മനസ്സോ​ടെ നമ്മെത്തന്നെ അർപ്പിക്കൽ

¹ യഹോ​വ​യു​ടെ ജനം “തങ്ങളെ​ത്തന്നെ സ്വമേ​ധയാ അർപ്പി​ക്കു​മെന്ന്‌,” അതായത്‌ “പ്രവർത്തന സന്നദ്ധരായ സ്വമേ​ധയാ സേവകരെ”പോലെ ആയിരി​ക്കു​മെന്നു സങ്കീർത്ത​ന​ക്കാ​ര​നായ ദാവീദ്‌ പ്രവചി​ച്ചു. (സങ്കീ. 110:3, NW അടിക്കു​റിപ്പ്‌) നമ്മുടെ ലോക​വ്യാ​പക സഹോ​ദ​ര​വർഗ​ത്തി​നി​ട​യിൽ ഇതു തീർച്ച​യാ​യും നിവൃ​ത്തി​യേ​റി​ക്കൊ​ണ്ടി​രി​ക്കു​ന്നു. രാജ്യ​ത്തി​ന്റെ സുവാർത്ത പ്രചരി​പ്പി​ക്കു​ന്ന​തിന്‌, കഴിഞ്ഞ നാലു സേവന വർഷങ്ങ​ളിൽ ഓരോ​ന്നി​ലും യഹോ​വ​യു​ടെ ജനം നൂറു കോടി​യി​ല​ധി​കം മണിക്കൂർ വീതം അർപ്പി​ച്ചി​രി​ക്കു​ന്നു. പ്രസം​ഗ​വേ​ല​യ്‌ക്കും ശിഷ്യ​രാ​ക്കൽവേ​ല​യ്‌ക്കും പുറമേ, മറ്റുള്ള​വരെ സഹായി​ക്കാൻ നമ്മെത്തന്നെ മനസ്സോ​ടെ അർപ്പി​ക്കാ​വുന്ന അനവധി വിധങ്ങ​ളുണ്ട്‌.

² നമുക്കു മനസ്സൊ​രു​ക്കം കാണി​ക്കാ​വുന്ന മാർഗങ്ങൾ: യോഗ​ങ്ങൾക്ക്‌ എത്തി​ച്ചേ​രു​ന്ന​തി​നു സഭയി​ലുള്ള ചിലർക്കു സഹായ​മാ​വ​ശ്യ​മാ​യി​രു​ന്നേ​ക്കാം. അവരെ നിങ്ങ​ളോ​ടൊ​പ്പം കൊണ്ടു​വ​രു​ന്ന​തിന്‌ എന്തു​കൊ​ണ്ടു സ്വമേ​ധയാ മുന്നോ​ട്ടു​വ​ന്നു​കൂ​ടാ? മറ്റുചി​ലർ രോഗി​ക​ളോ ശാരീ​രി​ക​മാ​യി ബലഹീ​ന​രോ ആശുപ​ത്രി​യിൽ കിടക്കു​ന്ന​വ​രോ ആയിരി​ക്കാം. അവരെ സന്ദർശി​ക്കു​ന്ന​തി​നോ ഏതെങ്കി​ലും വിധത്തി​ലുള്ള സഹായം ചെയ്യു​ന്ന​തി​നോ നിങ്ങൾക്കു മുൻ​കൈ​യെ​ടു​ക്കാ​നാ​കു​മോ? പ്രോ​ത്സാ​ഹനം ആവശ്യ​മുള്ള ഒരു വ്യക്തി​യോ കുടും​ബ​മോ ഉണ്ടായി​രി​ക്കാം. ഇടയ്‌ക്കി​ടെ നിങ്ങളു​ടെ കുടുംബ അധ്യയ​ന​ത്തിൽ പങ്കുപ​റ്റാൻ അവരെ ക്ഷണിക്കു​ന്ന​തി​നെ​ക്കു​റി​ച്ചു നിങ്ങൾ ചിന്തി​ച്ചി​ട്ടു​ണ്ടോ? ഒരു പയനി​യർക്കോ പ്രസാ​ധ​ക​നോ ശുശ്രൂ​ഷ​യിൽ ഒരു സഹകാ​രി​യു​ടെ ആവശ്യ​മു​ണ്ടാ​യി​രി​ക്കാം. സേവന​ത്തിൽ ഒരുമി​ച്ചു പ്രവർത്തി​ക്കാ​മെന്ന്‌ എന്തു​കൊ​ണ്ടു വാഗ്‌ദാ​നം ചെയ്‌തു​കൂ​ടാ? വിശ്വാ​സ​ത്തിൽ നമ്മോടു ബന്ധപ്പെ​ട്ടി​രി​ക്കു​ന്ന​വർക്കു സ്വമന​സ്സാ​ലെ നന്മചെ​യ്യാൻ നമുക്കു കഴിയുന്ന ചില മാർഗ​ങ്ങ​ളാണ്‌ ഇവ.—ഗലാ. 6:10.

³ മൂപ്പൻമാർക്കും ശുശ്രൂ​ഷാ​ദാ​സൻമാർക്കും വേണ്ട അനിവാ​ര്യ യോഗ്യ​തകൾ നേടാൻ പരി​ശ്ര​മി​ച്ചു​കൊണ്ട്‌, യഹോ​വ​യു​ടെ സ്ഥാപന​ത്തിൽ ഉപയോ​ഗി​ക്ക​പ്പെ​ടാ​നുള്ള തങ്ങളുടെ മനസ്സൊ​രു​ക്കം സഹോ​ദ​രൻമാർക്കു പ്രകട​മാ​ക്കാ​വു​ന്ന​താണ്‌. (1 തിമൊ. 3:2-10, 12, 13; തീത്തൊ. 1:5-9) നാം എണ്ണത്തിൽ ഇടതട​വി​ല്ലാ​തെ വർധി​ക്കവേ, പ്രസം​ഗ​ത്തി​ലും പഠിപ്പി​ക്ക​ലി​ലും സഭയെ മേയി​ക്കു​ന്ന​തി​ലും നേതൃ​ത്വം വഹിക്കാൻ മനസ്സൊ​രു​ക്ക​മുള്ള യോഗ്യ​ത​യുള്ള സഹോ​ദ​രൻമാ​രു​ടെ ആവശ്യ​മുണ്ട്‌.—1 തിമൊ. 3:1.

