​ക​രണം നടത്താൻ അനുവാ​ദ​മി​ല്ലെ​ങ്കിൽ, ഡ്യൂട്ടി​യി​ലാ​യി​രി​ക്കുന്ന പാറാ​വു​കാർക്കോ കോള​നി​യു​ടെ മാനേ​ജർമാർക്കോ നയപൂർവം സാക്ഷ്യം കൊടു​ക്കു​ന്നത്‌ ഒരു ശീലമാ​ക്കു​ന്നു. സുരക്ഷാ​ഗേ​റ്റു​കൾവഴി പൊതു പ്രവേ​ശനം നിരോ​ധി​ച്ചി​രി​ക്കുന്ന സ്വകാര്യ പാർപ്പി​ട​പ്ര​ദേ​ശ​ത്തോ കമ്പനി​ക​ളു​ടെ സംരക്ഷിത പാർപ്പി​ട​പ്ര​ദേ​ശ​ത്തോ അതേ രീതി​തന്നെ അവലം​ബി​ക്കാ​വു​ന്ന​താണ്‌. ഈ വിധത്തിൽ ഒരു സർക്കിട്ട്‌ മേൽവി​ചാ​ര​ക​നും ഏതാനും പ്രസാ​ധ​ക​രും ഏഴു കെട്ടി​ട​സ​മു​ച്ച​യങ്ങൾ സന്ദർശി​ച്ചു. ഓരോ കേസി​ലും, നമ്മുടെ സാധാരണ രീതി​യ​നു​സ​രി​ച്ചു വീടു​ക​ളിൽ സന്ദർശി​ക്കാൻ അനുവ​ദി​ച്ചി​ട്ടി​ല്ലെ​ങ്കി​ലും ഏറ്റവും പുതിയ പത്രി​ക​ക​ളി​ലെ വിവരങ്ങൾ അദ്ദേഹ​ത്തി​നു നഷ്ടമാ​കാൻ തങ്ങൾ ആഗ്രഹി​ക്കു​ന്നില്ല എന്ന്‌ അവർ പറഞ്ഞു. എല്ലാ കെട്ടി​ട​സ​മു​ച്ച​യ​ങ്ങ​ളി​ലു​മുള്ള മാനേ​ജർമാർ മാസി​കകൾ സന്തോ​ഷ​പൂർവം സ്വീക​രി​ച്ചു​വെന്നു മാത്രമല്ല അടുത്ത ലക്കങ്ങൾ ആവശ്യ​പ്പെ​ടു​ക​യും ചെയ്‌തു! അത്തരം കെട്ടി​ട​സ​മു​ച്ച​യ​ങ്ങ​ളി​ലുള്ള നിവാ​സി​കളെ കത്തിലൂ​ടെ​യോ ഫോണി​ലൂ​ടെ​യോ ബന്ധപ്പെ​ടാൻ സാധി​ക്കും.

³⁴ എവി​ടെ​യും പ്രസം​ഗി​ക്കാൻ തീവ്ര​ശ്രമം നടത്തുക: നമ്മുടെ സമർപ്പ​ണ​ത്തി​നൊ​ത്തു ജീവി​ക്കു​ന്ന​തിൽ രാജ്യ​സ​ന്ദേശം പ്രസം​ഗി​ക്കാ​നുള്ള നമ്മുടെ നിയമനം സംബന്ധിച്ച്‌ അടിയ​ന്തി​ര​താ​ബോ​ധം തോന്നു​ന്നത്‌ ഉൾപ്പെ​ടു​ന്നു. ഈ രാജ്യത്ത്‌ നാം പല ആളുക​ളെ​യും അവരുടെ വീട്ടിൽവെച്ചു കണ്ടുമു​ട്ടു​ന്നു​വെ​ങ്കി​ലും, ആളുകൾക്കു സൗകര്യ​പ്ര​ദ​മായ ഒരു സമയത്ത്‌ കൂടുതൽ പേരുടെ അടുക്കൽ എത്തി​ച്ചേ​രാൻ, “ഏതുവി​ധ​ത്തി​ലും ചിലരെ രക്ഷി​ക്കേ​ണ്ട​തി​ന്നു” വ്യക്തി​പ​ര​മായ അഭീഷ്ടങ്ങൾ മാറ്റി​വെ​ക്കേ​ണ്ട​തുണ്ട്‌. അപ്പോ​സ്‌ത​ല​നായ പൗലൊസ്‌ പറഞ്ഞതു​പോ​ലെ പറയാൻ യഹോ​വ​യു​ടെ എല്ലാ സമർപ്പിത ദാസരും ആഗ്രഹി​ക്കു​ന്നു: “സുവി​ശേ​ഷ​ത്തിൽ ഒരു പങ്കാളി​യാ​കേ​ണ്ട​തി​ന്നു ഞാൻ സകലവും സുവി​ശേഷം നിമിത്തം ചെയ്യുന്നു.”—1 കൊരി. 9:22, 23.

³⁵ പൗലൊസ്‌ കൂടു​ത​ലാ​യി ഇങ്ങനെ എഴുതി: “ആകയാൽ ക്രിസ്‌തു​വി​ന്റെ ശക്തി എന്റെമേൽ ആവസി​ക്കേ​ണ്ട​തി​ന്നു ഞാൻ അതിസ​ന്തോ​ഷ​ത്തോ​ടെ എന്റെ ബലഹീ​ന​ത​ക​ളിൽ പ്രശം​സി​ക്കും. . . . ബലഹീ​ന​നാ​യി​രി​ക്കു​മ്പോൾ തന്നേ ഞാൻ ശക്തനാ​കു​ന്നു.” (2 കൊരി. 12:9, 10) മറ്റു വാക്കു​ക​ളിൽ പറഞ്ഞാൽ, സ്വന്തശ​ക്തി​കൊണ്ട്‌ നമ്മിലാർക്കും ഈ വേല നിർവ​ഹി​ക്കാൻ സാധ്യമല്ല. യഹോ​വ​യു​ടെ ശക്തമായ പരിശു​ദ്ധാ​ത്മാ​വി​നാ​യി നാം പ്രാർഥി​ക്കേ​ണ്ട​തുണ്ട്‌. നാം ശക്തിക്കാ​യി ദൈവ​ത്തോ​ടു പ്രാർഥി​ക്കു​ന്നു​വെ​ങ്കിൽ, അവൻ നമ്മുടെ പ്രാർഥ​ന​കൾക്ക്‌ ഉത്തരം നൽകു​മെന്ന്‌ ഉറപ്പു​ണ്ടാ​യി​രി​ക്കാൻ സാധി​ക്കും. അപ്പോൾ ആളുക​ളോ​ടുള്ള സ്‌നേഹം, അവരെ എവിടെ കണ്ടാലും അവരോ​ടു സുവാർത്ത പ്രസം​ഗി​ക്കു​ന്ന​തി​നുള്ള അവസര​ത്തി​നാ​യി നോക്കി​പ്പാർത്തി​രി​ക്കാൻ നമ്മെ പ്രേരി​പ്പി​ക്കും. വരുന്ന ആഴ്‌ച​യിൽ, ഈ അനുബ​ന്ധ​ത്തിൽ കൊടു​ത്തി​രി​ക്കുന്ന നിർദേ​ശ​ങ്ങ​ളി​ലൊന്ന്‌ ശ്രമി​ച്ചു​നോ​ക്ക​രു​തോ?