ചോദ്യ​പ്പെ​ട്ടി

◼ യോഗ​ങ്ങ​ളിൽ ഖണ്ഡികകൾ വായി​ക്കു​ന്നതു സംബന്ധിച്ച്‌ എന്ത്‌ ഓർമി​ക്കേ​ണ്ട​തുണ്ട്‌?

വീക്ഷാ​ഗോ​പുര അധ്യയ​ന​ത്തി​നും സഭാ പുസ്‌ത​കാ​ധ്യ​യ​ന​ത്തി​നും നിയമി​ച്ചി​ട്ടുള്ള സമയത്തി​ന്റെ നല്ലൊരു ഭാഗം ഖണ്ഡികകൾ വായി​ക്കു​ന്ന​തിന്‌ ഉപയോ​ഗി​ക്കു​ന്നു. വായന​ക്കാ​ര​നാ​യി നിയമ​ന​മുള്ള സഹോ​ദരൻ ഒരു അധ്യാ​പ​ക​നെ​ന്ന​നി​ല​യിൽ ഭാരിച്ച ഉത്തരവാ​ദി​ത്വം വഹിക്കു​ന്നു​വെന്ന്‌ ഇത്‌ അർഥമാ​ക്കു​ന്നു. ശ്രോ​താ​ക്കൾ വിഷയം ഗ്രഹി​ക്കുക മാത്രമല്ല പ്രവർത്ത​ന​ത്തി​നു പ്രചോ​ദി​പ്പി​ക്ക​പ്പെ​ടു​ക​യും ചെയ്യേ​ണ്ട​തിന്‌ അദ്ദേഹം വിഷയ​ത്തിന്‌ ‘അർഥം നൽകുന്ന’ ഒരു വിധത്തിൽ വായി​ക്കണം. (നെഹെ. 8:8, NW) അതു​കൊണ്ട്‌, വായന​ക്കാ​രൻ തന്റെ നിയമനം നന്നായി തയ്യാറാ​കേണ്ട ആവശ്യ​മുണ്ട്‌. (1 തിമൊ. 4:13; സ്‌കൂൾ ഗൈഡ്‌ബു​ക്ക​ന്റെ 6-ാം പാഠം കാണുക.) അർഥവ​ത്തായ പരസ്യ​വാ​യ​ന​യു​ടെ ചില അടിസ്ഥാ​ന​ങ്ങ​ളാണ്‌ ഇവിടെ നൽകി​യി​രി​ക്കു​ന്നത്‌.

ഉചിത​മാ​യി അർഥം ഊന്നി​പ്പ​റ​യുക: കൃത്യ​മായ ഗ്രാഹ്യം പകരു​ന്ന​തിന്‌ ഏതു പദങ്ങൾക്ക്‌ അല്ലെങ്കിൽ പദപ്ര​യോ​ഗ​ങ്ങൾക്ക്‌ ഊന്നൽ നൽകണ​മെന്നു മുന്നമേ തീരു​മാ​നി​ക്കുക.

വാക്കുകൾ ശരിയാ​യി ഉച്ചരി​ക്കുക: പ്രസി​ദ്ധീ​ക​ര​ണ​ത്തിൽ കാണുന്ന പ്രയോ​ഗങ്ങൾ സദസ്സിനു മനസ്സി​ലാ​ക​ണ​മെ​ങ്കിൽ ഉചിത​മായ ഉച്ചാര​ണ​വും വ്യക്തമായ പ്രസ്‌താ​വ​വും അത്യാ​വ​ശ്യ​മാണ്‌. അപരി​ചി​ത​മോ വിരള​മാ​യി ഉപയോ​ഗി​ക്കു​ന്ന​തോ ആയ വാക്കുകൾ നിഘണ്ടു​വിൽ നോക്കുക.

ശബ്ദത്തോ​ടെ​യും ഉത്സാഹ​ത്തോ​ടെ​യും പറയുക: ഉത്സാഹ​പൂർവം ഉച്ചത്തിൽ പറയു​ന്നത്‌ താത്‌പ​ര്യം ജനിപ്പി​ക്കു​ക​യും വികാ​ര​ങ്ങളെ ഉത്തേജി​പ്പി​ക്കു​ക​യും കേൾവി​ക്കാ​രനു പ്രേരണ നൽകു​ക​യും ചെയ്യുന്നു.

ഊഷ്‌മ​ള​ത​യും സംഭാ​ഷ​ണ​ശൈ​ലി​യും ഉള്ളവരാ​യി​രി​ക്കുക: സ്വാഭാ​വി​കത ഒഴുക്കി​നോ​ടൊ​പ്പം വരുന്നു. തയ്യാറാ​ക​ലും പരിശീ​ല​ന​വും​കൊണ്ട്‌ വായന​ക്കാ​രനു പിരി​മു​റു​ക്കം ഇല്ലാത്ത​വ​നാ​യി​രി​ക്കാൻ കഴിയും. ഒരേ സ്വരത്തി​ലു​ള്ള​തും വിരസ​മ​ല്ലാ​ത്ത​തു​മായ ഹൃദ്യ​മായ വായന​യാ​യി​രി​ക്കും അതിന്റെ ഫലം.—ഹബ. 2:2.

അച്ചടി​ച്ചി​രി​ക്കു​ന്ന​തു​പോ​ലെ വായി​ക്കുക: അടിക്കു​റി​പ്പു​ക​ളും വലയങ്ങ​ളി​ലോ ബ്രായ്‌ക്ക​റ്റു​ക​ളി​ലോ ഉള്ള വിവര​ങ്ങ​ളും അച്ചടി​ച്ചി​രി​ക്കുന്ന പാഠഭാ​ഗത്തെ കൂടുതൽ വ്യക്തമാ​ക്കു​ന്നെ​ങ്കിൽ അവ സാധാ​ര​ണ​മാ​യി ഉച്ചത്തിൽ വായി​ക്കു​ന്നു. ഉത്ഭവവി​ഷ​യത്തെ തിരി​ച്ച​റി​യി​ക്കു​ക​മാ​ത്രം ചെയ്യുന്ന പരാമർശ​ന​ങ്ങ​ളാണ്‌ ഏക ഒഴിവ്‌. ഖണ്ഡിക​യിൽ അടിക്കു​റി​പ്പി​നെ പരാമർശി​ച്ചി​രി​ക്കുന്ന ഭാഗ​ത്തെ​ത്തു​മ്പോൾ അതു വായി​ക്കണം. “അടിക്കു​റിപ്പ്‌ ഇങ്ങനെ വായി​ക്കു​ന്നു . . .” എന്ന്‌ ആമുഖ​മാ​യി പറഞ്ഞു​കൊണ്ട്‌ അതു ചെയ്യാ​വു​ന്ന​താണ്‌. അതു വായി​ച്ചു​ക​ഴിഞ്ഞ്‌, ഖണ്ഡിക​യു​ടെ ശേഷിച്ച ഭാഗത്തി​ന്റെ വായന തുടരുക.

പരസ്യ​വാ​യന നന്നായി ചെയ്യു​മ്പോൾ അത്‌, നമ്മുടെ മഹാഗു​രു “കല്‌പി​ച്ചതു ഒക്കെയും പ്രമാ​ണി​പ്പാൻ” മറ്റുള്ള​വരെ നമുക്കു പഠിപ്പി​ക്കാൻ കഴിയുന്ന മർമ​പ്ര​ധാ​ന​മായ മാർഗ​ങ്ങ​ളിൽ ഒന്നാണ്‌.—മത്താ. 28:20.