⁴ ഇടയ്‌ക്കി​ടെ സഹായ പയനി​യർമാ​രാ​യി പേർ ചാർത്തി​ക്കൊണ്ട്‌ ഒരുപക്ഷേ നമ്മിൽ ചിലർക്കു യഹോ​വ​യു​ടെ സേവന​ത്തി​നു​വേണ്ടി വർധിച്ച അളവിൽ തങ്ങളെ​ത്തന്നെ ലഭ്യമാ​ക്കാ​നാ​വും. പിന്നീട്‌, നമ്മുടെ പട്ടിക​യിൽ ചുരുക്കം ചില ന്യായ​യു​ക്ത​മായ ക്രമീ​ക​ര​ണങ്ങൾ വരുത്തി​ക്കൊണ്ട്‌, തുടർച്ച​യാ​യി അതു ചെയ്യാ​നും അല്ലെങ്കിൽ നിരന്തര പയനിയർ സേവനം ഏറ്റെടു​ക്കാൻപോ​ലും നമുക്കു കഴി​ഞ്ഞേ​ക്കാം. സഹായ​ത്തി​ന്റെ വർധിച്ച ആവശ്യ​മുള്ള ഒരു സ്ഥലത്തേക്കു നീങ്ങു​വാൻ പറ്റുന്ന​താ​ണോ നമ്മുടെ സാഹച​ര്യ​ങ്ങൾ? ബെഥേ​ലിൽ സേവി​ക്കാ​നും അങ്ങനെ ലോക​വ്യാ​പക വേലയു​ടെ പുരോ​ഗ​തി​ക്കു നേരിട്ട്‌ ആക്കംകൂ​ട്ടാ​നും നമ്മെത്തന്നെ ലഭ്യമാ​ക്കാൻ നമുക്കാ​വു​മോ? ലോക​ത്തി​നു ചുറ്റു​മുള്ള, രാജ്യ​ഹാ​ളു​കൾ, സമ്മേള​ന​ഹാ​ളു​കൾ, ബ്രാഞ്ച്‌ സൗകര്യ​ങ്ങൾ എന്നിവ​യു​ടെ നിർമാ​ണ​ത്തി​ലും ധാരാളം വേല നടന്നു​കൊ​ണ്ടി​രി​ക്കു​ന്നു. ജോലി​ചെ​യ്യു​ന്ന​തി​നുള്ള മനസ്സൊ​രു​ക്കം വളരെ​യ​ധി​കം ആവശ്യ​മുള്ള ഒരു മണ്ഡലമാ​ണിത്‌. ഈ വിശിഷ്ട വേലകൾക്കാ​യി തങ്ങളെ​ത്തന്നെ അർപ്പി​ച്ചി​ട്ടു​ള്ളവർ അതിയാ​യി വിലമ​തി​ക്ക​പ്പെ​ടു​ന്നു, അവർ സമൃദ്ധ​മാ​യി അനു​ഗ്ര​ഹി​ക്ക​പ്പെ​ടു​ക​യും ചെയ്‌തി​രി​ക്കു​ന്നു!—ലൂക്കൊ. 6:38.

⁵ പുളകം കൊള്ളി​ക്കുന്ന നാളു​ക​ളാ​ണിവ. തന്റെ ആത്മാവു മുഖാ​ന്തരം, മനസ്സൊ​രു​ക്ക​മുള്ള തന്റെ ജനത്തെ​ക്കൊണ്ട്‌ യഹോവ ഭൂമി​യിൽ അത്ഭുത​ക​ര​മായ ഒരു വേല നിർവ​ഹി​ക്കു​ന്നു! വർധി​ത​മായ രാജ്യ​പ്ര​വർത്ത​ന​ത്തിൽ പങ്കെടു​ക്കാൻ യഹോവ തന്റെ സ്ഥാപന​ത്തി​ലൂ​ടെ ക്ഷണം വെച്ചു​നീ​ട്ടു​മ്പോ​ഴെ​ല്ലാം, ‘ഞാൻ ഇപ്പോ​ഴും എന്നെത്തന്നെ മനസ്സോ​ടെ അർപ്പി​ക്കു​ന്നു​വോ?’ എന്നു നമ്മോ​ടു​തന്നെ ചോദി​ക്കു​ന്നതു നല്ലതാണ്‌. എന്നിട്ട്‌, നാം നമ്മുടെ ഹൃദയ​ത്തെ​യും സാഹച​ര്യ​ങ്ങ​ളെ​യും പ്രാർഥ​നാ​പൂർവം പരി​ശോ​ധി​ക്കണം. വിശുദ്ധ സേവന​ത്തിൽ നമ്മാലാ​വു​ന്ന​തെ​ല്ലാം ചെയ്യാൻ നമ്മുടെ ദൈവി​ക​ഭക്തി നമ്മെ പ്രേരി​പ്പി​ക്കും. അങ്ങനെ നാം യഹോ​വ​യു​ടെ ഹൃദയത്തെ വളരെ​യ​ധി​കം സന്തോ​ഷി​പ്പി​ക്കും!—സെഫ. 3:17.